استاذنا الكتيابي ...نحن اليك يااريب

سلامات
اقف علي الرصيف كل يوما لارمق جهابزة البورد من علي البعد حتي امعن النظر والتملي في انفعالاتهم دون ان يلحظني احد
وقفت قبل يومين ورمقته اي البورد بي قعر عيني كدا فوجدت ان اديبنا اريبنا السامق الكتيابي في غياب
امنيتي ان تكون بخير استاذ الكتيابي وان يكون كل من تحبهم بالف خير
لك الشوق والود

اخي ود رمليه
الليله ما نديك عين
شايفك منور البورد
يا اديب
انشاء الله دايما تبطل متاوقه
والله انا شايف جواك كتير بس ما عارف ليه انت بخيل علينا
ان شخصا بقامتك يتزوق و يتنفس الابداع كما نعرفك لابد وان يمارسه وينثره القا ولا بد للنهر من الفيضان
و لا انت رايك شنو
كل الود والتحايا
اشارك السوال عن كل الغائبين

ود رملية لك التحية
انا ايضاً افتقد بشده توثيقه الراقص وحضوره المموسق
ليته يعود
امنياتنا له بالخير كله

تسلم يا ود رمليه ..وكل سنه وانت طيب .. ايهاب والجندريه سلام وكل سنة وانتو طيبين
اضم صوتى لى صوتك يا ود رمليه ..واسال منك يا عصارة الفكر النادر ..كل البوادى والبنادر ..
وبنقول ليك تعال قرب وما تغادر ..ما تغادر
يديك العافيه استاذنا كتيابى وكل سنة وانت طيب وربنا يحقق كل امنياتك
التحيه لكم جميعا

العــزيز ود رمليه ..
أستاذنا عبد القادر الكتيابي موجود في دبي حاليا ..
انقطع الفترة السابقة لفتره بسبب اجراءات الرحيل من أبوظبي الي دبي ..
هكذا أخبرني في اتصال هاتفي قريب ..
معبرا عن مدي انشغاله بقوله أنه ما قادر حتي يتأكد من ايميلو ..
فله مننا كل الحب و نتمني أن تزول مشغولياته في أقرب وقت و يعود الينا في حلته البهية من جديد ..

مـــودك

سلامات
ايهاب الغالي علينا
شكرا ايه الاسمر الواضح فهل تركت شيء لي سوى الخجل
شكرا لك ياحبيب
الفكرة الراقية
الجندرية
ابنة بلدي الاصلية الفتية المتقدة الفكر والفكرة كلنا نشتاق الي الكتيابي ونفتقده ان وثق او لم يوثق
فهل ياترى هناك اجمل من ان نوثق له في ارواحنا
شكرا لك
الاديبة الراقية
سوما
اعلم انني ليس اول من سال عن الحبيب الكتيابي فكلكم سؤال وكلنا سئالييين وين قصايدك العجيبة البتذكرنا بي بلدنا وبي الطواحين وصوت السواقي وريحت الدعاش
شكرا لك
الحبيب ابدا
موديك
ياخرافي
شكرا ليك علي المعلومة ورجائي ان تبلغه سلامنا
وانت
كيفك كويس ياموديك
مشتاق ليك تصدق بالله نفسي اشوفك واسمع صوتك
يااصيل ياعميق
شكرا لك
شكرا لله

العزيز ود رملية ...
أشكرك عميقا لسؤالك عني ..
و أنا ايضا أتمني أن اجتمع يوما ما بك و بجميع الرائعين
لك مني كثيف الود ..

أخوك .. مــودك

سلامات
عزيزي الكتيابي
مازلت احن اليك واشتهي حروفك الجميلة
فصف لي الدواء قبل ان يستحكم الداء
مع خالص ودي ومطلق امنياتي
عبدالرحيم ود أمنة الرملية