ممكن الواحد يصحى من النوم يلقى المنبر دا مافي ؟ ..

ممكن الواحد يصحى من النوم يلقى المنبر دا مافي ..





سؤال سألته لنفسي ..

Quote: ممكن الواحد يصحى من النوم يلقى المنبر دا مافي :

مشى وين?
سؤال سألته لنفسي ..

أبو مهند

كيفك يا زول يا رايق ..

تخيل ممكن تكون شالتو الكشة ..
والكشة دي عكس الإلزامية ..
ديلك ليهم شكل آخر ..
ومزاج مختلف كمان ..
الله لا يوريك ليهم ..

عشان بنوم ليك ... هييييي عشان بنوم ليك

دا في حالة نحن جانا النوم يا صديقي ..
عارفين دا بحصل عشان كدا ابداً ما حا ننوم..
يا اخي وبعدين اذا ما لقيناهو يكون اراح واستراح ..
بيني وبينك في ناس في المنبر دا شغلهم الشغال قاعدين فاتحين خشومهم..
السؤال اذا قفلوه او قمنا ما لقيناهو يا ربي حا يمشوا وين الناس ديل؟
ما بكون بكري صيعهم .. انا غايتو بعمل لي واحد تجي تشتغل معاي فيه يا مووووو .. ليك العضم ولينا اللحم

مو ..
في الحالة ديك كدي فتش تحت السرير !!

Quote: في الحالة ديك كدي فتش تحت السرير !!

دا كلو هين يا ملكي ..

الخوف من البعاتي ..

يا ولي أعمل حسابك ما يجيك أبو الشهيق ..
غايتو أنا ما مسوووووووووووووووول ..

المنبر الحر منبر بحجم وطن إحتضننا بالرغم من إختلاف أفكارنا وتوجهاتنا ..
سودانيز أصبح لنا وطن نستريح فيه ..
نبدأ به يومنا وينتهي ..
الكتابة فيه لها طعم خاص ونكهة مميزة ..
سودانيز أصبحت مؤسسة إعلامية ضخمة يعتز الشخص بالإنتماء لها ..
وجدنا فيه الراحة وهناك الكثيرون الذين أحببناهم وأحببنا كتاباتهم ..
تعلقنا بالمنبر يزداد يوماً بعد يوم ..
لا تكاد تنام وإلا وأنت تفكر فيه وما إن تصحى إلا وأنت تبداً به ..
رغم العواصف التي تجتاحه إلا أنه ظل صامد يقف في مأمن بفضل الكثيرون الذين يعضون عليه بالنواجز ..
هناك الكثيرون الذين هجروه ويقيني أنهم سوف يعودون ..
ونحن هنا في مقام المطالبين بعودتهم ..
المسيرة لا زالت طويلة ..
وأحلامنا وطموحاتنا كبيرة في أن يرسى هذا الوطن إلى بر الأمان ..
مبادئنا هي الوطن مهما إختلفنا ..
قضيتنا هي المواطن المغلوب على أمره ..
قوتنا في محاربة ..
الجهل ..
المرض ..
الفقر ..
ترتيب الصف هو أولوياتنا وغايتنا ..
من هنا يجب أن ننطلق ونمارس تعايشنا في قبول الآخر وإحترامه ..
يقول الإمام الشافعي ..
رأيي صواب يحتمل الخطأ ..
ورأي غيري خطأ يحتمل الصواب ..
فقبل تنفيذ قوانين 10 فبراير هل لنا أن نقف مع أنفسنا لبعض الوقت ونفكر ..
ماذا لو وجدنا هذا المنبر قد أغلق بالضبة والمفتاح ..
قراءة متأنية لمشاركاتنا ووجودنا هنا ..
الفائدة التي جنيناها ..
والتي ننتظر أن نجنيها منه ..

معتصم انت امسي نوم أنا بحرسو ليك ، بس أ،ا نعسان لو دغست ما ولقيت الكشة جات ، الرشوة ما علي ..

سومي العزيز

(1) اذا استمر الحال على ما هو عليه فستستيقظ ذات يوم وتجد أنك بلا وطن وبلا منبر وتحدق في المرآة لتجد أنك تحدق بلا وجه وترقص بلا ساق ....سيتبعك جسدك معاندا ظلك الى حيث الهناك يسير ،،، وحينها لن تنفع الأسئلة


(2) يا خوي ما تخاف معاك ناس تمبس ووليد وخالد وعمران وكل بورداب الرياض أها ديل ما نص المنبر ....... عشان كدة مفكرين ننقل الرئاسة العامة الى الرياض كرئاسة زائرة (لووووووووول)

تخريمة : يوم تسعة ما تنوم عشان تتحق الرؤية ....

إغلاق المنبر الحر لمدة 24 ساعة لهذه القوانين :
http://www.sudaneseonline.com/law2005.htm

لا زلت يا صديقي أبحث عن وطن ..
عن أناس كنت بينهم أمس أفتقدهم الآن ..
عطروا هذه الساحة بكل جميل وكل رائع ..
نفتقد الكلمة الحلوة التي تدخل إلى القلب توووووووش ..
أفتقد نفسي فقد ضاعت وسط كل هذا الزحام ..
وهذه الكتاحة التي شكلت خريطة مزمنة لوطن إفتراضي ..
لا زال التساؤل قائم ..
ولا زال الحلم مشرعاً ..
ولا زال قاربي يبحر رغم العواصف والمد والجزر ..
ويقيني سوف أصل مع أناس يتسألون نفس تساؤلي إلى ذلك الوطن ..
سوف تشرق تلك الشمس ويصبح وجه آخر للحياة ..
نبحث عنها وسوف نألفها ..

شكراً لك صديق وننتظرك قريباً بيننا ..

يا عشة أختي

دا عايز ليهو أمة بي حاله عشان يحرسوهو ..
إلا كان ناس الكشة جو وبقى فيها دفع ..
أنا زاتي بكب الزوغة ..

طبعا ما ممكن لان ما كل الناس بتنوم فى وقت واحد
لكن صدقنى دى حالة من القرف والادمان
القرف من المنبر
والادمان فى المنبر
ويقول علماء السبيروجيا اليييرليسية..ان من يصاب بهذه الحالة علاجة
وما يصاب بها الا كل عذابى....عليه الاتجاه الى اقرب اسرى..واذعاجه
او تفريقه من ام العيال..اللصقة
او ان تدخل معهم فى المعركة...اذا كانت اقامتك من النوع السايق خاص او تربية حمام
اتجه الى مكتب عمك حمزاوى هنالك عرض مستمر من الجماعة بتاعين سهرة امس
وتانى تصحى تلقى المنبر...او ما تلاقاه....ما مهم..الا لما العيال يكترو
وتكون عندهم مدارس....لوووووووووووووووووووو

معتصم
يامعصم
ياسما
لما اذكره
ياملجم
شوقى اليك حتى العظم
كلام نفاق مش
طبعا لو قلت ليك مشتاق ما بتصدقنى
لكن ما مشكلة الفى القلب فى القلب
الى ان نلتقى
ولقدام

أبوقوتة
قنبلة الود الموقوتة ..

الكتابة في حد زاته حالة ..
لها مقام وتختلف من شخص لآخر ..
المنبر الحر نفسه حالة لجأنا له لنعبر عن أنفسنا بحالات مختلفة ..
إستفدنا منه ولا زلنا ..
ولكن هل أصبح هذا الوطن يسعنا ؟ ..
هل ضاق بنا حتى إختنق ؟ ..
لماذا تحول لبركان يكاد ينفجر في أي لحظة ؟ ..
هل نحلم بيوم فيه سلام ..
نرتاح فيه لساعات ..
لماذا لا نكون قوانين لأنفسنا ..
نحاسبها قبل أن يحاسبنا الأخرون ؟ ..

ولا تزال الأسئلة مستمرة ..

معتصم
انت امبارح كنت فين
وقول
وليد 399
ثبت اصبعك دي
بلاش الحركات دي

Quote: وليد 399 ثبت اصبعك دي بلاش الحركات دي

اصابعي دي ماله مجنناكم كدا انت والخال ..
وبعدين دي نقطة نظام .. اصابعي دي انا بمشي بيها خط السير في حركة المنبر
لو وقفت فالتالي سير المنبر كلو بقيف رايك .. شنو يا بكري لسه باقي كم يوم

تخيل كنت مافي ..
عشان كده أبيت النوم ..
وليد دا كل ما تشيل منو أصبع يظهر ليك واحد ..
التقول أم 44


أستاذنا حمزاوي
البركة فيكم ياكم المصبرنا على أشياء كثيرة ..
يصعب علينا حملها وحدنا ..

معتصم يا اخوي :
مفروض لمن تجي تنوم أول شي تتوضأ وتنوم جهة القبلة وتقرا المعوذتين وقل هو الله أحد ..
وأول ما تصحي من النوم تمشي الكمبيوتر وقبل ما تضغط Click قول " الحمد لله الذي أحيانا بعد ما أماتنا وإليه النشور" ..
شغل كل المنتديات عادي ولمن تجي تكتب Sudaneseonline قول حوالينا ولا علينا حتي تضغطEnter...
غايتو يا معتصم كان بعد سويت كل الحاجات دي ولقيتو برضو ماف أسمح لي أقول ليك إنت زول مسخوووووووووووووووووووووووت شوف اقرب حملة وامشي مكة المدينة عممممر وتعال ...

أخى معتصم

( وقفه مع النفس ، و مراجعة ما نكتبه هنا )
هو ده الصاح ، و ستقل العواصف التى تجتاح المنبر من آن لآخر ، ستقل كثيرا ،

لكن أنا مره صحيت من النوم لقيت لى منبر مافى !! منبر تانى غير ده !!
والله صحى ، أعملوا حسابكم غايتو الزمن ده أى حاجه متوقعه .

بدري صحيت من نومي .......
أنا بدري صحيت من نومي .......
ومشيت على (بوردي) هناك فتشت ......
وترترتيترتيترتي!!!!!!!!!!!!!
معتصم
تزداد الإنسحابات كما ترى ...!
وستزداد الإنذارات كما أرى....!!

وينتقل أدب الحكومات إلى هنا !!؟؟
رضينا أم أبينا !!

إذا انسحب من نستفيد من علمهم وأدبهم ( وأدبهم ) فلن نجلس هنا ...
وسيذهب آخرون وآخرون..
ونقوم نلقي (الحلة) خـــــــــــلا......!!! وخــواء!!!!!!!

معتصم دفع الله

ما عليك فى هذه الحاله الا جر البطانية وتكملة بقية الحلم
تحياتى