Post: #1
Title: المنبر بقي كلو شحده
Author: نوفل عبد الرحيم حسن
Date: 03-19-2009, 05:32 PM
واحد جعلي جاهو شحاد .. قال للشحاد جنسك شنو ؟
الشحاد قال ليهو .. جعلي
الجعلي قال للشحاد .. يا زول هوي انت ماك جعلي
علي الطلاق الجعلي من الله ما بشحد
استغفر الله العظيم
النكته عويره مش ؟
الشعب السوداني أبي عزيز النفس
ولم تنتشر ظاهرة التسول والاحتيال الا في عهد الانقاذ
ولم يكثر الحديث عن الشحده هنا الا بعد حديث الدكتور
سأقوم بأيراد بعض الامثله لاساليب الشحده وانتشارها كظاهره
لنناقش ظاهرة الشحده في عهد الانقاذ
|
Post: #2
Title: Re: المنبر بقي كلو شحده
Author: عبدالعزيز الفاضلابى
Date: 03-19-2009, 05:34 PM
Parent: #1
الرجل لم يقل كانوا شحاتين ,, قال مثل الشحاتين ,, وفرق كبير ان تقول لى انت شحاتا وان تقول مثل الشحات فقد شبه حال المواطن جراء المعاناة التى كان يعانيها ـ ولا احد ينكرها ـ بحال الشحات ,, الذى لا الزام على احد ان يعطيه فالرجل اراد ان يقول :
ان المواطن كان يسعى للحصول على حقه كمن يتسول ,, فهو لايهاجم الشعب انما يهاجم الأنظمة التى كانت قائمة ويقول انها جعلت الشعب يتسول حقه الواجب على تلك الأنظمة,,
عين الرضا عن كل عيب كليلة *** وعين السخط تبدى المساويا
ومثلنا الشعبى يقول:
اللى مـابدورك فى الضلمة يحدر ليك.
|
Post: #3
Title: Re: المنبر بقي كلو شحده
Author: نوفل عبد الرحيم حسن
Date: 03-19-2009, 06:01 PM
Parent: #1
عادة ينتهي دوام العمل لدينا في تمام التاسعه مساء
خرجت امس الاول في التاسعه الا قليلا لمشاركة زميلي بعض دخان سجائر
وهذه عاده تلازمنا منذ وقت طويل .. لا يتكيف احدنا لنفث الدخان الا بوجود الاخر ودعوته
عند المدخل الزجاجي الرئيسي اثناء خروجي ...لمحت فتاتان في مقتبل العمر يفقن البدر جمالا
قلت في نفسي . لابد انهن من بنات المنشيه هذه واتن للسؤال عن زميلي ....
انا : السلام عليكم : انتوا تبع زميلي فلان ؟
لا : نحن طالبين مساعده
زهلت لم اصدق عيناي .. صمت وقتا لا ادري كم هو بعدد الدقائق
ممكن مويه لو سمحت ؟
جدا جدا ...
بعد ان عدت بالماء .. زميلك قال لينا دقيقه وح ارجع ليكم
نحن طالبات في الثانوي .. ساكنين بحري ال ... ظروفنا صعبه وايجار البيت غلبنا
سيد البيت داير مننا مليون وسبعمية الف ..
التانيه متدخله .. فلانه دي جات الاولي في المدرسه
اثناء ذلك .. أتي زميلي .. ودس مبلغ مالي في يد احداهن
خلاص امشن ربنا يوفقكن .. الوقت اتأخر وانتن بنات .. هكذا خاطبهن
قلت ليهو كنت وين ؟
.. لقيت مافي قروش كفايه في جيبي .. مشيت الدكان استلفت قروش وجيت
صمت انا وصمت هو ولم يشعل احدنا السجاره التي خرجنا من اجلها
|
Post: #4
Title: Re: المنبر بقي كلو شحده
Author: نوفل عبد الرحيم حسن
Date: 03-19-2009, 06:08 PM
Parent: #3
عبد العزيز الفاضلابي
لك تحية الاسلام التي لم تبدأ بها حديثك
ما يهمني في هذه المساحه هو مقارنة الشحده قبل الانقاذ ثم بعد الانقاذ
كيف كانت .. مدي انتشارها .. كيف الحال اليوم .. مدي الانتشار
لك التحايا مره اخري وارجو ان تثري المساحه من هذه الزاوية
|
Post: #5
Title: Re: المنبر بقي كلو شحده
Author: عبدالعزيز الفاضلابى
Date: 03-19-2009, 07:36 PM
Parent: #4
Quote: عبد العزيز الفاضلابي
لك تحية الاسلام التي لم تبدأ بها حديثك
ما يهمني في هذه المساحه هو مقارنة الشحده قبل الانقاذ ثم بعد الانقاذ
كيف كانت .. مدي انتشارها .. كيف الحال اليوم .. مدي الانتشار
لك التحايا مره اخري وارجو ان تثري المساحه من هذه الزاوية |
اخى لك العتبى حتى ترضى ,, ومشكور على التذكير
السلام عليكم ورحمة الله وبركاته
نسيتها غير عامد
مرة اخرى شكرا
|
Post: #6
Title: Re: المنبر بقي كلو شحده
Author: نوفل عبد الرحيم حسن
Date: 03-19-2009, 09:04 PM
Parent: #5
وعليكم السلام ورحمة الله وبركاته اخي عبد العزيز
وشاكر لك مرورك الاول ... والف شكر لمرورك الثاني
كن بخير
|
Post: #7
Title: Re: المنبر بقي كلو شحده
Author: نوفل عبد الرحيم حسن
Date: 03-19-2009, 09:17 PM
Parent: #6
مره من ذات الليالي حضر اشخاص يرتدون جلاليب - بيضاء ومكويه
عليها ثياب خضراء جميله تسر الناظرين يحملون اوراقا في يديهم
بعد السلام والدعاء لي .. عرفوني بأنفسهم .. نحن اولاد الشيخ ... شيخ الطريقه ...
مرحب حبابكم ... نحن عاملين جوله لدعم الخلاوي والمسيد واتوسمنا فيك الخير
قلت لهم : الشيخ فلان واولاده فلان وعلان ومقرهم كذا ؟ اجابوا نعم
اخبرتهم : الشيخ دا جدي انا .. ولا يسأل الناس .. بل ينفق من حر ماله علي الناس
انتوا ما عندكم اي علاقه بيهو وشغلكم دا اساءه ليهو وللمسيد وخلاوي القرآن
تمشوا معاي للشيخ ؟ ولا تمشوا من هنا وما تشحدوا بأسمو تاني ؟
يا شيخ كنا دايرين الساهله من مال الله ... السلام عليكم
دا نموزج من اساليب النصب والاحتيال
|
|