Post: #1 Title: الى معتصم دفع الله في ذكرى يوم ميلاده Author: رانيا بابكر Date: 08-15-2005, 01:08 AM Parent: #0
برغم احزاني اكتب لك اتمنى ان يكون عمرك الف سنه لاعيشها معك و لا يهم ان يطول مشواري! فانامعك شباب دايم..و جمال دايم.. و انا معك اكتب اشعاري! لا يهم ان لا تشرق الشمس..او ان تغيب الاقمار! يكفي ان نكون معا.. ننعم..نسعد..و لو غمرتنا الامطار.. يكف ان تكون بجانبي.. اريد الف سنه معك..و ليتها تكفي.. فف حبي الكثير الكثير.. بعدد كل الازهار..بسعة كل الانهار.. اريد الف سنه معك و ليتها تكفي ففي حبي الكثير الكثير.. مضئ كالانوار اريد الف سنة معك..وليتها تكفي.. ففي حبي الكثير الكثير.. بروعة عمق الاسرار..بعنف كل اعصار! لتكن الفا او سنة.. يوما او لحظة.. فستكون عمرا احلى من كل الاعمار!
زهرة المنتدى
Post: #2 Title: Re: الى معتصم دفع الله في ذكرى يوم ميلاده Author: أحمد الشايقي Date: 08-15-2005, 01:19 AM Parent: #1
هلا هلا
معتصـم دفع الله
هابي بيرث داي تـو يـووووووووووو
ويا شباب الاحتفال.
Post: #11 Title: Re: الى معتصم دفع الله في ذكرى يوم ميلاده Author: waleedi399 Date: 08-15-2005, 03:06 AM Parent: #2
الاخت / رانيا بابكـر
Quote: برغم احزاني اكتب لك اتمنى ان يكون عمرك الف سنه لاعيشها معك و لا يهم ان يطول مشواري! فانامعك شباب دايم..و جمال دايم.. و انا معك اكتب اشعاري! لا يهم ان لا تشرق الشمس..او ان تغيب الاقمار! يكفي ان نكون معا.. ننعم..نسعد..و لو غمرتنا الامطار.. يكف ان تكون بجانبي.. اريد الف سنه معك..و ليتها تكفي.. فف حبي الكثير الكثير.. بعدد كل الازهار..بسعة كل الانهار.. اريد الف سنه معك و ليتها تكفي ففي حبي الكثير الكثير.. مضئ كالانوار اريد الف سنة معك..وليتها تكفي.. ففي حبي الكثير الكثير.. بروعة عمق الاسرار..بعنف كل اعصار! لتكن الفا او سنة.. يوما او لحظة.. فستكون عمرا احلى من كل الاعمار!
الغريبة امس لحـدي أخر الليل كان معاي ما قال لي عيد ميلادي الليلة ولا بكرة!! عشان كدا عقاباً ليه التلج المعاي ما بكسرو بمشي اكسروا لصديقي تمبس في ذكرى ميلاده برضو التي مرت زي كورة (العجب) في مرمى محمد أدم حارس الهلال
عموماً كل سنة وانتو طيبين (معتصم، تمبس) وعقبال تكملو شموع الدنيا كلها لحدي أخر شمعة وبعد داك تقبلوا على ( القيطان)
Post: #16 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 04:08 AM Parent: #11
يا ولي أمانة في زمتك دي ما عارف ؟.. قول كملت التلج كلو والباقي عايز تبيعه .. ما مشكلة بندفع ليك بكل عملات العالم .. حلوة عملات العالم موووش كده .. بعدين العجب دا أقصد تمبس دا إحتفلنا أنا وهو بعيد ميلاده .. حتى أساله .. ولا نسيت إنو 14-15 أغسطس من كل عام هو عيد ميلادنا .. بطل غتاته ياخ ..
شكراً صديقي وحبيبي وليد .. وكل عام وأنت بألف خير ..
دم صديقي .. ولتامبا كل الحب والمودة ..
Post: #42 Title: Re: الى معتصم دفع الله في ذكرى يوم ميلاده Author: tmbis Date: 08-15-2005, 09:30 AM Parent: #16
Quote:
Quote: ولا نسيت إنو 14-15 أغسطس من كل عام هو عيد ميلادنا
ولتامبا كل الحب والمودة ..
معتصم .. تعرف احسن حاجة في الدنيا تحس انو هناك من يهتم بتفاصيلك الدقيقة الاحتمال تسقط عنك في زحمة الحياة .. ( اربعطاشر تمنية ) من كل عام وانا هنا في الغربة بتمثل لي مع نفسي وبحسب فيها الثواني المضت من عمري والباقي منها كم يا ربي .. وبقيس بيها بعد المسافة ما بيني وبين اعز ناس بفتقد وجودهم حواليني وزي كل مرة بيكون عزاي شي واحد ( قصاصة ورق ) مطبقة بعناية كتب عليها بخط فرحان كل التفاصيل الاولى لحظة ميلادي بخط الوالد المكان ، الساعة ، الاسم ، وتفاصيل عن اول لحظات لي في هذه الفانية.. اهداني الوالد هذه القصاصة كذكرى حميمة عند أول مغادرة لي السودان في ذلك المساء الكئيب كأنه كان يعلم بماذا تخبيه لي الايام من شوق لهم وشوق لإسترجاع ماكينة الزمن للوراء لتعيديني إلى ذلك المساء.. كان رسالتها اجمل مافي يوم الامس ( كل سنة وانت طيب وترجع بالسلامة مشتاقين ليك وبين قوسين ( انا وناس البيت ) .. وللصدف العجيبة برضو زهرة
Post: #15 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 04:01 AM Parent: #2
الحبيب أحمد الشايقي
الشوق كتير والله .. وينكم يا ناس ؟؟؟.. وإنت طيب وبالف خير يا صديقي .. شكراً جميلاً ..
ودي وتقديري ..
Post: #3 Title: Re: الى معتصم دفع الله في ذكرى يوم ميلاده Author: Tragie Mustafa Date: 08-15-2005, 01:24 AM Parent: #1
معتصم دفع الله
كل سنه وانت طيب.
مباركه من وحده انكشف وشها الحقيقي.
تراجي.
Post: #5 Title: Re: الى معتصم دفع الله في ذكرى يوم ميلاده Author: زول ساكت Date: 08-15-2005, 01:28 AM Parent: #3
كل سنه وانت طيب وعقبال نبارك ليك الجديد
Post: #19 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 04:26 AM Parent: #5
الزول الجميل عباس .. وأنت طيب يا صديقي ..
محبتي وإحترامي ..
Post: #17 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 04:16 AM Parent: #3
الأخت تراجي
وأنتِ بألف خير وصحة يا رب .. شكراً على هذه التهنيئة الرقيقة ..
محبتي وودي ..
Post: #4 Title: Re Author: رانيا بابكر Date: 08-15-2005, 01:27 AM Parent: #1
كل عام وانت الحب
Post: #6 Title: Re: الى معتصم دفع الله في ذكرى يوم ميلاده Author: ودقاسم Date: 08-15-2005, 01:35 AM Parent: #1
رانيا بابكر مثل هذه المناسبات تثير فينا الكثير من الشجون ، نعود ونتخيل معتصم يافعا صغيرا يحبو، أو يزحف على بطنه ، ثم ننظر إليه الآن وهو يهفو إلى قطاف الوسامة ، الطول الإضافي ، عذوبة الحكي ، وأشواق تتمدد ، وانتظار يتم حسمه على يديك دون ارتعاش أو تردد ،،، معتصم ابننا وأنت ابنتنا ، وجمالكما هالة نتغطى بها فتمنح دنيانا مزيدا من النضارة ، وعنفوان الجمال يدفعنا إلى أن نصفق للذين يعلنون على الملأ أن الحب هو الشعار ، وأن الجمال هو الذي يبقى ..لكما العمر في أزهى حلله
Post: #21 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 04:38 AM Parent: #6
الخال العزيز ودقاسم
ليتها تعود تلك الأيام .. ما أحـــلاها .. أيام الشقاوة والطفولة البريئة .. بالحب نحبو ثم نكبر .. ثم نكون .. ما أجملك وقلمك يسطر هذه الكلمات الرائعات .. شكراً جميلاً يا خال .. وربنا ما يحرمنا منك ..
دم بخير ..
Post: #7 Title: Re: الى معتصم دفع الله في ذكرى يوم ميلاده Author: ود المايقوما Date: 08-15-2005, 01:52 AM Parent: #1
Post: #22 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 04:45 AM Parent: #7
وأنت أجمل يا ودالمايقوما ..
شكراً جمـــــيلاً ..
محبتي ..
Post: #8 Title: Re: الى معتصم دفع الله في ذكرى يوم ميلاده Author: حمزاوي Date: 08-15-2005, 02:00 AM Parent: #1
معتصم اخوي فرحانين كتير حتى الثمالة كلما اشوف اسمك بفرح واغني واطرب كل سنة وانت طيب ناس نجوم كرمة منتظرنك في الصالحية عشان نحتفل بيك
الاخت الاستاذة رانيا الف زهرة وشمعة ضواية لكما واسعد الله جميع ايامكم
Post: #9 Title: Re: الى معتصم دفع الله في ذكرى يوم ميلاده Author: tmbis Date: 08-15-2005, 02:35 AM Parent: #8
.
Post: #12 Title: Re: الى معتصم دفع الله في ذكرى يوم ميلاده Author: waleedi399 Date: 08-15-2005, 03:31 AM Parent: #9
Quote: .
تمبس .. نقطة على السطر حبيتك
شيل شيلتك يا موووو وصلت (الميس) .. تمبس نقط ليك
معناها لا يحلك شمالي ولا جنوبي الا "الاوسـط"
Post: #46 Title: Re: الى معتصم دفع الله في ذكرى يوم ميلاده Author: tmbis Date: 08-15-2005, 09:51 AM Parent: #12
Quote: تمبس نقط ليك
وليد والله انا ما منقط لي معتصم .. انا منقط لي اساسي ،، اها التنقيط ما جاب فايده جا داخل البوست وكالعادة لقي ليهو فرصة شان يتجدع
Post: #18 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 04:21 AM Parent: #9
يا تامبا .. نقطتك ما بناباها .. لكن الفيك إتعرفت ..
Post: #52 Title: Re: الى معتصم دفع الله في ذكرى يوم ميلاده Author: tmbis Date: 08-15-2005, 10:28 AM Parent: #18
معتصم .. والله البوست ده رجع لي حاجات كتيرة ورجعني الارشيف جري .. وقعدته انكت شوف الحاجات دي
Post: #135 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-22-2005, 05:09 AM Parent: #52
صديقي الجميل تامبا
نعم كانت هناك أشياء جميلة هنا .. وكانت كل النفوس طيبة وحميمية شديدة .. أتمنى أن لا يكون الحال قد تبدل .. وأتمنى عودة كل جميل ليغرد هنا كما كان .. سنظل نذكر يوم مولدنا لنرى أي دروس وعبر أستفدنا منها في ما فات من عمرنا .. وسنجدد بهذا اليوم دماءنا ونعيد ترتيب أشيائنا لمقبل أيامنا ..
محبتي لك بلا حدود ..
Post: #23 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 04:59 AM Parent: #8
أستاذنا حمزاوي
وأنت طيب وبألف خير يا رب .. شكراً كتير وربنا ما يحرمنا منكم .. أكيد حا نتلاقى في ذلك اليوم .. وسوف نحتفل جميعاً .. بأننا أسرة واحدة وقلب واحد ..
محبتي وتقديري ..
Post: #10 Title: Re: الى معتصم دفع الله في ذكرى يوم ميلاده Author: المعتمد Date: 08-15-2005, 02:38 AM Parent: #1
معتصم كل سنة وانت طيب
كل سنة وانت دوما متألق
Post: #13 Title: Re: الى معتصم دفع الله في ذكرى يوم ميلاده Author: الملك Date: 08-15-2005, 03:32 AM Parent: #10
كل عام وانت بخير .... ....
وعقبال الشمعة المائة ــــــ ناجى
Post: #20 Title: Re: الى معتصم دفع الله في ذكرى يوم ميلاده Author: عمران حسن صالح Date: 08-15-2005, 04:32 AM
Post: #53 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 11:25 AM Parent: #20
يا عمران قرض على كده .. عمري بس زاد سنة على السنة الفاتت .. إنت مالك علينا عايز تجيب لينا المشاكل .. ريس الفريق بتعانا عايز يسجلني في فرق الدوري الممتاز الموسم الجايي دا .. شفت الكلام دا عليك الله ..
كل سنة وأنت طيب يا صديقي .. وشكراً للشموع ..
Post: #49 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 09:59 AM
تشكر يا ملك على الزهور .. وصلني عبيرها يا ذوق .. وعقبال ما نفرح ونحتفل بيك يا صديق ..
كل سنة وأنت بخير وصحة يا رب ..
Post: #47 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 09:55 AM Parent: #10
المعتمد العريس
ربنا يجعل أيامك كلها أفراح .. تشكر يا صديق ..
وكل سنة وأنت بألف خير ..
Post: #14 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 03:57 AM Parent: #1
تسبق حروف الشوق خطاي .. لي سكتك .. تلقاك كون من موده وإنسجام .. لي البشابي شان لقاك .. يا منية النغم الكلام .. شوفِ الفرح في حضرتك .. بوشح النيل العفاف ..
صديقتي الغالية رانيا .. قليلون هم .. الذين يحملون الشمس .. في دواخلهم .. ويشع وجهها .. من نور أعينهم .. ( )
شكراً على هذه الإحتفائية الرائعة .. وكل سنة وأنتِ بالف خير ..
محبتي ..
Post: #133 Title: Re: الى معتصم دفع الله في ذكرى يوم ميلاده Author: نجود حسن عبد الرحمن Date: 08-21-2005, 04:17 AM Parent: #14
صديقتي الغالية رانيا .. قليلون هم .. الذين يحملون الشمس .. في دواخلهم .. ويشع وجهها .. من نور أعينهم
؟ ؟ ؟ ؟ كت قايله فى حاجه
كل سنه وانت طيب
Post: #134 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-21-2005, 04:51 AM Parent: #133
Quote: كت قايله فى حاجه
يعني كان كاتلك الشمار ..
العزيزة نجود .. كل سنة وأنتِ أجمل .. ربنا يحقق كل أمنياتك ..
محبتي ..
Post: #24 Title: Re: الى معتصم دفع الله في ذكرى يوم ميلاده Author: عبد الباقي الجيلي Date: 08-15-2005, 05:10 AM Parent: #1
ترقص .... شمعتي الضواااااية ...
ترقص ... وفي رقيصها حكاية ..
من فصلين لأحلى رواية ...
فيها من النهاية بداية ...
رقااااااصة
HOW NICE TO SAY HAPPY BIRTHDAY TO YOU ON LINE
PUBLICATION OF PRIVATIZATION
إن شاء الله مليون شمعة يا ودفع الله
تولعهم مش تطفيهم
(كل عام وانت الحب) لا أظن أن هذه التهنئة تحتاج لتعقيب
لكما ودي
Post: #25 Title: Re: الى معتصم دفع الله في ذكرى يوم ميلاده Author: شمهروش Date: 08-15-2005, 06:05 AM Parent: #24
كل عــــــــــــــــــــــــــــــام وانت بخير ............. الحبيب ود دفع الله........
Post: #55 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 11:33 AM Parent: #25
الحبيب شمهروش
وأنت طيب يا صديقي .. وبالف خير ..
محبتي وتقديري ..
Post: #26 Title: Re: الى معتصم دفع الله في ذكرى يوم ميلاده Author: شدو Date: 08-15-2005, 06:12 AM Parent: #24
الاخ / معتصم دفع الله
ربنا يديك الصحة والعافية
وعمر مديد انشاء الله
Post: #56 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 11:41 AM Parent: #26
الحبيب شدو
مشتاقين كتير يا صديق .. ربنا يخليك ويحفظك ..
كل سنة وأنت طيب ..
محبتي ..
Post: #54 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-15-2005, 11:29 AM Parent: #24
Quote: ترقص .... شمعتي الضواااااية ...
ترقص ... وفي رقيصها حكاية ..
من فصلين لأحلى رواية ...
فيها من النهاية بداية ...
رقااااااصة
يا عبدالباقي الأغنية دي ياخي بحبها شديد .. الكابلي بيبدع فيها .. وأرتاح لما أسمعها .. شكراً جميلاً يا صديقي ..
وكل سنة وأنت طيب ..
Post: #27 Title: Re: الى معتصم دفع الله في ذكرى يوم ميلاده Author: ghariba Date: 08-15-2005, 06:13 AM Parent: #1
مبروك وكل عام وانتم بخير
الف مبروك
وعقبال مائة شمعة
Post: #59 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 04:43 AM Parent: #27
الحبيب صلاح غريبة
وأنت بألف خير .. شكراً جميلاًً ..
ودي ..
Post: #28 Title: Re: الى معتصم دفع الله في ذكرى يوم ميلاده Author: nashaat elemam Date: 08-15-2005, 06:21 AM Parent: #1
العزيز معتصم كل سنه وانت طيبك فائح وللاعزاء ولي وتمبس خالص الدعوات بعمر مديد
Post: #29 Title: Re: الى معتصم دفع الله في ذكرى يوم ميلاده Author: نادية عثمان Date: 08-15-2005, 06:58 AM Parent: #28
رانيا تسلمى ياحبيبة على منتهى الحب ومنتهى الوفاء
اما انت يامعتصم فالمفروض الواحد لايقول ليك كل سنة وانت طيب ولاحاجة!!
عارف ليه؟!!
لانك امبارح دى كنت معاى وماقلت لى على حكاية عيد ميلادك دى يامان!!
ايمكن نسيت!!
على كل حال الف الف مبروك سنة حلوة من عمرك المديدياغالى
والتورتة وينها ؟!!
Post: #61 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 05:04 AM Parent: #29
Quote: اما انت يامعتصم فالمفروض الواحد لايقول ليك كل سنة وانت طيب ولاحاجة!!
شكراً جميلاً .. وربنا يحقق كل أمانيك .. ويديك الصحة والعافية ..
حبي وتقديري ..
Post: #60 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 04:56 AM Parent: #28
العزيز نشأت الإمام
تسلم يا حبيب .. ربنا يجعل كل أيامك أفراح .. ويديك الصحة والعافية ..
محبتي ..
Post: #72 Title: Re: الى معتصم دفع الله في ذكرى يوم ميلاده Author: tmbis Date: 08-16-2005, 10:25 AM Parent: #28
الصديق نشات .. . الف شكر لمرورك وعباراتك الحلوة.. ربنا يديم الود يا صديقي
Post: #30 Title: Re: الى معتصم دفع الله في ذكرى يوم ميلاده Author: ShiningStar Date: 08-15-2005, 06:58 AM Parent: #1
كل سنة و انت طيب... و انشاءالله امانيك دايما محققه...
لك الورود...
شكرا رانيا....
Post: #62 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 05:13 AM Parent: #30
العزيزة شايننق ستار
وكل أمانيك إن شاء الله .. تشكري يا غالية على الإهداء الأنيق .. وربنا ما يحرمنا منكم ..
محبتي وسلامي ..
Post: #31 Title: Re: الى معتصم دفع الله في ذكرى يوم ميلاده Author: abdalla BABIKER Date: 08-15-2005, 07:04 AM Parent: #1
الاخ معتصم
الاخت رانيا
Quote: كل عام وانت الحب) لا أظن أن هذه التهنئة تحتاج لتعقيب
عبدالله
Post: #33 Title: Re: الى معتصم دفع الله في ذكرى يوم ميلاده Author: banadieha Date: 08-15-2005, 07:34 AM Parent: #31
صدر البوست شمعة نورها قلوب نابضة تخرج من حروف الكلمات معان صادقة تدخل القلب بسلام..ومعتصم دفع الله وضريبه تمبس يتقاسمان الملامح الصوتية عبر الهاتف وخاصة تلك الضحكة المتسمة بأريحية تغمرك لطفا ومودة إذا تحدثت مع أحدهما..سنة حلوة يامعتصم دفع الله..تجر وراها خمسين سنة أحلى.
Post: #65 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 07:10 AM Parent: #33
أستاذنا الحبيب بناديها
دوماً حروفك تعطرنا بأريجها .. وكلماتك بلسم شافي في هذ1ا الزمن الموحش .. سعيد بك يا صديقي .. وكل سنة وأنت أجمل ..
لك عاطر الثناء . وكل الحب ..
Post: #73 Title: Re: الى معتصم دفع الله في ذكرى يوم ميلاده Author: tmbis Date: 08-16-2005, 10:31 AM Parent: #33
استاذنا بناديهــا ومازلنا في انتظار شوفتك .. البخلان بيها علينا
Post: #64 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 07:04 AM Parent: #31
العزيز عبدالله بابكر
وإنت طيب وبألف خير إن شاء الله ..
شكراً جميلاً ..
Post: #32 Title: Re: الى معتصم دفع الله في ذكرى يوم ميلاده Author: Badri Date: 08-15-2005, 07:28 AM Parent: #1
حلاااااااااااتو ياناس كبر سنة...
بجيك راجع
Post: #34 Title: Re: الى معتصم دفع الله في ذكرى يوم ميلاده Author: fasil dousa Date: 08-15-2005, 08:21 AM Parent: #32
العزيز معتصم عقبال ال مائة شمعة والف مبروك وخلينا نبارك ليك في المناحي التانية برضو, عشان الخال ودقاسم يسكت
تمبس غيران ولا شنو يامان طيب نعمل ليك حفله
Post: #66 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 07:15 AM Parent: #34
العريس فيصل دوسة
أولاً تهانينا القلبية .. وإن شاء الله بالرفاء والبنين .. وكل سنة وأنت بألف خير يا صديقي .. إفتقدناك كثيراً ..
محبتي وتقديري ..
Post: #75 Title: Re: الى معتصم دفع الله في ذكرى يوم ميلاده Author: tmbis Date: 08-16-2005, 10:55 AM Parent: #34
دوسه العريس .. حمد الله الف على السلامة يا فيصل .. والف مبروك ليك وبيت مال وعيال ..
Quote: تمبس غيران ولا شنو يامان طيب نعمل ليك حفله
والله يا فيصل غيران من ناحية تانيةغايتو انت اسرع بي حفلتك دي الزول الاسمو معتصم ده بقي ما عليهو اعتماد ،، الظاهر يل الغربة هدت حيلو خلاص وبقي يعمل خيانات
ادينا تلفون وحدد موقعك وين وكان بقيت قريب شوية ( يانا الخشينا في ( الجلابية والعمة ) ودرعنا ( القرجة ) في الايد الشمال وجيننا ناقزين عليك ناس مطايبة ساااكت )
Post: #36 Title: Re: الى معتصم دفع الله في ذكرى يوم ميلاده Author: حمد فتح الرحمن Date: 08-15-2005, 08:30 AM Parent: #32
معتصم دفع الله
الف مبروك السنه الجديده
و عقبال ما تتحقق كل امانيك .
ليك التحية يا غالي
و ايضا لتمبس كل عام و انت بخير
Post: #67 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 07:20 AM Parent: #36
العزيز حمد فتح الرحمن
وعقبال كل أمانيك يا رب .. شكراً لإتصالك يا ذوق .. ربنا يديم المحبة بيننا ..
لك عاطر التحايا والثناء ..
محبتي ..
Post: #76 Title: Re: الى معتصم دفع الله في ذكرى يوم ميلاده Author: tmbis Date: 08-16-2005, 11:23 AM Parent: #36
العزيز حمد فتح الرحمن الف شكر ياصديق وانت بكل خير وعافية يارب ..ًِ
Post: #35 Title: Re: الى معتصم دفع الله في ذكرى يوم ميلاده Author: سارة حمزة Date: 08-15-2005, 08:29 AM Parent: #1
كل عام وانت بخير
وعقبال الشمعة المائة
Post: #38 Title: Re: الى معتصم دفع الله في ذكرى يوم ميلاده Author: اساسي Date: 08-15-2005, 08:43 AM Parent: #35
لا حولاااا اقعدوا انتو سكوا لي اعياد الميلاد وامور الشهادات العربية دي لحدي ما تصدوا القدركم ولده يضقل بالكورة في دار الرياضة وانتو تملسوا لي فيها اسع قايلين دا بحلكم من العرس يا عذابة تمبس داك بقي غير المشاكل ما عنده شغلة الواحد الا يهديهو ساطور بعد كدا وانت يا معتصم داير ليك شاكوش حساااااس تنقرش بيهو في التلج الدقاق غايتو ربنا يعوضنا مبروك حبة ليكم مع اني ما مقتنع والله للان بالموضوع دا وشايفه عيب في حق الخناشير
Post: #44 Title: Re: الى معتصم دفع الله في ذكرى يوم ميلاده Author: Abdulla Ageed Date: 08-15-2005, 09:43 AM Parent: #38
يا معتصم
كل عام وأنت بخير
وصلاتي علي النبي.
Post: #77 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 11:32 AM Parent: #44
عزيزنا عبدالله عقيد
وأنت بألف خير يا صديقي .. ربنا يديك الصحة والعافية .. ويحقق ليك كل أمنياتك ..
محبتي ..
Post: #70 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 07:32 AM Parent: #38
وأنا أقول تمبس النقطة (.) دي خاتيها لي منو ؟.. والله يا تأمبا كجورك دا العالم دي ما بمشي فيها إلا تشوف ليها حتة تانية .. ديل الكجور زاتو ياخ ..
أساسي مرات ياخي اليوم دا بيمر عليّ وأنا زاتو ما بعرف بعمل في شنو .. ولا بتذكره من أساسه .. في هذا الزمن التوهان المكهرب بالأحزان .. لكن الواحد ما بينسى إنو في ناس أحباب موجودين معاهو .. عائشين بحسهم وبوجودهم معنا .. دا المصبرنا وزادنا في هذا الزمن .. وبعدين الموضوع ما حنكشة والله .. عشان مخك ما يمشي شمال أنا عارفو مركب وين ؟..
شكراً يا جميل .. بعدين التورتة الكبيرة دي رسله ما تبقى تورتة سايبيرية ووهمة منكً ..
محبتي .. بجيك تاني ..
Post: #69 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 07:23 AM Parent: #35
العزيزة سارة حمزة
وأنتِ بألف خير يا غالية .. ربنا يحقق كل أمنياتك ..
ودي وتقديري ..
Post: #37 Title: Re: الى معتصم دفع الله في ذكرى يوم ميلاده Author: Agab Date: 08-15-2005, 08:39 AM Parent: #1
كل عام وانتم بخير
معتصم وتمبس حتي الميلاد ســــــوا
لكم ودي وليدالعجب
Post: #78 Title: Re: الى معتصم دفع الله في ذكرى يوم ميلاده Author: tmbis Date: 08-16-2005, 11:41 AM Parent: #37
يا عجب .. والله القصة فعلا محيرة.. تعرف عندي صديق درب ودجيرانــا فاصلة بيناتنا حيطة بس انا تقاسمنا كل اللحظات مع بعض وللصدفة العجيبة من اولى ابتدائي لحدي ثالثة متوسطة ما بتفرق بيناتنا لا الكراسي لا تفاصيلنا المشتركة نتائجنـا الدراسية مع بعض فرق بسيط يا اما متفوق عليهو بدرجة يا اماا متفوق عليي بدرجتين تعرف حتى طريقة الخط في الكتابة واحدة المزاج واحد .. بس بفرق بيناتنا اني انا ( سنيرو ) انا اربعطاشر وهو سطاشر تمنية.. اها المسالة هنا متكررة مع معتصم في حاجات كتيرة القصة دي الظاهر لي ليها علاقة بي شهر تمنية شكرا ياعجب
Post: #84 Title: Re: الى معتصم دفع الله في ذكرى يوم ميلاده Author: Agab Date: 08-16-2005, 05:54 PM Parent: #78
إنت عارف يا تمبس شكلها عندي علاقة بالموردة
عندي فردتي موت من الهاشماب وقرينا سوا من الأميرية لغاية ما أتخرجنا من جامعة الخرطوم هندسة ونفس القسم ميكانيكا وجينا أمريكا لنفس الجامعة وحضرنا الماستر سوا وإتخرجنا سوا ولمن جا وقت الشغل قلناh كفايـــــــــة حرام المضحك في الموضوع إنو أنا أشتغلت في شركة وهو إشتغل في الشركة المنافسة لينا فضربت ليهو وقلت ليهو يعني إنت يا معانا يا مع الخيانة
سكاو لو شرقتا فده من نقتي تحية من كولمبــــــــــــــس
Post: #96 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-17-2005, 10:37 AM Parent: #37
Quote: معتصم وتمبس حتي الميلاد ســــــوا
شفت يا ولي .. دا من محاسن الصدف .. لكن برضو طلعت أصغر من تمبس بي يوم .. يعني ممكن أستحمل النهير والدفير بتاعت اليومين ديل منو عادي .. وأقطعه في حناني مالو ما أكبر مني بي يوم ..
شكراُ الصديق وليد العجب .. وكل عام وأنت أجمل ..
محبتي ..
Post: #101 Title: Re: الى معتصم دفع الله في ذكرى يوم ميلاده Author: Agab Date: 08-17-2005, 12:12 PM Parent: #96
تشكر يا معتصم يا راقي وأبعد من تمبس الأيام دي أصلو قايم عليهو جـــــــــن الحبـــــــــــــــش
ويا تمبس قول لي الما بيقومو شنو
Post: #39 Title: Re: الى معتصم دفع الله في ذكرى يوم ميلاده Author: Badri Date: 08-15-2005, 08:43 AM Parent: #1
Post: #40 Title: Re: الى معتصم دفع الله في ذكرى يوم ميلاده Author: tmbis Date: 08-15-2005, 09:05 AM Parent: #39
السلام عليكم.. وكل سنة وانتو طيبين كلكم.. في الحقيقة انا جيت الصباح وختيت لي ( نقطة ) وطلعت.. والنقطة دي علمني ليها صاحبي ( الكجوري ) قال لي لما تكون قاصد ليك زول وعايز تعطلو اول حاجة خت ليهو نقطة واقعد انتظر .. للاسف الظاهر لي الواحد إلا يجدد الكجور بتاعتو شان الشغلانة تظبط معاهو..
اساسي .. انا النقطة دي قاصدك بيها عديل كده شان اكجرك ما تجي خاشي البوست ده تتجدع فيهو وتحاول تنفسو اصلو انت من زمان عندك عقدة مع اولاد العز ..
شكرا يا رانية على صلة الرحم دي
انــا تقريبا لي الله امبارح القريبة دي مافي زول هببو لي غير معتصم واختي الصغيرة من السودان وزولة صاحبتنا من السودان . زولة صاحبة بس لامشروع ولاحــاجة الله يخليهم ناس الـ Webshot عبروني بي كرت. واهو يا معتصم الواحد بيقسمو معاك النص بالنص وتحت تحت كدا الليلة ( الفولة ) علي العبد لله
Post: #41 Title: Re: الى معتصم دفع الله في ذكرى يوم ميلاده Author: اساسي Date: 08-15-2005, 09:28 AM Parent: #40
اسع عليكم الله انتو الجوز كدي اقعدوا في الـــواطة دي واتخيلوا معاي انت يا تمبس اتخيل الفرد بتاعين الضهب والمجازفات في الموردة عرفوا انك بقيت تعمل عيد ميلاد ويرسلوا ليك ورود وزهور وحاجات زي دي ...!! وانت يا معتصم اتخيل معاي ناس شباب ناصر ومحطة عشرة ديلك عرفوا الكلام دا بخلوك تدقها معاهم تاني ؟..!!
بالله لو الجماعة ديل عرفوا البيحصل هنا دا موقفكم حيكون كيف عليكم الله ..؟
عيد ميلاد ..!!
وانت يا ابو نقطة .. القدرك ينجلد بالبطان وسوط العنج في الحفلات لمن الله يغفر ليهو وتقول لي عيد ميلاد
والله الواحد ما لقي ليهو اغنية غير دي ينزلها ليكم عسي ولعل تفوقوا وتتموا تلاتة ارباع دينكم بدل اعياد الميلاد والحنك الما سنين دا
Post: #43 Title: Re: الى معتصم دفع الله في ذكرى يوم ميلاده Author: محمد حامد جمعه Date: 08-15-2005, 09:34 AM Parent: #41
وانا مولود 28 / اكتوبر ....
بس كدى جلونى اليوم داك .... عشان تعرفو حاجة يوم 29 ....
كل سنة وانت طيب يا معتصم ورانيا ... شكرا ...
جزاك الله خير
Post: #83 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 05:28 PM Parent: #43
Quote: وانا مولود 28 / اكتوبر ....
يا كومندان وقتها حا ننزل ليك أكتوبريات والملحمة بس .. والشغل كلو حا يكون مارشات .. عشان الشهر الجميل دا وذكرى الإنتفاضة .. وبعدين صاحبك حا يكون مشغول لأنو بيكون حائم في نهار رمضان داك وفي قلب الخرتوم .. أها يا أخوي خوفاً من الزعل .. كل سنة وإنت طيب مقدماً .. وكان الله أدى العافية بجي أفطر معاك فطور رمضان أها قصرت معاك ..
شكراً جميلاً الحبيب محمد حامد .. ربنا يديك الصحة والعافية ..
Post: #136 Title: Re: الى معتصم دفع الله في ذكرى يوم ميلاده Author: Imad Bushra Mohamed Date: 08-22-2005, 06:45 AM Parent: #83
عيد ميلاد سعيد يا معتصم ..
وعقبال الشمعة المية
ما كلمتني .. نجيب التورتة .. عشان شتات ومحمد الشيخ يسهرو فوقه يوم الخميس
كمان عيد ميلاد سعيد يا أليشا كيز.. اقصد يا تمبس
Post: #140 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-23-2005, 05:16 PM Parent: #136
الحبيب عماد بشرى ..
كل سنة وأنت طيب يا صديقي .. ربنا يحقق كل أمانيك ..
شكراً جميلاً عارفك ما بتقصر والله .. سوف ننتظر آخر الأسبوع ..
محبتي ..
Post: #146 Title: Re: الى معتصم دفع الله في ذكرى يوم ميلاده Author: Habib_bldo Date: 09-08-2005, 05:45 AM Parent: #83
ود دفع الله نبارك ليك أنت أم لرانيا؟؟؟؟؟؟؟؟؟؟؟؟؟؟؟ ألف مبروك وإنشاء الله مليون شمعة
Post: #148 Title: Re: الى معتصم دفع الله في ذكرى يوم ميلاده Author: معتصم دفع الله Date: 09-08-2005, 08:57 AM Parent: #146
الإثنين يا حبيب بلدو ..
كل سنة وأنت بألف خير وصحة يا رب ..
أرقد عافية ..
Post: #79 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 11:43 AM Parent: #41
يا أساسي عليك الله الواحد ما يتحنكش ليهو يومين .. عالم أصلو ما بتريح ..
إنت لسه فاكر الأيام ديك يا أساسي .. والضهب في محطة 10 والفولة الكاربة ديك .. والله أنا عارفهم ما بخلوني عشان كده لابد بيها ..
بعدين صاحبك دقة قديمة .. زي الحاجات الحلوة دي بتكسرني شديد .. والله كان ما خجلة إلا أقوم " أنقز ليكم " في البوست دا وأعرض وأتباطن كمان .. بس السوط ما بديك ليهو إنت عشان أنا عارفك فقري وغتيت ..
أرقد عافية يا صاحبي ..
Post: #45 Title: Re: الى معتصم دفع الله في ذكرى يوم ميلاده Author: عادل فضل المولى Date: 08-15-2005, 09:46 AM Parent: #40
كل سنة وانت طيب .. والبنوتة بت بابكر ما خلت حاجة نقولها
والهدية دي من محمود (انظر يمينك) وتحية برضو لي تامبا
Post: #87 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 06:42 PM Parent: #45
العزيز عادل فضل المولى
كل سنة وأنت طيب .. والجميل محمود بألف خير .. ربنا يخليه ويحفظه .. شكراً يا حبيب على الهدية ..
Quote: طبعا اتصل علي معتصم قبل شوية وبيقول أنو لقى اغنية التــاج مكي المطلوبة وغالبا خلال اليوم ده بتلقاها معلقة هنا في البوست ده ،، بس عندو تمرين كورة وبيرجع وبي كده يكون باقي لينا محمد حسنين وده بالكتير يوم الجمعة السبت بيكون معاك..
شفت طلبك لقيناهو وتمبس حا يقوم باللازم .. تعرف قبل كم يوم فتشنا أنا وتمبس كل الشرائط الموجودة عندي ما لقينا الشريط دا .. أها جيت تاني يوم وبي رواقة فتشت تاني ألقى ليك الشريط كأنه منتظرني .. شفت زي الحاجات دي أصلو ما بتروح مننا .. نحن ناس دقة قديمة وبنحب الغناء المعتق ..
شكراً جميلاً يا حبيب ..
Post: #48 Title: Re: الى معتصم دفع الله في ذكرى يوم ميلاده Author: عادل فضل المولى Date: 08-15-2005, 09:57 AM Parent: #40
يا تمبس دا كان يوم التاج مكي = عقبال تطفئ الشمعة = أجمل هدية لمعتصم وأحلى (بلة) شوق لكل الحبايب وعليه عليك بالبحث عن الاغنية وبالتوفيق يا هميم
Post: #81 Title: Re: الى معتصم دفع الله في ذكرى يوم ميلاده Author: tmbis Date: 08-16-2005, 11:59 AM Parent: #48
العزيز عـــادل شكرا جزيلا للاهــداء وتحياتي للبطل اليمين الشاشة .. . طبعا اتصل علي معتصم قبل شوية وبيقول أنو لقى اغنية التــاج مكي المطلوبة وغالبا خلال اليوم ده بتلقاها معلقة هنا في البوست ده ،، بس عندو تمرين كورة وبيرجع وبي كده يكون باقي لينا محمد حسنين وده بالكتير يوم الجمعة السبت بيكون معاك..
Post: #93 Title: Re: الى معتصم دفع الله في ذكرى يوم ميلاده Author: saifkeli Date: 08-17-2005, 04:43 AM Parent: #81
الحبيب معتصم كل سنة وإنت طيب .. وعقبال 100 شمعة مودتي
Post: #97 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-17-2005, 10:54 AM Parent: #93
الحبيب سيف كلي
وينك يا صديقي ؟.. الشوق بحر والله .. كل سنة وأنت طيب وبالف خير ..
محبتي وتقديري ..
Post: #94 Title: Re: الى معتصم دفع الله في ذكرى يوم ميلاده Author: عادل فضل المولى Date: 08-17-2005, 04:58 AM Parent: #81
يا تامبا يا معتصم يا جوز حلاوة قلتو لي الاغنية لقيتوها هاهاهاهاهاهاهاهاهاهاها I CAN،T BELEIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIve ... يا تامبا لكن شديدة والله يعني برضوا زي الاغنية ... وعندي طلب في شكل سؤال يعني ممكن اقولو قلت ممكن..؟ طيب.. أنت الحاجات الحلوة دي بتفتشها ولىّ بتجي براها ؟؟؟؟؟ تسلم ياجميل ومحمد حسنين (جيبو حيً) لو أمكن
Post: #105 Title: Re: الى معتصم دفع الله في ذكرى يوم ميلاده Author: tmbis Date: 08-17-2005, 04:12 PM Parent: #94
يا عادل فضل المولي والله انا جيت ومعتصم ده عندو كورة قمت اخدت راحتي على الآخر وقلبت الاشرطة وهكرت الجهاز علشان اطلع ليك الاغنية دي .. والصباح رباح
Post: #95 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-17-2005, 10:18 AM Parent: #48
والتحية أيضاً لهذا الجميل " محمود " .. ربنا يحفظه ويرعاه ..
Post: #118 Title: Re: الى معتصم دفع الله في ذكرى يوم ميلاده Author: عادل فضل المولى Date: 08-18-2005, 07:14 AM Parent: #95
معتصم تامبا وعدتما انجزتما وفيتما كفيتما ---- لن اقول شكراً تكفيكما الفرحة التي اجتاحت دواخل كل الزوار والعابرين بهذا البوست لأن الريد كلو مخلوق عشانكما ويا التاج مكي طبت وطاب لك المقام أين ما حللت -- والله يا تامبا أظن كدا بيني وبين الاغنية دي 20 سنة وهاأنذا اقطع الشك باليقين ان الحي بيلاقي كل المحبة مني ومن محمود ومحمد المقتدى خلاص ما قادر اتكلم ..,,, ,,,؟ .. .
Post: #85 Title: Re: الى معتصم دفع الله في ذكرى يوم ميلاده Author: altahir_2 Date: 08-16-2005, 06:03 PM Parent: #40
كل عام وانت بخير يا معتصم
Post: #98 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-17-2005, 11:03 AM Parent: #85
وأنت بالف خير أستاذنا ضياء ..
لك مليون شمعة حب ..
تقديري وإحترامي ..
Post: #71 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-16-2005, 10:00 AM Parent: #39
بدري يا صديقي .. أنا أحتفل بكم .. وبحضورك في دواخلي يكون الفرح .. سأنتظركم دوماً عند منتصف القلب .. لنجتر بعض ذكريات .. ونحلمِ بما هو قادم ..
شكراً جميلاً صديقي ..
Post: #50 Title: Re: الى معتصم دفع الله في ذكرى يوم ميلاده Author: Abdulla Ageed Date: 08-15-2005, 10:06 AM Parent: #1
يا تمبس
عيد ميلاد سعيد وكل عام وأنت بخير
وبعدين برضو ياخي شوف لي معاك أغنية (يا ستنا) للعطبراوي، إضافة لطلب الأخ عادل الذي يصادف رغبتي أيضا. ولكما التحية.
Post: #51 Title: Re: الى معتصم دفع الله في ذكرى يوم ميلاده Author: نهال كرار Date: 08-15-2005, 10:16 AM Parent: #1
معتـــصم كل سنـــــــة وأنـــت طيب
وعقبــــ1000ــــال سنه
وشكرا لرانيا
Post: #57 Title: Re: الى معتصم دفع الله في ذكرى يوم ميلاده Author: waleedi399 Date: 08-15-2005, 11:48 AM Parent: #51
وكت بقى فيها تلــج
انا كمـان يـوم 21/6
السـنة دي مشـى ساكت
بس ما مشكلة السنة الجاية
21/6 سـنة كم دي الحاجة والوحيدة الما عارفها
Post: #58 Title: Re: الى معتصم دفع الله في ذكرى يوم ميلاده Author: محمد عبدالرحمن Date: 08-15-2005, 03:26 PM Parent: #57
الاعزاء
معتصم ....عبير ...تمبس ..
كل عام وانتم اكثر اشراق وعطاء والق ... وعقبال مائة شمعه ...
خالص محبتى ...
Post: #63 Title: Re: الى معتصم دفع الله في ذكرى يوم ميلاده Author: إسماعيل حميم Date: 08-16-2005, 06:08 AM Parent: #58
معتصـم يا جميــل
كل سـنه وإنت أجمــل
وعقبـال 75 شـمعة
تعـرف ليه
عشـان ما تتبهـدل بالخـرف
إسماعيل حميم
Post: #68 Title: Re: الى معتصم دفع الله في ذكرى يوم ميلاده Author: filan Date: 08-16-2005, 07:20 AM Parent: #63
مرحبا كل سنة وأنت بألف خير يا معتصم ممكن نهنيء تمبس هنا برضو ؟ كل عام وأنت جميل يا تمبس و ما بننسي بإذن الله يا وليد لو ما جات الأرشفة والبلشفة.
Post: #74 Title: كل سنة وانت اكثر بهاء Author: osama elkhawad Date: 08-16-2005, 10:51 AM Parent: #68
عزيزي معتصم دفع الله كل سنة وانت طيب واكثر جمالا وابداعا معليش لم اواصل في بوستك: Re: المشاء أولا .. ويمكنك ان تواصل معنا ونحن نتحدث تحت سقف الوردة, فهو مرتبط بما دار , ما يدور من نقاش مسخن هنا تحت هذا السقف الاسفيري
مرة تانية ارقد عافية,
وكل سنة وانت اكثر بهاء
المشاء
Post: #108 Title: Re: كل سنة وانت اكثر بهاء Author: معتصم دفع الله Date: 08-17-2005, 05:37 PM Parent: #74
أستاذنا أسامة الخواض المشاء ..
لك التجلة والمحبة .. وكل سنة وأنت بألف خير وعافية .. شكراً لك هذا الحضور الأنيق ..
محبتي وتقديري ..
Post: #107 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-17-2005, 05:25 PM Parent: #68
العزيز فلان
وإنت طيب يا جميل .. أنا وتمبس واحد يا صديقي .. هنئ والبيت بيتك ..
محبتي وتقديري ..
Post: #106 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-17-2005, 05:21 PM Parent: #63
صديقي الجميل إسماعيل حميم .. وإنت طيب وبألف خير ..
عليك الله خرف أكتر من كده .. دا ما ياهو الخرف المبكر زاتو .. يديك ألف عافية ..
محبتي وإحترامي ..
Post: #100 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-17-2005, 11:22 AM Parent: #58
الحبيب محمد عبدالرحمن
ألف حمداً لله على السلامة .. منور المنبر بعودتك .. شكراً لك هذا الحضور الأنيق .. وكل سنة وأنت بألف خير ..
محبتي وتقديري ..
Post: #99 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-17-2005, 11:15 AM Parent: #51
الغالية نهال كرار
كل سنة وأنت طيبة .. كل سنة وأنت أجمل ..
لك محبتي وتقديري ..
تخريمة سغنتوتة .. الألـ1000ــف سنة ديل باقيلك تمبس بخليهم لي .. والله دا يشاكل فيهم عديل كده ..
دمتي صديقة ..
Post: #80 Title: Re: الى معتصم دفع الله في ذكرى يوم ميلاده Author: نادر Date: 08-16-2005, 11:56 AM Parent: #1
عقبال مليون شمعة مع الأحباب وربنا يديم أيامك كلها أفراح تعجز الكلمات أن تعبر لك عن مشاعري تجاه كل ما يحدث هذا كل سنة وأنت بألف ألف خير
أنا غايتو يا لؤي عارف خرفي .. لكن خايف على صاحبي الكاشف دا ..
شكراً جميلاً على هذا الحضور الأنيق .. وكل سنة وأنت بألف خير ..
ودي ..
Post: #111 Title: Re: "هو الزول بكبر كيف يحتفلو بيهو"????????-قرنق Author: معتصم دفع الله Date: 08-18-2005, 04:17 AM Parent: #82
Quote: هو الزول بكبر كيف يحتفلو بيهو????
Quote: ربيكا نياندينق عن قرنق حين ذكرته بآخر عيد ميلاده
أستاذنا أسامة الخواض تحياتي .. من هنا يجب أن يكون إحتفالنا .. لأنو بتكبر معانا أشياء جميلة .. ومراجعة أشياء مضت مع ما ضاع من سنين للعمر ..
ودي ومحبتي ..
Post: #109 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-17-2005, 05:47 PM Parent: #80
صديقي الجميل نادر العريس ..
ربنا يديم عليك الأفراح .. ويجعل أيامك كلها سعادة وهناء .. وكل سنة وأنت أجمل ..
دم صديقي ..
Post: #89 Title: Re: الى معتصم دفع الله في ذكرى يوم ميلاده Author: أبوذر بابكر Date: 08-16-2005, 11:41 PM Parent: #1
عيد ميلاد ؟
تعرف يا معتصم الشئ الوحيد المحيرنى، إنه الناس بدل ما تزعل لمن يفوت يوم من عمرهم، يقومو يفرحو ويحتفلو ياخ كل يوم يتخارج معناهو خسارة
خسارة فادحة كمان
المهم أنا ما حاحتفل بيوم الميلاد ده إلا فى السنة رقم تمانين (80) فى اليوم داك حاكون مبسوط جدا إنى فعلا اتولدته
هسه انا ما عارفك مستعجل ليه يا دوب ياخ انت تميت خمسة واربعين وباقى ليك خمسة وتلاتين
المهم يا زول ما دام فى إحتفال وبهجة خلينا نفرح
بس الفرح الكبير بيك أنا مؤجله ليك لمن نمشى السودان
وعندك فرصه لحدى بعد عيد رمضان باسبوعين بس
إنشاء الله كل يوم وإنت اسعد وأجمل ومليان بالفرح لحدى ما تدفق
والبدفق من الفرح، خلى يشيلوهو عصابة القناع الأسود فلان وفلان وفلان
وتحية مسقيه بعطر ورود الدنيا كلها للعزيزة رانيا
ولكل الأعزاء هنا
Post: #113 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-18-2005, 04:52 AM Parent: #89
يا مطر أخوي .. الواحد ما بيحتفل إنو إنقضى عام من عمره ؟.. الواحد بيحتفل بالناس الحلوين الحوليه .. وبكل جميل أهدونا ليه .. حقيقي الواحد محتاج لهذا اليوم ليقيف مع نفسه .. ومراجعة ومحاسبة كل ما مرّ من أيام عمره ..
تمنين دي يا مان تكون خرفت وأنا عارف خرفك كعب .. بس بجي بنكت ليك الحاجات الحلوة المريت بيها وأذكرك ليها ..
دائماً ما كنت أشاغل ليك قريبنا .. أقول ليهو ياخي الكبر حصل .. يقوم يقول ليك كبر شنو ياخ .. نحن لسه شباب .. يدق صدره بيديه الإثنين .. عليك الله هسي الواحد يغني يا ضنين الوعد دي .. ويقولوا عليه كبر ..
أما باقي عصابة القناع والرباطية ديل .. أشوف فيهم يوم .. أنا هسي قائد فصيل وعامل تمرد عليهم .. وسوف نوافيك بكل البيانات والفرمانات أول بأول ..
كل سنة وأنت أجمل يا قريبي .. بس كنا عايزنك تتحفنا بي قصيدة كاربة كده .. مش الحكاية إحتفال .. يديك ألف عافية .. ويحقق ليك كل أمنياتك يا رب ..
محبتي وتقديري ..
Post: #90 Title: الى معتصم دفع الله فى ذكرى عيد ميلاده Author: Ahmed Daoud Date: 08-17-2005, 00:26 AM Parent: #1
العزيز معتصم كل سنة وأنت طيب نحن هنا عندنا تلج كتير لو قعدنا نكسر فيهو ما حنخلص
تسعدنى صداقتك ايها الجميل
لك خالص الود
أحمد داود NZ
Post: #115 Title: Re: الى معتصم دفع الله فى ذكرى عيد ميلاده Author: معتصم دفع الله Date: 08-18-2005, 05:22 AM Parent: #90
الحبيب أحمد داؤد
شكراً يا جميل .. كل سنة وأنت طيب وبألف خير .. غايتو وصية مني ليك التلج دا وفره اليومين ديل .. بقى غالي خلاس يمكن نجي نشتري منك .. بعد دا إنت أتمنى فيهو الدايرو ..
محبتي وتقديري ..
دم صديقي ..
Post: #91 Title: Re: الى معتصم دفع الله في ذكرى يوم ميلاده Author: Tabaldina Date: 08-17-2005, 02:33 AM Parent: #1
.. . سلام يا شــباب الربة ،،،
كل عام وانتم جميعاً بخير .. واخر بهجة وفرح .. مع الحلووين والحلوات 14/15 اغسطس انا ما عارف دا عيد ميلاد ولا تاريخ جلسة ..
وشن لما الموردة على ناصــر .. غايتو بقيتو تسوا البدع .. والله يا ابو الدفاع .. اخوك غلطان وبعتذر اليومين دى انا بشوف اتجاه واحد بس.. ومن احداث الجنوبين فى الخرطوم بشوف طشاش طشاش ..
كل عام وانت الحب .. وكل 100 سنة وانت بين احفاد احفادك .. تامبا .. انت برضو معاهو بامنيات حلوة وكل سنة وانت جميل ..
تحياتي ،،، اساسي .... ( !) هاك كوستاوي دا ..
Post: #92 Title: Re: الى معتصم دفع الله في ذكرى يوم ميلاده Author: إسماعيل وراق Date: 08-17-2005, 03:16 AM Parent: #91
ود دفع الله لك الود كل عام وأنت بألف خير أعوام مديدة وأيام سعيدة.،،
تخريمة: قول لي تمبس أمسك في كلام أساسي دا قوي...
Post: #102 Title: Re: الى معتصم دفع الله في ذكرى يوم ميلاده Author: waleedi399 Date: 08-17-2005, 12:17 PM Parent: #92
شباب تلـج اونلاين ..
تحذير حكومي "رسمي وشعبي"
اي زول جاء كسر تلج يا موووو
ويا تامبا ويا اساسي ويا رانيا
ويا كلكم عيد ميلادي الثاني في المنبر يوم 20/8/2005م
يعني يوم السبت اول الاسبوع وكدي واحد فيكم ما يجي يكسر تلج
قيامتكم ما قامت، وحرب الكيبوردات ما جاك بلاء .. وتلجكم ما سـااااااح
Post: #103 Title: Re: الى معتصم دفع الله في ذكرى يوم ميلاده Author: mohamed elshiekh Date: 08-17-2005, 01:40 PM Parent: #102
الاخت رانيا ازيك وكتر خير
معتصم دا انا كايس ليهو لى زمن الحمد لله انتى الان وريتينى دربو. ودا شنو دا بالله يا معتصم هو انت عندك عيد ميلاد والله اول مرة اعرف الحقيقه دى .. والله انا قايلك ساى كده بس من غير ميلاد ولا اى شئ بس بورد وتانى مافى اى حاجه ... والله كويس اهو رانيا كتر خيرها عرفت ليك يوم ميلاد الله يديها العافيه ويخليها للبورد وناس البورد.
عموما يا اخى كل سنه وانت طيب
قال البورد قال يا جماعه دقو لى بتاع الحافله دا خلى يمشى من المحطه دى شويه ما يقوم بكرة نتفاجأ بى اولاد تمبس جاين من السودان .
معتصم تلاجتنا بايظه اليومين ديل عليك الله لو عندك باقى تلج عليك الله رسلو لينا مع وليد او شتات ..لانو الحر والجفاف كتلنا.....
بحر من الود الصافى ليك ولى رانيا وكل المتداخلين ...
ابو القدح
Post: #121 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-19-2005, 04:53 PM Parent: #103
تخيل يا أبوالقدح بتاع الحافلة طنش وفوت المحطة .. أها أنا عامل زي بتاع الحافلة دا .. مفوت حاجات كتيرة متجاهله أو متناسيها ما فارقة .. وبحاول ما أتذكرها عارف ليه ؟.. لأنها بتقلب علىّ مواجع كتيرة .. وأخوك قلبه رهيف ما بستحمل ..
أها وعشان الفلسة وكدا أخوك فتح ليهو تلاجة .. والبيع بالمزاج يعني تجي إنت وباقي العصابة .. أقول ليكم يا جماعة أقيفو في الصف حتى ولو مافي زبائن زاتو .. الموضوع ما حقارة .. لكن مرات الواحد بتضرب ليهو في رأسه .. يقوم يعمل الحاجة دي .. تقدر تقول غتاتة في سن متأخرة ..
أها نرجع لي قصة التلج أقصد عيد الميلاد .. ياخي الواحد بيحتفل بي وجوده بينكم .. وبكل هذا الحب والمودة البينا .. ربنا يديمها علينا .. ويجمعنا دوماً على هذا الحب ..
الشكر لك وللغالية رانيا ولكل من حضر هنا مهنيئاً ..
محبتي بلا حدود .. وسأحاول أن أزيح غطايئ ولو إلى حين .. بعدها سأعود إلى قدحي وأزاول إنزوائي ..
Post: #120 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-19-2005, 04:29 PM Parent: #92
الحبيب إسماعيل وراق أبومحمد .. تحياتي .. كل سنة وأنت طيب .. ومحمد بألف خير .. شكراً جميلاً يا صديقي ..
تمبس اليومين ديل الضرس قائم عليهو .. متاورو بلحيل هسي نحن عاملين ليهو وردية .. كل كم ساعة حارسو زول ..
محبتي ..
Post: #119 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-19-2005, 04:18 PM Parent: #91
Quote: 14/15 اغسطس انا ما عارف دا عيد ميلاد ولا تاريخ جلسة ..
دا زي أرقام قرارات الأمم المتحدة ..
كيفك يا تنقا .. والله الشوق من هنا لي كردفان .. والعروس ورمالها .. كل سنة وإنت أجمل .. وعقبال ما نفرح بيك إنت كمان ..
محبتي ..
Post: #104 Title: Re: الى معتصم دفع الله في ذكرى يوم ميلاده Author: ahmed haneen Date: 08-17-2005, 02:31 PM Parent: #1
اخونا الشفيف عصومة
انا شفت البوست دا وقلتا في سري معتصم دا بلعب ولا شنو
في السنة الواحدة عندو عيد ميلادين ولا عيدين ميلاد
وعلي العموم برضو نعمل اتنين تهنئة
ونقول مبروكين
ونكسر التلج عشان خاطر زهرة المنتدي
تحياتي
Post: #122 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-19-2005, 05:21 PM Parent: #104
المقاتل الشفيف أحمد حنين .. أنا عارفك كابي الزوغة .. لكن قلت في سري ما مشكلة .. الزول دا بجيبو الدرب .. واللواري بتقيف .. والسواق يقيف في ياتو محطة ما مهم ..
بعدين يا شفيف الأيام كلها أعياد .. بالحب والمودة بين الناس .. بالكلمة الطيبة المارقة من جوة القلب ..
تلجك دا ساح زمان يا مان .. مشكلتك ما كنت حافظه كويس .. أشتري ليك مبردات جديد .. ولا أقول ليك كلم وليد399 عنده السر ..
كل سنة وأنت طيب يا أبومهند .. ربنا يحقق كل أمنياتك .. ويجعل أيامك كلها أعياد وأفراح ..
محبتي ومودتي ..
Post: #110 Title: Re: الى معتصم دفع الله في ذكرى يوم ميلاده Author: Sana Khalid Date: 08-17-2005, 06:05 PM Parent: #1
الأعزاء..معتصم و تمبس..
كل عام و أنتما بألف خير..
العزيزة رانيا..
كل عام و أنت بهذا الجمال...
Post: #114 Title: Re: الى معتصم دفع الله في ذكرى يوم ميلاده Author: bint_alahfad Date: 08-18-2005, 04:57 AM Parent: #110
الاخ الكريم معتصم
عيد ميلاد سعيد وعقبال الالف شمعه, عزرا للتأخر فى التهنيئه, جعل الله كل ايامك سعاده وفرحه وهناء
وشكرا للحبيبه رانيه لهذه التهنيئه الجميله
وفى امان الله
لا اله الا الله
Post: #116 Title: Re: الى معتصم دفع الله في ذكرى يوم ميلاده Author: Sidig Rahama Elnour Date: 08-18-2005, 05:28 AM Parent: #114
Post: #128 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-20-2005, 04:15 AM Parent: #116
صديقي الجميل صديق رحمة
وإنت طيب يا صديقي .. اليومين ديل عندك زول أمانة .. بالله وصلها لينا سالمة .. حاول أتلفت يمين شمال يمكن تلقاهو قدامك .. تلقيت منه تليفون قبل يومين .. يا ريت لو تجي إنت معاهو كمان للرياض ..
محبتي ..
Post: #124 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-19-2005, 05:46 PM Parent: #114
الأخت الكريمة بنت الأحفاد ..
ربنا يجعل كل أيامك سعادة وفرحة وهناء .. كل سنة وأنتِ أجمل .. شكراً لك هذا الحضور الأنيق ..
محبتي .. وفي أمان الله ..
Post: #123 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-19-2005, 05:34 PM Parent: #110
العزيزة سناء خالد
وأنت بألف خير وعافية .. شكراً لك هذا الحضور الأنيق .. وربنا يهنيك ويجعل أيامك كلها أفراحاً ..
ودي ومحبتي ..
Post: #117 Title: Re: الى معتصم دفع الله في ذكرى يوم ميلاده Author: Khaalaleyaal Date: 08-18-2005, 05:37 AM Parent: #1
عيد ميلاد سعيد وكل عام وأنت بخير
Post: #125 Title: Re: الى معتصم دفع الله في ذكرى يوم ميلاده Author: الصادق خليفة Date: 08-20-2005, 03:01 AM Parent: #117
معقولة
مشاركتي بتهنئية عيد ميلادك دي انا متأكد نزلتها هنا في البوست دي مشت وين يا ربي .
عموما كل سنه و انت طيب وعقبال الشمعة المائة .
Post: #126 Title: Re: الى معتصم دفع الله في ذكرى يوم ميلاده Author: Gafar Bashir Date: 08-20-2005, 04:02 AM Parent: #125
ذكري يوم ميلاده.
مافاضل الا تكتبوا ميلاده المجيد. أصلو القديس بطرس.
هسي عليك الله مروا فينا كم وكم عيد ميلاد.
تزعلوا الزول من صباح الرحمن.
Post: #127 Title: Re: الى معتصم دفع الله في ذكرى يوم ميلاده Author: Osman M Salih Date: 08-20-2005, 04:09 AM Parent: #126
للشقيق معتصم كل الأماني الطيبة
و للشقيقة رانيا خالص الشكر
Post: #132 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-21-2005, 04:15 AM Parent: #127
الشقيق الأديب عثمان محمد صالح
لك التجلة والتقدير .. وكل سنة وأنت بألف خير .. ربنا يحقق كل أمنياتك ..
محبتي ..
Post: #131 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-21-2005, 04:07 AM Parent: #126
Quote: هسي عليك الله مروا فينا كم وكم عيد ميلاد.
تزعلوا الزول من صباح الرحمن.
جدو جعفر
هسي دا بيكون من ملاح التقلية بتاع يوم الجمعة .. بعدين كان تلاجتكم عطلانة أستلف ليك تلج من الجيران ياخي ..
كل سنة وأنت أجمل يا صديقي ..
Post: #130 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-20-2005, 04:32 AM Parent: #125
الحبيبي الصادق خليفة أبومحمد
كل سنة وإنت طيب ومحمد بالف خير .. أنت موجود فينا وجوانا .. حاضراً دوماً في الدواخل .. يديك ألف عافية ..
تسلم يا حبيب ..
Post: #129 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-20-2005, 04:24 AM Parent: #117
العزيز خال العيال
مفتقدنك هذه الأيام .. كل سنة وإنت طيب .. ربنا يحقق كل أمنياتك ..
محبتي ..
Post: #137 Title: Re: الى معتصم دفع الله في ذكرى يوم ميلاده Author: مريم بنت الحسين Date: 08-22-2005, 07:18 AM Parent: #1
ياخوانا معتصم دفع الله عيدميلاده ومافي زول يقول؟؟
غايته دي تحت الحساب، لما تجينا للمُلاح داك تكون طالبني كيكة بي الشوكولاته...
كل سنة وانت طيب، جعله الله ميلاداً جديداً.. وبداية سعيده لعام مليء بالنجاح والسعادة والفرح...
مريم بنت الحسين (نادر يجي يتصرف براه... )
Post: #138 Title: Re: الى معتصم دفع الله في ذكرى يوم ميلاده Author: waleedi399 Date: 08-22-2005, 12:51 PM Parent: #137
Post: #141 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-24-2005, 04:29 AM Parent: #137
الغالية مريم بنت الحسين .. ربنا يخليك دائماً حاضرة في الدواخل .. شكراً للتورتة لكن عايزنها لايف .. ومعاها ملاح أم رقيقة كارب .. بعدين نادر سبقك زمان وجاء إحتفل معانا هنا دا .. ودي مداخلته ..
Quote: عقبال مليون شمعة مع الأحباب وربنا يديم أيامك كلها أفراح تعجز الكلمات أن تعبر لك عن مشاعري تجاه كل ما يحدث هذا كل سنة وأنت بألف ألف خير
كل سنة وأنتِ أجمل ..
محبتي بلا حدود ..
Post: #139 Title: Re: الى معتصم دفع الله في ذكرى يوم ميلاده Author: عبد الباقي الجيلي Date: 08-23-2005, 01:50 AM Parent: #1
يا معتصم ...
هو نجاتي لسه ما نفخش البلالين؟
لوووووول ...
لولين عليَّا ...
Post: #142 Title: Re: الى معتصم دفع الله في ذكرى يوم ميلاده Author: معتصم دفع الله Date: 08-28-2005, 02:48 PM Parent: #139
لولين يا عبدالباقي ..
واحدة ليك .. والتانية برضو ليك ..
دا كلو من نجاتي عشان ما نفخش البلالين ..
Post: #143 Title: Re: الى معتصم دفع الله في ذكرى يوم ميلاده Author: Abdulla Ageed Date: 08-29-2005, 07:44 AM Parent: #1
سلامات يا معتصم
ياخي في إشاعة إنو صديق الموج عايز يعمل عيد ميلاد..
الكلام دا صحي؟؟
Post: #144 Title: Re: الى معتصم دفع الله في ذكرى يوم ميلاده Author: معتصم دفع الله Date: 09-08-2005, 00:16 AM Parent: #143
Quote: ياخي في إشاعة إنو صديق الموج عايز يعمل عيد ميلاد..
وتحت تحت يا عبدالله .. سمعت إنو ضابحين شعيرية في عيد ميلاده ..
Post: #145 Title: Re: الى معتصم دفع الله في ذكرى يوم ميلاده Author: MUNA OBIED Date: 09-08-2005, 04:12 AM Parent: #144
معتصم
كل سنة وانت طيب ومبسوط من يوم 14 الفات ولي 100 سنة لقدام الود والتحايا لرانيا
Post: #147 Title: Re: الى معتصم دفع الله في ذكرى يوم ميلاده Author: معتصم دفع الله Date: 09-08-2005, 08:30 AM Parent: #145
الغالية منى عبيد
وأنتِ طيبة وبألف خير يا رب .. دوماً حاضرة في الدواخل .. شكراً لك ولكلماتك اليانعات ..
محبتي بلا حدود ..
تخريمة ..
Quote: من يوم 14 الفات ولي 100 سنة لقدام
الوكت داك أخوك يكون دخلو الخرف .. أقوم أتغاتت عليكم جنس غتاتة .. أخت عصاتي جمبي وأقع فيكم خبيط .. بس واحد فيكم يجي حائم بي هناك مافي ..
Post: #149 Title: Re: الى معتصم دفع الله في ذكرى يوم ميلاده Author: Agab Date: 09-08-2005, 01:53 PM Parent: #1
وليد ٣٩٩ كتب
Quote: وكت بقى فيها تلــج انا كمـان يـوم 21/6 السـنة دي مشـى ساكت بس ما مشكلة السنة الجاية
وليدالعجب كتب وكت بقى فيها تلــج انا كمـان يـوم 6/6 السـنة دي مشـى ساكت بس ما مشكلة السنة الجاية لو ربنا حيانا
ومن حسع السنة الجاية شهر ٦ لو فطيطونا حنقوم عليكم وليد ووليد دي علي وزن داحس والغبراء
رقدتو عافية
Post: #150 Title: Re: الى معتصم دفع الله في ذكرى يوم ميلاده Author: MUNA OBIED Date: 09-08-2005, 02:25 PM Parent: #149
