صديق المـــوج في الرياض ..

Post: #1
Title: صديق المـــوج في الرياض ..
Author: معتصم دفع الله
Date: 02-04-2005, 01:27 PM

بيننا هذه الأيام الحبيب صديق الموج ..

دعوة للإحـــــــــــــــــتفاء به ..

Post: #2
Title: Re: صديق المـــوج في الرياض ..
Author: ودالعباسية
Date: 02-04-2005, 01:45 PM
Parent: #1

حمدالله على سلامة العم

صديق الموج ، بس دي ماتكون من الاجازة !!!

Post: #4
Title: Re: صديق المـــوج في الرياض ..
Author: معتصم دفع الله
Date: 02-04-2005, 02:21 PM
Parent: #2

تعرف يا ود العباسية ..
ودالموج عمل العكس ..
الناس بتمش تأجز في السودان ..
هو بجي يأجز في الرياض شفت الكلام دا كيف ؟ ..

شكراً لترحيبك بصديق ..
ونتمنى أن تحتفل به معنا في الرياض ..

Post: #3
Title: Re: صديق المـــوج في الرياض ..
Author: A.Razek Althalib
Date: 02-04-2005, 01:46 PM
Parent: #1

صديق الموج...
عيد مبارك....
رأى الأكثرية
لما سألتُ عن الحقيقة قيلَ لي ** ألحقُ ما أتّفق السواد عليه
فعجبت كيف ذبحت ثوري في الضحى ** والهند ساجدةٌ هناك لديه
نرضى بحكم الأكثرية مثلما ** يرضى الوليد الظلم من أبويه
إمّا لغنمٍ يرتجيه منهما ** أو خيفةً من أن يساء إليه

عوداً حميداً صديق الموج....

Post: #6
Title: Re: صديق المـــوج في الرياض ..
Author: معتصم دفع الله
Date: 02-04-2005, 03:02 PM
Parent: #3

يا عبدالرازق جهز نفسك المرة دي الحفلة حا تكون كبيرة ..

والبرنامج فيهو صديق الموج يعني للصباح ..

Post: #5
Title: Re: صديق المـــوج في الرياض ..
Author: صديق الموج
Date: 02-04-2005, 02:35 PM
Parent: #1

شكرا جميلا بورداب الرياض...
وتصدق يا ود العباسية من ديك هادى الرجعة بطل حسادة.
الطالب يا خى كتر خيرك وصدق يا طالب انا معزة الناس الكتيرة دى
قاعدة تزلنى اكثر من ان تفرحنى لاننى اعرف انه ليس باستطاعتى
ان اكون عند حسن ظنهم دائما...عموما شكرا واتمنى ان يخذلنى
تشاومى هذه المره ولما تشوفنى اكون قدر الصورة الرسموهاليك دى‘‘

Post: #7
Title: Re: صديق المـــوج في الرياض ..
Author: waleedi399
Date: 02-04-2005, 11:47 PM
Parent: #1

بعــد الغــياب ..
بعد الليالي المره في حضن العذاب ..
عاد الحبيب المنتظر .. عوداً حميداً مستطاب ..

مرحباً بعودتك صديق مرة اخرى .. إلى ديارك الثانية والاهل
تمنياتي لك باقامة طيبة وسـط الاحـباب والاهـل ..
افتقدناك كثيراً .. ادام الله الود والتواصـل بيننا ..

التحية لك صديق الموج وبعودتك والتحية لصديقي الراقي معتصم دفع الله ..

Post: #18
Title: Re: صديق المـــوج في الرياض ..
Author: معتصم دفع الله
Date: 02-06-2005, 02:45 AM
Parent: #7

شفت يا وليد
ودالموج قال طالبكم لمة ..
يلا جهزوا حالكم ..
إنت عارف كان ما طلعت حلوة صديق بكشف حالكم ..
ومش كده وبس بقى فيها مقارنة أعمل حسابك ..

Post: #24
Title: Re: صديق المـــوج في الرياض ..
Author: waleedi399
Date: 02-06-2005, 04:08 AM
Parent: #18

على العين والراس ..
يا صديق ومعتصم .. جاهزييييييييييييين

Post: #8
Title: Re: صديق المـــوج في الرياض ..
Author: ودقاسم
Date: 02-04-2005, 11:53 PM
Parent: #1

معتصم
تلاقيه جايب معاهو شعيرية كتيرة خلاص ،،

صديق
بطّل الدغالة واتصل ،،، ما قالوا ليك أنا اتصلت بيك ،،

Post: #9
Title: Re: صديق المـــوج في الرياض ..
Author: يازولyazoalيازول
Date: 02-04-2005, 11:59 PM
Parent: #8

حباب ود القبايل

Post: #20
Title: Re: صديق المـــوج في الرياض ..
Author: معتصم دفع الله
Date: 02-06-2005, 02:57 AM
Parent: #9

حبابك ألـــ1000ــف قريبي ..

كل ما أتصل عليك ألقى تليفونك مقفول ..

الحاصل شنو يا زول يا زول ..

تحياتي للأولاد ..

Post: #19
Title: Re: صديق المـــوج في الرياض ..
Author: معتصم دفع الله
Date: 02-06-2005, 02:52 AM
Parent: #8

Quote: تلاقيه جايب معاهو شعيرية كتيرة خلاص ،،

تخيل يا خال ..
صديق مكر علينا بالشعيرية ..

يمكن يكون بقى من أنصارها ..

Post: #10
Title: Re: صديق المـــوج في الرياض ..
Author: عمر الفاروق شيخ الدين
Date: 02-05-2005, 00:02 AM
Parent: #1

عاكسي ( الموج ) وعاندي ظروفك ...
إمكن أصادف مرة ( أشوفك )....
صديق الموج حمدلله الف علي السلامة ..
ما لاقيناك لكن في كل رقصة ولا غنية بورداب الرياض كانوا بيقولوا والله دي بس فاتت صديق الموج !!!!!!
ياخال .. الشعيرية ما مشكلة تكون كتيرة المشكلة الماركة ما تكون (ابو الهول)...

Post: #21
Title: Re: صديق المـــوج في الرياض ..
Author: معتصم دفع الله
Date: 02-06-2005, 03:06 AM
Parent: #10

إنت شفت حاجة يا عمر ..
المرة الجاية دي إلا تتفرج بس ..

وأعمل حسابك الغداء شعيرية ..

Post: #11
Title: Re: صديق المـــوج في الرياض ..
Author: حمزاوي
Date: 02-05-2005, 00:07 AM
Parent: #1

صديق الموج
حضرة الباشكاتب
تمام كدا
الف حمد الله على السلامة
مشتاقين
. . . . .
الاخوة تمبس ومعتصم والكرام البررة
اها حفلة كاربة بندي القلعة
احتفالا بقدوم اخونا صديق الموج

Post: #12
Title: Re: صديق المـــوج في الرياض ..
Author: ابو جهينة
Date: 02-05-2005, 00:20 AM
Parent: #11

معتصم
شكرا لفتح هذا البوست ..
صديق الموج .. و كما قلت لك بالأمس القريب هاتفيا بأنه لا بد من عدم تفويت تواجدك دون الإحتفاء بك ( طربا و نغما ) ..

فإنني أنقل للإخوة بأن الإستراحة ( جاهزة و متبرع بيها زول ضكران ) سوف أعلن عن إسمه لاحقا ..
شوفوا باقي الحاجات ..
المهم نتلم في مكان واحد يظللنا حب هذا الرجل الحديقة ..

Post: #13
Title: Re: صديق المـــوج في الرياض ..
Author: Habib_bldo
Date: 02-05-2005, 00:43 AM
Parent: #12

ألف مرحب بحبيبنا صديق الموج وكل سنة وأنت طيب
كنت أتمنى أن ألتقي بك في السودان ولكن الحظ العاثر ما ساعدني
تحياتي لك وأنت جدير بالحفاوة يا ملح البورد وملح الرابطة الرياضية بالصالحية

Post: #14
Title: Re: صديق المـــوج في الرياض ..
Author: شتات
Date: 02-05-2005, 02:07 AM
Parent: #13

صديق الموج صنع بوردابياً في الرياض
تم تصديره لبورداب الخرطوم ..
أو ربما تم استيراده ..
فأزهرت صحاري الرياض في ضفاف الخرطوم ..
رحل دمعاً .. لم ينطفيء السراج
عاد شوقاً .. كالتساب

في الخرطوم عند المقرن رأي النيل متقطعاً صرخ
"عوووك يا اخوانا .. الحرامية سرقوا البحر "
ورد البحر :
في أحزان النيل ينحسر الماء .. يغوص الدمع
لم يسرقوا "البحر" .. بل سرقوا الدمع من عينيه .. حرموه البكاء ..
وسيعود عند عودة الأرض تحت أقدام الصغار

صديق ..
يا مــــوج ..
يا ســيل ..
بحرك دميرة .. تمساحك عشاري ..
ضفافك خير .. جزايرك ريد ..
أيها البحر السلسبيل ..
سحابك شب .. شلع برقك
ضوى جوف الليل ..
قمرك مسافر في ضفاير الشوق ..
ورويانة جنباتو بالعديل والزين ..
نلاقيك والزمن نديان
نقالدك بى حنان اهلنا زمان ..
ونبكي في صدرك جمال النيل

ألف مرحب بطائر البلوفر الأطلنطي في مهاجر الصقيع ..
حللت أهلاً .. ونزلت سهلاً
وأقمت مهلاً ..

صلاح / شتات

Post: #22
Title: Re: صديق المـــوج في الرياض ..
Author: معتصم دفع الله
Date: 02-06-2005, 03:12 AM
Parent: #11

Quote: الاخوة تمبس ومعتصم والكرام البررة
اها حفلة كاربة بندي القلعة
احتفالا بقدوم اخونا صديق الموج

نجيب ليكم القلعة زاتا ..
وأيه الدنيا غير لمة ناس في فرح ..

أستاذنا حمزاوي

أبقوا جاهزين ..

Post: #15
Title: Re: صديق المـــوج في الرياض ..
Author: صديق الموج
Date: 02-05-2005, 03:10 PM
Parent: #1

وليد 399..ودقاسم يازول يازول..عمر الفاروق..حمزاوى..ابوجهينة
حبيب بلدو ...شكرا ليكم يا اولاد القبائل واشكر حسن ظنكم بى
لكن شوفو لى رد للشافع الشقى الاسمو شتات ده .
شتات العزيز لك شكرى وكلماتك ام صوت وريحة عبقة دى شن قدرنا
على ردها وان شاء الله تتلموا فى السمح.

Post: #16
Title: Re: صديق المـــوج في الرياض ..
Author: nassar elhaj
Date: 02-05-2005, 03:24 PM
Parent: #15

ياااااااااااااا صديق الموج
أهلا بالعودة
وأفتقدناك كثيرا
في كل الاحتفالات الملتقيات الجميلة

Post: #17
Title: Re: صديق المـــوج في الرياض ..
Author: ود شندي
Date: 02-06-2005, 00:26 AM
Parent: #16

ود الموج

شوفتك شفاء
يا ضلنا
يا رمال حلتنا

Post: #23
Title: Re: صديق المـــوج في الرياض ..
Author: محمد ابراهيم قرض
Date: 02-06-2005, 03:35 AM
Parent: #1

صديق الموج ...
أهديك سلام كتير شديد ...
و إنشاء الله تمسكك الرياض دي
بمرتب كده حوالي 20 رقم ...
و بالمرة تشارك في مؤتمر الإرهاب ..
و ما بطال لو لقيت ليك عروس كده تكون مغتربة بمرتب فظيع ...
و كمان تشوف ليك عمرة سريعة ..
لك الحب و المودة

Post: #25
Title: Re: صديق المـــوج في الرياض ..
Author: عمران حسن صالح
Date: 02-06-2005, 09:23 AM
Parent: #23

ونحن معشر برلومات الرياض نرحب بصديق شباب الرياض الأستاذ / صديق الموج والكلام البقولو الرجال ديل نحن موافقين عليه ( وشوبش ياشباب أتبرع بــ ........ ريال ) لإتمام الفرح بليلة لا تنسى بإستراحة أبو جهينة المذكورة أعلاه . والموضوع جاد وبينا إتصال يا معتصم .

Post: #26
Title: Re: صديق المـــوج في الرياض ..
Author: صديق الموج
Date: 02-06-2005, 10:14 AM
Parent: #1

نصار الحاج..عزيزى قرض..ودشندى...عمران شكرا جزيلا ونتمنى ان يسعد جمعكم وجودى
وقرض بنقول ليه العمرة ضرورى ياقروض..تحايانا تصل دهب احمد خيرى

Post: #27
Title: Re: صديق المـــوج في الرياض ..
Author: بهاء بكري
Date: 02-06-2005, 10:22 AM
Parent: #1

حمدالله علي سلامتك ياصديق . وشيل شيلتك اظنك ماعزيت حامد

Post: #28
Title: Re: صديق المـــوج في الرياض ..
Author: صديق الموج
Date: 02-06-2005, 10:46 AM
Parent: #1

بهاء الدين العزيز تحياتى وشايل شيلتى تصدق اخر يوم انا
جاى هنا لاقيت محمد بكرى وحرمه ووصلتهم معاى وقالوا حامد والدته توفت و بجى
بكرة وذهبت بيتكم وجلست الا ان تبقى من موعد الاقلاع ساعتين والعربى
البوم ما جاء لكن بسيطة قميص كم وتوب لى عواطف بسكتنوا هذا المرتشى
بس ما توصل الشمار،،،،،

Post: #29
Title: Re: صديق المـــوج في الرياض ..
Author: بهاء بكري
Date: 02-06-2005, 10:54 AM
Parent: #1

صديق ياخوي احسن تضرب للعربي ده علي تلفون+249918228037 لانو ماهر في اغتيال الشخصيه وصدقني هو الان شايل حسك

Post: #30
Title: Re: صديق المـــوج في الرياض ..
Author: ود محجوب
Date: 02-06-2005, 03:46 PM
Parent: #29

الراجل الحبوب صديق الموج

حللت أهلا

يا صديق فى الدمام وعدتنا بزيارة

جيب معاك ود قاسم وحنين وجميع البورداب

وتشرفونا

Post: #31
Title: Re: صديق المـــوج في الرياض ..
Author: tmbis
Date: 02-06-2005, 04:18 PM
Parent: #30

وانا اقول الرياض منورة ليها كم يوم مالا ..

وبعدين ياموووووووووووج ما تتصل علي ؟؟؟

الاداك بالملعقه يدينا بي ضهره ..
وإن شاء الله بورداب الخرطوم ديل يضوو ليك

بلاي بعد ما توصل الخرطوم ترسل لي فيزا ضروري ( جابو ) لي خبرك بورداب الخرطوم قالو لي عملت ليك عقال ( جلــد نمر ) ..

اعمل لياقاتك من حسع ..الاستراحة بعيده .. والغـــداء ثقافي خالص .. ( بتاع طلبه )

Post: #32
Title: Re: صديق المـــوج في الرياض ..
Author: mahmed alhassan
Date: 02-07-2005, 03:58 AM
Parent: #31

صديق الموج
مرحبتين حبابك عطرت سماء الرياض برائحة دعاش وتراب الوطن وماشاء الله جيت ( ناير وعديل ) 0
أعدك بعمل بوست مشترك كانطباعات عن الخرطوم التي عدت منها قبل عشرة أيام 0 مع تحياتي لللاخوة البورداب عامة والرياض خاصة 0

Post: #33
Title: Re: صديق المـــوج في الرياض ..
Author: صديق الموج
Date: 02-07-2005, 06:40 AM
Parent: #29

ودمحجوب العزيز...تمبوس المطموس..محمد الحسن شكرا لحسن استقبالكم
وموضوع انطباعاتى عن السودان لما يفارقنى الحنين شوية
وافرتك شنطتى بقولكم عنها‘‘‘‘

Post: #34
Title: Re: صديق المـــوج في الرياض ..
Author: صديق الموج
Date: 02-07-2005, 07:19 AM
Parent: #1

يهاء بكرى سوف احاول الاتصال اليوم كان بلدن البعيدة ديك يكون
فيهااستقبال جوال وسوف اتصل عليك لاحقا لاشياء اخر تسلم‘‘‘‘

Post: #35
Title: Re: صديق المـــوج في الرياض ..
Author: خالد أحمد عمر
Date: 02-07-2005, 08:29 AM
Parent: #34

صديق الموج

بعد كل هذا الترحيب الكثيف

أمانينا أن نلقاك face to face

ولك الود

Post: #36
Title: Re: صديق المـــوج في الرياض ..
Author: ود شندي
Date: 02-07-2005, 10:40 AM
Parent: #35

شنو
ياموج
وين يا زاهي
تعال زورني بالله
سفير بوركينافاسو المتقاعد
والسكين ضراعو الجاهز

Post: #37
Title: Re: صديق المـــوج في الرياض ..
Author: صديق الموج
Date: 02-07-2005, 11:06 AM
Parent: #1

Quote: صديق الموج

بعد كل هذا الترحيب الكثيف

أمانينا أن نلقاك face to face

ولك الود

خالد تسلم وانا اتمنى القاك الفيس برسلى زاتو ويا حليلكم،،

Post: #38
Title: Re: صديق المـــوج في الرياض ..
Author: مصدق مصطفى حسين
Date: 02-07-2005, 11:19 AM
Parent: #1

ود الموج يا تقيل
حمدا لله على السلامه
ما لقيت الورقه مع ولدك احمد ؟
طيب مادام لقيتها ... القتاته لزومها شنو ؟

Post: #39
Title: Re: صديق المـــوج في الرياض ..
Author: صديق الموج
Date: 02-07-2005, 11:22 AM
Parent: #1

ود شندى...ابن عمى العزيز تحياتى
طبعا الداير اقولوا ليك كان كتبتو هنا بلحقنى وبلحقك الرقدو
عشان انا من ديك ما لاقيتك .. دحين انا ما بفسر وانت ما تقصر
او الرجاء الاتصال على على رقم الجوال 0502461358
عشان نفتوا يا ود عمى..وفهم اسماعيل الكلام ودى اسأل منها ود
قاسم باقى ادوهم ليها فى المطالعة زمان.تسلم،،،،

Post: #40
Title: Re: صديق المـــوج في الرياض ..
Author: ودالعباسية
Date: 02-07-2005, 11:32 AM
Parent: #39

ياخال

والله حاسدنك عديييييييييييل كدا

Post: #41
Title: Re: صديق المـــوج في الرياض ..
Author: صديق الموج
Date: 02-07-2005, 12:03 PM
Parent: #1

Quote: ياخال

والله حاسدنك عديييييييييييل كدا

والله لو عارف حفلاتهم هنا ما تحسدنى...تذكر يوم قاعدين ود العباسيةاا
وود عقاب وود شاموق وودالموج وقرنق توماس والغاضلابى وناجى والمهندس
جنب بعض..هنا كلهم شواميق وعقابات يعنى الحاجات الظريفة الللا بتخلى
الزول يحس بى برد والا حر ولا جوع ولا زمن ديك... مافى..ودقاسم وابو جهينة وشتات
وعبدالرازق الطالب وتمبس وحمزاوى وشمالك وليد ويمينك عقرب يعنى صيوان عزاء
قسم الرجال وما تنسى ودوراق وحبيب بلدو وما على شاكلتهم..يعنى كان
اقنعتهم يدونى ليها صاج اخير كتير من عوازيم ابان اشناب ديل يعنى عديل
ياص النسيج وردية الليل الله هداهم بس زى ما بقولوا السعوديين،،،،،

Post: #42
Title: Re: صديق المـــوج في الرياض ..
Author: عمر محمد عبد القادر
Date: 02-07-2005, 12:31 PM
Parent: #41

اخونا معتصم وكافة بورداب الرياض ... الف حمدا لله على وصول الاخ العزيز صديق الموج

وحتي نلتقي اخي صديق لك منا وافر التقدير ..

ود الباوقة

Post: #43
Title: Re: صديق المـــوج في الرياض ..
Author: صديق الموج
Date: 02-07-2005, 12:57 PM
Parent: #1

مصدق العزيز...انا اتقل عليك انت الله يكسرنى حتة حتة حتة حتة
حتة حتة حتة ما شفت المداخلة الا هسع..وكم انا سعيد بانضمامك
لهذا الوطن الجميل ومنتظرين مساهماتك يا جنا.تسلم،،،

Post: #44
Title: Re: صديق المـــوج في الرياض ..
Author: صديق الموج
Date: 02-07-2005, 01:15 PM
Parent: #1

ابوقوتة..شكرا جزيلا ونكرر حار التعازى وان شاء الله ان نلتقى
فى ساعة خير

Post: #45
Title: Re: صديق المـــوج في الرياض ..
Author: عمر محمد عبد القادر
Date: 02-07-2005, 02:12 PM
Parent: #44

صديق الموج .... ابوقوتة دا منو ... ود الباوقة يا اخوي .. اريتك تبقى
طيب انا البي كلو هين ..

ود الباوقة

Post: #46
Title: Re: صديق المـــوج في الرياض ..
Author: صديق الموج
Date: 02-07-2005, 02:27 PM
Parent: #1

Quote: صديق الموج .... ابوقوتة دا منو ... ود الباوقة يا اخوي .. اريتك تبقى
طيب انا البي كلو هين ..

ود الباوقة

عمر ود عمى تطير عيشتى وشوف جنس البوامة دى لاقتك..لكن باقى
اخوك جاى من السودان جديد والبنج مافكة يا اخى اعتذر بطول شوارع الرياض
وقديما قيل لخالد بن صفوان من خير اخوانك قال:
خير اخوانى من قبل عللى وسد زللى ..ولك العتبى حتى تستغيث،،
وزيادة منى تطير ابوقوتة والمعيلق عشان ود قاسم يزعل ويفوت من المنبر،

Post: #47
Title: Re: صديق المـــوج في الرياض ..
Author: ghariba
Date: 02-08-2005, 06:06 AM
Parent: #1

صديق
حمد الله على السلامة

ولقد حاولت الاتصال بك على الجوال ولكنه مغلق

والف الف مرحب بعودتكم

Post: #48
Title: Re: صديق المـــوج في الرياض ..
Author: صديق الموج
Date: 02-08-2005, 06:43 AM
Parent: #1

صلاح غريبة العزيز تحياتى لك والعيال واشكر لك الاهتمام
اما رقم الجوال الجديد هو 0502461358
تسلم يا حبيب،،،