Post: #1
Title: لا تعولوا على موقف الصين.. الم توافق الصين من قبل على تحويل ملف دارفور للمحكمة الجنائية الدولية
Author: mayada kamal
Date: 03-09-2009, 07:20 AM
يا قيادتنا السياسية
والمسئولين عن اتخاذ القرار السياسي
لا تعولوا على موقف الصين او روسيا داخل مجلس الامن
فالصين اللي عامله فيها الان انها ضد قرارا الجنائية وبالتالي ضد موقف الولايات المتحدة اللي وصفت الرئيس السوداني هاربا من العدالة
ولما الانظارالان تتجه صوب مجلس الامن
والتعويل على المادة (16) من ميثاق المحكمة الجنائية
واللي بمنح الحق لمجلس الامن تاجيل قرار الاعتقال لمدة سنة قابلة للتجديد
وبالتالي
لو جرى اي تصويت داخل مجلس الامن
اعلى سقف سيصل اليه موقف الصين
هو الامتناع عن التصويت
ودا ممكن يفسر على انه موقف داعمل للطرف الثاني
وهو الدول المؤيد للمحكمة
كما جرى عند تصويت مجلس الامن لقرار تحويل ملف دارفور للجنائية الدولية
فالصين امتنعت عن التصويت
ودا فعليايفسر على انو الصين ارضت الطرفين
او حفظت وامنت على مصلحتها مع الطرفين
يعني سياسة مصلحية
فلماذا نعول علي مواقف الصين وروسيا واللي بيظرهوا ظاهريا انهم داعمين لنا
ووقت الجد طبعا مصلحتهم اكبر مع الولايات المتحدة
|
Post: #2
Title: Re: لا تعولوا على موقف الصين.. الم توافق الصين من قبل على تحويل ملف دارفور للمحكمة الجنائية الد
Author: Rashid Elhag
Date: 03-09-2009, 07:32 AM
Parent: #1
والله يا ميادة ضحكتيني....خلاص بديتوا في الجرسة....منو القال ليكم تعولوا علي الصين....إنتو مش قلتوا بتوع ربنا?!!....خلاص عولوا علي ربنا بقي?!!..ويحلها الحل بله...
راشد
|
Post: #3
Title: Re: لا تعولوا على موقف الصين.. الم توافق الصين من قبل على تحويل ملف دارفور للمحكمة الجنائية الد
Author: صلاح الفكي
Date: 03-09-2009, 07:46 AM
Parent: #2
المحترمة ميادة..تحياتي..
الصين لا تنظر لمصالحها مع السودان علي أنها حيوية وشريك اصيل .. والصين تجد أن مصالحها مع الغرب من الممكن الاستفادة منها في شتى المجالات.. أما مصلحتها مع السودان.. فبحكم طيبتنا التى تعد سذاجة سياسية..فان الأمور قد تسير علي ما هي عليه دونما غضب من الحكومة.. والصين في أحسن حالاتها مع السودان في مجلس الأمن.. لا تصوت وتمتنع عن التصويت.. والممتنع عن التصويت يعد راضيا عن ما يحدث لنا دون أن تتاثر مصالحه مع الطرفين الغرب والسودان..
|
Post: #4
Title: Re: لا تعولوا على موقف الصين.. الم توافق الصين من قبل على تحويل ملف دارفور للمحكمة الجنائية الد
Author: Rashid Elhag
Date: 03-09-2009, 07:58 AM
Parent: #3
| Quote: فلماذا نعول علي مواقف الصين وروسيا واللي بيظرهوا ظاهريا انهم داعمين لنا |
بعدين يا ميادة الكلام دا عيب وربنا بيسألكم يوم القيامة.....مش إنتو أصلآ إسلاميين ?....إيش البوديكم تتحالفوا مع الكفار الشيوعيين ناس روسيا والصين...وكمان تعولوا عليهم....شئ عجيب والله ....تودوا وشكم من الله يوم القيامة وين....غايتو في بوست بتاع ست البنات بعنوان...ما بنفع الجقليب...أنا بنصحك تمشي تطلعي عليه...تحياتي
راشد
|
Post: #5
Title: Re: لا تعولوا على موقف الصين.. الم توافق الصين من قبل على تحويل ملف دارفور للمحكمة الجنائية الد
Author: mayada kamal
Date: 03-09-2009, 08:41 AM
Parent: #2
| Quote: والله يا ميادة ضحكتيني....خلاص بديتوا في الجرسة....منو القال ليكم تعولوا |
قصدك منو بالضمير الجمع في
Quote: علي الصين....إنتو مش قلتوا بتوع ربنا?!!....خلاص عولوا علي ربنا بقي?!!..ويحلها الحل بله...
|
ههههههههههه
شكلك حلفاوي
ياعمنا راشد
اها نرجع لموضوع البوست
الدول اللي خارج فلك العضوية الدائمة لمجلس الامن
طبعا دائما تعول على مواقفها
ودا على فكرة ما السودان بس
حتى المجموعات الاقليمية
لكن المشكلة في المواقف بتاعة الدول الدائمة
هل هي حقيقة تجاهنا نحن كعالم ثالث
طبعا لا
تحكمها المصلحة
المصلحة بينهم كدول كبيرة
وبيهم وبين الدول النامية اللي ذي حالتنا وكدا
|
|