جعلى ودنقلاوى وشايقى ايه فايدانى

العبادي يا اخوانا قال

جعلى ودنقلاوى وشايقى ايه فايدانى
مادام النيل ابونا والجنس سودانى

يلاحظ في معظم مواضيع المنتدي الجهوية والقبلية والعنصرية
نرجوا مراعاة الهوية السودانية والتي نجاهد من اجل ترسيخ مفاهيمها المتمثلة في
التعدد المنصهر الذي اعطي الدنيا
تشكيلة نفخر ونفاخر بها
السودانيين

وهي دعوة للعودة لترسيخ الوطن في وجدانا

المارق منك
رجع للغابات الزنج الهاربة
وللعتمور العرب العاربة
وأدى الكون مفتاح الحل

عمرا لفاروق
سلام
دعوه جميله لنبذ القبليه والتعصب الاعمي لها نتمني ان تجد من يسمع ويستجيب

كل الود

عزيزي الكباشي
لك مني اطيب المني
نرجو ذلك
ان نعيد للسودان عنوانه
وان نمجده كوطن غال علينا

ما بندور عصبية القبيلة

اخي ادريس لك مني خالص الود والتحية
ما بندور عصبية القبيلة ونعمل علي ترسيخ هذه المفاهيم

حدق العيون ليك يا وطن
أصبح مقر وأصبح سكن
انت الملاذ ساعة المحن
وانت الشموخ عبر الزمن
--------------------
غنّيت هواك قبل الفطام
وشبّيت على نهج الكرام
الليلة يا وهج الشموس
لابس شرف إسمك وسام
أباهي بيك بين الشعوب
رافع شعار مجدك سلام
ما إنت يا معنى الصمود
أصبحت للأحرار وطن
--------------------
النيل كساك هيبة وجلال
يا ملهم الشعب النضال
انت العليك غنّى الخليل
وطرّز عتيق أرضك جمال
علّمنا كيف نبني ونعيش
كل اللي ضاع من غير مُحال
زي ما قبيل ورّيتنا كيف
ننسف قلاع كانت وثن
--------------------
موعدنا يا وطني الحبيب
في عهدنا الزاهي الخصيب
نتلاقى والحب الكبير
وحّد هلالنا مع الصليب
أطفالنا في ظلّك طيور
يتراشقوا الحُب والحليب
ويتغنّوا في الساحات حبور
سوداننا يا أجمل وطن
--------------------
عبد القادر أبوشورة