وكانت ساعة النصر إكتمال الهلال ..

فاز الهلال السوداني على الأهلي المصري وفي عقر داره 1/صفر بعد ملحمة بطولية إستبسل فيها لاعبي الهلال وأدوا أداءا طيباً ..
مبروك للهلال ..
مبروك للسودان ..

الله يرحم زمن الثعلب ومجدي وطارق وتنقا ..
اقوى خط دفاع يمر على تاريخ الهلال في الوقت القريب ..

لك خالص تحياتي أخي أبوالريش

ابو الريش كان معاهم

ابو حشيش هاهاهاهاها

عباس أخوي

المهم كانت معاهم كل قلوب السودانيين ..
المتعطشة للأنتصار ..

تسلم ومبروك ليك أنت هذا الفوز

لم أكن من المتفائلين بهذه النتيجة والتي لا زلت مصراً على أنها نتاج تسعون دقيقة ليس إلا وليس من المتشائمين ولكن هذه دفعة كبيرة لفريق الهلال لإعداد نفسه الإعداد الجيد وأن طريق النصر دائماً محفوف بالمخاطر والمشوار لا زال طويلاً وكذلك لأولي الأمر في بلادي أن الرياضة أصبحت صناعة وهي محتاجة للكثير حتى تصل إلى ما وصلت إليه بقية الدول من تطور في هذا المجال .

نعود ..

المعتصم ود دفع الله

يا اخوي مبروك علينا كلنا الفرح

مبروك علينا الانتصار

وليك محبتي

عباس أخوي

مبروك النصر لأمة السودان ..
وهذه دفعة كبيرة لنا لتحقيق مزيد من الإنتصارات ..
والدعوة للوقوف خلف الهلال حتى نهاية المشوار ..

ولك خالص معزتي

مبروك اخى معتصم للهلال العظيم ، أتتصرنا بأختيار اللأعب المناسب فى الزمن المناسب

أخي تاج السر

وبفضل دعوات ملايين الشعب السوداني ..

ومبروك لامة الهلال ..
وليك أنت هذا الفوز العظيم ..

الاخ معتصم دفع الله

والله فعلا ساعة النصر بانتصار واكتمال هلال الشعب

انشالله دايما لقدام

هلالنا الفى المدائن شاع
وارسل في الضواحي شعاع

****
متذكرين دى ؟ :
يوم سطع الهلال في العاصمة المصرية
اطربت الجميع معزوفة سودانية
تنقا مع وليد جابوها صاروخية
اللارشي العجوز سوا جنية
زور للبطولة وجابها اهلاوية
والعالم شهد لهلالنا بالذهبية

****
شفنا حبيب بنريدو غير علة
مرحب بيه الهلال هل

مبرووووووك للهلال ولقدام

الملكة

لك التحية ومبروك الفوز الكبير ..

وبرضو متذكرين ..
تنقا .. تنقا تنقا أو تنقا ..
هلالنا كله زي دا .. او تنقا ..

نتمنى أن تعود الإنتصارات ويعود الفرح ..

لك الود

الأخت مايا

نعم وكانت ساعة النصر إكتمال الهلال ..
ربنا يديم علينا الإنتصارات ونحقق كاس البطولة ..
قولي إن شاء الله ..

تسلمي

أولا الف مبروك للهلال ولجميع السودان



بس يا أخوانى الهدف جابو ريتشارد جاستين


وده تابع لغرنق وانا خايف يدخل كأحد


بنود توزيع الثروة والسلطة ويعقد محادثات

نيفاشا


ربنا يستر

التوقيع .. واحد مريخابي

المريخابي الاصيل معتز

ما بجيبوها إلا رجالها ..
شكراً لصور الملحة البطولية ..
ومبروك علينا الفوز كلنا ..

يديك الف عافية

الأخ ود محجوب

نتمنى أن يعم السلام أرض الوطن الحبيب ..
ويكون ريتشارد وجميس وجون أعمدة فريقنا القومي ..
لا للحرب .. نعم للسلام ..
السودان أولا واخيراً ..

مبروك الفوز الكبير ..

تسلم

ريتشارد ياجمل الشيل وهلالنا بيك قوي بالحيل .مبروك للهلال مبروك للسودان هذاالنصر في عرين الأسد

بالطول بالعرض سودانا يهز الارض


هتف الجمهور السوداني الغفير الذي حضر المباره بالطول بالعرض سودان يهز الارض وذلك باستاد الكليه الحربيه بالقاهره




بصاروخ ريتشارد الهلال يقهر اهلي القاهرة



حقق الهلال اكبر نصر للفريق علي الكرة المصرية و العربية و تمكن من الفوز علي الاهلي القاهري باستاد الكلية الحربية بهدف نظيف احرزه ريتشارد في الدفيقة العاشرة من الشوط الاول و قدم فتية الهلال مباراة بطولية تالق فيها فريق الهلال باكمله و خصوصا خط الدفاع و الوسط و من خلفهم العملاق معز الاحرار .. سودان سوكر تهنئ جماهير الرياضة بالفوز الكبير




تعليق مصطفي يونس علي المباره


صرح مدرب الهلال السابق مصطفي يونس للفضائيه المصريه ان الهلال وصل لما اراد وان لاعبي الهلال ورغم استحواذ الاهلي علي اكره كانوا اكثر صرامه وجديه ورجوله في الاداء ولعبوا بعنف مشروع وسعوا للانتصار وحققوه وقال انه نبه الي خطورة اللاعب ريتشارد قبل المباره وكان يتمني مشاركة هيثم ومعتز ليشاهدم الجمهور المصري ولزيادة خطورة وفاعلية فريق الهلال في الشوط الثاني وفي ختام تعليقه هنأ مصطفي يونس لاعبي الهلال وجهازه الفني ةادارته وجمهوره علي النتيجه الايجابيه

معتصم اللعيب الحريف
مبرووووووووووك للهلال العظيم ... الف مبروك
للسودان

معتصم وكل والهلالاب وكل رياضيي السودان
ألف مبروك بفوز الهلال التاريخي على الأهلي
أنا من أكثر المتشائمين وكنت متوقع هزيمة ثقيلة وما حبيت أكتب في بوست الأخ تاج السر الحسن لكي لا أشيع روح الإحباط
والنتيجة حقيقة أكثر المتفائلين ما أتوقعوا فوز وفي أرض الخصم
مبروك لكل رياضي في السودان عامة والأهلة خاصة

حبيب بلدو

معك لم نتوقع هذا الفوز ولكن زي ما قلنا ..
أن عمر المباراة تسعون دقيقة والفائز فيها من أجزل العطاء ..
وحقيقة لاعبي الهلال كانوا قدر المسؤلية فنالوا ما أرادوا ..
فلهم التحية ..
ومبروك للسودان

كم أنا سعيد بهذا النصر الغالي
وكنت أسعد عندما عاودت الحنين
بعدما عاودني سنين بإغلاق الصوت
من التلفزيون المصري وإعطاء الفرصة
للرشيد بدوي عبيد أن يقول بعد
صمت دام 17 عام

سلام مربع
معتصم دفع الله

الف الف مبروك للسودان
فوز ابناؤهم البرره ..
وعقبال اللي في بالي بالي

العزيزة شيري

حمداً لله على السلامة ..
ومبروك الفوز للهلال والسودان ..
وأمنياتنا بمزيد من الإنتصارات ..

الأخ إيمو

ربنا يكمل سعادتك بالفوز في لقاء الإياب ..
ونيل كأس البطولة بإذن الله ..
ألف مبروك

تمبس يا فنان

حمدا لله على السلامة ..
ومبروك هذا الفوز العظيم وإن شاء الله يكون ..
رفع معنوياتك شوية ..

تسلم يا حبة

الأخ زولو

حقيقة نصر كبير اعاد لنا نشوة الإنتصارات والأمل في مواصلة المشوار ..
وبمزيد من الإعداد ومضافرة الجهود سنحقق حلم الملايين إن شاء الله ..
وشكراً على الإفادة الخبرية والتعليق ..

الأخ mo

مبروك فوز الهلال ..
وحقيقة ريتشارد من أبرز اللاعبين السودانيين حالياً ..
مستواه ثابت يستحق لقب النجومية ..
عينا بارده عليه ..

إزيك يا معتصم
وصباحاتك زرقاء

تعرف أنا بعدت من الكورة والإستمتاع بيها من زمن بعيد، يعنى آخر مباراة الزول كان منتبه فيها يمكن بتاعة الهلال والأهلى القاهرى ده ذاته فى 87، وبعدها خلاص، الشغلانة بقت ما نافعة، الواحد بقى يشرد من الخيبات والوجع الشديد، وما زلت مصر على أنه السبب الأساسى فى الوضع الحالى، هو نوعيةاللاعبين نفسهم، يعنى حكاية الإمكانيات والقدرات التانية ديك ما اظنها السبب الرئيسى، هى داخله طبعا فى الموضوع، بس ما الشى الحاسم، الشى الحاسم هو اللاعب، بعدين حكاية اللاعب نفسها طبعا داخله فيها حاجات كتيرة ومتشابكة، أبدا من وضع البلدالاقتصادى والاجتماعى والنفسى الخ

بس بينى وبينك المره دى ما عادية ابدا، الأهلى المصرى، وفى القاهرة كمان، الفرق البتقول أنا أنا ديك، من تونس والمغرب وغرب افريقيا نادر جدا تهزم الأهلى فى استاد ناصر، سموهو استاد القاهرة اظن هسه، فما بالك لما الضربة تجيهم من الهلال، وطبعا هم قطع شك كانو ضامنين الشغلانة ومعتبرين المباراة مجرد تمرين، وعندهم حق، بس الأقمار الزرقاء المرة دى والله مش خيبوا آمالهم، نحن ذاتنا، وأكتر واحد متفائل مننا، مش كان بتمنى الفوز، لكن كان بتمنى الغلب يكون مع الرأفة

ومبروك على الهلال، وأهم حاجة فى الموضوع كله، انه الثقة ترجع للناس وتزيد كمان

الحبيب أبا ذر

تحياتي وسلامي ..
مبروك فوز الهلال الذي أنعش فينا هذه الروح الرياضية ..
وعقبال الإنتصارات الكبيرة بنيل كاس البطولة ..
وحقيقة لو كان هذا الفوز على فريق غير الأهلي المصري ..
لما كان له طعم ولا نكهة ، فالتحية لأبناء الهلال الذين طوعوا المستحيل ..
وزرعوا البهجة .. في نفوس الشعب السوداني ..
ونتمنى المزيد من الدعم والإعداد للمرحلة القادمة ..

تسلم

مرحب بالناس الحلوة

حبيت ابارك ليكم فوز الهلال وربنا يديم الفرحة علينا وعليكم

وربنا ينصركم دائما وابدا ياابناء السودان .

سلام لكل ابناء السودان .. وللهلالاب خاصه تهنئه حاره والف مبروك ومزيدا من التقدم ..
والف شكر الاخ معتصم دفع الله وكل الاخوة والاخوات الموقعين اعلاه

زاهر صديق الطيب
اسماء صيق الطيب (سوما)
مسقط

الاخت أسماء

لك التحية ومبروك هذا الفوز العظيم ..
لكل الشعب السوداني ..
والتهنئة ايضا للأخ زاهر صديق ..

الأخت الأستاذة ساره منصور

لك التحية ومبروك فوز الهلال ..
وشكراً على هذه التهنئة الرقيقة ..
ودائما إن شاء الله سودانا فوق ..

مبرررررررررررررررروك للجمهور الرياضى ومبروك للسودان

الأخ عمر علي

وعقبال الكاس إن شاء الله ..
الف مبروك ..

الف الف مبروك وشكرا للصور

الأخ مكي

ما احلي ساعات النصر ..
فليفرح الشعب السوداني بهذا الفوز الكبير ..
ومزيد من الإنتصارات ..

خالص التحايا
الزميل معتصم وكل من خطى بمداد قلمه هنا وشكرا لك تمبس .. معتز على الصور .. يوجد كتير من العناوين التى تحمل فوز الهلال لكن السر يكمن فى عنوان البوست لانه متكامل مع الروح الوطنيه لنشوة النصر فاوردى واغنيته الجميله (فدا لك العمر)...عزيزى معتصم انا صراحة فارقته درب الكوره من زمان كنت هلالابى مره وجربته كم فريق فى السودان يعنى ممكن تقول على فى الكوره دى من الناس المؤلفه قلوبهم لكن صراحه بالرغم من تشجيعى يظل حب الهلال مدفون ويمكن حالاتى دى تسميها هروب من واقع مراره الهزائم ..المهم اخر فريق شجعتو وخليت الكور كان المريخ ..غايتو اكتب ليك والدموع بغالب فيها مغالبه الواحد مابين فرحة النصر والسودان وووكلام كتير يمكن فوز الهلال يكون جزء من الدروس الوطنيه التى نحتاج اليها وبالرغم من ذلك ايضا لست متفائلا بلقاء العوده وما احلاك ياوطن ...

الأخ الحبيب معتز

مبروك هذا النصر الكبير ..
والحقيقة نحن محتاجين لهذا الفوز ..
حتى يشعر الجميع بأهمية الرياضة وتطورها ..
وكذلك هذا الجمهور المغلوب على أمره والذي زاق ..
مرارات الهزائم المتوالية محتاج لهذا الفرح ..
وعقبال كل الأندية السودانية ..

لك خالص التحية والتقدير ..

مبروووووك للهلال..

الغالية رجاء

مبروك ليك أنت هذا الفوز ..
وأكيد عائشت فرحة هذا النصر من داخل الملعب ..
وعقبال الكاس إن شاء الله ..

لك الود