Post: #1
Title: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-06-2008, 07:45 PM
Parent: #0
كنت قد أكملت لتوي التاسعة عشر... شابة... يانعة... وواقفة تنتظر بوجل على أبواب المستقبل والعمر... حطت بي الطائرة حديثا في الولايات المتحدة وبعدها بيومين (نزلت) الدراسة...كنت لا زلت أعاني من تقلبات اليوم ليله ونهاره... صباحه ومسائه... حينما بدأت الأستاذة تسرد علينا دروسها وتخرج لتدخل الأخرى وهكذا... كنت أسير على طرقات جامعة أوماها بولاية نبراسكا وأنا أمتع ناظريّ بتفاصيل المكان... ترى، هل أنا في حلم أم في علم؟ لم أكن سعيدة لأنني حضرت لأمريكا فهي لم تكن حلمي في يوم من الأيام... لم تكن مباغي ولم أسعَ لها... بل أتاني الحظ يطرق بأبي ويهمس في إذني بحديث رقيق جميل... كتب لك أخيرا، أن تلجي الكلية التي تحلمين...
كانت خطواتي تسير برفق على طرقات الجامعة كأنني أخاف أن أضربها بقوة فأستفيق من حلمي الذي أعيش... كنت أخشى أن أحس بأن الزمان مختلف وأنني حقيقة لا زلت أقف في ذات المكان... كانت الأحلام في غد أفضل تسيطر عليّ بقوة فتتحول سريعا إلى تيار دافئ يأخذ بجسدي ويسري فيه... كنت أبتسم للوجه التي تمر بي في محاولة لخلق صداقات وعلاقات مع طلبة وطالبات... الأناس هنا طيبون ويحبون المساعدة... سألتني إحداهن برقة:
*كم لك في أمريكا؟
فأجبت:
*ثلاثة أسابيع!!
ولا أدري، هل لم تسمعني، هل قلتها خطأ ونطقتها بطريقة مغايرة؟ أم اختلطت عليّ الكلمات في تلك اللحظة ولكنني وجدتها تسألني وكأنها تستفسر عما قلت:
*ثلاث سنوات؟
ظهرت على ملامح وجهي، جلية، إمارات الفزع... ووجدتني أسرع وأهتف:
*لا، ثلاث أسابيع فقط!!
.
.
.
|
Post: #2
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-06-2008, 07:47 PM
Parent: #1
.
.
.
وتركت محدثتي وأنا أفكر في حديثها وفي سؤالها.. ترى، هل جنت لكي تقول لي ثلاث سنوات؟ ثلاث سنوات (هي جادة) يا ربي؟ لا... لا.. هذه مدة طويلة جدا.... ولا أظنني سأبقى في أمريكا كل هذه المدة... ثم أنني حضرت لتوي من القاهرة التي عشت فيها أكثر من ستة أعوام... أضف إليها ثلاث سنوات في أمريكا هذا معناه أنني سأبعد عن السودان أكثر من تسع سنوات... ونفضت عن رأسي كل تلك الخواطر وأنا أؤكد لنفسي:
*ستعودين حالما تنتهين من دراستك يا غادة
وكنت أذكر تلك المعلومة لكل من أقابله أو أتحدث معه.. ويقابلونني بنظرة ضاحكة ويردون بنبرة ساخرة:
*ترجعي وين؟ البلد دي سكة اللي يروح وما يرجع
ترى هل سلكت ذات الدرب؟ هل حضرت إلى هنا لكي لا أعود؟
لست أدري!!
ولكن رمضان هذا العام يوافق الذكرى الحادية عشر لوطء أقدامي أرض الولايات المتحدة لأول مرة لذلك له في نفسي ذكرى حزينة. لكم أفتقد في هذه اللحظات صوت الآذان ووجوه الأهل... رائحة الحلو مر و(لمة) إفطار رمضان... ربما تبدو كلماتي هذه كالهذيان لمن يجلس في بلاده مطمئنا آمنا...العرديب على يمينه والعصيدة على شماله...
ولكن أعذروني.. فهذا رمضان...
وهذه أحدَ عشرَ عاما في بلاد العم سام...
والساقية لسه مدورة!!
.
|
Post: #4
Title: Re: أحدَ عشرَ عاماً في بلاد العم سام... والساقية لسه مدورة!!
Author: حيدر حسن ميرغني
Date: 09-06-2008, 07:52 PM
Parent: #2
يازولة الله يديك العافية والعمر المديد
كل بلاد الله أوطاننا
|
Post: #8
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-06-2008, 08:09 PM
Parent: #4
Quote:
كل بلاد الله أوطاننا |
حيدر... ايها الإنسان الراقي
كل بلاد الله فيها معاشنا يا حيدر...
كل بلاد الله (تلم) اجسادنا المتعبة وتسمح لأنفاسنا
أن تخرج إليها...
لكن الوطن هو واحد يا صديقي...
أفتقده...
هل ابدو حقيقة كمن تترنح...
كل عام وأنت بخير يا حيدر
غادة
|
Post: #3
Title: Re: أحدَ عشرَ عاماً في بلاد العم سام... والساقية لسه مدورة!!
Author: طارق جبريل
Date: 09-06-2008, 07:50 PM
Parent: #1
النسيبة كيفنك
انا لي 18 سنة في المغرب
ساقية شنو انا بقيت جدول عدييييييييل
ازيك ياخي والوليدات
|
Post: #6
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-06-2008, 08:01 PM
Parent: #3
Quote: النسيبة كيفنك
انا لي 18 سنة في المغرب
ساقية شنو انا بقيت جدول عدييييييييل |
أبو نسب... ازيك
يعني أحمد الله على الحداشر سنة ولا شنو 
| Quote: ازيك ياخي والوليدات |
الوليدات كويسين يا طارق...
أنا الغربة تعباني لكن
عروسنا الزينة كيف؟
|
Post: #5
Title: Re: أحدَ عشرَ عاماً في بلاد العم سام... والساقية لسه مدورة!!
Author: khaleel
Date: 09-06-2008, 07:53 PM
Parent: #1
يا غربة لا لا تطولي
ويا دمعة لا تنزلي
بكرة الحبيب بتوصلي
عودا حميد ا سريعا لربوع السودان
|
Post: #10
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-06-2008, 08:27 PM
Parent: #5
Quote: يا غربة لا لا تطولي
ويا دمعة لا تنزلي
بكرة الحبيب بتوصلي |
سلامات يا خليل...
اذا طالت الغربة... فلا بد للدموع ان تجد طريقها
ولا بد وان تحفر مسارات على الخدود...
هل تنتهي الغربة؟ كيف؟ ومتى؟
وهل يصير الوطن ذاته مجهول لنا؟
| Quote: عودا حميد ا سريعا لربوع السودان |
اللهم آمين
ورمضان كريم
مودتي
غادة
|
Post: #7
Title: Re: أحدَ عشرَ عاماً في بلاد العم سام... والساقية لسه مدورة!!
Author: مزمل التريكى
Date: 09-06-2008, 08:06 PM
Parent: #1
تسجيل حضور ومتابعه
أحسست بكل حرف كتبتيه يا غاده
فانا أعيش قصة مشابهه
واصلى السرد الشفيف
|
Post: #9
Title: Re: أحدَ عشرَ عاماً في بلاد العم سام... والساقية لسه مدورة!!
Author: حاتم هاشم
Date: 09-06-2008, 08:14 PM
Parent: #7
بسم الله الرحمن الرحيم
غاده عب عزيز ... سلام ياام هاشم
الزمن يجري 11 سنه
انا بادن الله شهر عشره
بكون تميت 3 سنين في الغربه .
(انشاء الله نرجع كلنا مع مولانا قولي اميييييين)
سلام لي الناس البهناك .
ــ
ابوهاشم.
|
Post: #15
Title: Re: أحدَ عشرَ عاماً في بلاد العم سام... والساقية لسه مدورة!!
Author: Khalid Saeed
Date: 09-06-2008, 08:59 PM
Parent: #9
الأخت العزيزة/ غادة
رمضان كريم ..
كلنا مثلك نحن إلى جوف الإستنشاق الأخير لرائحة أرض الوطن الوادعة التي باقتها المطر .. نحتاج إلى كل التفاصيل الحنينة التي تهذب أروحانا التي أرهقها الترحال في أرض الله التي تضيق بنا كل يوم ..
قدرنا أن نعيش هكذا في لاحرب ولا سلم مع غربتنا ومع أوطاننا..
تحياتي لك وللأسرة ،
أخوك/ خالد الأرباب
|
Post: #31
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 02:20 AM
Parent: #15
Quote: كلنا مثلك نحن إلى جوف الإستنشاق الأخير لرائحة أرض الوطن الوادعة التي باقتها المطر .. نحتاج إلى كل التفاصيل الحنينة التي تهذب أروحانا التي أرهقها الترحال في أرض الله التي تضيق بنا كل يوم ..
قدرنا أن نعيش هكذا في لاحرب ولا سلم مع غربتنا ومع أوطاننا..
|
أخي العزيز... خالد
ذلك المطر الذي قلت دوما يعيدني لذكرى بوحك يا صديقي
وذكرى زوجتك الحنون... ترى، من مرضها هل تعافت تلك النفس الرؤوم؟
لماذا نعيش في أماكن لم نكن بايدينا لنختارها...
صديقاتي... يقلن لي:
-إنت في امريكا مرتاحة... خليك هناك أحسن
ولكنها روحي الهائمة الحائرة يا خالد...
ماذا أفعل لها...
رمضان كريم..
|
Post: #17
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-06-2008, 11:25 PM
Parent: #9
Quote: الزمن يجري 11 سنه
انا بادن الله شهر عشره
بكون تميت 3 سنين في الغربه . |
حاتم هاشم... سلامات
يكون الصيام قام بيك... قصدك يا ربي 30  
أتمنى أن تكون آخر الأعوام
مودتي وسلامي للرقيقة نسرين
|
Post: #36
Title: Re: أحدَ عشرَ عاماً في بلاد العم سام... والساقية لسه مدورة!!
Author: Mohamed Foto7li
Date: 09-07-2008, 05:19 AM
Parent: #9
الأخت العزيزة/ غادة
رمضان كريم
Quote: بسم الله الرحمن الرحيم
غاده عب عزيز ... سلام ياام هاشم
الزمن يجري 11 سنه
انا بادن الله شهر عشره
بكون تميت 3 سنين في الغربه |
سلام يا حاتم
انالامن جيت نذلته في شقتك قبال 10 سنين
سلامي لي هيثم و محمد وباقي الاهل
Mohamed Isam
|
Post: #13
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-06-2008, 08:45 PM
Parent: #7
Quote: تسجيل حضور ومتابعه
أحسست بكل حرف كتبتيه يا غاده
فانا أعيش قصة مشابهه
واصلى السرد الشفيف |
سلامات يا مزمل
اولا تتشابه تجاربنا في الغربة... بغض النظر عن المكان
عن الدولة... وعن الزمان الذي عشناه بها...
بعض من حزن... وبعض من ضنك... وكثير من حنين...
لا بد لك وأن تحس بما أشعر...
فنحن في الغربة شركاء
رمضان كريم وتقبل مودتي يا مزمل
غادة
|
Post: #11
Title: Re: أحدَ عشرَ عاماً في بلاد العم سام... والساقية لسه مدورة!!
Author: طارق جبريل
Date: 09-06-2008, 08:36 PM
Parent: #1
تعرفي يا غادة
كل الذي يربطني بالسودان الآن شيخ طاعن في السن نرجو له
دوام الصحة ونصبوا لدعواته...
وقبر في اطراف المدينة يضم شخصا بعظمة هذا الكون (رحمها الله)
الفيافي زي ما قال ليك صديقي الجميل حيدر اصبحت ملاذ ادفأ من حضن الوطن
|
Post: #32
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 02:23 AM
Parent: #11
Quote: كل الذي يربطني بالسودان الآن شيخ طاعن في السن نرجو له
دوام الصحة ونصبوا لدعواته...
وقبر في اطراف المدينة يضم شخصا بعظمة هذا الكون (رحمها الله)
الفيافي زي ما قال ليك صديقي الجميل حيدر اصبحت ملاذ ادفأ من حضن الوطن |
أرجفتني كلماتك يا طارق...
هل تتخلى عنا الأرض التي نحب؟
وترى، هل إليها في يوم سنعود...
ادام الله الصحة والعافية على والدك
فأكاد أرى على ملامحه حزن بعاد الأبناء
وعلى وداع رفيقة العمر...
وظلل الله على قبر العظيمة وجعله روضا من رياض الجنة يا صديقي
تقبل مودتي
|
Post: #12
Title: Re: أحدَ عشرَ عاماً في بلاد العم سام... والساقية لسه مدورة!!
Author: Adil Osman
Date: 09-06-2008, 08:37 PM
Parent: #1
شعار جامعتكم عينة يا غادة
|
Post: #41
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 10:56 AM
Parent: #12
| Quote: شعار جامعتكم عينة يا غادة |
من أوائل الدروس التي تعلمتها يا عادل
فريق جامعة أومها نبراسكا لكرة القدم الأمريكية
وعن قوته... عن هيبته... وعن محبة الناس وتشجيعهم له...
ولكن من رأى ليس كمن سمع... ففي اول مباراة للفريق...
خرجت الى الطرقات لاجدها خاوية... صامته...
-مرة مرة- تأتي عربة مارقة ...
كتر من الطلة... ما بتمسخ خلق الله
معزتي
|
Post: #14
Title: Re: أحدَ عشرَ عاماً في بلاد العم سام... والساقية لسه مدورة!!
Author: الطاهر عثمان
Date: 09-06-2008, 08:52 PM
Parent: #1
كل عام وانت بخير ياغادة وانشاء الله يصفو الزمن وترجع كل الطيور المهاجرة
|
Post: #19
Title: Re: أحدَ عشرَ عاماً في بلاد العم سام... والساقية لسه مدورة!!
Author: Ashraf Abdel-Muty
Date: 09-06-2008, 11:38 PM
Parent: #14
الاخت غاده و الاخوان فى الغربه
كل سنه و انتو طيبين
تصوموا و تفطروا على خير
و نشوفكم قريب فى حضن الوطن
بس ابعدوا من رمضان ده سخانه و كهرباء قاطعه
|
Post: #43
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 11:28 AM
Parent: #19
Quote: الاخت غاده و الاخوان فى الغربه
كل سنه و انتو طيبين
تصوموا و تفطروا على خير
و نشوفكم قريب فى حضن الوطن
|
سلامات يا أشرف... ورمضان كريم يا أخي...
عارف، أحلام العودة للوطن تراودني بطريقة عجيبة...
احيانا اتصل بخطوط الطيران وأسألهم عن سعر التذاكر للسودان
وأضع السماعة ولسان حالي يغني:
-يا الجنيت أنا
| Quote: بس ابعدوا من رمضان ده سخانه و كهرباء قاطعه |
والله لا تفرق معي كثيرا يا أشرف... وبعدين موت الجماعة عرس
تقبل مودتي
غادة
|
Post: #42
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 11:23 AM
Parent: #14
| Quote: كل عام وانت بخير ياغادة وانشاء الله يصفو الزمن وترجع كل الطيور المهاجرة |
الطاهر عثمان...
من يحمل القلب الطاهر... ويرق قلبه على المسكين
من يحزن لليتيم... يحمل همه... لك الله يا صديقي
فها أنت تحمل عبء الوطن وابناءه وبناته
من يملك منهم المال ومن لا يملك...
اعادنا الله يا الطاهر... لوطن تصير كل الطيور فيه
محلقة بكل حرية... وتصفق اجنحتها بكل فرحة عفوية...
تقبل معزتي
غادة
|
Post: #16
Title: Re: أحدَ عشرَ عاماً في بلاد العم سام... والساقية لسه مدورة!!
Author: معتصم دفع الله
Date: 09-06-2008, 10:38 PM
Parent: #1
رمضان كريم يا غادة ..
تصومي وتفطري على خير ..
الغربة خيار المضطر ونحن وجدنا أنفسنا كذلك ..
نحلم بوطن يضمنا جميعاً بكل إختلافاتنا ..
وطن يسعنا ولا يضيق بنا ..
رد الله غربة الجميع ..
|
Post: #18
Title: Re: أحدَ عشرَ عاماً في بلاد العم سام... والساقية لسه مدورة!!
Author: yasir Abdelgadir
Date: 09-06-2008, 11:36 PM
Parent: #16
الاستاذة غادة
حمدا لله علي سلامة العودة
ورمضان كريم
أكملت ثلاثة عشر عاما بعيدا عن السودان الحبيب
مابين السعودية ..أوربا....وأخيرا أمريكا
لكن أصارحك لم أشعر بوطأة الغربة الا في امريكا
في السعودية قرب المسافة يعطيك دفء شوية
في اوربا ..نظام الحياة أكثر انتظاما ويقلل من المعاناة
أما في امريكا.....سيستم غريب...ومسافات بعيدة عن الوطن( الحالة احنا في الساحل الشرقي)....وجمال المكان + طريقة الحياة تشعرك بقلق
اكبر...وحنية اكتر تجاه الوطن
الجماعه بيقولو ..التلاتين سنة الاولي بس هي الاصعب
ربنا يرد غربتنا سالمين
اخوك د. ياسر عبدالقادر
|
Post: #20
Title: Re: أحدَ عشرَ عاماً في بلاد العم سام... والساقية لسه مدورة!!
Author: Saifeldin Gibreel
Date: 09-06-2008, 11:52 PM
Parent: #18
غادة انتى قديمة كدة..11 سنة نحن لينا سنتين والدموع سالت بحر...
|
Post: #21
Title: Re: أحدَ عشرَ عاماً في بلاد العم سام... والساقية لسه مدورة!!
Author: ahmed khidir
Date: 09-07-2008, 00:04 AM
Parent: #20
غاده
رمضان كريم وكل عام وانت بخير
المهم فى الامر السنين ما تمشى ساااااااااااااى
تمشى زى ما الناس دااااااااااايره
الله يوفقك ويسدد خطاك
|
Post: #55
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 06:14 PM
Parent: #21
Quote: غاده
رمضان كريم وكل عام وانت بخير
المهم فى الامر السنين ما تمشى ساااااااااااااى
تمشى زى ما الناس دااااااااااايره
الله يوفقك ويسدد خطاك |
أحمد خضر... تحياتي ورمضان كريم عليك يا صديقي
الأعوام تأتي و(تمشي) الواحدة تلو الأخرى...
ونحن ننظر ونرقب...
أحد الأصدقاء قال... أننا في أمريكا كمثل الذي
يجري محاولا قبض الفراش... وان انتقلت لزهرة انتقلنا معها
وان ذهبت لاخرى.. ايضا تبعناها...
ولا ندري متى تكون النهاية
تقبل مودتي
غادة
|
Post: #54
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 06:02 PM
Parent: #20
| Quote: غادة انتى قديمة كدة..11 سنة نحن لينا سنتين والدموع سالت بحر... |
يا نغة...
ملاحظة:
نغة كلمة يستخدمها الاخوة في مصر للتعبير عن الصغر..
زي.. يا صغير وليك سنتين بس
عليّ انا يا سيف الدين جبريل
لك معزتي كما تعلم
غادة
|
Post: #22
Title: Re: أحدَ عشرَ عاماً في بلاد العم سام... والساقية لسه مدورة!!
Author: Mohammed Tirab
Date: 09-07-2008, 00:20 AM
Parent: #18
لم يعد الوطن بطعمه القديم الا عبق في خيال الذكري
لم يعد الوطن المقيم الا حطام إباء
وفتات كبرياء
تحطم تحت اقدام جبروت ابنائه,,,
اختي غادة
تتشابه قصص الكثيرين كثيرا,,,,
الا ان التفاصيل غير,,
انت وطئت تراب بلاد العم السام وانت في التاسعة عشر
وانا مثلا غادرت بلادي وعمنّي الامل ,ولا سام,وكنت حينها في التاسعة عشر
تجمدت مشاعرنا قليلا و(تحجرت) بفعل درجات ال30,وال 40 تحت الصفر لعقد ونصف العقد من الزمان ,قبالة سيبيريا
ثم تمددت أمالنا لعقد زمني آخر على مساحات سراب أكبر بفعل درجات الحرارة ال 40 وما فوق ,,,فوق الصفر ,قبالة كثبان الخليج..
والحقائب قد جمعت هذه المرة لرحيل آخر
قسري هذه المرة
بطلب من حكام بلادي
والساقية لسه مدورة
لك الود
ولوطني الحنين
د.محمد عبدالله تيراب
_______________________
الحق يعلوا ولا يعلى عليه
|
Post: #56
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 06:27 PM
Parent: #22
Quote: لم يعد الوطن بطعمه القديم الا عبق في خيال الذكري
لم يعد الوطن المقيم الا حطام إباء
وفتات كبرياء
تحطم تحت اقدام جبروت ابنائه,,, |
أخي العزيز د. محمد...
عندما عدت الى السودان كنت أخاف أن تكون آمالي فيه
أضغاث أحلام عن أيام طفولة مضت..
كنت أخشي أن أجد الحال قد إنقلب.. وان الناس ليسوا
هم نفسهم الذين تركتهم...
ولا أكذب عليك... فقد كانت هنالك تغيرات عديدة طرأت
بعضها لم تعجبني.. وفي هذا حديث آخر...
ولكن المحنة والمحبة في قلوب الأقرباء كانت تدفيني
اعادنا الله واياكم
وتقبل معزتي
غادة
|
Post: #53
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 05:56 PM
Parent: #18
Quote: أكملت ثلاثة عشر عاما بعيدا عن السودان الحبيب
مابين السعودية ..أوربا....وأخيرا أمريكا
لكن أصارحك لم أشعر بوطأة الغربة الا في امريكا
في السعودية قرب المسافة يعطيك دفء شوية
في اوربا ..نظام الحياة أكثر انتظاما ويقلل من المعاناة
أما في امريكا.....سيستم غريب...ومسافات بعيدة عن الوطن( الحالة احنا في الساحل الشرقي)
....وجمال المكان + طريقة الحياة تشعرك بقلق |
سلامات يا ياسر...
أنا اكملت حوالي السبعة عشرة عاما ما بين القاهرة وأمريكا
ولكن انا مختلفة عنك... فقد احسست بطعم الغربة الشديد
وأنا في القاهرة... ربما لانها كانت أول محطة واول مرة
أفارق فيها السودان بدون ميعاد محدد للعودة...
كنت في أحيان كثيرة حزينة وفي آخر أيامي...
كنت أجلس ساهمة...
عندما حضرت لأمريكا.. كنت قد تعودت على الغربة
-الى حد ما-
غير صديقتي الحبيبة المغربية... فقد كانت تبكي
في كل يوم وتقول:
-يا ليتني لم احضر..
وتنظر إلىّ في سكاتي وتسألني...
-الست حزينة على فراقك السودان
فرددت عليها:
-انا لم افارقة منذ ستة ايام.. بل ستة اعوام كاملة
جفت فيهم الدموع
تقبل مودتي يا ياسر وأعادنا بخير
غادة
|
Post: #44
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 11:43 AM
Parent: #16
Quote:
الغربة خيار المضطر ونحن وجدنا أنفسنا كذلك ..
نحلم بوطن يضمنا جميعاً بكل إختلافاتنا ..
وطن يسعنا ولا يضيق بنا ..
رد الله غربة الجميع .. |
معتصم دفع الله... كيفك يا شفيف
والله يا معتصم.. لم نختار ان نغترب ولكن الله رمى
المحزن في الأمر.. انني لم أملك خيار الارتحال عن السودان
في السنوات الماضية...
وأنني لا زلت لا أملك خيار العودة...
فهل تعتقد بعد كل هذا انني في يوم سأعود؟
لست أدري... مجرد تساؤل يطوف احيانا كثيرة بذهني...
وبعدين إنت عريس... مالك ومال هذا الهم...
الله اجعل ايامك كلها فرحا وطربا وسعادة
مودتي 
غادة
|
Post: #23
Title: Re: أحدَ عشرَ عاماً في بلاد العم سام... والساقية لسه مدورة!!
Author: شهاب الفاتح عثمان
Date: 09-07-2008, 00:25 AM
Parent: #1
حبابـكم رمضــان كــريم
اثرت فينا الشجــن .. غاده ايتهـــا الشاديه شجن كقمـــريه ..
كل الارض يمكن العيش بهــا , لكن ليس هناك كتراب الوطـــن
رائحه الارض . ووجوه اهل بلادي , وحنيه الاهــل مذاق الجنه في الدنيا .
وتبقى صعوبه واقع الحال بارض النيلين افعى مخيفه.
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #24
Title: Re: أحدَ عشرَ عاماً في بلاد العم سام... والساقية لسه مدورة!!
Author: Muna Khugali
Date: 09-07-2008, 00:38 AM
Parent: #23
وكأنك تسألينا با جميله..
هل حفا سبكون هناك رجوع؟!
رمضان كريم وسلام مني وماما لسعاد..
|
Post: #58
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 06:50 PM
Parent: #24
Quote: وكأنك تسألينا با جميله..
هل حفا سبكون هناك رجوع؟!
رمضان كريم وسلام مني وماما لسعاد.. |
انه فعلا السؤال يا منى...
هل ترانا سنعود؟ هل تعودنا على حياتنا في الغربة
وصارت العودة للوطن غير مأمونة العواقب...
وبذلك... ما العمل؟
رمضان كريم لك ولماما جارة الحبيبة...
وعلى فكرة:
صورة العصير يتعطش في نهار رمضان
رفقا بنا
قلت ليك أن كل ما أذكر موقفك معي أيام قضية أبي
أشعر بعرفان كثير لك... واقول يا رب..
منى تتعلى ما تتدلى...
محبتي بلا حدود
غادة
|
Post: #25
Title: Re: أحدَ عشرَ عاماً في بلاد العم سام... والساقية لسه مدورة!!
Author: سمية الحسن طلحة
Date: 09-07-2008, 00:45 AM
Parent: #23
العزيزة غادة
تعيشي وتقعدي قدر لحمتن وسداهن
بعد عود أحمد
رمضان كريم
كل عام وانت بخير
كل الود
|
Post: #59
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 06:53 PM
Parent: #25
Quote: العزيزة غادة
تعيشي وتقعدي قدر لحمتن وسداهن
بعد عود أحمد
رمضان كريم
كل عام وانت بخير |
سمية الحسن المرهفة.. تخطو برجلها وتزورني
في هذا البوست.. وفي هذا الشهر المبارك...
يا لسعادتي أنا أن عرفتني الغربة بك...
تقبل الله الدعاء يا صديقتي... واعادنا بخير
محبتي
غادة
|
Post: #26
Title: Re: أحدَ عشرَ عاماً في بلاد العم سام... والساقية لسه مدورة!!
Author: ASHRAF MUSTAFA
Date: 09-07-2008, 00:46 AM
Parent: #23
لكن يا غادة بالغتي وشذيتي
روايتك كانت حزينة لمن قربت ابكي
لكن قبل ما الدمعة تقع قلت لنفسي
..هوي..الببكيني شنو!!!!!!!!!!!!
فعلا انا قلبي رهيف وما بستحمل كلام زي ده
لكن تعال: ما انا كمان لي في الغربة
سبعة عشر سنة..يعني كلنا في الهوا سوا
يعني يا غالية نسيتيني انا في غربة
وقلت المسكينة دي حسع عاملة شنو
في الصقط لقط..اقصد الصقد داك
تاني يا عزيزة براحة علينا شوية
في ناس هنا قلوبها رهيفة جدا
يعني لو كنتي ختيتي لحن حزين
كنت رجعت السودان
انا كمان لي قصة قريبة من قصتك
يوم انشاء الله بحكيها ليكي
بس المرة الجاية خليكي خشنة شوية
اعصابنا بقت ما بتستحمل
وبقينا قاعدين علي هبشة
ونحن بنستفيد من النساء
لمن نلقاهم قلبهم جامد
بيقوونا معاهم
اها.........فتك بعافية يا حنينة
وخليكي قريبة....وسلمي علي عمنا سام
رغم انو عندي اخ اسمه سام
ما عارف هو وين حسع
رمضان كريم..ابقي عشرة
|
Post: #27
Title: Re: أحدَ عشرَ عاماً في بلاد العم سام... والساقية لسه مدورة!!
Author: معتصم ود الجمام
Date: 09-07-2008, 01:16 AM
Parent: #26
الغريب عن وطنو مهما طال غيابو
مصيرو يرجع لاهلو وصحابو ........
وكلنا ربنا يلمنا في اهلنا ووطنا معافى ينعم بالسلام
والديمقراطية
|
Post: #61
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 07:18 PM
Parent: #27
Quote: الغريب عن وطنو مهما طال غيابو
مصيرو يرجع لاهلو وصحابو ........
وكلنا ربنا يلمنا في اهلنا ووطنا معافى ينعم بالسلام
والديمقراطية |
ود الجمام... الإنسان الهمام...
من يحمل هم مشاكل بعض من بني وطنه
ويتعبه عدم حلها... انه حمل كبير
ملقى على العاتق يا معتصم...
حمل القاه على عاتقنا من لم يراعي الأمانة
التي خافت منها السموات والجبال...
فتعب من في الأرض وهم يحاولون حمله...
لنا الله يا صديقي واتمنى أن نعود الى الأهل
والبلد والأصدقاء سريعا...
على الأقل.. الفرجوني رجع فاضل نحنا
تقبل الله دعواتك بالوطن الذي يتمرغ في السلام والديمقراطية
مودتي لك صادقة يا اخي العزيز
غادة
|
Post: #28
Title: Re: أحدَ عشرَ عاماً في بلاد العم سام... والساقية لسه مدورة!!
Author: Mohamed Yassin Khalifa
Date: 09-07-2008, 01:22 AM
Parent: #26
العزيزة غادة عبدالعزيز
"11" سنة بس!
يا ستي بعدك صغيرة... وبس عايني للعملتيهو فيها... ما شاء الله... علم وثقافة أفادت الكل البيعرفوك وسمعو ليك
وعلشان ما تزعلي... إحنا غربتنا Time Two لغربتك... ومازال أملنا كبير
|
Post: #29
Title: Re: أحدَ عشرَ عاماً في بلاد العم سام... والساقية لسه مدورة!!
Author: mohmed khalail
Date: 09-07-2008, 02:01 AM
Parent: #28
سلام غادة
و
رمضان كريم..
سألت منك امس الخالةسعاد كيفنك والاسرة
اظرف حاجة يا غادة ان احساس الزمن ده مختلف من شخص للتاني..انا بعتبر اني برلوم في امريكا 8 سنوات بس
بالمقارنة بالمخضرمين ناس عقدين تلاتة ديل...
في زيارة خاطفة لولايتي الاولى في امريكا (نورث كارولاينا)لحضور زفاف احد اصدقائي قابلت احد المدعويين وتعرفت عليه شاب في سني ظل يتكلم لي عن شوقه للبلد ويشرح بالتفصيل(سيستم) البلد دي ظنا منه انني جديد في امريكا لا لشئ الا لانه لم يرني في مدينته من قبل مع اني سكنت فيها خمسة سنوات متتالية قلت في نفسي الزول الشاويها الغربة ده بكون من هو طفل في البلد دي مع انه عربيهو مافيهو لكنه المهم..
بعد ما اعطاني النصائح العشرة,,سألته كم سنة عندو في الدوامة دي فرد بعد ان نفخ صدره 6 شهور!!!!! كل تجربته في الغربه ستة شهور وكابي الجرسة لا وكمان وبشرح للوجوه الما شافهم قبل كده سيستم البلد بإعتبارهم برالمة قلت ليهو في سري (والله يا حبيب انت الما شفته حاجة في البلددي لسه ستة شهورك دي لي ناس كده زي رمشة العين)
كل سنةوانت والاسرة بخير
|
Post: #64
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 07:41 PM
Parent: #29
| Quote: بعد ما اعطاني النصائح العشرة,,سألته كم سنة عندو في الدوامة دي فرد بعد ان نفخ صدره 6 شهور!!!!! كل تجربته في الغربه ستة شهور وكابي الجرسة لا وكمان وبشرح للوجوه الما شافهم قبل كده سيستم البلد بإعتبارهم برالمة |
محمد خليل... كيف يا عريس.. زارتنا الملائكة وحلقت على كلمات البوست
ولا نقول ليك -بحسب سيف جبريل- يا حنكوش
تخيل يا محمد حجم الضيق الذي عايشه ذلك الشاب في فترة الستة اشهر تلك
تصور حجم الحزن الذي خيم على قلبه طيلة تلك المدة...
هل لك بالأهل الذين تركهم خلفه وأصدقاء العمر...
وكل ذلك المرار مخلوط بآمال لمستقبل وغد أفضل....
أخذت أنفخ نفسي أيضا وأنا أقرأ كلماتك... فقد كانت معبرة
للدرجة التي جعلتني أستشعر حرارة الأنفاس المتألمة...
تحياتي للعروس وكل عام وأنت بخير
مودتي
غادة
|
Post: #30
Title: Re: أحدَ عشرَ عاماً في بلاد العم سام... والساقية لسه مدورة!!
Author: Abdulmageed Gorashi
Date: 09-07-2008, 02:16 AM
Parent: #28
العزيزه غاده:
"مشيناها خطا كتبت علينا ومن كتبت عليه خطا مشاها"
كلنا نصارع الزمن في الغربه التي ليس لها نهايه إلا قدر الموت ... ونحن الان نصارع هوس منتصف العمر بينما تحقق ولم يتحقق.
الحياة في امريكا كطعم الحلو مر ....حتى الان لم نبلغ الحلم الامريكي المزعوم... والساقيه لسه مدوره
|
Post: #33
Title: Re: أحدَ عشرَ عاماً في بلاد العم سام... والساقية لسه مدورة!!
Author: محمود ريحان
Date: 09-07-2008, 02:40 AM
Parent: #30
الاخت غاده
مودتي باذن الله الي الاوطان
معززه مكرمه
|
Post: #34
Title: Re: أحدَ عشرَ عاماً في بلاد العم سام... والساقية لسه مدورة!!
Author: السر عبدالله
Date: 09-07-2008, 03:04 AM
Parent: #33
18 سنة وانا متنقل بين كندا وامريكا وعندما جينا اول مرة من السودان عام 1990
قلنا نقعد سنتين او ثلاثة ونرجع لكن اظن البلاد دى لمن تتعود عليها ما بتقدر تفارقها
وبعد هذه المدة الطويلة رجعت العام الماضى فى اجازة لمدة 3 اسابيع ووجدت الحال غير الحال
وما قدرت اقعد غير اسبوعين وهربت لان الزمن الجميل قد ولى للابد فى السودان لكن برضه الشوق
للسودان بحر ويمكن لمن نحصل فترة محمد ياسين ( 22 سنة) تايم تو- يمكن نرجع .. اما طارق جبريل
القاعد 18 سنة فى المغرب فهو محظوظ لانو قاعد فى دولة عربية والغربة فى البلاد العربية نعمة
واحمد الله
|
Post: #35
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 05:09 AM
Parent: #34
كانت الشمس قد بدأت تتوارى عن أعين الناس...
من يدري، لعلها خجلة من أشعتها التي ظلت (تلهب)
وجه الناس وظهورهم طيلة اليوم الحار...
الوقت من أحب الأوقات إليّ...
فهو وقت أن نذهب إلى (البرندة) لكي نستخرج المراتب
ونأتي بها إلى الحوش...
وأسمع:
-إن شاء الله يا غادة ربنا يعلي مراتبك
يا ربي الدعوة مربوطة بالعمل
فرش تلك المراتب بملاءة حمراء.. زرقاء أحيانا
لا يهمم... يكفي انها تتأرجح في الهواء الطلق
(قش) الحوش... ورشه من بعده...
يا الله...
نفس عميق...
لكم هي جميلة رائحة ذلك التراب والطين...
.
.
.
|
Post: #52
Title: Re: أحدَ عشرَ عاماً في بلاد العم سام... والساقية لسه مدورة!!
Author: Gaafar Ismail
Date: 09-07-2008, 03:58 PM
Parent: #35
العـــزيزة غادة عبدالعزيز
رمضان كريم وكل سنة وأنتم بخير.
لي 35 سنة (خمسة وثلاثون ) في بلاد الشمس المشرقة اليابان ... لعل هذه المعلومة تعطيكِ جرعة قوية لتتحملي الغربة.
لا شك أن الغربة صعبة ولكن ما يضطر المرء للغربة أصعب.. أسأل الله أن يعيننا وإياك على الغربة.
تحياتي ومودتي
|
Post: #89
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 12:32 PM
Parent: #52
Quote: لا شك أن الغربة صعبة ولكن ما يضطر المرء للغربة أصعب.. أسأل الله أن يعيننا وإياك على الغربة.
|
سلامات يا جعفر
قيل... ايه الجابرك على المر...قيل الذي أمر منه
اعاننا الله واياكم يا جعفر واعادنا الى اوطاننا سالمين غانمين
يا رب العالمين
تقبل مودتي
غادة
|
Post: #37
Title: Re: أحدَ عشرَ عاماً في بلاد العم سام... والساقية لسه مدورة!!
Author: noon
Date: 09-07-2008, 05:29 AM
Parent: #34
Quote:
اذا طالت الغربة... فلا بد للدموع ان تجد طريقها
ولا بد وان تحفر مسارات على الخدود...
هل تنتهي الغربة؟ كيف؟ ومتى؟
وهل يصير الوطن ذاته مجهول لنا؟
|
اه يا غاده دا الحاصل
| Quote: وقبر في اطراف المدينة يضم شخصا بعظمة هذا الكون |
الله يرحم موتانا و موتا المسلمين جميع
ا
تلاته شهور في السودان انا بزورقبروصباح و مسا
جد دا الفضل في السودان ,,,
السودان ما عندو طعم من غيرم يا غاده
و غربه أمريكا كعبه و صعبه
|
Post: #90
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 01:07 PM
Parent: #37
Quote: الله يرحم موتانا و موتا المسلمين جميع
ا
تلاته شهور في السودان انا بزورقبروصباح و مسا
جد دا الفضل في السودان ,,,
السودان ما عندو طعم من غيرم يا غاده
و غربه أمريكا كعبه و صعبه |
أختي الحبيبة.. نون
تعرفي يا نون... أحزن أوقات الغربة
حينما يرن جرس الهاتف وتظهر المكالمة من السودان
ولا ندري السبب الذي اتصلوا من اجله..
قبل فترة اتصلت اختي على هاتف المنزل فلم أرد
لأنني كنت أؤدي صلاة المغرب...
ثم هاتفتني على رقم الموبايل وكنت وقتها قد انتهيت من الصلاة
ورأيت رقمها مرة ثانية...
حسبة سريعة للوقت... كانت الساعة قد قاربت الفجر...
وقع قلبي في رجليّ يا نون.. وصارت الدموع تتجمع
وانا بت واثقة من خبر سيء...
ورفعت السماعة فاذا هي تتحدث معي عادي جدا:
- كيفك.. احوالك... الاولاد.. ابوهم
وانا لم اكن في مزاج للونسة وسالتها بصوت مرتجف
-فيّ شنو
حتى انها نهرتني حينما عرفت انني قاربت ان اولول
-يا بت مالك؟ اتصلت اسلم عليك ساي
-لكن الوقت بدري شديد عندكم
-نمت بدري فصحيت وما قدرت انوم.. قلت اسلم
حتى ارتحت بعض الشيء... وتنهت..
واستطعت ان اتم المكالمة...
لموتي المسلمين ومواتاك يا نون الرحمة والمغفرة
محبتي
غادة
|
Post: #78
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 11:24 PM
Parent: #34
| Quote: الزمن الجميل قد ولى للابد فى السودان |
أخي السر... تحياتي
السودان تغير كثيرا فعلا يا صديقي...
الحياة صارت ايقاعها أسرع بصورة غير عادية...
كنت في (جري) امريكا احيانا افتقد لتلك الراحة...
فانا لا زلت اذكر وقت الظهرية والعصرية في السودان
وكذلك نومة بعد الغذاء...
ثم أرى في المساء أسرتي وهو تستعد للخروج
أحيانا إلى نادي الضباط لكي نتلاقي وصديقاتنا
نلهو ونلعب ونجري
بينما يجلس الكبار يتسامرون في الليالي الجميلة
على ضوء القمر...
الناس صاروا يهرولون أكثر... مثلنا تماما يا السر...
هل يعود الزمان يوما؟ وهل نعود واياه...
تقبل مودتي
غادة
|
Post: #71
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 08:56 PM
Parent: #33
Quote: الاخت غاده
مودتي باذن الله الي الاوطان
معززه مكرمه |
أخي الكريم محمود...
اعادنا الله إلى أوطاننا معززين مكرمين
وساعدنا لكي نعطر سماءهم وننثر عليها الرايحين
ونمدها بخبراتنا التي اكتسبناها في بعدها
ما حيينا الى يوم الدين
كل عام وانت بخير
غادة
|
Post: #65
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 07:44 PM
Parent: #30
Quote: "مشيناها خطا كتبت علينا ومن كتبت عليه خطا مشاها"
كلنا نصارع الزمن في الغربه التي ليس لها نهايه إلا قدر الموت ... ونحن الان نصارع هوس منتصف العمر بينما تحقق ولم يتحقق.
الحياة في امريكا كطعم الحلو مر ....حتى الان لم نبلغ الحلم الامريكي المزعوم... والساقيه لسه مدوره |
يا إلهي يا عبدالمجيد...
هل يعني كلامك أننا نهاية الغربة هو قدر الموت؟
هل يعني أن العودة هي مجرد أحلام يقظة وآمال
ربما لا تتحقق..
هل العودة هي الدعوات التي يقول ربي أن سيأتي
اليوم الذي تقولون فيه.. ليتك لم تستجب لدعواتي
في دنياي لكي تعوضني لها في الآخرة...
كل انسان يموت في الغربة يجعلني اتشاؤم...
ماذا لو صرت مثله...
نظل نحلم ونأمل... ولا يوقظنا إلا الموت
كل عام وأنت بخير يا صديقي
غادة
|
Post: #63
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 07:36 PM
Parent: #28
Quote: "11" سنة بس!
يا ستي بعدك صغيرة... وبس عايني للعملتيهو فيها... ما شاء الله... علم وثقافة أفادت الكل البيعرفوك وسمعو ليك
وعلشان ما تزعلي... إحنا غربتنا Time Two لغربتك... ومازال أملنا كبير |
سلامات يا محمد
هي الحقيقة أكثر من ذلك... نسيت تحسب سنوات مصر
يعني حوالي السبعة عشر عاما كاملة...
برضو ما حصلناك.. لكن قربنا
النجاح ليس لهو طعم بعيد عن السودان يا محمد
درست.. نعم... تخرجت... نعم.. حضرت ماجستير...
ايضا نعم... لكنها النفس التي لا تهدأ يا صديقي...
وتجعل حتى طعم النجاح... به قليل من مرار
يبقى تارك (نغزة) في القلب
تقبل مودتي
غادة
|
Post: #60
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 07:14 PM
Parent: #26
Quote: لكن يا غادة بالغتي وشذيتي
روايتك كانت حزينة لمن قربت ابكي
لكن قبل ما الدمعة تقع قلت لنفسي
..هوي..الببكيني شنو!!!!!!!!!!!!
فعلا انا قلبي رهيف وما بستحمل كلام زي ده
لكن تعال: ما انا كمان لي في الغربة
سبعة عشر سنة..يعني كلنا في الهوا سوا
يعني يا غالية نسيتيني انا في غربة
وقلت المسكينة دي حسع عاملة شنو
في الصقط لقط..اقصد الصقد داك |
أشرف... أيها الأنسان اللطيف...
من البروفايل يبدو أنك التحقت حديثا بهذه القبيلة
فلك مني العتبى على عدم أداء واجب الترحيب والضيافة
على الأقل... كباية شاي ولا عصير
فببركة رمضان... ما تزعل مني
ثم أننا على سماء الغربة يبدو أننا نحلق سويا
فعلا... افكر كل من في الغربة.. كل يتعايش معها
كيف يتقبل انه ليس في السودان
وكيف (يمشي) أموره وكيف تقضي أمورها...
قضية معقدة يا أشرف...
ولا اعدك محاولة التجلد... فقد فشلت فيها من زمان
ما شايف الجرسة الأسفيرية دي
تقبل مودتي
غادة
|
Post: #57
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 06:36 PM
Parent: #23
Quote: اثرت فينا الشجــن .. غاده ايتهـــا الشاديه شجن كقمـــريه ..
كل الارض يمكن العيش بهــا , لكن ليس هناك كتراب الوطـــن
رائحه الارض . ووجوه اهل بلادي , وحنيه الاهــل مذاق الجنه في الدنيا .
وتبقى صعوبه واقع الحال بارض النيلين افعى مخيفه.
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
|
دكتور شهاب... من يماثل اسمه اسم ابني الصغير...
فهو ايضا اسميته شهاب... داعية ربي ان يجعله
يشع في سماء الدنيا وضاء وضياء...
وقد أصبت... عشنا في اكثر من بلاد بعد السودان
ولكنهم جميعا... ليسوا وطن...
وحقيقة... عمر اللحظة في بعدك يا الخرطوم سنين طوال
كل عام وأنت بالف خير يا شهاب
مودتي
غادة
|
Post: #38
Title: Re: أحدَ عشرَ عاماً في بلاد العم سام... والساقية لسه مدورة!!
Author: maia
Date: 09-07-2008, 06:55 AM
Parent: #1
الاخت العزيزة غادة
رمضان كريم
عارفة يا غادة في الغربة تشتاقين حتى لورق شجر النيم الفي الشارع ، تفاصيل الوطن تنطبع على الاكسجين اللي بنتنفسه ، تلقي روحك شايلة حنين لتفاصيل وطن عشتيهو بكل حلوه ومره
الغربة بتاخد من الزول كتير واهمها انه بتفقده تلك القدرة على البقاء في الوطن باستقرار فيصبح لا قادر يقعد بره البلد ولا قادر يقعد في البلد ويصبح الوطن بالنسبه ليه شوق وحنين جارف جواهو لكل شيء في البلد
واذا خيروه يرجع يعيش فيه تجدي لسان حاله يقول وعلى وجه السرعة ( ياريت لو بقدر بس ارتبطنا خلاص ببلاد الغربة) وهو لا يعرف انه قد اصبح يحمل الوطن كشيء معنوي فقط دون ان يكون محسوسا
ودي اصعب نتايج الغربة
الغربة تجعلك دوما تعيشين ذلك الاحساس ، غصة في احشائك لا تعرفي كنههاو لا تزول ابدا
فدواخلك هي مرآة غربتك
دمتي ياغادة
|
Post: #91
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 01:33 PM
Parent: #38
Quote: واذا خيروه يرجع يعيش فيه تجدي لسان حاله يقول وعلى وجه السرعة ( ياريت لو بقدر بس ارتبطنا خلاص ببلاد الغربة) وهو لا يعرف انه قد اصبح يحمل الوطن كشيء معنوي فقط دون ان يكون محسوسا
ودي اصعب نتايج الغربة
|
الرقيقة الوديعة... مايا
لم أرك من قبل ولكن من طبع كلماتك تخيلتك
شخصية رقيقة.. وذات صوت خفيض...
لا أدري لماذا
المشكلة في العودة يا مايا هو اننا لا ندري
كيف والى ماذا سنعود...
أين سأعمل وهل سأستطيع التكيف مع طرق العمل الجديدة
صديقتي المقربة عادت الى السودان وبدأت تعمل في وظيفة مرموقة
حاولت ان تعطيها جل وقتها وجهدها...
كانت العقبات التي تقابلها غريبة...
مثل هدوء الناس وعزوفهم عن العمل.. الفطور.. الشاي... الزيارات
وصارت تضغط على اعصابها وتحاول الا نتفجر..
يا جماعة نحنا في شغل.. مش قاعدين في بيت
ووجدت انها لا تستطيع ان تتماشى مع طريقة العمل في السودان
وتخيلي.. تركت العمل في النهاية بسبب اشياء كثيرة أخر...
تخيلي... من يصدق ان مصاعب مثل هذه من الممكن ان تلاقينا
حال العودة للوطن...
سؤال آخر بفرض نفسه يا مايا..
هل من الأفضل العودة للوطن ومخاطرة الصدمة باوضاعه
أم من الأفضل البقاء في الغربة مع الأحتفاظ بتلك الفكرة
الرومانسية الحالمة عن الوطن؟
محبتي وكل عام وأنت بخير
غادة
|
Post: #39
Title: Re: أحدَ عشرَ عاماً في بلاد العم سام... والساقية لسه مدورة!!
Author: azhary awad elkareem
Date: 09-07-2008, 07:13 AM
Parent: #1
Quote: ترجعي وين؟ البلد دي سكة اللي يروح وما يرجع
|
غادة يا صديقتى ..
رد الله غربتكم..
وأعادكم سالمين غانمين..
لك السلام والإحترام..
رمضان كريم وتصوموا وتفطروا على خير..
|
Post: #92
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 01:43 PM
Parent: #39
Quote: غادة يا صديقتى ..
رد الله غربتكم..
وأعادكم سالمين غانمين..
لك السلام والإحترام.. |
أزهري ايها الراقي
كيف لا أكون صديقتك.. وكيف لا أفخر بذلك
وأنت من عاش بين قبيلة النساء
وكنت عليهم حافظا أمينا...
تقبل الله دعوتك يا أزهري وأعادنا من الغربة
بصراحة...
تعبت خلاص
تقبل مودتي وتحياتي لأسرتك الكريمة
غادة
|
Post: #40
Title: Re: أحدَ عشرَ عاماً في بلاد العم سام... والساقية لسه مدورة!!
Author: انعام حيمورة
Date: 09-07-2008, 08:15 AM
Parent: #1
غدوية حبيبتي .. كل سنة وانتي طيبة
عارفة تابعت الترويج قبل يوم ...
وبكرة من صباحتو .. قريت المقال .. حلو جدا .. عجبني بسيط ومنمق ومنسق وكلماته صادقة ومريحة ...
فكرت انزله .. لكن مشغولة .. عشان كدة ما قدرت ..
كل سنة انتي طيبة ورمضان كريم ..
ياااارب ترد غربتك (المجنناك) دي وتجي تبقي معانا هنا ..
تحياتي
|
Post: #45
Title: Re: أحدَ عشرَ عاماً في بلاد العم سام... والساقية لسه مدورة!!
Author: على احمد النعيم
Date: 09-07-2008, 11:45 AM
Parent: #40
الاخت غادة سلامات
وكل عام وانتم بخير
اختى لعن الله الغربة اين كانت وكيف كانت . لقد ارهقتنا هذه السنين العجاف ونحن ننفخ فى قرب مقدوده ونزداد بعداً عن احضان وطننا الغالى السمح الظريف ولله در من قال:
قد يهون العمر إلا ساعةً ** وتهون الأرض إلا موضعا
فأبداً ما هنت يا سوداننا يوماً علينا.
اسأل الله ان يرد غربتك ظافرة غانمة انه سميع الدعاء
تحياتى لك ولكل الطيور المهاجره بلا حدود
|
Post: #94
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 01:57 PM
Parent: #45
Quote: اختى لعن الله الغربة اين كانت وكيف كانت . لقد ارهقتنا هذه السنين العجاف ونحن ننفخ فى قرب مقدوده ونزداد بعداً عن احضان وطننا الغالى السمح الظريف ولله در من قال:
قد يهون العمر إلا ساعةً ** وتهون الأرض إلا موضعا |
سلامات يا علي
تعرف.. قبيل عدة أشهر كتب عني الأستاذ القدير
مؤمن الغالي مقالا.. وتساءل فيه عن أين أكون
وكتبت له مقالا عنونته (إلا موضعا)
وأخبرته فيه بأين أناوعن مدينتي الصغيرة الجميلة
وآخر ما قلته أن:
قد هانت عليّ الأرض، بما رحبت، إلا موضعا
وها انا اقولها لك الآن... فتحت لي ابواب
القاهرة والولايات المتحدة... وجميعها قد هانت عليّ
إلا السودان..
كل عام وأنت بخير يا صديقي
مودتي
غادة
|
Post: #93
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 01:52 PM
Parent: #40
Quote: ياااارب ترد غربتك (المجنناك) دي وتجي تبقي معانا هنا ..
|
نعومة الراقية...
عارفه البيجنني اكثر في الغربة شنو...
لما اشوف اصحابي في رحلة لجبل اولياء وبيأكلوا
في السمك براهم
والغربة خلاص جننتني يا نعومه... ربنا يعيدنا
ويمعنا هناك... يا رب
رمضان كريم يا عزيزتي... وكل عام وأنت بخير
وأمانة عليك... تابعي لي الترويج والحلقة
وخليني اعرف رأيك...
محبتي بلا حدود
غادة
|
Post: #46
Title: Re: أحدَ عشرَ عاماً في بلاد العم سام... والساقية لسه مدورة!!
Author: الملك
Date: 09-07-2008, 11:46 AM
Parent: #1
جرسة رمضان ..!!
واللا شنو
...
الله يرد غربتك!
|
Post: #95
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 01:59 PM
Parent: #46
Quote: جرسة رمضان ..!!
واللا شنو
...
الله يرد غربتك! |
الملك... كيفك يا ملك
الغربة مجرساني حتى قبل رمضان
لذلك... فبراءة...
هي جرسة غربة وحنين للوطن
بعيد عن رمضان...
يا ربي صدقتني
اعادني الله يا صديقي...
معزتي
غادة
|
Post: #47
Title: Re: أحدَ عشرَ عاماً في بلاد العم سام... والساقية لسه مدورة!!
Author: إحسان عبدالمتعال أحمد
Date: 09-07-2008, 01:27 PM
Parent: #1
الانسانة الرائعة ابدا غاده
احس كل حرف كتبته ****** بتوق وشوق للاهل ***للبلد
للوجوه السمر التي نحبها *****للزمان ***للمكان ***لكل شئ بينهما
ذلك يعني انك رغم الحرمان الذي تعانيه ملكت القدره علي الكتابة والتعبير
مابالك بي انا ****كلما احاول ان اكتب ****اجد نفسي اتساْءل فقط في دواخلي عن كل الاسئلة
التي جالت بخاطرك *******فتأتيني الاجابة *****دموع حري تنزل علي خدي *** تزيدني الما فتزداد معاناتي
لنا الله يا عزيزتي
|
Post: #48
Title: Re: أحدَ عشرَ عاماً في بلاد العم سام... والساقية لسه مدورة!!
Author: تبارك شيخ الدين جبريل
Date: 09-07-2008, 01:53 PM
Parent: #47
موسم الحنين إلى الجنوب !!!!!!
(غادة عبدالعزيز)
المهم ...
|
Post: #97
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 02:14 PM
Parent: #48
Quote: موسم الحنين إلى الجنوب !!!!!!
(غادة عبدالعزيز) |
تبارك.. سلامات
وحياتك... اسمه موسم الحنين إلى الجنوب والشمال
والشرق والغرب...
كنت بفكر أن لو قدرت امشي السودان... نفسي اطوف بالمدن
رأيت مدن بسيطة في السودان.. مثل بورتسودان... كسلا.. ثم واو
لكن أمنياتي أن أرى أكثر وأكثر...
المهم
كل سنة وإنت طيب
مودتي
غادة
|
Post: #96
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 02:05 PM
Parent: #47
Quote: الانسانة الرائعة ابدا غاده
احس كل حرف كتبته ****** بتوق وشوق للاهل ***للبلد
للوجوه السمر التي نحبها *****للزمان ***للمكان ***لكل شئ بينهما
ذلك يعني انك رغم الحرمان الذي تعانيه ملكت القدره علي الكتابة والتعبير
مابالك بي انا ****كلما احاول ان اكتب ****اجد نفسي اتساْءل فقط في دواخلي عن كل الاسئلة
التي جالت بخاطرك *******فتأتيني الاجابة *****دموع حري تنزل علي خدي *** تزيدني الما فتزداد معاناتي
لنا الله يا عزيزتي |
احسان عبدالمتعال... كيفك أيتها المشرقة اللامعة
وسعيدة بكلمات محي الدين أن اعادتك لنا
لكي تشاركينا في النقاش...
تعرفي يا احسان.. بالأضافة الى الشوق للأهل والحزن على فراقهم
هنالك أشياء أخر..
مثل أن كان لدينا ما نقدمه لبلادنا ونشعر أننا احيانا
نضني عليها...
لدينا مكانتنا هناك وقدرتنا على التفوق
وكذلك وضع بصمتنا على الساحة.. سواء السياسية
أو الأدبية أو الإعلامية أو الطبية أو.. او.. أو...
ونجد أنفسنا في بلاد الغربة ونعطيهم ثمرة تجاربنا
وهذا وحده حري بزلق الدموع بصورة اقوى
محبتي لك يا صاحبة الصوت العذب
وكل عام وأنت بخير
غادة
|
Post: #49
Title: Re: أحدَ عشرَ عاماً في بلاد العم سام... والساقية لسه مدورة!!
Author: Adil Osman
Date: 09-07-2008, 02:01 PM
Parent: #1
Quote: نفس عميق...
لكم هي جميلة رائحة ذلك التراب والطين... |
ده وحم الوطن يا غادة
|
Post: #50
Title: Re: أحدَ عشرَ عاماً في بلاد العم سام... والساقية لسه مدورة!!
Author: حذيفه ابراهيم الكباشي
Date: 09-07-2008, 02:42 PM
Parent: #49
ربنا يرد غربتك ويرجع للوطن في احسن حال بي بركة هذا الشهر.....
قصتي مع بلاد العام سام بدأت قبل 28 عاما حيث كنت وقتها في (بطن امي ) وقد ولدت في (رفر سايد-كلفورنيا) حيث كان والدي وقتها طالبا هناك ...وبد ان اصبح عمري اربعه اعوام عدنا الي السودان....ومن ديك
وعيــــــــــــــــــــــــــك لم اعد الي هناك ابد"
......................
|
Post: #99
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 02:21 PM
Parent: #50
Quote: قصتي مع بلاد العام سام بدأت قبل 28 عاما حيث كنت وقتها في (بطن امي ) وقد ولدت في (رفر سايد-كلفورنيا) حيث كان والدي وقتها طالبا هناك ...وبد ان اصبح عمري اربعه اعوام عدنا الي السودان....ومن ديك
وعيــــــــــــــــــــــــــك لم اعد الي هناك ابد"
|
سلامات يا حذيفة...
يعني إنت فتحت برميلك بالقلبة
كل عام وأنت بخير يا صديقي...
مودتي
غادة
|
Post: #98
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 02:16 PM
Parent: #49
Quote: Quote: نفس عميق...
لكم هي جميلة رائحة ذلك التراب والطين...
ده وحم الوطن يا غادة |
انه كذلك يا عادل... وهل أنكره
|
Post: #51
Title: Re: أحدَ عشرَ عاماً في بلاد العم سام... والساقية لسه مدورة!!
Author: مزمل التريكى
Date: 09-07-2008, 03:19 PM
Parent: #1
Quote: ذلك يعني انك رغم الحرمان الذي تعانيه ملكت القدره علي الكتابة والتعبير
مابالك بي انا ****كلما احاول ان اكتب ****اجد نفسي اتساْءل فقط في دواخلي عن كل الاسئلة
التي جالت بخاطرك *******فتأتيني الاجابة *****دموع حري تنزل علي خدي *** تزيدني الما فتزداد معاناتي |
مفاجأة البوست
الاستاذه احسان عبد المتعال
شفتى يا غاده بوستك جاب منو ؟
وكأن الله أراد ان يلطف علينا حرارة الاشجان
والحنين الى الوطن بحلفايته وشمباته وكل أطرافه...
فأرسل الينا المذيعه الجميله احسان عبد المتعال
والتى طالما ادهشتنا واطربتنا بطلتها البهيه حقا
من خلال الشاشه البلوريه وايضا الازاعه السودانيه .
يا سلاااااام
احسان عبد المتعال
حنان حسب الرسول
شمبات
رابطة شمبات للآداب والفنون
خالد سند
منير التريكى
منار سيد احمد
نبيل حسن ساتى
لفرزدق
عاطف الصاروخ
خالدوامنه محمد احمد
التشكيلى عوض عبد الرحيم
.................
جميلة كانت تلك العروس ... زيدان اغرقنا طربا
............................
الف مرحب استاذه احسان ورد الله غربتكم
فأنتم ممن تركوا بصماتهم الواضحه فى وجدان الشعب السودانى .
|
Post: #62
Title: Re: أحدَ عشرَ عاماً في بلاد العم سام... والساقية لسه مدورة!!
Author: Emad Abdulla
Date: 09-07-2008, 07:20 PM
Parent: #51
أحمدي الله الما بقاكي دنقلاوية ..
كان ياداب حداشر سنتك دي تسخينة ..
يا زولة الله يرد غربتك و يجبر خاطرك و يوفقك ..
كتابتك حنينة يا غادة .. و طاعمة .
أكتبي ياصديقتنا القديمة .. و بطلي الكسل .
تصومي و تفطري على خير
|
Post: #66
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 08:08 PM
Parent: #62
أحدى مشكلات الغربة...
أننا نكون في أكثر من مكان -مؤقتا-
نقابل أكثر من شخص... ونجلس معهم
ونقضي وقتا لطيفا -مؤقتا-
ونذهب عنهم جميعا لنكون في مكان آخر ومع أنا أخر
فلا يكون هنالك إنتماء...
اشعر انني احيانا شخصية دخيلة على مجتمع
على مجموعة... وصرت لا أحاول الإنتماء
بل ولا أتعب لكي أكون المزيد من الأصدقاء...
ولماذا؟
لكي أفارقهم سريعا...
لست من هنا ولست من هناك...
من أين؟
لست أدري!!
ونواصل...
|
Post: #104
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 05:47 PM
Parent: #62
Quote: أحمدي الله الما بقاكي دنقلاوية ..
كان ياداب حداشر سنتك دي تسخينة ..
يا زولة الله يرد غربتك و يجبر خاطرك و يوفقك ..
كتابتك حنينة يا غادة .. و طاعمة .
أكتبي ياصديقتنا القديمة .. و بطلي الكسل .
تصومي و تفطري على خير
|
صديقي الرسام... الكتاب... الـ... الـ...
احد عشر عاما هذه في بلاد العم سام...
وأكثر من ستة أخريات ببلاد القاهرة..
سبعة عشرة عاما كاملة وانا من بلد لبلد
من منزل لمنزل... ومند صديقة لأخرى..
تعتبت خلاص يا عماد
تقبل تحياتي يا صديقي المتجدد
معزتي
غادة
|
Post: #74
Title: Re: أحدَ عشرَ عاماً في بلاد العم سام... والساقية لسه مدورة!!
Author: ABDELDIN SALAMA
Date: 09-07-2008, 09:50 PM
Parent: #51
Quote: انه فعلا السؤال يا منى...
هل ترانا سنعود؟ هل تعودنا على حياتنا في الغربة
وصارت العودة للوطن غير مأمونة العواقب...
وبذلك... ما العمل؟ |
العزيزة الكتااااااااااابة / غادة
ما اقتبسته من حديثك وجدته وكأنك تتحدثين بما في نفسي .... سبعة عشر عاما من الغربة ولازالت الرؤية ضبابية ..... واصلي بأسلوبك الحلو الرائع ورمضان كريم .... تحياتي
|
Post: #105
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 06:03 PM
Parent: #74
| Quote: ما اقتبسته من حديثك وجدته وكأنك تتحدثين بما في نفسي .... سبعة عشر عاما من الغربة ولازالت الرؤية ضبابية ..... |
أخي الكريم.. عبد الدين
تحياتي أيها الكريم.. وأتمنى أن تكون أنت
وأعصابك ومحفظتك.. قد تداويتم من تداعيات الحفل المرهق
مشكلة الغربة أنها تكون في احيانا كثيرة بلا نهاية..
لا اعرف احدا دخل اليها وموعد الخروج محدد من قبل
وحتى وإن كان... فلا أظنهم التزموا به
انها دوامة يا صديقي... تبدأ لكي لا تنتهي
بل وربما تأخذنا الى اسفل واياها
كل عام وانت بخير...
مودتي
غادة
|
Post: #100
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 02:29 PM
Parent: #51
Quote: الف مرحب استاذه احسان ورد الله غربتكم
فأنتم ممن تركوا بصماتهم الواضحه فى وجدان الشعب السودانى |
أوليست هجرة العقول المبدعة.. والشخصيات المنتجة
أقسي علينا وعلى الوطن يا مزمل
أرأيت يا أحسان.. فاحبابك يذكرونك ويفتقدونك في كل مكان
هذا هو الوطن.. وهذا هو السودان
مودتي
غادة
|
Post: #67
Title: Re: أحدَ عشرَ عاماً في بلاد العم سام... والساقية لسه مدورة!!
Author: عاطف عمر
Date: 09-07-2008, 08:10 PM
Parent: #1
فور تخرجي في كلية الهندسة 1984 وجدتني أعمل في أحد أكبر المكاتب الهندسية في السودان ( عبدالمنعم مصطفى وشركاه ) . في هذا المكتب المدرسة وجدتني أتعلم ( مرة أخرى ) من نفر كريم من أساتذتي الذين جلست أتلقي العلم على أيديهم الكريمة في الجامعة . فقد كانوا متعاونين/ شركاء في المكتب . ووجدتني كذلك ضمن الجهاز الفني لأحد أكبر المشاريع العمرانية في الخرطوم أيامها - مشروع رئاسة بنك الخرطوم ومشروع رئاسة بنك الوحدة بالسوق العربي ( عمارة الضرائب حالياً ) .
في العام 1986 أتتني تأشيرة زيارة لدولة الإمارات العربية المتحدة . إستشرت أستاذي ورئيسي في العمل وأبي الروحي في عالم الهندسة بروف أبوبكر الصديق عبدالوهاب أجابني بسماحته المعهودة
" رغم إقتناعي إنو ناس الخليج ديل خلاص بنوا الحاجة العاوزين يبنوها ، وما فاضل ليهم حاجة كتيرة كلها سنتين تلاتة ويبدوا يستغنوا عن العمالة الأجنبية ، لكين برضو عشان لى قدام ما تندم سافر واقعد معاهم السنتين تلاتة ديل وتعال لينا راجع بخبرة خليجية وعدة شغل جديدة "
منذ ذلك اليوم مرت حتى الآن 22 سنة كاملة
ولا نزال هاهنا
___________________
قرار الغربة يتخذه صاحبه
قرار العودة يتخذه قبل صاحبه ، الأسرة الصغيرة والكبيرة ، مستقبل الأبناء وحسابات ( قلما تلفق )
_______________________
الغادة الأنيقة
إنتي شياطين أمريكا ( مفكوكة ) في رمضان ولا شنو ؟؟
شيطان شنو دا الخلاك ( تبحتي ) لينا في الملفات البتجيب ( سيرة البحر ) دي ؟؟؟
وبرضو
كتر خيرك ياراقية
أهو ( فضفضنا ) شوية
|
Post: #70
Title: Re: أحدَ عشرَ عاماً في بلاد العم سام... والساقية لسه مدورة!!
Author: نصرالدين عمر الجعلي
Date: 09-07-2008, 08:43 PM
Parent: #67
الساقية لسه مدورة
واه من الساقية
العزيزة غادة كل عام وانتم بخير
كم من الزفرات والاهات طلعت كالبراكين من صدورنا
كما تعرفين يا غادة نحن في الحلفاية عندنا رمضان له طعم غير عادي وكما نعتقد اننا نضاهي الاخرين حيث يفرش الاهل في الشوارع وذلك لاستقبال الضيوف وكل مجموعة من الاهل ليهم زاوية لكن قبل رمضان بايام قلائل كنت في زيارة لاحد اصدقائي ايام الجامعة وبالصدفة وجدت معه نفر كريم والكلام جاب الكلام انت من وين انا من الحلفايا معقول يا اخي انا فلان متزوج من الحلفايا يا اخي منو متزوج من وين متزوج من بنات فلان تعرفهم كيف لا وهو في حساب المعرفة خال وقال لي جديد في الدوحة فاجباته لا قديم ( لي 12 سنة ) واخبرته انني جيت زيارة فقط لمدة ثلاثة شهور وقعدت الفترة دي كلها فقال لي يا اخي انا جيت زيارة لمدة شهر واحد فقط ثلاثين يوم فقط وراجع والان وصلت اربعين سنة والشهر للحين ما تم ( وسكت عن السؤال المباح)
نسال الله الصحة والعافية ( آل 11 سنة آل )واصحبنا نمني النفس بتقضية رمضان في الحلفاية
وبدون تعليق للعودة
وكل سنة وكل الناس طيبة وكل الطيور المهاجرة في عافية وصحة وان نحقق امانيناجميعا
مع تقديري
|
Post: #107
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 06:29 PM
Parent: #70
Quote: الساقية لسه مدورة
واه من الساقية
العزيزة غادة كل عام وانتم بخير
كم من الزفرات والاهات طلعت كالبراكين من صدورنا
كما تعرفين يا غادة نحن في الحلفاية عندنا رمضان له طعم غير عادي |
سلامات يا نصرالدين
في الحلفاية قضيت اجمل اوقاتي...
كان منزل الاسرة كبيرا.. واسعا وفسيحا
في وقت الافطار... نجتمع في صالون الاسرة حيث كانت تسكن عمتي
ليلي... رحمها الله...
ونحضر معنا الصينية... اسمعها وهي تنادي:
-غادة، تعالي طلعي العصيدة...
ثم الملاح... ثم السلطة... حتى تكتمل الحلقة
ونجلس مجموعة كبيرة تاكل وتتحدث وتضحك
الصلاة... تسمع (آمييييين) كأنك في جامع كبير
يسع اهل العالم اجمعين...
لماذا تقلب المواجع يا نصر...
كفاية ما بنا...
تقبل تحياتي يا صديقي
غادة
|
Post: #106
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 06:22 PM
Parent: #67
Quote: قرار الغربة يتخذه صاحبه
قرار العودة يتخذه قبل صاحبه ، الأسرة الصغيرة والكبيرة ، مستقبل الأبناء وحسابات ( قلما تلفق ) |
يا إلهي يا عاطف...
تعرف السطر والنصف أعلاه هذا...
من الممكن أن أكتب لك مقالات عنه...
لقد كانت المصاعب التي تلقاني في غربتي مسبقا أحاول التغلب عليهابمفردي...
ولكن الأطفال يضيفون إلى الغربة ومتاعبها أبعادا وزوايا جديدة ومتنوعة
تجعل من أمر التغلب عليها أقرب إلى المستحيل... خذ مثال... اللغة...
سألني هاشم ذات يوم...:
-لماذا نتحدث العربية بينما مايك لا يتحدث سوى الإنجليزية
وحاولت أن أشرح له أنه أكثر موهبة من الآخرين كونه يتحدث لغتين... لكن السؤال الذي كان يلح عليه:
-لماذا يتحدث مايك الإنجليزية في البيت والمدرسة بينما هو مطالب
أن يترك حقيبة الإنجليزية على باب المنزل ليعود
ويحملها صباح اليوم التالي وهو متجه لتلقي دروسة
والأكثر... لماذا هو مختلف عن الآخرين؟ وكيف له أن يدرك أن الإختلاف أفضل...
وهل هو حقيقة أفضل؟
أسئلة كثيرة يا صديقي العزيز...
لا بد لي وأن أكتب أكثر..
تحياتي الى سعدية الوفية وبقية الأسرة الكريمة
ورمضان كريم
مودتي
غادة
|
Post: #68
Title: Re: أحدَ عشرَ عاماً في بلاد العم سام... والساقية لسه مدورة!!
Author: سيف الدين مصطفى كرار
Date: 09-07-2008, 08:18 PM
Parent: #1
مساء الخير ورمضان كريم عليك يا غادة
احد عشر عاما فى امريكا!!! الساقية لازم تستمر فى دوارها لان تلك البلاد بلاد الدميقراطية والانتاج
الاقتصادى الحر,متعددة الالوان والاتجاهان علية تجدية مجتمع واسع من كل بقاع الدنيا وشعوب ذات
ثقافات متنوعة تبعث فى النفس التجديد والازهار.
شى ما يجعل الامواج تجزب الانسان الى تلك البلاد .
(.......... (..................
لكن فى النهاية لابد وان يزور الانسان طيف من الاوطان يجعل المرء يفكّّر بالعودة الية.
تسعد لياليك.
|
Post: #69
Title: Re: أحدَ عشرَ عاماً في بلاد العم سام... والساقية لسه مدورة!!
Author: خدر
Date: 09-07-2008, 08:35 PM
Parent: #68
19 + 11 - 3 = 23
__
كل سنه وانت و الوليدات بخير يا غادة
|
Post: #72
Title: Re: أحدَ عشرَ عاماً في بلاد العم سام... والساقية لسه مدورة!!
Author: حسن مضوي
Date: 09-07-2008, 09:33 PM
Parent: #69
الأستاذة الرائعة / غادة عبد العزيز خالد
السلام عليكم ورمضان كريم وتصوموا وتفطروا على خير
يا اختي لماذا تستغربي من ال11 سنةالتي قضيتيها خارج السودان أمثالك كثر من السودانيين مشتتين في جميع بقاع العالم لهم عشرات السنين ولطال ما كل الأنظمة التي تعاقبت على السودان تعمل على هدم الاقتصاد وتشريد الشباب فلم ولن تتوقف الهجرة أحمدي الله أن الظروف أتت بك إلى أمريكا هناك سودانيون فكروا في الهجرة إلى بلدان أفريقيا التي لا تقل عننا في المعناه فهي لهم مثل المستجير بالرمضاء من النار .
وأخيرا نتمنى أن ينصلح الحال وترد غربة كل سوداني طافش من سنين
|
Post: #110
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 06:51 PM
Parent: #72
Quote: يا اختي لماذا تستغربي من ال11 سنةالتي قضيتيها خارج السودان أمثالك كثر من السودانيين مشتتين في جميع بقاع العالم لهم عشرات السنين ولطال ما كل الأنظمة التي تعاقبت على السودان تعمل على هدم الاقتصاد وتشريد الشباب فلم ولن تتوقف الهجرة أحمدي الله أن الظروف أتت بك إلى أمريكا هناك سودانيون فكروا في الهجرة إلى بلدان أفريقيا التي لا تقل عننا في المعناه فهي لهم مثل المستجير بالرمضاء من النار .
وأخيرا نتمنى أن ينصلح الحال وترد غربة كل سوداني طافش من سنين |
سلامات يا حسن...
احد عشر عاما هي عمر غربتي بامريكا
وسته اخرى قضيتها بمصر...
اي انني خارج السودان اكثر من سبعة عشر عاما
اليس هذا هو التشريد بعينة؟
لقد قضيت اكثر سنوات عمري خارج السودان... تخيل...
ولكنني لا زلت لا استطيع ان اتركه خلفي او اتجاوزه
يشدني حنين شديد ويجرفني بقوة اليه...
اعان الله شبابنا من لا يجدون سوى في الغربة حل...
واعقل الله حكامنا لكي يفكروا فيما يفعلوه بنا
كل عام وأنت بخير يا أخي
مودتي
غادة
|
Post: #109
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 06:47 PM
Parent: #69
عارف يا خضر..
قبل فترة كتبت مقال وذكرت فيه بعض من تفاصيل
حاول أحد الأصدقاء على إثرها استخلاص عمري
وبعد فترة أتاني كالمنتصر انه علم تماما عمري
مثل..
يعني انتي كنتي في تانية عام لما طلعتي من السودان
ده معناها عمرك حيكون قدر كذا.. وبقيتي في مصر كذا
فهذا يعني هكذا...
المهم، بعد ما نفسه (قام) وقعد... فتحت له النت
واريته تاريخ ميلادي باليوم والشهر والسنة بالبروفايل
يعني الموضوع ما كان عاوز درس عصر...
لكن حسبتك دي عجبتني... يمكن اختها هي في البروفايل
_______________
وإنت وبارعة ولقاء وخالد بالف خير يا صديقي العزيز
|
Post: #108
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 06:39 PM
Parent: #68
| Quote: لكن فى النهاية لابد وان يزور الانسان طيف من الاوطان يجعل المرء يفكّّر بالعودة الية. |
سلامات يا سيف الدين
الطيف يزور كثيرا يا سيف... حتى صار كانه
واقعا وليس منام...
الاحلام... الآمال.. والأشواق تلف قلوبنا بوشاح
وتجعلنا نحن لدفء الأهل... ولهواء الوطن
حتى ولو كان في كتاحة
كل عام وأنت بخير يا صديقي
مودتي
غادة
|
Post: #73
Title: Re: أحدَ عشرَ عاماً في بلاد العم سام... والساقية لسه مدورة!!
Author: مزمل التريكى
Date: 09-07-2008, 09:39 PM
Parent: #1
Quote: احيانا اتصل بخطوط الطيران وأسألهم عن سعر التذاكر للسودان
وأضع السماعة ولسان حالي يغني:
-يا الجنيت أنا |
ههههههههههههه
والله محنك محن
انتى قايله غربتى ما هانت على
بعد ما قريت كلامك ده
|
Post: #75
Title: Re: أحدَ عشرَ عاماً في بلاد العم سام... والساقية لسه مدورة!!
Author: حسن زمراوي
Date: 09-07-2008, 09:55 PM
Parent: #73
الأخت غادة:
السلام عليكم ورحمة الله ... ورمضان كريم
لقد حضرت إلى أمريكا قبل 16 عاما وعمري حينها 22 سنة
وهذا يعني أنني تغربت 22 سنة في السودان
مع تقديري لمشاعرك النبيلة نحو وطنك
عاش أبو هاشم
|
Post: #111
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 06:58 PM
Parent: #75
Quote: لقد حضرت إلى أمريكا قبل 16 عاما وعمري حينها 22 سنة
وهذا يعني أنني تغربت 22 سنة في السودان
مع تقديري لمشاعرك النبيلة نحو وطنك |
حسن زمراوي
تحياتي ايها الرجل الكريم... ورمضان كريم
تعرف يا حسن... انت من البسطاء الذين اعرفهم
والذين عملوا على تحويل مشاعرهم الى تصرفات
يكفي عملك النبيل لمدرسة ابوكدوك
ربما لا نستطيع ان تغير من السودان كله
ولكن ما استطعنا...
تقبل احترامي...
ولاسرتك البهية كثير من تحية
غادة
|
Post: #117
Title: Re: أحدَ عشرَ عاماً في بلاد العم سام... والساقية لسه مدورة!!
Author: حسن زمراوي
Date: 09-09-2008, 10:50 AM
Parent: #111
Quote: حسن زمراوي
تحياتي ايها الرجل الكريم... ورمضان كريم
تعرف يا حسن... انت من البسطاء الذين اعرفهم
والذين عملوا على تحويل مشاعرهم الى تصرفات
يكفي عملك النبيل لمدرسة ابوكدوك
ربما لا نستطيع ان تغير من السودان كله
ولكن ما استطعنا...
تقبل احترامي...
ولاسرتك البهية كثير من تحية |
الأخت العزيزة أم هاشم:
وعليكم السلام... وتقبل الله منا ومنكم
شكرا على كلماتك الرقيقة والمشجعة
تعرفي يا أختي العزيزة أن هنالك كثير من الرائعين هنا في أمريكا ممن حببوا إلي العمل الخيري وأحد هؤلاء الرائعين هو زوجك الباشمهندس المعز.
قولي لي كيف ؟؟؟
ماتقولي لي كيف يا أختي
أنا في إنتظار أن تقولي لي كيف حتى أقصص لك من بعض زكرياتنا مع زوجك العزيز بمدينة بيوريا
وعاش أبو هاشم
|
Post: #76
Title: Re: أحدَ عشرَ عاماً في بلاد العم سام... والساقية لسه مدورة!!
Author: Osman Musa
Date: 09-07-2008, 10:01 PM
Parent: #73
بنتنا العزيزة غادة خالد
سلامات ورمضان كريم
11 سنة ؟
كملتى كراتين الحلو مر .
ربنا يسعدك ويفرحك وترجعى وانتى كلك امل يارب
تحياتى للأولاد
|
Post: #112
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 07:03 PM
Parent: #76
Quote: بنتنا العزيزة غادة خالد
سلامات ورمضان كريم
11 سنة ؟
كملتى كراتين الحلو مر .
ربنا يسعدك ويفرحك وترجعى وانتى كلك امل يارب
تحياتى للأولاد |
سلامات يا عثمان
هي كراتين الحلو مر بس...
وحياتك هنالك نقص في السودان لكراتين
الكركديه وايضا القونقليس...
اعادنا الله واياكم يا عثمان
وكل عام وانت بالف خير
مودتي
غادة
|
Post: #79
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-07-2008, 11:27 PM
Parent: #73
Quote: Quote: احيانا اتصل بخطوط الطيران وأسألهم عن سعر التذاكر للسودان
وأضع السماعة ولسان حالي يغني:
-يا الجنيت أنا
ههههههههههههه
والله محنك محن
انتى قايله غربتى ما هانت على
بعد ما قريت كلامك ده |
بدون تخطي للآخرين..
ولكن اريد ان اقول لمثل مزمل الشمتانين
ان اذا كان هذا كثيرا.. فخذ عندك أخرى
في شهر يونيو (القريب ده) حجزت تذكرة عديييل
اها.. غربتك صارت وطن ولا لسه يا مزمل
|
Post: #114
Title: Re: أحدَ عشرَ عاماً في بلاد العم سام... والساقية لسه مدورة!!
Author: حذيفه ابراهيم الكباشي
Date: 09-08-2008, 07:49 PM
Parent: #73
Quote: احيانا اتصل بخطوط الطيران وأسألهم عن سعر التذاكر للسودان
وأضع السماعة ولسان حالي يغني:
-يا الجنيت أنا |
انا لله....
وانا اليه راجعون...
حالة متأخره من الاتهاب العاطفي....
والله حننتينا (برا محلبيه)
....
|
Post: #77
Title: Re: أحدَ عشرَ عاماً في بلاد العم سام... والساقية لسه مدورة!!
Author: Hisham Magzoub
Date: 09-07-2008, 11:04 PM
Parent: #1
اخت غاده
عمرى فى امريكا كان 3 سنوات
وهى غير كافيه لبداية الحلم الامريكى
وعندما شعرت ان الحلم الامريكى يحتاج 15+ سنه وهى تعادل 25% من العمر
فررت ولم الوى على شئ
تحيات للاخ معز الصامد
واذكر انه واحد من الذين نصحونى بالتريث وعدم التهور
وكانت واحده من مقولاته المشهوره
انه شاعر بانه اخيرا" وصل وطنه
|
Post: #80
Title: Re: أحدَ عشرَ عاماً في بلاد العم سام... والساقية لسه مدورة!!
Author: Ishraga Mustafa
Date: 09-07-2008, 11:28 PM
Parent: #77
اشتقنا ليك ولوجهك المليح اللى بيرد الروح
واشتقنا اكتر لكتابتك
اكتبى ياغادة
تجربة وتفاصيل جديرة بالكتابة
وماتنسى ترسل لى نسختى
محبتى وكل رمضان وانت واسرتك بخير
|
Post: #122
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-10-2008, 02:11 PM
Parent: #80
Quote: اشتقنا ليك ولوجهك المليح اللى بيرد الروح
واشتقنا اكتر لكتابتك
اكتبى ياغادة
تجربة وتفاصيل جديرة بالكتابة
وماتنسى ترسل لى نسختى |
تعرفي يا اشراقة
تعجبني قوة شخصيتك واعتزازك بنفسك...
افخر بك ونجاحك... وسعيدة انني اعرف
امراة سودانية بقامتك...
انها الغربة المريرة يا صديقتي التي تنتزع الكلام منا
تنهيدة...
خلاص... تعبت يا اشراقة
رمضان كريم وكل عام وانت بالف خير
محبتي
غادة
|
Post: #121
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-10-2008, 02:06 PM
Parent: #77
Quote: اخت غاده
عمرى فى امريكا كان 3 سنوات
وهى غير كافيه لبداية الحلم الامريكى
وعندما شعرت ان الحلم الامريكى يحتاج 15+ سنه وهى تعادل 25% من العمر
فررت ولم الوى على شئ
|
سلامات يا هشام
تعرف.. في فترة حضر الجميع وهاجر الى الولايات المتحدة
يملأ قلوبهم الأمل ويشغلهم الحلم في الغد الجميل
اليوم وبعد مرور ما يقارب العقدين من الزمان
لا تزال اغلب الآمال هي آمال...
ولا تزال الاحلام تتسع ولا تمتلئ
الحلم الأمريكي صعب حتى على -اسياد البلد زاتهم-
وليس من السهولة بمكان...
هنالك من نجح... فنجد الطبيبة والمحامية والاستاذ والمهندس
وغيرهم ممن قدموا امثلة طيبة...
ولكنه لا يزال صعبا طويل المنال
Quote: تحيات للاخ معز الصامد
واذكر انه واحد من الذين نصحونى بالتريث وعدم التهور
وكانت واحده من مقولاته المشهوره
انه شاعر بانه اخيرا" وصل وطنه |
عندما حدثت معز عن كلماتك.. ابتسم ابتسامة عرضية
وسألني عنك واين التقيتك...
كان ذاهب للتراويح.. فاجزم انه سيحاول ان يطل
برأسه هاهنا حالما تاتي الفرصة
تقبل مودتي
غادة
|
Post: #81
Title: Re: أحدَ عشرَ عاماً في بلاد العم سام... والساقية لسه مدورة!!
Author: انعام عبد الحفيظ
Date: 09-07-2008, 11:49 PM
Parent: #1
ولكن المحنة والمحبة في قلوب الأقرباء كانت تدفيني
والمحنة والمحبة تزيد ولا تنقص في قلوب كل من عرفك يا غادة
قلبي معك في غربتك وربنا يردك سالمة غانمة يا رب
غادة سلام وشوق شديد
|
Post: #82
Title: Re: أحدَ عشرَ عاماً في بلاد العم سام... والساقية لسه مدورة!!
Author: NAHID HASSAN BASHIR
Date: 09-08-2008, 00:33 AM
Parent: #1
- أها إنتو كويسين ؟ ما جايين قريب ؟
أسئلة الأحباب تحملها موجات الشوق الودود عبر الأثير
العبرة تقف حاجزاً دون الإسترسال ...
ياربى ما الإجابة المتاحة !!!
غادة
لم تثر فينى كلماتك شجون بل كشفت غطاء مراجل كنت
أظننى أحكمت السدادة وأودعتها خزين حصين ، وإبتلعت
فوارة الأيام مفتاحه ، ولكن ....
لسنا نحن وشجوننا، بل صغارنا الذين صارت مخيلتهم عن
أهل ووطن لم يعوه اشبه بتراقص باطن مرآة تشربتها الدهون
أسئلة الأهل عن العودة نردها هجمات للتسالى مع صغارنا عن
معرفتهم بهذا الفلان وصلة رحمه وتخيل شكله الحقيقى و...و...
وأوان العودة القريب علنا نرسم جسر للوطن عساهم سالكوه يوم ما
اعاد الله غربتنا ورد الخطى
رمضان كريم عزيزتى
كل سنة وإنت طيبه
محبتى
|
Post: #83
Title: Re: أحدَ عشرَ عاماً في بلاد العم سام... والساقية لسه مدورة!!
Author: عامر تيتاوى
Date: 09-08-2008, 01:39 AM
Parent: #82
Quote: من يحمل القلب الطاهر... ويرق قلبه على المسكين
من يحزن لليتيم... يحمل همه... لك الله يا صديقي
فها أنت تحمل عبء الوطن وابناءه وبناته
من يملك منهم المال ومن لا يملك...
اعادنا الله يا الطاهر... لوطن تصير كل الطيور فيه
محلقة بكل حرية... وتصفق اجنحتها بكل فرحة عفوية...
|
الغربة سكة سفر بعيد ما معروف ينتهى متين
رحلة الى المجهول
وكل ما السنين تتقدم بينا بيزداد الحنين
وايه الدنيا غير لمة ناس فى خير
او ساعة حزن
رمضان كريم ياغادة
كونى بخير والاسرة الكريمة
|
Post: #84
Title: Re: أحدَ عشرَ عاماً في بلاد العم سام... والساقية لسه مدورة!!
Author: Shams eldin Alsanosi
Date: 09-08-2008, 02:05 AM
Parent: #1
| Quote: لكم أفتقد في هذه اللحظات صوت الآذان ووجوه الأهل... رائحة الحلو مر و(لمة) إفطار رمضان |
هسع الجرسة دي كلها عشان كباية حلومر
عندي إحساس بت عبدالعاطي فاطرة في حتة تانية
.......
رمضان كريم يا غادة
ومثلها للاسرة
|
Post: #85
Title: Re: أحدَ عشرَ عاماً في بلاد العم سام... والساقية لسه مدورة!!
Author: Kamal Karrar
Date: 09-08-2008, 02:15 AM
Parent: #1
الأخت/ غادة..
رمضان كريم.. أنا من المكتوين بنار الغرية منذ العام 1979م... بس ما كبير شديد؟؟؟ فقد خرجت يافعا .. وإلى الآن لا أرتاح إلا في بلدي.. صحيح بلدان المهجر .. تحتضن أجسادنا المتعبة كما قلتي إلا أن الوطن واحد...
ولو لحظة من وسني ...تغسل عني الحزن... تحملني ترجعني إلى عيون وطني..
ولا شنو يا غادة؟؟؟
|
Post: #86
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-08-2008, 04:51 AM
Parent: #85
من مآسي الغربة... أطفالنا
قبيل عدة أشهر سافرت لولاية كاليفورنيا لقضاء اسبوعين
مع السيدة الوالدة... كان هاشم وشهاب فرحين جدا بالزيارة
فلوالدتي في قلبهم محبة خاصة...
وحينما ودعنا معز على باب المطار... نظر لي هاشم وعيناه
تمتلئ بالدموع وقال:
-لكن أنا حأشتاق لبابا
وطمنته بأننا سنكون في كاليفورنيا لفترة بسيطة وسيسعد بصحبة
جدته ودلعها وحنانها الذي تصبه أشلالا عليه...
وسافرنا... واستمتع الطفلان بكل اشكال محبة الحبوبات
حتى صارا يجلسان مع امي ويرافقانها اكثر مني...
ولم ينس هاشم والده في تلك الفترة... فقد ظل مداوما
وكل يوم على مقولة:
-انا مشتاق لبابا
ويتصل الصباح به تيلفونيا كل يوم
ومرت فترة الزيارة سريعا... وبعد أن ودعتنا والدتي على باب المطار
نظر لي هاشم... وعيناه ايضا تكاد تدفق الدموع وهو يقول لي:
-لكن أنا حأشتاق لحبوبة!!
.
.
.
|
Post: #87
Title: Re: أحدَ عشرَ عاماً في بلاد العم سام... والساقية لسه مدورة!!
Author: Mirghani Ali AlAmin
Date: 09-08-2008, 06:47 AM
Parent: #1
بماذا أناديك هل أناديك بالإبنة أم بالأخت
بدون حسابات كدا يعني أنت أكبر شوية من الإبنة
أمنياتي لك بالتوفيق في الغربة والعودة لنا جميعاً للوطن على شرط أن يكون الوطن قد أصبح جاذباً
على قرار أن تكون الوحدة جاذبة !!!!؟؟؟؟
بعيداً عن الموضوع أود أن أسأل :
هل غادة عبد العزيز التي قدمت لقاءات وبرامج مصورة من واشنطون لقناة النيل الأزرق هل هي أنت أم أنها غادة أخرى ؟
من خلال صورة البروفايل وما رأيته لك من صور بروفايل سابقة يبدو أن غادة المعنية غادة أخرى لكن أحياناً أقول ربما تكون صور البروفايل قديمة ، على كل لك ، ولها( إذا كانت غادة غير )، الود والتحية والتقدير
وليس بعيداً عن الموضوع ، بل في خضم الموضوع ( أنا لي 29 سنة غربة ) بس خليها بيني وبينك ما تكلمي زول . سمح ؟
|
Post: #88
Title: Re: أحدَ عشرَ عاماً في بلاد العم سام... والساقية لسه مدورة!!
Author: مريم بنت الحسين
Date: 09-08-2008, 07:21 AM
Parent: #1
غادة ازيك..
وشكرا على البوح الحزين..
انا طلعت من السودان عمري سبعو سنين.. قريت مراحلي الدراسية في ثلاثة بلدان.. كان زواجي في بلد.. وولدي محمود ولدته في بلد.. وركب الطيارة عمره 15 يوم واول شهرين في حياته عاشه في بلد مختلف.. ودخل الحضانه في بلد.. وما معروف مدرسته تكون وين.. من سنة 1987 بسمع امي بتخطط لبيتها البتستقر فيه حتعمل فيه شنو.. عايزه تزرع ليها جنينه... وما عايزه اخواني يلعبوا بالكوره ويضربوا حيط "بيت الناس" ممكن يلعبوا لما نكون في بيتنا... وعايزه تعمل ليها حوض سمك تربيهم..
قبل يومين انا ونادر حايمين.. ولقيت نفسي بفكر بنفس الطريقة.. عايزه بيتي اعمل فيه واسوي فيه.. بيتي المستقره فيه... ويبدو انه انها اضغاث احلام..
السودان يا غادة بنشتاق ليه.. لكن مما نمشي الواحد بجي جاري جري... يغيب ليه سنة سنتين يقوم ينسى المعاناه ويتذكر الحاجات الحلوه، يقوم يحن تاني... يمشي، يرجع راسه عديل... نعمل شنو كان بلدنا طاردانا؟ احنا بقينا مسوخ ما قادره تعيش في اي مكان...
تجربتي مع الامومه تجربه جميله جدا (ردا على سؤالك بتاع البوست الفات)... استمتعته بيها شديد.. حأحاول اكتب عنها في بوست.. يمكن الامهات الجداد يستفيدوا من غلطاتي ..
لك محبه وافره.. وتحية من محمود نادر (سنتين)
بنت الحسين
|
Post: #101
Title: Re: أحدَ عشرَ عاماً في بلاد العم سام... والساقية لسه مدورة!!
Author: ناجي عز الدين الصديق
Date: 09-08-2008, 02:37 PM
Parent: #1
الأخت الفاضلة / غادة
رمضان كريم
كتبت اوراق كثيره عن الحنين للوطن
مبعثره هنا وهناك مثلي في بلاد الغربه
خلاصة هذه الوراق تقول :
إن الحياة التي نعيشها الأن ( في بلاد المهجر ) تجعل الانسان يتحثث رطوبة القبر
تحياتي وربنا يخفف عنكم الغربه
وإلى الملتقى
|
Post: #102
Title: Re: أحدَ عشرَ عاماً في بلاد العم سام... والساقية لسه مدورة!!
Author: osman righeem
Date: 09-08-2008, 03:29 PM
Parent: #1
اختنا الغاليه
غاده
كلنا كتبنا جوبات حراجي القط
ومزقناها و التهمناها مرة اخري
قالوا لابد من صنعاء و ان طال السفر
ويطول السفر لاننا كل يوم نبدل صنعاء بأخري
لا اظنك تتذكري شعار شركة موبيل في السودان
موبيل تتقدم مع تقدم السودان
عايني شوفي موبيل اويل كومباني و ين و السودان وين
الاتنين اتلحسو
|
Post: #103
Title: Re: أحدَ عشرَ عاماً في بلاد العم سام... والساقية لسه مدورة!!
Author: Ashraf Abdel-Muty
Date: 09-08-2008, 03:53 PM
Parent: #102
الاخت الفاضله غاده
انتى اسالى عمك عثمان ده ديل ناس الاربعين سنه
والله العشره تبقى ليك بسيطه خلاص
و لو قال عايز يرجع ناس نوال والاولاد ما بخلوه ....
Quote: سلامات يا أشرف... ورمضان كريم يا أخي...
عارف، أحلام العودة للوطن تراودني بطريقة عجيبة...
احيانا اتصل بخطوط الطيران وأسألهم عن سعر التذاكر للسودان
وأضع السماعة ولسان حالي يغني:
-يا الجنيت أنا |
يا ستى انشاالله تامين وسالمين و راجعين غانمين
كل الود و التقدير
|
Post: #113
Title: Re: أحدَ عشرَ عاماً في بلاد العم سام... والساقية لسه مدورة!!
Author: khaleel
Date: 09-08-2008, 07:21 PM
Parent: #103
بت عبد العزيز
لو عاد بك الزمان هل تختارين امريكا ام بحري ام العرضة
ركزي علي العرضة دي
|
Post: #115
Title: Re: أحدَ عشرَ عاماً في بلاد العم سام... والساقية لسه مدورة!!
Author: خالد العطا
Date: 09-08-2008, 09:30 PM
Parent: #1
الاخت غادة
تحياتي ورمضان كريم
اول حاجة القصة ناقصة وهل ال11 سنة جرسة اقصد غربة كلها دراسة ام ظروف اخرى اجبرتك على هذه الغربة الطويلة
تاني حاجة ما قالوا الغربة صعوبتها في ال10 سنة الاولى بس وانتي اتعديتيها تاني الجرسة شنو
الله يرد غربتنا وغربتكم
|
Post: #116
Title: Re: أحدَ عشرَ عاماً في بلاد العم سام... والساقية لسه مدورة!!
Author: مزمل التريكى
Date: 09-08-2008, 10:14 PM
Parent: #1
| Quote: -لكن أنا حأشتاق لحبوبة!! |
والله يا هاشم جننتنا جن
بس انت اجمل مثال للمغتربين فى البوست ده
دايرين الدولار ومشتاقين لى حبوبه
ربنا يحفظك ليهم الاتنين .. ويلم شملكم انشاءالله
|
Post: #118
Title: Re: أحدَ عشرَ عاماً في بلاد العم سام... والساقية لسه مدورة!!
Author: حسن زمراوي
Date: 09-10-2008, 11:58 AM
Parent: #116
Quote: حسن زمراوي
تحياتي ايها الرجل الكريم... ورمضان كريم
تعرف يا حسن... انت من البسطاء الذين اعرفهم
والذين عملوا على تحويل مشاعرهم الى تصرفات
يكفي عملك النبيل لمدرسة ابوكدوك
ربما لا نستطيع ان تغير من السودان كله
ولكن ما استطعنا...
تقبل احترامي...
ولاسرتك البهية كثير من تحية |
الأخت العزيزة أم هاشم:
وعليكم السلام... وتقبل الله منا ومنكم
شكرا على كلماتك الرقيقة والمشجعة
تعرفي يا أختي العزيزة أن هنالك كثير من الرائعين هنا في أمريكا ممن حببوا إلي العمل الخيري وأحد هؤلاء الرائعين هو زوجك الباشمهندس المعز.
قولي لي كيف ؟؟؟
ماتقولي لي كيف يا أختي
أنا في إنتظار أن تقولي لي كيف حتى أقصص لك من بعض زكرياتنا مع زوجك العزيز بمدينة بيوريا
وعاش أبو هاشم
|
Post: #119
Title: Re: أحدَ عشرَ عاماً في بلاد العم سام... والساقية لسه مدورة!!
Author: عواطف ادريس اسماعيل
Date: 09-10-2008, 12:03 PM
Parent: #118
الحلوة غادة ..
كل عام وأنت بألف خير ..
يا بخت بلاد العم سام بوجودك بينهم .. شرف كبير أن تكون إنسانة مثلك في ربوع هذه البلاد ..
فليسعدوا ويهنأوا بأدبك وكرم أخلاقك واجتهادك ..
|
Post: #120
Title: Re: أحدَ عشرَ عاماً في بلاد العم سام... والساقية لسه مدورة!!
Author: غادة عبدالعزيز خالد
Date: 09-10-2008, 02:02 PM
Parent: #118
Quote: تعرفي يا أختي العزيزة أن هنالك كثير من الرائعين هنا في أمريكا
ممن حببوا إلي العمل الخيري وأحد هؤلاء الرائعين هو زوجك الباشمهندس المعز.
قولي لي كيف ؟؟؟
ماتقولي لي كيف يا أختي
أنا في إنتظار أن تقولي لي كيف حتى أقصص لك من بعض زكرياتنا مع زوجك العزيز بمدينة بيوريا |
قبل أن نواصل الردود والحديث والحكي
لا بد وأن نلتفت للأخ حسن ونسأل كيف...
لنرى ما قدمته أيدي معز
-ولو بصورة غير مباشرة -
اها يا حسن...
كيف؟
تحياتي
غادة
|
Post: #123
Title: Re: أحدَ عشرَ عاماً في بلاد العم سام... والساقية لسه مدورة!!
Author: محي الدين جبريل
Date: 09-10-2008, 02:23 PM
Parent: #120
غادة طابت أوقاتك .. لك التحية ولضيوف البوست ..
كلامك وضيوفك عن سجالات حياتكم فى بلاد الغربة جعلتنى اكثر تمسكا بمبدأ إقتنعت به منذ نعومة أظافرى ... هو أن تكون علاقتى بالغربة
مجرد رحلة عمل مؤقتة ( وفللى ) أجى راجع ... وفعلا قد كان ... وهذا المبدأ الغريب ( فى نظر كثير من رواد هذا البوست له عدة اسباب
طبعا شخصية سيطول الحديث عنها .. ولكن ما يؤثر فى حقا هو ذلك الحديث عن تلك الأرقام الكبيرة لعدد السنين التى يقضيها احباؤنا
بالخارج دون العودة ولو فى غجازات حتى ولو فى العامين مرة ... ولى رايى الخاص هنا ايضا...
ولى عودة
|
Post: #124
Title: Re: أحدَ عشرَ عاماً في بلاد العم سام... والساقية لسه مدورة!!
Author: Mutwali Malik
Date: 09-11-2008, 08:06 AM
Parent: #123
الاخت غادة
رمضان كريم
موضوع مهم ويطول فيهو الحديث ويمتد هي دوامة ندور فيها وتدور مع كل رؤاه شوارع مقفرة تصفعنا ببردها وظلامها وليلها الغريب نبحث فيها عن من يشد أزرنا نبحث فيها عن حبيب عن صديق قديم
دوامة ندور فيها اخالني ممزقا بالصمت والصراخ والبكاء والنحيب
هناك بيتنا الذي يئن في سكوت في حارة فقيرة ولكنها دافئة بالحب والحنين
فيها احتمي من غربة في الروح
انا مهاجر بلا رجوع انا اشكوك في خشوع
يابيتنا السعيد
يابلدتي حبيبتي
متي يحين موعد الرجوع
متي يحين موعد الرجوع
حكمة
لاتشغل يومك بهموم غدك
ففد لاتاتي هموم غدك
فتكون قد فقدت سرور يومك
|
Post: #125
Title: Re: أحدَ عشرَ عاماً في بلاد العم سام... والساقية لسه مدورة!!
Author: Adil Osman
Date: 09-11-2008, 02:13 PM
Parent: #1
بمناسبة الكلام عن العمل الخيرى فى بيوريا وجدت هذه الصورة عن دعم تلاميذ ومواطنى جنوب السودان بالكتب.
|
Post: #126
Title: Re: أحدَ عشرَ عاماً في بلاد العم سام... والساقية لسه مدورة!!
Author: Imad Khalifa
Date: 09-11-2008, 07:23 PM
Parent: #125
الاخت غادة
رمضان كريم
ما قالوا ال10 سنوات الاولي ما محسوبة في امريكا
تحياتي
|
Post: #127
Title: Re: أحدَ عشرَ عاماً في بلاد العم سام... والساقية لسه مدورة!!
Author: حسن زمراوي
Date: 09-30-2008, 02:47 AM
Parent: #126
Quote: شكرا على كلماتك الرقيقة والمشجعة
تعرفي يا أختي العزيزة أن هنالك كثير من الرائعين هنا في أمريكا ممن حببوا إلي العمل الخيري وأحد هؤلاء الرائعين هو زوجك الباشمهندس المعز.
قولي لي كيف ؟؟؟
ماتقولي لي كيف يا أختي
أنا في إنتظار أن تقولي لي كيف حتى أقصص لك من بعض زكرياتنا مع زوجك العزيز بمدينة بيوريا
وعاش أبو هاشم
|
Quote: قبل أن نواصل الردود والحديث والحكي
لا بد وأن نلتفت للأخ حسن ونسأل كيف...
لنرى ما قدمته أيدي معز
-ولو بصورة غير مباشرة -
اها يا حسن...
كيف؟
|
الأخت/ أم هاشم
السلام عليكم وعيد مبارك عليكم
معذرة على التأخير في الرد ...
أذكر ذات مرة أننا أنا وزوجك الوجيه/ المعز دخلنا مكتبة المسجد بمدينة بيوريا حيث كنا نعمل ونسكن سويا، ووجدنا المكتبة عبارة عن كتب كثيرة ملقاة على الأرض ولاتوجد رفوف البتة. وكان من الصعوبة البحث عن كتاب معين لإستعارته، فقلت متحسرا لزوجك العزيز:
- تعرف يالمعز أتمنى لو كان الواحد مستطيع ماديا، الواحد كان إشترى رفوف لمكتبة المسجد ونظم الشغلانة دي
- فرد زوجك العزيز قائلا: (يازول الداير يسوي حاجة مابتغلبه حيلة)
فكان الأمر فعلا كما قال زوجك العزيز، ففي أول "لمة دافوري" عملت كشف على السريع من الإخوة السودانين الأفاضل في ذاك الوقت وجمعت المبلغ الكافي لشراء الرفوف اللازمة لمكتبة مسجد مدينة بيوريا. وكان الأمر في غاية السهولة والحمد لله.
فنسأل الله أن يتقبل من الجميع ويجعلها خالصة لوجهه.
والسلام
وعاش أبوهاشم
أخوك/ حسن زمراوي
شيكاغو - أمريكا
|
|