Post: #1
Title: شمااااااار ..دينا في الدوحة !!
Author: عمر الفاروق
Date: 03-21-2009, 11:43 AM
Parent: #0
دينا خالد في الدوحة الليلة ..
شمار تناقلته وسائط البورداب الخرطومية ..
المحيرني بورداب الخرطوم الجابوا الشمار فييييي روحهم ما بعرفوها :D:D:D
غايتو نحن بورداب الرياض حا نشكل وفد رسمي مكون من تمبس وانا وابو جهينة (ابو جهينة ده عشان نكسب الوفد الشرعية) ولا بأس باختنا عزاز شامي لتمثيل العنصر النسائي ..
بورداب الدوحة عندكم الخبر اليقين والزولة دي كان بقت عندكم الحقوووووووووووووووونا بي الصور ..
بعدين المريح في تضييق نطاق البحث إنهم قالوا في الدوحة ما قالوا في قطر ..
تخريمة :
العمرة العمرة ..
إذا أدوحتم فاعتمروا (مثل صيني قديم)..
|
Post: #2
Title: Re: شمااااااار ..دينا في الدوحة !!
Author: Amira Elsheikh
Date: 03-21-2009, 11:46 AM
Parent: #1
| Quote: المحيرني بورداب الخرطوم الجابوا الشمار فييييي روحهم ما بعرفوها |
والبتجى من بورداب الخرطوم يصوروها ناس الدوحة
قرقرقرقرقرقرقر
|
Post: #3
Title: *
Author: عمر الفاروق
Date: 03-21-2009, 11:50 AM
Parent: #1
والله يا اميرة بقا يجيني إحساس إنو الدوحة دي عبارة عن إستديو صغير :D:D:D
لكن بيني وبينك العيار اللي ما يصيبش يدووش ..نحن الفييييييي الرياض هنا اتجهجهنا خليك من ناس الدوحة ..
غايتو الله يعينهم بس :D:D:D
|
Post: #4
Title: Re: *
Author: Amira Elsheikh
Date: 03-21-2009, 12:39 PM
Parent: #3
| Quote: والله يا اميرة بقا يجيني إحساس إنو الدوحة دي عبارة عن إستديو صغير :D:D |
ياعمر يعنى اسى نتقسم اتيام ولا المعنى شنو؟؟
بالله ا ماتجهجهنا ادينا خطة .
|
Post: #5
Title: Re: *
Author: tmbis
Date: 03-21-2009, 12:45 PM
Parent: #4
أنا بقترح انو العزومة تكون عشــا.. بفتكر كدا المسالة محلولة .. الناس تجي بدري وتتعشى وتمشي.
|
Post: #6
Title: Re: *
Author: Amira Elsheikh
Date: 03-21-2009, 12:54 PM
Parent: #5
| Quote: غايتو نحن بورداب الرياض حا نشكل وفد رسمي مكون من تمبس وانا وابو جهينة |
ونحن حنشكل وفد برضو رسمى لاستقبال الوفد المرسل من قبل سيادتكم
سنة يا تمبس حنشوفك قريب فى الدوحة* ....
تمبس.....
عشا شنو انت كمان ساعدنا بتجهيز حالك وعلى شرط تجى لابس فل سوت بدلة وكرفتة حمراء
__________________________________________________
والله ياتمس الكلام ماعندو علاقة بالكلام الامبارح
|
Post: #10
Title: Re: *
Author: tmbis
Date: 03-21-2009, 01:16 PM
Parent: #6
Quote: تمبس.....
عشا شنو انت كمان ساعدنا بتجهيز حالك وعلى شرط تجى لابس فل سوت بدلة وكرفتة حمراء |
.. اسمعي يا اميرة دا بتوقف على المنيو حقكم .. ما تشبكونـا جداد مشوي .. واوصال وكباب وبتاع .. دي حركات تقليدية لاتستحق انو الواحد يقشر ليها .. زي دي بجيها ليكم بي تريننق سوت ..
يعني دينـا في الدوحــة وعايزين تعشونـا كباب حلبي..؟
ـــــــــــــــــــــــــــ
عايني .. الدوحـة دي ما بتشيلنـا اقرب مدينة ممكن تمشي ليهـا وين ..؟ مش عندكم حاجة اسمها دخـان ؟؟ غايتو بعد عمليتك دي امشي دخـان كان انا جيت ..  برضو بلحقك ..
|
Post: #7
Title: *
Author: عمر الفاروق
Date: 03-21-2009, 01:07 PM
Parent: #1
اميرة الشيخ :
شكلك المندوب السامي لي بورداب الدوحة والناطق الرسمي والحاااني على حالة البورداب :D
الشباب عامل فيها تقيل وما هاميهو لكن انا اول ما جاني الشمار اخدتو محمل الجد ومااااا بكضب عليك لو قالوا لي جاية الرياض فووو بمشي المطار واخد تفاصيل كل الرحلات القادمة من الخرطوم ولا من شاااف ولا من درى جات جات ما جات ككو ما جايب خبري:)
تخريمة :
إلا يظهر يااااا أميرة زي عيوني عيون كتيييييييرة
|
Post: #8
Title: Re: *
Author: أبو ساندرا
Date: 03-21-2009, 01:14 PM
Parent: #7
يا عمر الفاروق ، أي دينا تقصد
هي التي في الدوحة
دينا خالد
أم
دينا فيصل
ياخ ما تجهجهنا
وما تقول لي : ماقلنا جاية من الخرطوم
|
Post: #9
Title: Re: *
Author: Amira Elsheikh
Date: 03-21-2009, 01:14 PM
Parent: #7
Quote: شكلك المندوب السامي لي بورداب الدوحة والناطق الرسمي والحاااني على حالة البورداب :D
|
المسالة اتديبيند على منو الجاى .منو الماشى ..منو المنزل البوست
عشان كدا فى حالة دينا دينا مندوبنا حيكون
1/الزعيم كمال سالم(البروتكول)
2/والسيد عبدالكريم الامين الشهير بكيكى(التقصى والرصد)
انا خلينى فى استقبال تمبس وابو جهيتة
|
Post: #11
Title: *
Author: عمر الفاروق
Date: 03-21-2009, 01:21 PM
Parent: #1
تمبس يا حبوب:
يا اخوي العشا بيجر وبتجيب ليها مبيت..والناس ديل نضغط عليهم من الصباح يكابسو في دكان البرقاوي عشان يجيبو لينا فرش الاسنان وبسكويت بركة ..
خلينا نمشي ناس شاي مغرب سااااااي ..
تخريمة :
نمشي بي البر ولا نبقا ناس طيران؟
|
Post: #13
Title: Re: *
Author: tmbis
Date: 03-21-2009, 01:31 PM
Parent: #11
| Quote: انا خلينى فى استقبال تمبس وابو جهيتة |
يا اميرة كدا كويس .. خلاص لو لقيتي مكان اقرب من دخـان تعالي جاي شوية .. عشان ما تبعدي دا طبعا تقديرا لددورك البرتكولي دا .. ياخ اقوليك حاجة..؟ خليك قاعده عديل نحن عندنا كم اميرة ؟
بعدين المسالة ما عايزنها كبيرة كدا .. حقو تقللو العديدة بتاعت اللجنـة دي .. المسالة ما شوف بس يا اميرة يعني ناس جايه تشوف وتتعشى وترجع .. احتمال المحتفى بها زاتو طيارته تتأخر وكداااا..
.
.
يا عمر .. مسالة العشاء دي لابد منها ونشيل معانا فرشنـا .. بعدين المسالة بي البر الظاهر لي كويسة .. ما عندك مشكلة انا علي بنزين العربيتين من هنا لحدت دخـان  .. وإنت عليك (السندوتشات) والزيتون الاسباني .. ولما نجي راجعين بعدما نشوف دينــا .. انت عليك البنزين .. وانا علي الساندوتشات .. معليش انا اتحرفنته في الحتة دي .. لانو بنجي راجعين بي زواده زمن الدوحــة .. والله قاليك الجنبة المضفره عندهم بالمتــر ..
|
Post: #12
Title: *
Author: عمر الفاروق
Date: 03-21-2009, 01:27 PM
Parent: #1
ابو ساندرا :
يا اخوي دينا فيصل دي مش بيلت إن ؟؟؟
يبقا اكيييد اكييييد الجاية دينا خالد ..
وهمتكم معانا تأكدو لينا المعلومة عشان نلحق طيران العربية ونلقا لينا حجز في المخفض باقي نحن فقرانين وشحادين *
ــــــــــــــــــــــ
* راجع بوست إن قالها فقد صدق نحن شحادين
|
Post: #14
Title: Re: *
Author: Amira Elsheikh
Date: 03-21-2009, 01:40 PM
Parent: #12
| Quote: مش عندكم حاجة اسمها دخـان ؟؟ غايتو بعد عمليتك دي امشي دخـان كان انا جيت .. برضو بلحقك .. |
فى الحالة دى الخور* احسن ....شنو شابكنا دخان دخان
وبعدين نحن منيو الحنكايش دا ما شغالين بيهو نهائى
المنيو بتاعنا من تركين(ميلوحة) وانت نازل ... ماسمعت بمشروع سودنة الدوحة؟؟
ابقى مارق وانا على الكرفتة ياتمبس
__________________________________
دى الحاجة الساكن فيها بهاء بكرى
|
Post: #16
Title: Re: *
Author: Amira Elsheikh
Date: 03-21-2009, 01:44 PM
Parent: #14
| Quote: وهمتكم معانا تأكدو لينا المعلومة عشان نلحق طيران العربية ونلقا لينا حجز في المخفض باقي نحن فقرانين وشحادين |
انت تقول طيران وتمبس يقول بنزين العربية
ما تجهجهونا ساكت .. الخبر براهو مجهجهنا..
اتفقو يا عباد الله ..
طيران ولا بنزين ولا كدارى؟
|
Post: #17
Title: Re: *
Author: كمال سالم
Date: 03-21-2009, 02:01 PM
Parent: #12
عمر الفاروق ,, تحياتى يارجل ,,
يا أخوى بورداب الخرطوم أدوكم شمار بايت ,,
دينا وصلت الدوحه وغادرتها وكنا فى إستقبالها
أنا ودكين فقط ( بناءا على رغبتها ) وقد كانت
فى مهمة عمل ( قوقل قوقل بتلقى الصور ) ,,
بس لازم ترجع لعناوين كل المؤتمرات التى عقدت
بالدوحه فى شهر فبرائر .
حفظ الله سموها فى حلها وترحالها ,,
تحت تحت سمعتها تتحدث فى الموبائل مع أحد أقربائها
قائله له إنها ربما تأتى الرياض لأداء العمره ,,
لذلك خلو وفدكم يكون جاهز لإ ستقبالها فى الرياض
بس لو ممكن تضيفوا للوفد صديقى ود الصائم وزعيم
الشحاتين صديق الموج ,,
تحياتى ياعمر ,,
بعيدا عن موضوع البوست :
مرحب بيكم فى الدوحه فى أى وقت ,, وبالجد المسافه
بين الرياض والدوحه لاتزيد عن 4 ساعات فأرجو أن تفكروا
جديا فى إمتضاء أى كروزر أنت والاخوان :
تمبس
وحميده
وود الصائم
وصديق الموج
وأبو جهينه
فى أى ويكند تختارونه وياحبذا لو كان قبل نهاية أبريل
لأن الجو حتى ذلك الوقت سوف يكون جميلا فى قطر ,, وهذه
دعوه جاده أوجهها لكم نيابة عن بورداب الدوحه وحقيقة
سوف نسعد بزيارتكم والتعرف عليكم ,, فى إنتظار ردكم ,,
ولكم كل الود والتقدير ,,
|
Post: #18
Title: *
Author: عمر الفاروق
Date: 03-21-2009, 02:01 PM
Parent: #1
والله يا اميرة خبر دينا ده ممكن يجيبنا الدوحة بي اي وسيلة يعني لحددددي بي الفاكس اتوقعينا عااادي جداً انا وتمبس ده نجي طاعلين ليك بي الفاكس حقك ..
شكلنا حا نستبعد الريس ابو جهينة لأسباب أمنية مع الأبقاء على إصطحاب عزاز ضمن الأجندة المطروحة بغرض تفعيل التجارة البكماء وتورونا دينا نوريكم عزاز :) ..
أميرة بي صراحة شغلك ما نضيف وطلعتينا برة الزمن والغرض وما جبتي لينا الأكيدة انا دوامي قرب يخلص وتاني ما اظن الاقي لي نت مجاني فاتصلحي معانا من هنا لحدي خمسة وأكدي المعلومة أو انفيها عشان الليلة مانشستر لاعب فيا نحضر الكورة يا كمان ناكل باسطة ..
وبعدين يا تمبس انا خلي لي علكة نوفا نعناع حار ومعاها اححححححلى عصير ليمون ابو 50 هللة على كيف كيفك وانغنغك بي شطائر الجبن ابو ريالين ..
تخريمة :
يا اخوي انا بلداً ما فيها تيراب التلج مااا بمشيها..
|
Post: #19
Title: Re: *
Author: أبو ساندرا
Date: 03-21-2009, 02:12 PM
Parent: #18
Quote: تمبس
وحميده
وود الصائم
وصديق الموج
وأبو جهينه
|
كر
عيال سااااكت
انت يا كمال قلبت واللا شنو
كان طعموا فريقهم ده بجكسوية واحدة
نستقبلهم ونختهم في عيوننا
ولو مصرين يجو عزابة ، فشيل شيلتك برااااك
ولاتتحدث بلسان ناس الدوحة
|
Post: #20
Title: Re: *
Author: عزام حسن فرح
Date: 03-21-2009, 02:45 PM
Parent: #19
Quote: تمبس
وحميده
وود الصائم
وصديق الموج
وأبو جهينه
|
كمال أنا أخوك ... حرم الأُسوم الفوق دي بِتمسَحو فوقا تِمِسِح
والله والله والله أكان جونا الدَوحة عِلا بعد الإحتِرام البِنسيهو
ليهُم أكان أعرك ليهُم كِرعينُم وأمسِحا ... أنا أخوك يا السارة
|
Post: #21
Title: Re: *
Author: كمال سالم
Date: 03-21-2009, 03:03 PM
Parent: #20
عزام أخوى ,,, يعنى لو كنت نزلت اللسته
حسب ما أقترحها عمر الفاروق ياربى كنت
إنت حتكتب شنو ؟؟
|
Post: #22
Title: Re: *
Author: عزام حسن فرح
Date: 03-21-2009, 03:10 PM
Parent: #21
كمال ود سالِم ...
كُنت حأجهِز الإحرام والطواف دورين ...
|
Post: #23
Title: Re: *
Author: محمد الطيب حسن
Date: 03-21-2009, 07:31 PM
Parent: #22
تمبسكو
| Quote: عايني .. الدوحـة دي ما بتشيلنـا اقرب مدينة ممكن تمشي ليهـا وين ..؟ مش عندكم حاجة اسمها دخـان ؟؟ غايتو بعد عمليتك دي امشي دخـان كان انا جيت .. برضو بلحقك .. |
شنو ياعمك انت مافي غير المدينه دي
شكلك كده الاسم عاجبك
تحت تحت :ـــــــــــــــــــــــــــــــــ
اثني علي اقتراح الاخ كمال سالم
وزي ماقال ليك كلها اربعه ساعات وانت جوه الدوحه
ونزورك دخان للزكري والتاريخ تشوفه زاتو
وصدقني حايكون خميس وجمعه حلوين برفقه اخوانكم بورداب الدوحه
برحله جميله بقييادة المايسترو كمال سالم لمدينه الخور
( خور ودخان وشنو ماعارف غايتو الاسامي فاضحانا فضيحه )
بس ماتجيبو معاكم عمر الفاروق
|
Post: #24
Title: Re: *
Author: أبو ساندرا
Date: 03-21-2009, 07:42 PM
Parent: #23
Quote: كمال ود سالِم ...
كُنت حأجهِز الإحرام والطواف دورين |
يا كمال
عليك الله فكها فيهو
خليهو يقوم يلف
لفتين في الحرم
ويجينا تائب
ياخ قوم لف .
|
Post: #25
Title: Re: قوم لف .....!!!
Author: haroon diyab
Date: 03-21-2009, 08:23 PM
Parent: #22
بالله انت زعيم شنو....؟
حسع دي لمة جايبة لينا
نحنا ناقصين مواسير......؟
Quote: تمبس
وحميده
وود الصائم
وصديق الموج
وأبو جهينه |
سيد الشي زااااااااااااااتا
الفاروق ناسيهوا .....؟
معليش ياعمر امسحه لينا في وشنا.
ياكمال
قوم لف وياريت يلف ابو ساندرا معاكـ
كاااااااااااااااااااااااكـ
|
Post: #26
Title: Re: قوم لف .....!!!
Author: عزام حسن فرح
Date: 03-21-2009, 08:39 PM
Parent: #25
أبوسندرا ...
أكتر مِن دورين < ألِف > يعني ... تِستاهل وحاتك إنو يِتْوسع
< مدارا > ماني مِن ريدي < بتْضارا > مو < شطارا > عِلا قلبي
إنشطر < شطارا >
شُفت كيف إنت ما بِتريدني كِفاية ...
عاوزني < أذوب > < أتمحي > إتْ ما < بِتستحي > أبقى
< ماف > ما < أتشاف > ما < أتلاف > زي خسائِر و< أتلاف >
ليه كِده يا عبدالرحمن ... أنا كُتْ قايلك باقي < علي >
تقوم تبقى حتو < علي > ... تبقى فوق العلي < علي >
تحرم علي مويه السُقا إن شُفتها وما طُفتها دَورين ...
دور لِريـدي ودور فوق وجـعـي اللتْبنا دورين ...
يِمْهَ جفاها وحُبها قَيْلن في قلبي أصبحن إتنين ...
|
Post: #27
Title: Re: قوم لف .....!!!
Author: haroon diyab
Date: 03-21-2009, 08:55 PM
Parent: #26
عزام
انت زاتك اخد ليك لفه
قال شنو.....؟
عازمكم جبنة
وينه جبنتك يااخوي....؟
|
Post: #28
Title: Re: قوم لف .....!!!
Author: عزام حسن فرح
Date: 03-21-2009, 09:17 PM
Parent: #27
هارون دِياب ...
| Quote: وينه جبنتك يااخوي....؟ |
عاد إتْ قايِل جبنه بِت إبراهيم بِتلقاها في السوق الشعبي ... ما تجيها
تعال الشحانِية ... يوماتي جمرها تُقابا فُقرا ... إسيلك شنو دايِرني أقيف
بيها في < الدوارات > ...
يوماتي بِسيها ... ويوماتي معزوم ليها ... أها اللوم فيك
|
Post: #34
Title: Re: قوم لف .....!!!
Author: haroon diyab
Date: 03-22-2009, 08:33 AM
Parent: #28
ياعزام
Quote: عاد إتْ قايِل جبنه بِت إبراهيم بِتلقاها في السوق الشعبي ... ما تجيها
تعال الشحانِية ... يوماتي جمرها تُقابا فُقرا ... إسيلك شنو دايِرني أقيف
بيها في < الدوارات > ...
يوماتي بِسيها ... ويوماتي معزوم ليها ... أها اللوم فيك |
اها الجمعة اكان ماجيتك ومعاي بت الشيخ والكتاكيت
يبقي اللوم علي .
جبنتك مشروبة....علا ملوحة الغداء دي لاشفناها لاسمعنا بيها.
كمان عاوزين تخربوا لينا تراثنا
|
Post: #29
Title: Re: قوم لف .....!!!
Author: كمال سالم
Date: 03-21-2009, 09:46 PM
Parent: #25
معقوله ياهارون أنا أدقس ؟
يعنى كلمة ( إنت ) دى ماقريتها
أعد ياهارون أعد ,,
|
Post: #35
Title: Re: قوم لف .....!!!
Author: haroon diyab
Date: 03-22-2009, 08:40 AM
Parent: #29
يازعيم
سلام
Quote: معقوله ياهارون أنا أدقس ؟
يعنى كلمة ( إنت ) دى ماقريتها
أعد ياهارون أعد ,, |
اعدته ابوي ...اعدته
انت ضمير مستتر تقديره عزام المطوفش
برضو قوم لف....!!!
|
Post: #30
Title: Re: *
Author: كمال سالم
Date: 03-21-2009, 11:54 PM
Parent: #18
| Quote: وتورونا دينا نوريكم عزاز |
عمر الفاروق عزاز شفناها ,, إنتو البشوفكم دينا شنو ؟؟؟
|
Post: #31
Title: Re: *
Author: Amira Elsheikh
Date: 03-22-2009, 04:09 AM
Parent: #30
اها ساهرنا سهر شديد ودى رجعتنا من المطار
رايك شنو يا عمر الفاروق ....؟
كل شئ مية مية ..
|
Post: #32
Title: *
Author: عمر الفاروق
Date: 03-22-2009, 07:04 AM
Parent: #1
اها يا جماعة اصبح الصبح فلا السجن ولا السجااان؟؟..
والله يا اميرة ما قصرتي وعقبال يا يمة كدي نحرس ليك مطار الرياض يوم يقولوا ليك بورداب الخرطوم إنو إبراهيم بقال في زيارة لي الرياض قااادر يا كريم ..
لكن يا أميرة بيني وبينك كده وتحت تحت ما شوفتي ليك اييي خليل شايل ليهو لافتة في المطار ده ؟
تخريمة :
والله كل ما ابدا إجراءات السفر للدوحة واتذكر إنو محمد عبد الرحمن هناك بلغي الفكرة ..
|
Post: #33
Title: Re: *
Author: DKEEN
Date: 03-22-2009, 08:10 AM
Parent: #32
انا وكمال وكان الشيطان ثالثنا..
حاانزل صور لي شبح دينا خالد في قهوة عشيرق..
نامل ان يسمح لنا الاخ كمال بذلك ..كما نرجو اذن الشبح
|
Post: #36
Title: *
Author: عمر الفاروق
Date: 03-22-2009, 08:43 AM
Parent: #1
والله يا ناس الدوحة خجلتونا ودعوتكم مقبولة بس خارجو محمد عبد الرحمن ومحمد الحسن ده ونحن بكرة معاكم ..
ومن اسسسة يا جماعة انا لمن اجي عندي يوم مع نادوس عبد الجليل ويوم مع هارون دياب ..
تخريمة :
يا هرون ياخ ما تعصر على كيمو ده شديد ما شايفو (إنت) دي خاتيها كشحة كشحة ؟:D:D:D:D:
لكن بمقلبو ليك وبجي انا وما بجيب الجماعة ديل معاي..
:)
|
Post: #37
Title: Re: *
Author: haroon diyab
Date: 03-22-2009, 08:50 AM
Parent: #36
الفاروق
سلامات
Quote: والله يا ناس الدوحة خجلتونا ودعوتكم مقبولة
بس خارجو محمد عبد الرحمن ومحمد الحسن ده ونحن بكرة معاكم ..
ومن اسسسة يا جماعة انا لمن اجي عندي يوم مع نادوس عبد الجليل ويوم مع هارون دياب .. |
وبي زيارتك بيتنا نور والله نور .....
نزداد شرفا علي شرف.....
وحرم البورداب كلهم معزومين من حسع.
|
Post: #38
Title: Re: *
Author: أيمن الطيب
Date: 03-22-2009, 08:54 AM
Parent: #36
يا عمر الفاروق سلامات,,
يا صاحب,,,
ما عارف ليه كل ما أفتح البوست دا تجينى ريحة اللستك!!!!!
ياخ القصة دى لا تخلو من كمين وشوية هبايب!!!!!
وبت الشيخ دى إن شاء الله بس تكون واعية للكمين دا,,,
مودتى,,,
|
Post: #39
Title: Re: *
Author: Amira Elsheikh
Date: 03-22-2009, 09:20 AM
Parent: #38
Quote: وبت الشيخ دى إن شاء الله بس تكون واعية للكمين دا,,,
|
ايمن
عشان الكلام دا ايمن نحن اخترنا كيكى(تحديدا) للتعامل مع مثل هذه الشخصيات اللامعة
وعندو تجارب ناجحة جدا
|
Post: #40
Title: Re: *
Author: محمد عبدالرحمن
Date: 03-22-2009, 09:26 AM
Parent: #38
حالتك تحنن ياعمر ياخ ...وكشف حالك يبقى على العدو ..
عموما انا شايف خليل امبارح شايل لافتة مكتوب عليها الهلال ..
طبعا زى ماانت عارف هو بنحس الهلال ..عشان كدا انت فتحت
ليهو بوست طويل عريض بخصوص هذا الامر ......
عالم جبانات .. بفكر اعمل بوست اسميهو (الاجندة الخفية فى الحروب
الاسفيرية عمر الفاروق وخليل نموذجا) ...
تعرف ياعمر حلك الوحيد الضيوف يسافروا ماشايف ليك حل غير كدا ..
لانو لو الحالة دى استمرت اكتر من كدا الا نكلم بكرى يحظرك ..
بعدين لو جاى الدوحة كلمنا من بدرى نشوف لينا طريقة مخارجة ..
(كربتا)* شنو الدوحة تجيها انت ..؟!
كربتا ..يعنى ذنبها شنو ...طبعا ا لترجمة مالى عمر.. للاخرين
..لانو عمر اصلا من عندينا وان انكر.. ويفترض انو يكون
ملم بالمصطلحات دى....
|
Post: #41
Title: Re: *
Author: tmbis
Date: 03-22-2009, 09:34 AM
Parent: #38
والله يا دوحـابست أو يا دواحبـه .. عاجزين عن شكركم ..
بي دعواتكم وكرمكم الفياض .. الواحد كدا زي شاف دينا دي عيانا بيانـا 
الموضوع قيد التنفيذ .. ادوهـا صنة..
بعدين كيكــي وين إنتو ..؟
ما من زمان بيكورك انا اسوي ليكم وانا بتاع .. أتاريهو طلع المسئول الإعلامي حقكم ..؟
نحن كان جينا الدوحـة بنلعب وست في (دخـان) نجيب معانا فرده واحده بس .. جوز زاتو كتير على ناس كيكي وضحيـة .. وخليل .. نوزع ليكم الكوتشينة كلها ونحن نشيل لينا تلاتة اربعة كروت بس .. وبعد دا تتسنفكو وتتسيكو .. واي حاجة .. لو عندكم محترفين حقو من حسع دي كل واحد تشترو ليهو جوزين كوتشينه وتخلوهو يتمرن تمارين قاسيه على القصقصة .. والتسميات ومحاولات التسقيط الفاشلة ..
ثم
بعداك نوقع ليكم في ضهـر فردة الكوتشينة القبيلك ديك ..
وهذا
للذكــــــرى
|
Post: #42
Title: Re: *
Author: عزام حسن فرح
Date: 03-22-2009, 09:49 AM
Parent: #41
كمال سالِم ...
Quote: اها الجمعة اكان ماجيتك ومعاي بت الشيخ والكتاكيت
يبقي اللوم علي . |
أنا أخوك ... حبابك ألف ... جيتاً جيت
المُلوحه ويوم داك خُصِصت لِطارِق ود اللِوا الجُمعة الجايه علينا
مُلاح أحمر + صلطة + جبنه + قطيعة الجُمعة ... كِده كيف ...
مُمكِن تنَوِع : حبه عرب + سُكان أصلِيين
|
Post: #43
Title: Re: *
Author: Amira Elsheikh
Date: 03-22-2009, 10:10 AM
عاااااااااااااااااجل من المرابض كيكى
عبر الsms
الرد الرد كبارى وسد
|
Post: #44
Title: Re: *
Author: tmbis
Date: 03-22-2009, 10:25 AM
Parent: #43
دي برقية من المعسكر ..؟
| Quote: الرد الرد كبارى وسد>>> |
حسع برجف مالوو الزول دا؟؟
|
Post: #45
Title: Re: *
Author: محمد عبد الماجد الصايم
Date: 03-22-2009, 10:34 AM
Parent: #44
غانجين يا شينين
شايف التحركات دي مدورة من أمس
نهايتو شنو؟
|
Post: #46
Title: Re: *
Author: Amira Elsheikh
Date: 03-22-2009, 11:02 AM
Parent: #45
خليك فى شحدتك ......
ياعمك
|
Post: #47
Title: Re: *
Author: محمد الطيب حسن
Date: 03-22-2009, 12:50 PM
Parent: #46
كمال سالم
هارون دياب
ابوساندرا
عزام فرح
اميره الشيخ
والبقيه من بورداب الدوحه
انسونا من ناس السعوديه ديل بتاعين ونسه وجرارين هواء
بالاخص الفاروق ده
اها عشان كده والجو الايام دي ساحري ومبالغه
اقترح رحله يوم الجمعه الجايه
والساوند والفنان علي
اها شن قولكم
|
Post: #48
Title: Re: *
Author: عزام حسن فرح
Date: 03-22-2009, 01:32 PM
Parent: #47
موافِق (0)
التفاصيل (0)
(إنتهى)
|
Post: #49
Title: Re: *
Author: Amira Elsheikh
Date: 03-22-2009, 02:07 PM
Parent: #48
مواااااااااااااااااافقة
|
Post: #50
Title: Re: *
Author: haroon diyab
Date: 03-22-2009, 02:47 PM
Parent: #47
حماده
Quote: اها عشان كده والجو الايام دي ساحري ومبالغه
اقترح رحله يوم الجمعه الجايه
والساوند والفنان علي
اها شن قولكم |
مواااااااااااااااااااااااافق
وجااااااااااااااااااااااااهز
وعلي مسئوليتي
ضحية
ود القريش
صحافة 30
معتصم الطاهر
محمد عثمان كمبورة
ابو ساندرا
|
Post: #51
Title: Re: *
Author: كمال سالم
Date: 03-22-2009, 02:58 PM
Parent: #50
Quote: وعلي مسئوليتي
ضحية
ود القريش
صحافة 30
معتصم الطاهر
محمد عثمان كمبورة
ابو ساندرا |
ياهارون دياب قاشر بصورتى وبعد ده كلو أنا ماتحت مسئوليتك ؟؟
والله ياجماعه فضحتونا وشرطوا عينا ,, وحتدوا عمر الفاروق وتمبس
ده فرصه عشان يشرشحوا فينا ,, زول فاتح بوست لموضوع معين , حتى
الآن ما أتحسم ,, تجوا تعملوه بوست رحله ؟
بالله ياتمبس دور فيهم كلهم ولا تثتثنى أحد ,,
|
Post: #52
Title: Re: *
Author: nadus2000
Date: 03-22-2009, 03:41 PM
Parent: #51
| Quote: ومن اسسسة يا جماعة انا لمن اجي عندي يوم مع نادوس عبد الجليل |
يا عمر ورفاقه
حبابك ألف يا أخ كان ما شالتك الأرض نشيلك في رؤوسنا
وطبعا بالواضح كدة نحن اسبوع زاتو شايفنو شوية...
مرحبا بك وبتمبس وحميدة وكل الرفاق المعاااك
|
Post: #53
Title: Re: *
Author: haroon diyab
Date: 03-22-2009, 03:50 PM
Parent: #51
يازعيم
| Quote: ياهارون دياب قاشر بصورتى وبعد ده كلو أنا ماتحت مسئوليتك ؟؟ |
ياعمكـ
الفوق ديل كلهم مسئوليتكـ
اها قصرنا.....؟
بس انت جهز العدة والسيك علي .
|
Post: #54
Title: Re: *
Author: عزام حسن فرح
Date: 03-22-2009, 04:14 PM
Parent: #53
بِالله يا هارون دِياب ده كلام ... كذا مره كتبت مُداخلة على صورة بروفايلك
بِإعتِبارك كمال سالِم ... بِالله الداعي شنو لِلخبطه دي هسِع ... أها يازول
بِرغم إني بريدك وبريد كمال سالِم لكِن لن أتداخل مع أيُكُما ... فقط حتى
لا أقع في الإعتِذارات [ أنا ما كُنت قاصدك ] [ أنا كُنت مُفتكرك كمال سالِم ]
[ هي ده إتْ معليش العتب على النظر ] ليه هو أنا ناقِص تِبِحِت ... أقوم
أعايِن لِلصورة وبعدين أعايِن للإسم وبعدين أكتِب شنو بعد اللفه الطويلة دي
ما خلاص بِتكون طارت ... غايتو مِحنِك مِحن ... بخيتا عليك النيو لوك
|
Post: #55
Title: Re: *
Author: haroon diyab
Date: 03-22-2009, 06:03 PM
Parent: #54
عزام ياابو الرجال
Quote: ليه هو أنا ناقِص تِبِحِت ... أقوم
أعايِن لِلصورة وبعدين أعايِن للإسم وبعدين أكتِب شنو بعد اللفه الطويلة دي
ما خلاص بِتكون طارت ... غايتو مِحنِك مِحن ... بخيتا عليك النيو لوك |
الله يضحككـ دنيا واخره....
واخره دي بعد عمر طويل
قول آمييييييييييييييين
|
Post: #56
Title: Re: *
Author: أبو ساندرا
Date: 03-22-2009, 07:12 PM
Parent: #55
باقي عليك يا عزام
وشاريك كمان
إلا حكاية دي ماقدرت ابلعها
دور واحد راسك بيلف
تعمل التاني بتنفق طوالي
انا من يوم تنيت بالتني من القهوة الكاربة لي هسع النوم من عيوني طار
وساهرتو بينا
الحالة الواحد كان مجنن الجن ذاتو
|
Post: #57
Title: Re: *
Author: khaleel
Date: 03-22-2009, 08:00 PM
Parent: #56
عمر الفاروق الكركبة شنو
متين جائي الدوحة عشان نذيب الجليد
والله ما عندنا معاهو حاجة بس بنشرح ماسماتك ساكت
اها جات وللا ما جات
يا كيكي اضرب تلفون طلبك مضمون
|
Post: #58
Title: Re: *
Author: khaleel
Date: 03-22-2009, 08:17 PM
Parent: #57
يقول عمر الفاروق
لكن يا أميرة بيني وبينك كده وتحت تحت ما شوفتي ليك اييي خليل شايل ليهو لافتة في المطار ده
ويقول خليل العازة
معقول يا عموري
خالك خليل العب لعب اشبال زي دها
ثورة الاتصالات دي بتسو شنو
بتجيب الفي يوغندا والفي عمارات
يلا شرفنا وخلي الرحلة اول ابريل
احتمال تكون عندنا حفلة بالفنانة الجميلة شروق ابو الناس
اها برضو قول ما بتعرف تغني
جنك مكاجرة زي ما قال محمد عبد الرحمن
جيب معاك ود الباوقة ما تنسي
|
Post: #59
Title: Re: *
Author: محمد الطيب حسن
Date: 03-22-2009, 10:40 PM
Parent: #58
عزام غايتو يوم بتكتل ليك زول هنا
Quote: ليه هو أنا ناقِص تِبِحِت ... أقوم
أعايِن لِلصورة وبعدين أعايِن للإسم وبعدين أكتِب شنو بعد اللفه الطويلة دي
ما خلاص بِتكون طارت ... غايتو مِحنِك مِحن ... بخيتا عليك النيو لوك |
|
Post: #60
Title: Re: *
Author: محمد عبدالرحمن
Date: 03-23-2009, 09:48 AM
Parent: #59
ياخليل ..
عمر دا اوعدو بانك حاتعمل ليهو سندوتش زيتون بالجبنة بقتنع
بجى ...طبعا هو حدى قبل يومين ماكان عارف بانو الزيتون ممكن
يحشوهو سندوتش ..هو حد معرفتو سندوتش جبنة يشتريهو وهو
راكب البص ماشى يسلم على اهلو فى الجزيرة ..لكن زيتون وجبنة
مع بعض ديل معرفة قبل يومين بس ...
على فكرة ياعمر الزيتون بطلعو منو (الحب) وبقطعوهو شرائح
فما تخاف مافى شيء (بعتر) ليك ...
|
Post: #61
Title: Re: *
Author: محمد الطيب حسن
Date: 03-23-2009, 10:25 AM
Parent: #60
Quote: على فكرة ياعمر الزيتون بطلعو منو (الحب) وبقطعوهو شرائح
فما تخاف مافى شيء (بعتر) ليك ...
|
وعلي فكره تانيه غير بتاعت محمد عبدالرحمن
الزيتون بقوم الشعر ياعمر الفاروق
|
Post: #62
Title: *
Author: عمر الفاروق
Date: 03-23-2009, 11:13 AM
Parent: #1
يا جماعة البوست ده بي رعاية سوداني فما تمرروا دعايتكم بي هنا بحكم انو بوستاتي سوقا رائج وكده يا محمد طيب ..
اسة لو فتحت ليك بوست انت بي رحلتكم دي حا يقروهو تلاتة انت واتنين متصفحين :)
ادفع حق الاعلان ياخ..
|
Post: #63
Title: Re: *
Author: Amira Elsheikh
Date: 03-25-2009, 09:11 PM
Parent: #62
foooog
|
Post: #64
Title: Re: *
Author: Amira Elsheikh
Date: 03-25-2009, 09:32 PM
Parent: #62
foooog
|
Post: #65
Title: Re: *
Author: Amira Elsheikh
Date: 03-25-2009, 09:33 PM
Parent: #62
foooog
|
Post: #66
Title: Re: *
Author: محمد الطيب حسن
Date: 03-26-2009, 00:09 AM
Parent: #65
الفاروق الفارق زمن
Quote: يا جماعة البوست ده بي رعاية سوداني فما تمرروا دعايتكم بي هنا بحكم انو بوستاتي سوقا رائج وكده يا محمد طيب ..
اسة لو فتحت ليك بوست انت بي رحلتكم دي حا يقروهو تلاتة انت واتنين متصفحين :)
ادفع حق الاعلان ياخ.. |
البركه في اميرة بت الشيخ
|
|