الاستاذ البدوى يوسف بالدوحة ..هلا ومرحب ..

وصل الى الدوحة يوم الخميس قادما من الخرطوم الاستاذ البدوى
يوسف مدير تحرير ا لراى العام وعضو المنبر فى زيارة قصيرة
الى الدوحة ..والبدوى ليس غريبا على الدوحة فقد سبق له ان عمل
بها لفترة ليست بالقصيرة ...

نقول الف مرحب بالاستاذ البدوى يوسف ونتمى له اقامة طيبة
فى دوحة الجميع ..وفى انتظار التنسيق للاحتفاء بضيوف الدوحة
من البورداب الذين شرفونا فى هذه الفترة ..الاستاذ بشرى الفاضل
والاستاذ البدوى يوسف والاستاذ ياسر مبيوع ..

سلامات
وعوافي
الحبيب محمد
ياسيدي الدوحة منورة "بعمدة شباب الصحافة السودانية" البدوي يوسف ..والدوحة ليس بغريبة علي البدوي الا ان الغريب عليها هو "غيابه" عنها لقرابة العام ونصف ..
سعيدين بي وجودو بينا يا محمد ومعاك للاحتفال بالبدوي يوسف هنا في الدوحة ..
ومرحبا ايضا بالدكتور بشرى الفاضل وهي ايضا فرصة للتعرف علي هذا الاديب الخلوق ..

أهلآ
بالإستاذ البدوي يوسف
بالدكتور بشرى الفاضل
بالإستاذ يوسف سعد

الدوحة نورت

***

الاعزاء
محمد عبد الرحمن
ود رملية
ابو ساندرا
الاخ العزيز البدوي يوسف شديد الامتنان للبوست والحفاوة البالغة التي لقيها بين ظهرانيكم .. وسعيد انا ان سبقتموني الى الترحيب به ..

نسعد كثيرا بحلول هذه الكوكبة الطيبة
من الاحباء ونتمنى لهم اياما حلوة وصحبة
جميلة
وقد اعاد حضور البدوى اياما من ماضى
جميل يستحق ان يتجدد والف مرحبا

مرحب بالاستاذ البدوي
والدوحة نورت والله...
وايضا نتشرف هذه الايام بتواجد الاديب بشري الفاضل
والاستاذ الرائع ناصر يوسف ذلك الشاب المدهش وتحدثنا عن جلسة بوردابية شاملة نتمني
ان تري النور قريبا...

الاخ محمد وودرملية المابكتر المحلبية والعالم البشارى
تحيتنا ...
وللبدوى تحية خاصة .. وبنقول ليهو ليك وحشه ياراجل .

اعزائي الافاضل
عثمان فضل الله وحسن البشاري والبدوي يوسف لماذا لا تزورونا في البحرين أن شاء الله يوم واحد لو ما كان خميس وجمعة وهو الدوحة والمنامة فركة رجل، انا اجازتي الاسبوعية يوم السبت مرحب بكم والله نكون سعداء للغاية..
خالد
موبايل
0097339064175

الاعزاء

ودرملية
ابوساندرا
حسن البشارى
عامر تيتاوى
عبدالكريم الامين
عثمان فضل الله
خالد ابواحمد

خالص تحياتى وشاكر جدا مروركم ...والف مرحب مرة تانية بسيد شباب الصحفيين
السودانيين ..

ودى ..

يااستاذ حسن البشاى ..

تحياتى ..

ياخى الزول دا ادونا فيهو فرقة ..كتبت البوست دا ولسه ماقابلتو
كل مااسال ودرملية يقول لى انا ذاتى مالامى فيهو ..بالله افرجو لينا
عنو يوم بكرة ... ويوم ا لجمعة بنخطط للاحتفاء به وبالضيوف رسميا ..

سلامات
وعوافي
عثمان فضل الله .."ودرملية المابكتر المحلبية"
يازول والله اخوك مجهز ليهو محلبية خليها ساكت ..وبعدين انا عاوز درس بتاع "غتاتة" من البدوي "كاستاذ مشارك"..
واستاذ الكرسي هو بلاشك "محمد عبدالرحمن" ولانو استاذ الكرسي اليومين دي في اجازة اتفقنا مع "بروف غتيت" البدوي في الفترة دي ينوب عن "ملك بروفات الغتاتة" محمد الانصاري..
علي العموم يا عثمان خالص التحايا ليك ولكل عصافير الراي العام الغريدة ..بعدين نشات الامام و ضياء بلال والبخاري كتر ليهم السلام باقيلك ديل ناس عزاز بالحيل..

يااستاذ عثمان ..

الله يسالنى ودرمليه دا رايحه ليهو (تشكرة ) ساكت ..
اسى جرب اقطع ليك اسم زول من راسك والله يجى داخل
ليك يمحنك ..ويشكك فى روحك دى ..

ياخى دا كتب يشكر فى بكرى الامين صاحبى دا ..لما حيرنى
ذاتو ..قعدت اقول ياربى دا بكرى الواحد دا ولا(بكريا )
تانى ...

ياخى الزول دا بكون اكبر مستهلك للمحلبية فى العالم العربى
وماجاوره ..لكن بينى وبينك البدوى بستاهل كتير المحلبية ..
خليهو يكتر ...قدر مايكتر ماحايوصف البدوى دا ...

سلامات
وعوافي

Quote: ياخى الزول دا بكون اكبر مستهلك للمحلبية فى العالم العربى وماجاوره

هاهاهاهاها يجازي محنك يا بروف غتاتة .. هاهاهاهاهاها والله "يو ميك ماي داي"..
يا العالم الاكبر "البشاري" اها البرنامج دا وقع ليك شوف فيصل خالد وادونا نتيجة سريعة عشان الناس تقوم بي اللازم وكدا ..
محبتي العالية

الاخ محمد عبد الرحمن
الاخ ود رملية
نحنا حاضرين ..
لكما محبتي

والله يالعالم البشارى كلام الله مابنابا لكين الفيك اتعرفت ياخى نحن بيقينا( الحاضرين) السلام ده حق المولى عز وجل كان تسلم ساكت..عموما كتر خيرك....
حاجة تانية انت البدوى ده حننتو والله شنو مالو مابدخل على المنبر ده يقول فيه احم والله دستور
ودرملية ما يمهك يازوووووووووووووول المحلبية شن نفرة ماهى شاااااايلة الهوا دفق قدر ما تقدر...
محمد عبد الرحمن
انت الناس العزاز عليهو بالحليل ديل لاقاهم يوم واحد جا للبدوى زيار ه فى الراى العام اه هسى تقول قرو مهاهو الابيتداى

سلامات
وعوافي
يا عثمان فضل الله ..
وحاتك وما طالبني حليفة "انا البيشبهني" ويجي يسلم علي اساس انو بيعرفني ويطلع مابعرفني "بفردوا طوالي" انت قايل الدنيا دي شنو .. يازول وعزة الله "دار خوة" دحين اخوك عايز "يقضيها محبة"..
بعدين قلتا لي الجماعة لاقيتم مرة واحدة هاهاهاهاهاهاهاهاهاهاهاهاهاهاهاهاهاها..
ياخي والله جننتوني انت والغتيت الاسمو الانصاري دا هاهاهاهاهاها"بعدين شكلك عضو اصيل في حزب الغتاتة"..اها ورووني اتفكا منكم كيف ياحبان .."علي الله" ..
بالله عليك الله سلم علي الجماعة ديل ياخي "سيب الكعابة بتاعتك دي .. وصل الامانة ..
اوكي يامحمد بكرة بعد المغرب بينا تلفون عشان ننسق مع البدوي ونشوفو وين ..
احبكم ..

أهلا ومرحبا بضيوف الدوحة، وتحية خاصة للبدوي يوسف، ويا ودرملية أطلعونا على البرنامج عسى أن نتمكن من الحضور للقاء الأحبة.

أهلا ومرحبا بضيوف الدوحة، وتحية خاصة للبدوي يوسف، ويا ودرملية أطلعونا على البرنامج عسى أن نتمكن من الحضور للقاء الأحبة.

ياودرملية ..

عشان امحنك ..بكرى الامين دا يومك القعدت (تكسر ليهو فى التلج)
اتصلت عليهو سألتو ..قلت ليهو ودرملية دا قاصدك ولاقاصد واحد تانى ..
قال لى (لا ياخى دا بكون قاصد بكرى ابوبكر ) ..