معتصم دفع الله ،،، الرياض نوّرت يا جميل ...

مساء الخميس وأنا أستعد للخروج لقضاء أمسية مع فرقة المسرح السوداني بالرياض ، فاجأني صوت معتصم دفع الله على الإنترفون ،،، موش ممكن ، معتصم !
أيوة يا خال ، معتصم ، عندك شك ؟
تعال يا معتصم .. تعال ... اتفضّل ..
وعندما فتحت الباب فوجئت به وبابن عمه صلاح شتات ...
أفرغت شحنة الشوق باحتضان معتصم مرتين ،،،
ودخلنا في نهارين ، فرحتنا باللقاء ، وفرحتنا بالأنس الجميل ...
خضنا في أمور عديدة ، حب ، زواج ، أهل ، بورداب الخرطوم ، بورداب القاهرة ، وحديث طويل عن أشواقنا لمعتصم وفقد الرياض لمعتصم طيلة خمسة أشهر ...
جلست مع معتصم وصلاج حتى العاشرة ، وكانا على موعد مع محمد الشيخ ، وكنت على موعد مع فرقة المسرح السودانية ...
وافترقنا على الفرح ، وأمل اللقاء قريبا ... وسأحتفل بعودة معتصم ...

حمدالله الف دشليون وواحد على سلامتك يامعتصم...

كدة يادوووووب ممكن نقول احتمال الجماعة يصحصحو شوييييييية...

Quote: وكانا على موعد مع محمد الشيخ

والله الخيانة عندكم لكن...

Quote: وسأحتفل بعودة معتصم ...

برااااااااااااااااااااك ياخال؟؟؟



ست البنيــــــــــــــات

ميادة ست البنيات ..

الشوق كميات ..
كيفك يا رائعة ..

شكراً على حفاوة الترحاب ..

يا معتصم دفع الله,



حمدا لله على السلامـة يا رجل,

زمن طويل والله لازم نعمل ليك جلسـة (محاسبة) عملت شنو في الإجازة دي؟

ياخي دي إجازة (تحسـد) عليها,


إيه النعمـة دي؟

لو كل الزمن ما عملت فيهو (حاجـة) ترجع بأول رحلة على الخرطوم.


لازم احتفال يا شباب,


شكرا شقيقي ودقاسـم على الترحاب واللفتـة البارعـة.


المخلص

أحمـد الشايقي

كيفك يا شايقي ..

تحيات كتااااار ..

Quote: زمن طويل والله لازم نعمل ليك جلسـة (محاسبة) عملت شنو في الإجازة دي؟

مظلوم يا بيه ..
هو أنا عملت شنو ؟

Quote: ياخي دي إجازة (تحسـد) عليها

أنا زاتي حاسد نفسي عليها ..
غايتو جنس حسادة ..

Quote: لو كل الزمن ما عملت فيهو (حاجـة) ترجع بأول رحلة على الخرطوم.

أنا غايتو عايز أرجع بالباخرة لووووووووول ..

شكراً يا شقيقي ..
والله الواحد بالجد عايز يشوفكم وعايز لمتكم ..

تسلم كتير ..

الله يفرحك يا خال

ويسر بالك

هذا الصباح لون مختلف
وفرح مختلف
وطعم مختلف

الرياض نورت يا معتصم .. حمد الله علي السلامة يا جاي من السفر

مبروك الخطوبة

وربنا يتم علي خير

جميل أن يكون الصديق الصدوق معتصم بيننا..
.
.
ألف حمداً على سلامة العودة.
.
.

بعد الغياب..




عوداً حميداً..

كيفك يا فييييل ..

إنت لسه دربك أحمر ..
ما تفكو يااااااخ ..

كيفك والأولاد ..

الحبيب وراق ..

كيفك يا حبة ..
وحبة دي من المحبة ..
الشوق كميات ..

أنا متواجد في المنتدى بكثرة ..
منتظر جيتكم ولمتكم ..
ما تقول لي مشغووووول ..

في الإنتظار ..

كيفك يا مكاتل يا شفيف ..

الرياض منورة بوجودك ..
طبعاً الشوق كميات والكلام كتير ..
دي عايز ليها قعدة طويلة ..

أرقد عافية ..

حمداً لله على السلامة
نورت يا معتصم

شكراً يا خال على الخبر الجميل

معتصم منتظرك على (الإنتركوم ) بتعاى

بوجودك يا ولي ..

الشوق كميات ..

Quote: معتصم منتظرك على (الإنتركوم ) بتعاى

ودا خاتيهو في رأس البيت ..

أرقد عافية ..

أهلا بمعتصم ، وأهلا بكل الذين رحبوا به ،،،
وأكيد عودة معتصم حدث يهم الجميع ، وسيجني الأحبة بالرياض ثمار هذه العودة قريبا ...

عودا حميدا يا رئيس العصابة

و مبروك الخطوبة
و عقبال الإمبراطور و الكاردينال و تمبس و بقية العقد الفريد

أستاذنا الجميل أبوجهينة ..

كيفك يا رائع ..
سلامات وتحيات كتاااار ..

يديك العافية ويخليك ..

معتصم دفع الله

حبابك قدر إبتساماتك الحلوة ، وحلو حديثك ......

حبابك قدر معشرك الأنيق .......

وحبابك تاني قدر عشرتك الأنيقة .....


أفتح جوالك خلينا نسلم عليك !!!!!!!!!

الزول الجميل عمران ..
كيفك يا صديقي ..
حبابك إنت كميات بقدر الخوة البينا ومعشكرك النبيل ..
حبابك قدر مساحات الشوق الممتدة ..

خليك في الجوار ..
والحديث كتير عايز ليهو قعدة طويلة ..

أرقد عافية ..

الخال الجميل/

ود قاسم...

الف حمداً على سلامة معتصم ، ومبروك ليكم رجعتوا...

ياخال... معتصم جميل فى كل شى ، صوته ، عينيه ، مودته، حسن مباشرته
استماعهِ ، جلوسه ونظره بهدوا ، جلس معنا عدة اشهر ، صادقنا فيها
شعرنا باننا نعرفه من سنوات عديدة ، تسامرنا معه ، وذهبنا معه فى الطريق
كان دائماً جميل جميل .

معتصم دفع الله نحن بانتظارك دوماً .

والتحية ايضاً لصلاح شتات الجميل الذى لم يسعفنا الزمن سوى
بجلسةٍ واحده معه.

ولكم جميعاً أن تفرحوا بقدومه لكم.

يا سفيان قطعت نفسي بي كلامك الحلو دا ..
ياخي والله إنت الذوق والروعة ..
غمرتوني بي كرمكم الفياض وخوتكم الصادقة ..
كنتم نعم الصحبة في إجازتي ..
لم أشعر بأنني غريب بينكم ..
ودي من لطفكم وأصلكم الطيب ..
ربنا يديم المحبة بيننا والعشرة النبيلة ..
تحياتي لكل شبر في أرض الوطن ..
ولكل زول جميل هناك ..

دم بخير ..

معقول
معتصم ود دفع الله
في الرياض
يا حلة تنوري
زاد الشوق علينا وفاقدنك يا حبيب
والبورداب بدونك ما عندهم راس
يا ودالباوقة
احجز اكبر استراحة واكتر كمية من اللحم وما تنسوا الشعيرية
احتفالا بقدوم الحبيب
حفلة كاربة واستقبال رهيب لزول القلقالة
يلا يا أعضاء اللجنة اتحركوا
الشعيرية مسئول عنها صديق الموج

أنا زاتي ما مصدق يا أستاذنا حمزاوي ..
والله ليكم وحشة شديدة ..
الآن الواحد يقول عاد لأحبابه ودياره ..
شكراً لكم لأنكم دوماً في البال والخاطر ..
ولك سلام كبير من القلقالة وأهلها ..
وفي إحتمال يعملوا ليهم مصنع شعيرية للإستهلاك المحلي ..
وإستجلاب الخبير ودالموج لإدارته ..

تسلم يا حبيب ..
وربنا يقدرنا على جزاكم ..

ألف حمداً على سلامة العودة.

الله يسلمك يا صلاح غريبة ..

كيفك والأولاد ..

حضور الجمال

فقدناك ..

ود قاسم ويشارات الخير ..

سمي العزيز مشتاقين كتير والله ..

الجمال حاضر بوجودك ..


تحياتي كثيراً للأولاد ..

تسلم يا غالي ..

وفي الليلة الظلماء .. يفتقدك المنبر بسمح الكلم .. وملاعب الصالحية .. مرحباً بك يا معتصم ..

الف حمدلله علي السلامة معتصم لكن الاجازة عندك

الجميل حسام يوسف ..
كيفك يا صديقي أفتقدك كثيراً ..
الشوق كميات ..

خليك في الجوار ..

الحبيب محمد عبدالجليل ..

وأنا أفتقدكم كثيراً ..
كيفك يا زول يا رائع ..
الشوق كميات ..

يلا خلونا نتلم ونعيد السيرة الأولى لبورداب الرياض ..

محبتي ..

حمد الله على السلامة يا موووووووووووووووو...
ليك وحشة يا حبيب..
متين نجيك نقسم معاك صعوط ودي الريح ؟؟

يا سلاااااام يا ودقاسم ياحبيب ، زمن لم نراك .. واحدة وخلاص ، لكن المفاجأة هووصول معتصم إلي الرياض ، فلنا مع الرجل لقاءات أكثر من رائعة بالخرطوم منذ رمضان الماضي ، ومن ضمنها إحتفاليتين لبورداب الخرطوم أو ثلاثة إذا أضفنا لها الإحتفالية التي تمت بحضور زعيم البورد بكري بدار إتحاد طلاب جامعة الخرطوم في الخريف الماضي
شكرا لك علي هدية أبريل - معتصم - بدلا عن الكذبة بتاعة أبريل
ودمتما الإثنين لأخيكم صلاح الباشا
يا معتصم هاك الرقم:
0501313832

أستاذنا صلاح الباشا ..
تحيات وأشواق كتيرة ..
أولاً مرحباً بك في مدينة الرياض وإن شاء الله يطيب لك المقام بها ..
نعم كانت أيام جميلة قضيتها معكم وكم كنت سعيداً بلقائكم ..
وها هي الرياض تحتضننا مرة أخرى مثل ما كانت الخرطوم ..
تليفونك وصلني وسوف أتصل عليك لمعرفة مكان إقامتك ..
شكراً جميلاً على حفاوة الترحاب ..

دم بخير ..

حمد لله على السلامة يا بشكة ......... منتظرين الحاجات يا معتصم ....... وأخبار القاهرة

صديق رحمة الجميل كيفك مشتاقين ..
عارفك في الرياض ومن جيت لابد ليك تعال مارق ..
إنت وصاحبك المسجم داك ..

تحيات كتااااار ..

دكوووني اللذيييذ ..
مشتاقيين كتييييير ..

ودالريح ساب الشغلانة دي زماااان ..
عشان السفيفة الزيكم ..

المنتدى في إنتظاركم ..
يلا نتلم من تاني ..

يا هلا بي معتصم
مشتاقين والله
وحمدا لله على السلامة
يا ريت تعود اللمة والفرح مع عودتك

الشوق كميات يا عبدالله عفيد ..
كيفك يا زول يا رائع ..
يلا خلونا نتلم ونلم الشمل زي ما كنا وأجمل ..
عايزين يديكم معانا وأكيد القادم أحلى ..

محبتي ..

مرحبتين حبابك يا ود دفع الله
رغم أن ترحيبنا سيروح شمار في مرقة تراحيب الحبايب هنا وهناك
بعدين شنو حكاية الخطوبة دي
كنت عاوز أقول ليك أوع تكون جيت يد ورا ويد ورا
لكن الظاهر إنك جيت يد ورا ويد قدام ويا سلام
تهانينا وفي انتظار التنفيذ
مرحب بيك تاني ..
يا خال أوع تكون دي كذبة أبريل!!

ودالشيوخ عبدالباقي الجيلي ..
كيفك يا جميل ..
الشوق كميااااات ..
قلت لي يد ورا ويد قدام ..
ما كويس إنو جيت بي يدي الجماعة ما قطعوهن ..

خليك قريب ..
عايزين لينا لمة في الأيام الجاية ..

مرحبا بالرائع
معتصم دفع اللة
صاحب الابتسامة الدائمة والوجة البشوش

عودا حميدا وبك تتجمل الرياض غيدا التواصل الانساني النبيل .

الحبيب يوسف السماني ..
الرائعون مثلك من يجملون دواخلنا ..
شكراً لحفاوة الترحاب ..

دم بخير ..

الللللللله يا خال ..
ما ح أقدر أوصفلك شعوري لحظتها ..
لحظة اللقاء ..
كم كنت متشوق لرؤياك وكل الشباب ..
نعم كنت بعيداً عنكم ولكن كنتم دوماً في البال والخاطر ..
وشكراً لسؤالكم الدائم عني ولتليفوناكم التي لم تنقطع لحظة ..

أتمنى أن تعود تلك اللحظات الجميلة والأيام الحلوة ..
ويجمتع الجميع على الحب والمودة والخير ..

شكراً جميلاً يا خال على هذه الكلمات الرائعة ..

دم بخير ..

الف حمدا لله على السلامة اخي معتصم والرياض زادت نورا بوجودك ...





ود الباوقة

الاخ ودقاسم
كل التحايا
الاخ معتصم حمد الله على سلامة الوصول ولقاءاتنا القليلة بالقاهرة كانت كانها معرفة قديمة وطويلة وسعدنا كثيرا بوجودك بيننا وبمعرفتك .
شفت يامعتصم سؤ الطالع فى ايامك الاخير عندما اكون بلا مشغوليات واتصل عليك لنتقابل تكون انت انشغلت والعكس صحيح ويؤسفنى انى لم اودعك ولم اتمكن من الحضور ولك العتبى ياصديق وعديله عليك وين ماتمشى وتسافر واسلم وتحياتى وسنلتقى ان لم يكن هنا فهناك او هناك.

ياخال

مرحب وحباب معتصم ..كثير من الالق

والحضور والعافيه موعود به هذا المكان...

حبابك معتصم والدار نورت ..

شكرا ياخال ...

Quote: بورداب القاهرة

شماراتك دقااااااااااااااااق وقطع اخضر ياود دفع الله !!


ود قاسم الغالى

قال ليك شنو عننا الولد الحلو..وقلبو دهب ده ؟!!

شمارات تقيلة يا ندوية ..
طبعاً إنتي عايزة تعرفي بس ما بوريك خالس خالس ..

كيفك يا ندى مشتاقين بالكوم ..
القاهرة وناسها الحلوين ..
تحيات بالكوم للجميع ..

محبتي ..

الحبيب محمد عبدالرحمن

كيفك يا صديق ..
هذا المكان جميل ومنور بوجودكم ..
شكراً لحفاوة الترحاب ..

دم بخير ..

يا سلام عليك يا مطر ..
والله أنا السعيد بلقائك وشوفتك ..
رغم الأيام القليلة إلا أنها كانت ممتعة وحلوة بيكم ..
شكراً على تلك اللحظات السعيدة وأتمنى أن تعود هنا وهناك وهناك ..
تحياتي لكل من بطرفك ..

قاسم المهداوي
تاج السر حسين
محمد عكاشة
عبدالفغور
ولكل الحلوين هناك ..

دم بخير ..

الريس ودالباوقة ..
الرياض منورة بوجودكم ..
كيفك يا زول يا جميل ..
الشوق كميااااااات ..

عايزين لينا لمة كبيرة نلم الشمل ..
يلا جهزوا حالكم ..

ليك يوم يا ظالم

الرياض لا نوّرت ولا شى

وإنت ذاتك لا جميل ولا حاجه

إنت عرفناك بى سببك
قريبك الشوم داك مالو كمان

بالله يا ود قاسم خليك بعيد وما تحجزنى من الزول ده

هو عارف براهو

اه شقيقى معتـــــصم..
والضرس يتاور من جديد؟!؟...
عاود رجع جدد عذابات الارصفه..
ليك شوق ياولد فقد..كدنا نفقد حيثيات اتزاننا العاطفي تجاه الاشياء عبر التورط المباشر فى علاقة الانتماء باتجاه واحد حين نعزف عن الجهر بالشكوى من وجع الاهتزاز النبيل بالكلام الجميل...
اذا...
وهاهو الرجل يصير الى الاشراق الجامح رغم وهج السفر والانفجارات والمنافى ، ونحن فى حقيبة اللانتظار الرمادية رهائن المستحيلات الاسطوريه ..نتصبب عرقا ننتعل الحفا نتسكع فى اثار الحليب والرغيف والفرحه ...
وجاء راجع تانى ...رجوع القمره لى وطن القمارى..

تشكر كتير الاستاذ والعم قاسم على فتح هذه النافذه تشكر كتير وتحياتى النواضر اليك...
وقيل بعافية..

زغردى يارياض واعدلى الهدم
فاليوم شرفك اخونا معتصم
شاب خلوق ظريف ولوف
جميع الخصال فيه والكرم


ولا اقووووووووووووووولك
تيت تيت بركة الجيت
بسكويت بركة الجيت

شكرا للخال

الصديق أبوقوتة ..
قنبلة الود الموقوتة كما يقول إبن عمي شتات ..
كيفك يا جميل ..
الشوق كميات ..

شكراُ لحفاوة الترحاب ..

محبتي ..

مكرر

أنا أقول يا رب أيه الاتغير في الرياض والانوار هلت من وين وحتى الجو أتغير وأصبح ماطر وأتاريك يا معتصمت وصلت الرياض
ألف حمد الله على السلامة ونشوفك قريب إن شاء الله

الحبيب وليد حبيب بلدو

كيفك الشوق كميات ..
والله أنا سعيد أن أكون معكم مرة ثانية بعد هذه الغيبة الطويلة ..

دم بخير ..

آآآه يا شقيقي معتز ..
أبداك من وين وأنا كلي أشواق ..
كنت أمني نفسي بلقائك على أرض الوطن الحبيب ..
وكنت أسابق الزمن عشان أحصلك ولكن زي ما بيقولوا دقت في العراضة ..
كيفك يا شقيقي ..
خلي الضرس يتاور وأنا لسه ضرس الحنين ما برا ..
وأنا مثلك متورط في هذا الإنتهاء وأجاهر بالشكوى لعلي أصل إلى طريق يفضي إليك ..
نعم يا شقيقي ..
أحبك حتى الثمالة وليتنا نطوع المستحيل لفعلنا أكثر من ذلك ..

محبتي بلا حدود ..

يا خال مافي واحد ينقذني من الزول الإسمو أبوذر المطر دا ؟
ما شايف تهديداتو البسوي فيها دي ؟
أنا غايتو ح أفتح بلاغ عند المنظمة الدولية لحقوق الإنسان ..
بسبب جرائم الشوق الكبيرة التي إرتكبها فينا ..
وأنا عارفهم ديل ما قاعدين يسوي أي حاجة لكن نعمل شنو ..

والله ليك وحشة كبيرة يا مطر ..
في كلام كتييير خليهو على التليفون ..

أرقد عافية ..

سلامات يا ود قاسم

وحمد على السلامة يامو

مع انو المطر ما خاطي عليك

وبرضو عارف

كيفك يا ملكي ..
مشتاااااقون ..

حتى إنتي عايزة تتأمري على مع المطر ..

ليكم يوم يا ظلمة ..

معتصم دفع الله !!

فاقدنك يا حنين


صنفرة :

أها ما دام وصلت اهلك بالسلامة عليك الله رسل لينا تمبس ولا ود المايقوما أو أي واحد من الشباب الخلوين الهناك !!

عليك الله يرحبو بيك كيف هيس دي
غايتو الكلام الفوق دا كلو مني وزيادة محبة قدرو

حباب الوجيه حبابو

ود دفع الله معتصم

الف حمداً لله على سلامتك

يا اخي عملتها شينه سته شهور يا مفتري

جد سعيد بعودتك .

عودا طيبا يا صديقنا معتصم

معتصم دفع الله وهديل البنفسج

معتصم دفع الله ،،، الرياض نوّرت يا جميل ..

جيداً جيتو حبابكو عشره
قنبو طولا

مرحبتين حبابك اليوم السعيد الله جابك

ودشندي الجميل ..
مشتاقون بالكوم ..
كيفك والشرقية على حسك ..
تحياتي للأمورة الجميلة ..

محبتي ..

شكراًَ جميلاً يا برنس على هذه الحفاوة ..
وهنا برضو أقول ليك ألف مبروك مليون مرة يا أصيل ..

محبتي ..

الحبيب أبومحمد الصادق خليفة ..

تحيات كتااار يا زول يا جميل ..
والشوق كميات ..
نفتقدك كثيراً يا صديق ..

دم بخير ..

قريبي هشام شيخ الدين ..
كيفك يا أصيل ..
لا زلت أذكر تلك الجلسة الجميلة في داركم العامر ومجموعة من الإخوة البورداب ..
إلتقينا فيها وكانت من أجمل اللقاءات الممتعة أتمنى أن تعود ثانية ..
شكراً جميلاً على هذه الحفاوة وربنا يقدرنا على جزاكم ..

محبتي بلا حدود ..

الله يحبب خلقه فيك يا عباس ..
والله الشوق بالكوم وليكم وحشة شديدة ..
عندي حاجات كتير لي بوست الحقيبة ح أنزلها في الأيام الجاية ..

أرقد عافية ..

ناذر الفنان الجميل ..
كيفك يا صديقي أفتقدك كثيراً ..

Quote: أها ما دام وصلت اهلك بالسلامة عليك الله رسل لينا تمبس ولا ود المايقوما أو أي واحد من الشباب الخلوين الهناك !!

ديل يا ناذر مشغولين اليومين ديل عندهم دوري شغال ..
لوووووووووووووول ..

معتصم حمداً لله على السلامة
وبركة الجيت طيب
ودى من مناسبه دايره ربه
مش كده

الحبيب البعيو

الله يسلمك ويخليك ..
الشوق كتيير ..
لازم نعمل لينا لمة كبيرة عشان نجدد محبتنا وصلاتنا التي لن تنقطع أبداً إن شاء الله ..
ترقبوها قريباً ..

محبتي ..

خليك من الرياض حتى الشرقية كمان نورت ..


الف حمد الله ع السلامة ...


والتحية لود قاسم ...

البلد منورة بوجودك صديقي ودالمايقوما ..
جيت لقيتكم عاملين ليكم فريق إن شاء الله تجيبوا "كأس العالم" أقصد البورد ..
الشوق بالكوم ياخي ..
سلام من هنا للشرقية وناس الشرقية الحلوين ..

محبتي ..