Post: #1
Title: دمعـة حـزن ســالت ..
Author: معتصم دفع الله
Date: 09-20-2006, 06:03 AM
Parent: #0
صلاح حاج سعيد ..
قلت ليها وإيدى فى إيديها ..
ودمعة حزن سالتْ
جايى منـِّك .. وماشـِّى ليك
يا مداين غربة طالت
ولو مدارات نجمى ضلـّتْ
سكة السفر إستحالت
كونى فى دربى الحقيقة
اللَّيها ديمة مشاعرى مالتْ
**********
قلت ليها ... وكنت راجع لى عينيها
من أسى الزمن البسافر .. فى المشاوير العصيبة
من متاهات الأماسى
الفى مداها .. الحزن مضناها .. وحبيبا
بينى لا بينك .. مزار
لا محطات إنتظار
ولا مواعيدك قريبة
إنتى يا الفرح الحقيقة .. المستحيل
هدْهِدى الصبر الجميل
وأمسحى الحزن المخيِّم .. فى مدارات الرحيل
**********
قلت ليها
الحقيقة الضايعة بين قلبى .. وعيونك
إنى لا قادر أفوتك .. لا أجيك
وإنِّى ما عارف بدونك
ألقى كلمة حب .. تزف البشرى فى ساعة مجيك
إنتى عارفة .. وقلت ليك
يانى أكتر زول بريدك
يا نى صفوة عاشقيك
يا نى أكتر زول بريدك
ولسـّة بى حبك .. متيَّم .. ومبتلِى
إلاّ ريدك .. زادنى حيرة .. على العـَلىْ
لا مراكب القدرة ختـّنْ قلبى عندِك
وإنتى لا قلبِك نسانى
.. ولا خَلىْ ..
و ..
الراحلة ليلى المغربي ..
|
Post: #2
Title: Re: دمعـة حـزن ســالت ..
Author: Mohamed Abdelgaleel
Date: 09-20-2006, 06:16 AM
Parent: #1
المعتصم .. أمام هذا الجمال
لا نملك إلا حسن القراءة والإصغاء
لصوت القلب
إنتى يا الفرح الحقيقة .. المستحيل
هدْهِدى الصبر الجميل
وأمسحى الحزن المخيِّم .. فى مدارات الرحيل
شكراً
|
Post: #3
Title: Re: دمعـة حـزن ســالت ..
Author: مجاهد عبد الرحمن
Date: 09-20-2006, 06:42 AM
Parent: #2
أخي الحبيب معتصم
سلامات كتيرة
لا أسال الله لك دمعاً في هذا الزمان المر
ورحم الله ليلى المعربي ... وكتب الصحة والعافية لك ولصلاح حاج سعيد
دمت إبتسامة للبور من خلال ما تقدمه من عطاء جميل
تقديري لك
|
Post: #7
Title: Re: دمعـة حـزن ســالت ..
Author: معتصم دفع الله
Date: 09-20-2006, 09:58 AM
Parent: #3
ولك كل السعادة يا مجاهد ..
وتحياتي ومحبتي ..
جميل ما كتب صلاح حاج سعيد ..
والأجمل قراءات الراحلة ليلى المغربي لها الرحمة ..
هناك دفء في الحروف وعذوبة في الصوت ..
تنتشلك من كومة أحزان وأنت لا تزال غارق فيها ..
شكراً يا صديق ..
|
Post: #6
Title: Re: دمعـة حـزن ســالت ..
Author: معتصم دفع الله
Date: 09-20-2006, 09:50 AM
Parent: #2
ونحن مثل يا محمد عبدالجليل ..
ننتظر الفرح الحقيقي ..
ليهدهد صبرنا ..
ويمسح الحزن المخيم في دواخلنا ..
وعايش جوانا ..
لك كل الحب ..
كل التقدير ..
|
Post: #4
Title: Re: دمعـة حـزن ســالت ..
Author: حمزاوي
Date: 09-20-2006, 07:06 AM
Parent: #1
الرائع رائع دائماً
شكراً يا معتصم يا شفيف
|
Post: #5
Title: Re: دمعـة حـزن ســالت ..
Author: محمد أبوعاقلة الطريفي
Date: 09-20-2006, 07:24 AM
Parent: #4
ياني أكتر زول بريدك
ياني أكتر زول بريدك
ياني أكتر زول بريدك
ياني أكتر زول
ياني أكتر
ياني
ثم اختفت
وثم اختفيت
اختفيت في شوف مسمّر علي ذكري ...
تتاورك اختفا الحاجات ...
تضج صور الزمان الفات .... لفات
وتتحكر كما لو كنت ماشي هناك
تجيب الهم ... شتات ورفات
وتسرح لو قست خطوة
|
Post: #10
Title: Re: دمعـة حـزن ســالت ..
Author: معتصم دفع الله
Date: 09-20-2006, 10:28 AM
Parent: #5
كلامك دا يا محمد أبوعاقلة ..
ياهو أكتر زول بريدك زاااتو ..
كل ما يغيب الحبيب ..
يزداد وجوداً في الأعماق ..
ويزداد النحيب ..
ويضج المكان ..
وتتحالف الأشجان والذكريات ..
وياني أكتبر زول بريدك ..
ودمعة حزن سالت ..
شكراً يا محمد ..
يا زول يا رائع ..
|
Post: #8
Title: Re: دمعـة حـزن ســالت ..
Author: معتصم دفع الله
Date: 09-20-2006, 10:04 AM
Parent: #4
والخال خال يا خال ..
يديك العافية ..
والشكر ليك أضعاف ..
|
Post: #9
Title: Re: دمعـة حـزن ســالت ..
Author: خدر
Date: 09-20-2006, 10:13 AM
Parent: #8
معتصم ياخي
انشاء الله يوم شكركـ مايجي
دايما بتجيب من الاخر .. كل الجمال
استراحتكـ جميله
كنت هنا و استمتعت جدا
شكرا كتيير
|
Post: #11
Title: Re: دمعـة حـزن ســالت ..
Author: يازولyazoalيازول
Date: 09-20-2006, 10:29 AM
Parent: #9
يا الله على هذا المتكأ
تسلم يا راقى
معجب
|
Post: #17
Title: Re: دمعـة حـزن ســالت ..
Author: معتصم دفع الله
Date: 09-21-2006, 01:38 AM
Parent: #11
هشام قريبي ..
يا الله عليك وأنت تزيد هذا المتكأ رونقاً ..
بحضورك الجميل ..
كن طيب وبألف خير ..
محبتي ..
|
Post: #12
Title: Re: دمعـة حـزن ســالت ..
Author: علاء الدين حيموره
Date: 09-20-2006, 10:30 AM
Parent: #9
تسلم يا راقي
|
Post: #13
Title: Re: دمعـة حـزن ســالت ..
Author: تولوس
Date: 09-20-2006, 11:32 AM
Parent: #12
Quote: معتصم ياخي
انشاء الله يوم شكركـ مايجي
دايما بتجيب من الاخر .. كل الجمال |
|
Post: #14
Title: Re: دمعـة حـزن ســالت ..
Author: عمران حسن صالح
Date: 09-20-2006, 12:48 PM
Parent: #13
نضماً جنس ده َ!!
وصوتاً متل ده .....
ما بنكتوا إلا
زولاً محررررررررررررررررق ...
واطي ليهو جمره حااااارة .... 
...
ليلى المغربي :
كأني بملائكة السماء تستمع بصوتك الآن ...
ليرحمك الله في عليائه
|
Post: #15
Title: Re: دمعـة حـزن ســالت ..
Author: عماد محمود علي
Date: 09-21-2006, 01:04 AM
Parent: #14
الأنيق الراقي معتصم دفع الله
يا أخوي إنت مالك معاي كل يوم بتزيد في آلامي، ماعايز تخلينا ننسى ولا شنو ؟!!!!
تسلم يا عزيزي ، بس : اي دمعة حزن لا لا لا .
|
Post: #23
Title: Re: دمعـة حـزن ســالت ..
Author: معتصم دفع الله
Date: 09-21-2006, 03:15 AM
Parent: #15
أي دمعة حزن لا لا لا ..
غايتو يا عمدة الله يخفف عليكم المواجع والآلام ..
قاعدين على الهبشة ودميعاتكم قريبة ..
شيلو الصبر بس ..
الله في ..
تسلم يا حبيب ..
|
Post: #21
Title: Re: دمعـة حـزن ســالت ..
Author: معتصم دفع الله
Date: 09-21-2006, 03:00 AM
Parent: #14
محرق قلبه مكوي بالأحزان ..
عالم ما بتريح خالس ..
ودا كلو من صديق رحمة يا عمران ..
قلبّ علينا المواجع ..
وخلانا نجيب الحاجات البترد الروح دي ..
Quote: ليلى المغربي :
كأني بملائكة السماء تستمع بصوتك الآن ...
ليرحمك الله في عليائه |
كلامك جميل يا عمران ..
خلاس دا آخر حاجة ورمضان ..
كل سنة وأنت طيب ..
|
Post: #19
Title: Re: دمعـة حـزن ســالت ..
Author: معتصم دفع الله
Date: 09-21-2006, 02:02 AM
Parent: #13
يديك العافية يا تولوس ..
فأنتم من يجمل أيامنا ..
تسلم يا حبيب ..
|
Post: #18
Title: Re: دمعـة حـزن ســالت ..
Author: معتصم دفع الله
Date: 09-21-2006, 01:51 AM
Parent: #12
تسلم إنت يا علاء ..
والأمورة الحلوة هبة ..
شكراً لأنك هنا ..
محبتي ..
|
Post: #16
Title: Re: دمعـة حـزن ســالت ..
Author: معتصم دفع الله
Date: 09-21-2006, 01:26 AM
Parent: #9
خدر يا فنان ..
كلامك الجميل دا رفع من معنوياتنا ..
بعد ما كانت في دوري الليق ..
ومسح دمعات حزننا السالت ..
شكراً جميلاً فأنتم من ينثرون الجمال في كل مكان ..
لك في القلب مساحة كبيرة ..
كن بخير يا حبيب ..
|
Post: #24
Title: Re: دمعـة حـزن ســالت ..
Author: معتصم دفع الله
Date: 09-21-2006, 03:30 AM
Parent: #20
كيفك دكتور ياسر ..
ذهبت هناك ..
استمتعت وسعدت أيما سعادة ..
ولا أزال هناك أستريح في تلك الدوحة الغناء ..
شكراً جميلاً على هذه النفحات الطيبة ..
الرحمة والمغفرة للراحلة ليلى المغربي ..
كن بخير يا حبيب ..
|
Post: #22
Title: Re: دمعـة حـزن ســالت ..
Author: salma subhi
Date: 09-21-2006, 03:04 AM
Parent: #1
الأستاذ معتصم،،،
الحظ في تيار ماءك الحزن فسميتك حزين المساء
وأستشعر في نبض قلمك الأمل فسميتك أمل الصباح
وكذا....
أبكي وأضحك والحالات واحدة...أطوي عليها فؤاداً شفه الألم
فان رأيت دموعي وهي ضاحكة...فالدمع من زحمة الالام يبتسم
لك التحية
سلمى صبحي
|
Post: #25
Title: Re: دمعـة حـزن ســالت ..
Author: معتصم دفع الله
Date: 09-21-2006, 10:54 AM
Parent: #22
تأسرني حروفك يا سلمى ..
فيها عزف موسيقى رائع تفرح القلب ..
في مطلع كل حلم
نعيش طقوس الشهقة، قاطبة
نستعذب جراحاتنا
على قباب الجمر
نتسـلّق أحاسيسنا، بعزيمة بالغة
كي نصل قمّة الإصرار .. بمنزلق
نتهاوى ..نتهاوى
ما من قرار
وحده الفزع..دائما! .. غادة السمان
Quote: أبكي وأضحك والحالات واحدة...أطوي عليها فؤاداً شفه الألم
فان رأيت دموعي وهي ضاحكة...فالدمع من زحمة الالام يبتسم |
قرأت ما بين حروفك فصمت ..
لك تقديري وإحترامي ..
|
Post: #26
Title: Re: دمعـة حـزن ســالت ..
Author: Ahmed Abdallah
Date: 09-21-2006, 11:02 AM
Parent: #25
أي دمعة حزن
لا لا لا لا
أي جرح في قلبي
لا لا لا لا
أي لحظة حيرة لا
لا لا لا لا لا
حتى نار الغيرة لا
لا لا لا لا
عايشين سنين أحلام
دايبين في أحلى كلام
لا عرفنا لحظة ندم
ولا خوف من الأيام
قلبي دق دق دق
قلت مين عالبيبان دق
قاللي إفتح دة الزمان
قلتله يا قلبي لأ
جاي ليه يا زمان
بعد إيه يا زمان
بعد إيه يا زمان
من كام سنة قلبي و أنا
عايشين هنا
من كام سنة
من كام سنة دنيا الهنا
بتضمنا من كام سنة
وقال إيه جاي الزمان يداوينا
من إيه جاي يا زمان تداوينا
دة الأمل في عنينا
والفرح حوالينا
سأل الزمان و قال
إيه غير الأحوال
قلناله حبينا
وارتاحنا و نسينا
وارتاحنا و نسينا
دة احنا حبينا
و ارتاحنا و نسينا
الجرح بتاع زمان
تغنى بها عبدالحليم حافظ
|
Post: #33
Title: Re: دمعـة حـزن ســالت ..
Author: معتصم دفع الله
Date: 09-22-2006, 04:06 AM
Parent: #26
يا سلام عليك يا أبوحميد ..
تعرفي دي من أغنيات عبدالحليم البحبها ..
وقال إيه جاي الزمان يداوينا
من إيه جاي يا زمان تداوينا
شفت الزمن بيسوي فينا شنو ؟
محبتي ..
|
Post: #28
Title: Re: دمعـة حـزن ســالت ..
Author: رشا سالم
Date: 09-21-2006, 11:39 AM
Parent: #25
معتصم دفع الله....
رمضان كريم وعليك الله كفانا....
ياخي انا من الصباح كل شوية افتح العذاب ده واقعد
اسح في دموعي..ياخ ما كتلتنا بالصوت الحنين ده
الله يسامحك
|
Post: #34
Title: Re: دمعـة حـزن ســالت ..
Author: معتصم دفع الله
Date: 09-22-2006, 04:16 AM
Parent: #28
إنتِ شفتي حاجة يا دكتورة ..
الله يلزمك الصبر بس ..
جري طرف الملاية وقشقشي دمياعتك ..
كل سنة وأنتِ طيبة ..
|
Post: #27
Title: Re: دمعـة حـزن ســالت ..
Author: سارة حمزة
Date: 09-21-2006, 11:32 AM
Parent: #1
Quote: الحقيقة الضايعة بين قلبى .. وعيونك
إنى لا قادر أفوتك .. لا أجيك
وإنِّى ما عارف بدونك
ألقى كلمة حب .. تزف البشرى فى ساعة مجيك |
أمام هذا الجمال
لا نملك إلا حسن القراءة والإصغاء
|
Post: #29
Title: Re: دمعـة حـزن ســالت ..
Author: Omayma Alfargony
Date: 09-21-2006, 01:42 PM
Parent: #27
Quote: قلت ليها
الحقيقة الضايعة بين قلبى .. وعيونك
إنى لا قادر أفوتك .. لا أجيك
وإنِّى ما عارف بدونك
ألقى كلمة حب .. تزف البشرى فى ساعة مجيك
إنتى عارفة .. وقلت ليك
يانى أكتر زول بريدك
يا نى صفوة عاشقيك
يا نى أكتر زول بريدك
ولسـّة بى حبك .. متيَّم .. ومبتلِى
إلاّ ريدك .. زادنى حيرة .. على العـَلىْ
لا مراكب القدرة ختـّنْ قلبى عندِك
وإنتى لا قلبِك نسانى
.. ولا خَلىْ .. |
معتصم الباهي
كل عام وانت بخير
رمضان كريم.
ماعارفة ليه القصيدة دي دخلتني في حالة غريبة...ألجأتني لصوت أم كلثوم...
وأغانيهاالقالت انها ماممكن تغني اي قصيدة لو ما حست كل كلمة فيها...
ليلي المغربي
الصوت الرخيم والاحساس العميق بالكلمات.
معتصم،
لك صفاء محبتي.
|
Post: #40
Title: Re: دمعـة حـزن ســالت ..
Author: معتصم دفع الله
Date: 09-23-2006, 04:28 AM
Parent: #29
وأنتِ بألف خير وعافية يا أميمة ..
رمضان كريم ..
Quote: إنتى عارفة .. وقلت ليك
يانى أكتر زول بريدك
يا نى صفوة عاشقيك
يا نى أكتر زول بريدك
ولسـّة بى حبك .. متيَّم .. ومبتلِى
إلاّ ريدك .. زادنى حيرة .. على العـَلىْ
لا مراكب القدرة ختـّنْ قلبى عندِك
وإنتى لا قلبِك نسانى
.. ولا خَلىْ .. |
أحب هذه القصيدة ..
وتحديداً هذه المقاطع لأنها فيها بوح شفيف ..
فيها صدق وفيها روح ..
أي شئ لا نحس به لا يكون له طعم ولا نستطيع أن نتذوقه ..
لك محبتي ..
وكامل تقديري ..
|
Post: #38
Title: Re: دمعـة حـزن ســالت ..
Author: معتصم دفع الله
Date: 09-23-2006, 03:42 AM
Parent: #27
سرورة الغالية ..
الجمال في وجودك هنا ..
كل سنة وأنتِ طيبة ..
|
Post: #30
Title: Re: دمعـة حـزن ســالت ..
Author: تيسير عووضة
Date: 09-21-2006, 03:43 PM
Parent: #1
|
Post: #31
Title: Re: دمعـة حـزن ســالت ..
Author: Emad Abdulla
Date: 09-21-2006, 04:10 PM
الله يا معتصم ..
نبيذ الكلام .. و لذيذو
تسلم يا معتصم .. يا حلو .
لكن شغل زي ده بيخلي الزول تتاورو العشراقة تاني ..
و .. يبقى جنس مقلب .. 
شكرا يا راقي ..
|
Post: #32
Title: Re: دمعـة حـزن ســالت ..
Author: غادة عبدالعزيز خالد
Date: 09-21-2006, 07:02 PM
Parent: #31
Dear Motasem
I wish you all the happiness
Stay well
Ghada
|
Post: #35
Title: Re: دمعـة حـزن ســالت ..
Author: مزاحم الضوي
Date: 09-22-2006, 04:36 AM
Parent: #32
كلام زول موجوع
والصوت ملائكى
والله يصبرك ويصبر كل زول رايحه ليهو حاجه حلوة
|
Post: #49
Title: Re: دمعـة حـزن ســالت ..
Author: معتصم دفع الله
Date: 09-23-2006, 02:09 PM
Parent: #35
| Quote: والله يصبرك ويصبر كل زول رايحه ليهو حاجه حلوة |
من ناحية رايحة لينا حاجة حلوة يا باشمهندس دي ما فيها كلام ..
لكن طلتكم علينا دي بالدنيا ..
تسلم كتير يا حبيب ..
وكل سنة وأنت بألف خير ..
|
Post: #46
Title: Re: دمعـة حـزن ســالت ..
Author: معتصم دفع الله
Date: 09-23-2006, 01:49 PM
Parent: #32
وأنتِ طيبة يا غادة ..
جمل الله أيامك بكل السعادة ..
كوني بخير ..
|
Post: #43
Title: Re: دمعـة حـزن ســالت ..
Author: معتصم دفع الله
Date: 09-23-2006, 05:01 AM
Parent: #31
| Quote: لكن شغل زي ده بيخلي الزول تتاورو العشراقة تاني .. |
أها دا الخايفين منو يا عمدة ..
والمقلب يبقى مقلبين ..
تسلم يا حبيب ..
ربنا يبعد عنك الأحزان ..
ويبلغك رمضان ..
وتصوم وتفطر على خير وألف عافية ..
محبتي ..
|
Post: #42
Title: Re: دمعـة حـزن ســالت ..
Author: معتصم دفع الله
Date: 09-23-2006, 04:54 AM
كيفك يا تيسير ..
البركة في الشوفة وجيتي طيبة ..
إفتقدناك كثيراً هنا ..
شكراً على الصورة الما شايفناها دي ..
قدر ما حاولنا نعرف صورك ما بتظهر عندنا ما عرفنا السبب ..
يمكن تكون محجوبة مننا بس ..
كل سنة وأنتِ طيبة ..
تصومي وتفطري على خير ..
|
Post: #36
Title: Re: دمعـة حـزن ســالت ..
Author: ناذر محمد الخليفة
Date: 09-22-2006, 04:40 AM
Parent: #1
يا سلام عليك يا معتصم ..
أجمل روشتة  ضد الإكتئاب والملل ..
عفيت منك !! 
|
Post: #37
Title: Re: دمعـة حـزن ســالت ..
Author: عثمان عبدالقادر
Date: 09-22-2006, 06:39 AM
Parent: #36
الناسك في محراب أفروديت /معتصم
تحية
أهديك هذه الفقرة من عرائس المروج لجبران خليل جبران :
من أنت أيتها القريبة من قلبى،البعيدة عن ناظري، الفاصلة بيني وبيني،الموثقة حاضري بأزمنة بعيدة منسية، أطيف حورية جاءت من عالم الخلود لتبين لي بُطل الحياة وضعف البشر أم روح مليكة الجان تصاعدت من شقوق الأرض لتسترق مني عاقلتي وتجعلني سخرية بين فتيان عشيرتي؟ من أنت وما هذا الفتون المميت المحيي القابض على قلبي؟ وما هذه المشاعر المالئة جوانحي نوراً وناراً؟ ومن أنا وما هذه الذات الجديدة التي أدعوها (أنا) وهي غريبة عني؟ هل تجرعت ماء الحياة مع دقائق الأثير فصرت ملاكاً أرى وأسمع خفايا الأسرار، أم هي خمر وساوس سكرت بها فتعاميت عن حقائق المعقولات ؟
(بدون تعليق) أبوحمد
|
Post: #51
Title: Re: دمعـة حـزن ســالت ..
Author: معتصم دفع الله
Date: 09-23-2006, 03:34 PM
Parent: #37
حينها قال جبران ..
الحب دمعة وإبتسامة ..
والدموع التي تذرفها أيها الحزين ..
هي أعذب من ضحك المتناسي ..
وأحلى من قهقة المستهزئ ..
تلك دموع تغسل القلب من أدران البغض ..
وتعلم ذارفها كيف يشارك منكسري القلب بشواعره ..
شكراً جميلاً عثمان أبوحمد وأنت تفتح لنا نافذة لهذا الشاعر الفذ ..
لنطل عليها من خلال كلماته الرائعات ..
لك محبتي وتقديري ..
|
Post: #61
Title: Re: دمعـة حـزن ســالت ..
Author: عثمان عبدالقادر
Date: 09-24-2006, 03:09 PM
Parent: #51
يا عمو معتصم جيب الكاميرا وتعال صورني صورة احلى من دي ..
.
.
صندلية..
|
Post: #50
Title: Re: دمعـة حـزن ســالت ..
Author: معتصم دفع الله
Date: 09-23-2006, 02:26 PM
Parent: #36
يديك العافية يا ناذر ..
الشوق كميات تجارية ..
تعرف من الحوامة ديك والروشتة الشلتها مني ..
صاحبك لسه حائم في بلاد الله ..
بس المره الجاية عامل حسابي ..
من المطار وعلى عمك تبلدينا عدل ..
الصيدلية بتاعتهم فيها جميع أنواع الأدوية ..
كل سنة وأنت طيب يا حبيب ..
|
Post: #39
Title: Re: دمعـة حـزن ســالت ..
Author: Tabaldina
Date: 09-23-2006, 04:27 AM
Parent: #1
..
.
من وراء البسمات
مسحت دموع..
وبكيت من غير ما تسح بيّ - وأشار اليها -
ورمضان كريم يا أبوالدفاع
والمعنى مقصود؛
مودتى؛
|
Post: #41
Title: Re: دمعـة حـزن ســالت ..
Author: محمدين محمد اسحق
Date: 09-23-2006, 04:32 AM
Parent: #39
أخي معتصم دفع الله ..
شكرأ لك علي هذه الاستراحة الاتكاءة و الاختيار الجميل ..
|
Post: #54
Title: Re: دمعـة حـزن ســالت ..
Author: معتصم دفع الله
Date: 09-23-2006, 04:01 PM
Parent: #41
الإستراحة جميلة بطلتكم عليها يا محمدين ..
كل سنة وأنت بألف خير ..
رمضان كريم يا حبيب ..
محبتي ..
|
Post: #52
Title: Re: دمعـة حـزن ســالت ..
Author: معتصم دفع الله
Date: 09-23-2006, 03:43 PM
Parent: #39
يا تنقا ..
هسي في داعي لجنس الجرسة دي ..
انت ما شفت كلامي لي ناذر خليفة ..
المره الجاية من المطار وعلى مكتبك طوالي ..
والجاته جاته من الأرض ما من تالا السماء ..
أصحي يا بريش ومعاي بقية العصابة تمبس وشتات كمان ..
كل سنة وأنت طيب يا تبلدينا ..
تصوم وتفطر على خير ..
|
Post: #44
Title: Re: دمعـة حـزن ســالت ..
Author: طارق عبد اللطيف نقد
Date: 09-23-2006, 05:57 AM
Parent: #1
مو
رمضان كريم
وكل سنة وانت بألف خير
لا تشوف زعل لاتقاسي مر
لكن لية دايما يا معتصم منحاذ
للشجن الاليم
مودتي
|
Post: #45
Title: Re: دمعـة حـزن ســالت ..
Author: عادل جبارة
Date: 09-23-2006, 09:10 AM
Parent: #44
الراقي معتصم دفع الله
كلمات رائعة وذوق سليم ومعافى .. رمضان كريم وشهر مبارك
واشكر لك زيارتك لدار الصحافة وأرجو أن تجمل هذا البوست أيضابروائع
الفنان عثمان حسين بمناسبة زيارته المرتقبة للمملكةومدينة الرياض ليكون في ضيافة
أبناء الصحافة وفي معيته الأستاذ ذو النون بشرى وفيصل عبد اللطيف ( الصحافة ) لتكريمهم من قبل رابطة أبناء مدينة الصحافة ،، وإليك بعض الجمال ....
ليه تقول أيامنا راحت وانتهينا
ياحبيبي ولا كانت ديك سحابة
لو حصل في العمر مرة وافترقنا
هي غلطة ونحن نتحمل 00 عذابها
كنت عايش كل أيامك محنة
وانا بحرق كل عمري .. في الصبابة
ياحبيبي ليه حياتنا ما تبقى جنة
ننسى ظلم الدنيا ناخد من شبابها
نبعد الشك من قلوبنا .. والمظنة
نمشي في درب الأماني المستطابة
لست أدري هل عذابي أم عذابك كان أكثر
حين شق الدهر بينا والفراق المر أجبر ..
فلماذا كنت تخشى ماضي المسير
كل واحد ليهو في تاريخه ماضي
أي ماضي وليهو ذكرى حب قديمة
وأنت عارف لما أخترتك حبيبي
كان في قلبي جرح ينزف بالهزيمة
لكن إنت صرت أغلى حب عندي ...
وكنت راضي معاي بظروفي الأليمة
وكنت راضي بالشقا البتبع خطاي
والمآسي المرة في طفولتي اليتيمة000
ليه ماتصبر .. ونتحمل يا حبيبي
بكرة تلقى الدنيا بي خيرها .. ونعيما
|
Post: #47
Title: Re: دمعـة حـزن ســالت ..
Author: محمد سنى دفع الله
Date: 09-23-2006, 01:57 PM
Parent: #45
خلاص ياخوي
ضميناك للحزب الجمالي
يطل الأحزان
وتصوم وتفطر على خير
ياخوي بإذن الله معاكم أخر رمضان[/purple]
|
Post: #48
Title: Re: دمعـة حـزن ســالت ..
Author: yasir Abdelgadir
Date: 09-23-2006, 02:02 PM
Parent: #47
good choice, thanks moutasim, wa ramadan kareem, greetings to all riyadh board members
|
Post: #59
Title: Re: دمعـة حـزن ســالت ..
Author: معتصم دفع الله
Date: 09-24-2006, 02:39 PM
Parent: #48
لك مني ومن بورداب الرياض ..
أجمل التحايا والتقدير يا ياسر ..
تصوم وتفطر على خير ..
محبتي ..
|
Post: #58
Title: Re: دمعـة حـزن ســالت ..
Author: معتصم دفع الله
Date: 09-24-2006, 02:33 PM
Parent: #47
كيفك يا محمد أخوي ..
وين تمشي مننا الأحزان ..
نحن بس متصبرين بي طلتكم علينا ..
رمضان كريم تصوم وتفطر على خير ..
سعدت جداً لخبر جيتكم لينا ستجدونا في إنتظاركم إن شاء الله ..
يا ألف مرحب بالأحباب ..
محبتي ..
|
Post: #57
Title: Re: دمعـة حـزن ســالت ..
Author: معتصم دفع الله
Date: 09-24-2006, 02:11 PM
Parent: #45
الحبيب عادل جبارة ..
تحياتي ورمضان كريم ..
سعدت جداً بزيارتي لداركم العامرة أصدقائي أبناء الصحافة ..
وسعيد بالمجهودات التي تقومون بها من أعمال ثقافية وإجتماعية ..
وفرحتي الكبرى بتكريمكم المرتقب لأبي عفان هنا في الرياض ..
ودي لفتة كريمة ومقدرة ربنا يكلل جهودكم بالنجاح وسوف تجدونا معكم إن شاء الله ..
وجميل أن نلتقي في حب ذلكم الهرم الكبير الأستاذ عثمان حسين ..
كيف لا وهو التي تشهد له أرضنا الطيبة والدرب الأخضر وشجن ..
والكثير من الأغنيات الرائعات التي تغنى بها ..
التحية له ولكم مجدداً ..
وإن شاء لله نلبي ليك طلبك بالمزيد من أغنيات العملاق عثمان حسين ..
محبتي ..
|
Post: #55
Title: Re: دمعـة حـزن ســالت ..
Author: معتصم دفع الله
Date: 09-23-2006, 04:06 PM
Parent: #44
Quote: لكن لية دايما يا معتصم منحاذ
للشجن الاليم |
أنا زاتي بسأل نفسي هذا السؤال ..
كل حياتنا مرتبطة بالحزن والشجن والذكريات ..
بالرغم من تفاؤلنا وأن القادم دوماً أحلى كما نقول أو نتوقع ..
ولكن هل ننتظر هذ القادم طويلاً ..
كل ما يحيط بنا حزين ..
كل الوجوه حزينة ..
وإن لم نرى دمعاتها تسيل ..
فقد إختزنتها القلوب من كثرتها ..
شكراً جميلاً طارق نقد ..
وكل سنة وأنت طيب ..
|
Post: #53
Title: Re: دمعـة حـزن ســالت ..
Author: الملك
Date: 09-23-2006, 03:49 PM
Parent: #1
قلتا ليها وكنت راجع لى عينيها
...
...
معتصم الجميل كل سنة وانت طيب
وجميل
...
...
ورمضان كريم
|
Post: #60
Title: Re: دمعـة حـزن ســالت ..
Author: معتصم دفع الله
Date: 09-24-2006, 02:46 PM
Parent: #53
وأنت طيب يا ملك ..
تصوم وتفطر على خير ..
مشتاقين لكل حتة جمعتنا بيكم ..
شفت جنس الكلام الحلو دا ياهو المودر روحنا دي ..
ياني أكتر زول بريدك ..
ياني أكتر زول بريدك ..
كلام دقاق تحس بي حنيته ..
كن بخير يا صديق ..
|
Post: #56
Title: Re: دمعـة حـزن ســالت ..
Author: يوسف السماني يوسف
Date: 09-23-2006, 04:10 PM
Parent: #1
معتصم دفع اللة
كل عام وانت تنثر الجمال علي واحة الوطن الاسفيري شموعا تشعل صبح الجمال الغائب بين ساسف الاقوال وصمت الاحرار .
شكرا لايقونة الفرح القادم من زمن الحزن النبيل وباصوات تمنح الدفء .
|
Post: #63
Title: Re: دمعـة حـزن ســالت ..
Author: معتصم دفع الله
Date: 09-24-2006, 03:26 PM
Parent: #56
إنتى يا الفرح الحقيقة .. المستحيل
هدْهِدى الصبر الجميل
وأمسحى الحزن المخيِّم .. فى مدارات الرحيل
إذن ربما يكون هناك أمل ثم فرح ..
رغم الأحزان وقساوة الأيام ..
الأستاذ صلاح حاج سعيد كتب هذه الرائعة بروح إبداعية ولونية جميلة ..
تعبر عن الكثيرين وجاء صوت الراحلة ليلى المغربي وأضاف لها بعداً آخر ..
شكراً يوسف السماني ..
كل سنة وأنت بألف خير ..
تحياتي ..
|
Post: #62
Title: Re: دمعـة حـزن ســالت ..
Author: bushra suleiman
Date: 09-24-2006, 03:15 PM
Parent: #1
معتصم .. الجميل
مساء الوحدة تنهش أحلامنا..فلا نمانع ، ونبكى فقط
كثيرة هى أمسيات الأمل المنطفىء ..
والأحلام التى لاتضىء..
مساء اللاشىء ، سوى أشواق ثكلى ..
وكمين صباحى لــ دمع هاطل.. وأمل آفل ،
وغائب لايجىء!!
كل الحب لـ ليلى المغربى المبدعة والشاعر الفنان صلاح حاج سعيد.
وانت ياصديقى .. تنتثر بجمال أينما كان للنور موعد معك ..
|
Post: #64
Title: Re: دمعـة حـزن ســالت ..
Author: معتصم دفع الله
Date: 09-24-2006, 04:00 PM
Parent: #62
وكأن لسان حالك يقول يا صديقي ..
كما قال نزار قباني ..
أدخلني حبُّكِ سيِّدتي
مُدُنَ الأحزان
وأنا من قبلكِ لم أدخل
مُدُنَ الأحزان..
لم أعرِف أبداً أن الدمعَ هو الإنسان
أن الإنسانَ بلا حزنٍ..
ذكرى إنسان
ولا مانع لدينا يا بشرى أن نبكي فالدمع يغسل الأحزان ..
تائهة هي أحلامنا في بحر الوحدة ووحشتها ..
مساءنا بلون القهوة ..
وطعم اللحظات الحزينة ..
إنه كجلباب يتلبسنا تشكلت ألوانه ولا نعرف كيف الخلاص منه ..
لك كل الحب صديقي بشرى سليمان ..
وكل عام
|
Post: #65
Title: Re: دمعـة حـزن ســالت ..
Author: salma subhi
Date: 09-25-2006, 01:47 AM
Parent: #64
الأستاذ معتصم ...لك التحية
يقلقني أن تغفل نظراته عني
فيطوقني الهمس الباكي ومرارة الأحزان
وأظل وحيدة تائهة أترنح أتمتم من الهذيان
وأتوه أتوه في بحر بلا رفيق بلا مرسى أو شطآن
وان عاد... لا أجد لي الا صوتا يلفه الأسى والحرمان
فقط أجبني ماذا فعلت؟...ماذا فعلت بي يا أنسانً...
salma subhi
|
Post: #66
Title: Re: دمعـة حـزن ســالت ..
Author: عماد محمود علي
Date: 09-25-2006, 02:21 AM
Parent: #65
| Quote: تأسرني حروفك يا سلمى .. |
والله يا معتصم يا أخوي الله يديك العافية سااااااااااااكت زنقة لما جابت الإسم ذاتو !!!!! هسه الجرسة دي لزومها شنو ما تخلونا صايمييييييييييييييييييييين أحسن ، لك معزتي يا عزيزي وكل عام وانت بألف خير ومنتظرك على الفطور في أي يوم يناسبك .
|
Post: #70
Title: Re: دمعـة حـزن ســالت ..
Author: معتصم دفع الله
Date: 09-26-2006, 05:01 AM
Parent: #66
ما دا الخائفين منو يا عمدة ..
زي زنقتكم دي وكشف الحال ..
جرسة جرسة غرامة غرامة ..
كل سنة وأنت طيب وأكيد ح نكون معاكم في رمضان دا إن شاء الله ..
تسلم كتير يا صديق ..
خالص محبتي ..
|
Post: #69
Title: Re: دمعـة حـزن ســالت ..
Author: معتصم دفع الله
Date: 09-26-2006, 04:17 AM
Parent: #65
لم تعد الشطآن نفس الشطآن ..
ولا مراسي تحتضنني وأحزاني ..
أدمنت السفر في بحر الوهم ..
فما جنيت إلا مزيد من الحرمانِ ..
أهرب ..
أصرخ ..
أبكي ..
أنشد شعري وأعزف أوتاري ..
ولكن ..
كل شئٍ حزين ..
حتى دفاتري ألقيتها في أسى ..
إنها كانت جزء من خطرفات وهذيان ..
شكراً سلمى ..
ومعك أتساءل لما كل الغيوم تبشر بنزول الحزن ؟
أما من مطر للفرح ؟
أو بعض حبيبات من ندى تزيل جزء من هم ؟..
لك أرق تحياتي ..
|
Post: #67
Title: Re: دمعـة حـزن ســالت ..
Author: JAD
Date: 09-25-2006, 03:59 AM
Parent: #1
الشقيق الرائع معتصم...
تحية طيبة.. رمضان كريم..
ايه الجمال دا كله ..
مشكور ..
جاد
|
Post: #71
Title: Re: دمعـة حـزن ســالت ..
Author: معتصم دفع الله
Date: 09-26-2006, 05:13 AM
Parent: #67
الحبيب جاد ..
رمضان كريم وكل سنة وأنت طيب ..
تصوم وتفطر على خير ..
وينك مفتقدنك كتير ..
هكذا كان الجمال والإبداع عند الراحلة ليلى المغربي ..
والأجمل ما كتب الأستاذ صلاح حاج سعيد ..
وكذلك حضورك البهي ..
كن بخير يا شقيق ..
|
Post: #68
Title: رمضان كريم....
Author: ابي عزالدين البشري
Date: 09-25-2006, 01:05 PM
Parent: #1
|
Post: #72
Title: Re: رمضان كريم....
Author: معتصم دفع الله
Date: 09-26-2006, 05:17 AM
Parent: #68
كل سنة وأنت طيب يا أبي ..
تصوم وتفطر على خير ..
شكراً لحضورك ..
تحياتي ومحبتي ..
|
Post: #73
Title: Re: رمضان كريم....
Author: salma subhi
Date: 09-29-2006, 01:45 PM
Parent: #72
أما أشتاق هذا البوست لكلمات السعادة والبسمة والأمل
لملامح أخرى....
لنهدئ ارتجاف القلب
لنودع الحزن
لنفرش للفرح بساط ونحيطه بالزغاريد
ول....
وأشتقنا للفرح
salma subhi
|
|