Post: #1
Title: النِفيسة فيها والقليب مابيها !
Author: ودقاسم
Date: 03-29-2009, 01:32 PM
لم أكن أتصور أن أعود إلى الوظيفة بعد الفراق البائن للغربة .. مللت من طول غربتي ، وقلت أن الوطن أولىببقية عمري ، وهو حقيقة أولى بكل عمري ..
ما وجدته هنا جميل جدا ، بالرغم من أننا نطمع في المزيد ، فالسودان بلد طيب ، أهله طيبون رغما عن كل النواقص والهنات ..
لكن الوطن ينقصه الكثير من معينات الاستقرار والاستثمار .. فأنت مجابه بمعوقات كثيرة بعضها يعطّلك ، وبعضها يكبلك ، وبعضها يقف حجر عثرة في طريقك ... ومهما كان هامش المرونة والمناورة فأنت مجبر على ترك السعي إلى العمل الحر ، ومجبر على البحث عن الوظيفة..
لست مهتما بما يحدث لي على المستوى الشخصي فقد توفرت لي وظيفة محترمة تدر عليّ دخلا معقولا ، وربما أنه أفضل من الاغتراب ، بالإضافة إلى أنني أعمل في بيئة أفضل من تلك التي قضيت فيها جلّ عمري .. لكني مهتم ومغتم بمستقبل السودان ، وأهل السودان .. كيف سيخطو السودان خطوات إلى الأمام والحال هكذا .. لماذا لا يتمكن الساعين إلى العمل الحر من إنجاز ما يريدون ؟ لماذا دائما نلاقي ما يكبلنا وما يعيق تقدمنا ؟ لماذا لا يتجه الناس هنا إلى الاستثمار الجماعي ، تعاون ، مساهمات ، مشاركات ، مرابحات ، ؟ لماذا لا تتكون شركات الأسر المتطورة والحديثة وتنتقل بالأنتاج إلى مراحل متطورة ؟؟
|
Post: #2
Title: Re: النِفيسة فيها والقليب مابيها !
Author: Al-Shaygi
Date: 03-29-2009, 01:43 PM
Parent: #1
ودقاسم حبابك
وينك يا راجل
خليت الإغتراب قلنا خير وبركة ويا هو مصيرنا كان ما سكنا العود ولا المنصورية!!!!
لكن كمان تخلي البورد،،، دي كتيرة
Quote:
النِفيسة فيها والقليب مابيها !
|
طبعاً إذا عرف السبب بطل العجب..
(الوظيفة)
أما موضوع العمل الحر ده فلو ما عندك عضوية في النظام وتاريخ أسود ما بتلقى طريقة...
غلآ كان تسوي ليك تاكسي ولا أمجاد وتسرح مع عباد الله المساكين...
لك كل الود وأمنياتي لك بالتوفيق..
والتحايا عبرك للأسرة الكريمة..
...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
|
Post: #3
Title: Re: النِفيسة فيها والقليب مابيها !
Author: ودقاسم
Date: 03-29-2009, 02:17 PM
Parent: #2
الشايقي
والله مشتاقين
وأنا حقيقة ما خليت المنبر ، لكني لا أجد الوقت للكتابةوإن كنت أتابع بالقراءة ..
سلم لي على مامان ، وناس فور إيفر كلهم ، وشوفو لينا مدخل للعمل من السودان ..
|
Post: #4
Title: Re: النِفيسة فيها والقليب مابيها !
Author: ودقاسم
Date: 03-30-2009, 03:07 PM
Parent: #3
تعرفوا يا جماعة انتو مشغولين بالسياسة شديد.. وفي السياسة كمان مشغولين بالسياسة البحتة
خلوا بالكم معانا شوية ...
كيف يمكن أن نسهم في تطوير السودان ، والانتاج فيه ، والعمل وسوقه ، ورفع مستوى المعيشة ، وما الذي يمكن فعله من جانب المواطن السوداني البعيد نوعا ما عن السياسة ؟
|
Post: #9
Title: Re: النِفيسة فيها والقليب مابيها !
Author: سيد محمد احمد سيدنا
Date: 03-31-2009, 07:41 AM
Parent: #4
الاخ العزيز ود قاسم
لك التحايا والاشواق وسلامنا على العيال
وام العيال والاخوان وكامل الاسره.
جميل جدا ان نسمع دعوه من صوت اغترب
والان بالداخل وهى نصيحه قليلا ما يتعامل
معها الاخوه المغتربون
Quote:
تعرفوا يا جماعة انتو مشغولين بالسياسة شديد.. وفي السياسة كمان مشغولين بالسياسة البحتة
خلوا بالكم معانا شوية ...
كيف يمكن أن نسهم في تطوير السودان ، والانتاج فيه ، والعمل وسوقه ، ورفع مستوى المعيشة ، وما الذي يمكن فعله من جانب المواطن السوداني البعيد نوعا ما عن السياسة ؟ |
ولو كل مغترب فكر فيما سعيت اليه لكان صلاح الجميع وعمرها السياسه
غير المقابنه والمنافقه والمناكفه لما نرى فيها خير ومن سعى ورائها
دائمااعتبره مريض نفسيا يود ان يستحوذ على مكانه دون عناء وقليل من
هم يفهمون اصول السياسه وللمصلحه العامه للبلاد وفقك الله واتمنى ان
يأخذ البعض بالنصيحه ويلتفتوا الى ارزاقهم والعيش الكريم.
تحياتـــــــى
ســــيد ســـــــيدنا
|
Post: #12
Title: Re: النِفيسة فيها والقليب مابيها !
Author: ودقاسم
Date: 03-31-2009, 01:01 PM
Parent: #9
ابو السيد
كيف أحوالك ..
يا ترىاين ذهبت مساعيك التي بدأتها قبل أكثر من عامين ؟
آمل أن يكون أهل مالطا قد استجابوا لآذانكم ...
|
Post: #5
Title: Re: النِفيسة فيها والقليب مابيها !
Author: طه القرشي
Date: 03-30-2009, 03:50 PM
Parent: #1
الوطن ينقصه الكثير من معينات الاستقرار والاستثمار .. فأنت مجابه بمعوقات كثيرة بعضها يعطّلك ، وبعضها يكبلك ، وبعضها يقف حجر عثرة في طريقك ..
...
ود قاسم أخوي...خليت شنو نتكلم معاك فيهو؟
طيب...أدينا مثال لمشروع ،عشان نطبق عليهو العراقيل ونظرية الخسارة الأكثر ملاءمة
وظيفة؟
تاني ..القراية أم دق دي.
كفاينا بلل سراويل ياخ.
الله يهوّن القواسي
|
Post: #10
Title: Re: النِفيسة فيها والقليب مابيها !
Author: ودقاسم
Date: 03-31-2009, 11:36 AM
Parent: #5
طه يا قرشي
تحيات طيبات
والله يا طه هناك الكثير يمكن أن يفعله الناس ، تخيل أن الخضروات والفواكه في السودان أغلى منها في السعودية ،
وكذلك الألبان والدواجن واللحوم بأنواعها ..
هناك إنتاج ضعيف ، وتوزيع وعرض غير صحي .. تخيل أن الألبان توزع بعربات الكارو ..
وأن السمك يباع في البكاسي وبالمايكرفون دون أن يحفظ بطريقة سليمة ...
|
Post: #6
Title: زهر المواسم
Author: Nasr
Date: 03-31-2009, 03:45 AM
Parent: #1
"كيف يمكن أن نسهم في تطوير السودان ، والانتاج فيه ، والعمل وسوقه"
وهذا ما كنا نبحث فيه من ايام بيت بري
|
Post: #7
Title: Re: زهر المواسم
Author: ahmed haneen
Date: 03-31-2009, 06:38 AM
Parent: #6
ود قاسم ابو قاسم
سلام يا الحبيب
ياخي كيف نفصل السياسة من الأقتصاد
وكيف نفصل تخبط النظام الحاكم وسيطرته علي كل شئ
من البحث عن وظيفة .....
هم زاتو يا ود قاسم شغلوك كيف ؟؟؟؟
بايعت ولا شنو !!
طلعت مظاهرة ضد اوكامبو .. وهتفت الرد ..الرد ..
احكي لينا القصة كوووولها
|
Post: #8
Title: Re: زهر المواسم
Author: حمزاوي
Date: 03-31-2009, 06:59 AM
Parent: #7
ودقاسم اخوي
مسكاقمي
يا زول الزمن السمح
بعدك حار بينا الدليل
| Quote: النِفيسة فيها والقليب مابيها ! |
هل هناك فرق بين النفيسة والقليب
| Quote: هم زاتو يا ود قاسم شغلوك كيف ؟؟؟؟ |
ناس تحب الشمار وبث
|
Post: #11
Title: Re: زهر المواسم
Author: maman
Date: 03-31-2009, 12:33 PM
Parent: #8
أبو طلال
كيف حالك... أخبارك اتقطعت، والله شجعتنا للرجوع ونقول لك مبروك الوظيفة وكونك (واحد من المعاشيين) وتلقى وظيفة في السودان دي ما ها حاجة ساهلة... زي ماك عارف زول في عمرنا دا هنا في المهجر خلاص تاني ما في زول بيعرض عليهو فرصة عمل عشان (التكلفة التشغيلية) بتاعتو بتكون عالية... حبوب ضغط وحبوب سكري والكلسترول.
تحيات مامان
|
Post: #13
Title: Re: زهر المواسم
Author: ودقاسم
Date: 03-31-2009, 02:02 PM
Parent: #6
ود عباس
يا سيد الناس
تكون المشكلة إنو الواحد محروم من كل الفرص ؟ وللا يكون الموضوع شنو ؟
صاحبنا داك البقى وزير ، قلت ليهو يا أخي عايز لي قرض لمزرعتي عشان أشغلها ، قال بيدخلوك السجن ونبقى في الونسة ، يا جماعة صاحبكم ده مسجون ما نسووا ليهو كشف تمرقوهو من السجن .. قلت ليهو طيب أعمل شنو ، قال لي أعمل ليك منظمة طوعية NGO
|
Post: #14
Title: Re: زهر المواسم
Author: طه القرشي
Date: 03-31-2009, 02:27 PM
Parent: #13
| Quote: قال لي أعمل ليك منظمة طوعية NGO |
دا ...المفيد
والله صحبك ...زول بليغ كيف
اشكره عننا يا ود قاسم
|
Post: #15
Title: المزرعة أحسن
Author: Nasr
Date: 03-31-2009, 04:20 PM
Parent: #1
برضو بفتكر أنو موضوع المزرعة فكرة كويسة
إشتغل فيهو برواقة كدا وإتعلم الصنعة
لم الرأسمال
وأنا مستعد للمشاورة والتكنلوجيا
|
|