الحبيب وهبة: لئن دخلتم لأزيدنكم!!

الموضوع دا حايكون فيهو توطئة وتمهيد ومتن وحاشية..

توطئة:
بمناسبة الحبيب دى أشكر وعى جماهير حزب الأمة جناح الإمام..
فى المؤتمر السابع لولا وعى هذه الجماهير كان حايكون محمد حسن العمدة, السيد محمد حسن العمدة ويكون السيد الصادق المهدى, الصادق الصديق عبد الرحمن. ويصبح حزب الأمة عندو كفيل سعودى.
وندلف من هذا الأمر بأن مشكلة السودانيين كما قال محدثى الختمى أنهم بهينو السادة آل البيت. وكانت القصة عندما إلتقيت أحد أبناء خلفاء الختمية وهو يحمل شهادة جامعية تملأ حيطة خلفية الصالون عند بروزتها ويعمل مسئولا كبيرا فى مصانع الصداقة للنسيج.
حكى محدثى هذا ياوهبة أنو كان مع الميرغنى عندما حضر الأخير للقاهرة فى زوغته الأولى من الإنقاذ, فوجد الشيخ الإدريسى مع الميرغنى ودار بينهما الحوار الآتى:
الإدريسى: يا سيد الميرغنى ما تنقذوا ناس السودان من ناس الجبهة..
الميرغنى: ياسيد الإدريسى ناس السودان مافى ليهم طريقة إلا يجوعوا ويقفلوا بيوتم عليهم ويموتوا من الجوع حتى ينفكوا..
الإدريسى: لماذا?
الميرغنى: عشان أهانوا آل البيت.
وعندما انتهى محدثى من قصته التى يصدق أى حرف فيها تلشت من الدهشة.

دى التوطئة.

نجى للتمهيد:
وحايكون الموضوع عن مسألة المتجنسين وأسئلة رعايا العالم التالت لرعايا العالم الأول.

حاشية:
أى كلمة تكون إنجليزى معربن أو عامية غميسة صحة قراءتها على مسئولية القارئ..
كاتب هذا الخيت لايتحمل أى مسئولية فى شربكة خيوت ناجمة عن القارئ..

تمهيد:

طبعا ياوهبة نحن ونستغفر الله من كلمة نحن بعد فوز أوباما آصبحنا نمشى الخيذلى وأحيانا الهيذبى ونقعد نقوم على كيفنا ونورجغ النجليزى ورجغة ونبزغ فى الظلط لمن النجيلة تقوم مافى حدى يتكلم..
وبمنابة نبزغ, هذا الخيت منبزغ من خيت المتجنسين..
يعنى خيت المتجنسين يعتبر الخشم والغدد البزاغية وهذاالخيت إفراز له وعنه..

حاشية:
شايفك فى خيت المتجنسين قلت لى سلمى حاجة كدا عن شنبك وكدا..
راجعت كلام سلمى مالقيت فيهو أى شنبات ولا تعديل..
أوع تكون ياصاح أدروج أو جمهوى!!

نحاول نغزل الخيت دا قبل ناس العالم التالت مايصحو..

نخش فى المتن:

طبعا ياوهبة أنا- واعوذ بالله من كلمة أنا- وأوباما يعنى تقول كدا فرد, أوكما قال الأنصارى عند إئتلاف حزب الشعب الديمقراطى مع حزب الأمة سيدى وود الميرغنى بقو..... فى ......

أيوااااا بالظبط كدا إنت مليت النقط صح.

المهم مرة كدا بعد مافاز رسل لى طيارتو وكان عايزنى ضرورى جدا..
أنا إفتكرت الكول بتاعم كمل أو إحتمال عايزين مرس أو أم تكشو أو ويكة ناشفة..
لكن قلت لو كان عايز الحاجات دى كان قال..
المهم مشيت لقيتو قااااااعد فى البلكونة بتاعة البيت اللبيض وقدامو جك لبن والدنيا مغارب..
قلت ليهو وس آب برا قال لى كيفك ياوهم..
أها من كيفك ياوهم دى عرفتو ليك مزاجو رايق وعندو موضوع عايز يمزمز فيهو, لأنو دايما بحب يهظر معاى ويقول لى وين ياوهم أقوم انا ادقو فى كتفو أقولو بختك يابوى باضت لك فى قفص وميشيل دى تمووووووت من الضحك.

المهم قال لى يو,, السودان دا رايك فيهو شنو?
قلت ليهو من ياتو ناحية?
قال لى المشاكل الفى دارفور والعيال دول ناس اللنقاذ..
طبعا كلمة العيال دول ناقشا من المسلسلات المصرية.
قلت ليهو ارمى بياضك..
قال لى الولاية الواحد وخمسين..
قلت ليهو تقصد سنو ياشقى?
قعد يضحك على كلمة شقى لأنو عرف كدا معناتا الكلام وقع لى..
قلت ليهو شوف ياجوك دى تلقاها عند الغافل نبقى نحن من ضمن الولايات الأمريكية..
قال لى ليش?
قلت ليهوعايزنا ندفع ضرايب فدرالية?
قال لى طيب رايك شنو?
قلت ليهو نبقى زى وضع بورتو ريكو..
قال لى مبدئيا موافق..
قلت ليهو عندى شرط تانى..
قال لى شنو?
قلت ليهو الحكومة كلها تكون متجنسبن أمركان..
قال لى دا رايى انا زاتو..

أهاااا جاييكم فى الغريق وتفاصيل التفاصيل..

يا د. بلة ..

لدي توكيل من وهبة بالدخول ..

هيا .. زدنا

كيفك يامعتصم

ياخوى قالوا لى بقيت حنكوش وبتحتفل بى عيد ميلادك..
نحنا لينا الله وعيشة السوق العيد ميلادنا بحددوا طبيب الأسنان.

عليك الله يامعتصم قول لى وهبة أمرق لاجاى.

حاشية:
بمناسبة أمرق لاجاى
قال ليك البشير نافع قال ليهو عمر أمرق لاجاى راجنك..

قال ليهو لا والله لاهاى ما بمرق.

يا دكتور ..
أخونا وهبة النت بتاعو قطع امبارح بليل ..
فلحدي ما وحدة الأمن الالكتروني تدفع ليو حساب الشهر الجديد ما تستعجل عليو
غالبا بيدفعو ليو خلال نهار اليوم لأنو براك شايف نشاطو الامني كيف .
اعتقد انو تمبس بيكون غيران منو هسه لانو اخد مكانو في الاتهام.
محل نقبل المنبر كلو شغال وهبة الكوز وهبة الامنجي
شككونا في روحنا زاتو.
شخصيا انصح الاخ عبد الوهاب يعمل برنت اوت لكم بوست من البيقولو عنو فيهم انو امنجي و يمشي يصرف بيهم مرتب.


ما اهون عروض الناس في بلدي.
ادينا فيها مسدار او اي حاجة يا دكتور بالله.

أها ياسيد اللمنتى ليك كل واحد ضرب ليهو كباية من جك اللبن داك ودخلنا فى التفاصيل..

بادرنى أوباما بسؤال ينم عن تحفظ وتخوف..
فال لى حانضطر نستعمل القوة عشان نقدر نمكن المتجنسين من السلطة. رايك شنو?
قلت ياطويل العمر دا شدقن متعلم على اللطش ومن ناحية تانية عندنا الود دنق ممكن نوكل ليهيو المهمة دى..
قال لى دنق مابطال رغم أنو كان خاتى راسو مع كوندو يقصد (كونداليزا رايس)..
طبعا دنق زمان كان إجتماعاتو كلها مع كوندو لحدى ماجاب نيفاشا لى ناس قرنق...

أهاااا بقينا فى الحكومة قمت رشحت ليهو هشام هبانى رئيسا..
تعرف ياوهبة التقول لدغتو عقرب كف نط لمن كباية اللبن ادفقت فوق عراقيهو..
قال هاشم كوندوم? لمن انخلعت وميشيل قالت ليهو باراجل ات جنيت?
قلت ليهو مالوا?
فال اى إنت ناسى العملو جرمايا رايت معاى فى البرايمرى عايز من هسع تففدنى الدورة الجاية?
المهم قلنا نشوف المناصب التانية ونجى للرئيس فى الآخر..
جينا للخارجية رشحت ليهو تراجى..
مط شلاليفو الاتنين وصر عينو الشمال وعاين لى لابتسامة خفية..
قلت ليهو مالك هارش من ميشيل?
قال لى لا ما كدا, وعلى فكرة تراجى مرتين أهدت قفة طلح لميشيل وبتعتبر صاحبتا, لكن دى متجنسة كندى ما أمريكى.
جينا فى الثقافة والإعلام رشحت سلمى الشيخ سلامة..
طوالى حسمنى قال لى دى فيها ريحة عالم تالت, إنت ماشفت الكلام الكتبتو فى خيت المتجنسين?
المهم فى دى رسينا على بكرى أبوبكر.
الرى والموارد المائية كوستاوى.
كمان قال أول مشروع يعملو كوستاوى يكون سد عالى تانى جنوب أبوحمد ويدى المفتاح لبشاشا, وكل مايكون عندنا حاجة عايزنها من المصريين يقفل السد مايفتحو إلا يستجيبو. ونأجر ليهم وادى حلفا مفروش ويدفعوا شهريا. وحلايب اوفكورس ترجع.. و يدخلوا السودان لوترى بس.

التفاصيل كتيرة وبعضها سرى.

الغريبة المالية قال يمسكوها العوض المسلمى..
قلت ليهو دا ما متجنس قال لى عشان مايقولوا طمعانين فينا. وبعدين أصلا نحنا حانمسك وزارة البترول.

Quote: قال لى الولاية الواحد وخمسين..

Quote: أهاااا بقينا فى الحكومة قمت رشحت ليهو هشام هبانى رئيسا..

طيب كويس يابلبل
بعد قراية اولى لكلامك الدسم دا كونت ملاحظتين سريعات والبوست دا بوست كبير داير ليهو دراسة متانية وكدا .
رفضك لفكرة الولاية الـ 51 دا استعجلت فيهو شوية ودقست فيها عديل يابلة قول لي كيف :
ايوااااا قلت لي كيف يا اخوي انا هسه عمري قرب للخمسين شوف من عبود لازهري لنميري للصادق للبشير ومن ما الله خلقنا في السودان دا نحن مطالبين بالصبر وشد الاحزمة على البطون دايرين نتجدع شوية يابلة مالك مفوت علينا الفرصة دي ياخ .
51 او 52 ان شاء الله غرب الحارات ياخ .
نفسي مرتبي يكفيني
نفسي اطلع احصل بص الساعة سبعة واوصل سبعة ونص
نفسي الكهربا ما تقطع ياخ
نفسي اخش استحم في اي وقت
نفسي بتي الصغيرة بعد ما تستعمل معجون الاسنان تقفلو عشان ما ينشف ياخ .
نفسي اكل رغيف ما فيهو برومات بوتاسيوم.
نفسي يوم انوم وما يكون عندي نفاخ .
ونفسي الحاجات دي كلها تتحقق واطلع الشارع واتكلم عربي
باختصار يادكتور نحن طوالي رابطين الحزام لحدي ما نصنا اتقطع ويجيك ود الصايم يقول ليك بتسف شوف عليك النبي جنس النضمي بتاع ودالصايم وود البشرى ديل بتسف من العليها دا دايرة ليها فهم ياخ .
اها ياعمك بلة الـ 51 فكرة ما بطالة وهباني كندوم ما بينفع رئيس لاي حاجة واوباما والله طلع زول عندو عشرة وما نسي الملح والملاح فعلا هباني زي ما قال حميدة لو اتلميت معاهو في منطقة جغرافية واحدة كل العلاقة الممكن تربطك بيهو انو يكون عندو طبلية بتاعة سجاير وتجي تشتري منو سجارة وعشان ما تطول الزمن ما تولع منو ذاتو عشان ما يملاك فقر .
باقي الناس المتجنسين ديل انا كلهم موافق عليهم حسوسا سلمى بت ابوي الشيخ وزيرة سغافة واعلام .
دينق ما بطال نخليهو يمارس ادوارو المشبوهة ونكشفو بعد داك ونسلط ليهو شوية كيزان ينجضو .
ولا اقول ليك نعمل ليهو برنامج تلفزيوني زي اسمها منو المرة ايوواااا اوبرا ويكون البرنامج بتاعو اسمو امنجيوفوبيا ونعرضو يوم الخميس ونقطع مصارينا بالضحك ونمشي ننوم الدنيا فيها شنو يابلة ياخوي اخرها كوم تراب وفي الـ 51 كوم نجيلة حسب ما بنشوف في الافلام .

___
النت بيقطع ما بقدر اكتب اكتر من كدا ارتب افكاري وبجيك

أها يا دكتور
أنا ذاتي شايل توكيل من وهبة
أي شنكبة عنكبة جاهزين

دكتور بله سلام

وهبه ده حلفتك بالله رشووووو ياااااااااااخ ,,

زول يستاهل الرش ,,

Quote: أوع تكون ياصاح أدروج أو جمهوى!!

أدروج أبوي ... أدروج
و في رواية بسف


ولئن دخل عليك النبي زيدو

مسكين يا وهبة

بقت عليكـ السفة

.
.
.
.
.
.

والببزغو السفة!

Quote: جينا فى الثقافة والإعلام رشحت سلمى الشيخ سلامة.. طوالى حسمنى قال لى دى فيها ريحة عالم تالت, إنت ماشفت الكلام الكتبتو فى خيت المتجنسين?

ابو الزفت
نحنا الضربنا العالم الاول ورنيش
امسك قوى ياعمك
وحات فكى القاعة
ياكان ادونى الكونقرس شخصيا ما ساءلة
والوريقة دى لا بتحل لابتربط
النحدسك
اسم فقطا زى ماقالت حبوبة
والنقول ليك كمان
وهبة دا صحبى من سنه 1988
دا عمر ولغاية هسى ولى باكر
صحبى ان بقى بتاع امن ولا بتاع جن احمر
برضو صحبى ويعتز جدا وبفخر جدا
والماعجبو يشرب من البحر

Quote: صحبى ان بقى بتاع امن ولا بتاع جن احمر برضو صحبى ويعتز جدا وبفخر جدا والماعجبو يشرب من البحر

دين ام ابووووووووووووووووووووووووووك

والله انتِ عفنه* عدييييييييييييييل كده

اريتك صحبتي
ياخ ان شاء الله
اريتني اكون بعرفك ساكت



_____________
عفنه : ف قاموس الرندوك تستخدم للشكر والتبجيل

Quote: محل نقبل المنبر كلو شغال وهبة الكوز وهبة الامنجي

كيفك ياحمور

سودانيزاونلاين عندها مقياس إسمو مقياس يخسر..
فوهبة لحدى الآن كوز 5 درجات بمقياس يخسر وأمنجى 9 درجات بمقياس يخسر.

ومقياس يخسر دا اختراع الود دينق ويضع الدرجات بعد مراقبتك عن (كثب).

عليك الله قول لوهبة دا أمرق جاى..

غايتو يا عسكرى ما فيك فائدة



ودعمك مطلوب فى المحكمة فى جناية دم بدل ما تحوم مع الناس تلم معاهم الدية

قاعد تتصرمح مع ود حسين وتلعب معاهو فى الطاب.

علاء الدين يوسف علي محمد
أمنجى 10 درجات بمقياس يخسر(راجع الرد الممهور لود زيادة حمور)
يازول كيفك ومشروع الفارة وصل وين?

العوض المسلمي

تحيات يابنج
أنا بفتو والود دينق ورئيسكم المرشح يرشو..
إنت بس جيب التوم والدكوة.

محمد البشرى الخضر
السلام يا ابوحتحوت
تصدق أنا قلت جمهورى أتاريهو طلع متعقد من الشنب?

محمد عبد الماجد الصايم
كيفك ياواد
حا أكلم ليك ناس الهيئة بجريرة (يحرفون الكلم عن موضعه)..

سلمى الشيخ سلامة
ووليد محمد المبارك
لاتقرأوا هذا الخيت وأنتم تتعاطون خيوت أخرى..
أطلعوا من مزاج سودانيزاونلاين وأقرأوا الخيت بمزاج سودانى بشرب جبنة فى ضل الضحى..

بعدين ياوليد أما آن الأوان تخت صورتك الحديثة وتفكنا من صورتك دى أيام كنت بتدرب سبت دودو على حراسة المرمى?

دا شنو ياعمك
آمنت بالله
الواحد نتو مايقطع
يجي خاشي يلقى نفسو معفرت
كدي النقرا وبجيك راجع

هشام كندوم في المنبر العام

عُفرتت ......


لصالح وزير الــ.....



وزدنا يا دكتور ....

تعرف يابلبل ياصاحب

المتجنسين ديل حقارين حقارة لا ليها اول ولا ليها اخر صحبك هشام كندم دا اكتر واحد حقار فيهم ولكن بعد دا كلو اكبر رهوة العلاقة بدت مرة كدا يازول عملت ليهو مداخلة في بوست اول ما رجعوهو تعرف قال لي شنو انت مناكف غايتو مناكف دي بسمع بيها لكن يازول اعتبرتها شتيمة يوم زهجت منو كدا عملت ليو هششش صحبي جفل وضبتو وقعت .
قلت ايواااا دا زبوني ياعمك
اها الزمن ما طول ياصاحبي عمل لي بوست باسمي عديل وكالعادة الفكرة بائسة والاسئلة بتذكرك يوميات التحري واداني احساس باني قاعد قدام شاويش مشاخ خاتي السفة تحت لسانو والسفة معطلة ليها كم حرف من حروف العربية .
كبرت منو اللفة وعرفتو ليك زول فاضي ولا تجوز عليهو سوى الرحمة ز اها يا اخوي ما اطول عليك جات واحدة من عضوات المنبر قالت ليهو يا هباني انت مرشحي المفضل وانت اوباما السودان تتخيل والله بالجد قالت ليهو كدا .
اها قلت يا ود يا وهبة اوباما السودان دا اتحداك وجيتو راجع لقيتو كاتب لي انا دايرك في نقاش راجل لراجل قلت ليهو حبابك ورشيتو ليك تاني اشوف ليك الضبة الما بتغباني وقعت تصدق انا اتحيل لي الرباط بتاعها محلوج اها يازول بعد داك قلبي قوي وبقيت محل ما الاقيهو اقول ليهو وشششش الضبة تقع وششش الضبة تقع .
وصاحبك ما استحمل الكلام دا شايفو ليك امني ( اي جعلني امنجي ) ومرات يجردلني ( من جردل ) وانا اكتشفت انو دمي تقيل تتخيل يابلة بعد الزمن دا كلو اكتشف القصة دي واصلو ما بزعل منو ومستمر معاهو اشششش والضبة تقع .
واخيرا في الخيت بتاع المجنسين الانت جيت لقيتني فيهو وطردتني منو داك لقيتو ليك مقنطر في كوم رملة وشتو ليك بسؤال وجقلب والمرة دي الضبة ما خليتها تقع براها قلعتها ختيتها في جيبي ( كوسيلة ابتزاز ) الدنيا ما معروفة والزول دا ما مضمون وممكن جدا يلقى معلومة عني اني عندي 3 فنايل داخلية بس وممكن يستغل المعلومة دي ويفتح بيها 3 خيوت كل فنلة بخيت اللابتوب الرشاش دا صعب يازول . ومع الخيت بتاع الفنلة الاولى اطلع ليهو الضبة واطالبو بنضم الخيت والاعتذار عليك الله فكرتي ما مية مية ؟

ويتبع . . .

دكتور بله

تحياتي؛؛؛

واصل ياخي


________

عبدالوهاب ياحبيب


والله ضحكت لمن قلت الررووب

ياخوي مولد الساعة 12 ماحضرتوا كنت وين ؟

الدباب دينق جا فتح بوست امنجية رشيناهو ليك طوالي

وبكري كمل الباقي.

Quote: ياخوي مولد الساعة 12 ماحضرتوا كنت وين ؟

دكتور بشير
كيفك
المولد جيت في اخرو وشايفكم ما قصرتو
جيت داخل لقيت صحبي معفرت عفريتة شينة
عملت مداخلة واحدة والتانية والخووووور
لكن حفظتو عندي وبفكر في وسيلة ارد بيها
صحبك تعب معاي تعب شديد
ويديكم العافية ياشباب

Quote: ونبزغ فى الظلط لمن النجيلة تقوم

دي قدر ما حاولت افهمها ما قدرت

قلبتها بيجاي جاتني بيهناك

المهم..

Quote: ونبزغ فى الظلط

في واحد فيكم بثف؟؟؟

الشاويش ود محجوب
تحياتى
ياخى الواحد ماعارف يودى وشو منك وين محل ما تدخل لى فى خيت تلقانى ناقض غزل سيدنا المرغنى..

يازول معليش سيدنا الميرغنى بحر بتحمل وسخى وسخ غيرى..

معتصم أبونون
إزيك تانى
يازول عايز أباصر ليك وزارة الإرشيف..
دى مهمتا أرشفة قدامى السياسيين ووضعهم فى فترينات قزاز مكندشة..
الموضوع دا قيد الدراسة لأنو عايزين نأرشفم حيين والبموت منهم بنعمل منو مومياء أصلا فرعون أحسن منهم بشنو!!


بشير أحمد
كيفك طال عمرك
يازول ماترمى طوبة البشير دا وتجينا بى جاى..

أشرف مصطفى
كيفك ياجعلى
أقيف فى الثف مع أهل الثفة رضى الله عنهم.

نجى لى وهبة صاحب الجلد والراس

كيفك ياوهبة
لعلك طيب

أولا بالتبادى يا عمك إنت بتهين آل البيت دا ماكويس عشان مستقبلك وكدا..
طبعا كيف إنت بى صحك?
أنا وهو وهى وكل المتجنسين فى أمريكا نعتبر آل البيت خسوسا بعد ولوج ود حسين للقبة ام رخام..

فصورتك الفوق دى الخاتيها لمرشحنا بتعوقك..
مرشحنا أريتو ود السرور
بشرب الشاى ومابمشى لاهاى
لابس القميص ومو مطموس رقيص
كمان شن جاب لى جاب.

ندخل توش فى بطن الموضوع بعد أن أوسعنا متنه بحتا..
الخطة ياوهبة أنو سودان المستقبل حايكون عبارة عن ولايات كلآتى:
الشمالية وعاصمتا الدامر
والشرقية عاصمتا همشكوريب
وكردفان وعاصمتا الزريبة
ودارفور وعاصمتا كلما
والجنوب وعاصمتو نيوسايت
ودستركت اوف خرتوم وعاصمتو مرزوق
والجزيرة وعاصمتا ابقوتة

محمد سليمان حايكون وزير الشك والتوزيع يساعده بشار صقر كمستشار لشئون الجلابة..
صبرى الشريف الشئون الدينية والألقاب..
الخارجية شاورنا هلورة وقالت مابتحتاج حقيبة كفاية تكون مطبقة صغيرة تختها فى جيبا مع حقيبة الخارجية الأمريكية..
الوظائف من قفرنر ولى تحت لحدى ماير دى بتكون نصيب الجماعة المحليين المصابين بداء السيادة الوطنية..
ناس تكبير تهليل ومن شايعهم من القاعدة وفلول الإسلام السياسى ديل حايكونوا فى الجنة..
الجنة هنا كود للمعتقل وهو عبارة عن حدائق بها جميع أنواع الفواكه وبنات خواجات تين ايجر 70 لكل زعيم وواحدة لكل جندى..
ومجموعة من الغلمان البيض لزوم من اشتهاهم وعف ابتغاء مرضاة الله..
وانهار رخامية بجرى فيها اللبن والعسل والخمر..
ونستغل التكنولوجيا بحيث نزرع أدوات صوتية فى الأشجار والأنهار تبث شعارات مثل:
(هذه الجنة التى كنتم توعدون)
(سلام سلام)
(أدخولوها بسلام آمنين)
(هذا جزاء المؤمنين)
بعدين نعبى ليهم فياجرا وهروين وكوكين فى عبوات دهبية مكتوب عليها: الرحيق المختوم..

طبعا الأسلحة البنستعملا مع هؤلاء هى أسلحة لاتقتل بس تنوم المجاهد منهم أربعين يوما ويصحى يلقى نفسو فى المعتقل أعلاه..

نواصل ماانقطع من سفسطة>>>>>

بلبل
قالوا شيخ بيصف الجنة لي اهلنا
انهار خمر ولبن وحور غين
نط واحد قاليه عرفنا الناس بتمشي الجنة او النار
الابل والبقر بتمشي وين؟
رد الشيخ:الابل والبقر بتمشي باب الهوي
الراجل قال الشيخ: انا الجنة مادايره بس يدوني سفروق وتوب ويفكوني في باب الهوي!!!
هسه يااخوي حقائبك الوزارية دا مادايرة
شوف لينا طريقة للانهار الرخامية التي تجري خمرا وعسلا

Quote: شوف لينا طريقة للانهار الرخامية التي تجري خمرا وعسلا

محجوب ياخوى
الشغل دا حسب مقاس الدقن..
إنت عليك بالدقن وشوية لاشرقية ولاغربية ويا أمريكا لمى جدادك..
وليك على فوق انهار الخمر والعسل نديك الولدان المخلدون هوادة.

Quote: وميشيل دى تمووووووت من الضحك.

نان بتعرف للضحك هي ولا تكشيرتها دي تكشيرة زول ضحك في يوم من الايام






_______________
بلة انت وأوباما لو ما اديتوني منصب (حساس) بنقلب عليكم الاتنين

دكتور بله:
ده بوست عسل
انتو بتجيبو الخيال الواسع ده من وين؟؟؟
يعني أوباما قاعد في البلكونه ولابس عراقي وقدامو جك لبن,
متعه والله..

وهبه:

Quote: نفسي مرتبي يكفيني نفسي اطلع احصل بص الساعة سبعة واوصل سبعة ونص نفسي الكهربا ما تقطع ياخ نفسي اخش استحم في اي وقت نفسي اكل رغيف ما فيهو برومات بوتاسيوم. ونفسي الحاجات دي كلها تتحقق واطلع الشارع واتكلم عربي

وأنا كمان,
أضيف ليها :
نفسي الخريف يجي والناس تستمتع بالمطر من غير حفر وملاريا..
نفسي لما الكتاحه تجي الكهرباء ما تقطع, وما نعرف نمشي وين.
نفسي الشوارع تكون منسابه والكبري ما يكون زحمه عز السخانه..
نفسي يكون في بص كبييييير بتاع مواصلات يشيل الناس كلهم والمواصلات يكون عندها محطات ثابته بدل الطقطقه الكل خمسه دقائق..
برضو ده كله وأطلع الشارع أتكلم عربي..
نفسي في حاجات تانيه كتيره,
بس لما تعملوا حكومتكم دي وتظبطوا الحقائب الوزاريه,
بجيبها كلها وأجيكم,
الحمد لله , الحكومه كلها حتكون من البورد,
القراء ما عندهم أي فرقه..
كده الجار أولي بالشفعه..

سلامات,,

شكرا راوية واماني

Quote: بلة انت وأوباما لو ما اديتوني منصب (حساس) بنقلب عليكم الاتنين

كيفك ياراوية

غايتو المنصب الوحيد الحساس عندنا إدارة الثروة الحيوانية باقى المناصب كلهاهيك هيك.

أمانى الأمين
كيفنك

Quote: نفسي في حاجات تانيه كتيره,

نحن حانجيب ليك حاجات لا كراعالمست ولا خطر على يد بشر.

على هامش القعدة:

جرينا الفيشة
وختينا الشيشة
وود حسين وانا جرينا نفس..

جبنا سيرة وهبة والواد دينق..
وعشان ما أطول عليكم ود حسين جر سلك لمدير السى آى إيه..
قال ليهو تجيب لى شمار وهبة والواد دينق..
عايزك ترد على قبل مانكمل كباية اليانسون الفدامنا دى..
جانا الرد:
قالوا أصلا وهبة كان رئيس دنق فى الجهاز بتاع قوش..
قوم ياوهبة أفصل دبنق من الجهاز..
قوموا يا الشمشرجية تشوفوا دينق طافى تنقلوا الشمار لقوش..
تقوم ياقوش تسأل وهبة عن الموضوع..
يقوم وهبة يقول لقوش: أبدا مافصلتوا بس لمبتو حرقت..
يقوم دينق يسافر أمريكا..
يقوموا ناس بوش يوصلوهو فى جهازم..
يقوم دينق بعدما كانت لمبتو 100 واط تولع 1000 واط..
يقوم قوش يزور أمريكا لتسليم ملفات العيال بتاعين القاعدة والإسلاميين..
يلاقى دينق مولع زى الفل..
يقوم يزعل من وهبة ويرفدوا ويجردوا من الرتبة..

واستنادا على ماور عاليه نصل للآتى:
إنكار وهبة لتبعيته للجهاز حاليا صحيح وهو صادق..
إصرار دينق على أن وهبة تبع الجهاز باعتبار ماكان صحيح وهو صادق..
زعل قوش من وهبه مبرر لأن دينق لولا فصله من الجهاز لساعد البشير فى موضوع لاهاى كما ساد قرنق فى توقيع نيفاشا..
إنتهى التقرير.

Quote: الإدريسى: يا سيد الميرغنى ما تنقذوا ناس السودان من ناس الجبهة.. الميرغنى: ياسيد الإدريسى ناس السودان مافى ليهم طريقة إلا يجوعوا ويقفلوا بيوتم عليهم ويموتوا من الجوع حتى ينفكوا.. الإدريسى: لماذا? الميرغنى: عشان أهانوا آل البيت. وعندما انتهى محدثى من قصته التى يصدق أى حرف فيها تلشت من الدهشة.

اول حاجة الراجل الدلمة دا
ما عنده علاقة بآل بيت و لا يحزنون
اصلهم من افقانستان جاءوا للحج و جاورا المسجد و اصيبلوا بالوهم و انتسيوا بالتزوير.
و على الميرغني لقوه الانجليز لافي في ميدان العتبة في القاهرة(يكون كان بشحد) رفعوه معاهم في الحملة الماشة لود تورشين.
صاحبك جابو في الجيش دليل و مرشد و ادوه بدلة فيها رتبة ملازم.
و الباقي تاريخ زي ما بقولوا اهلنا الامريكان.

بله
مشاق ليك شوق لمن مريب
بحيك صادي

Quote: قوم ياوهبة أفصل دبنق من الجهاز..

يادكتور بلة
ليك وحشة والله
المرة دي انت وودحسين مرقتو برة ومضاف ليكم بتاع السي آي أيه لانو الزول دا انا ما رفدتو بالعكس انا كنت معجب بيهو جدا .
حتى بالامارة كنت بقول ليهو تعرف ياودبوك ( لقب) اكتر حاجة بتعجبني فيك شنو ؟
يقوم يقول لي شنو (بوجه مبتسم وشبه ضاحك)
بقول ليهو : اكتر حاجة قاعد تعجبني فيك بلادتك دي وينفجر ضاحكاً ( كان طيب خلاس )
وعندو جملة بقولها لي طوالي : والله ياعمك ( ويواصل الضحك )
واواصل كلامي معاهو واقول ليهو : ياجورج انت ما بتنفع في المخابرات لانو مقدراتك الذهنية مش ولا بد .
ويسأل وهو لا يزال يضحك : طيب بنفع لشنو ؟
وارد ليهو : انت ياعمك ممكن تكون جياشي نفر كدا
المهم ما اطول عليك يوم ونحن قاعدين نفطر سوا واحد ود حرام لقط الكلام دا وما يكضب جري على عمك قوش ، عمك ما صدق لكن ختاهو في راسو وبدا يلاحظ ليهو مثلا صحبي ما بقدر يعمل حاجتين في وكت واحد وعمل ليهو كم كمين واختبار يعني لو قالوا ليهو امشي اقبض نقد بعد شوية ينسى وتلقاهو حول ليك رصيد .
لكن قاصمة الظهر وين عارف . . . .
جاييك شيل الصبر بس قاصمة الظهر يوم عمك كنا شغالين سهرة وبالليل كدا بعد العشا ضربنا لينا 3 شاي وقعدنا برة في الجنينة بتاعة الجهاز .
قوش كان داير يطلع الموبايل بتاعو لقى في جيبو صندوق بتاع لبان طلعو اداني انا وادا صحبك وقال لينا سلوا نفسكم .
ودا زي ما انت عارف تعليمات تاكل لبان تاكل لبان وتطقطقو كمان .
اهاااا عمك بوش لاحظ لصاحبك ( على خلفية انو ما بيقدر يعمل حاجتين في وكت واحد ) انو لما يمشي بوقف خشمو من مضغ اللبان عشان يركز . لما يمضغ بقيف من المشي عمك عمل لي حركة بعينو كدا (حركة امنية) معناتا اكحل صحبك .
تاني يوم يازول طلعوا ليهو جوابو ونقلوهو المطار وبعد داك عديم العشرة ما لاقيتو الا في البورد هنا متنكر بالاسم دا وعمل بنصيحتي واشتغل بالجيش .
لكن شايفو بقى يتبوبر ويتطنقع علي تصدق لكن انا ما شغال بيهو ما دام نسى العشرة واختار سوانا حبيب خليتو للايام او لضميرو حسيب .
بجيك راجع اكيد . .

ياثروت سوار الدهب

تحياتى

يازول ماتهبش اللسياد ديل ببدلوك ..

الناس ديل آل بيت آل.

شكرا وباقى الشوق بصرو ليك فى بقجة وبرسلو بالقريهاوند.

Quote: اول حاجة الراجل الدلمة دا ما عنده علاقة بآل بيت و لا يحزنون اصلهم من افقانستان جاءوا للحج و جاورا المسجد و اصيبلوا بالوهم و انتسيوا بالتزوير.

ولا زال فى افغانستان وطاجكستان واوزباكستان وباكستان والهند الاف الالاف من اهل البيت

Quote: و على الميرغني لقوه الانجليز لافي في ميدان العتبة في القاهرة(يكون كان بشحد) رفعوه معاهم في الحملة الماشة لود تورشين. صاحبك جابو في الجيش دليل و مرشد و ادوه بدلة فيها رتبة ملازم. و الباقي تاريخ زي ما بقولوا اهلنا الامريكان.

السيد على الميرغنى (عليه رضوان الله)

غادر ولدا صغيرا بصحبة والده من كسلا لسواكن للقاهرة.

دخل الجيش الانجليزى المصرى من شمال السودان (حلفا)
وبقدرة قاد اصبح دليلا ومرشدا فى ارض لم تطأها قدمه البتة.

((اسفاف وجهل ليس الا))

يابلبل
عندي مداخلة عن جوز البنقز ديل
اشك في احتفاظي بالباسورد بعدها
انزلها ولا انعل ابليس

نزلها يا زول
كان باسويردك جاتو حاجة زاتو نرتاح منك كم يوم لغاية ما عمك المسلمي يفتح ليك خرتمية بوست

ود البشرى انت ما محايد
ارسلها ليك في الخاص تنزلها انت

رسلها
لكن ما اوعدك انزلها بي ضبانتها
احتفظ بحق إضافة بعض التوم و الشمار

الخليفة ود محجوب

Quote: ((اسفاف وجهل ليس الا))

اعتقد مافي اسفاف و تفاهة و جهل اكثر من زول يكون عنده اسياد في زمن تتطالعنا فيه عبر الانترنت
و لا مو كدي
الميرغني رجل عميل ابن رجل عميل. الم ترى صورته في ظهر الحصان وسط جيش كتشنر؟
و كذاب ليس له من بيت النبوة من اسباب

هذه الحقيقة الشمس فغطيها باصابع كفك.

د.بله
دسلامات

عليك الله الزول ده اكان مادخل برضو زيدوا
بس بعد اذنكـ
اسلم علي صحبي ثروت

ثروت يادهبنا
بنشتاق ليك دائما
-----
ود البشري
قبل ماتجي
قوم لف....
ولفف معاك وهبه زاااااااااااتو

هارون دياب
انا زعلان منك
بتشيل الفاتحة للمريخ بس
و ما بتشيلها للهلال ليه؟


مشتاقين يا زول

Quote: اعتقد مافي اسفاف و تفاهة و جهل اكثر من زول يكون عنده اسياد في زمن تتطالعنا فيه عبر الانترنت و لا مو كدي الميرغني رجل عميل ابن رجل عميل. الم ترى صورته في ظهر الحصان وسط جيش كتشنر؟ و كذاب ليس له من بيت النبوة من اسباب هذه الحقيقة الشمس فغطيها باصابع كفك.

التافه يا ثروت من يبدأ مداخلته بسباب . حدى يقول يحمل فكر ومثقف لا يجد فى قاموسه غير من يبدأ ب

Quote: اول حاجة الراجل الدلمة دا

اها دا بتقول عليه شنو ؟؟ اسفاف وللا شىء تانى.

Quote: ما عنده علاقة بآل بيت و لا يحزنون اصلهم من افقانستان جاءوا للحج و جاورا المسجد و اصيبلوا بالوهم و انتسيوا بالتزوير.

جاور بالمسجد الحرام مركز اجتماع وتوثيق الأنساب وبرضو استطاع خداعهم. ((بالمناسبة افغانستان وما جاورها استوطنها الأشراف منذ القرون الأولى للهجرة))
اها دا اسفاف ولا شىء تانى ؟؟؟

Quote: .و على الميرغني لقوه الانجليز لافي في ميدان العتبة في القاهرة(يكون كان بشحد) رفعوه معاهم في الحملة الماشة لود تورشين. صاحبك جابو في الجيش دليل و مرشد و ادوه بدلة فيها رتبة ملازم.

ودا هنا منتهى الإسفاف والجهل . حملة دليلها لم ير خط مسيرها على الإطلاق .

اها دا جهل ولا شىء تانى.

Quote: .الميرغني رجل عميل ابن رجل عميل. الم ترى صورته في ظهر الحصان وسط جيش كتشنر؟

ولا زلت تمارس ما وصت به يلا نزل الصورة . منتظر شنو؟؟

Quote: اعتقد مافي اسفاف و تفاهة و جهل اكثر من زول يكون عنده اسياد في زمن تتطالعنا فيه عبر الانترنت و لا مو كدي

الاسفاف والتفاهة والجهل لا تشبه الا من اطلق لسانه للسباب ونسج الأكاذيب.

الخليفة ود محجوب

لو كان تقيمي يعتمد على تابع مثلك فحق لك التقيم
اسيادك اللصوص سرقوا اراضي اهلنا في الشمالية و الشرق بمساعدة المزورين امثالك من شبكة خلفاء السؤ
و لذلك تقيمك لا يعنيني
خليك من آل بيت سكنوا أسيا الصغرى
آل الميرغني بالتحديد كذابين و منتحلي نسب
خدعوا به اهلنا البسطاء لينهبوهم و يسترقوهم و بمساعدة معدومي الضمير امثالك.
يا أهل التخلف و الخرافة و الاستغلال.

و كمان داير تنكر عمالة اسيادك من عاما اول
و داير تنكر دور على الميرغني في غزو السودان.

Quote: انزلها ولا انعل ابليس

ياوهبة

أنعل إبليس يعنى ألبسه نعالا..
ومن نعل إبليس لايسأل مثل هذا السؤال..
بل ينزلها ويتوكل على نعله.

ياثروت وود محجوب

خلوا لباسكم طويل وواسع وماتعصروا على الحر..

الكلام لو كندشتوه ببرد الجوف المحروق..

ياثروت
ود محجوب دا زول أخو أخوان وحبوب وطيلة معرفتى به لم أعرف أنو زعل زول..

ود محجوب
إنت وسيدى خليكم بحر ونحنا يانا إن عصرنا بول بنضرب الجرف نفك الزنقة ونقطع الجمار..
فأكيد فى قطع الجمار دا بتشوفوا عورتنا وبتسكتوا عليها وبتجرفوا بولنا مع الموجة الصاعدة والنازلة..
ياثروت
حديث البول دا مابخصك بخصنى براى واستعمال صيغة الجمع لوضع البايل فى صيغة المجهول باطنا وصيغة التفخيم ظاهرا..
وياسيدى الميرغنى
تلحقنى وتنجدنى وتكتر تميزى وتسمح قلابتى مادام طلعت أفغانى..
أما إبنك الضال ثروت فهو كمان تركى الأصل وثروت بالتركى هى ثروة بالعربى وسوار الدهب للتأكيد وشيخو عادل عبد العاطى وستو نور المسمنها على ستى نور بت سيدى الميرغنى.

بله

انت شنو حكاية البول دي في بحر المرغنية
بقيتا زي حيطة سينما وطنية
اها بول براك

بالله عادل طلع خليفة و نور منسمنها على ست نور
انا من دربي دا ماش استقيل منهم
طيب
عشان خاطرك ماني مناغم ود محجوب تاني
لكن الميرعني بلم فيه في زقاق براه

انا ماش ادخل الmovie بتاع المهدي
اصلي يا دكتور عندي Free Pass

تحاياي

Quote: إنت وسيدى خليكم بحر ونحنا يانا إن عصرنا بول بنضرب الجرف نفك الزنقة ونقطع الجمار.. فأكيد فى قطع الجمار دا بتشوفوا عورتنا وبتسكتوا عليها وبتجرفوا بولنا مع الموجة الصاعدة والنازلة..

يابلبل
زمان كنت الف احمر
شايفك من صاحبت اوباما حالك اتبدل

Quote: زمان كنت الف احمر شايفك من صاحبت اوباما حالك اتبدل

محجوب على

ياخى ماتحرشنى

الكلام دا كلو عشان خاطر ود محجوب..

عشان الورد بنسقى العليق.

بس ماتجى تقول لى منو العليق.

بلة يا بلة .. انتا يا بلة ..
بلة يا بلة .. انتا يا بلة ..

..
..

النقدة النقدة ..

..
..

بلة يا بلة .. انتا يا بلة ..
بلة يا بلة .. انتا يا بلة ..

ياثروت

التحايا مطبوقة

انا ماش ادخل الmovie بتاع المهدي
اصلي يا دكتور عندي Free Pass

دا آكشن ول رومانسى?

المحجوب ود على
صاحبي المتمم كيفي

سعال

انت ست نور دي منو؟
بيني و بينك الكلام دا ما تحدث زول.
عشان اخوك ما يطلع جاهل قدام غفرَ الدائرة.

ثروت سلامات
معقول ماعارف ست نور
ولا عتود ست نور






__________________
عتود ست نور دا اهم زول

حجة الاسلام شوكت

Quote: عتود ست نور دا اهم زول

انا بعرف عتود ست نور القال عليه الحلفاوي:
مابدري ياهليفة

ياهو زاتو

سوري ياجماعة
العتود عتود ستي نفسية
ماحق ستي نور


الواحد ثقافته السودانية بدت تضمحل




_____________
معليش ياود محجوب برضو ماكنت عاوزة الاقيك في حتة انقد فيها ناسك

Quote: دا آكشن ول رومانسى?

كوميدي يا دكتور
كوميدي

راوية و المحجوب
هو العتود بتاع منو بالضبط
سيتي نور و لا سيتي نفيسة و لا ست فله
ما تتغاتتو علي بالله
اسيادنا العتان ما نعرفم معاكم و لا شنو الحكاية. اظن بتبركو فيه براكم . ما دايرين تخلو لينا بركة في سيتي سخلة.

عالم حاسدة

سيتي سخل

تلحقينا و تفزعينا.

معليش ياوهبة

كنت حا اتضامن معاك لكن الجماعة اشتكوا لميشيل قالوا ليها الزول دا أمنعيهو من الزول داك عشان خشموا خفيف وبطلع أسرار القعدات فى sudaneseonline.

كمان قالوا لهيلارى الزول دا فانوس بجى مع بدابة القعدة يشرب جك اللبن ويتعشى ويقش خشمو ويمشى..

تصدق قالو على فانوس مع إنى جايب ويكتى وكسرتى معاى والواد داك أديتو دولار تب عشان مشى جاب اللبن بالعجلة الرئاسية أصلو أحسن طيار..

المهم أنا عملت ليك مزيرة كصدقة جارية بشربوا منها الطيارين وناس برج المراقبة..
بس عليك الله ماتنوم بالسبعين براك بهدوا حيلك.

بلبل يا عمكـ
زولكـ دا خلاس .. ما بجيكـ تاني بأخوي وأخوكـ

أسقف على كــدا

لحقتو الزينين يا بله