بورداب الخرطـــــوم ..

كانوا أخوان فى الإنسانية
قعدت معاهم .. وإتفاكرنا
كم لفـّينا .. وكم سافرنا
وكم مازحنا ليالى الصيف
كم غنينا لى الحرية
كم دارينا الحزن الأكبر
بين الصيف .. وجمال المنظر .... محمد المهدي عبدالوهاب


بورداب الخرطوم إنهم بحجم وطن ..
القادم إليهم يحتضنونه في دواخلهم ..
كم سعدت بلقائهم ..
وكم فاضوا بكرمهم الحاتم ..
لقد كتب عنهم كل من زار أرض الوطن الحبيب ..
وعجز قلمي أن يكتب قدر ما كتبوه عنهم ..

أحبكم جميعاً ..

إهداء .. مصطفى سيد أحمد .. وأغنية صديقي ..

يارب اول زول



معتصم ازيك يا خينا

كل أبريل وانت طيب ياخ
وربك يخطيك مشاكلو!!!.

مشتاقين ...................
ارح يلا نزل صورتي ههههههههههههه
قايلني ما عارف والا شنو ههههههههههه

كنا يا معتصم محتاجين نتلاقى أكتر ، لكن على العموم
فالبيناتنا عامره .. أتمنى تكون قعدتك في السودان
رطبت قلبك شويه وتديك دفعه لقعادك في البلد الإنت فيها
دي ..

وربنا يعين كل غريب عل غربتو ويلطف علينا من الأشواق ؛



...
طلال




____________________
مجوعة من رحلة " توتي " ،
التي كانت بحضورك ..

يا سلاااااااااااام يا طلال ..
ما أجملك يا صديق ..
البيناتنا أكثر من عامرة ..
ربنا يديم المحبة والود ..

دم صديقي ..

صورة من رحلة توتي ..

يا طلال ..

من ياتو باب أدخلك ..

سفيان بشير،
إنشاء الله تضوِّي ليك يا (أوّل زول) إنتا ..
كيفك يا معتصم؟
..ياخ بتدي إحساس للزول إنو بيعرفك من زمااان..
دة إحساسي بيك غايتو بدون رصّ الكلام لكن ممكن لو صبرت شوية كدة أنجر فيك قصيدة بي جُمل (مفيدة)من شاكلة:
(يارائع وانعتاق السجايا الدوزن عصب إلْفَتَك و بلا بلا بلا لبلب)

الاخ/ الفاضل معـتصم

حمدا لله علي سلامة وصولكم الرياض
بعودتكم تتحرك مياه بورداب الرياض الساكنة والراكده 0
عسي أهلكم وذويكم بخير 0
في انتظار انطابعاتك خلال الاجازة 0
تسلم

الله يسلمك يا محمد الحسن ..
ليك وحشة شديدة ..
بورداب الرياض بخير إن شاء الله ..
وسنعيد تلك اللقاءات والليالي الجميلة ..
بوقفتكم وتكاتفكم ..

تحياتي للأخ محمد محمود ..

ياخي نجر أكتر من دا يا وديدي ..
الواحد ما عارف يشكركم كيف على اللحظات الجميلة المنحتونا ليها ..
دم بخير يا صديقي ..

يا سفيان إنت قايل أنا ما لابد ليك ..

غايتو شيل شيلتك ..
بعد ما أبل شوقي فيك ..


صورتك بنزله لكن شيل منها الطاقية المغطي بيها رأسك دا ..

يا سفيان ما قلت ليك شيل الطاقية ..

تـَـصِـم

أخيراً؟؟؟

حمداً لله (على المغادرة).

طبعاً ناس سفيان، وديدي، ع الله الطاهر، شـذى، ناذر، عبير، ع الغني، هميمة، ملاسي ..... إلى آخر القائمة، ديل ناس لا كلمات بتوفيهم حقهم، لا بـتـقدر على شكرهم.

بس المرة الجاية ما تكـتر المسألة.

تحياتي

مولانا إسماعيل ..
مشتاقين كتير والله ..

الناس ديل طردوني عديل كده ..
نجضوني وكشفوا حالي ..
واحد فيهم وافق يعمل ليّ كفالة مافي ..
عشان كده شتت منهم ..
ليك على المره الجاية الواحد يجي عابر بس ..

بورداب الخرطوم ديل ما أحلاهم ..
ناس أكثر من رائعين ..
حلوين حاضرين دوماً ..

لك ولهم حبي وتقديري ..

معتصم سعدت بلقاك والله

انشالله نتلاقي في ساعة خير

المفارق عينوا قوية

...
...

لكن


عليك الله الامانة تصل لى تمبس

يد بى يد

...
...
إنشاء الله المرة الجاية تجينا زول عرس

Quote: عليك الله الامانة تصل لى تمبس يد بى يد

هسة نحنا وين ورمضان وين عشان ترسل لى تمبس الحلو مر ياملك ؟!!


بالمناسبة يامعتصم

انت مالك حاقر بينا كده يعنى ؟!!(وجه محنبك زعلا شديدا)!!

ونحن نقدر على زعلك يا نادية ..
والله ليك وحشة شديدة ..


هسي أنا جاكي من ما وصلت .
لمن نفسي قرب ينقطع ..


سلام كتاااار ..
وشوق أكتر ..

هي قوة عين بس يا ملك ..

كيفك يا زول يا جميل ..
الشوق كميات طبعاً ..

أمانتك وصلت لي تمبس ..
إستلمها وعمل ميت طوالي ..


ربنا يجمعنا على خير يا صديقي ..
دائماً خليك قريب ..

محبتي ..

وأنا كمان سعدت يا عنيدة بلقائك ..
شكراً لكل اللحظات الجميلة القضيتها معاكم ..

ربنا يديم المحبة ..

.

معتصم يا الشايل حتة

مشتاقين والله

كنت عايزة أودعك لكن والله ما قدرت

متمنيين نشوفك إنشاء الله

وقرييييييييب

عبير

عبير خيري ..
عمدة بورداب الخرطوم ..
مشتاقين كتير والله ..

ولا يهمك ما بتقصري وما قصرتوا معانا ..
إن شاء الله نردها ليكم في الأفراح ..

شكراً جميلاً لانكم كنتم دوماً معي ..
ربنا ما يحرمنا منكم ..

محبتي بلا حدود ..
وأبقواً يداً واحدة ..