Post: #1
Title: البورد يا بكري لحمة راس
Author: بت قضيم
Date: 03-31-2009, 12:13 PM
السيد بكري المهم تحياتنا
عندي اقتراح ارجو أن يوضع في الاعتبار
ماذا لو قسمت البورد أقسام (عام-اجتماعية -دينية -سياسية- فنية- ناس الشكل وكده)
لأن الواحد بصراحة يتعب يتابع موضوع
والنصيحة يعني ما تزعل زمان عدد المشاركين كان اقل وكنا فعلا ًفعلاً نستمتع بالبورد والبوستات والواحد فعلاً كان يدخل هنا يحس أنه بالجد غير جو ولو منكد يزيح النكد ويضحك ويستمتع بالجد
البورد كان ممتع وأصبح الآن مزعج، ذي محطة مواصلات كل يغني على ليلاه وصعب صعب واحد زي عنده زهايمر يتابع الحاصل كلو
أنا قلت اقترح قبل الأرشفة وانتم اهل الرأي
وسلام
|
Post: #2
Title: Re: البورد يا بكري لحمة راس
Author: Hussein Mallasi
Date: 03-31-2009, 12:29 PM
Parent: #1
| Quote: وصعب صعب واحد زي عنده زهايمر يتابع الحاصل كلو |
و العندو زهايمر داير يتابع الحاصل كلو يعمل بيهو شنو 
|
Post: #3
Title: هاهاهاها
Author: بت قضيم
Date: 03-31-2009, 12:50 PM
Parent: #1
ات مالك
زهايمري وانا حرة فيه
بالله ما اقتراح وجيه؟؟
الواحد يدخل يتابع يجيه وجع عيون وخمة نفس
شي كورة وشي سياسة وشي ناس مرطبة براها وشي ناس الدين وشي شايل سيفه عامل فيها صلاح الدين الأيوبي
وغايتو
لو بكري ما سمع كلامنا ده انا ناوية بعد الأرشفة ادخل ببوست (حلويات)
كيف تصنع قالب كيكة وكده
متهيأ لي ده الموضوع الوحيد الما اتطرقه ليه للآن
وسلامك
|
Post: #4
Title: Re: هاهاهاها
Author: علاء الدين حيموره
Date: 03-31-2009, 01:11 PM
Parent: #3
زمان وحاتك قلنا الكلام دا لامن حلقنا اتقرش وفي النهاية البوست زاتو مشى الخور
ما تتعبي روحك ساي
|
Post: #5
Title: Re: هاهاهاها
Author: shiry
Date: 03-31-2009, 03:57 PM
Parent: #4
منوره يابت شينه ..
بت جارتنا (صنغغنه) اوي سنواتها لم تبارح الثالثة
وحتى ان اسنانها واحدات في واخرى هي نفسها لا تعلم
متى فقدتها .. من حلاوتها انده لها يا عسوله ..
غير انني نسيت اليوم اشكاليتها مع عالم الجمال
وحبيت ان اهزر معها تماشيا مع لغتنا الدشنة منوره بيتنا يابت شينه
وما كان منها الا ان (حدرتني) بنظرة اقصتني ووجودي بعيد في
اقصى زوايا الاستنكار ..
وتذكرت اولادنا حينما نبشتن اسماؤهم وهيئاتهم ..
ناهيك عن دعاءنا عليهم بالفي والمافي ..
عن نفسي اذا ما توفر عندي الوقت الذي يمنحني الراحة
ساهترش هنا وليك علي يا بت قضيم .. شاشوت (ضفاري) دي بكتبوها
كده ؟؟؟ وفي كل الاتجاهات ..
رغم تمنياتي ان يكون البورد كما اردتي ..
الا انهم لن يستعموا الى راي (مفلكبات) مثل شاكلتنا..
وحشتني ايامك يا بت يا زووق
|
|