عوداً جميل ..

والله يا ناس المنبر أمانة ما إتلومتوا ..
نغيب منكم إسبوعين واحد يجيب خبرنا مافي ..
أها النسوي لي مناشدة لي روحي ..
وممنوع أي زول يجي يعمل مداخلة ..
لحدي ماأرضى مني علي ..
البوست دا أنا سيدو بسوي المداخلة براي وبرد عليها بي نفسي ..
والأغنية السمحة دي مهدية مني لي ..
جبر الخواطر بعد الزعلة دي ما بينفع ..
إنتوا ما سمعتوا يزيد بن معاوية قال ..
وبكى بعضي على بعضي معي .
وناس تمبس وشتات والخال ود قاسم وود الموج وود وراق وأخرون ..
أصبروا أنا بعرف اتسدى فيكم ..
والزعلات أكتر من الرايحات ..

الأخ معتصم

حمداً لله على السلامة ..
معليش أنا كنت مشغول مني بي ..
أغنية خالد الصحافة " عوداً جميل " مهدية لي ..
تسلم يا الحبيب والعاجبة عاجبه والما عاجبه يحلق حواجبه ..
أنا مصر على منع المداخلات ..

المتداخلون يمتنعون ..
بالله لاقاكم زعل جنس دا ..

Quote: عوداً جميل عوداً جميل عوداً جميل عوداً جميل عوداً جميل عوداً جميل عوداً جميل عوداً جميل عوداً جميل عوداً جميل عوداً جميل عوداً جميل

قال ماندخل قال
والله (ام برمة) تاني ماتمرقنا من هنا دا
والأغنيـة دى مهدية لى انا دى برضـو والعاجبو عاجبو
عودا حميد يامعتصم .. وقاعدين نتاوق ليك بهناك ..

معتصم الجميل

برغم كل تلك التحذيرات..وعلامات ممنوع الوقوف وممنوع الدوران..عفوا لولوجى بوستيكم


العامر دونما استئذان...شانى فى ذلك شان الملكة وبصراحه جاينك وجايبنا صوت خالد محجوب

وحس طنبورا يشق الليل,,,انا ايضا يعنينى هذا العود الجميل....وحمالتك على بكره سقت

عين الشمش تلقى كل الشباب حضور...انت هين والا مقطوع لين......

صديق ود عمي
أنت خلاص نفذت منها وأنا كنت شائل عكازي وحائم بره للعوة ..
إلا خاطركم تب ما بكسره ..
لكن يأ أخوي الزعل مو كعب وبجيب اللوم ..
وعليك الله نزعل في شنو والدنيا دي ماخدين منها شنو ..

تسلم ويديك ألف عافية

أيه نقول غير السمح والزين ..
ما أنتي ست الذوق ..
وطبعك جميل ورزين ..
شاربة من موية النيل حنين ..
تدينا منو الأمل ..
لا قلتي لا .. كفاية خلاص ..
لا شفنا منك أنين وضنين ..

شكراً بلقيس فقد منحتينا عافية التواصل ..
فكان لابد من رد الجميل ..
ومرحب بيك البيت بيتك ..
والأغنية دي برضو هدية مني ليك ..

وكان الله أدى العافية بجيكم بي غادي ..
بس شيلوا الصبر ..

معتصم الراقي..

كيف ما سألنا..؟

أها عشان نوري انو سألنا أخبار صحة الوالدة شنو ..؟

انا بهدي الغنوة دي لي زول حلو فاكرني زعلانة منو..

انا ما زعلانة خلاص ..


عودا جميلا وحميدا..

العزيزة رجاء

والله عارفك ما بتقصري وحاشاك اللوم ..
والزيك أنتي بيزعلو منه ..
والزعلان منك دا بس أنتي كلمينا بيهو ..
والله ندقو دقة نقطع لحمة زي ما قالت أختنا شيري ..

ووالوالدة بتغريك السلام وهي بخير والحمد لله ..
وبرضو الأغنية دي هدية مني ليك ..

معتصم الجميل
مين قال ليك خالك ماسأل عنك ؟؟
علي الطلاق سألتك عنك مرات ومرات ،، واتصلت عليك في الشغل ، تلفونك ما بيرد ، واليوم اتصلت بين التاسعة والتاسعة والنصف صباحا ، ولا يوجد من يرد ،،
والمنبر ذاتو ما كان بيفتح معاي ،،
بركة الجيت ، وأحسن تبطل الدلع ، وتمشي عدل ..

أهلنا زمان قالوا ..
الما عندو كبير يشتريلو كبير ..
وأنت يا خال ..
كبيرنا ..
وعمدتنا ..
وركيزتنا ..
وأها كمان خاتنك لي كبيرة ..
بس بيني وبينك كده ما تكلم أي واحد ..
الموضوع داك خته في بالك والمسألة كان بقت جد ..
نشيل عكاكيزنا ونخت سكاكينا في ضرعاتنا ونجيك محزمين تب ..
أصلو اليومين ديل نحن ناس عكاكيز ساي ..

وزي ما قال صلاح ..

تسلم يا خال ..
ديوانك كبير مفتوح ..
رايك سديد ..
نسيما هاب يرد الروح ..
نجيك داب وردة ..
صبيانا سلاحا يلوح ..
وانت لينا بحر ..
ضفاف بالخضرة شبعانة ..
جروف بالعزة رويانة ..
صباح ماطر .. سواقي تنوح ..
نشيل من عافيتك سيف وقلم ..
وعند الحارة نتحزم أسد مجروح ..
وللسمحة جوانا قلبا كبير ..
وردا شـذاه يفــوح ..
تبين في سمانا زي قمرا بعيد ..
نلامسو بي ايدا قصيرة ..
وفرع من ريد طويل ..
حروفو تسيل ..
تمد ايديها تاخدنا ..
تَط’ـول ايدينا .. نقبض نجوم السماء المفتوح ..
نجيك يا خال .. ريدة تتدفق ..
انا والمطر وزولا سمح ..
نجيك كلنا ..
مطر وغمام .. كفوف بيضا .. قلوب خضرا ..
وتغني ليك بلابل الدوح ..

قال ما تدخلو

بالله، هسه الزول لو إضطر يحفر نفق بى تحت المنبر، خليهو ما يدخل بالباب عديل، ما بدخل

ونحن نفوت عينيك نقبل وين

يعنى دايرنا نخليك "كلك" كده بس لى ناس الرياض براهن

حقو تقول ليهم هم بس الما يدخلو هنا، لأنهم مستمتعين بيك وشايلين "وش" الملاح كله، ونحن ترانا قاعدين نكابس ليك "عبر الهوا" وهم قاعدين معاك "عبر الهوى"

طلاق بالتلاتة، كان وقفت ليك ديدبان، داخلين داخلين

مش كفاية الريدة الدخلتوها فينا، إنت وقريبك الرباطى داك

معتصم الزعلان .. ستبقي معنا حتى اذا سألناك الرحيلا .. واذا غبت فأنت فينا ..

بلقيس .. رحيق الود .. برتقالة التلاقي ..

الموج .. صباح القبلي المتاكا سحابو ..

رجاء .. نسايم الطيبة .. نفحة الغالين ..
بعدين أظنك أهديتي الأغنية لي أنا .. بس المطر قال بنات العباسي ما بزعِّلوا .. أنا أثنـِّي كلامو .. وعموما أقول شكرا على الأهداء ..

الخال .. خيرك بحر .. قلمك نفحة .. عكازك شعاع من نور ..

المطر .. راقي الحروف .. دفء المحبة .. شاطيء الصحاب ..

معتصم ..
كالنخيل الملوكي .. أنت
طويل القامة .. أنيق الابتسامة ..
يا صاحب الشمعات ..
تساهر الليل .. عشان ننوم نحن ..
زي شجرة الدوم .. قايمة هنا .. وظلها للجيران ..
حبابك وانت فينا ..
نجيك
رحيق ..
موج ..
نسيم ..
بحر ..
ومطر ..
ولسة جايين ..

ونلتقيك ..

صلاح / شتات

غلطان يامعتصم

بوست واحد بس ؟؟
انا بفتح بوستين .. واحد حقي براي .. والتاني للمعجبين/ات
ناس الرياض بقو بياعين يامعتصم ..
انت عارف ظروفي بقت عامله كيف . مش كده ؟؟
غايتو الله يخلي .. دكين بي حراق روحو ده هو البيسال ..
ويخليك انت وشتات القاعدين تجو للواحد يوم الخميس يايوم الجمعه بالليل ..


ما يخموك يامعتصم .. اصلو ما تفوته ليهم بالذات خالك ده
انا بره طبعا

تمبس الجميل

الظاهر إنه حجر يوم الجمعة داك ضرب في رأسي قلت أزعزع ليك الجماعة ديل وحرم ويمين مابخليهم إلا يقولوا الروب أها رأيك شنو ؟

Quote: ناس الرياض بقو بياعين يامعتصم ..

Quote: ما يخموك يامعتصم .. اصلو ما تفوته ليهم بالذات خالك ده

والله أنا وخالي إتفقنا والكلام دخل الحوش بس أبقو إنتو مارقين أنت وشتات ..

شتات يا حبة ..
وحبة دي من المحبة ..
واليومين ديل كمان أسبوع المحبة ..
تعرف أنا ما نسيتك عشان أتذكرك ..
لكن فتشت للحروف ما لقيته هربت تفتش لرفيقاته ..
تجمع في الشتات .. تتلم بي هناك .. تنظم كلام كتير وعجيب ..
عشان أنت زول سمح بلحيل ..
لكن المرة الجاية عكازي في يدي بس أنت أبقة مارق ..
وبالله عليك ما تكلم تمبس ودكين لأني لابد ليهم في الضلمة ..

أها معاك سلامة .. شتت

أهطل .. أهطل .. أهطل ..
أمنحنا رزاز الشوق الماطر ..
حرك فينا غيم الفرح الثائر ..
جمع شتات الحب المتناثر ..
شيد حولنا صوامعك إلفة ..
خلي حصونك ساتر ..
أدينا الأمل النور ..
لمستقبل أيامنا وحاضر ..
زيد حنين اللهفة ليوم باكر ..

أبوذر اخوي والله إفتقدتك كثيراً وأيه نحن بدونكم نسوى ..
إنتو منحتونا عافية المطر وأديتونا الإلفة ..
وخاطركم عندنا كبير وأنا والرباطي داك خاتنها ليك مفاجأة كبيرة ..
بس أنتظر ..
لك كل الحب ..
كل الـ " مؤده " ..
تسلــــــــــــــم

والله يامعتصم العودة ماعندك لكن
لو زعلك بجيب حاجات سمحة زي دي امشي ازعل ليك ساعتين وتعال راجع

الاخ / معتصم - تحية واحتراما

اها عشان تعرف فقدناك ، اخر بوستاتك (جدى الريل ابو كزيمه تعال نتمشى الغيمه )

حمدا لله على السلامة
وانجيت انجيت

Quote: والله يا ناس المنبر أمانة ما إتلومتوا .. نغيب منكم إسبوعين واحد يجيب خبرنا مافي ..

شوفوا جنس الكلام ده يا ناس
قال زعلان قال
قلت لي كم.. أسبوعين
في ناس غايبين ليهم شهرين ما في زول إشتغل بيهم
وما في زول جاب طاريهم
ولاّ المسكين ضقل

غايتو يا ود فع الله الفنجري زعلك سمح بالحيل
زعل بيجيب نضمي سمح زي ده.. إن شاء الله تزعل كل يوم
علشان ما تتشتت فينا إبداع وحكي موزون
أها أشوفك بعدين.

اتلومنا والله
لك التحية ...

عادل

عزيزنا معتصم
تحية و محبة
أنا غايتو برة من الجماعة ديل ،، أنا سألت منك بالتلفون و في الأخير لقيتك مع تمبس و شتات ضاربين الونسة
المهم عندنا هنا هو عودتك الجميلة دي.
برضو كان في تقصير.
عقبال عودة باقي ( برادبة ) الرياض
أرقد عافية

العزيز أبوجهينة

والله أنت بره منهم والزعلة دي ما ليك أنت ..
والأغنية السمحة دي أنا أصلو كنت هاديها ليك ..
لكن تقول شنو في المزاج العكر دا ..
وأكيد حا أعوضه ليك باحسن منها ..
ومعاك ندعو جميع البورداب وخصوصاً ناس الرياض العودة للحوش الكبير ..

وسلم لي على البنيات ..

الأخ عادل


تسلم يا أصيل ..
ولك خالص ودي وتحياتي ..

ود وراق بطل سلبطة ..
أنا وأنت في الهوى سواء ..
قول عجبتك الغنية ساي ..
وكان داير من جنس دا كل يوم بنديكم منو ..
بس أبقوا قراب وما تغيبوا مننا ..

الأخ علي إسماعيل

شكراً على هذا الشعور النبيل ..
رب أخ لك لم تلده أمك ..
في هذا المنبر وجدنا طيب المعشر وحسن المعاملة ..
من أناس كثيرون نكن لهم كل الإحترام والتقدير ..
سلمت أخي على ودمت أخاً وصديقاً ..

علي عثمان الرائع

بس أنت أطلب ونحن ننزل ليك كل يوم من زي دا ..
وما دام في ناس حلوين زيك عوجة مافي إن شاء الله ..

تسلم

الاخ معتصم
يعني معقولة بس..ننسه طلتك الحلوة دي علينا..
معليش بس المرة دي سماح عشان كنا مشغولين..
حمدالله على السلامة

يا بنت يا نيل

طليتي أنتي ومعاك الفرح ..
جلبتيهو لينا من مكان بعيد ..
من ناس هناك مادين الإيد ..
لي قولة السلام والشوق اكيد ..
نحن نقول سماح .. نقول معليش ..
ما إنتو الطيبة زاته دا ما كلام ترديد ..
وحبل الود كمان موصول نمده ليكم ونزيد ..

شكراً جميلاً ..
ولك خالص التحية والتفدير ..

العزيز معتصم

حقا لقد لاحظت غيبتك عن المنبر و كنت أود ارسال ماسينجر للسؤال و الاطمئنان عن أسباب الغياب

افتقدنا وجودك الواعي بيننا و مرحبا بالعود الحميد المستطاب.

الاخ الخلوق / معتصم

غيب وتعال تلاقنا نحن يانا نحن
انت اصلك فينا باقي مهما طال بعادك
جيناك بقادي في بوست ما ان لشتات ان يجتمع و اتحفتنا بروائع الانسان الشفيف شتات .
رأيك في القصيده ده شنو _ كلموني قالوا انك تائهة فاقد الخطي
نازل على الدرب اليباب
زارع الشوك ورد و حاصد الالم عذاب
فاقد الوعي و كايس لحكيم يكتب دواك
*****
انت ما اصلك شقي وفي عيونك دايما شرود
وفي قليبك حب منكفي و مالاقي البيضحك معاك
اصلو درب الفاتو ماتو و ما برجع من سرق هواك

اهو الناس بتكتب كلها وقلنا نجرب

الصادق خليفة

الحبيب الغالي الصادق خليفة

والله نحن ما قدر دا ..
والقصيدة فعلاً جميلة واصل في الكتابة ..
شكراً لهذه الكلمات الرائعات التي أتحفتني بها ..
وإنتو دائماً في سويداء العين ..
فقد منحتمونا عافية المحبة والتواصل ..
ونحن نفوت منكم وين إنتو يا الحلوين ..

تسلم

كل الحروف طربانة تسبق في الخطى ..
محتارة في رد السؤال ..
قالت مرحب حبابكم ما كفي ..

الأخت العزيزة ندي ..
الغياب ما كان بيدنا ..
ولا كان إختبار لمعزتنا عندكم/ن ..
وعارفنك أصيلة يكفي سؤالك عننا ..
شكرا جميلاً ..
وإن شاء الله الأغنية تكون عجبتك ..
لك سلامي وخالص تحياتي ..