Post: #1
Title: لقاء حاشد للبشير غداء الثلاثاء بقاعة ريجنسى (السادسة مساء)
Author: هجو الأقرع
Date: 03-30-2009, 07:10 PM
Parent: #0
يلتقى باذن الله فخامة الرئيس المشير عمر حسن البشير ، ريئس الجمهورية يوم غدا الثلاثاء الموافق31مارس السادسة مساء بقاعة ريجنسي بجوار النادى الاهلى ، ابناء شعبه الوفى ، وكل الراغبين من الاشقاء و الاصدقاء ، ولقد اعدت اللجنة الموكلة بالامر كل ما يلزم حتى يخرج اللقاء بالصورة المطلوبة ، شكرا لكل من جعل هذا الامر ممكنا.
|
Post: #2
Title: Re: لقاء حاشد للبشير غداء الثلاثاء بقاعة ريجنسى (السادسة مساء)
Author: فتحي البحيري
Date: 03-30-2009, 07:17 PM
Parent: #1
| Quote: لقاء حاشد للبشير غداء الثلاثاء بقاعة ريجنسى (السادسة مساء) |
هذا يعني
كذبا أو صدقا
صراحة أو تمويها
هلعا أو شجاعة
أن طائرة البشير لن (تقوم) قبل الموعد المذكور
الكبكبة ظاااااااااااااااااااااااهرة يا اللخو
 
|
Post: #3
Title: Re: لقاء حاشد للبشير غداء الثلاثاء بقاعة ريجنسى (السادسة مساء)
Author: هجو الأقرع
Date: 03-30-2009, 07:43 PM
Parent: #2
شكرا فتحى البحيرى على رفع البوست ، يا رجل بطل هضربة ، ما تنسى الحبوب التى اوصى لك بها بعض الشباب هنا.
|
Post: #4
Title: Re: لقاء حاشد للبشير غداء الثلاثاء بقاعة ريجنسى (السادسة مساء)
Author: ود الباوقة
Date: 03-30-2009, 07:48 PM
Parent: #3
اخي هجو ..
هنيئا لكم بلقاء القائد الشجاع ..
موفقون بعون الله ....
|
Post: #5
Title: Re: لقاء حاشد للبشير غداء الثلاثاء بقاعة ريجنسى (السادسة مساء)
Author: عبدالرحمن عبدالله أبوشيبة
Date: 03-30-2009, 07:58 PM
Parent: #4
لقاء رئيس الجمهورية بالجالية في قطر سيتم نقله على الهواء مباشرة على تلفزيون السودان ،،
|
Post: #6
Title: Re: لقاء حاشد للبشير غداء الثلاثاء بقاعة ريجنسى (السادسة مساء)
Author: بدر الدين الأمير
Date: 03-30-2009, 09:02 PM
Parent: #5
| Quote: يلتقى باذن الله فخامة الرئيس المشير عمر حسن البشير ، ريئس الجمهورية يوم غدا الثلاثاء الموافق31مارس السادسة مساء بقاعة ريجنسي بجوار النادى الاهلى ، ابناء شعبه الوفى ، وكل الراغبين من الاشقاء و الاصدقاء ، ولقد اعدت اللجنة الموكلة بالامر كل ما يلزم حتى يخرج اللقاء بالصورة المطلوبة ، شكرا لكل من جعل هذا الامر ممكنا. |
أخى هجو
التقوا كما يحلوا لكم وبالطريقة التى تعبر عنكم.. رقيص او تشنجات لفظية ..
بس ياهجو (شعبه الوفي) هذه عسيرة الهضم والبلع... وهو نفسه لم يكن وفي
لمنظومته التى علمته الكذب واهدته السلطة ... ومن علمك السحر بيده القيد
تنهدات: مر عمرو بن عبيد بسارق تقطع يده فقال:سارق السر يقطع يد سارق العلن!
|
Post: #7
Title: Re: لقاء حاشد للبشير غداء الثلاثاء بقاعة ريجنسى (السادسة مساء)
Author: هجو الأقرع
Date: 03-31-2009, 04:17 AM
Parent: #6
الاخ الكريم بدر الدين الامير ، شعبه الوفى ، لا اعتقد اننى فى حاجة الى اثبات ذلك هنا ، فقد اذهل الشعب السودانى العالم كله بتضامنة و التفافه حول البشير ، والله لو ان امر مشابها حدث فى اى مكان فى للعلم ، لهاصت تلك البلاد . عليك الله يا بدر الدين كدى مر اليوم ساكت شوف كان تلقى ليك موقف لسيارتك .
|
Post: #8
Title: Re: لقاء حاشد للبشير غداء الثلاثاء بقاعة ريجنسى (السادسة مساء)
Author: هاشم نوريت
Date: 03-31-2009, 04:22 AM
Parent: #7
شيخ هجو بالله اللقاء جد جد ولا تمويه
سؤالى جادى
|
Post: #21
Title: Re: لقاء حاشد للبشير غداء الثلاثاء بقاعة ريجنسى (السادسة مساء)
Author: هجو الأقرع
Date: 03-31-2009, 07:35 AM
Parent: #8
الاخ هاشم سلام من الله ورحمة ، سوف يتم اللقاء باذن الله ، بعدين تمويه ليه ومن شنو ، وعشان شنو ؟
|
Post: #9
Title: دة تمويه
Author: Mannan
Date: 03-31-2009, 04:27 AM
Parent: #1
دة تمويه لتهريبه للداخل زيو وزى اى شوال مخدرات... البشير لا يستطيع السفر علنا... لقد فقد ظله..
منان
|
Post: #10
Title: Re: دة تمويه
Author: معتز القريش
Date: 03-31-2009, 05:01 AM
Parent: #9
الله أكبر الله اكبر الله أكبر
الحمد لله الذي استجاب لدعائنا
بلقاء اسد افريقيا والعرب
حضور ان شاء الله ول على نقالة
الله أكبر الله اكبر الله أكبر
والعزة للسودان
ولا نامت أعين الجبناء
|
Post: #11
Title: لقاء حاشد
Author: محمد أبوالعزائم أبوالريش
Date: 03-31-2009, 05:22 AM
Parent: #1
أخ هجو ....
أنا عندي هنا مشكلة حقيقية ....
العنوان (لقاء حاشد .......... غداً الثلاثاء)
إذا كان اللقاء (سيتم) غداً، ما أدراك أنه (سيكون) حاشداً؟
هو نفس كلام الصحف (ستقوم غداً مسيرة "مليونية")، أليس من المحتمل أن لا يأتي للقاء سوى هجو وود القريش؟
عموماً سأعتبر عنوانك (لقاء أرجو أن يكون حاشداً) ولا غرض لي سوى تجنّب الدخول في علم الغيب.
تحياتي
|
Post: #12
Title: Re: لقاء حاشد
Author: معتز القريش
Date: 03-31-2009, 05:44 AM
Parent: #11
| Quote: هو نفس كلام الصحف (ستقوم غداً مسيرة "مليونية")، أليس من المحتمل أن لا يأتي للقاء سوى هجو وود القريش؟ |
لا يا أبو الريش
ليس من المحتمل ... لأننا عارفين كمية الشرفاء
الما برضو الضيم في البلد دي قدر شنو
وكمان عارفين الناس السالوا عن اللقاء دا قدر شنو
وكمان اللقاء في ريجينسي ومش في السفارة
عارف ليه ؟
عشان يوم النصرة المكان في السفارة رغم وساعتو ما شال الناس
والسيارات ما لقو ليها مكان عشان تبركن
والناس بركنوا في الستي سنتر وجوا برجلينهم
عرفت ليه ليس من المحتمل ؟؟
|
Post: #13
Title: Re: لقاء حاشد
Author: محمد أبوالعزائم أبوالريش
Date: 03-31-2009, 05:47 AM
Parent: #12
ود القريش كيفك؟
لا يستقيم الأمر من الناحية اللغوية أن تصف اللقاء بالحاشد قبل حدوثه ..... أو هكذا كنا نفهم اللغة.
|
Post: #14
Title: Re: لقاء حاشد
Author: معتز القريش
Date: 03-31-2009, 06:07 AM
Parent: #13
Quote: ود القريش كيفك؟
لا يستقيم الأمر من الناحية اللغوية أن تصف اللقاء بالحاشد قبل حدوثه ..... أو هكذا كنا نفهم اللغة. |
الحمد لله بخير يا أبو الريش
دي باعتبار ما سيكون
في كثير من آيات القرآن
يعبر عن المسقبل بفعل الماضي
تأكيدا لحدوثه ...
بل الجزم بحدوثه ...
|
Post: #15
Title: Re: لقاء حاشد
Author: ود الباوقة
Date: 03-31-2009, 06:09 AM
Parent: #13
اتوقع ان لا يتمكن الكثيرون من الدخول بسبب الازدحام ..
مجرد توقع ....
|
Post: #16
Title: Re: لقاء حاشد
Author: معتز القريش
Date: 03-31-2009, 06:15 AM
Parent: #15
Quote: اتوقع ان لا يتمكن الكثيرون من الدخول بسبب الازدحام ..
مجرد توقع .... |
لالالالالا لا تتوقع يا ود الباوقة
أجــــزززززززززم (إن شاء الله)
وعلى مسؤوليتي أنا دا
|
Post: #18
Title: Re: لقاء حاشد
Author: محمد أبوالعزائم أبوالريش
Date: 03-31-2009, 06:23 AM
Parent: #16
| Quote: أجــــزززززززززم (إن شاء الله) |
وإذا لم يشأ الله؟ حتعمل في الجزززززززم شنو؟ والا حتحتج على مشيئة الله؟
|
Post: #19
Title: Re: لقاء حاشد
Author: معتز القريش
Date: 03-31-2009, 06:34 AM
Parent: #18
| Quote: وإذا لم يشأ الله؟ حتعمل في الجزززززززم شنو؟ والا حتحتج على مشيئة الله؟ |
ح أزوغ 
وأقول
أنا قاصد
ب (أجززززززم)
يعني جيب معاك جزم (جمع جزمة) كتيرة
عشان
ندوس بيها أوكامبو وقرارو وأتباعو
|
Post: #17
Title: Re: لقاء حاشد
Author: ahmed haneen
Date: 03-31-2009, 06:21 AM
Parent: #12
مافيكم
راجل
عندو جزمة قديمة
|
Post: #20
Title: Re: لقاء حاشد
Author: نادر
Date: 03-31-2009, 07:18 AM
Parent: #17
يا كيكي أمشي سطر عمر البشكير ده عشان يقول لينا قبل ما أجي السلطة كنتو مثل الجزم (المسطلح الأكثر تداولاً على لسانه) بعد ما مستشارو قال كنا زي الشحادين!!
بوح:
هجو الأقرع نسخة المهندس الإعلامي صلاح غريبة فرع قطر، سيم سيم صديق
|
Post: #24
Title: Re: لقاء حاشد
Author: هجو الأقرع
Date: 03-31-2009, 08:14 AM
Parent: #20
يا نادر ما تحرج كيكى ، التحايا للاخ صلاح غريبة ، غايتو جنس مغس ناس مهرية !!!!!!!!!!
|
Post: #23
Title: Re: لقاء حاشد
Author: هجو الأقرع
Date: 03-31-2009, 08:08 AM
Parent: #17
يا اللخو (البيسال ) عن الجزم القديمة ، البشير برضو بيجى السعودية ، جهز نفسك بس والله الكلام ساهل؟ الا يكفى تلك السقطة وجثمان ود الخواض لم يدفن بعد .
|
Post: #22
Title: Re: لقاء حاشد
Author: هجو الأقرع
Date: 03-31-2009, 07:40 AM
Parent: #11
اخى الكريم محمد ابو العزائم ، والله حاشد صدقنى حا تكون شوية ، ولقد كفى اخى ود القريش .
|
Post: #25
Title: Re: لقاء حاشد
Author: محمد أبوالعزائم أبوالريش
Date: 03-31-2009, 08:26 AM
Parent: #22
| Quote: اخى الكريم محمد ابو العزائم ، والله حاشد صدقنى حا تكون شوية ، ولقد كفى اخى ود القريش . |
يا حبيب أنا والله ما عندي أي مشكلة.
بس لو إنتظرنا لحدي (بعد الحدث) حنكون بعدنا عن (الرجم بالغيب).
|
Post: #26
Title: Re: لقاء حاشد
Author: هجو الأقرع
Date: 03-31-2009, 08:32 AM
Parent: #25
و الله يا حبيب نحن برضو ما عندنا اى مشكلة ، وعشان تقطع الشك باليقين تعال براك وشوف ، المسالة فى غاية البساطة .
|
Post: #27
Title: Re: لقاء حاشد
Author: المسافر
Date: 03-31-2009, 08:42 AM
Parent: #25
التحية للمحتشدين
وخلوا البساط عمري
وشايفوا ود سماعين
قريب من القلب والعين
والمرة دي بالله عليكم
أمورنا ديك خلوها مستورة
قراقيبنا في عراقيبنا
وعيمتنا في هيمتنا
كان حيينا ما متنا
باكر يتلت المتنى
|
Post: #29
Title: Re: لقاء حاشد
Author: ebrahim_ali
Date: 03-31-2009, 10:49 AM
Parent: #28
تسلم يا ابو محمد على هذه الدعوة وأكيد الحضور سوف يكون الاكبر بإذنه تعالى
وخليك من المخزلين والمحبطين والذي يعانون منذ عدة ايام من أمراض وأعراض انتابتهم بعد وصول فخامة الريس للدوحة فاتركهم في غيهم وضلالهم القديم فلن ينالوا من الفارس والفراس
التحية والتجلة لكل شرفاء بلادي اينما حلوا والخزي والعار لكل محبط ومخزل
ولقد اعدت اللجنة الموكلة بالامر كل ما يلزم حتى يخرج اللقاء بالصورة المطلوبة ، شكرا لكل من جعل هذا الامر ممكنا.
وتم تهئية المكان بما يليق بعظمة وجلالة المناسبة
فلنزحف نحو ريجنسي لمشاهدة ومقابلة القائد
|
Post: #30
Title: Re: لقاء حاشد
Author: عبد الرحمن الطقي
Date: 03-31-2009, 11:11 AM
Parent: #29
حضور إن شاء الله ، و أرجو أن تسع قاعة ريجنسي الضخمة الحضور
شكرا لك يا أبا محمد .
|
Post: #31
Title: Re: لقاء حاشد
Author: رقم صفر
Date: 03-31-2009, 11:28 AM
Parent: #30
قال :
Quote: في كثير من آيات القرآن
يعبر عن المسقبل بفعل الماضي
تأكيدا لحدوثه ...
بل الجزم بحدوثه ... |
رغم قناعتي بان التشبيه لم يكن بسؤ نية من كاتب المشاركة ، ولكن القرآن كلام الله (عز وجل)
وهو الذي يعلم المستقبل ، يصبح بديهيا ان يكون مؤكد ، فهو الله تعالي يعلم الغيب ... بينما نحن
البشر لا نعلم بذلك ، رغم قناعتي بصحة كلام ابو الريش ، لكن تعودنا من الكيزان التضخيم ، ورغم ان السودانيين
بقطر لا يتجاوزون ال 30 الف (هذا حسب كلام الاخ كمال سالم ) ، ولكن قد نفاجأ بالقول انها كانت مسيرة او تجمع مليونية .
يا شباب قاعة رجنسي بتشيك كم في الاساس ، عشان يبقي حاشد ، قاعة رجنسي قاعة احتفالات للاعراس القطرية بشكل خاص ، مهما جمعت من اشخاص لن يكون حاشدا (مقارنة مع السودانيين الفي قطر )) ...
قتحت هذا البوست بصراحة ، لكي اقرأ ماذا يقول اخونا الطقي وارغب ان اسأله -بكل لطف - هل ستهتف له بسير سير يالبشير
والي اين يسير (هل لقتل السودانيين ) كما قلت انت في بوست سابق انه مسؤول عن كثير من الدماء ،،،
ام يسير في اتجاه الظلم (الذي اقريت به سابقا) حين قلت انه مسئول عن كثير من الظلم
قليل من المبدئية رحمكم الله
|
Post: #32
Title: Re: لقاء حاشد
Author: ibrahim alnimma
Date: 03-31-2009, 11:31 AM
Parent: #29
الاخ هجو الاقرع تحياتي :
في مثل هذا المناسبات غالباً ما ارجح كفة الذهاب ...والاستمعاع للاراء كلها ...وهذا مايفسر حرصي
علي متابعة كلمات كل مسؤل سوداني ....واؤكد لك ان ذلك لم يحدث بدافع التهريج والتايد او شي
من هذا القبيل ....فالثناء علي اي منهم يتوقف علي ماسيقوله ولم يكن موقفي سابقاً لذلك ..اذن
مجرد الذهاب لا يعني المؤاذرة باي حال الا اذا كان مطورح المقاطعة ..او كان وجودي سيستغل للمبايعة
والتايد كما حدث في مرات كثيرة...
لذلك ارجو الا يستغل الحشد ( اذا كان حاشد) كرقيق سياسي ...بمعني اكثر وضوحاً ليس كل من حضر
اللقاء بالضرورة يصب في مصلحة بقاء الانقاذ وبالضرورة يبايع ..كما انوه الي ان الانقاذ تخسر كثيراً
من هذه اللقاءت اناس كانو في صفها ....اذا خرج المتحدثون عن عفة اللسان كما في شحادين ( ودونك
هذا المنبر) ...بالطبع لا اعني اصحاب الوجعة( البزنس) فهؤلاء حصنو عقولهم واذانهم تماماً وهم مستعدون
للتايد والثناء في كل الظروف ...في الموقف وضده ....
|
Post: #33
Title: Re: لقاء حاشد
Author: ياسر احمد محمود
Date: 03-31-2009, 12:54 PM
Parent: #32
| Quote: دة تمويه لتهريبه للداخل زيو وزى اى شوال مخدرات... البشير لا يستطيع السفر علنا... لقد فقد ظله.. |
|
Post: #34
Title: Re: لقاء حاشد
Author: محمد الطيب حسن
Date: 03-31-2009, 02:45 PM
Parent: #33
في الطريق الي رجينسي ...............,.>>>>>>>>>
|
Post: #35
Title: Re: لقاء حاشد
Author: مرتضى الكجم
Date: 03-31-2009, 02:52 PM
Parent: #33
Quote: لذلك ارجو الا يستغل الحشد ( اذا كان حاشد) كرقيق سياسي ...بمعني اكثر وضوحاً ليس كل من حضر
اللقاء بالضرورة يصب في مصلحة بقاء الانقاذ وبالضرورة يبايع |
|
|