Post: #1
Title: تمبس وشتات .. وجسمي إنتحل
Author: معتصم دفع الله
Date: 10-11-2004, 04:08 PM
Parent: #0
تمبس وشتات ديل زي ميرغني المامون وأحمد حسن جمعة ثنائي مدهش عندما تكون معهما يكون يومك زى الفل ..
يوم الجمعة الماضية كنا في زيارة للأخ الصديق محمد الجعيلي قضينا معه وقت ممتع ورائع حضر في منتصفه العزيز دكين ..
جاءني هاتف من أخي محمد المتواجد معنا في مدينة الرياض يطلب مني الذهاب معه لمناسبة تخص أحد أقربائنا وكنت وقتها طلبت من شتات أن نذهب سوياً فاصر أن لا نذهب وألحيت عليه وأصريت زي ما قال عادل إمام لكن باءت كل محاولاتي بالفشل فما كان مني إلا أن طلبت من أخي أن يحضر إلى منزل محمد الجعيلي وبعدها نذهب سوياً إلى تلك المناسبة ..
وبعد شد وجذب مع شتات وتمبس إقتنعا بالذهاب معنا وقتها كنت أعرف من هو فنان الحفلة إنه صديقي الفنان سيف نورين وكانت صدفة جميلة عندما وجدنا الشاعر حسين حمزة شاعر أغنية جسمي إنتحل التي يتغنى بها الرائع أبوعركي البخيت فأسمعنا لها بصوته وشدأ بها سيف نورين وغنى كما لم يغني من قبل وكنت أداعب شتات وتمبس يلا يا شباب نمشي خلاص تعبنا بكرة شغالين فيقولا لي لسه شوية يا دوب كده المزاج جاء ياخي ما تزعجنا كل شوية يلا نمشي يلا نمشي لو عايز أمشي لوحدك نحن قاعدين هنا للصباح أها رأيك شنو ؟ ..
وأنا أضحك في جواي ومستمع بما يحصل .. وأتذكر كمان وليد طه الشارنو هناك ..
التحية والتقدير للأستاذ حسين حمزة والأستاذ أبوعركي البخيت والصديق الفنان سيف نورين ..
جسمي إنتحل كيف العمل
وإنت الطبيب عندك شفاي
لو كنت تبعد في زحل
أو يوم بقيت قمر في سماي
لابد في يوم ليك أًًصل
وأشرب براي عسل النحل
وأشرب براي منك دواي
***
حن يا طبيب وأكشف علي
وريني ما سبب الألم
أعطف عليّ وأرحم عيني
قالوا الشفاء دونك عدم
شوف الدموع ماليات عيني
شوف الألم وين إنكتم
**
أنا يا طبيب قلبي إنجرح
بس كيف جراحو بتلتئم
في العمر يوم ما ضاق فرح
ولا حتى في دنياك إبتسم
بس كيف يعود ليهو الفرح
من بعد ما عاش الألم
***
قلبي المعذب من زمن
يشكي وآهاته التمن
حن يا طبيب داوي القليب
العاش حياته مع الحزن
ضمد جراحو ومره سيبه
ينساها ويلات الشجن
***
|
Post: #2
Title: Re: تمبس وشتات .. وجسمي إنتحل
Author: الفاتح يسن
Date: 10-11-2004, 05:08 PM
Parent: #1
شكرا معتصم دفع الله نعم انها من روائع الشاعرالصديق حسين حمزه والاستاذ ابوعركي البخيت بلغ سلامي لحسين وكل الشباب بالرياض
|
Post: #6
Title: Re: تمبس وشتات .. وجسمي إنتحل
Author: معتصم دفع الله
Date: 10-12-2004, 01:21 AM
Parent: #2
أخي الفاتح يس
تحياتي وتقديري ..
سلامك يوصل إن شاء الله للأستاذ حسين ..
وكل بورداب الرياض ..
تسلم
|
Post: #15
Title: Re: تمبس وشتات .. وجسمي إنتحل
Author: waleedi399
Date: 10-13-2004, 02:44 AM
Parent: #6
معصتم... تمبس ... شتات
والله كــويــس كمان بقت فيها خيانات .... كشفتم أنفسكم بأنفسكم
وبعد كمـان ســيف نورين ... صاحــب مين فينــا .. ولـدنا يانا نحن أولى بيه
على العموم الجـــايات أكــثر من الرايحـــات ... وكمان وليد طــه مشرور برضو
عمــومـاً نحــن بنحضـــر في "سـيف نورين "للقــادم" ... وما علينا!!!
وجـســـــمي إنتحـــــل... كيف العمــل>>>>>>>>>>
|
Post: #3
Title: Re: تمبس وشتات .. وجسمي إنتحل
Author: Raja
Date: 10-11-2004, 05:10 PM
Parent: #1
يااااااه يا معتصم..
تعرف حاجة..
كلمة "انتحل" و"ناحل" دي من مفرداتي البستعملها بكثرة.. وما من شئ إلا من الغنية دي..
غايتو الله يسامحك..
ومع حسين حمزة وأبو عركي ومعاك وتمبس وشتات نقول:
جسمي إنتحل كيف العمل
وإنت الطبيب عندك شفاي
لو كنت تبعد في زحل
أو يوم بقيت قمر في سماي
لابد في يوم ليك أًًصل
وأشرب براي عسل النحل
وأشرب براي منك دواي
|
Post: #7
Title: Re: تمبس وشتات .. وجسمي إنتحل
Author: معتصم دفع الله
Date: 10-12-2004, 01:29 AM
Parent: #3
تعرفي يا رجاء
الأغنية دي ليها زمن مدورة في راسي وعايز أنزلها ..
إلا أن جاءت المناسبة الآن وما تتصوري طربنا معاها كيف ..
والجماعة طبعاً ما صدقوا ..
ولا شكراً ساي ما قالوها شفتي الكعوبية دي عليك الله ..
ومعاك أيضاً نستمتع بهذه الإغنية الرائعة ..
سلام
|
Post: #4
Title: Re: تمبس وشتات .. وجسمي إنتحل
Author: Rawia
Date: 10-11-2004, 05:12 PM
Parent: #1
حضر في منتصفه العزيز دكين ..
دكــــــــــــــــــــــين
مشتـــــــــــــــــــــاقه
رايوة
|
Post: #5
Title: Re: تمبس وشتات .. وجسمي إنتحل
Author: tmbis
Date: 10-12-2004, 01:13 AM
Parent: #4
يا شتات معتصم ده بقي ( خفيف )
بينشر اسرارنا الفنية .. يعني تاني كان الواحد عايز يستمتع بي يوم زي ده الا يربط معتصم ده في البيت
حسع عليك الله يا معتصم دي حفلة بيحكوها ؟؟؟
دي بيحضروها بس .. والواحد يمشي ينوم ويسكت عليها..
ياريت محمد الجعيلي يستمتع معانالي جسمي انتحل .. ويباصيها للمدام..
من هنا شكرا للحظات الجميلة البنقضيها معاكم
جاي راجع ..
عندي نص البوست ده
|
Post: #8
Title: Re: تمبس وشتات .. وجسمي إنتحل
Author: فتحي الصديق
Date: 10-12-2004, 01:40 AM
Parent: #5
مش ممكن يا معتصم000(جسمي انتحل )مرة واحدة؟؟؟؟00لك الشكر الاف الاف000
|
Post: #14
Title: Re: تمبس وشتات .. وجسمي إنتحل
Author: معتصم دفع الله
Date: 10-13-2004, 02:36 AM
Parent: #8
فتحي الصديق
تخيل جسمى إنتحل زاته وكمان الأستاذ حسين حمزه والرائع أبوعركي ..
لك التحية والتقدير ولهم كذلك ..
|
Post: #9
Title: Re: تمبس وشتات .. وجسمي إنتحل
Author: شتات
Date: 10-12-2004, 11:03 AM
Parent: #5
معتصم ..
على الضفاف التمبســـية ..
تجــدنا دائمــاً .. إلا أننا أكــثر شــرودا ونحــــولاً وحـــ...ـزنا ..
إذ كيف تصمــد الألحــان في ذاكــرة الأسمــنت؟
كيف تحتفي بالصـوت في غابات الصمــت؟
كيف تطـرب في دنيا الصحـاري والعربات والأسفلــت؟
لكن ..
لابد في يوم نصـــل ونشــرب هناك عســل النحـل ..
..
..
..
| Quote: يا شتات معتصم ده بقي ( خفيف ) |
فضيحــة مش كدة !!
تعرف يا تمبس سيبك منو وخلينا ننتهــز الفرصة دي ونهدي الأغنية للرائع الأخ العزيز محمد الجعيلي واسرته الكريمة وللأخت الغالية ندى أمين ونقول ليهم كل سنة وانتو بألف خير ..
صلاح / شتات
|
Post: #13
Title: Re: تمبس وشتات .. وجسمي إنتحل
Author: معتصم دفع الله
Date: 10-13-2004, 02:24 AM
Parent: #5
تامبا
تاني الببرمج ليكم منو ؟
والله إلا " أضرسكم " ..
قال خفيف قال ..
الأغنية وصلت لمحمد الجعيلي بدري وإتصل على مبسوط شديييد ..
|
Post: #11
Title: Re: تمبس وشتات .. وجسمي إنتحل
Author: معتصم دفع الله
Date: 10-13-2004, 02:09 AM
Parent: #4
رايوة
نحن برضو مشتاقييييييييين ..
صورتك منورة ..
|
Post: #17
Title: Re: تمبس وشتات .. وجسمي إنتحل
Author: Rawia
Date: 10-13-2004, 03:10 AM
معتصم وتمبو وشتات
ازيكم ويرضو مشتاقين
ويا معتصم زمن وبنك انت
وينورن ايامك وتتهنى انشاء الله
|
Post: #10
Title: Re: تمبس وشتات .. وجسمي إنتحل
Author: Nada Amin
Date: 10-12-2004, 03:41 PM
Parent: #1
يا سلاااااام يا شباب
كده حتطلعوني من قوقعة الصمت الدفين الأنا فيها دي و عشانكم و عشان سيرة الحبايب محمد الجعيلي و شذى بنت أمي و أبي حأكون - و برغم الحاصل- زايره مقيمه هنا و أنا ذاتي بقول مع عركي و معاكم لبتين أصل و أروى من عسل النحل
جايه تاني
بس دكين ما يشاكلني أصلو هو جنو و جن الجندريات
|
Post: #18
Title: Re: تمبس وشتات .. وجسمي إنتحل
Author: معتصم دفع الله
Date: 10-14-2004, 02:35 AM
Parent: #10
الغالية ندى
شفتي فاتت عليك لمة حلوة كيف ؟
والله كانت جلسة جميلة ..
إستمتعنا فيها وقضينا وقت رائع ..
أكيد حا تصلي وتشربي عسل النحل ..
أستمتعي مع الجميل الرائع أبوعركي ..
وبهذه الأغنية الروعة ..
منتظرين عودتك تاني ..
|
Post: #12
Title: Re: تمبس وشتات .. وجسمي إنتحل
Author: صديق الموج
Date: 10-13-2004, 02:18 AM
Parent: #1
| Quote: جسمي إنتحل كيف العمل |
جسمك يا معتصم الما بنحلوا شنو؟ ما من اكل الكبسة والميرندا التفاح
تعال هنا والله الجداد طاعم طعومية....
طيب الليل كلو شى ماسنجرات وشىءجوالات وشىء تلفونات ثابته وتكبوا
فى الكلام الناعم والجرسة وتجوا تقولو جسمى انتحل..نحن قبيل شن قلنا
بطلوا جرس وبكى يا تمبوس وشتشوت!!!!
|
Post: #21
Title: Re: تمبس وشتات .. وجسمي إنتحل
Author: معتصم دفع الله
Date: 12-02-2004, 12:43 PM
Parent: #12
ودعمي الموج
هسي عليك الله في داعي لجنس الكلام دا ..
الحمد لله أنا ما براي المتجرس ..
كدي شوف العصابة ديل ..
والله يربطو للواحد عديل كده ..
أنا زاتي بقيت أخاف منهم ..
يقومو يودرو زمتي دي ..
إن شاء الله الكلام دا ما يشوفوهو ..
فتك بعافية ..
أنا ما قلت أي حاجة ..
|
Post: #16
Title: Re: تمبس وشتات .. وجسمي إنتحل
Author: معتز تروتسكى
Date: 10-13-2004, 03:02 AM
Parent: #1
معتصم دفع الله  تمبس..
وحاتكم لو بعرف زيكم انزل الحاجات الحلوه دى كان هديت ليكم اى جميل عندى ..
انتو والحبايب..
واخليكم مع ابوعركى..
وااااى شديد...
|
Post: #19
Title: Re: تمبس وشتات .. وجسمي إنتحل
Author: abuguta
Date: 10-14-2004, 04:02 AM
Parent: #16
شتات تمبس.. تمبس وشتات
حبى
حتى
الممات..
ماسنجر
جات..
وينكم
ياخونا
عاملين
غلطات...
غائبن
عن
الساحة
بالذات
شتات...
اظهر
ياخونا
واكتب
ابيات...
زى ما
كنت زمان
قاعد تحت
الشجيرات...
ومعاك
المطر
منزل
بوستات...
وشنتير
بردد
نمة
وغنوات...
وتمبس
يصور
فى الجلسات...
ومعتصم
يوزع
فى البسمات...
هات هات
واحد
بسمات...
ومعها
كاسة
فرات...
والكل
يردد
الفات
الفات
تمس
وشتات..
سبعة
لفات...
ياحمزاوى
نحن
اخوات...
وين
الخال
عامل
سكات...
انت الحاضر
وانت
الفات..
ابوجهينة
فرش
البساط...
حبيب بلدو
ليك القومات
حنين والموج
فى الشاليهات...
ود وراق
وخليفة
اخوان البنات...
الزول
فصله
شفت الهفوات...
وليد طه
بهوت
سلامات..
تم
كدر صديق
هم كل
مقابلات...
ناس الرياض
حامين
باقات...
مليانة
ورود
ملونات...
بس انا
كيف
اجيكم
واجلس
معاك
واضحك
ها ها ها ها
هاهاتتتتتتتتتت
شتات تمبس.. تمبس وشتات
|
|