Post: #1
Title: إنتي وأنــــا ..
Author: معتصم دفع الله
Date: 07-24-2004, 01:12 PM
Parent: #0
إنتي وأنا من حقنا نطير في السماء تجي صاعقة تخمنا لا يلقوك إنتي ولا أنا ..
يعني بالعربي نتفرتق حتة حتة إن شاء الله ما يلقونا كله كله ..
معليش يا جماعة دي زهجة ساكت ..
مع الإعتذار للاستاذ الفنان هاشم ميرغني ..
ولكم إنتوا برضــو أحباء المنبر ..
|
Post: #2
Title: Re: إنتي وأنــــا ..
Author: حبيب نورة
Date: 07-24-2004, 01:32 PM
Parent: #1
أنتي و أنا
ما من حقنا
تجينا صاقعة تخمنا!!!
تجينا الطاوية حبالا ياخ:confused: 
|
Post: #3
Title: Re: إنتي وأنــــا ..
Author: Habib_bldo
Date: 07-24-2004, 10:17 PM
Parent: #2
معتصم مالك والزهجة ليه والدنيا حبور
وأنت لو زهجان المسكينة ماذا جنت حتى تفرتكها معك
يا زول أدي الدنيا ستين برطوش وعيش أيامك والباعك بيعه
سمعت الاغنية البتقول : القطر الشالك أنت يتكسر حتة حتة ...
أتصل في صديق الموج ... يغنيها ليك يمكن تفك زهجتك شوية
واله أغنية ترباس ... ما تهتمو للأيام ... طبيعة الدنيا زي الموج تجيب وتودي
|
Post: #4
Title: Re: إنتي وأنــــا ..
Author: معتز تروتسكى
Date: 07-27-2004, 07:41 AM
Parent: #3
أنــــــــت 00 وأنـــــــــا
انـــــــــــت 00 وانـــــــا
أنت 00 أنت كلمات وصلت إليه بعد جهد في هذا الزحام
واجاب أنا؟
قالت: أنت نعم
فأنا لانده على سراب
لم يفهم ما تصبو إليه والشفق يعلن بداية النهاية والسلام00
وقف مذهولا ثم انتفض على سؤالها
آنت عنترا؟
سؤال لم يخطر على خياله
وحتى الدهشة أصابتها الدهشة
أخرسها صمت الكلام00
ردد ثانية
أنا
قالت : بالطبع أنت
بدا الغضب يصعد إليه وقذف بالجريدة التي يحملها بعيدا وسط الزحام وسط دهشة الجميع غير مباليا بهم .وصاح فيها ماذا دهاكى؟
أو ماذا تعنين ، ولكن صمت برهة ثم تمعن في حديثها وقال: محدثا
نفسه ماهى صلتي بهذا العنترا؟ وهل أنا أشبه ؟ ولماذا أنا؟
انتفض على اثر كلمة
أنت
ردد أنا
نهم أنت
وهاهي الحكاية والقصه
أخبرني طيفي الذي كنت أنت ، وأنا احلم بأنك عنترا القرن العشرين
لم يأبه لحديثها وتركها تواصل
. إذا أنتي تريدين منى أن اصبح عنترا، وماذا عن هويتي؟ وماذا سأصبح أنا ؟ وهل سأضيع بين الحلال والحرام؟00
ام ماذا؟
قالت : أنا أريدك هكذا وأنت ستصبح عنترا، أتسمع عنترا
وذهبت00
وقف وطال الوقوف يفكر ويحدث نفسه لم اعرف عنها شيئا وذهبت
واصبحت عنترا
وهى لم تكن معي سوى لحظات وحديث كلمات
استيقظ وبدا يرجع إلى ذهنه
وقال إلى نفسه فليكن سأصبح عنترا، وهل سأخسر شيئا
بالطبع لا
ولكن لو كان أحدهم معنا ليسجل أخر أخبار عنترا الجديد
وقصص العشق في هذا الزمن سينسى الجميع عنترا القديم وستكون قصتي حديث الدنيا
ولكن الحقيقة أنا لست أنا ألان
كذلك هي لهت هي
وسنبقى في هذا الموقف
أنت 00 وأنا.
|
Post: #8
Title: Re: إنتي وأنــــا ..
Author: معتصم دفع الله
Date: 07-27-2004, 01:25 PM
Parent: #4
على شفا حرفٍ مني ..
كنتِ مذ عرفتك ..
وكنتُ ..
أطوع حرفي بين الممكن والمستحيل ..
بين أمسي وغدي ..
وأنتِ ..
حد الدهشة والسكون ..
وأنا ..
أقاوم أن أكون خطاك على وجه الطريق ..
الريح البينا والندى المأمول ..
تتساقطين رزازاً على زجاج نوافذي ..
فتتلون رؤاي بالمدي ..
نركض من خلف الريح ..
فوق سبعة حواس ..
ونسابق الزمن العنيد ..
والأرض العطشى تشتاق للمطر ..
وجعنا يسافــر ..
لمتين الرجعة ..
" نجتث القلق من ذاكرة الخوف " ..
وفي مشرع الحلم البعيد ..
تكفي الحواس الستة !!
الحبيب معتز
كلماتك تجد صداً واسعاً في نفسي وتحملني بعيداً حيث أحب أن أكون ..
مكانك دائماً بين الجميلين والرائعين فلا تحرمنا من هده الصحبة وأن نتزود من معينك ..
لك ودي وتقديري ..
|
Post: #7
Title: Re: إنتي وأنــــا ..
Author: معتصم دفع الله
Date: 07-27-2004, 12:24 PM
Parent: #3
العزيز حبيب بلدو
تحياتي وسلامي ..
نعم الدنيا فيها أشياء حلوة ..
وأنا دائماً ما أقول ..
أجمل اللحظات التي لم نعشها بعد ..
ومعك نتمنى لكل إثنين بيحبو بعض كل السعادة والهناء ..
مودتي
|
Post: #6
Title: Re: إنتي وأنــــا ..
Author: معتصم دفع الله
Date: 07-27-2004, 12:10 PM
Parent: #2
يا حبيب
ما قلنا الموضوع كله زهجة ساكت ..
مالك جايب لينا الطاوية حباله ..
جاينكم تخففوا علينا تقوموا تزيدوها ..
لك خالص المحبة ..
|
Post: #5
Title: Re: إنتي وأنــــا ..
Author: walid taha
Date: 07-27-2004, 07:52 AM
Parent: #1
معتصم يا راقى...
كنت مؤجل الرد على (انتى وانا دى)...لكن قلت معقول يا وليد معتزتروسكتى ده يجى من الصين يخش وانا ويتكلم وانا الجنبك ده ساكت ساى..!!!
ما بتجى يا حبيب...
ولسه عند وعدى ليك جاييك بالتقيلة ،،
ارقد عافية
|
Post: #12
Title: Re: إنتي وأنــــا ..
Author: معتز تروتسكى
Date: 07-27-2004, 11:12 PM
walid taha
الجميل
سلامات وعوافى..
جيتك تاى ومن بعيد كلى حزن ..اجمل مافى الدنيا الحزن ..والبكاء
لاتتخيل انا اكون سعيد جدا عندما اكون حزين ..
اعشق الحزن حتى الثماله..
وانا حزين بك ..
وتامى جيت قبلك.. من بلاد ماو وانت تضحكك انظر الفرق الم اقل لك الحزن طاقه..
ولكن من اجلك احزن ولووووووووووووووووووول..
معتصم الرائع
واصل حزنك ..
حتى لو كنت انت وانا..
كم انا حزين بك..
|
Post: #13
Title: Re: إنتي وأنــــا ..
Author: walid taha
Date: 07-28-2004, 03:44 AM
Parent: #12
معتز العزيز...
| Quote: لاتتخيل انا اكون سعيد جدا عندما اكون حزين .. |
نعم فللسعادة فلسفة لا تستبين الا ونحن نقف عند محطات الحزن..
مودتى
|
Post: #9
Title: Re: إنتي وأنــــا ..
Author: مجدى عوض
Date: 07-27-2004, 02:39 PM
Parent: #1
العزيز معتصم دفع الله
لك تحياتى
يا اخى خليك ماسك على جمرة القضية وغدا يوما جميلاً
|
Post: #10
Title: Re: إنتي وأنــــا ..
Author: waleedi399
Date: 07-27-2004, 10:53 PM
Parent: #1
معتصم اخوي ...
سلام كثير لا بنشال ولا بتقال...
وتاني حاجة يا اخوي نحن محتاجين لمجهوداتك ونفسك معانا
يعني عشان زهجت داير تنتحر خلاص اذا مصر ما تمشي بعيد الارض وسيعة
في حاجات وطرق كثيرة في ارض الله دي للانتحار، وبعدين بت الناس دي ذنبها شنو تضيعها معاك
أها يا معتصم يا أخوي انشاء الله تكون الزهجت فكت وراحت كمان
ربنا يديك الصحة والعافية ولك خالص التحية....
وليد
|
Post: #11
Title: Re: إنتي وأنــــا ..
Author: waleedi399
Date: 07-27-2004, 10:53 PM
Parent: #1
معتصم اخوي ...
سلام كثير لا بنشال ولا بتقال...
وتاني حاجة يا اخوي نحن محتاجين لمجهوداتك ونفسك معانا
يعني عشان زهجت داير تنتحر خلاص اذا مصر ما تمشي بعيد الارض وسيعة
في حاجات وطرق كثيرة في ارض الله دي للانتحار، وبعدين بت الناس دي ذنبها شنو تضيعها معاك
أها يا معتصم يا أخوي انشاء الله تكون الزهجت فكت وراحت كمان
ربنا يديك الصحة والعافية ولك خالص التحية....
وليد
|
|