ايها الطفل المعجزة: لم نكن شحّاين الا اٍن السارقين من اخوانك قد دسّوا عنّا السُكّر

سمعنا انو الطفل المعجزة فريد عصره و تمبوش زمانه مصطفى عصمان اٍسمعيل قد صرّح فى السعودية ان الشعب الســودانى كان شحّاتاً قبل مجى ظلمة انقاذه المزعوم.

لم نكن شحاتين الا اٍن الجبهة الاسلامية كانت بتدس المواد التموينية
لم نكن شحاتين الا اٍن بنك فيصل الاسلامى كان يموّل عصابات المرابيين الاسلاميين للتلاعب بالمواد التموينية،
لم نكن شحاتين يا سارقين الا انكم بتدسو السُكّر و بترموا الرغيف فى البحر بالمال الخليجى السائب
قبل فترة نشرت صحيفة الوطن قصة مواطن سودانى له اسهم فى بنك فيصل الاســلامى من الثمانينات فكان ان تسلم ارباحه عن اسهمه التى قارب ثمن شرءها الالف دولار... استلم المواطن شيك بارباحاً بلغت 2.9 دولار ... ايوة اقل من ثلاث دولار يمكن مراجعة ارشيف الوطن هل تعلمون لماذا لان هذا البنك تم نهبه عن طريق المرابحات و قروض التمويل لصالح عضوية الجبهة الاسلامية فى فترة الديمقراطية الاخيرة ... لعب المال الاسلامى الخليجى دور قذر فى تاريخ السودان السياسي حيث وظفته الجبهة الاسلامية للسيطرة على اٍقتصاد البلاد و زرع الفتن و القلاقل من اجل اٍضعاف النظام الديمقراطى و من ثم الانقضاض عليه، و الخطة تمت بنجاج لكن ثمنها اشلاء الوطن.

_______
تعديل لاستعدال الكتابة و زنها مع العنوان، لقد كتبت على عجل
و تحت وطأة ضيق شديد عند سماعى بتصريحات طفل الانقاذ المعجزة

بكور سيد العلوم

مصطفي كلو تاريخو كان في لندن في حاجة اسمها الاتحاد العالمي

احضر مع العائدين بعد الانقلاب دربوهو في مجلس الصداقة العالمية

وطوال فترته في وزارة الخارجية كان وزير الخارجية هو علي عثمان

لضعف خبرة الرجل

ايام الانشقاق ذهب مصطفي ليتفاهم مع الترابي في منزله

الترابي امره بتقديم استقالته

هل تصدق ان الرجل قدم استقالته في منزل الترابي وقد تم نشرها في صحيفة اخبار

اليوم

وعدل عن استقالته بعد ذلك

وعندما سئل لماذا قدمت استقالتك امام الترابي

قال انا لنا مع الترابي عهدا ومع البشير بيعة

وليتني احصل علي جريدة الوفاق لتري كيف كتب عنه الراحل محمد طه محمد احمد

حينما اوقف مبلغ خمسمائة دولار كانت في مرتب سفير السودان في سوريا

حينذاك سليمان محمد سليمان

وكان يسمي سفريات مصطفي حصاد الاصفار

شحاديين قال

اشحدو ليك الدواء زي ما قالت حبوبتي

Quote: مصطفي كلو تاريخو كان في لندن في حاجة اسمها الاتحاد العالمي احضر مع العائدين بعد الانقلاب دربوهو في مجلس الصداقة العالمية وطوال فترته في وزارة الخارجية كان وزير الخارجية هو علي عثمان لضعف خبرة الرجل ايام الانشقاق ذهب مصطفي ليتفاهم مع الترابي في منزله الترابي امره بتقديم استقالته هل تصدق ان الرجل قدم استقالته في منزل الترابي وقد تم نشرها في صحيفة اخبار اليوم وعدل عن استقالته بعد ذلك وعندما سئل لماذا قدمت استقالتك امام الترابي قال انا لنا مع الترابي عهدا ومع البشير بيعة وليتني احصل علي جريدة الوفاق لتري كيف كتب عنه الراحل محمد طه محمد احمد حينما اوقف مبلغ خمسمائة دولار كانت في مرتب سفير السودان في سوريا حينذاك سليمان محمد سليمان وكان يسمي سفريات مصطفي حصاد الاصفار شحاديين قال اشحدو ليك الدواء زي ما قالت حبوبتي

خلى يا حبيب
و الله كلام الرجل المهزوز دا وجعنى وجعة، قطعت ليها قرايتى و جيت جارى...
بالله هو عايش فى لندن شن عرّفو بالشعب السودانى، هو من عيال الجبهة المدللين
و المترفين عشان كده شايف الناس الغُبش ديل قاليهم قصعه يمكن يتداعى عليها حتى المترفين
و المنعّمين.

سمعتا بقصة انحيازه للترابى فى الاول دى، و من ثم انفزر اومن يُنشّأ فى الحلية و هو فى الخصام غير مبين

ارفدنا بى بالله بى قصصو دا فى البوست دا باقى انتا جرابك لا ينفد!.

حول بنك فيصل الاسلامى يجب ان يلتفت الباحثين الى قصة هذا البنك اللعين، لانه اسهم بشكل كبير فى اٍجهاض الديمقراطية الاخيرة. اذا تأملت التاريخ القريب تجد ان البنك هذا ساهم مساهمة كبيرة فى تحصل الجبهة الاسلامية على 50 مقعد فى البرلمان الاخير، لانهم تمكنوا من تمويل حملتهم الانتخابية بصورة عالية و تنسيق كبير مما وفره البنك من رزق حلال سائب و هامل وقع فى ايدى النصّابين و النشّاليين الاســـلاميين. و الله لازلت اذكر القصة المأساوية التى رواها ذلك المواطنين المسكين، اظنه رصيد غربته و ايامه الحوالك التى قضاها خارج الوطن، وضع كل تحويشه عمره فى اسهم ذلك البنك فى النصف الاول من الثمانينات، و فى بداية الالفينات تسلّم شيك ارباح عن الفترة الماضية اقل من ثلاث دولارات، و قالوا له ان بقية ارباحك زدنا لك بها اسهم، اسهم مين يا عم هو الراجل طوال عمره لم يتذوق ثمار لتك الاسهم ح يأكل ورق يعنى و صكوك. طبعا البنك ليس فى وسعه صرف ارباح لان كل العمليات بتاعت الاستثمار و المرابحات كانت تعطى لاعضاء الجبهة الاسلامية لتمويل انفسهم و تمويل العصابة، لم تحرك قضية و لم تتم ملاحقة قانونية لاحد لان الموضوع كله زيتهم فى بيتهم و هذا ما تفضّل به الله من رزق حلال طيب. فى ذات العدد تبرع الاستاذ سيد احمد خليفة بنشر لستة مدونية البنك فى صحيفته بالمجان.... قال ليهم بس جيبوا لستة الناس المطلوبين قروش بنك فيصل الاسلامى و انا بنشرها فى جريدتى بالمجان... عليك امان الله عملوا نايمين و عصرو ضنبهم سااااكت، لانو اللستة لو اتنشرت بنكشف المستور.

لم نكن شحاتين، لكنكم كنتم تتلاعبون بمصير الغلابة يا اخو السارقين السمان.

ya bakri slaaam

English people say: a beggar is not a chooser..
so you could say we do not have the right to choose or select since we're punch of beggars..
we don't have the right to choose..
if we need some freedom,
some better food,
some better education,
health, medicine
must wait for that giver or donor
___
so I am lining up for that donor to arrive..

Quote: chooser.. so you could say we do not have the right to choose or select since we're punch of beggars.. we don't have the right to choose.. if we need some freedom, some better food, some better education, health, medicine must wait for that giver or donor ___ so I am lining up for that donor to arrive

الصديق ياسر طيفور التحيات الزاكيات
الانجليز اهل حكمة، انا فهمتا اللغة لكن غلبنى
اجيه المشهاد حق الكلام... حاسى انو فى فكرة ما داير اضيعها
بالتخمين تعال كدى فك الشفرة دى شوية.
مصطفى صرّح فى السعودية قال نحنا كنا شحاتين قبل الانقاذ
يشحدوا ليهو الدواء على قول حبوبة خليل.

تعال يا خليل اسمع الود التمبوشى مصطفى عصمان اٍسماعيل قال شنو
<object width="425" height="344"><param name="movie" value="http://www.youtube.com/v/Cal5Rsdevcs&hl=en&fs=1"&g...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/Cal5Rsdevcs&hl=en&fs=1"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

بعد ما قال كنا شحاتين... قال ليهو الواحد يلقى عيشتين يعمل بيهم سندوتش لاولاده
و يمشى يأكل ليهو عصيدة ولا اى هناى... على النبى شوف الوليد دا يتأفف من العصيدة
كيف ...ترباية لندن، و الله كان ما مشى لى لندن دى بقروش التنظيم ما عارفوا كان
عمل فينا شنو... العصيدة يا تمبوش امو طعام الشرفاء من اهل السودان، اهل السودان
الذين يتأففون ان يعيشوا على عالة على عرق غيرهم.