ضرسي الســبب ليّ أزايــا ..

الأسنان عضو مهم في فم الإنسان ..
وتظهر وجه جميل لصاحبها ولها أوصاف عديدة ..
وكثيراً ما تتعرض لأمراض التسوس مما يودي لخلعها وتحديداً الأضراس ..
هناك ضرس العقل وكلنا يعرفه ونعرف صعوبة نموءه والمشاكل التي تواجهه ..
ولكن ما لا نعرفه هو ضرس المنبر ودي حالة جديدة تم إكتشافها ..
بمساعدة الأخ وليد شريف المتخصص في مثل هذه الحالات ..
ومن أعراضه الهلوسة والكلام الخارم بارم ومرات تقوم تعمل ليك مشكلة ما تكون عارف أصلها شنو ..
وفي حالات تانية بتكون هادئ ومزاجك رايق توزع في الإبتسامات يمين وشمال ..
ودي بيكون فيها كسير تلج كتير وقد نضطر لفتح مصانع ليها ..
ومرات نضطر نستلف من تلاجة الجيران عشان الحاجة دي ..
وهنا أستدعي الخبير بضرس المنبر السيد وليد شريف بالإدلاء في هذا الصدد ..

رمضان كريم ..
وكل سنة والجميع بخير ..
مع أضراس خالية من هذه الأمراض المستعصي علاجها ..



التعديل إقتضته بعض الأخطأ المطبعية ..

حتى انت يابروتس ؟!!!!!

يا ندوية أنا مالي ..
مظلوم والله سعادتك ..
إنتِ ما سمعتي الفنان بغني ..

ضرسي السبب لي أزايا ..
وقلعه فيه مليون لواية ..
وفي المنبر العام شفايا ..

مع الإعتزار للراحل أحمد المصطفى ..
والشاعر أبو العلاء ..

العزيز معتصم

حكاية الاضراس القايمة عليك شنو اليوم ديل ههههه
قبل فترة شايفك شايل حال تمبس بسبب ضرسه المواتر (دي كلمة من الجراب)
اسع شايف تمبس مرقا في السلطنة اوع يكون عشان يقلع ضرسو عند قرض
عندنا واحد صاحبنا كان خاطب ليهو زمن واحد صاحبنا تاني باقي ليهو في
رقبتو كل يوم يسأله العرس متين و العريس كل مرة يطلع بعزور
مره سأله و منتظر رد قام قال ليهو و الله ضرسي مكرهني حياتي
صاحبنا الظريف قال ليهو يا ضرس شنو اصلو هو عرس ولا ايسكريم

الله يكفينا شر ضرس المنبر،، يا ربي يكون ضرس العقل
لكن دا يقلعوهوا من بكري ولا شنو هههههههه

الحبيب نصار

تحياتي وكل سنة وأنت طيب ..

Quote: قبل فترة شايفك شايل حال تمبس بسبب ضرسه المواتر (دي كلمة من الجراب) اسع شايف تمبس مرقا في السلطنة اوع يكون عشان يقلع ضرسو عند قرض

وفي رواية أخرى لتغيير طقم جديد من الأضراس يواكب المرحلة ..
بكرة نبقى في حرب الأضراس والحرب الباردة المثلجة ..

بعدين حكاية الضرس دي طويلة زي الأساطير بكرة تطلع ليها الروايات والأحاجي ..
بكري زاتو يبقى في الطريقة التحله من الأضراس دي ..

أرقد عافية ..
وربنا يكفيك شر مرض الأضراس ..
ومن تبعها من وسواس ..

معتصم دفع الله

Quote: وفي حالات تانية بتكون هادئ ومزاجك رايق توزع في الإبتسامات يمين وشمال .. ودي بيكون فيها كسير تلج كتير وقد نضطر لفتح مصانع ليها ..

بس انته ورينى مكان كسير التلج ونعمل ليه عياداه عديل للاضراس
تحياتى

الحبيب ودفع الله...
رمضان كريم يا اخوي وصياما مقبولا باذن الله

الحبيب شمهروش

وأنت طيب وبالف خير ..
رمضان كريم ربنا يتقبل منك صالح الأعمال والدعاء ..
مفتقدنك كثير والله ما تطول الغيبة ..

خليك قريب يا صديق ..

الجميل بلدي يا حبوب

رمضان كريم ..
ربنا يتقبل منك الصيام والقيام ..

مسألة العيادة دي ينظر فيها ..
بعدين هناك لجنة لحصر الحالات تحول حسب رؤية الزول المعالج ..
والمصانع نفسها لازم تقدم طلب مشفوع يراجع ليبت في أمره ..
الحكاية يمكن تصل لغاية حقوق الأضراس أقصد حقوق الإنسان الضروسها موجعاها ..


أرقد عافية يا صديق ..

يا............
علاجك عندي .... شيل الصبر

أرقد عااااااااااافية

خالص التحايا
شقيقى معتصم

Quote: ضرسي الســبب ليّ أزايــا ..

انت حكاية الضروس القايمه على السودانين دى شنو؟؟
(ناس الرياض- وناس الخرطوم وبى جاى ناس الصين.. وشايف العمليه حتوسع اوى)
اتخيل انا نهاية الاسبوع ده ماشى اشوف حكاية ضروسى دى
وايضا زميلنا هنا برضو. .

قيل بعافية وسلامة ضرسك

شقيقي الحبيب ..

كيفك والشوق مساحات كبيرة ..

الضروس زاتا أنواع ..
حسب الحالة البتكون معاك ..
وكل واحدة من الحالات دي عندها معالج ودواء خاص ..
أها وبي تحت تحت عرفت إنو المسألة دي إنتشرت شديد حتى وصلت الخرطوم ..
الله يكفينا شر وجع الضروس وفلسة القروش ..

تحياتي ومحبتي يا شقيقي ..

تخريمة ..
نحن موووش متواعدين نتلاقي في السودان ؟؟..

يا أبوحميد ..

الأمراض المزمنة الزي دي علاجها صعب ..
ولو إتعالج الضرس بتبقى الهلوسة قاااااعدة ..
وبمتابعة مع خبراء ضرس المنبر علمنا منهم هذا الشئ ..
ودا ما بمنع سعينا الدؤوب لحل هذا الإشكال وعلاجه ..

بس لو جاتك زي الأعراض الذكرتها دي أتصل عليّ طوالي ..
عشان ندخلك الحجز المركزي ونعمل ليك جناح خاص وبرضو سعر خاص ..

أرقد عافية ..

يا معتصم... أسمعني


ألرجاء إتباع ألأرشادات ألآتية :

1- الدخول ل Sudaneseonline مره واحدة إسبوعيا......
2- تعطيل ال MSN نهائياال حين إشعار آخر .....
3- إلغاء ال E,mail address القديم وإستبداله بآخر سري ....
4- النوم مباشرة بعد صلاة التراويح ......
5- عند دخولك Sudaneseonline يجب قراءة بوستات ابراهيم بقال ONLY
6- دي صعبة و ما بقدر أكتبها... لزوم الرقابة وكده .....

جالبني في وادي الضريسا


السنة الفاتت الود داك
( تمبس )
ضرررررررس

السنه دي انت

يعني في احتمال تعرسوا ورا بعض ؟؟؟


نتساااااااااءل



اها بدري ما جاب لينا اي حاجة من الرياض

عسي المانع خير

مشتاقين ونشوفكم او نسمع صوتكم

ولكل الاحباب بالرياض ... سلامات وما اعتقد الحكم الافريقي شتات عندو دخل بضرسك دا

سلامتك يا تص


صداح

وأنا أقول الحاصل لي ضرسك دا من شنو يا صداع ؟ ..
بالله بطل الجقلبة ..
تمبس داك خاتي ليهو القدره ..
وإتعلم ليهو زواعة اليومين ديل ..
هسي مرق في السلطنة وبكرة ما عارف تلقاهو وين ..

وكان لي الحكم لاراش داك سره باتع عنده ضرس لا بتعالج لا بداوى ..
عشان كده هسي بنفتش ليهم في العلاج إذا ما كان آخر العلاج الكي ..
الناس ديل متحسسين خالس والضرس الفي الكبر بجيب المشاكل ..

تسلم يا حبيب ..
خليك قريب ..

دم صديقي ..

شايف يا معتصم يا قريبي
دواك سااااهل
و كمان الكمدة بالرمدة .. الضرس يهمد همدة
لكن إنتو الشباب الوجهاء ديل ما عاوزينو ، كيف الشـورة ؟

عشان كدا
امس مسجل غياب من الدجى نت
جيتك على الساعة 9
وانت تراك مضروس
وانا ليك اكوس
وراكب المجروس
ياحلليل ايام الدوس
كنت عامل فيها راس

معتصم كفارة
مع عاجل الشفاء

أبوقوتة كيفك ..
وين إنت ياخ ..
توعدنا وتكب الزوغة ..

عيادة مريض الضرس دي ليها طقوس ..
وحاجات كتيرة ..
أولاً تجيب معاك كم بوست كده ..
تقوم تبحر لينا فيهو وتشكل زي ما عايز ..
البوستات زاتا تختار بعناية فائقة ..
ومعاها كم جردل بارد كده ولوحين تلج ..
لزوج النعنشة والونسة الدقاقة ..

خليك قريب يا حبيب ..

الطيب بشير إبن عمي

رمضان كريم ..
والله بيني وبينك خلينا نموت بيهو كده ..
أصلو الضرس دا كان إتلقى ليهو علاج حا نركب الشارع ..
والناس سوقه يقيف ..
كده بنكون إتسببنا في مضار جسيمة بسبب هذا الضرس اللعين ..
العلاج ما بناباهو لكن خائفين من اللوم ..

أرقد عافية ..
دم بخير ..

الحبيب معتصـم



انت لو (بتتعالـج)

أنا بوصّــف ليك

العـلاج

يا أبوحميد ياخي الحاجة دي بتحصل في أرقى البوردات ..
يعني ضرس يفوت ولا حد يمــــوت ..
بعدين الأضراس مواقف زي ما للرجال ..

المشكلة إنو أنا ما براااااااي ..
لكن عليك الله ألحقنا بالحاجة دي ..

دم بخير ..

الفلجة الفي سنونك

المعروف ان الشعيرية بتأكل بدون ضرووووووووس


الليله جاهز ولا حتكون كبري لناس نجوم الجزيرة

الاخ معتصم شكرا لطلب الاستشارة
حسب خبرتي الضرسية في هذا المجال هناك انواع عديدة من الضروس
ضرس يمسح الذاكرة ومن علاماته اللخبطة في اسماء الاشخاص
ضرس يسبب جنون البقر ومن علامته الهيجان في النقاش
ضرس يجمع بين الاثنين ومن علاماته ...... تمبس
ولنا عودة



وليد شريف

والله يا ولي ضرس جنون البقر دي جديدة بالغت فيها ..

اها ونحن في إنتظار المزيد من الإستشارات ..
وعلى أهبة الإستعداد لدك حصون الأضراس المنبرية ..
وقفل كل الطرق المؤدية لخلخلتها وزعزتها ..

منتظرنك ..

يا أستاذنا الشعيرية دي أمرها هين ..
لكن المشكلة في الهلوسة المبكرة دي ومعاها الهضربة ..
دي يعالجوها كيف ؟..
لا زال البحث جاري لأيجاد حل لعلاج مرض ضرس المنبر المزمن ..


والله ناس نجوم الجزيرة عملوها والحكاية بقت شارع مدني الخرطوم ..
مروراً بالقلقالة الحزينة ..

أرقد عافية ..

الرائع معتصم

ورينا مشاكل ضرس العقل

بالله

تحياتي لك ورمضان كريم

وليه ما شفتك معاي ولا هنا ولا هناك !!؟

كلمناهم من ما كانوا صغار
من زمن الجهل ..
يا اولاد
ما تأكلوا حلاوة
ياولاد .. الماسينجر ما تكتروا فيهو بيعمل ليكم ( ارضي )
..
.
الضرس وجعو حار
وقلعو حار
وكان خليتوهو ( ينتح ) بيعمل حراق الروووح..

.
.
يا معتصم..
ما زماااااااان قلنا ليكم ضرس العقل
اقلعوهو
اقلعوهو
وريحو نفسكم
لكن كلام ( الطويل ) ما بتسمع


اسمع
اجيب ليك ( بنج ) والا تفطر خفيف

Quote: ضرسي الســبب ليّ أزايــا ..

قام ليك وين دا!!؟

معتصم

نحو عالم خال من الأضراس ( و خاصة ضروس العقل ) ..

تمبس

Quote: ما تأكلوا حلاوة ياولاد .. الماسينجر ما تكتروا فيهو بيعمل ليكم ( ارضي ) ..

بالله الماسنجر فيهو حلاوة و نحن ما جايبين خبر ؟ كان كدة النقع الماسنجر بعد دة ..
بس يا تمبس فيهو كل الأنواع ولا النوع البيعمل أرضي بس ؟

Quote: بالله الماسنجر فيهو حلاوة و نحن ما جايبين خبر ؟ كان كدة النقع الماسنجر بعد دة .. بس يا تمبس فيهو كل الأنواع ولا النوع البيعمل أرضي بس ؟

..
يا ريس كان ما لقيت النوع البتفتش عليهو
ولقيت النوع البيعمل ارضي زي ناس حميدا وكدا .. blieeek من طرف..
ممكن تستعين بي معتصم بيديك الخلطة بتاعت التبليييك
ومعاها حشوة لي وجع الضرس
بس اوعه يا ريس يقول ليك بعد رمضان
ما بينفع
هو وجع الارضي ده لذتو في رمضان


تقول لي ( توم) يا ريس
عايز تضيعني

سـلامة اسـنانك وضـروسـك يا معتصـم..يعـني دلوقـتي ما هاتاكـل من البسـبوسـة والكنافـة العملتها دي?

مـني

الله يسلمك يا منى ..

حا آكلها طالما هي من صنع يديك ..

ربنا يخليك ويحفظك ..

محبتي بلا حدود ..

يا ريس والله وصيتك حلوة لكن البقنع الديك شنو ..
بعدين أرضي أرضي ..
إن شاء الله يبقى 220 فولت ..

وعملاً بكل الأحكام وقانون رعاية الأضراس والآلام الموجعة ..
ح ننفذ وصيتك دي ..

أرقد عافية ..

يا هالك أسأل صاحبك ..


عالم تجيب وجع الضروس ..

المشكلة يا عمك ما في الضرس ..
المشكلة في النتحي دا ..
هسي نحن من ما إتفرقنا اليوم صاحبك قائم عليهو ..
لمن أنا زاتي حسيت بي ألمه دا ..
بعدين دي عايزه ليها فكي كارب كده ..
والله سبحتك دي لا بتنفع معاهو ولا حاجة ..
كل يوم نقول يتعالج واحد فيكم يقوم على التاني ..
شكلكم كده معيونين ..
لكن ليك عليّ أول ما أنزل هناك أمشي ليكم لي فكي كارب كده ..
وأجيب ليكم عروق تعالج ليكم ضروسكم دي ..

وبيني وبينك كده أحسن لي أفطر خفيف ..
أنا زاتي ما بقدر على الملاواة دي وكشف الحال ..

الرائعة هوازن ..
كيفك ورمضان ..
تقبل الله منك الصيام والقيام ..

دي حاجة عن مرض ضرس العقل ..

Quote: ضرس العقل عادة تصادفه صعوبات كثيرة أثناء الظهور في الفك الصغير نسبياً وإن المريض يعاني من آلام شديدة في عملية نمو ضرس العقل ولأنه (الضرس) يواجه استحالة ميكانيكية لا تمكنه من الظهور في الوضع الطبيعي في ذلك الفك الصغير، ولذلك فإنه يظل مدفوناً في عظام الفك مسبباً آلام شديدة، وإنه قد يسبب التهاباً في الجزء الرخو من نسيج اللثة الذى يغطيه وقد يضغط على الضرس المجاور ويسبب تآكلاً شديداً أو تسوساً فيه بل إنه قد يؤدى إلى كشف عصب ذلك الضرس المجاور نفسه. وضرس العقل أيضاً إذا كان مدفوناً في عظام الفك السفلى قد يضغط على عصب الفك الراقد أسفله ويسبب آلاماً مبرحة تجعل المريض يصرخ صراخاً مستمراً من شدة تلك الآلام التى يسببها ذلك الضرس المدفون. ولا يمكن التخلص من هذا الضرس إلا بالعمل الجراحي الذي يقوم به طبيب الأسنان.

( منقول )
أما ضرس المنبر فقد قام سعادة المشتشار وليد شريف بتوضيحه ..

فعلاً اليومين ديل مختفي شوية ..
مزحوم على الآخر ربنا يقدرنا ونجيكم ..

محبتي ..

آخر اخبار ضرس تمبس
امبارح كنا مع ود الباوقة علي الفطور وبعد الفطور مباشرة استلقي تمبس في نومة عميقة جداً وبعدها صار تمبس يهذئ .... لا يامعتصم ضرسي لا لا لا اوعة تقول .
عندها اندهش الجميع ومصرين علي معرفة سر الضرس يا معتصم
اللهم اكشف غمة ضرس تمبس ....قولوا آمين


وليد شريف

الغالي ود دفع الله

والله ليك وحشة,رمضان كريم وكل السنة وانت طيب

الضرس لو ما عايز تحشيه ,اعمله طلبات واللا اقول ليك احسن تفتو

***المسيكتابي***

سلام لجميع المتداخلين. دخلت البوست و توقعت هناك مشكله طبيه يمكن حلهالكن يبدو انه مشكلتكم دي الطب ما حيلقي ليها حل لذلك شوفو ليكم بصير ولا وداعيه ولا فكي حتي.
علي العموم خدماتنا متوفره لكم بالرياض حتي اول يوم العيد وبعدها لا تلومون الا انفسكم.
لكم خالص الموده
اخوكم د. ياسر عبدالقادر
أخصائي علاج جذور أسنان
بورداب بروكسل..بلجيكا

العزيز معتصم
التحيات الطيبات
شنو يا عزيزي انا شائف الايام دي الام الضرس كترت
اناخائف القصة دي تعم القري والحضر

العزيز / ابوالدفاع

كفارة وسلامات ياخي من ضرس المنبر ده
انت عارف وانا بقراً في البوست ده ضرس قام ينتح ما عارف ليه ؟؟
المهم ترقد عافية بس ياعزيزنا وبعدينا يامان الاختراع بتاع
الحشي شايفه ما عندو مؤيدين واخوك تخصص حشاوي وكبد وكل شئ لووووول

مع ودي لك يارائع

كرماوي

اصلي لمن ادور اجيك بجيك لا بتعجزني المسافة لا الظروف تمسك بايدي

صديقي الجميل كرماوي ..

كويس إنك خارج المنظومة دي ..
وإلا هسي كنت توح وتزح ..
الله لا وراك مرض ضرس المنبر دا ..
بعدين دا لا بنفع معاهو حشو ولا غيره ..
دا يا تقلعه يا تموت بيهو ..

أرقد عافية ..

إنتظرناك في لقاء الخميس والشوق ..

اصلي لمن ادور اجيك بجيك لا بتعجزني المسافة لا الظروف تمسك بايدي

ما هي عمت وإنتهت يا حسام ..
هسي اليومين ديل الناس كلها تتكلم عن ضرس المنبر ..
زي إعصار كترينا مدمر وفتاك ..
وبي تحت تحت كده هناك حملة منظمة لإبادة جماعية لحاملي فيروس المنبر ..
ربنا يكفينا شرهم ويبعدهم مننا ..

شكراً ليك يا صديقي ..
دم بخير ..

كيفك دكتور ياسر ..

زي الحالات دي عايزه ليها بصير زي ما قلت ..
وفي البصير يكون زول بتاع حنك ونقة كتيرة ..
عشان مريض الضرس دا مرات بتكلم بره رأسه وهو نائم ..
يعني يهضرب بالليل بي حاجات كده ما مفهمومة إلا لي ناس الإختصاص ..

شكراً على المرور ..
وربنا يديك الصحة والعافية ..

الحبيب سيف الدين ..
رمضان كريم وكل سنة وأنت بألف خير ..
وينك ياخ إفتقدناك كثيراً ..
ما يكون عندك وجع ضرس المنبر كمان ..

بيني وبينك الفتة سمحة ..
خصوصاً لما يكون معاك مجموعة من العصابة زي ديل ..

أرقد عافية ..

شنو يا معتصم حاكو حاكو ولا شنو
الواحد ما يعمل ليهو بوست عن الأضراس تاني ولا شنو

صنفرة :

أمش لي بوستي بتاع الأسنان داك حا تلقى ليك كم وصفة كدة للعلاج وتخفيف الالم !!

معليش يا ناذر ضايقناك في أكل عيشك ..
وصفاتك عجب لكن في جنس الحالات المستعصية دي محتاجة إستشارات زيادة ..

صنفرة ..
إنت صنفرتك دي حقت أسنان ولا لي حاجة تانية ؟..
أصلي مغروض فيها حبتين ..

يمكن ألقى الزي ضرسي فيكم ..

تحياتي واشواقي وكل عام وانت بخير.....سلمنا الله واياك من الضرس المنبري

ويسلمك انت كمان يا تولوس من وجع الضرس المنبري ..



أها بالأمس الضرس تاور صاحبنا مره أخرى ..
وهذه المره شديد الالم لدرجة يصعب عليه تحمله ..
ومعاهو شهقة كمان ..
ونحن بصدد دراسة الموضوع وتحويله لأكبر هيئة تخصصية في هذا المجال ..


اللهم أشفنا من وجع الضرس المنبري ..
وابعد عننا بلاويه ..