Post: #1
Title: لماذا تم تحريف كلام الدكتور مصطفي عثمان
Author: عمر صديق
Date: 03-18-2009, 06:20 PM
Parent: #0
كثير من الجهات الصحفية العربية حاولت المزايدة علي سودانية دكتور مصضي عثمان اسماعيل
حيث كان قد ذكر ان حكومات ما قبل الانقاذ كانت متسولة
وتم تحويل الكلام لحاجة في انفس البعض وزعموا انه قال ان السودانيين كانو شحادين قبل الانقاذ
|
Post: #2
Title: Re: لماذا تم تحريف كلام الدكتور مصطفي عثمان
Author: عمر صديق
Date: 03-18-2009, 08:10 PM
هذا ما اورده احد الاعضاء عن كلام دكتور مصطفي
Quote: و كان رد الدكتور بالحرف الواحد و بكل أدب قال ليك يا صديق:
لو كانت الحكومة تتعامل بالعنتريات لكنا حتى الان في صفوف البنزين و صفوف الرغيف و قطوعات الكهرباء التي كانت عام 89 ، و العنتريات لا تشيد آلاف الكيلومترات من الطرق و العنتريات لا تشيد الجسور و العنتريات لا تفتح الجامعات و العنتريات لا تبني السدود و الحكومة لا تتعامل بالعنتريات. |
|
Post: #3
Title: Re: لماذا تم تحريف كلام الدكتور مصطفي عثمان
Author: عمر صديق
Date: 03-18-2009, 08:25 PM
Parent: #2
وهذاما قاله عضو اخرعن كلام الدكتور
Quote: ويقول لو ان الانقاذ تعمل بالعنتريات لما وصلتم الى مافيه الحال من
الدعد ورغد العيش وجدناكم جملة متسولين تطوفون العالم اعطوكم او منعوكم ولو قبض الناس
من حولكم ايديهم لاصبحتم شحادين من لد الجزار والاستاذ والدكتور..وجدناكم صفوف متراصه
من اجل الخبز والبنزين والدواء |
|
Post: #4
Title: لغة الانقاذ
Author: فتحي الصديق
Date: 03-18-2009, 08:55 PM
تلك هي لغة الانقاذ يا أستاذ عمر..ولا غرابة في الأمر..ولك أن تراجع تصريحات الانقاذيين منذ بداية التسعينيات من القرن الماضي..وحتى ما بعد 4 مارس..
تدهشني محاولتك الدفاع عن الوزير الطبيب..وليس بمقدور أحد الدفاع عما قال أو تبريره..وما قاله لا يمت للدبلوماسية بصلة ..لكنه الافلاس و(حراق الروح).
|
Post: #5
Title: Re: لغة الانقاذ
Author: elsawi
Date: 03-18-2009, 09:32 PM
Parent: #4
هذا ما قاله مصطفي عثمان اسماعيل
ولا اعتقد ان مؤسسة صحفية عريقة كالشرق الأوسط
ستستفيد شيئاً من نقل الأخبر الكاذبة او تحريف الأقوال
|
Post: #7
Title: Re: لغة الانقاذ
Author: ثروت سوار الدهب
Date: 03-18-2009, 09:37 PM
Parent: #5
| Quote: لماذا تم تحريف كلام الدكتور مصطفي عثمان |
هذا في حد ذاته تحريف.
التحريف و الكذب صفة ملازمة لمن تبع حسن البنا إلى يوم يبعثون.
|
Post: #6
Title: Re: لغة الانقاذ
Author: علاء الدين صلاح محمد
Date: 03-18-2009, 09:35 PM
Parent: #4
الاستاذ صديق منطقه لا يحكمه منطق
يريد الاستاذ صديق ان يفرض كذبة كبيرة ويبنى عليه حقائق
يا استاذ من الذي ذكر لك ان كلام مصطفى حرف
حتى تتسال عن من الذي حرف حديث مصطفى
الراجل ذكر اننا كنا شحادين قبل انقاذ الكيزان
الراجل كده
معدنو كده
كلامو كده
الراجل عندو احساس انه و اخوان نسيبة تحولوا تحول نوعي بفعل وفضل مال الانقاذ
ويقارن وضعه ووضع الكيزان قبل انقاذهم وبعد انقاذهم
و توهم ان كل الشعب كانوا شحادين قبل الانقاذ
انت حتعملوا ايه
|
Post: #8
Title: Re: لغة الانقاذ
Author: مصعب عوض الكريم علي
Date: 03-18-2009, 09:40 PM
Parent: #6
عمر صديق ...
انت داير تقنع منو؟؟
|
Post: #9
Title: Re: لماذا تم تحريف كلام الدكتور مصطفي عثمان
Author: عاطف عمر
Date: 03-18-2009, 09:59 PM
| Quote: لماذا تم تحريف كلام الدكتور مصطفي عثمان |
سلامات صديق
تؤكد في لهجة قطعية أن كلام الدكتور مصطفى عثمان قد حرف
وأنت هنا تتساءل عن ( لماذا ) تم التحريف ؟؟
أولاً بالتبادي يا خوي
أنقل لينا كلام الدكتور ( الأصلي )
عشان نقارنوا بالكلام المحرف القاموا فيهو السودانيون أو حتى الأخوان العرب الذين يعرفون السودانيين .
أها
وبعد نقتنع بأنو الكلام فعلاً تم تحرفه
حنقوم نبحث معك عن ( لماذا ) تم التحريف
قصرنا معاك؟؟
يلاَ إنت ما تقصر معانا
|
Post: #11
Title: Re: لماذا تم تحريف كلام الدكتور مصطفي عثمان
Author: ibrahim alnimma
Date: 03-18-2009, 10:49 PM
Parent: #9
اولا ماسر اجتهادك في اثبات تحريف كلامه؟؟وما الكلام الصحيح الذي قاله السيد عثمان مصطفي اسماعيل؟
ثانياً انا اقترح ان يقوم السيد عثمان مصطفي اسماعيل مدعوم بدبلوماسية تكبير تهليل بان يرفع قضية
ضد الشرق الاوسط وهي مربحة جداً اذا كسبها واكيد حيكسبها اذا هي حرفت كلامه..اذ لا يمكن من مستشار ان
يقبل بتحريف كلامه المحسوب مسبقاً وغير المبني علي عنتريات ولا محاط بحشد كبير حتي يؤثر علي استقرار
لغته ومفرادته التي ينتقيها انتقاء...
سؤال للاخ عمر صديق اذا ثبت قول الرجل لنفس الكلام هل تمتلك الشجاعة الكافية لإدانته؟؟؟وما العيب
في هذا الكلام حتي يتم التنكر منه واستبداله بكلام اخر؟؟
|
Post: #14
Title: Re: لماذا تم تحريف كلام الدكتور مصطفي عثمان
Author: Zoal Wahid
Date: 03-19-2009, 06:36 AM
Parent: #13
اين صاحب البوست؟
الناس جاتك بمستنداتها و تسجيلاتها الصوتية..... ما قصروا معاك.
وبي هناك بوست مفتوح عن انكار مصطفى و تبجح السفير ولكن ناس الشرق الاوسط
بمهنية عالية وضعوا الحقائق امام جمهور القراء.
|
Post: #16
Title: Re: لماذا تم تحريف كلام الدكتور مصطفي عثمان
Author: أيمن دياب
Date: 03-19-2009, 07:07 AM
Parent: #15
| Quote: وزعموا انه قال ان السودانيين كانو شحادين قبل الانقاذ |
ياريت ترجع للتسجيل الصوتي..
عشان تلقى إجابة على سؤالك
|
Post: #17
Title: Re: لماذا تم تحريف كلام الدكتور مصطفي عثمان
Author: مبارك محمد عثمان
Date: 03-19-2009, 07:32 AM
Parent: #16
التسجيل الصوتى واضح .. كان اخير بدل اللف والدوران يعتزر ويقول يا اخوانا خانتنى العبارة
|
Post: #18
Title: Re: لماذا تم تحريف كلام الدكتور مصطفي عثمان
Author: Deng
Date: 03-19-2009, 09:18 AM
Parent: #17
عمر صديق
بعد ده ح تمشي وين؟
Deng
|
Post: #19
Title: Re: لماذا تم تحريف كلام الدكتور مصطفي عثمان
Author: نادر
Date: 03-19-2009, 09:36 AM
Parent: #18
أحرجه مستشار رئيس نظامه فولى الأدبار صاحب هذا البوست، زماااان نصحناكم وقلنا ليكم الدفاع عن الإنقاذ مهمة مستحيلة لمت يتصدى لها، يا ها بتجيب ليكم متل الزي دا، الواحد يخلي بوستاتو وراهو ويا فكيك، حاسبهم حوالي 7 بوستات أصحابهم تنصلوا منها وقالوا يا فكيك.
|
Post: #20
Title: Re: لماذا تم تحريف كلام الدكتور مصطفي عثمان
Author: عبدالكريم الامين احمد
Date: 03-19-2009, 09:46 AM
Parent: #19
|
Post: #21
Title: Re: لماذا تم تحريف كلام الدكتور مصطفي عثمان
Author: ahmed haneen
Date: 03-19-2009, 10:32 AM
Parent: #20
وهرب
الشحات
عمر صديق
توقيع
واحد شحات كبير
|
Post: #22
Title: Re: لماذا تم تحريف كلام الدكتور مصطفي عثمان
Author: khalid abuahmed
Date: 03-19-2009, 10:33 AM
Parent: #20
انت يا عمر صديق من أول يوم داخلت معاي في بوست وقلت تشتم وتسب لأنني انتقدت النظام عرفتك (قابض) عشان كده خليتك وبقيت اتجاهلك لأن المعايش جّبارة.
لكن عليك الله حا تهرب وين..؟
وبرضوا تقولوا المعارضين مأجورين..
تاني تعال.
|
Post: #23
Title: Re: لماذا تم تحريف كلام الدكتور مصطفي عثمان
Author: Muna Khugali
Date: 03-19-2009, 11:23 AM
Parent: #22
الأخ عمر صديق..
كيف يمكنك أن تدافع هكذا عن خطأ من يوصف شعبك بأنهم شحاذين؟؟
وتتهم من استنكر ذلك بالتحريف حتي والأدله موجوده؟؟
............
............
اسه عليك الله الكان شحات منو؟؟
الشعب السوداني ولا الحاكمنه؟؟
علي فكره ذاكرة الشعب قوية حتي لو ظن البعض غير ذلك..
سبحان مغير الأحوال!
|
Post: #24
Title: Re: لماذا تم تحريف كلام الدكتور مصطفي عثمان
Author: عاطف عمر
Date: 03-19-2009, 11:35 AM
سلامات أخونا عمر صديق
خدها مني نصيحة أخوية
وسيبك من ناس ( الطفل المعجزة ) ديلاك
وعشان مصداقيتك في البورد ما تهتز
تعال راجع لأخوانك وأخواتك ديل
واعتذر ليهم أنك كنت ( حسن الظن ) في مصطفى عثمان وفي الصورة الوردية المرسومة ليهو
وأنك أصلوا ما كنت متخيل أنو يوصل لمستوى زى دا
أو أنك تكون استعجلت في فتح البوست
وصدقني أخوانك وأخواتك ديل حيقبلوا إعتذارك وتكبر في نظرهم كمان
الإنقاذ دي يا خوي ما بتتشكر
امش بوست صديق الموج شوف السفير عاوز يدافع عن المستشار
قام طلعو
شخص غير عاقل
أيا والله
امش شوفا
|
Post: #25
Title: ..
Author: مؤيد شريف
Date: 03-19-2009, 11:41 AM
رمتنا بدائها وانسلت
الحركة الاسلامية في الاصل هي مشروع (شحاته) كبير في الافكار والاموال
لم ننسى ان البنوك الاسلامية التي رسخت لسلطتهم وتسلطهم المالي والتي اقاموها في عهد الغافل وصاحب العوالم الماورائية النميري كانت شحاتة عينك عينك من اصحاب المشاريع الاسلاموية من الخليجيين واصحاب الاموال واستخدموهم ليعملوا لهم من الشعب السوداني فأرا لتجارب الهوس وايدولوجيات الفناء وابادة الشعوب..
الشحات منو ؟
|
Post: #26
Title: Re: ..
Author: محمد على حسن
Date: 03-19-2009, 12:31 PM
Parent: #25
Quote: وعشان مصداقيتك في البورد ما تهتز
تعال راجع لأخوانك وأخواتك ديل |
ومتين الكيزان كانو عندهم مصادقية
الناس دول بيكضبو و يكضبو الى ان يصدقهم الموهمين اللي زيهم
من المؤسف حقا ان يكون هذا الصديق صحافي
والعزاء انه من صحاقي انقاذ الكيزان
يا رجل استحى و تعال اعتذر مرتين
مرة نيابة عن الفتى (الشحاد قبل الانقاذ) مصطفى
و مرة لانك حاولت تزيف الحفائق و خداع القراء لشي في نفس يعفوب
صحيح الاختشــــــــــــــــــو ماتـــــــــــــــــــــــو
|
Post: #27
Title: Re: ..
Author: ثروت سوار الدهب
Date: 03-19-2009, 05:04 PM
Parent: #26
يا ناس امانة في ذمتكم لاقاكم كوز مو كضاب؟
حصل لاقاكم كوز شريف؟
|
Post: #28
Title: Re: ..
Author: عبدالعزيز الفاضلابى
Date: 03-19-2009, 05:33 PM
Parent: #27
الرجل لم يقل كانوا شحاتين ,, قال مثل الشحاتين ,, وفرق كبير ان تقول لى انت شحاتا وان تقول مثل الشحات فقد شبه حال المواطن جراء المعاناة التى كان يعانيها ـ ولا احد ينكرها ـ بحال الشحات ,, الذى لا الزام على احد ان يعطيه فالرجل اراد ان يقول :
ان المواطن كان يسعى للحصول على حقه كمن يتسول ,, فهو لايهاجم الشعب انما يهاجم الأنظمة التى كانت قائمة ويقول انها جعلت الشعب يتسول حقه الواجب على تلك الأنظمة,,
عين الرضا عن كل عيب كليلة *** وعين السخط تبدى المساويا
ومثلنا الشعبى يقول:
اللى مـابدورك فى الضلمة يحدر ليك.
|
Post: #29
Title: Re: ..
Author: Munir
Date: 03-19-2009, 07:53 PM
Parent: #28
فعلآ سيد الرايحة يفتش خشم البقرة !!!!!!!!!!!!!!!!!!!!!..
ما كنت عارف مصطفي عثمان اسماعيل قال شنو، وما كنت عارف جوطة الشحادين دي فوق كم.. لغاية ما شاهدت فيديو اليوتيوب الجابو عادل عبدالعاطي وقلت ألقي فيهو دليل إدانة، فإذا بي ألقي إنو الكلام ما يهو الكلام !!!!! ..
والفيديو فيه الكلام واضح وكمان بالترجمة علي الشريط .. مصطفي عثمان اسماعيل قال "هذه الحكومة عندما جاءت إلي السلطة الشعب السوداني كان مثل الشحادين" ..
والله أنا بالجد ماعارف الجوطة دي كلها فوق كم؟؟ الزول دا قال مثل الشحادين ـ يعني زي الشحادين !!!!!!ـ دي علاقتها شنو بـ الشعب السوداني كانوا شحادين ؟؟ !!!!! .. عاملين فيها مابتعرفوا عربي يعني؟؟!!
شوفوا يا جماعة ـ إنتو الظاهر عليكم رايحة ليكم معارضة وعاوزين تمسكوا ليكم في قشة بعدما الشعب السوداني قطع ليكم قرار اوكامبو فوق راسكم !!! .. خلوا عنكم مصداقية في المعارضة عشان الواحد يحترم معارضتكم !!! .. مش ماسكين لي في كلام ميت !!! ..
ياخ بطنا طمت ياخ !!!..
|
Post: #30
Title: Re: ..
Author: حمور زيادة
Date: 03-19-2009, 08:12 PM
Parent: #29
الزميل عمر صديق في زيارة خارج الخرطوم لقريته ..
يرجع يوم السبت ..
هذا لمن سأل عنه
|
Post: #32
Title: رد
Author: مصعب عوض الكريم علي
Date: 03-20-2009, 08:04 AM
بجي متين يعني ؟
عمر صديق لو قعدت سنة لا الحول بننتظرك!!
|
Post: #33
Title: Re: رد
Author: مصعب عوض الكريم علي
Date: 03-20-2009, 08:57 PM
Parent: #32
.
|
Post: #34
Title: Re: رد
Author: صلاح الفكي
Date: 03-20-2009, 09:41 PM
Parent: #33
التحية للأخ عمر صديق..
ولي وطنٌ آليتُ ألا أبيعَهُ وألا أرى غيري له الدهرَ مالكا
عهدتُ به شرخَ الشبابِ ونعمةً كنعمةِ قومٍ أصبحُوا في ظلالِكا
وحبَّبَ أوطانَ الرجالِ إِليهمُ مآربُ قضاها الشبابُ هنالكا
إِذا ذَكَروا أوطانهم ذكرَّتهمُ عهودَ الصِّبا فيها فَحنُّوا لذاكا
فقد ألفتهٌ النفسُ حتى كأنهُ لها جسدٌ إِن بان غودرَ هالكا
موطنُ الإِنسانِ أمٌ فإِذا عقَّهُ الإِنسانُ يوماً عقَّ أمَّه
|
Post: #35
Title: Re: رد
Author: عمر صديق
Date: 03-22-2009, 11:46 AM
Parent: #34
استمعت الي التسجيل ووجدت ان الدكتور قد قال:
ان السودانيين كانو زي الشحادين في وقوفهم في الصفوف للبنزين والعيش
ومن الواضح انها زلة لسان كما قالت ميادة وقد استخدم تعبير خاطئ في حق السودانيين وعليه بالاعتذار وجل من لايخطئ
-------------------------
اما الذين قالو انني هربت فلن ارد عليهم
والشكر للاخوة حمور زيادة الذي كان قد اوضح بانني مسافر وللذين تداخلو باسلوب محترم
ويا مصعب اهاانا جيتك
|
Post: #36
Title: Re: رد
Author: Elsanosi Badr
Date: 03-22-2009, 12:21 PM
Parent: #35
ودعمي عمر الصديق .... نعلك طيب والعقاب
والله ياعمر اخوي الدكتور ده اصلا ما عندو طريقه غير يعتذر للشعب ده...
تفتكر يا عمر الدكتور ده ما لقي كلمه غير شحادين يختها في الجمله عشان يفهموه هو قاصد شنو... يعني العربي كلماتو كملن عشان يقول مثل الشحادين او كالشحاتين...او اي (العبارتين اتقالت)...
ود ابوي الصديق ... اللغط الدائر هو استعمال الدكتور لمفردة شحاتين او شحادين اللبتعني ببساطه متسولين... اقحام مفردة زي دي في اي جمله مفيده بيثير الامتعاض ناهيك عن ايرادها كتشبيه او استعاره مكنيه ...
|
Post: #37
Title: Re: رد
Author: عمر صديق
Date: 03-22-2009, 12:43 PM
Parent: #36
دكتور السنوسي
تحياتي
وشكرا للمرور وكلامك عين العقل وتسلم
|
Post: #38
Title: Re: رد
Author: عاطف عبدون
Date: 03-22-2009, 12:48 PM
Parent: #37
اتخيلو دا رئيس تحرير صحيفه
|
Post: #40
Title: Re: رد
Author: عمر صديق
Date: 03-22-2009, 12:56 PM
Parent: #38
انت قاصدمنو يا عاطف عبدون
|
Post: #39
Title: Re: رد
Author: saif massad ali
Date: 03-22-2009, 12:51 PM
Parent: #37
عمر صديق
تحية طيبة
شحاد هو قبل الانقاذ وشحاد الجاز وشحاد علي عثمان وشحاد عبد الباسط سبدرات
وشحادين كل اهل الانقاذ ومن وقف خلفهم
الشعب السوداني عمرو ما عرف الشحده
انا والله ود عوج الدرب عمري ماعرفت شحده ولا شفت الشعب السوداني بشحد الا بعدما جات الانقاذ
|
Post: #42
Title: Re: رد
Author: عمر صديق
Date: 03-22-2009, 01:04 PM
Parent: #39
الاخ سيف مساعد
تحياتي
لايستقيم ان تنكر هذا الوصف علي من قال به قيل الانقاذ
وتعود انت لتصف به الشعب السوداني بعد الانقاذ
|
Post: #43
Title: Re: رد
Author: saif massad ali
Date: 03-22-2009, 01:16 PM
Parent: #42
الاخ عمر صديق
كيف الكلام ده
وصال الترابي قالت مثل هذا الحديث واقرا حديث شوقي عن مصطفي عثمان اسماعيل
امام الشعب السوداني اليوم قول ما تشاء يالحبيب
|
Post: #41
Title: Re: رد
Author: كمال ادريس
Date: 03-22-2009, 12:59 PM
Parent: #37
| Quote: ومن الواضح انها زلة لسان كما قالت ميادة وقد استخدم تعبير خاطئ في حق السودانيين وعليه بالاعتذار وجل من لايخطئ |
الزميل عمر ... احييك على شجاعتك
|
Post: #44
Title: Re: رد
Author: Shamael Elnoor
Date: 03-22-2009, 01:48 PM
Parent: #41
عمر صديق
تحياتي
تعرف لو الكلام دا طلع من الرئيس شخصياً ما كان فعل هذا الصدى ، لكن تعودنا وظننا خيرا في الرجل فهو الأكثر اتزاناً وقبولاً ، يوسفنا جدا ان نوصف بهذه الصفة الذميمة، لكن
المواقف تكشف معادن الرجال
والله أنا السودانية الأكثر اسفاً على الاطلاق ان اوصف بهذه الصفة من رجل دبلوماسي
فليعلم السيد المستشار انه من رحم هذا الشعب الشحات
اكرر أسفي
فليعتذر الرجل
|
Post: #45
Title: Re: رد
Author: عمر صديق
Date: 03-22-2009, 08:53 PM
Parent: #44
الاخت شمائل النور
تحياتي
صحيح ان دكتور مصطفي عرف عنه رجاحة العقل وتهذيب العبارة وهو قد حقق نجاحات كبيرة في مجال اصلاح علاقات السودان الخارجية لذلك كما قلتي جاء وقع كلامه بهذه الطريقة ولو اعتذر سوف يحافظ علي مكانته عند الكثيرين بمختلف توجهاتهم السياسية
|
Post: #46
Title: Re: رد
Author: عمر صديق
Date: 03-22-2009, 08:54 PM
Parent: #41
الاخ كمال ادريس
تحياتي
وشكرا علي المرور والمشاركة
|
|
