نجــوم الليل أشهدي ..

من منا لم تكون نجوم الليل شاهده عليه ؟؟

كُر عليً

معليش يا ملكة

إتصبرى إتصبرى

شفت يا قريبي ..

برانا بنجيب اللوم لي روحنا ..

انا برضو



كر على

إنتى برضو إتصبرى يا إخيتى

(دمعة تتبعها مخاتة)

Quote: نجــوم الليل أشهدي ..

على شنو ؟؟؟؟؟؟؟؟؟؟؟؟؟ يامعتصم إعترف والا بكلم زول كدة

صديق براك بتجيب المشاكل ..

زولك دا خليهو بعيد الفيهو مكفيهو ..

غايتو أها دا طرفي من الموضوع دا ..

تماضر قريبتي ..

شفتي الحال بقى كيف ؟

غايتو لينا الله ..

Quote: تماضر قريبتي .. شفتي الحال بقى كيف ؟ غايتو لينا الله ..

والبكا والنجوم تشهد















موووووووووووووو

سلامات خوتك خليها ساى بث

Quote: والبكا والنجوم تشهد

يا نجود أها قمنا على كشف الحال ..

Quote: موووووووووووووو سلامات خوتك خليها ساى بث

بث مباشر من الأشواق ارساله ما بقطع خالس ..
ليك وحشة شديدة ..

بجيييك والله شيلي الصبر ..

يا ملكي دا ما أنا ..


دا واحد صاحبي ..

شنو يا قريبى ، ما شايف البكا والمخاخيت دى

تقوم تفطنا كلنا وترد على صديق

(وجه صارى لما إتكرفس)

هشام قريبي ..
الزيك إنت بزعلوه ..
أمسحه لي في وشي الشين دا ..
أنا رديت ليك فوق ..
بس الردود إتلخبطت شوية ..
وأنا زاتي ملخبط ..

صديق دا لسه ما رديت عليهو ..
أصلو راقدلو فوق رأي ..

الرائع معتصم

لك التحايا العاطرات وللاحبة المتداخلين اقول :

ترفق بدمعك لا تفنه فبين يديك بكاء طوييييل , الحق روحك عشان ماتبقى ذي عادل بخاري بعد العرس

بقى بتاع فواتح وعزومات , وكمان ( هوم وورك ) بغسل العدة ,, قلت ليهو عقبال مايولع ليها حفرة

الدخان

يحليلك يامعتصم


( وكر ) عليك براك


قالو ليك انا خسران حاجة؟؟

يا تامبا يعني درعتها لي في رقبتي دي ..
أحسن ليك خلي الطابق مستور ..
نحن دافننو سوا ..

ولا المناحة العامله بي هناك ..

يا خضر أخوي نحن كان خلينا البكاء ..
سهر الليل ما بخلينا ..

والبقت على عادل صاحبي ما بتبقى علينا ..
مالك عايز تشيلنا الهم من هسي ..
لسه ورانا قراية طوييييييلة ..

معتصم
بسم الله
طيّب خلّي الدنيا تمسّي
الإتكسر شنو؟؟ ولاّ منو ؟؟
إنتي أظنك جايي بوستاتك جاهزة مسجّلها في كرّاس

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

يا أنة المجـــــــــروح

ياروح حياتك روح

الحب فيك يا جميل

معنى وجمال مشروح


...فى نغمة الاشواق

ومحاسن الممدوح


...ونشد فـــــــــــؤادى

الضال

بين الرياض مديوح.







الرائع معتصم

شكرا على الالق.


خالص ودى

يا أميمة ما وصلت لغاية كده ..

أنات وجروح ..

غايتو الشكية لي أب إيداً قوية ..

شكراً لأنك هنا ..

محبتي ..

الجميل لؤى
كيفك يا صديق ..
قلنا نشوف النجوم في عز الضهر ..
مش بيقولوا كده ..
أها نحن شفناها بي طلتكم الحلوة دي ..

والاتكسر دا كدي خليهو ..
بيجيب كشف الحال ..

أرقد عافية ..

ياعيني دمعك بندي,,,

معتصم شنو (الحسس)وا(العذاب) (العقاب) دا

شكرا" لروعتك

يا عنود كيفك ..
أوعك تكوني من النوع البجر الملاية ويقش ديمعاته داك ..
باقي ليك سهر الليل وعد النجوم دا صعب خلاس ..

أها الحالة دي من مشية السودان ..
بقت علينا إجازة وسهر ليالي ..

شكراً لوجودك هنا ..
كوني بخير ..

معتصم ..

هاكم أبكوا كويس
واحد ليك و واحد لتمبس







*الغنية حلوة شديد , يسلم ذوقك ..

الجميل .. معتصم دفع الله
المشهد في قاعة المحكمة ...
القاضي ... الجميلة ..
المتهم ... عاشق الجمال ..
وكيل النيابة ...(؟؟؟؟؟؟؟؟؟؟)
وكيل النيابة: سيدي القاضي .. المتهم الماثل أمامكم .. قد أقدم على جرم كبير ..
قد أباح بحبه لك سيدي القاضي ...
القاضي : أين الدفاع ..
الدفاع : سيدي القاضي .. ألتمس لموكلي العذر .. فأنته من أجبره على هذا ..
القاضي : أين الشهود ....
صمـــــــــــــت ... رهـــــــــيب
القاضي : أين الشهود.. يسأل مرة أخرى ..
وكيل النيابة: أطالب بتأجيل الجلسة حتى المساء ، كماأطالب بأن تكون في ميدان عام
مكشفوه على الهواء الطلق .. حتى أتمكن من إحضار الشهود ..
القاضي : ومن هم الشهود
وكيل النيابة: الشهود .. نجــــوم الليـــــــــــــل ..........ياسيدي

لك التحية ،
أخوك / خالد سعيد الأرباب

الزول الحبوب خالد سعيد ..
تحياتي ..

تم تحويل القاعة ..
إلى ميدان عام يضج بمئات الناي ..
همس طويل يدور بين الحاضرين ..
القاضي يتحول ذات اليمين وذات الشمال بين معاونيه ..
الشهود .. الجمهور الغفير المحتشد في الهواء الطلق ..
بعدها انطلقت صيحات الجمهور وهتافاتهم تملأ المكان ..
منادية بتبرية المتهم ..
فما كان من القاضي إلا الخضوع لهم ..
وأمر ببراءة المتهم من التهم المنسوبة إليه ..

شكراً خالد ..

دي تمبس ما بتكفيهو يا تيسير ..
الزول دا براهو عايز ليهو لوري مناديل عديل كده ..



العزيزة تيسير ..
شكراً لحضورك الجميل ..
ولكلماتك الرائعات ..

محبتي ..

هاك الجرسة دى ..والله يا ابن عمى حالتك تحنن ماكنت رايق ساكن
فى صفا وتامين..اللهم ربى لا شماتة،،

ايه الحكـاية انت من ناحـية وتمبس مـن ناحـية تانية?

الله كـريم عليـكم..

مـني

ورطة غايتو ورطني فيها تمبس ..
بقينا في الطريقة التحلنا منها ..


الغالية منى خوجلي ..
ليك وحشة شديدة والله ..

سلامي ومحبتي ..

هسي الشماتة الليك شنو يا إبن عمي الموج ..
أنا متضامن مع أخوي الكاشف تمبس ساااااااااي ..
وماسك ليهو الكشف ..


غايتو حالة سعبة خلااااااااس ..

مشتاقين كتير يا إبن عمي ..
ليك جية وزيارة إن شاء الله ..

معتصم
والله برقياتننا بتكمل

لكن يا خوى راجع من الخرطوم تبكى .. عرفناها


خبر تمبس دا جبتو ليهو انت ولا مباشر ..!!

Quote: خبر تمبس دا جبتو ليهو انت ولا مباشر ..!!

سمي العزيز ..
كيفك مشتاقين كتيييير ..

خبر تمبس دا منقول على وكالات الأنباء مباشرةً ..
ويقام سرادق العزاء ..
في أول ناصية للقلب ..

أرقد عافية ..

كر عليك ... الرماد كال حماد
سويتوها يا ناس ( القلعة )
_________________________
معتصم...
خت لي في كشف تمبس ..لمن نصلكم بالدرب
كان الله هون ...

شدوا حيلكم و أركزوا

معتصم..
كان تسمي البوست ده وأنا كمان
وبركة الجيت( طيب )

منى عبيد ..
الله يسلمك ..
كيفك يا رائعة ..

هو كده الناس ما مريحانا ..
كاشفين حالنا ..

هسي ما شايفاهم عاملين ليهم سرادق عديل كده ..

Quote: كر عليك ... الرماد كال حماد سويتوها يا ناس ( القلعة )

عندنا واحد معرفة بيقول لي ..
كر عليّ ..
سجمي خااااااالس ..

تمبس يا أبوحميد قال عايز الكشف بالدولار ..
أها دي ميتة ولمليم قروش ..


منتظرنك في الفراش ..

أبقى مارق ..

دا شنو يا معتصم
موش كان تجي لي خالك بدل ما تكب الجرسة هنا قدام الناس كلها ؟!
يا أخي عمرك شفت ليك ندوة في مكان عام عن الريدة وتبعاتها ؟!
يعني هسة أحسن زول قدّم ليك حاجة ما زادك من صندوق مناديل ...
وناس تانين اتفوا بي ( كر علي ) ...
تاني ما تبكي علني يا معتصم ...

وبعديم أنا ما قلت ليك ما تنزّل لينا غنّية بدون لينك حفظ ؟!

يا خال البكاء ولا صمة الخشم ..
وأبوعركي البخيت بيغني ..
شوفوا الشوق حكايتو معاي ..
عشان عارفني زول بكاي ..
يا ريت كل القلوب تتملي بالحب ..
كل القلوب تتملي بالخير للناس ..
كل النفوس تكون طيبة وجميلة ..

هسي صلاح شتات جاء داخل علينا أنا وتمبس ..
شايل معاهو عمود الغداء ..
عليك الله دي جنس حاله ؟؟

كود الأغنية بجيك يا خال شيل الصبر ..

يا خال أنا عارف شحتفتك ..
وما نزلت ليك اللنك في وقته ..
معليش أعذرنا ..

يمكنك الآن حفظ الأغنية ..

Save @ PC

الغالي معتصم
شكراً حميماعلى هذا الإهداء الرايع بالفعل كانت إستراحة حقيقية في زخم المعاناة

الجميل محي الدين الريس ..
شكراً لكلماتك الرائعات ..
حضورك أضاف للمكان بهجة وجمال ..

دم بخير ..

مو... أنا مش قلتا ليك بكا الكبار شين؟ ... لما انتا وعمو تمبس تقلبوها مناحة علني كدا أنا والصغنونيين الذييي نسوي شنو؟ .

Quote: لما انتا وعمو تمبس تقلبوها مناحة علني كدا أنا والصغنونيين الذييي نسوي شنو؟

تمشوا الروضة يا بدري ..

وما تجوا محل الفراااااااااش ..

نجوم الليل اشهدي......

تسلم يا معتصم

المعتصم بالله امتعتنا
لمزيدا من الامتاع
اعذرنا نشرنا ليك فى بكان تانى
http://www.sudanforum.net/forum/viewtopic.php?t=90512&highlight=

العزيز فرح ..
يديك ألف عافية ..
إنت تاخد طوالي ما تستأذن ..
البوست كله حقك ..

شكراً يا جميل ..

الله يسلمك يا بشير ..

وشكراً جميلاً لوجودك هنا ..

دم بخير ..

Quote: من منا لم تكون نجوم الليل شاهده عليه ؟؟

أنا وأخوي صديق الموج

Quote: أنا وأخوي صديق الموج

والوكت داك كنتو وين أستاذنا حمزاوي ؟؟


أستاذنا حمزاوي ..
مشتاقين كتير والله ..

منتظرنكم تجونا في الفراش ..
لووووووووووووووووووووووول ..

لو عمري شيئاً في يدي ،،
لوهبتو ليك يا سيدي،،

معتصم هنا برضو نص ،،
اول ما البنية الفي النص تعدل الطرحة و المايك تنقطع،،

يعني بس تشحتفونا؟

كان ما كانت بكية!


لكن رأفة بتنبس و آخرين خليها كدي،،

Quote: معتصم هنا برضو نص ،، اول ما البنية الفي النص تعدل الطرحة و المايك تنقطع،،

الحكاية دي بتكون من ناس المصنفات ..
الزولة دي القال ليها تخلي طرحتها تقع منها شنو ؟

Quote: يعني بس تشحتفونا؟ كان ما كانت بكية!

وبما إنو المناديل خلصت من السوق ..
جري طرف الملاية ..

Quote: لكن رأفة بتنبس و آخرين خليها كدي،،

لكن بعد الفأس وقعت في الرأس ..
الزول دا أنا خليتو حالته سعبة خلاااس ..

العزيزة سوميتا ..
تحياتي ..
أرجعي بي هناك الملف شغال كويس ولنهايته ..
على ضمانتي ..
بس أتحملي البتجيك من جنس الحاجات دي ..

هي يا معتصم ما لقيتها كااااااااااملة علي ضمانتك،،،
صوت نبوية صوت البنات لي حدهن،،
و صوت ام طرحة،،،،،،،
بعيد عنك بقيت اخاااف اقول صوت بت ما عجبني إلا كان القي ليك شلاليت الكلام لاحقاني،،
و اطلع غيرانة!!!!

و العجب لمن قلت ندي القلعة بتنخنخ،، ما دايرين يقيمو علي الحد،،


لكن اسع غلبني،،ام طرحة انا سمعتها قبل كدة و ما كانت بتكوجن الكلام كدي ،،


و جرسة شديدة،، تحزرني بعد شنو يا معتصم؟

Quote: بعيد عنك بقيت اخاااف اقول صوت بت ما عجبني إلا كان القي ليك شلاليت الكلام لاحقاني،، و اطلع غيرانة!!!! و العجب لمن قلت ندي القلعة بتنخنخ،، ما دايرين يقيمو علي الحد،،

يا سوميتا إنتِ الشلاقة الليك شنو ..

Quote: والعجب لمن قلت ندي القلعة بتنخنخ،، ما دايرين يقيمو علي الحد،،

كويس إنو حصلتي روحك كانت دي تبقى كارثة ..

Quote: وجرسة شديدة،، تحزرني بعد شنو يا معتصم؟

أها نبقى في جنس دا ..
عايزين تطلعونا إرهابيين ..

@@@@@@@@@@@@@

الزول الجميل فرح ..

كيفك يا ذوق ..
تعرف تمبس لي هسي حالف ما يرفع الفراش ..
وبقينا هسي أنا وهو رأس نعزي بعضنا ونقشقش في دميعاتنا ..


شكراً لانك هنا ..
وأنت دوماً جالباً للفرح ..

اشهدى على انا كمان..
معتصم احيييييييييييى انا منك

Quote: اشهدى على انا كمان.. معتصم احيييييييييييى انا منك

وأنا أقول الزول دا وييييييييين ؟
أتاريك مزازي حارس النجوم ؟
كر عليك يا ودي أمي ..


الصديق الجميل بشرى ..
وين إنت ياخ قربت أعمل ليك بلاغ هروب ..
والله ليك وحشة كبيرة آدي كده أهو ؟ " يدين مفتوحين على الآخر "
أظهر عليك الله ..

دم صديقي ..
وبألف خير ..

C:\Documents and Settings\Administrator\My Documents\My Received Files\ma kunta aarif.wma


يللا بالمـرة تمـوا الناقصـة!

يا منى ..
هسي عليك الله الحكاية دي ناقصة ..
تقومي تزيدي لينا المواجع وسهر الليل ..
هسي أغنية زي دي بتكمل علينا كلو كلو ..
وتودر رويحتنا دي زاتو ..

كوني بخير ..
وخليك معانا ..

الواحد بقا من البكا ما بشوف العناوين زاتو
و كمان جابت ليها خيانات تدخلوا تبكوا
ف برندة معتصم ده و سايبني انهنه في الحوش براي
ما صاح منكم.

-------

لكن نبوية ماااا أداء نووي!

تسلم معتصم.

يامعتصم

جبر الله كسركم ياخى ..وعظم الله اجركم ..

الحاصل شنو انت...شكلها القصة دى عدوى..

دخلت لقيت تمبس شغال (ردحى ) والناس تسكت فيهو

وجيت لقيتك بنفس الحال ..

الله فى ...زى مابتقول ..

ودى

معتصم شكلك اتصوفت "يقال ان والد كاتب القصيدة شيخ و كان مبسوط من ولده
لانه كان بيعتقد انه الوله جعله يقيم الليل باكيا والنجوم شهودا على لوعته
وتبتله "

عميق التحايا.

محمد وعبد الرحمن كرامتك وان ما "كفو" زيدهم بفرقة شتات

بالله تحياتي لمحمد دفع الله وعبد الرحمن الباشمهندس

معتصم دفع الله

اها في داعي لجنس الكلام ده وكشف الحال

بشتنه شديده خلاص





تخريمة
يا سلام على السهر واسباب السهر والنجوم





مودتي واحترامي

Quote: اها في داعي لجنس الكلام ده وكشف الحال بشتنه شديده خلاص

مووش عليك الله يا انعام ..
برانا بنجيبو لي روحنا دي ..
غايتو السترة والفضيحة متباريات ..

Quote: يا سلام على السهر واسباب السهر والنجوم

أها في داعي لي جنس دا ..
يعني نحن ما برانا ..


كوني بألف خير ..

كيفك يا نيازي والأهل ..
تحايا بالكوم ..

Quote: معتصم شكلك اتصوفت "يقال ان والد كاتب القصيدة شيخ و كان مبسوط من ولده لانه كان بيعتقد انه الوله جعله يقيم الليل باكيا والنجوم شهودا على لوعته وتبتله "

تعرف دا بيت القصيد زاتو ..
من القلب للقلب طوالي ..
مدد يا شيخنا ..


تحاياك لمحمد دفع الله وصلت ..
عبدالرحمن لسه في السودان وحا يجي في الأيام الجاية ..

دم بألف خير ..

يا محمد أخوي قالوا البكا ولا صمة الخشم ..
أنا زاتي جيت لقيت تمبس جعيره في السماء ..
قلت يا ود الزول دا صاحبك ولازم تجعر معاهو ..
أها الناس فاكرني أنا بجعر علي حالي ..
هسي بقت في روحي انا زاتو ..


الله في يا صديق ..

يا سعد الدين يعني انت ما شايف جعيرنا دا كلو ..
وحاتك تمبس صاحبك لي هسي فارش ..
مناديل الخليج والدول المجاورة ما كفتو وطالبين زيادة كمان ..

ولا يهمك أبقى داخل لي جوة ..
لا لا تعال بي جاي في حتة فاضية جم شتات دا ..



تخريمة ..
نبوية دي صوت ملائكي ..
بس ما تسمعها بالليل بجيك السهر وعدم النوم ..


أبقى طيب ..

مـسـااااهــر يا معتصم اخوي اكذب علـيك
تامبا ده بالعليهو محظوظ عندو دول مجاورة...
انا حي الله..دولة من جزيرتين
يعني الا امعط خرفانم ديل و دي زاتا معيطا موسمي سامع
في الصيف و كده.. بخلوها لابسة في الشتاء.
قالا تامبا : الله في!

الله يعينك يا سعد الدين ..
صاحبك تامبا دا ما صدقنا الله شفاهو من وجع الضرس ..
هسي بقينا في الطريقة التحلو من الجعير البسوي فيهو دا ..
لكن بيني وبينك كده بكاء الجماعة عرس ..

خلاس نقوم نرسل ليك حاجات الوقاية من الجرسات المزمنة دي ..
ومعاها سفنجتين هدية مني ليك ..

الأخ معتصم

أسعد الله مساك

اسأل : هل انت معتصم بتاع ملة نقر 1993

الكان مع ناس هويدي و هيثم و الطاهر ؟؟؟

لك مني صادق الود و التحايا

ومساك أخي هضيبي ..

يسعدني معرفتك كثيراً ..
وكنت أتمنى أكون الشخص المقصود ..
ولكن يخلق من الشبه واحد واربعين ..
الواحد دا زايدو انا براي ..
حقوق الهلوسة وسهر الليل محفوظة للعبدلله ..

كن بألف خير ..

معتصم ..
الليلة الجمعة صاح
أظنو الأربعين ..
عشان كدا أنا( لاخة) عجين اللقيمات من الصباح
وبعدين بنجي نرميهو
عشان بعدين تودوهو الجامع
وقفلوا على كده
(الموضوع جاب ليهو سفنجات)
ما معروف يقيف وين ,,




شايفاكم استعنتوا بخبير أجنبي من السويد

وأنا أقول الفترة الفاتت دي غاتسة وين يا تيسير ..
أتاريك بتجهزي للأربعين ..
أها نحن منتظرين لقيماتك دي ..

غايتو في ناس حالفين الفراش دا أصلو ما يرفعوهو ..
وباصرار كمان من الخبير الأجنبي من لجنة حقوق السفنجات ..
المستجلب من الخارج لهذا الغرض ..
بعد دعاوى وشكاوي كثيرة من المجتمع الدولي للسفنجات ..
اها دا باقي ليك بترفع تاني ..
والله إلا يجيبو ليهو ونش بكري سيد الحوش عشان يرفعه ..

يلا ياااااخ الناس دي منتظرة اللقيمات ما تبرد ..

الفراش منو يا ناس ؟
واللقيمات دي صدقة؟
الا يجبر كسركم
يا وليداتي

عشة ..

كويس إنك جيتي ومعاك الكفتيرة
يلا كبي الشاي سريع
عشان نلحقو ليهم مع اللقيمات ..

يا عشة الفراش هسي تم الأربعين ..
ما شايفة تيسير بتجهز في اللقيمات ..
أها انتي جيبي الشاي وتعالي ..

الحي الله والدائم الله ..

غايتو


أنا أتمحنتا


وشيلتا نفس طويل

...
...

وبلعت ريقى من لقيمات تيسير

...
...

يا ســـــــــــــــاتر
ده كان من زمان با معتصم ولا جديد؟

الحبيب الصادق خليفة ..
كيف يا زول يا جميل ..

شفت عليك الله الحال بقى كيف ..
نحن من زمان مقطعنو في حنانا ساي وساكتين ..


محبتي ..

يا ناجي أخوي ..
كدي أول تعال الفراش ..
بعدين نشوف طريقة اللقيمات ..
يعني أي زول ما جاء الفراش وخت في الكشف ..
لقيمات ليهو مافي ..
تمبس متحلف وواقف في الباب ..



كن بخير يا صديقي ..

Quote: يعني أي زول ما جاء الفراش وخت في الكشف .. لقيمات ليهو مافي ..

يا معتصم ..
دي زي واحد مشى بيت عرس وبعد ما اتغدى تمام قال أنا حقو ما أدفع في الكشف
وفكر يزوغ بدون حتى ما يغسل يدينو
أها جا مارق بي زقاق لمن وصل الباب لقى واحد قاعد يلم الكشف
قام قال ليهو الغسيل بي جاي ؟
الراجل رد قال ليهو بيجاي المكوة , الغسيل بي هناك

يعني مافي ليهو أي طريقة للزوغان ..
كده كده دافع ..
على قولة ..
سجن سجن غرامة غرامة ..

الله يجازي محنك يا تيسير ضحكتيني شديد ..
غايتو الواحد تاني يفكر ليهو في زوغة كاربة كده ..

ياخي انتي لقيماتك دي وين ؟..
وأستعجلي معاك عشة تجيب الشاي ..

يلا منتظرنكن ..