Post: #2
Title: Re: هل رأيتم فرعون السودان عاريا ( يوجد فيديو بن كلب)!
Author: هشام هباني
Date: 03-11-2009, 10:56 AM
Parent: #1
يعني كلنا تحت جزمة الرئيس.. ولاول مرة اعلم ان الجزمة بتلبس جزمة!؟
|
Post: #3
Title: Re: هل رأيتم فرعون السودان عاريا ( يوجد فيديو بن كلب)!
Author: عزام حسن فرح
Date: 03-11-2009, 11:35 AM
Parent: #2
ود هباني (أب لابتوب شرِط)
يا خوي والله أنا بعِزك ... ومُعارِض لِلبشير والمُتأسلِمين ... لكِن
يا خوي المُعارضة البتسيها دي حرم ما بِتشبهنا ... البشير الشين
العِندو كتير ... حقو نجيب شينو بِالمُستندات والوقائِع والشهود
لكِن الشتائِم مو سمحه تب ... وعُمرنا ما سِمعنا أبواتا سوها في
حُكامُم ... إتْ ما تجيب العِندك البِشنِف البشير وزمرتو ... بدون
شتائِم ... البشير إرتكب شين ... طَيِب يا سيدي ما تجيبو لينا
علشان نعرفو ويعرفو الناس المؤيِدين ليهو أو على الأقل بِتخليهُم
يِفكِرو مرتين ... لكِن مُعارضة ناس (جزمة) و(يِلعن أبوك) و(ود
الحرام) ... إلخ شِن بِتسوي غير بِتقلِل مِن مكانتك عِندنا ... والله
ما تسوي لِلبشير الحبه ... البتأذي البشير وحكومتو المُستندات
الشهود ... الوقائِع ... الأدِلة ... البينات ... لو ما عِندك
قنِب وأقرأ ... معقول يا ود هباني كُل ما تنزِل ليك زبون تفتح
بوست شتائِم ... دي دحين مُعارضة ... دي مُمارضة يا خوي ...
ملحوظة:
أكان دايِرني أكرهك حتحتاج لِكِمِية تِجارِية مِن الشتائِم تنزِلا فوق
راسي المَطَوطَو ده ... أصلو رصيدك عِندي كبير بِيسمح بِكذا كيلو
مِن ناس (جزمتك) و(جزمتي) و(يلعن خاشك) ... إلخ
إنشاءالله أكون لخبط ليك حِساب آخر مِشوار
|
Post: #4
Title: Re: هل رأيتم فرعون السودان عاريا ( يوجد فيديو بن كلب)!
Author: عثمان محمد كرار
Date: 03-11-2009, 11:40 AM
Parent: #3
كلامك شين بالحيل ياخوي .....الرئيس بي سببو يسب انت بتسب مالك ؟
مبروك اللابتوب
|
Post: #5
Title: Re: هل رأيتم فرعون السودان عاريا ( يوجد فيديو بن كلب)!
Author: هشام هباني
Date: 03-11-2009, 01:42 PM
Parent: #4
عزام وعصمان
سلامات
عاد باقيلكم بس سمح النبذ في طراريم الريس
واقول عديل المؤيدين للجنائية (تحت جزمتي) اهاانا من المؤيدين
اها لمن راس السوط الحقنا نقعد ساكت يا اللخو
ونسردب ساكت حمير ذله وربنا تعالى في كتابو العزيز بدي
المظلوم رخصة اشتم ظالمو لمن الظلم اقع يعني فش غبينة و قال:( لا يحب الله الجهر بالسوء من القول الا من ظلم وكان الله سميعا عليما!
اها ده كلام المولى تعالي عديل بلغة عربية واضحة وما بتحتمل التاويل ومن غير لف ودوران يعني المظلوم مستثني من بغض الله !
وبعدين يا عزام اخوى هي الانقاذ دي بدور ليها اثباتات وادانات بالورق يا الطيبان والله انت زول مسكين
وغلبان قايلك محسي نجيض وملحلح...تراك الغنماية تاكل عشاك!
في امان الله
|
Post: #6
Title: Re: هل رأيتم فرعون السودان عاريا ( يوجد فيديو بن كلب)!
Author: عزام حسن فرح
Date: 03-11-2009, 02:28 PM
Parent: #5
ود هباني
| Quote: تراك الغنماية تاكل عشاك |
يا زول أنا كتَرت ما غلبان مره جُعت أكلت الغنمايه ذاتا في رقبتا
لكن أتْ عارِف يا ود هباني عِندي ناس كُتار أكانو بِأيِدو البشير ولامِن
يِقنِبو ويِتحولقو فوق جبنه بِت إبراهيم بقوم بحدِثُم بِالبشير اليَوم
الفُلاني سوا كدي واليَوم الفُلاني عمل كدي واليَوم الفُلاني قال كدي
والله نُصهُم بِقا معاي والنُص التاني بقى لا معاي ولا ضِدي خوارِج يعني
أها أكان بس شبكتهُم ليك مِن الفِنجان الأول (ود الذين) (المُعفِن)
الما عارِف ايه تفتكِر كُنت حأصل لِشنو غير بِنية في وشي المُطَوطَو ده
وتبقى البيناتنا بعد ده خربانا تب ... قُبال ما تشتري تكسيك ده
كُنت بِتجيب مُستندات ووقائِع ... كُنت بِتَوثِق لِهذِهِ المرحلة البشيرِية
ونحن وحاتك نشيل ونطبع ... لشنو والله ما عارِف ... بس إنقلب حالك
مِن سويت ليك حديده بِقت بوستاتك بس مِتِل تِلِغرافات حبوبتي الحاجة
زهرة إبراهيم عيسى [ بِالخميس حأنزِل السودان ] وهي بِتكون مُرسِلا
التِلِغراف مِن ( صُلِب ) مِن أعمال عبري ... الظاهِر طبيعة العمل الجديد
ما بِتسمح ليك بِكِتابة المُعلقات السابِقة ... بس الزبون يِحاسبك
تعِد القِريشات وترجِع العداد وتفتح بوست ( يِلعن أبوكُم ) وتقيف
لِلزبون البعدو ... غايتو
|
Post: #7
Title: Re: هل رأيتم فرعون السودان عاريا ( يوجد فيديو بن كلب)!
Author: فيصل محمد خليل
Date: 03-12-2009, 11:26 AM
Parent: #6
قريبي عزام
الزعيم الصيني قال انا ما بهمني لون الكديسة
الحتقبض الفار.
النضال ما عندو شبلون معين
ما تيب
|
Post: #8
Title: Re: هل رأيتم فرعون السودان عاريا ( يوجد فيديو بن كلب)!
Author: Kostawi
Date: 03-12-2009, 11:55 AM
Parent: #7
شتم القاتل رحمة للقاتل
زول سلبك حياتك و بعد دا كلو لو شتمتو
يجي زول يقول ليك
ما تشتم القاتل
طيب يا سعادة القاتل الليلة معزم معانا وجبة عشاء
|
Post: #9
Title: Re: هل رأيتم فرعون السودان عاريا ( يوجد فيديو بن كلب)!
Author: عزام حسن فرح
Date: 03-12-2009, 12:20 PM
Parent: #8
كوستاوي ...
Quote: شتم القاتل رحمة للقاتل
زول سلبك حياتك و بعد دا كلو لو شتمتو
يجي زول يقول ليك
ما تشتم القاتل
طيب يا سعادة القاتل الليلة معزم معانا وجبة عشاء |
يا خوي أنا بتكلم في ( الأجدى ) في ( الأولى ) في ( الأحسن ) أخير
تشتِم القاتِل ولا تُعريه وتكشِف ألاعيبِهِ وحِيَلِهِ ... جِنِس ( يِلعن أبوك )
( يا ود الكلِب ) ... ما بِتسوي شي لِلقاتِل ...
وشايفك يا خوي ما قاعِد تشتِم البشير ... إتْ داير الناس يِشتِمو
ليك البشير ولا شنو يعني ... ما حتو تشتِم المانعك شنو ...
|
Post: #10
Title: Re: هل رأيتم فرعون السودان عاريا ( يوجد فيديو بن كلب)!
Author: Kostawi
Date: 03-12-2009, 01:03 PM
Parent: #9
يا عزام يا أخوي
هباني عندو مدرسة معروفة للنقد و النظام الحاكم في السودان يعرفها تماما
الكلام القلتو دا كلو جميل
لكن إحتمال أنت ما قريت كل ما كتبه هباني
هباني is a package
له مساهمات زي البتقول عليها أنت
و له مساهمات ربما لا تعجبك أنت و لكن تعجب آخرون
خلاصة القول
هباني زول مزعج
و إزعاجه موجه نحو الغلط
وهباني زول وطني
و وطنيته موجهة نحو الصاح
|
Post: #11
Title: Re: هل رأيتم فرعون السودان عاريا ( يوجد فيديو بن كلب)!
Author: عزام حسن فرح
Date: 03-12-2009, 01:13 PM
Parent: #10
كوستاوي ...
أنا ما قُلت شي في وطنِيتو ... أنا بس (مُعجب) بِطريقتي يعني (نرجِسي)
بفتكِر أن كشف وتعرِية النِظام (أجدى) مِن شتمِهِ ... وكمان (نرجِسِيتي)
بِتزيد وتقول لا يجِب أن (نُشخصِن) السِياسة ... البشير بِيتحرك في منظومة
نحنُ بِنستهدف هذِهِ المنظومة في رقبتا ... لأن لو البشير فات ولا مات
الحال بِكون نفس الحال ... أها البِخليني أردُم كُل جرائِم الجبهة
الإسلامِية فوق رقبة البشير شنو ... طَيِب التُرابي هسِع في المُعارضة ...
يعني خلاص بِقى ما عليهو كلام ... أبداً التُرابي لو قاتل البشير بِالسِلاح
بِنتفرج لامِن واحِد يِقتُل أخو وبعدين نقلِب على المُنتصِر ...
|
Post: #12
Title: Re: هل رأيتم فرعون السودان عاريا ( يوجد فيديو بن كلب)!
Author: عبدالوهاب علي الحاج
Date: 03-12-2009, 01:29 PM
Parent: #11
| Quote: بفتكِر أن كشف وتعرِية النِظام (أجدى) مِن شتمِهِ |
عزام
انت صاح وصاح جدا كمان
واستغرب جدا لمحاولة تبرير اسلوب الشتائم
المهم هباني ما زول نقاش واقناع واقتناع
اكسب زمنك فقد اسمعت لو ناديت حيا
|
Post: #13
Title: Re: هل رأيتم فرعون السودان عاريا ( يوجد فيديو بن كلب)!
Author: عبدالأله زمراوي
Date: 03-12-2009, 01:30 PM
Parent: #11
كلكم تصبون في بحر واحد، وكلكم أصدقائي الخُلّص،
كوستاوي (الخُردة)
هشام هباني التكّاسي الشقي
عزّام فرح قريبي وقريبي (من القُرب)
فلماذا تتنازعون في مُضغة لحم؟؟
وسّعوا المواعين وسوف تجدون الحق أبلج!
|
Post: #14
Title: Re: هل رأيتم فرعون السودان عاريا ( يوجد فيديو بن كلب)!
Author: Abdlaziz Eisa
Date: 03-12-2009, 02:49 PM
Parent: #11
الأخ هشام
سلام
البشير لا يحتاج لتعرية... فاعماله بينت الكثير..
من حنث اليمين الى قتل الآلاف..
وبينهما محطات طوال من الغطرسة والعنجهية..
تحياتي
عبدالعزيز
|
Post: #18
Title: Re: هل رأيتم فرعون السودان عاريا ( يوجد فيديو بن كلب)!
Author: هشام هباني
Date: 03-24-2009, 05:00 PM
Parent: #2
.
|
Post: #16
Title: Re: هل رأيتم فرعون السودان عاريا ( يوجد فيديو بن كلب)!
Author: هشام هباني
Date: 03-13-2009, 10:35 AM
Parent: #1
.
|
Post: #17
Title: Re: هل رأيتم فرعون السودان عاريا ( يوجد فيديو بن كلب)!
Author: هشام هباني
Date: 03-23-2009, 04:58 AM
Parent: #16
.
|
Post: #19
Title: Re: هل رأيتم فرعون السودان عاريا ( يوجد فيديو بن كلب)!
Author: humida
Date: 03-24-2009, 05:03 PM
Parent: #17
.
|
Post: #20
Title: Re: هل رأيتم فرعون السودان عاريا ( يوجد فيديو بن كلب)!
Author: هشام هباني
Date: 03-25-2009, 03:17 PM
Parent: #1
.
|
|