مساء جميل على قناة النيل الازرق يوم أمس ..

برنامج مساء جديد على قناة النيل الازرق ، برنامج يستحق الاشادة والتقدير
كان مختلقاً يوم أمس ، وطاقم القناة إحتفل إحتفالاً بهياً ورائعاً بعيد الام
كانت ترتيبات البرنامج جميلة ومبهرة للغاية
شارك في الاحتفال جميع من في القناة مما أكسب البرنامج طابع خاص لدى المشاهدين.
لقناة النيل الازرق كل الجمال ومزيد من الابداع والتميز
ولأسرة برنامج مساء جديد كل الاحترام والتقدير
وكل عام وجميع أمهات السودان بألف خير وعافية

ازيك يا هشام وكل عام وجميع الامهات بخير..
ومرحب بيك في البورد.. ولو انها متأخرة شوية..
________



للأسف مساء ما كان جميل.. ولا حاجة..
برنامج متكّلف جدا.. وغاية في السخف..
خصوصا الهظار والمكاواة بين مقدمي البرنامج
(وهذه حركة جديدة ملطوشة من عوالم أخرى.. وكالعادة شتارة في التطبيق)
بالضبط زي لما تلميذ يشّف الإجابة من جاره، وبعد ده كله ينقلها غلط..

حتى الضيوف.. واحدة بالغت شوية..
والكلام كله "جبت الهدية ولا لأ".. "ما يطلع حنك ساكت"..
"ناس بيحبوا العطور" "التياب" "القروش"..
ما هذا؟؟

وتمّت الناقصة عندما ذهب أمجد مع الكاميرا لناس الكنترول وخفّف دمه زيادة هناك..
وفي قمة خراج الروح فكّرت رب ضارة نافعة: كانت فرصة نشوف ناس الكنترول ..
وهم بمثابة الجندي المجهول في معركة تدمير ذوق المشاهد..
وبعد شفتهم وسمعتهم.. أيقنت ان هذا ما منّهم على قول الفنّان.. من العليهم..


_____
معليش أخي الكريم أتداخل معاك في ظرف زي ده
والسلام