بورداب الرياض ولقاء العـــــيد ..

أولاً نزف التهنيئة الخالصة بعيد الفداء العظيم أعاده الله علينا وعلى الأمة الإسلامية بالخير واليمن والبركات ..
ويسرنا نحن منتدى بورداب الرياض أن نعلن لكم عن قيام يومٍ مفتوح لتلقي التهاني وقضاء وقت ممتع بإحدى إستراحات مدينة الرياض وذلك يوم الجمعة الموافق 28/1/2005م " الإستراحة سوف تحدد لاحقاً " ..
لذا نرجو من الجميع الحرص على الحضور والمشاركة في هذا اليوم ومدنا بإقتراحاتكم لإخراجه بصورة جميلة تسعد الجميع ..

كل سنة وأنتم بألف خير ..

توقعيك هنا يعني مشاركتك ..
والغائب يكلم الحاضر ..

نمرة 10 المعتصم بالله :
كل عام والشعب السوداني كلو بالف خير اعده الله علينا بالخير واليمن والبركات ..
ده توقيع حضور مقدما انشاء الله وكالعادة نحن البرالمة ديل ما عارفين وين وكيف نلاقيكم عموما البتقولوهو نحن معاكم بس ورونا وين وبتين ( ما تورونا بي كم )..

الأخ الهميم أخو الأخوان و عشا البايتات معتصم الأنيق

عيدكم مبارك

فكرة جميلة و هي التي أطلقها سلفا العجوز ( أبوطلال ) ..
أقترح الآتي :
1. تحديد الإشتراك من هذه اللحظة.
2. الملتزمون بالدفع و الحضور يوقعون هاهنا.
3. المعتذرون يوقعون ( بلا حرج ) حتى نعرف الموقف
4. البرنامج لو غنائي ترفيهي ثقافي فمنذ الآن أرجو إبلاغ المعنيين بالأمر في المجالات الثلاث : الفنانين .. العازفين .. الساوند سيستم .. الشعراء ..
5. وضع التكلفة كاملة هنا مع تحديد إشتراك العضوية ( العزابة سعر و الأسر سعر آخر ) .
6. أرجو أن تكون الإستراحة قريبة نوعا ما
7. لو مافي إمكانية شراء خروف يمكن للأسر إحضار ( بعض من اللحم من خرافهم الحنيذة )
8. الشربوت يمتنع عن الحضور لأسباب معروفة و درءا للشبهات
9. يجب حسم هذا الموضوع في حد أقصاه غدا ..

و الله الموفق
و لي قدام

شقائق النعمان ... يحضرن؟

كل عام والجميع ببخير

علم . وحاضرين . ارجو الاعلان عن التفاصيل حتى نتمكن من الالتزام .

و شكرا على اهتمام القائمين على الامر

العزيز عبدالصمد

يا ألف مرحب بك أخاً عزيزاً ..
سوف نمدكم بكل التفاصيل تابع معنا ..

ودي ..

الأخت عزاز شامي ..

يحضرن الشوية دي ..
يا ألف مرحب بك ..
حضورك يسعدنا ..

أستاذنا أبوجهينة

سلامات كتاااااااااااار ..
المرة دي عايزين البرنامج يكون أجمل من سابقاته ..
لغاية الآن مرزوق جاهز وسوف أقوم بالإتصال على الصديق عمار السنوسي وكذلك عزالدين آدم لمزيد من التنسيق ..
واليوم طبعاً سوف يكون من الصباح الباكر ..
وسوف نمدكم بكل التفاصيل ..

اللاعب الجديد عمر الفاروق

ياخي نحن أشد شوقاً للقائك ..
بس ما تنسى الكدارات تعال جاهز ..
يمكن يكون فيها تمرين كمان ..

خليك متابع البوست دا عشان تعرف التفاصيل ..

وكمان دا تليفوني لمزيد من التنسيق ..

0507909071
4621160 تحويلة 123

بورداب الرياض يا حلوين
كل سنة وانتم طيبين
معتصم شغّال معانا بنظرية ورّطه وتوكل ،،،
فكرة اللقاء قائمة باعتبار العلاقة الأنيقة بين بورداب الرياض ، ودعما لتواصلهم ، وهي نابعة أساسا من ( منتدى بورداب الرياض ) ، وسنشرح فكرة المنتدى مجددا خلال جلستنا المنتظرة للاخوة والاخوات البرالمة ،،، وقد تمت مناقشة الفكرة في لقاء ضم عددا من بورداب الرياض في منزل الأخ الكريم عمر محمد عبد القادر ( ود الباوقة ) ،، يعني مطبوخة من بدري ،،
كما اعتاد بورداب الرياض في تواصلهم الاجتماعي فإن المقترح أن تكون الجلسة عائلية ، وطبعا عزّابنا جزء من عوائلنا لا ينفصلون عنّا أبدا ،، ونريدها يوما مفتوحا وننتظر اقتراحاتكم للبرنامج ، وبالطبع ستكون هناك فرصا واسعة للترفيه والغناء والشعر والموسيقى والطرفة ،،، كما ستتم مناقشة بعض شئون مجموعة بورداب الرياض ،، وسننتخب اللجنة الثلاثية الجديدة التي ستقود المنتدى للثلاثة أشهر القادمة ، حيث انقضى أجل اللجنة الحالية المكونة مني ومعتصم ومحمد الشيخ ،،،
بخصوص الاكل يا أبوجهينة هناك اقتراح بإعداد الأكل أثناء وجودنا بالاستراحة بشكل جماعي ، وهناك اقتراح بالاتفاق مع أحد المطابخ لتجهيز كبسة معتبرة من خروف ضخم نشتريه مسبقا ،،، وهناك اقتراح بإحضار الأكل من جانب الأسر ، وهذا بالنسبة لي لا أحبذه ، لأنه يدخل العوائل في حالة تعب ، والمطلوب الترفيه ، والتغيير من روتين صناعة الأكل المنزلي ،،
وطبعا الدفع أهم حاجة ، وبالرغم من أني أرفض حكاية التفريق بين العوائل والعزّاب في الدفع ، بحجة أن العوائل ( دائما ) شايلة الشيلة، إلا أن جرسة العزّاب جعلتني أتبنى اقتراحهم بأن تدفع العائلة ضعف ما يدفعه العازب ،، يعني 25 - 50 ، أو 50 - 100
في كل الحالات نأمل أن يكون الدفع مقدما ، وأن يكون الالتزام قاطعا ، حتى نحسب حساب لكل المشاركين ،، وضيوفكم على العين والراس ، بس أدفعوا عنهم ،، يعني من يأتي بضيف أو ضيفين فسنعتبره عائلة ،، إلا إذا كان الضيوف من شاكلة الأب أو الأم الزائرين أصلا للرياض ،، يعني زي نسيبتي كده ،، أهو بقدر الإمكان بحاول أخفف على نفسي ،،
الاخوات البوردابيات مدعوات للمشاركة في هذا اللقاء ، خاصة وأن الوضع كله عائلي ، ويمكن لكل منهن أن تصطحب عائلتها ، ( بس في الدفع بنحسبها عائلة )...
يلا أدونا آراءكم ومقترحاتكم وتأكيد مشاركتكم ، وياريت لو دفعتوا لدى معتصم أو وليد 399 أو وليد طه أو تمبس أو صلاح شتات ،،،
الذين لا يؤكدون مشاركتهم عبر هذا البوست سنعتبرهم غير راغبين في المشاركة ،، والمسألة محسوبة يا جماعة ،،،
التوقيع
خالكم

UP

معــــاكم
وكل عام وأنتم بخير مقدماً

عبدالرازق عيسى الطالب

العزيز عبدالرازق

منتظرنك ..
خليك قريييييييييييييييب ..

وليد طه

تجيني اليوم المساء عشان حا نمشي لموقع الإستراحة ..
ما تقولي لي ....
العربية جديدة ..

Quote: معتصم شغّال معانا بنظرية ورّطه وتوكل ،،،

يا خال ورطة ورطة غرامة غرامة ..

Quote: كما اعتاد بورداب الرياض في تواصلهم الاجتماعي فإن المقترح أن تكون الجلسة عائلية ، وطبعا عزّابنا جزء من عوائلنا لا ينفصلون عنّا أبدا ،، ونريدها يوما مفتوحا وننتظر اقتراحاتكم للبرنامج ، وبالطبع ستكون هناك فرصا واسعة للترفيه والغناء والشعر والموسيقى والطرفة ،،، كما ستتم مناقشة بعض شئون مجموعة بورداب الرياض ،، وسننتخب اللجنة الثلاثية الجديدة التي ستقود المنتدى للثلاثة أشهر القادمة ، حيث انقضى أجل اللجنة الحالية المكونة مني ومعتصم ومحمد الشيخ ،،،

كده تمام يا خال عشان يكون ختامه مسك ..

ابو جهينة وود قاسم
قلتوا العايزين نقولوا كللللللللو وما خليتو لينا شي
فكرة عمل الاكل في الاستراحة اايدو بي شدة
الدفع المقدم اايدو بي شدتني وشبط
الوقت المبكر اهم شي
التوقيعات هي طريق النجاح لليوم
ما عايزين نقوم بتوضيح اقتراحات البرنامج قبل ما نعرف العدد والكمية

انا عندي صحب يكده يا ود قاسم والله بس التقول نسيبتي اها ده كيف

أوقع . . البورداب شابكنا اليومين دول توقيعاتكم والاعضاء هاك يا تواقيع وما شفنا حاجة بس بورداب الرياض غير (على وزن جدة غير)
انا شخصياً أثني اقتراح الاخ ابوجهينة مع حذف البند رقم 8
وفي الاتجاه المعاكس مع الاخ ودقاسم . . خلاص خالتي وخالتك واتفرقن الخالات
جاهزين
جاهزين
لحماية
0
0
0
0
0
الخروف

أستاذنا حمزاوي

ســـــــلام ..
شفت الموضوع فيهو بنود وقرارات ..
ما عارف دا حا يكون حفل ولا نيفاشا ..

المناسبة جميلة ولكن اعتقد ان يغير اليوم لان يوم الجمعة هو اليوم المفتوح لأبناء الشبارقة بإستراحة روز :
وفكرتي ان نكون في نفس هذا الحفل بنفس تكويناتنا

الرجاء وضع إقتراح الأخ صلاح غريبة موضع النقاش و بسرعة ..
لغاية باكر بالليل لو ما إتفقتوا و حددتوا ( بنوم براى بشربوتي و لحمتي ) و لو جرس الباب دق ( العين السحرية ما بجي جنبها

الأخ صلاح غريبة

تحياتي ..

Quote: ويسرنا نحن منتدى بورداب الرياض أن نعلن لكم عن قيام يومٍ مفتوح لتلقي التهاني وقضاء وقت ممتع بإحدى إستراحات مدينة الرياض وذلك يوم الجمعة الموافق 28/1/2005م " الإستراحة سوف تحدد لاحقاً " ..

يظهر إنو الجميع لم ينتبه للتاريخ جيداً ..
ونظراً لزحمة العيد والمناسبات الكثيرة وغياب البعض لأداء مناسك الحج حددنا هذا التاريخ وهو الجمعة الثانية من العيد ..
وأعتقد أنها مناسبة للجميع ..
وبرضو ننتظر إقتراحاتكم ..

يا نمرة 10 :
والله وانا اشد شوق لي لقاء الناس الحلوين ديل بس ربنا يهونا وانشاء الله اول الحاضرين بس مشكلتي حا اكون on focus وفي النهاية نبقا في " بالله ياهو ده الزول العامل لينا خوتا في راسنا ؟؟؟"
كل عام والجميع بي خير وفي انتظار المزيد من التفاصيل

Quote: بالله ياهو ده الزول العامل لينا خوتا في راسنا

تعرف يا عمر اليوم داك حا نعملو تنكري عشان ما نقول كده ..

أقترح ثالث ايام العيد بغض النظر عن اليوم الذي يوافقه فدوما اول وثاني ايم العيد عبارة عن التزامات اسرية وراحة واستجمام ...
دائما ثالث ايام العيد بيكون خفيف والناس كملت كل العليها وبقا مزاجا رااااااااااايق

اها يا ناس رايكم شنو ؟؟؟؟؟؟؟؟؟؟؟؟ نبقا علي تالت يوم ؟؟؟؟؟

انا اوافق على ان يكون ثالث يوم أو رابع يوم
او ان نلتقى في يوم الشبارقة

يا صلاح غريبة ما تعوم الموضوع ، يوم الشبارقة اليوم التاني من أيام العيد ، ويومنا هو الجمعة الثانية للعيد ، يعني بعد اسبوع ، وذلك لأن الشباب ماشين الشرقية للمشاركة في يوم زهير وهو ثاني أيام العيد ، وسيعودون ربما ثالث أو رابع ايام العيد ، كما أن هناك بعض الشباب سيعملون خلال فترة الحج في مكة ،،، ويوم الجمعة الثاني يوم مناسب ...

بورداب الرياض الحلوين الرائعين .. مــين زيـكم
وازيكـم .. كل سـنة وانت طيبين وبالــف خـــير ..
أنا اثني الفكرة واثلث واربع وأخمس بس آخر نفس ..

خـارطـــة الطــــريق كما وعدناكم .. لووووول

انا شـخصــــياً جاهــز .. مويـة ونــور ..
في اي زمان ومكان محدد ..
ومافي اي زول يقــرب للمساحة الفاضيــة الفــوق دي
دي خـارطـــة الطـــريق .. كويس ما في زول قدر يصلها إلى الان .. لووووووول
يعني موقع الاســتراحة من هسع جاهز.. اتفقنا؟؟ حسب الاتفاق ..
وهسـع اسمحــوا لي بمشـي وبجــي راجع تانـــي .. عــــــــوافي

سلامة النظر
فانا لم أنتبه للموعيد

وعلى العموم المواعيد مناسبة جداً الجمعة بعد العيد

حددوا المكان من الآن ونحن معكم

الأعزاء بورداب الرياض
كل الاشواق وكل الفال وكل سنة وانتو طيبين
وعيدكم مبارك
bunbun

بقيتو على شنو
نأجل لغاية بعد الجية من الشرقية

أنا معاكم

حضووووور
واعياد جميلة دائما

نصار الحاج

الحبيب نصار الحاج

كل سنة وأنت طيب ..
طبعاً خميساتنا كلها طلعت وعود ساي ..
بنعوضها ليك ..
اليوم دا عايزين كل الناس معانا ..
تعالوا جاهزين حا يكون كلو شعر وغناء بس كلام مافي ..

تحياتي ..

يا جماعة خلعتونا انا قلت في نفسي الجماعة
ديل زاقوا من موضوع الشرقية ولا شنو
الأ اخير توضيح معتصم والخال ود قاسم
نحنا معاكم يوم 28 يناير وقبلكم للشرقية يوم العيد
بس اعملوا حسابكم ما تجوا تقولوا جاتنا كشة

ابو جهينة ماتنسي الشربوت يكون تقيل شوية
ويا ساطور ما تنسي اللازم البرد شديد

أحمد حنين
تعال جاهز وبي سكينك كمان ..
يمكن الحكاية يكون فيها ضبح ..

أبوطلال ومعتصم وود الشيخ
كل عام وانتم بخير
شكراً على جهودكم المقدرة!! بس ياجماعة أخرتم التفاصيل. اليوم آخر علاقتنا بالنت! أصلاً في البيت الشغلانة دي غالباني عديل من الناحية الفنية!! أللهم إلا أنسق مع كفيلي تمبس tmpis لو ما يكون مسافر في العيد أو ناوي يؤدي ركن الإسلام الخامس!!! أنا جوه والبرا برا!!!
وكل سنة وبورداب الرياض بخير.,

خالد

الأخ معتصم وجميع الإخوة الرائعين بورداب الرياض كل عام وأنتم بخير ومذيد من الحب والتواصل تحياتي
بدري

العزيز بدري

وأنت طيب وبألف خير ..
سوف نكون حضوراً بينكم إن شاء الله غداً الأربعاء مساءاً ...

وإلى أن نلتقي ..
خالص ودي ..

العزيز أحمد حنين بعد دا مافي طريقة تزوقوا الكلام دخل الحوش والله يبعد عننا العدو
( النظام العام ) بتاع هنا . ومنتظرنكم لتكتمل فرحة العيد بكم

بحمد الله تم حجز الإستراحة وهي إستراحة الراية بحي العمارية شمال الرياض " المكان ما بعيد "
سوف نمدكم بخريطة للموقع حال تجهيزه ..


كل سنة والجميع بخير ..

الاخــوان الاعــزاء ..

انتهاءات الترتيبات الاولية المقررة ..
كما تم الاتصال بجميع الاخوان الفنانين وأكدوا حضورهم ..

ايضاً تم حجز الاستراحة .. يعني كلو تمام وجاهز
الباقي مجهودات الاخوة الاعضاء في انجاح اليوم المذكور..


وكـل عام وانت طـيبون وبالـف خـــير ..




ولــيد

يا شباب كل سنة وأنتم بخير ..

العيد مبارك عليكم ..
السنة الجاية تامين ولامين ..

شنو الحكاية الواحد يغيب ليهو يومين يجي يلقى البوست دا في الصفحة التالتة ..
يا زعيم الحاصل شنو عندك الترتيبات ماشه كيف ..
الزعيم دا طبعاً الخال ..

ورونا الحاصل شنو نحن بكرة جايين الرياض ..

أرقدو عافية ..

يا شباب كل سنة وانتو طيبين وربنا يحقق كل الامنيات انشاء الله
يوم الجمعة قرب وما عرفنا منكم اي شي غير اسم الاستراحة لا وصف لا شتين ...
اها راجينكم ...

تهنئة للجميع بالعيد السعيد ، وكل عام وأنتم بخير ،،،

ونواصل مساعي منتدى بورداب الرياض من أجل اللقاء المرتقب الجمعة القادمة وقد تم الانتهاء من الكثير من الترتيبات ونأمل أن يكون الحضور كبيرا وجامعا ،،،
بقي أن يعيننا الاخوة المشاركين بتأكيد حضورهم وبمساهماتهم المالية وقد تقرر أن تدفع العائلة خمسين ريالا والعازب خمسة وعشرين ريالا ، وتجمع المساهمات لدى معتصم ، شتات ، تمبس ، وليد 399 ، وليد طه ،، ويمكنكم ترتيب ذلك عبر المنبر وعبر هذا البوست ، كما يمكنكم التنسيق بالهاتف ، وكلكم تعرفون هواتف بعضكم ، كما أن هاتف معتصم موجود أعلى هذا البوست ،،
الجمعة قريبة جدا ، ولكي نضع الترتيبات الكاملة والنهائية لابد لنا من معرفة عدد الحضور ، ومعرفة الإمكانيات المادية ،،، وإلا فلا تلومونا ،،،

ننتظر تأكيدكم المشاركة ،،

تأكيد بحول الله و قوته

يا ود قاسم والباقين :
كل عام وانتم بي الف خير انشاء الله
امبارح مشيت لي معتصم في المكتب ولقيتو مسجل " مرض صباحي " وزايغ من الشغل
عموما ده الزول الوحيد العرفت محلو وبحاول تاني امشي عليهو عشان موضوع القورش وكان ما لقيتو العلي سويتو وبجي مللللللللللللللللح
تاكيد حضور انشاء الله

عمر الفاروق
لك التحية وكل سنة وانت طيب ،،
معتصم كمان اليوم مش موجود بالشغل ،، ضارب شربوت وحالتو حالة ،،
نلتقيك يوم الجمعة ويهمنا تأكيد حضورك والباقي هيّن ..

أبو جهينة حضورك عائلي ،، اتفقنا ؟؟

ود قاسم :
علـــــــــــــــــــــــــــــــــــــــــــــــــــــــــــــم

وانشاء الله حاضرين ..

جاهزين ان شاء الله
عيد سعيد وكل سنة وانتم طيبين
بس حددوا لينا الاستراحة
واقترح ان يكون في الفترة الصباحية
يعني اللقاء ينتهي مع صلاة المغرب
معاكم وبكم يتم الافراح

يا شباب قدامنا يومين فقط والتجهيزات كثيرة ..
يديكم معانا ..



بكرة حا يكون موقع الإستراحة هنا في البوست ..
جهزوا حالكم ..

معتصم ..

نحن في انتظار خارطة الطريق ..

ما تطول الغيبه .. اها يا شباب الاقتراحات شنو ..

رايكم شنو كل زول يقول تصوروا لليوم دا ..


اصحوا ياشباب .. خليكم اون لاين .. لوووووووووول

انشاء الله حاضرين انا وأم أحمد وضيوف لينا جايين من جدة

بس الخريطة

وين اسم الاستراحة
وين الخريطة
وين ابوسن

شباب الربة :
اول مقترح انو تكون المواعيد من بدري يعني من الصباح لحدي صلاة المغرب لزوم البرد وكده ونحن ناس وهن العظم منا ..
تاني حاجة جيبو لينا معاكم كورة لزوم دافوري صغييير كده مع العجايز وده يكون في فترة الراحة
تالت حاجة ونسة ونسة ونسة لممممممممممممممممممممممممممممممممن الناس تقول بس ..
رابع حاجة اكل ...
اها تاني فضل شنو ؟؟مش ياهو دي برامج البلد دي ..

خارطة الطريق إلى الإستراحة ..

يا شباب الإستراحة واضحة وكمان الإتصال ساهل ..
حي العمارية شمال الرياض ..
يعني عذر مافي ..

يا عمر أخوي
إنت شكلك عملت ليك لياقة أيام العيد دا عايز تخرطنا بيها ..
بس تعال بدري ..


اليوم سوف يكون مفتوح يبدأ من تمام الساعة العاشرة صباحاً إلى الساعةالعاشرة مساءاً ..

أها جيب معاك شوالات نقة ..
أنا غايتو ما معاكم ..
الواحد من كترة الكلام بقى ما بعرف يتكلم زاتو ..

لمن يهمه الامر

مواصفات الاستراحة:
- عدد 2 بيت شعر
- عدد 1 شواية
- عدد 1 مطبخ بتجهيزاته
- عدد 2 ملعب اطفال منجلة

ميزة أُخرى:
الحارس بحب السودانيين

وبس

وين(ســــــاطور) يا جماعة؟؟؟؟؟!!!!!

احبتي بورداب الرياض يشهد الله مشتاق لرؤيتكم ... العيد مبروك عليكم كلكم دون
فرز واحد تلوالآخر اسف جاتكم متأخرة شوية ..
جاهزين جاهزين .. ومافي عوجة تب ..
معتصم سأنسق معك على الجوال ..... لكم الود جميعا ..


ود الباوقة

موجووووووووود يا وليد ومتابع الموضوع حتة حتة نتلاقى هناك إنشاءالله

سلام..

بالله يا ساطور عندى طلب خاااااااااااص

تشتغل لينا اغنية وردى (بشوف فى شخصك احلامى) مع عمار السنوسي
والعدة جاهزة..

تسلم..

يسعدنى جدا ومن مدنى الجميله ولعلى قد اكون اول من تداخل عبر سودانيز اون لاين
من هذه المدينه الوادعه . ان اهنئيكم بعد الاضحى المبارك اعاده الله عليناوعليكم باليمن والبركات
وكل عام وانتم بالف خير
والله ليكم الاشواق بحور
يا ايها الصحبه الحلوة
لكم الامنيات الطيبه وربنا يحقق الامانى جميعها

الحبيب محمد الشيخ

كل سنة وأنت أجمل وبألف خير ..
نتمنى لك قضاء إجازة سعيدة بين الأهل والأحباب ..
شوقنا لك لا تحده حدود ..
ننتظرك بفارق الصبر ..

تحياتي يا صديقي العزيز ..




معليش يا شباب ما قدرت أرد علي ردودكم للمشغوليات الكتيرة بتجهيز هذا اليوم ..
البيت بيتكم خدو راحتكم ..
بس بكرة تعالوا بدري ..

خـارطـــة الطــريق حتى لا نضله .. مكــــرر

الاخــوة بورداب الرياض

كل عام والجميع بخير

أوقع

إلي أن نلتقي

محمد الشيخ
أهلا بك من مدني ، وبركة الوصلت بالعافية والسلامة ،،،
لقيت مدني كيف ؟
سنفتقدك كثيرا ..

ود الباوقة
ترهاقا
مشتاقين
والعيد مبارك عليكم
نشوفكم في الاستراحة ،،

متابع ..


ولما إتأكدت مافي دوام الجمعة ..

سأكون معاكم ..



تحايا

ما شاء الله
بارك الله فيكم
عُلم

اتمني الالتزام بالمواعيد ، والتسديد، والشربووووووووووووووووت طالما انكم ضابحين



قروشي مع ودقاسم


خالد فضل .. منتظرك ياخ لا حس لا خبر ؟؟

الأخ الصديق ( المكسب) معتصم دفع الله
رغم التأخيروالغياب عن الحوش لظروف تعرفها إلا أنني أأؤكد ما ذكرته سابقاً بأننا حاضرون دائماً لكل ما يخص جماعتنا دوماً ودون توقيع ودون تأكيد وأنت دوماً لك حق كتابة إسمي في كل مساهمة تخصنا بالرياض ( مادية - حضورية - مشاوير - توصيل ) ودائماً لك الحق في الإتصال والطلب وأخوك ينفذ .
لك كل الحب والإحترام .

الخال ود قاسم وبقية الدرر الرائعة .. بدرو شويةعليكم الله عشان عايزنها لمة حامية الوطيس .....
* الاخ صلاح غريبة اوع تقول مجدوب الخليفة في البلد وما شيليو .. حضورك ضروري...
يلا موعدنا غدا انشاء الله ....


ود الباوقة

بورداب الرياض ولقاء العيد..
قلنا نرفع البوست شوية......
عشان ما يغطس حجرو

معتصم على إتصال....

أنا في الطريق جاييك.....

العزيز / معتصم دفع الله
كيف حالك وكل عام وانت بخير ومحقق امانيك وفارز عيشتك
ووووووووووووو ....... الفي القلب اكتروالله

سعدت بك وبجمعك الجميل وهذا ما عهدناك فيك من لمسات جميلة

وانا اوقع ولا ادري لانك تدري

برضووووووووووووووووو دوام زيادة
الله يكون في العون بس


مع ودي للجميع ...

اصلي لمن ادور بجيك بجيك لا بتعجزني المسافة لا الظروف تمسك بايدي


كرماوي

*