خطرفـات في آخر الليل ..

سألتها ..
لماذا تبعدين عني كل هذا ؟ ..
كلما تقربت إليك ..
قالت ..
هذه أوهام عاشق في جواك ..
ألا تسمع همسي ؟ ..
ألا تسمع نجواي ؟ ..
قلت ..
إذاً لما كل هذا الصمت الطويل ؟ ..
لماذا تهربين مني ؟ ..
قالت ..
كل هذا تهيأت في خيالك ..
إني أبعد مني إليك ..
قلت ..
أنا لا أفهم ما تقولين !!
قالت ..
أراك تستدرجني إلى ما لا أريد البوح به ..
لقد بنيت لك في قلبي مملكة من الحب .
أحرسها بضلوعي ..
وحرارة شوقي سلاحي ..
أرعاها بأحاسيسي ومشاعري ..
قلت ..
يااااااااااااااااه ..
كل هذا وانا لا اعلم ..
يا لي من أحمق كبير ..
قالت ..
أترك لنفسك إمكانية التفكير في الآخرين بوجهٍ آخر ..
لا تجعل الأحزان ترمي بظلالها عليك ..
أسعى إلى جعل المستحيل ممكناً بالإرادة القوية والإصرار ..
دع مساحات الشوق والفرح تشعل شموع اللقاء ..
فأنا أنتظرك كثيراً يا حبيبي ..
***********************************************
يا حبيبتي ..
هل لا تزالين هناك ؟ ..
قابعة على حافة الطريق ..
تنتظرين الرفيق ..
إني أشتاقك الآن ..
بحجم انفعالاتي ..
بحجم أشيائي المبعثرة ..
على طاولة أفكاري ..
إني أحتاجك الآن يا حبيبتي ..
في كل مكانٍ حولي ..
أحتاجك في دواخلي في خطاي ..
احتاجك تسري في جواي ..
أحتاجك ملهمتي ونجواي ..
فانا لا أقدر على هذا الفراق الطويل ..
لقد مللت البعاد والرحيل ..
غداً أودع مدن الشقاء ..
وأعود ..
حتماً أعود ..

Quote: إذاً لما كل هذا الصمت الطويل ؟ ..

احيانا يحمل في طياته الكتير ...

ويكون ابلغ من الكلام ..








العزيز معتصم ولكل ماكتبت بالله لاتغب عن هذا البورد


لك السلام والتحايا

نوف

هناك حيث يرقد مارد الأحزان ..
يحيط بنا من كل مكان ..
تطل علينا نسمات الربيع ..
تمد إيدين الســـــــلام ..
تشيل مع النسمة أحلامنا ..
تزيد مع الفرحة أفراحنا ..
ونكـــــــــــــــــون ..

الغالية نوف
تحياتي وسلامي ..
شكراً لهذا الشعور النبيل ..
إن شاء الله نكون قريبين وتاني ما نغيب ..

تسلمي ..

قلنا نزيد في الخطرفة شوية نديها حبة مزيكا هادئة ..
لكل الناس الحلوين الما عندها خطرفات زينا كده ..
يمكن بفرحتهم/ن تفك لينا الدبرسة الحاصلة علينا دي ..

يا معتصم دفع الله...

Quote: فانا لا أقدر على هذا الفراق الطويل .. لقد مللت البعاد والرحيل .. غداً أودع مدن الشقاء .. وأعود .. حتماً أعود ..

وأنا هنا...
أزهو بحلة من سواد...
تلتاع بي الأشواق من كل جانب ...
أتمني لو تصل...

وانا هنا...
تتضارب بي اللواعج في كل الاتجاهات ...
أتمني لو تصل...

وفجأة ...
أفيق من حلمي...
وأمنياتي...
وأحزاني...
واسأل متي ستصل؟؟
أعندما تعصف بي الأقدار في كل اتجاه .. تصل؟؟؟
أعندما أتخبط بما فيه الكفاية لأغدو وريقة في مهب الريح .. تصل؟؟؟
أعندما تذوب الحياة ويموت الشجر...
أعندما تسكن الهموم أبديا وتغفو الروح .. تصل؟؟؟
اعند الصبا؟؟؟
اعند المساء؟؟؟

اخبرني بالله عليك...
علني ارتدي لك شيئا...
يزيح الهموم عن كاهلي...
ويمحو الدمع من مقلتي...
وينسيني جرحي القديم...

الغالية ميادة

وأنا هنا ..
يكسوني السـواد ..
يضنيني البعــاد ..
هل أصل ؟ ..

وأنا هنا ..
تجتاحني الأعاصير من كل الجهات ..
تتقاذفني الأمــواج ..
فهل أصل ؟ ..

عندما أفيق من أوهامي أحزن ..
أبحث عن الأمنيات ..
والشــوق الشريد ..
وأحلام الغياب يطويها السراب ..
أقبض الريــــــح ..
أطارد الذكــــريات ..
فهل أصل ؟ ..

ورغماً تذوب الحياة ..
ولا يموت الشجر ..
الأفراح تنتظــر ..
فهل نصل ؟

أرتدي لونك العسجديا ..
غازلي المحــال ..
يتساقط الدمع الصديق ..
تلتئم الجـــــراح ..

مكرر[/ [/I

يا أولاد يا حلوين
أشربوا الحليب
للصحة ،، للقوة
اسألوا الطبيب

يلا يا أولاد اتناجوا كده ، وخلوا خالكم يطرب ،،
ساقوم بدور الراعي لهذا البوست إلى أن يأتي أكله ..

والله يا خال حملتنا مسؤلية كبيرة جداً ..
نحن ما قدر دا يا دوب نكتب كلام ..
ونحاول " نواسيه " عشان يطلع مرتب ..
وأهو واحد من الرباطية جانا زائر وفي إنتظار البقية ..

أمس حاولت أشرب الحليب وأنوم بدري ..
لقيت نفسي مساهر للساعة 3 صباحا ..
أها دي يحلوها كيف ؟ ..

منتظرنك ..

عزيزى معتصم

آخر الليل
هو أول الشجن
هو بوابة الولوج الى ساحة اللقيا
لقيا الأرواح حين تتحرر من عوالق الأسى

آخر الليل
هو موئل العشق
براح البوح، وبوح الدم المسكون بالكلام

آخر الليل
هو حديقة النجوى
حيث تبدأ الأحلام فى الإستعداد للطواف بكعبة الأمنيات

وهو أيضا، حيث تنتحب الأشواق

ولا مجير سوى القصيدة، وما قد يتبقى من دمع


أنا يا معتصم عيننونى نائب الراعى مع الخال ود قاسم

معتصم

ياخي تسلم علي هذا البوست من القطع القليلة التي اعجبتني

سابق ايامي ... وتاني شكرا ليك

صدق لمن حفظتها

من وين بتجيبوا الكلام دا يا ناس

عقتودنا والله

أساسي الأساسي ..
ياخي وين أنت يا زول يا رائع تصدق كنا منتظرك تجي تحضر معانا حفل وداع تبلدينا ..
وأنا كلمت الخال ودقاسم يكون من كبار المستقبلين لكن ما بنخليك بيها وكان ما جيتنا بنجيك ..

في آخر الليل ..
يحلو التلاقي ..
وحديث الهمس والنجوى ..
في آخر الليل ..
يراودني حلم غريب ..
أكاد أمسك يمينه ..
وأتلمس جبينه ..
ونرحل بعيدا ..

لك كل حبي وتقديري ..

أبوذر المطر

كنت أنتظر حضورك الزاهي ..
ليعطي المكان بريقا وبهاءا ..
وها أنت تمنحنا أريحية المطر ..
وتعطينا بعدا آخر .. ولونا أحلى ..

دي خطرفة مزودجة يا رباطي الحروف ..

ود دفع الله
والحلوين حلاوه المتداخلين
انتو لسع بتخرطفو
اليسمعكم يقول عليكم شاربين عصيدة ولا شربة دخن
لذيذ الدخن وصديق الموج
بس ما تنسوا تعطوا معاكم الشبل تمبس

معتصم ..

تتجرد الساعة من ميناء الزمن ..
تفقد وعيها ..
تيمم شطر الصباح ..
فتفيق في متاهة الليل ..
مصلوبة ..
بين مدائن المنى وعواصف المستحيل ..
يترامي طلع الوجع الأحمر ..
يسقط فرع الفرح الأخضر ..
تتمدد غابة الغروب ..
مذ رحلت ..
اعتصم طائر الشدو .. اعتزل الهديل ..
أفرد جناحه لمدن الليل ..
يمضى كما تمضى الريح العطاش ..
في الحل والرحيل ..
يرتدي ثياب الشوق السبعة ..
يقبل الجهات الأربع ..
ساعيا ..
بين بسمة الصبح ودمعة الأصيل ..
ثم أنت والليل ..
والممكن الممدود في جسر المحال ..

صلاح / شتات

وأنا ..
لا زلـت أنتظر هـناك ..
على حافة الليل ..
قابعا وحيدا ..
جاثياً على ركبتي الوهـم ..
انظر الى السمـاء ..
الى الفضـاء العـريض ..
أناجـي القمـر ..
أهمـس في أذنيـه ..
اتوسـل اليه ..
علــه يشفـع ضعفــي ..
تخونني ذاكرتي الهشـــه ..
ألملم أوراق صبري المهترئة ..
وأشيائي المبعثرة ..
ثم أعود لصمتي المهـيب ..
يصيبني الوهـــن ..
يا هذا الذي يهزم كبريــائي ..
يدك حصـون سطـوتي ..
أأنت امـرأة من زمن المغـول ..
تأتين من بين الفصـول ..
عجـبا لك ..
وأنا هـنا ..
يصيبني الذهــول ..
وأعود حيث تكونين هنـاك ..
ولا أكـــــــون ..

شتات

لك عافية المطر ..

أستاذنا حمزاوي

نعمل شنو ودالموج عملها فينا ..
تاني تكون الطلبات سكوتي ومكتوبة في ورقة مغلفة ..
وكان لي تمبس خليهو علي دا نظامه براهو ..

يديك ألف عافية ..
وتشكر على رقيق الكلمات ..
ونحن دوما منكم وبكم ..
لك خالص تحياتي ..

ده بوست رائع ..

يفرح قلـــــــــب ..........ويبهج عيــــــــن

ويســـــــــــر خاطر .......ويعانق رووح

keep it up

نوف

معتصم

قال شتات :

(تتجرد الساعة من ميناء الزمن ..
تفقد وعيها ..
تيمم شطر الصباح ..
فتفيق في متاهة الليل ..
مصلوبة ..
بين مدائن المنى وعواصف المستحيل ..
يترامي طلع الوجع الأحمر ..
يسقط فرع الفرح الأخضر ..
تتمدد غابة الغروب ..
مذ رحلت ..
اعتصم طائر الشدو .. اعتزل الهديل ..
أفرد جناحه لمدن الليل ..
يمضى كما تمضى الريح العطاش ..
في الحل والرحيل ..
يرتدي ثياب الشوق السبعة ..
يقبل الجهات الأربع ..
ساعيا ..
بين بسمة الصبح ودمعة الأصيل ..
ثم أنت والليل ..
والممكن الممدود في جسر المحال ..)

و القول ما كتب صلاح

أستاذنا أبوجهينة

والقول ما أصدقت ..
فلا زلنا نيمم شطر الصباح ..
لنفيق من متاهة الطريق ..

تسلم ولك خالص التحايا والود ..

الغالية نوف

في آخر الليل ..
في الأفق البعيد ..
أناجي نجمة شاردة ..
تعبر أجواء طيفي ..
تشدني إليها ..
تحملني بين يديها ..
تحرك ساكن أشجاني ..
ونرحل هــــناك ..

خليك معانا ..

معتصم يا رائق..لو عاوزنا نكتب معاك اطرد لينا شتات والمطر ديل
عشان ما نتعقد وناخد راحتنا وحا تلاقينا متشرشحين فى البوست..تسلم يا شفيف لهذا البوح،،

ودعمي الموج

كان طردنا شتات والمطر ديل نحن نمش وين ؟
إلا نشوف لينا حتة تانية ..
ديل ناس حلوين يسروا الخاطر ويبهجوا العين ..
بس تسمع صوت المطر يجيك الدعاش .. تشوف شتات يجيك الغيم ..
وعندها نتلم تحت غيمة ظليلة تدينا عشم باكر ..
وديل ناس مهنتهم صناعة الفرح ..
فبالله عليك يالموج أخوي خليهم معانا وقراب مننا ..
نحن نصفق وهم يغنوا ..

ما بعرف اقول زي كلامكم ده عشان كدة وصية ياخي ليها
قول ليها رغم كل شي تفضل اصل معزة
ووريها انو كلها كمين سنة ونصل الضفة الامان في بر مرتجانا
تاني تقول ليها شنو
اي شي فيهو خالص معزتي ومحبتي ورجاي انها عشم في اليوم الباكر بي إذنو المولى الكريم


ليك كل التحايا

ولي زوارك الروايع

ابنوسي

هناك ..
حيث تكون هي ..
تكون معزاتنا ..
تكون نجوانا ..
يكون الحب الكبير ..

شكرا الأخ تبلدي ..
على رقيق الكلمات ..
وأكيد معزتك وصلت وأكيد حا نتقابل على بوابة الوطن الحبيب ..
ننعم بالحب والسلام ..

تسلم

العزيز معتصم هي ليست خطرفات و لكن كلمات صادقة و دافئة ...كرغيف

Quote: إني أشتاقك الآن .. بحجم انفعالاتي .. بحجم أشيائي المبعثرة .. على طاولة أفكاري

شكرا على هذا الابداع الودود، فهو ما نحتاجه في مثل هذه الأيام الملبدة بغيوم الكراهية و شخصنة الأشياء!

اخر الليل يسافر قطار الهم...
دوام ودرهم...
الريق ينجم...
تسمع همهم...
ليل المدن
الات تدور
بصوت منتظم...
اوتار ونغم...
صوت الريح
صرير الصى
رمال تتهدم...
نخلات تميل
زى مطر العشم...
اخوى معتصم..
ياولد يافهم...
طولنا منك ودقاق
النضم..
حركت ساكن
بجرة قلم...
تعال ياحلم...
زوور معتصم..

ابقوتة_فى ساعات الدوام

آخر الليل ..
برسل حروفي ..
لي زول هناك ..
راجي الزمن يقيف ..
يرجع يدوزن حلو الكلام ..
ينسج خيوط الشوق غنا ..
يلعن أبوها الظروف ..
الكانت سبب في بعدنا ..

أبوقوتة
قنبلة الود الموقوتة ..
كما يحلو لإبن عمي شتات ..
نشكر لك رقيق كلماتك ..
وجودك يمنح المكان روعةً وجمال ..
بالله عليك ما تطول تبعد بعيد ..
خليك قريب جنبنا ..

لك خالص ودي ..

قدرنا أن وجدنا أنفسنا في مكان لا نحسه .. هربنا من واقع حياتنا بكل تفاصيل مأساته إلى جحيمٍ هو الذي نعيشه الآن .. بلاد لا تعرف للحياة طعم .. لا تعرف الحب ولا تعشقه .. كل شئ فيها مجمد في علب مكتوب على أغلفتها غير صالح للحياة .. عندها فقط عرفنا الحقيقة المره .. أفقنا من هذا الوهم الكبير ..
الآن نبحث عن الحب ..
عن الحبيبة ..
نبحث عن الأمان ..
نهرب إليها ..
في أخريات الليل ..
فهل تنتظرنا هناك ؟ ..
هل تحتضن كل هذه الأشواق ؟ ..
يا حروف الشوق ..
إجتمعي ..
بلغي عني ..
سنذيع عليكم في المساء ..
عند أول القمر ..
حيث يكون الضياء ..
سنذيع سر اللقاء ..
سوف ألملم أشيائي ..
المبعثرة ..
وأعيد ترتيب ..
تفاصيل حياتي المهملة ..
وأعـــــــود ..
إلى حيث تكون ..
في ذلك المكان ..
على حافة النهر ..
عند ملتقى العشاق ..
حيث ترقد شجرة الأمل ..
والتي كتبنا عليها ..
في سابق زمان ..
سوف نلتقي ..

الغالية ندى حروفك تمنحنا عافية التواصل ورحيق الكلام ..
لك سلام كتيييييييييير والله ..وتقدير وإحترام فائقين ..
شكراً على الكلمات الرقيقة ..
تسلمي

العزيز معتصم ..
تجتاحنى هذه الايام مشاعر قلقة ..وفى خاطرى لحظات بعمر 30 يوماً
اجاهد كثيراً لاغلمة روحى..فكرى..وجودى مع ما هوانت اعلم به منى..

العزيز معتصم دمت مبدعاً وانت تتحسس موضع الآلام وفى راحتيك ترياقاً..
لا تتوقف ..


ابوجهينة..شتات ..ابوذر...ميادة الوجود بينكم له طعم آخر
دمتم
مودتى،،،،

إعتدت عليك ..
وتاني ما بقدر أخليك ..
يا وهج النور ..
الوضح لي كل الأشياء ..
المن حولي ..

صديقي وليد
وجودك هنا يكمل بقية العقد الفريد ..
أبوجهينة وشتات وأبوذر وميادة ..
وأكيد له طعم ونكهة مميزة ..
هنيئاً لك ..
ومزيد من القلق المعافى ..

Quote: لا زلـت أنتظر هـناك .. على حافة الليل .. قابعا وحيدا .. جاثياً على ركبتي الوهـم .. انظر الى السمـاء .. الى الفضـاء العـريض .. أناجـي القمـر .. أهمـس في أذنيـه .. اتوسـل اليه ..

لوحة رائعة، وصاحب الريشة أروع ...

أقلام رائعة تلك التي بللت لوحتك بمدادها .. فالتحية لكم جميعا دون استثناء


معتصم يا عزيزي ... عندك أمانة معاي... الم فيك كيف؟؟؟ معليش خربت ليك البوست دا لكن ما كان في حل لأنو البروفايل كلو نبز ... (male) وعزابي .. الرياض - السعودية .. شان ما نخرج من النص كتير 0501720695


مع ودي وتقديري

الجميل جدا
الانسان
معتصم
ماقادر اقول شى لانى داير ابكى ..
قابتو ماقدرت عليهو اخر خطرفاتى..
ان لم تعجبك فيكفينى انى شرف المشاركه..
والبكاء المحقون فى العيون..

*تلك انتى

عندما اشتاق اليك
يتدفق الدم الذى صار
دليل..
وتنسكب اخر قطره
من ذاك الليل
الجميل..
وتبدين كما
اول مره
ياحواء
اذا لما الرحيل..
ولما انتى بين
المحطات الدموع
والمستحيل..
اترقبك من باب الرب
تدلفين الرحمه
وتاتين فى حضنى
دون اى شك
فى يقينى ..
يا ايتها الرساله
يا ايتها النبؤه
اين الخلاص ..
اين الضجيج
بل اين الناس ..
انا الان اتصفح
كتابى بيسارى
وكان الجميع
يتصفح باحساسى..
وقفت تسالنى
من انت
قلت انا لااسوى
شيئا دون الناس
تلك حبيبتى
وتلك
بلادى
وتلك الحريه
وتلك انتى
والجنه الابديه..
13/7/2004

يا صندل الليل المضاء ..
أفرد جناح الشوق ..
حين تطل سيدة النساء ..
المجد جاء ..
المجد جاء ..
لو زندها إحتمل الندى ..
لكسوت زندك ما تشاء ..
ثوب من العشب ..
وبرتين من العبير ..
وخيط مــــــــاء ..هذه الأبيات للأستاذ مصطفى سند ..

هناك من ينتظرنا على حافة الليل ..
ينسج خيوط الشوق أمل ..
يطرز نجوم الليل لحاف ..
يتوسد ضفائر الفال ..
يمد شتلات المحنة ..
المروية بي دمع العين ..

لك التحية أخي وصديقي معتز ..
سررت جداً لمرورك هنا ..
وشكراً لهذه الخرطفات كأنني كنت أنتظرك أن تكمل ما بدأته ..

خالص الود والمحبة ..

صديقي هاني ..
في آخر الليل يحلو السمر ..
بس على أيقاعات العذابة ..
والونسة الدقاقة ..
ولعب الكوتشينة يوم الخميس ..
يا ريت لو تكرر الجية مرة تانية بس تكون بدري شوية ..
وتشكر شديد على الهدية القيمة ..

تسلم