Post: #1
Title: [B]جــــدي الـريـل ..[/B]
Author: معتصم دفع الله
Date: 03-28-2004, 11:51 PM
Parent: #0
في جلسة مع الأستاذ الفنان عبدالرحمن عبدالله ، ربنا ينعم عليه بالصحة والعافية ويعود سليماً معافى لمحبيه ومعجبيه ، حكى لي قصة هذه الأغنية الرائعة " جدي الريل " عندما كان شاعرها الأستاذ عبدالجبار في رحلة صيد والجو غيم والمطر رزاز حينها كان يقود عربته اللاندروفر فوجد غزال جالس على الأرض فهم بإطلاق النار عليه فوقف الغزال وكانت المفاجأة وجود صغيره معه فأقترب بعربته منه فما كان من الغزالة وصغيرها إلا أن يقفزا فوق عربته من الأمام في منظر جميل ورائع أوحى إليه بهذه الكلمات الرائعات .
والبقية عند أخينا تبلدينا ..
|
Post: #2
Title: Re: [B]جــــدي الـريـل ..[/B]
Author: tmbis
Date: 03-29-2004, 10:49 AM
Parent: #1
يا سلام عليك يا معتصم .
يا سلام
تعرف قبل يومين .. فتحت اذاعة امدرمان الصباح بدري . عن طريف الريسيفر برنامج الصباح الجميل داك .. ودقايق بس كان الاستاذ بيغني شقيش قوللي مروح .. قلت اجري علي الكمبيوتر افتحو علشان اسجل الاغنية .. سرحت معاها ومع حالة الاستاذ والمرض البيقاوم فيهو .. انتهت الاغنية .. وانا في حالة من الاحباط وحالة من حنين غريبه جدا .. وفي بالي صورة الاستاذ والحالة القاعد يمر بيها
وين تبلدينا ده ياخ ..
بالمناسبة ومن بعد ازنك يامعتصم بهدي الاغنية دي .. لي ماما دوما .. بجي راجع بعمل ليها لنك للحفظ شان تسمعه كل مرة ومرة
شكرا يامعتصم
|
Post: #3
Title: Re: [B]جــــدي الـريـل ..[/B]
Author: doma
Date: 03-29-2004, 11:13 AM
Parent: #2
ابني الحبيب تمبس توووووشكر للاهداء وربنا ما يحرمني منكم والشكر الجزييييييل لابننا الرائع معتصم دفع الله والتحيه والاجلال للفنان المبدع عبدالرحمن عبد الله كم يؤلمني تقصيرنا فيك يا عبد الرحمن
|
Post: #8
Title: Re: [B]جــــدي الـريـل ..[/B]
Author: معتصم دفع الله
Date: 03-29-2004, 12:25 PM
Parent: #3
الخالة دومة
وبرضوا نحن بنهدي ليك هذه الأغنية الرائعة ..
وربنا ياخد بيد مبدعنا الكبير عبدالرحمن عبدالله ..
ويعود لمحبي فنه بكامل الصحة والعافية ..
بلبلاً مغرداً في كل مكان ..
|
Post: #4
Title: Re: [B]جــــدي الـريـل ..[/B]
Author: ابو جهينة
Date: 03-29-2004, 11:31 AM
Parent: #2
معتصم
يديك العافية
لم يجد هذ الرجل التقدير الكافي و لا الإهتمام الذي يليق به
لله دره و ربنا يكون في عونه
|
Post: #5
Title: Re: [B]جــــدي الـريـل ..[/B]
Author: على اسماعيل
Date: 03-29-2004, 12:06 PM
Parent: #4
بارك الله فيك الاخ /معتصم والله يدى استاذنا عبدالرحمن عبدالله الفنان المرهف الصوت، الصحةو العافيه وامنياتنا من الشعب السودانى كله الوقوف معه فى محنته ونتمنى له الشفاء العاجل
|
Post: #10
Title: Re: [B]جــــدي الـريـل ..[/B]
Author: معتصم دفع الله
Date: 03-29-2004, 12:36 PM
Parent: #5
الأخ علي سليمان
لك التحية ..
ودعواتك أن يمن الله عليه بنعمة الشفاء ..
تشكر يا ذوق
|
Post: #6
Title: Re: [B]جــــدي الـريـل ..[/B]
Author: ود شندي
Date: 03-29-2004, 12:08 PM
Parent: #4
الروئع
معتصم،، تمبس
يااولاد انتو ماكم عينا
جدي الريل وشقيش ماشي الجدي
تمازج طروبي
دا إلا عصير تروبي
وجميل انو المزاز بالداخل
شندينـــــــــــــــــنا
|
Post: #11
Title: Re: [B]جــــدي الـريـل ..[/B]
Author: معتصم دفع الله
Date: 03-29-2004, 12:39 PM
Parent: #6
ودشندي الرائع دوماً
تعال نتمشى في الغيمة ..
ما غيمة ريد تصب في رهيد ..
روابيه الخضر ديمة ..
ربنا يجعل أيامك كلها خضراء وجميلة ..
لك مودتي ..
|
Post: #9
Title: Re: [B]جــــدي الـريـل ..[/B]
Author: معتصم دفع الله
Date: 03-29-2004, 12:32 PM
Parent: #4
العزيز أبوجهينة
تحياتي وسلامي لك وللبنيات ..
نعم يحتاج هذا الفنان الكبير للوقوف معه ..
والأخذ بيده في مرضه الذي ألم به ..
وهذا أقل واجب يمكن أن نعمله معه ..
يديك ألف عافية
|
Post: #7
Title: Re: [B]جــــدي الـريـل ..[/B]
Author: معتصم دفع الله
Date: 03-29-2004, 12:10 PM
Parent: #2
يا سلام عليك أنت يا تمبس يا ذوق ..
يمكن نكون إشتركنا معاً في حب هذا الفنان الرائع ..
ربنا يأخد بيده ويعود معافى لكل معجبيه ومحبيه ..
وأنا كمان بهدي ليك هذه الأغنية ولصلاح شتات وتبلدينا ..
وكل الناس الحلوين في المنبر ..
|
Post: #12
Title: Re: [B]جــــدي الـريـل ..[/B]
Author: معتز تروتسكى
Date: 03-29-2004, 01:56 PM
Parent: #1
خالص التحايا العزيز معتصم دفع الله
شكر ليك يازميل على هذه الاغنيه بس كنت تعمل ليها لينك عشان ننزلهاوالله قطعته قلوبنا والواحد بكتب وبقاوم فى الدموع والحسره ..عليك الله دى بلد شوف حال مبدعينا والاستاذ عبد الرحمن عبدالله جزء من قليل .اسالك يارب السموات ان تنعم عليه بالعافيه اسالك يارب..
عزيزى ارجوك لو انت قريب منه ان تبلغه تحياتى انا انا فقط وساكون انانى جدا هنا ومن هنا احيى مدينه بارا واهدى الاغنيه الى الوالده الغاليه ربى يحفظها.. والتى ايضا من مدينة بارا ..
|
Post: #15
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 00:05 AM
Parent: #12
الأخ معتز تروتسكي
لك التحية والتقدير ..
وربنا يدي الصحة والعافية لوالدتكم ويمد في عمرها ..
فعلا الحسرة تملأ القلوب ونحن نرى الإهمال يطال مبدعينا ..
في كل المجالات لا يلقون أي إهتمام ولا رعاية من أولي الأمر ..
وحالة الفنان عبدالرحمن عبدالله خير مثال ..
تحاياك وصلت للأستاذ وهو بخير وبيطمئن الجميع ..
ولناس بارا كل التقدير والإحترام ..
|
Post: #13
Title: Re: [B]جــــدي الـريـل ..[/B]
Author: tariq
Date: 03-29-2004, 03:03 PM
Parent: #1
اخى معتصم وبقية الاخوة المشاركين ...
قبل اكثر من 15 سنة جاء من الاغتراب احب خلاني إلى والى أمي أطال الله عمرها جاء خالي وكان حاملا معه شريط الفنان عبد الرحمن عبد الله ( ربنا ينعم عليه بالصحة والعافية وطول العمر) فأسمعني خالي أغنية جدى الريل واذكر بأني أعجبت بها وأخذت منه الشريط و أصبحت اسمعها يوميا ومعي أخي الأصغر الذي كان يشاركني الغرفة ... وعدت السنين وتغربنا نحن وغادر الخال الحنين الحبيب إلى ليبيا قبل اكثر من 10 سنين ولم نسمع له خبرا بعد ذلك وتقطعت معه كل سبل الاتصال به و لا ندرى أو تدرى الوالدة إذا ما كان حيا أو ميتا ..
تذكرتهم جميعا و أدمعت عيناي في هذه اللحظة وأنا استمع إلى هذا الرجل العظيم واسأل الله تعالى أن يرد غربتنا سريعا وان يجمعنا مع خالي في حضور والدتي ( إذا ما زال على قيد الحياة ) واسأل الله تعالى ان يشفي الفنان الرقيق وان يجمعنا معا كلنا في وطن سليم معافى ..
والتحية لكم جميعا .... فأحتاج لوقت حتى تزول منى هذه الحالة ...
|
Post: #16
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 00:14 AM
Parent: #13
الأخ العزيز طارق
رد الله غربة خالك سالماً غانما ويتلم شمل الأسرة الكريمة ..
وتعود العافية لمبدعنا الكبير عبدالرحمن عبدالله ..
وتعود كل الطيور المهاجرة لأرض الوطن الحبيب ..
تسلم
|
Post: #14
Title: Re: [B]جــــدي الـريـل ..[/B]
Author: Tabaldina
Date: 03-29-2004, 07:25 PM
Parent: #1
..
.
جـّدي الريل أبو كزيمة
تعال نتمشي فى الغيمة
دى غيمة ريد تصب فى الرهيد
روابينا الخضّر ديمه
الكّزم او ( ام كزيمة) احد مميزات الجمال عند المراة
فى القبائل ذات الاصول العربية كالمسيرية والرزيقات والحوازمة
والكزم هى الانف الذى به انحناءة عند طرفه لا هو بالمعقوف ولا هو بالافطس ولا هو كالسيف ان لم يخنى التعبير وقد يكون اخى كبر واسماعيل هما ابرع منى فى شرح هذه البيئة وتلك الاوصاف
ودوما تلقب المراة بهذا اللقب كسمة من سمات الجمال فى كردفان قاطبه او فى تلك القبائل خصوصا فكثيرا ما نجد فاطمة ام كزم او زينب ام كزيمة.
وكلما اسمعها هذه الكلمات اعود واحن الى ديار الحوازمة ومراحيل المسيرية المردوم وضرب النقارة لا ادري كيف جمعت هذا الخليط واتذكر بيوت العرب و(الدرنقل ) لا اظنك تعرفه يا معتصم !!
وكنا نستمتع بغناء الحكمات والخالات وهن يتغنين فى الاعراس
ود الغالي عرسو ** سمن البارة ريسو
------
عريسنا وين نقيل بيه ** فى الطلحة ام كعكول كّي
-----
الجنزير التقيل ** البقلا ياتو
بعوقد نارها ** البدفاها اخو
ونحن يا معتصم لنا روابي وكثبان وخيران وقردود ورهود وتُرد وليس ترع فلا علم لنا بالشواطئ ولا البيتشات ونفشل فى اكل السمك وبنغرق فى نص متر مويه.
ما اجمل كردفان فى الخريف وموسم الامطار وانت تستنشق الدعاش المعبق بنكهة الارض المرتوية من الامطار الغزيرة أن كانت ( سراية) او ( الشكشاكة)
ما اجمل دياري فى ليل الخريف والسماء ملبدة بالغيوم الداكنة يتخللها البرق العبّادى ما اجملها وان تعبر فى الليل طريق ( مشاكل) من الخوي الى النهود..
وان كنت تعلم ما الخوي لكنت طويت الارض طّي
او انت تعبر جبال المقّرح الشاهقة السوداء فى طريقك الى الجبال الشرقية عابر خور ( العوايّ) وسميّ لذلك الصوت الذى تصدره المياه
فى اندفاعها من الجبال الى ارض البطحاء الواسعة ( القردود) حيث ابوجبيهة ورشاد وجناين ( المنقة) فى تجملا وتاندق وتمورو وارمياو ووارض كونتانا1 ( اولاد حميد ) وتترنم
زولاً سرب سربه .. الليموني
خّت الجبال غربه .. الليموني
ادونى لي شربه ..الليموني
خلى النقص دربه .. الليموني
وقد تعود بك الذكري وانت تمر بجبل ( الدليب) بين الدلنج وكادوقلي وترى القردة ( الككو) وهى تتصايح وتملاء قمة الجبل وجداد الودادى والغزلان تتقافز عابرة الشارع وانت على سطح ذلك اللورى ( الابيض ضميرك) وانت تردد
اللورى حّل بي .. دلاني فى الودّى
حبيب سيد الناس ببقي لى وناس
وان حملتك الصدفة الى ارض الحّمر وجبال المجانين وديار الكبابيش وذكريات ال عكام فيا لها من ذكريات ..
درب الحبيب رمله .. نمشيهو فى القمره
فراق الحبيب جمره .. كداب البحمله
نقبل القبله .. نبكي بلا سبله
الحكيم سيد الابره .. دوايه ما خبره
الاستاذ عبدالرحمن عبدالله اكن له كثرا من الود ودوما كانت ماساته
وظروف مرضه هى من اسباب فشلنا فى دوراتنا المتعاقبة
لرابطة ابناء الابيض هنا وتعتبر وصمة عار وفشل للجنتنا التنفيذية ولا زالت وهى فرصة اتقدم بالشكر لكل من ساهم مساهمة مباشرة او غير
مباشرة مادية او معنوية فى السعي لعلاجه بدا من الموصلي ود. متوكل
وصلاح غريبة والماما/ دومه ود.نجاة وبناديهاومن لم تسعفنى الذاكرة بذكرهم. نسأل الله له الشفاء ورد غربته
وانا اطالع هذا البوست تذكرت تلك الوريقة الصغيرة من كراسة
العربي التى ما زلت احتفظ بها بارض الوطنوالتى وقعها الاستاذ/ عبدالرحمن عبدالله كعقد اتفاق للحضور الى مدينة الابيض ومعه الاوركسترا لاحياء حفل زواج شقيقتى الكبري وكنت وقتها طالباً وكان ذلك ذلك عام 89م فى بداية عهد السنوات العجاف ،
واظن ان استاذنا فضيلي جماع يذكر تلك الايام ان لم تخنى الذاكرة بمرور الايام.
الطريف انك لن تتور كما كانت التكلفة لاحياء حفلتين متتاليتن وثالثه تبرع دح فيها عبدالرحمن عبدالله فى مسائيات وصباحيات تلك المدينة ولكن حتى ارضى فضولك فقد كانت بما يعادل 600 ريال شاملة
تذاكر الاوركسترا بالطائرة من الخرطوم والعودة .. والله ايام يا سودان ،،،
والله يا معتصم يا دفاعي لقد اعدتنى الى ذكريات وايام لا تنسي فهما
كتبت او كتب اخرون عن هذا المليون ميل مربع لن يوفوه حقه كم جميل
سودان النكبات هذا كم رائع بقومه البسطاء وطبيعته الخلابه ولكن سيأتى يوما لنتمشى تحت الغيمة ..
لك الود وكل الحب
اعود
حتماً
|
Post: #17
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 00:29 AM
Parent: #14
يعني يا تبلدينا ما سمعت نداءات تمبس ..
والله قربنا نقول ألحقــــــــــونا يا ناس ..
ونحن كنا نتحرق شوقا لسماع هذا الكلام الجميل ..
كردفان الغرة أم خيراً جوه وبره ..
كردفان المردوم والجراري ..
كردفان عبدالرحمن عبدالله ..
كردفان أبوجبيهة وجنائن البان جديد ..
كردفان الأبيض وبارا ..
كردفان تبلدينا ومعاوية حدربي ومحمد الجعيلي ومحمد يوسف ..
ومبارك باكو وكثيرون رائعون في ذاكرتي ..
حتماً سوف نعود معاك ..
|
Post: #18
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 00:39 AM
Parent: #17
في إتصال هاتفي تم اليوم مع الأستاذ عبدالرحمن عبدالله والحمد لله إطمانئنا على صحته ..
وقد أخبرته بهذا البوست ودعوات الجميع له بالشفاء والعودة معافي بإذن الله ..
فتوجه بالشكر الجزيل للقائمين على أمر هذا المنبر وكل المتداخلون في هذا البوست وتمنى لهم ..
الصحة والعافية وأن يرد الله غربة الجميع ..
معتصم دفع الله
|
Post: #19
Title: Re: [B]جــــدي الـريـل ..[/B]
Author: على اسماعيل
Date: 03-30-2004, 09:46 AM
Parent: #18
لن ننسى اياما مضت واملنا بان ترجع(فى كردفان الغره ) فى الابيض اذكر كنا نتابع ود بارا من حى لحى القبه وودعكيفه والميرم والرديف والقلعةوحى الناظر والشويحات وطقت وابشرى وابجهل وذريبة العيش فى جروبى وفونتانا وعروس الرمال وكردفان عموم احياءوشوارع وازقة الابيض ونتمتع بشقيش و يا قمارينا وبسمع لى صوت نمه والسباتا وجدى الريل ووووووو....الخ بالله ارجوكم يا الاخ المعتصم والاعضاء جميعا التكرم بفتح قناة لمساعدة هذا المبدع
|
Post: #22
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 12:13 PM
Parent: #19
الأخ علي إسماعيل
شكراً لهذا التواصل الحميم ..
ونحن إن شاء الله بصدد القيام بهذا المشروع العظيم ..
حتى يعود المبدع عبدالرحمن عبدالله سليماً معافى بإذن الله ..
تحياتي لأهل كردفان جميعاُ ..
لكل حي .. كل شارع .. كل بيت ..
تسلم
|
Post: #38
Title: Re: [B]جــــدي الـريـل ..[/B]
Author: حبيب شامى
Date: 03-31-2004, 02:19 AM
Parent: #18
مطر الرشاش الرشه ودار كردفان الهشه
امشى بارا وديك امروابه.....والابيض غرد حبابها حـى لينا عروس الرمال يابلوم شيل السلام
اعزائى :ممعتصم وتبلدينا
والله ذكرتونا ديارنا السمحه كردفان الغرة ام خيرا جوا وبراوحليلها وحليل اهلنا الطيبين الزينين وعروس الرمال دائما على البال وكان البص لما يطلع بينا من الابيض ماشى بارا مارابجبل كرباج والحفير وشاقى الرمال ويتمايل بين شجر الهشاب واخوانا المسطحين على ظهر البص وضاربهم الهمبريب وكانو يغنوا بصوتهم العالى :الماشاف يارا يشوف خضارها
اويرددو اغنية الاستاذالشاعر مجمد عبد الودود كرداوى
السلام ياباراويامغر املى فيك راحة قلبى وفبك عزاز اهلى
يابارا مابنساك حتىعشرةيوم سايقانى عودة اليكى وياشبيهة الحور
هبت نسايم الساقيه وشتلة الرومان وانا فى عناق محبوبى ليا منه زمان
طـابالمقام ياباراوليا فيك امان وفى ربوع واديك وياجنان رضوان
وبالمناسبة القصيده دى طويلة جدا نعودليها مرة اخرى ولمناسبتها
دعـواتنا وصلواتنالعزيزناواخونا الغالى عبدالرحمن عبدالله بالشفاء وكامل الصحه ويرجع يرددلينا اغنية شوف جمال بت بارا وحلاتها اجمل البنوت فى السباتها قمرة 14بزاتها
وبالمناسبةكل بت كانت بتسمع الاغنية دى تفتكر غنوها ليها لانه بنات بارا كلهم من غير فخر جميلات
ربنا يواليك يااستاذ بالعافيه وياعندليبناتعود لينا ويرد غربتك وغربتناامـين
|
Post: #39
Title: Re: [B]جــــدي الـريـل ..[/B]
Author: حبيب شامى
Date: 03-31-2004, 02:47 AM
Parent: #38
تصحيح الاعزاء معتصم وتبلدينا والاخوان والاخوات المداخله التى ظهرت تحت منبر حبيب شامى هى فى الواقع من مـدام شامى
اعزائى معتصم وتبلدينا والاخوان والاخوات المداخله التى ظهرت على منبر حبيب شامىهى فى الواقع من مـدام شامى...باراويـه
مـدام شامى
|
Post: #41
Title: Re: [B]جــــدي الـريـل ..[/B]
Author: معتصم دفع الله
Date: 03-31-2004, 12:18 PM
Parent: #38
يا سلام على بارا وناس بارا ..
كثيراً ما كان يحدثني إبن عمي عامر حمد وهو فنان مشهور كان يقيم في الأبيض وبارا وكثيرون من أهل كردفان يعرفونه جيداُ عن تلكم البقعة من بلادي عن طيبة أهلها .. خضرتها .. جمالها ..
لذلك ليس بغريب أن نعشقها وليس بغريب أن يكتب الشعراء كثيراً عنها ..
Quote: السلام يابارا ويامغر املى فيك راحة قلبى وفيك عزاز اهلى
يابارا مابنساك حتى عشرة يوم سايقانى عودة اليكى وياشبيهة الحور
هبت نسايم الساقيه وشتلة الرومان وانا فى عناق محبوبى ليا منه زمان
طـاب المقام يابارا وليا فيك امان وفى ربوع واديك وياجنان رضوان |
شكراُ حبيب شامي ..
شكراً مدام شامي ..
http://www.arab7.com/up/file/1080727549.jpg
صورة لمدينة بارا
|
Post: #30
Title: Re: [B]جــــدي الـريـل ..[/B]
Author: doma
Date: 03-30-2004, 08:25 PM
Parent: #14
الله عليك الله عليك يا تبلدينا حقيقي تجيد الرسم بالكلمات حفظك الله يا بن كردفان الغراء
|
Post: #31
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 11:20 PM
Parent: #30
حقيقي يا خالة تبلدينا دا زول رائع جداً ..
ولسه منتظرين يكمل الباقي ..
تسلمي وربنا يديك العافية ..
|
Post: #20
Title: Re: [B]جــــدي الـريـل ..[/B]
Author: ودقاسم
Date: 03-30-2004, 10:10 AM
Parent: #1
المعتصم
كيفك
أنا قلت الغنا بتاع زمان حق الناس العواجيز زينا ، طلعتوا إنتو الشباب برضكم مشاركيننا فيهو ،،
يديك العافية ، والتحية للمبدع عبد الرحمن عبدالله ، مع تمنياتي له بعاجل الشفاء ،،
|
Post: #23
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 12:19 PM
Parent: #20
الخال ودقاسم
تحياتي ..
والله يا خال نحن في مسألة الغناء دي دقة قديمة ..
وزي ما بيقولوا أهلنا الما عندو قديم ما عندو جديد ..
ولا رأيك شنو ؟
وربنا يدي الصحة والعافية مبدعنا عبدالرحمن عبدالله ..
ويشفيه من هذا المرض لذي ألم به ..
تلسم
|
Post: #21
Title: Re: [B]جــــدي الـريـل ..[/B]
Author: tariq
Date: 03-30-2004, 11:33 AM
Parent: #1
نطالب وبشدة وصلة الحفظ فيا اصحاب الخبرات انجدونا
|
Post: #24
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 12:25 PM
Parent: #21
الأخ طارق
تحياتي ..
نحن في إنتظار تمبس عشان ينزل اللنك بتاع الحفظ ..
وأنا وراه وراه ..
تشكر
|
Post: #25
Title: Re: [B]جــــدي الـريـل ..[/B]
Author: شتات
Date: 03-30-2004, 02:57 PM
Parent: #24
حلمك يا فنان
كطير الجنة تدندن في الاغصان ..
تعبر حقل النشوة ..
..
..
تهادى .. لا تتوقف
شكرا على الهدية .. وأنا بدوري اهدي الاغنية لابن التبلدي محمد الجعيلي
واسال الله عاجل الشفاء للفنان عبد الرحمن عبدالله
صلاح / شتات
|
Post: #26
Title: Re: [B]جــــدي الـريـل ..[/B]
Author: tmbis
Date: 03-30-2004, 05:02 PM
Parent: #25
طارق .. ومعتصم معليش مرات كده قاعد اتجنصص مش كده؟؟ 
زي ما عارف يامعتصم اخوك مزنوق قدر كيف ؟؟
والمرة الجاية ان شاء الله معاكم للاستاذ عبد الرحمن .. في اي وقت تحددوه
|
Post: #32
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 11:28 PM
Parent: #25
شتات الرائع
تذكر عندما كنا دائماً نترنم بهذه الأغنية ..
نتنسم ريحة الدعاش ..
يظللنا غيم الفرح ..
نحلق بعيدا مع هذا النغم الشجي ..
ربنا يدي الصحة والعافية مبدعنا عبدالرحمن عبدالله ..
|
Post: #27
Title: Re: [B]جــــدي الـريـل ..[/B]
Author: Nada Amin
Date: 03-30-2004, 05:09 PM
Parent: #1
يا سلام يا جماعه البوست ده حلو شديد فيه حنية و ريحة دعاش رويانه جايه من كردفان الغرة أم خيرا جوه و بره
و الأحلى من كده حاجتين:
أغنيات مبدعنا العظيم عبد الرحمن عبد الله العامره بالتصوير الغني لبيئة كردفان الضاجة بالخضرة و الزرع و الضرع.
و الحاجة التانية الاهداء الجميل الى العزيز محمد الجعيلي زوج أختي الحبيبة شذى و بدوري أهدى هذا البوست الجميل و اللحن الأجمل اليهما و الى الأمورات يارا، ريلا، و رواء. و يلا يا معتصم عليك الله كلمهم بالبوست ده و خليهم يفتحوا الصوت لأقصى حد للأمورات عشان يرقصوا أصلهم بحبوا الرقيص شديد.
شكرا يا معتصم و شتات و تبلدينا و الجميع على كل هذا الوفاء و الجمال و تحياتي الى المبدع عبد الرحمن عبد الله و تمنياتي له بعاجل الشفاء.
|
Post: #34
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 11:48 PM
Parent: #27
الأخت ندى أمين
شكراً على هذه الكلمات الرائعات ..
وزي ما قلتي كردفان الخير .. الخضرة .. الزرع والضرع ..
وبلدنا فعلاً جميلة نحتاج أن نغني لها ولأهلها ..
لقد إتصل علي محمد الجعيلي والسعادة تغمره فقد حدثني كثيراً ..
عن هذا البوست وهو يبلغك تحياته وتحيات الأخت شذى والبنيات ..
وأظنهن الآن يرقصن مع نغمات المبدع عبدالرحمن عبدالله ..
لك كل التحايا والود
|
Post: #28
Title: Re: [B]جــــدي الـريـل ..[/B]
Author: Raja
Date: 03-30-2004, 06:51 PM
Parent: #1
العزيز معتصم..
عشت هذه اللحظات في زيارة لخال لي يعيش في الرهد..
تصدق انا كنت فاكراها الجنة، لأن كل ما حولك بالألوان.. دي الجبال لونها بنفسجي..
التحية لبلدنا التي زالت كل ألوانها لتصبح فقط "بيج"..
والتحية للرائع الفنان عبدالرحمن عبدالله..
|
Post: #29
Title: Re: [B]جــــدي الـريـل ..[/B]
Author: على اسماعيل
Date: 03-30-2004, 07:10 PM
Parent: #28
الاخ/معتصم لك التحية ولمداخلات الاخوان التى حركت فينا التفكير فى زيارة الابيض مع انى لم اكمل الاسبوع لسع جاى من هناك ولكن تبلدينا شوقنى للبلد وكانى لاكثر من عشرة سنين لم ازور كردفان وكانت لى زيارة مع الاولاد فى الخريف من شهر يوليو وحتى شهر سبتمبر للسودان عموما من الخرطوم الى دنقلا وبورتسودان وفى كردفان من الابيض غرباحتى النهود مرورا بابوحراز وجنوبا الى الحمادى وام الروص و الدبيبات وخشم الوادى (خور ابوحبل) حتى الدلنج المهم كانت زيارة حلوه وموفقة لكن شوقتونا للزيارة رغم اننى لم اكمل الاسبوع كما قلت، عموما ارجوا ان تهتموا بموضوع الفنان المبدع عبد الرحمن و فى انتظار اقتراحاتكم ونحن معاكم بل اولكم انشاء الله وتحياتى لبورداب السعودية عموما و لابناء كردفان خصوصا
|
Post: #33
Title: Re: [B]جــــدي الـريـل ..[/B]
Author: ASAAD IBRAHIM
Date: 03-30-2004, 11:32 PM
Parent: #29
شكرا العزيز معتصم
لحن جميل جدا بيعبر عن زوقك الراقي
تسلم ويسلم المبدع عبد الرحمن عبدالله
ولي قدام
|
Post: #37
Title: Re: [B]جــــدي الـريـل ..[/B]
Author: معتصم دفع الله
Date: 03-31-2004, 00:11 AM
Parent: #33
العزيز أسعد
تحياتي وسلامي ..
شكراً لهذا الكلام الرائع ..
وربنا يشفي الأستاذ ..
ويعود معافى بإذن الله ..
تسلم
|
Post: #36
Title: Re: [B]جــــدي الـريـل ..[/B]
Author: معتصم دفع الله
Date: 03-31-2004, 00:03 AM
Parent: #29
الأخ علي إسماعيل
ربنا يرد غربة الجميع وتعود كل الطيور المهاجرة ..
لارض الوطن الحبيب ..
تشكر على هذا الإهتمام الكبير ونعدك بأننا سوف نعمل لإنجاح ..
هذا العمل العظيم وهو علاج الأستاذ عبدالرحمن عبدالله ..
وتحياتك وصلت للجميع ..
|
Post: #35
Title: Re: [B]جــــدي الـريـل ..[/B]
Author: معتصم دفع الله
Date: 03-30-2004, 11:56 PM
Parent: #28
العزيزة رجاء
هذه الأرض تغنى لها كثير من الشعراء ..
وهي فعلاً جميلة لدرجة العشق ..
ولكن نقول شنو لأعداء الجمال ..
خذوا كل حاجة بس سيبوا لينا طيبة أهلنا .. وجمال أرضنا ..
بعدها تصدقي فلاً أنها الجنة ..
تسلمي
|
Post: #40
Title: Re: [B]جــــدي الـريـل ..[/B]
Author: tariq
Date: 03-31-2004, 08:09 AM
Parent: #1
الشكر للجميع بالاخص الاخ تمبس ( بعد ما عذبتنا )
|
Post: #42
Title: Re: [B]جــــدي الـريـل ..[/B]
Author: معتصم دفع الله
Date: 03-31-2004, 12:29 PM
Parent: #40
الحبيب طارق
والله تمبس دا ما عارفين نشكرو كيف ..
وانت يديك ألف عافية ويعود ليكم خالكم سالما غانماً بإذن الله ..
وتكون الحالة بتاعت أمس راحت إلى غير رجعة ..
تسلم
|
Post: #43
Title: Re: [B]جــــدي الـريـل ..[/B]
Author: Rawia
Date: 03-31-2004, 02:01 PM
Parent: #1
العزيز معتصم
لى الشرف ان اكون من مواليد الابيض
واحب هذه الكوكبه من فنانى كردفان
اتمنى الشفاء العاجل للرائع عبد الرحمن عبد الله
والشئ بالشئ يذكر
اعشق عبد القادر سالم
مدام شامى
لى اهل من بارا
عائله قريش والشعرانى
اعتز بهن جدا واحبهن
لهن كل التحايا
|
Post: #44
Title: Re: [B]جــــدي الـريـل ..[/B]
Author: إسماعيل وراق
Date: 03-31-2004, 07:13 PM
Parent: #43
العزيز معتصم
سأعود لهذا البوست الإنبساط
|
Post: #50
Title: Re: [B]جــــدي الـريـل ..[/B]
Author: معتصم دفع الله
Date: 04-01-2004, 00:07 AM
Parent: #44
إسماعيل وراق
منتظرنك ومعاك مفاجأتك ..
|
Post: #45
Title: Re: [B]جــــدي الـريـل ..[/B]
Author: الصادق خليفة
Date: 03-31-2004, 07:35 PM
Parent: #43
الاخ / معتصم
تحياتي ، كنت بتمشي في البورد الرحب و لقيت جديتك حايمة و من ما شفتها وسمعتها سلبت عقلي ، التحية ليك وللفنان الرائع صاحب الصوت الشجي عبد الحمن عبد الله و من هذا المنبر دعوانا ليه بالشفاء العاجل .
وسلمت يا معتصم
الصادق خليفة
|
Post: #51
Title: Re: [B]جــــدي الـريـل ..[/B]
Author: معتصم دفع الله
Date: 04-01-2004, 00:11 AM
Parent: #45
الحبيب الصادق خليفة
مرحب بيك وأنت تتمشى في الروابي الخضراء ..
مع جديات الريل وتحت مطر الدعاش ..
وأنغام مبدعنا عبدالرحن عبدالله ..
تسلم يا ذوق
|
Post: #49
Title: Re: [B]جــــدي الـريـل ..[/B]
Author: معتصم دفع الله
Date: 03-31-2004, 11:53 PM
Parent: #43
العزيزة راوية
لك التحية والتقدير ..
دائماً ما أحس أن كل بقعة أرض في بلادي هم أهلي ..
والأبيض مدينة في الخاطر ..
تشدك طبيعة المنطقة الجميلة وحنية أهلها ..
وحقيقة عبدالقادر سالم رقم في خارطة الأغنية السودانية ..
والكردفانية على وجه الخصوص صعب تجاوزه ..
له من التحايا والتقدير ..
تسلمي
|
Post: #46
Title: Re: [B]جــــدي الـريـل ..[/B]
Author: صديق الموج
Date: 03-31-2004, 07:38 PM
Parent: #1
معتصــــــــم.......العزيـــز........ياتمبس
وصدق ابن الرومى..ابناؤنا مثل الجوارح..
انتو ماجميلين لكن الجمال بعض منكم..
تحياتنا الحارات والامانى الطيبه بالشفاء تصل عبد الرحمن عبدالله
والشكر الجزيل ليكم يا ناس ياسمحين وانتم تنثرون هذا الابداع..
|
Post: #52
Title: Re: [B]جــــدي الـريـل ..[/B]
Author: معتصم دفع الله
Date: 04-01-2004, 00:16 AM
Parent: #46
صديق إبن عمي الظريق اللطيف
الأغنية السمحة دي هدية مني ليك ..
وإن شاء المره الجاية تنزل لينا أغنيات الخال ..
بس ما تنسى .. في إنتظارك ..
|
Post: #47
Title: Re: [B]جــــدي الـريـل ..[/B]
Author: Tabaldina
Date: 03-31-2004, 10:24 PM
Parent: #1
..
.
والله يا جماعة الدنيا دى ضيقة بشكل ..
وعلى حسب لغة الاعلام العالم صار قرية صغيرة
يعنى اكثر ما فاجانى معرفة شتات ومعتصم لمحمد الجعيلي ومش كداوبس
الاخت / شذي حرمه تطلع اخت ندى امين وكمان خالة الزهرات
الثلاثة روئ وريلا ويارا %
|
Post: #48
Title: Re: [B]جــــدي الـريـل ..[/B]
Author: Tabaldina
Date: 03-31-2004, 10:24 PM
Parent: #1
..
.
والله يا جماعة الدنيا دى ضيقة بشكل ..
وعلى حسب لغة الاعلام العالم صار قرية صغيرة
يعنى اكثر ما فاجانى معرفة شتات ومعتصم لمحمد الجعيلي ومش كداوبس
الاخت / شذي حرمه تطلع اخت ندى امين وكمان خالة الزهرات
الثلاثة روئ وريلا ويارا ، حفظهم الله من كل عين وسوء وشر ،،
وشكرا ليك يا تامبا ،، ومعتصم وماما دومه
الله يا ابو الدفاع بوستك دا جا مع الزحمة وما عارف
المنبر بقي بطئ ولا الحاصل شنو .. ساعتين ما قادر اشارك
لمن الكلام طار ...
والتحايا لكل الذين دلفوا واندلقوا زى الرووب فى البوست دا ...
وعلى اسماعيل انت مشيت اجازة ولا سياحة ووصلت كمان خور ابوحبل
ان شاء الله شربت من المشيش ؟؟
القطار المّر فيهو مّر حبيبي
والعلّي ما مّر ...
كانت سويعات ملكت قلوبنا
كم كنت بينا وكم نشتاق تزورنا
ما أنت بدر الكون يا باهي نورنا ..
الشاعر عوض الكريم القرشي كانت له ذكريات رائعة
كما كانت لنا ففى محطة القطار بالابيض .. تلك البقعة التى جمعت ابناء الوطن لقد كانت المحطة مجتمع قائم بحد زاته فقد جمعت
الفرح والام الفراق والمشاعر الطيبة وجمال الاستقبال
- رغم الزمان الذى جار عليها - الا ان ذكرياتها تظل باقية
فى الاذهان
وقد كانت ولا زالت مدينة عروس الرمال وشقيقاتها بارا والنهود
وام روابه والرهد والدلنج قد جمعن خلاصة الشعراء والمفكرين
منهم من قضي نحبه ومنهم من ينتظر ولم يتبدل عشقهم وحبهم لكردفان
الغرة فالامنيات للفنان عبدالرحمن عبدالله بالشفاء والتحية لابناء
تلك الارض المعطاء ..
بجيك صاادي تانى .ز بس دى فوق كدا ..
|
Post: #53
Title: Re: [B]جــــدي الـريـل ..[/B]
Author: معتصم دفع الله
Date: 04-01-2004, 00:26 AM
Parent: #48
تبلدينا ياخي أنت وين نشفت روحنا ..
ما قلنا ليك البوست دا منتظر منك الكثير عشان يكمل ..
يعني مافي ليك أي عذر ..
أنا ما قلت ليك ياخي ناس الأبيض ديل كلهم أصحابي ..
يعني كان بديت أكتب ليك في أسماءهم عايز لي بوست كامل ..
أمشي أسال معاوية حدربي حا يوريك ..
وأنت ماشي بعيد ليه محمد يوسف ما قاعد معاك في البيت ..
وبالله عرج لينا شوية على إبداعات ودالقرشي وحدائق البان جديد ..
منتظرنك يا حبة ..
|
|