Post: #1 Title: بيت البكاء بي هــــنا .. Author: معتصم دفع الله Date: 04-20-2007, 09:30 PM Parent: #0
وكانت ساعة النصر إكتمال الهلال ..
Post: #2 Title: Re: بيت البكاء بي هــــنا .. Author: سمية الحسن طلحة Date: 04-20-2007, 09:36 PM Parent: #1
الله يبارك فيك يامعتصم إنشاء الله يباركوا ليك الجديد واليوم السعيد .
Post: #7 Title: Re: بيت البكاء بي هــــنا .. Author: معتصم دفع الله Date: 04-20-2007, 09:57 PM Parent: #2
مبروك ليك إنتِ يا سمية هذا النصر العظيم .. ومبروك لأمة الهلال ولمحبي الهلال .. لم يساورني شك في إنو لاعبي الهلال قدر المسؤلية وأنهم سيكونون اليوم حضور في أم درمان وكل السودان وحقيقي لم يخيبوا ظني ولا ظن الملايين التي تقف من ورائهم .. بداية بريكاردو الجميل وفوزي الأسد وهيثم (سيدا) كما يحلو لجمهور الهلال أن يهتفوا به وبكل فتية الهلال الأشاوش وحتى البدلاء على دكة الإحتياطي ..
مبروك وعقبال الكأس ..
Post: #3 Title: Re: بيت البكاء بي هــــنا .. Author: معتصم دفع الله Date: 04-20-2007, 09:36 PM Parent: #1
كتيبة النصر الهلالية ..
Post: #5 Title: Re: بيت البكاء بي هــــنا .. Author: الأمين عثمان صديق محمد Date: 04-20-2007, 09:40 PM Parent: #3
مبروك للهلال مبروك للسودان
ــــــــــــــــ اسمع مدني والفريق التاني (والله نسيت اسمو) طلعت كم كم
Post: #8 Title: Re: بيت البكاء بي هــــنا .. Author: معتصم دفع الله Date: 04-20-2007, 10:01 PM Parent: #5
الله يبارك فيك يا الأمين .. وعقبال الكأس إن شاء الله وأكيد ح يتحقق طالما هناك فنانون في الهلال يعزفون أجمل الألحان .. قادرين على تطويع (الكفر) ومنح الفرحة لهذه الملايين التي تقف من خلفهم ..
الكورة إنتهت 2/1 لصالح مدني .. والفريق الثاني إسمه الســلام ..
Post: #4 Title: Re: بيت البكاء بي هــــنا .. Author: هاشم أحمد خلف الله Date: 04-20-2007, 09:38 PM Parent: #1
Quote: وكانت ساعة النصر إكتمال الهلال ..
وعقبال كمان ساعة النصر للمريخ يا جدووو معتصم
Post: #10 Title: Re: بيت البكاء بي هــــنا .. Author: معتصم دفع الله Date: 04-20-2007, 10:04 PM Parent: #4
كلنا في هذه اللحظات سودان يا هاشم .. ونحن مع المريخ قلباً وقالباً ولتعم الفرحة كل الوطن .. وعلشان هذا الشعب المحروم من الفرحة وطعم الإنتصارات ..
مبروك للهلال .. وعقبال المريخ غداً إن شاء الله ..
Post: #6 Title: Re: بيت البكاء بي هــــنا .. Author: معتصم دفع الله Date: 04-20-2007, 09:52 PM Parent: #1
ما أجملكم شعب الهلال .. ما أجملكم فتية الهلال .. ما أجملكم جمهور الهلال ..
اليوم هلّ الهلال وإكتمل بدراً بأم درمان وخرجت العرضة شمال منتشية بهذا النصر العظيم الذي حققه فتية الهلال في ملحمة كروية بذلوا فيها كل فنون اللعبة مؤكدين أن لا مستحيل هناك .. فتية الهلال الأشاوش الذين طوعوا ( الكفر ) وصالوا وجالوا بملعبهم في أم درمان طولاً وعرضاً حاملين قلوب الملايين وشعار النصر ولا شئ غيره ..
التحية لكل شعب الهلال أين ما كان ..
Post: #9 Title: Re: بيت البكاء بي هــــنا .. Author: خالد الأيوبي Date: 04-20-2007, 10:04 PM Parent: #1
معتصم ،
أين هو البرنس في الصورة ؟
سؤال جاد والله
فأنا هلالابي من الزمن الغابر .. آخر معارفي من لاعبي الهلال جيل عاکف عطا
فإذا كان الوقت مناسب للعودة لتشجيع الهلال كما يصر إصدقائي
فلا بدء أن تكون ضربة البداية مع البرنس ... ولا شنو رأئك؟
Post: #12 Title: Re: بيت البكاء بي هــــنا .. Author: نهال الطيب Date: 04-20-2007, 10:08 PM Parent: #9
معتصم مبروك للهلال ورغم أني مريخابية فرع برشلونة لكن كله للسودان الجميل
Post: #22 Title: Re: بيت البكاء بي هــــنا .. Author: معتصم دفع الله Date: 04-21-2007, 08:50 AM Parent: #12
شكراً يا نهال .. ياهو دا السودان وياها دي الرياضة توحد الجميع .. قلوبنا معكم اليوم لتخطي الفريق الجزائري ولتعم الفرحة السودان عموم ..
Post: #13 Title: Re: بيت البكاء بي هــــنا .. Author: معتصم دفع الله Date: 04-20-2007, 10:14 PM Parent: #9
سلام يا خالد الأيوبي .. وألف مبروك فوز الهلال العظيم .. هيثم مصطفى يحمل الرقم (8) وهو أول الواقفين من يمين الصورة .. والله الهلال دائماً معودنا على النجوم وإظهار الفلتات الكروية .. وتحية خاصة عبرك للصديق الكابتن عاكف عطا ..
Post: #11 Title: Re: بيت البكاء بي هــــنا .. Author: محمود الدقم Date: 04-20-2007, 10:05 PM Parent: #1
الاخ معتصم بعد التبريكات والتهاني لهلال الامة السودانية طبعا وكدا اسمح لي بانزال هذه المادة وهي ارشيفية لمباراة الهلال مع الاهلي المصري وطبعا الهدف الهلالي كان حاجة عجييييييييبة:
Post: #24 Title: Re: بيت البكاء بي هــــنا .. Author: معتصم دفع الله Date: 04-21-2007, 10:16 AM Parent: #11
سلام محمود وشكراً على اللنك لهدف ريتشارد جاستن في الأهلي المصري .. والنتيجة دي طبعاً ما كانت متوقعة للأهلاويين وخصوصاً المباراة كانت على أرضهم وبين جمهورهم ولكن دا الهلال .. ألف مبروك وتهانينا لكل أمة الهلال .. ودي برضو المباراة الشهيرة للهلال مع كانون ياوندي الكاميروني والتي كفلت نتيجتها صعود الهلال للمباراة النهائية ضد الأهلي المصري نفسه .. ويظهر فيها جميع الأبطال وقتها حمد دفع الله وجدي مرجان وجعفر عبدالرازق وكندورة ووليد طاشين وتنقا وطارق أحمد آدم والحارس يور الذي صد ضربتي جزاء في هذه المباراة وجميع لاعبي هلال 87 ..
Post: #14 Title: Re: بيت البكاء بي هــــنا .. Author: الملك Date: 04-20-2007, 10:32 PM Parent: #1
مبروك للهلال ,,,,
للشفع
والمارة للسودان ...
أبيخ حاجة إنك تنسى الكاميرا فى البيت
عشان مريخابى وكده
"شايل مداخلتى دى وحايم"
Post: #15 Title: Re: بيت البكاء بي هــــنا .. Author: معتصم مصطفي الجبلابي Date: 04-20-2007, 10:57 PM Parent: #14
الاخ معتصم الف مبروك ليك ولكل الهلالاب
وياخالد الايوبى
دا هو البرنس هيث مصطفى
مع تحياتى
Post: #16 Title: Re: بيت البكاء بي هــــنا .. Author: معتصم مصطفي الجبلابي Date: 04-20-2007, 11:14 PM Parent: #15
البرنس
Post: #27 Title: Re: بيت البكاء بي هــــنا .. Author: معتصم دفع الله Date: 04-21-2007, 10:35 AM Parent: #16
ألف مبروك ليك يا سمي معتصم ولكل أهل السودان .. حقيقي الهلال أدخل الفرح والسرور لكل محبيه في هذا اليوم .. وسطع بدراً مكتملاً وأضاء ليالي الخرطوم وكل السودان .. الهلال بقيادة برنسه هيثم ورفاقه قادر على تخطي الصعاب والوصول للنهائي إن شاء الله .. والعودة بكأس هذه البطولة ووضعه في دولاب النادي المنتظر له منذ زمن ليس بالقصير .. الهلال الذي وصل لنهائي أكبر بطولة أفريقية لقادر على ذلك .. بالأمس رأينا قلب الأسد ريتشارد والجعلي داريوكان والثلاثي المدهش يوسف محمد وقودين وكلاتشي .. بالأمس رأينا في العرين المعز محجوب والبطل أبوبكر الشريف والذي لم يخزل مدربه ولا جمهور الهلال بصده لأربعة ركلات ترجيح .. رأينا علاء الدين جبريل والغزال مهند الطاهر ومن خلفهم مهندسا الهلال عمر بخيت وحمود بشير والفارسان سيف مساوي واسحق كرنقو .. بالأمس شفنا فرحة المدرب الشاطر ريكاردو ودموع الأسد فوزي ونشوة جمهور الهلال .. وكان هيثم عند وعده وأكد أنه كبير وسيدا ..
Post: #17 Title: Re: بيت البكاء بي هــــنا .. Author: Osman Musa Date: 04-20-2007, 11:21 PM Parent: #15
الف مبروك يا هلال يا عظيم الف مبروك للسودان
Post: #28 Title: Re: بيت البكاء بي هــــنا .. Author: معتصم دفع الله Date: 04-21-2007, 10:41 AM Parent: #17
وكانت ساعة النصر إكتمال الهلال .. هكذا كان يردد جماهير ومحبي الهلال يوم أمس .. هكذا كان يغني السودان مساء الأمس بعد أن إكتمل الهلال بدراً ..
مبروك أخي عثمان وعقبال ما نشوف كأس البطولة في دار الهلال ..
Post: #26 Title: Re: بيت البكاء بي هــــنا .. Author: معتصم دفع الله Date: 04-21-2007, 10:23 AM Parent: #14
يا ملك دا يوم تنسى فيهو الكاميرا .. ياخي كتر ألف خير أحمد عبدالله مصور لينا الأحداث بالتيلفون .. وكمان صوت (بوري) العربيات وزغاريد النساء وفرحة الجميع في السودان .. دا يوم مشهود في تاريخ الهلال وعقبال الكأس إن شاء الله .. واليوم يفوز المريخ كمان ويصعد لدور الثمانية عشان إنت مريخابي وكده
سلام يا حبة وشوق شديد ..
Post: #29 Title: Re: بيت البكاء بي هــــنا .. Author: تولوس Date: 04-21-2007, 10:43 AM Parent: #26
ياطوبل يا وجيه الف مبروك للهلال وعقبال المريخ اليوم
Post: #34 Title: Re: بيت البكاء بي هــــنا .. Author: معتصم دفع الله Date: 04-21-2007, 03:19 PM Parent: #29
مبروك عليك فوز الهلال وعقبال الكأس إن شاء الله .. والمريخ اليوم منتصر وفائز برضو ..
Post: #18 Title: Re: بيت البكاء بي هــــنا .. Author: Ahmed Mohammed Osman Date: 04-20-2007, 11:29 PM Parent: #1
الف مبروووووووووووووووك هلال السودان والف مبروك لكل هلالابي وكل زول فرح بهذا النصر المستحق (رجالة عديل) ونفول هاردلك لكل من كان مرجف ومشكك في تاهل الهلال
ومن غيرنا يعطي لهذا الشعب معني ان يعيش وينتصر؟؟؟ منو غيرو؟؟؟؟؟ وفوق فوق هلالنا فوق
Post: #19 Title: Re: بيت البكاء بي هــــنا .. Author: حاتم هاشم Date: 04-21-2007, 00:25 AM Parent: #18
بسم الله الرحمن الرحيم الحاج معتصم سلامات ياحبيب مبروك لينا كلنا...كانت مشن ان بسبل ...لكن الحمد لله تحياتي... حاتم هاشم.
Post: #20 Title: Re: بيت البكاء بي هــــنا .. Author: عماد محمود علي Date: 04-21-2007, 07:10 AM Parent: #19
صديقي الجميل موو
صباحك سعيد وجميل مثلك ، ،،
ألف مليون مبروك لهلال الملايين ، وهو ده الكلام هلال يملى العين ويدفق .
Quote: ونحن مع المريخ قلباً وقالباً ولتعم الفرحة كل الوطن .. وعلشان هذا الشعب المحروم من الفرحة وطعم الإنتصارات
يارب تنصر المريخ والفريق القومي لتعود للكرة السودانية الريادة والقيادة من جديد .
Post: #39 Title: Re: بيت البكاء بي هــــنا .. Author: معتصم دفع الله Date: 04-22-2007, 03:06 PM Parent: #20
Quote: يارب تنصر المريخ والفريق القومي لتعود للكرة السودانية الريادة والقيادة من جديد .
يا ريت يا عمدة أخوي .. الرياضة جسر للمحبة والتواصل ودعم للوحدة الوطنية والسلام .. نتمنى إنتصارات الفرق السودانية لتعود لها عافيتها ونصعد لأول كأس عالم قادمة إن شاء الله ..
تحياتي ..
Post: #36 Title: Re: بيت البكاء بي هــــنا .. Author: معتصم دفع الله Date: 04-22-2007, 08:18 AM Parent: #19
حاتم هاشم .. سلام يا عريس .. مبروك فوز الهلال العظيم .. وعقبال ما نصل للمباراة النهائية ونشيل الكأس ..
Post: #35 Title: Re: بيت البكاء بي هــــنا .. Author: معتصم دفع الله Date: 04-22-2007, 08:12 AM Parent: #18
سلام أحمد .. ألف مبروك هذا الفوز المستحق .. إنهم أبناء الهلال دائماً حاضرون وللفرح ناثرون .. فتية آمنوا بحب الهلال وأحبهم جمهور الهلال لذلك ليس بعيد أن يكونوا قدر الهلال ..
مليون ألف مبروك ..
Post: #21 Title: هلالاب والأجر على الله Author: ملكة سبأ Date: 04-21-2007, 08:24 AM Parent: #1
مرحب بيهو
الهــلال هــلّ
Post: #23 Title: Re: هلالاب والأجر على الله Author: احمد العمار Date: 04-21-2007, 08:57 AM Parent: #21
الف مبروك يامعتصم والله شىء جميل
عقبال الكأس ان شاء الله
ليه تسميهو بيت بكا ، دا بيت فرح لانو فرح لكل السودانيين هلالاب على مرخاب ، وخليها بالنية عشان الله ينصركم انتو كمان
أحمد العمار
Post: #25 Title: Re: هلالاب والأجر على الله Author: تاج السر حسن Date: 04-21-2007, 10:20 AM Parent: #23
الجميل معتصم جينا بيت البكى شايلين الفرح نرفع الحداد ونوقف البكاء ونمنح الفرح ونقول (العريس) ما مات يا ناس .. العريس حى العرس ما غرق العريس هاداك فوق قاعد موهط فوق السحاب.
Post: #42 Title: Re: هلالاب والأجر على الله Author: معتصم دفع الله Date: 04-22-2007, 05:08 PM Parent: #23
الله يبارك فيك يا أحمد العمار .. البكاء من الفرحة يا أبوحميد وعشان ناس كيجا كانو داقين لينا صيوان عزاء بي هناك .. وناسين بأن نسور الهلال قادرين على تخطي المستحيل والصعود لدوري الثمانية الأبطال .. وهذه الصورة لأبطال 87 و 92 ويظهر فيها فرسان الهلال الأشاوش طارق أحمد أحمد وتنقا ومبارك سليمان ومجدي مرجان ووليد طاشين ومنقستو والثعلب وياسر أبوورقة والريح كاريكا وصبحي وعمر النقي ويور وهشام الطيب وصبري الحاج وعادل بلاتيني وو..
Post: #40 Title: Re: هلالاب والأجر على الله Author: معتصم دفع الله Date: 04-22-2007, 03:12 PM Parent: #21
كيفك يا ملكي .. والله الواحد مبسوط وفرحان فرح شديد لهذا الإنتصار الإتحقق .. ألـ1000ــف مبروك لكل الأهلة والسودان ..
ســـــيدا ..
Post: #30 Title: Re: بيت البكاء بي هــــنا .. Author: محمد علي ياسين Date: 04-21-2007, 10:48 AM Parent: #1
إبن عمتي الغالي معتصم
المباراة كانت صعبة
وضربات الجزاء كانت اصعب
ولكن كان الفرح للهلال
ليكم التهنئة ومليون مبروك
وسلام
محمد علي
Post: #31 Title: Re: بيت البكاء بي هــــنا .. Author: زول ساكت Date: 04-21-2007, 11:54 AM Parent: #30
وكانت ساعة النصر
Post: #32 Title: Re: بيت البكاء بي هــــنا .. Author: salma subhi Date: 04-21-2007, 12:32 PM Parent: #31
معتصم دفع الله....
والله انا قلت في حاجة حاصلة....لقيت الموضوع الهلال والكورة
تحياتي ومبروك فوز الهلال
Post: #45 Title: Re: بيت البكاء بي هــــنا .. Author: معتصم دفع الله Date: 04-23-2007, 03:45 PM Parent: #32
تحياتي سلمى .. هو في شي حاصل أكثر من (زرة) يوم الجمعة دي والله نحن كنا عايشين على أعصابنا لكن نسور الهلال كانوا قدرها .. أدخلوا البهجة والسرور إلى قلوبنا بانتصارهم المستحق وصعودهم لدور الثمانية الكبار ..
تحياتي وألف مبروك ..
Post: #44 Title: Re: بيت البكاء بي هــــنا .. Author: معتصم دفع الله Date: 04-22-2007, 06:17 PM Parent: #31
هلالي الهلّ وإتكمل .. مبروك زول ساكت ..
Post: #33 Title: Re: بيت البكاء بي هــــنا .. Author: Faisal Fadhlallah Date: 04-21-2007, 01:45 PM Parent: #30
الاعزاء شعب الهلال العظيم وكل الوطنيين العظماء
سلام كبير وتحية عريضة لهلال الملايين الذي كان ودائما سيكون قدر التحدي
بالأمس كانت كل أسرتي الهلالية في حالة شد عصبي الي نهاية المباراة حتي إبني باسل ذو الأربع سنوات وبنتي ذات الخمس سنوات كانوا علي أعصابهم وكانوا يدعون ببراءة أن ينصر اللهُ هلال الملايين وكانوا كل ما أحرز الهلال هدفا يهتفون ويركضون نحوي.
لقد كافاتهم لذلك حباً في الهلال العظيم.
مزيدا من الإنتصارات......
نتمني أن ينتصر المريخ اليوم علي شلف الجزائر حتي تعود للكرة بهجتها في السودان الحبيب.
لكم الإنتصارات الجميلة
أبو عزه
Post: #46 Title: Re: بيت البكاء بي هــــنا .. Author: معتصم دفع الله Date: 04-23-2007, 03:58 PM Parent: #33
سلام وتحية كبيرة يا فيصل .. وآلاف التبريكات بفوز هلال الملايين .. تعرف أثناء المباراة أعاصبنا كانت مشدودة لدرجة ما بتحس بالجنبك .. وبعد نهاية المباراة الفرحة عمت الجميع ورقصت دواخلنا وإنتشينا بالفوز والعرض الجميل .. مبروك لشعب الهلال وعقبال الكأس إن شاء الله ..
محبتي ..
Post: #43 Title: Re: بيت البكاء بي هــــنا .. Author: معتصم دفع الله Date: 04-22-2007, 05:59 PM Parent: #30
إبن خالي سلام وشوق شديد .. تعرف أنا كنت عايش على أعصابي وحالتي كانت متأخرة جداً .. ولكن الأولاد كانوا عند حسن الظن وأعادوا لنا البسمة ونمنا ليلتها مسرورين .. شباب الهلال قدروا المسؤلية لعبوا وأبدعوا ونالوا ما كانو يسعون له .. نقول مبروك للاعبي الهلال وجمهور الهلال العظيم وإدراتهم ولكل محبيهم ..
تحياتي ..
Post: #37 Title: الهلال هلا Author: انعام عبد الحفيظ Date: 04-22-2007, 11:09 AM Parent: #1
خلعتنا ياجميل دي مسرات سارت بأكتمال الهلال مبروووووووك النصر ،،
وبساطع الأفلاك التلاته وببذوق فجر الأنتصار كانت مآذن السودان تحمل الهلال
يحتوي في القلب نجمة السعد يامريخنا ويامريحنا وياعالي ويانصر غالي مبرووووك
كل الرياضيين وجماهير قطبي الكرة السودانية ودامت الأفراااااااااااااااااااااح
،،،أبوقصي،،، مريخااااااااااابي وطني غيور ورياضي سابق بشجع اللعبه الحلوووووه.
Post: #49 Title: Re: الهلال هلا Author: معتصم دفع الله Date: 04-23-2007, 05:44 PM Parent: #38
تحياتي أبوقصي .. الفاتحة دي دي من وجعنا والهزائم الكتيرة الهدت حيل الكرة السودانية .. مبروك فوز الهلال والمريخ وعقبال ما يصعد الفريق القومي لنهائي أفريقيا والعالم ..
تسلم يا حبيب ..
Post: #48 Title: Re: الهلال هلا Author: معتصم دفع الله Date: 04-23-2007, 04:07 PM Parent: #37
سلام انعام ومبروك الفوز .. ضربات الجزاء دا كانت معاها زيادة في ضربات القلب .. لكن نظرة المدرب لم تخيب في الحارس أبوبكر الشريف وكان عند حسن الظن .. وأعاد الهلال بثباته لدور الثمانية الكبار ..
تحياتي ..
Post: #41 Title: Re: بيت البكاء بي هــــنا .. Author: أبو الحسين Date: 04-22-2007, 03:19 PM Parent: #1
ألف مبروك صديقي معتصم إنتصار الهلال والمريخ سوياً...
وإنشاء الله السودان عموم من فرح إلى أفراح...
وعقبال يوم الفرح الكبير يا اخوي...
قواسيب مودتي...
أبو الحســــــــين...
Post: #47 Title: Re: بيت البكاء بي هــــنا .. Author: ناجى أحمد البشير Date: 04-23-2007, 04:02 PM Parent: #41
شكرا معتصم الفنان الانسان
الهلال الشموخ
الهلال التاريخ
الهلال العظمة
الهلال الفرح
الهلال الاجيال
الهلال المستقبل
الهلال المدرسة التربويه
الهلال الامة
الهلال جامع الشمل
الهلال مدرسة الوطنيه والغيرة على الشعار
Post: #51 Title: Re: بيت البكاء بي هــــنا .. Author: معتصم دفع الله Date: 04-23-2007, 06:19 PM Parent: #47
ألف مبروك أخي ناجي .. ولرابطة الهلال بالرياض ولكل الأهلة .. إنتصار أثلج صدورنا وأعاد لنا البسمة .. وعقبال كاس البطولة الذي ننتظره كثيراً ..
تهانينا مجدداً ..
Post: #50 Title: Re: بيت البكاء بي هــــنا .. Author: معتصم دفع الله Date: 04-23-2007, 05:58 PM Parent: #41
الله يبارك فيك يا أبا الحسين .. إن شاء الله دائماً في إنتصارات والكورة السودانية تعود ليها عافيته .. ونشوفه في المحافل الدولية قريباً .. إنتصار الهلال والمريخ أثلج صدورنا وأعاد لنا البسمة ..
