أمير المؤمنين (عمر البشير) ، سيعيدها سيرتها الأولى ...

عبارة (أمير المؤمنين) دي في ناس طولت ما سمعت بيها
كدي حركوها في أمخاخكم شوية
وانمهلوا...
والمرجفون الشامتون يمتنعون ...

Quote: (أمير المؤمنين)

إنت زل مسكين

جيت طالع من ياتو كهف

Quote: إنت زل مسكين جيت طالع من ياتو كهف

أول من لقب بأمير المؤمنين هو عمر بن الخطاب رضي الله عنه

هل عاش في كهف؟؟؟

وهل عاش من بعده من أمراء المؤمنين في كهوف؟؟؟

لماذا الغمز يا نادر؟؟

الأفضل تكون موضوعي

وزي حكاية سيرتها الأولى دي مبالغة

لأنو في عهد الأنقاذ أي شي مشى لي ورا

يعني لو عاوزين يرجعوها لسيرتها قبل ما يجوا بس مشكلة

خلي سيرتها الأولى

يا عمر تاج الدين ياخ الظاهر كترت المحلبية شوية
________________________________

نرفض تسليم الرئيس لأنو رمز سيادة الوطن

وأيضا لأن العدل لا يأتي من ظالم

ولأن العراق لا زالت تنزف من العدالة العالمية

وغيرها كثير فمتى نفهم؟؟؟؟

يا حبيبي

الانقاذ إتخطت مرحلة الدين دي من زمان

Quote: يا حبيبي الانقاذ إتخطت مرحلة الدين دي من زمان

معااااااااااااااك

بس مرات برجعوا ليهو في الزنقات

زي ما برجعوا لي المواطن المسكين ده

_______________________

تحياتي وتقديري

يا أخا العرب (ابراهيم)
دع ابا (كدوك) في غيه
(كدوك دي أديها تنوين بالكسرتين هوادة)
فالمرجفون في المنابر دأبهم مثل هذه الترهات والهرطقة .
أولاً بالتبادي الهاء في سيرتها قد تعيداها للانقاذ ...
ولكن المقصود بها هنا الاشارة لعهد السلف الصالح
وامتداد عهد الخلفاء الراشدين العمريين ، أمراء المؤمنين ...
أمير المؤمنين :عمر بن الخطاب
أمير المؤمنين : عمر بن عبد العزيز
أمير المؤمنين : عمر البشير ....

Quote: يا أخا العرب (ابراهيم)

ما قلت ليك إنت زول مسكين

Quote: بس مرات برجعوا ليهو في الزنقات زي ما برجعوا لي المواطن المسكين ده

ماذكرته فرع من الحقيقية التي نبحث عنها يا (قناوي)
اتفق معك فيه ..
المهم ، وثانياً بالتبادي
( أشك في وجود ثانياً بالتبادي دي في لغتنا الأخت)
فحميدة الذكر (الانقاذ) ...
قد شهد الجميع عودتها مجلجلة بملامحها الأولى أشد عنفواناً وهتافاً
منذ الفجر الصادق الذي أصدرت فيه مذكرة اعتقال (أمير المؤمنين )...
الجديد فيها هذه المرة ..
ذلك الثوب القشيب التي التفت به لتكون أكثر جاذبية والتصاقا
وربما صدقا ..
فالتفاف الشعب في تظاهرات الأيام السالفات يذكرنا بأيام الله الخالدات ..
التي كان يخرج فيها البشير والترابي وعلي عثمان في موكب واحد.
يهتف الشعب بمجد الدين وحياة الانقاذ ووحدة الوطن.

Quote: ما قلت ليك إنت زول مسكين

ويحك يانادر
اتصفني بالمسكين
وللمساكين رب يحميهم
وأب عطوف هو رسول أمتنا
وأمهات كامهات المؤمنين

لا بأس فيما زعمت يا أبا الطفيل
أنظر معي لآثار مذكرتكم الغبية
فقد عادت الانقاذ بمؤيدين جدد وملامح أخاذة .
بالجلباب الانصاري الرزين
والسبحة الاتحادية المبروكة
والنوبة الصوفية الواعدة
وانصار السنة والاخوان وكل قوى اليمين
وعاد المؤتمر الشعبي لوعيه الوطني من جديد ..
ليدعم مقولة ان الخلافات مفبركة .

إنت زول مغيب

أحقاً ماتقول ؟
إذن ما رأيك في عودة البشير أميراً للمؤمنين في السودان.
ربما هذه المقولة جديدة عليكم أيها (الساطعين)
ولكن الأجد من ذلك ..
التحام الجنوبيين
والحركة الشعبية
والشيوعيين
والرياضيين
والفنانين
ومناوي
ووردي
وغازي
و عوووووووك ..
عموم الشعب السوداني كانوا هنا وهناك يجسدون ملاحم الوحدة والنصر .
يستثنى من هذه الأمارة كل من :
1- السيد/خليل ود ابراهيم ، ولكن ربما يدخل في امارة البشير للمؤمنين العاصيين من باب العرجاء لمراحها ).
2- اليهودي / عبد الواحد لحين رضا الله بعد قوله (ولن ترضى عنك اليهود) ، وتوبة الشعب.
3. المتأمركين والمتبرطنين والمتفرنسين والمتكندنين وأذيالهم من المناتلين لحقوق غيرهم من المتزلطين والمتبشبشين والمتجرجرين والذين في قلوبهم زيع وفي جيوبهم بقايا من اوكامبو .

Quote: إذن ما رأيك في عودة البشير أميراً للمؤمنين في السودان

طيب إنت رأيك شنو في امير المومنين الذي

قتل
شرد
إغتصب
نهب

فعل كل المحرمات بإسم الدين

Quote: أمير المؤمنين :عمر بن الخطاب أمير المؤمنين : عمر بن عبد العزيز أمير المؤمنين : عمر البشير ....

يسألك الله عن كلامك ده ..

إلا كلمة سيُعيدها سيرتها الأولى دي حلتك
يعني عشرين سنة هو ما سال عن (خلي البغلة العرجت في امبدة)
ياخي ماسال عن الإنسان في دارفور ، تفتكر ننتظرو كم سنة تاني
عشان يبقى زي الخلفاء الامويين وكم سنة عشان يصل عمر بن عبد العزيز

Quote: أمير المؤمنين : عمر البشير ....

(مَا لَهُمْ بِهِ مِنْ عِلْمٍ وَلا لآبَائِهِمْ كَبُرَتْ كَلِمَةً تَخْرُجُ مِنْ أَفْوَاهِهِمْ إِنْ يَقُولُونَ إِلا كَذِبًا)

يانادر ياصديق :

يا اخ مالك عايز ترجعني لمربع الحوار تاني
دي مرحلة الانقاذ اتجاوزتها خلاص
على كل حال كلماتك دي استهلكت خالص

Quote: قتل شرد ، إغتصب ، نهب :

قتل ...هو البشير دا عليك الله فايق من اللقاءات والحوارات علشان يقتل ؟ يا اخ الزول ده من قلبها ما شال سلاح تاني ، كدى شوف ناس خليل وعبد الواحد ختوا السلاح متين بعد ما (اتمردوا نعم اتمردوا نعم اتمردو) خت تحتها عشرة خطوط وقولي لي زول حاكموا عشان حارب واحد تاني متمرد على حكومته ؟)
شرد ، في دي ما بقول حاجة( من باب المعارضة الهادف وكدة).
إغتصب ، يا راجل ، يا اخ قول كلام غير ده ؟
نهب : نهب مسلح ولا عادي ؟

يا زميل صلاح ليون
ياخي ماسال عن الإنسان في دارفور ، تفتكر ننتظرو كم سنة تاني

البشير كان سأل ووب
وكان ما سأل وبين
يا أخ هو (المواطن البشير) ده
حارب المتمردين ديل عشان عنده معاهم تار ؟
والله صالحهم عشان طيبين ؟
ما ياهو في شأن أمر مواطن دارفور دي زاتها ..

يا اللخو أدريس :
يا خ هو أمير المؤمنين ده إلا يجي نازل من السماء ؟
ما متل عمايل الجماعة ديل ببقى أميرهم
يا اخ انت قايل الشعب دا
قاعد يبايع من يوم الاربعاء الفاتت
عشان البشير يشاكل اوكامبو بس .
الرئيس يالاخو ممكن يكون أمير
كان عندك أمير غيرو قول لينا نبايعه )

Quote: إذن ما رأيك في عودة البشير أميراً للمؤمنين في السودان. ربما هذه المقولة جديدة عليكم أيها (الساطعين) ولكن الأجد من ذلك .. التحام الجنوبيين والحركة الشعبية والشيوعيين والرياضيين والفنانين ومناوي ووردي وغازي و عوووووووك .. عموم الشعب السوداني كانوا هنا وهناك يجسدون ملاحم الوحدة والنصر .

أنا لو في محل الحكومة بدعم المعارضة الحالية

لأنها تدعم خط الحكومة بأكثر مما يفعله مؤيدوها

فمن أين للحكومة هذه التظاهرات

والتأييد الذي أدهش القريب والبعيد

لولا المعارضة وحماقتها؟؟؟

_______________________________________

نسأل الله ان يعيدنا لعهد السلف الصالح

"الدايرنا يجينا هنا" ..عمر البشير... كذب السيح والريح..!!.

امسك دي من ابسط الأشياء عند عمر بن عبد العزيز
كدي ورينا اوجه الشبه عشان نآمن بي مقولتك ..

Quote: اشتهرت خلافة عمر بن عبد العزيز بأنها الفترة التى عم العدل والرخاء في أرجاء الدولة الاموية حتى أن الرجل كان ليخرج الزكاة من أمواله فيبحث عن الفقراء فلا يجد من في حاجة اليها. كان عمر رحمه الله قد جمع جماعة من الفقهاء والعلماء وقال لهم: " إني قد دعوتكم لأمر هذه المظالم التي في أيدي أهل بيتي، فما ترون فيها؟ فقالوا: يا أمير المؤمنين : إن ذلك أمرًا كان في غير ولايتك، وإن وزر هذه المظالم على من غصبها " ، فلم يرتح عمر إلى قولهم وأخذ بقول جماعة آخرين منهم ابنه عبد الملك الذي قال له: أرى أن تردها إلى أصحابها ما دمت قد عرفت أمرها، وإنك إن لم تفعل كنت شريكا للذين أخذوها ظلما. فاستراح عمر لهذا الرأي وقام يرد المظالم إلى أهلها. وعن عطاء بن أبي رباح قال: حدثتني فاطمة امرأة عمر بن عبد العزيز :أنها دخلت عليه فإذا هو في مصلاه، سائلة دموعه، فقالت: يا أمير المؤمنين، ألشىء حدث؟ قال: يا فاطمة إني تقلدت أمر أمة محمد صلى الله عليه وسلّم فتفكرت في الفقير الجائع، والمريض الضائع، والعاري المجهود، والمظلوم المقهور، والغريب المأسور، وذي العيال في اقطار الأرض، فعلمت أن ربي سيسألني عنهم، وأن خصمي دونهم محمد صلى الله عليه وسلم، فخشيت أن لا تثبت لي حجة عن خصومته، فرحمت نفسي فبكيت. كان شديد المحاسبة لنفسه وَرِعًا تقيًا، كان يقسم تفاحًا أفاءه الله على المسلمين، فتناول ابن له صغير تفاحة، فأخذها من فمه، وأوجع فمه فبكى الطفل الصغير، وذهب لأمه فاطمة، فأرسلت من أشترى له تفاحًا. وعاد إلى البيت وما عاد معه بتفاحة واحدة، فقال لفاطمة: هل في البيت تفاح؟ إني أَشُمُ الرائحة، قالت: لا، وقصت عليه القصة –قصة ابنه- فَذَرفت عيناه الدموع وقال: والله لقد انتزعتها من فم ابني وكأنما أنتزعها من قلبي، لكني كرهت أن أضيع نفسي بتفاحة من فيْء المسلمين قبل أن يُقَسَّم الفَيءُ.

الآن أمير المؤمنين في زيارة خارج (المدينة)
يتفقد فيها رعاياه في دارفور
بعد عودته سالماً غير (مقبوض)* باذن الله
سأوافيكم بالبرهان الأكبر الذي يؤهل البشير ليكون أميراً :
(للمؤمنين السودانيين والمسلمين و العرب)
وهلم جرا ....
***********
قبل العودة نوصي بالآتي:
الدهماء يكتمون
وأصحاب الضغط يبلعون
والذين في قلوبهم مرض علاج أمراض القلب في السودان أصبح مجاناً بقرار رئاسي
والمرحبون باوكامبو يجهزون شبكاتهم
هم لسة شافو حاقة!



---
* طبعاً (غير مقبوض) دي مقصود بيها من قبل خليل وجماعته
أصلهم قالوا حايقبوضوه بعد المذكرة طوالي
اها دي فرصتهم .
قبل المذكرة التقول كانوا حارسنو من اوكامبو

Quote: أحقاً ماتقول ؟ إذن ما رأيك في عودة البشير أميراً للمؤمنين في السودان. ربما هذه المقولة جديدة عليكم أيها (الساطعين) ولكن الأجد من ذلك .. التحام الجنوبيين والحركة الشعبية والشيوعيين والرياضيين والفنانين ومناوي ووردي وغازي و عوووووووك ..

يا صديقي لو تأملت الساحة السياسية قليلاً ستجد نفس الوجوه تقريباً منذ أمد بعيد، لم تتغير.
ربما فقط، تتغير التحالفات..
مثل لعبة الكراسي.
والوحيد المتفرج.. هو الشعب.
له الله.

Quote: يا صديقي لو تأملت الساحة السياسية قليلاً ستجد نفس الوجوه تقريباً منذ أمد بعيد، لم تتغير. ربما فقط، تتغير التحالفات.. مثل لعبة الكراسي. والوحيد المتفرج.. هو الشعب

ما جئت به عين الحقيقة أخي العوض
ولكن ...
الجديد في الأمر
كل فئات الشعب التحمت مع الرئيس هذه الايام
حتى الكورة التي عرفت من قبل بأنه حفنة من الشفوت
أصبح لها (أمراء ) كأمراء المسلمين
يلهجون بحمد الله ثم (ترئيس) البشير
شداد .. صلاح ادريس .. جمال الوالي
(وانت نازل)
الفن :
حتى (فلانة ديك) غنت للبشير
ياخ التحول الحصل في أيام
جعل من وردي وسيف الجامعة (قمم اليسار السابق)
تغني وتنشد في قناة ساهور

قبل أن تنتهي زيارة الامير لرعاياه في دارفور
والتي حتماً سيصدح فيها صوت (القيقم الرخيم)
نعود لحديث شفيف للرفيق (لام كول) :
فقد صرح سيادته مشكوراً بالقول
أن المحكمة الجنائية تستغل اسم دارفور
لتصفية حسابات قديمة مع الانقاذ
بهدف اسقاطها .
بينما قال بعض المناضلين الدارفوريين
وأشباههم أنها احقاق للعدالة ..




***
عدالة بتاعة الساعة كم
مش لمن يبقى مجلس الأمن ذاتو فيه عدالة في التمثيل والقرارات

هاهو الأمير (عمر) أمام أهل دارفور يتنادي
أنا (الرئيس) لاكذب
انا ابن الوطن في كل حزب
(والدايرنا غير الله يجئ يقلعنا)





**
والله انه
لمسعر حرب
لو كان معه رجال...

قبل أن نعود لنبرهن ما يؤيد عمر البشير
ليكون أمير العرب ( بعد خلت بلادهم من أمراء المؤمنين)
رأيت ان هذا البوست يهدف للفهم الصحيح لظروف
مبايعة الشعب السوداني الداخلي ل(عمر) كأمير للمؤمنين

(فرتكوه وشوفو الفيهو )
شكراً اخونا وليد المبارك

الان فقد تمكنت الانقاذ .... معارضين اغبياء