Post: #1
Title: بورداب سودانيز ونسايم ساهور نفس البيضنة !!
Author: عمر الفاروق
Date: 03-07-2009, 09:59 AM
Parent: #0
كل ما اشوف ليكم الشريط البيمر بي تحت في قناة ساهور اتذكر ليكم بورداب سودانيز ..
كل ما يجيبو لمة لي نسايم ساهور(اسم شديييدجدا ياخ) اتزكر ليكم لمة بورداب سودانيز ..
الراجل تلقاهو كبييييييييير لافي عمتو يقول ليك معاكم اللمين ود امبلينا اكتب في شريط ساهور الازرق بي اسم ود نفاج ..
الراجل تلقاهو كبييير ولافي عمتو في لمة لي بورداب سودانيز يسلم عليك ويقول ليك معاك الفراش الحائر ..
البت تكون لابسة ليها بلوزة بمبية واسكيرت موورد تقول ليك رشحت خالد الصحافة ملكا للمديح ..
البت تكون لابسة طرحة هندية ودبوس بمبي ظاهر بي فوق يثبت الطرحة مع بلوزة كلوش وتقول ليك ياخ قريت مداخلتك لي علوية بالجد لذيييييييييييذة ضحكتاااااااااااااااااااااااااا انا ..
بورداب سودانيز ..نسايم ساهور ..باختصار نفس البيضنة ..
|
Post: #2
Title: Re: بورداب سودانيز ونسايم ساهور نفس البيضنة !!
Author: tmbis
Date: 03-07-2009, 10:04 AM
Parent: #1
معاك الأرنب الجائع ..
|
Post: #4
Title: Re: بورداب سودانيز ونسايم ساهور نفس البيضنة !!
Author: عمر الفاروق
Date: 03-07-2009, 10:10 AM
Parent: #2
| Quote: معاك الأرنب الجائع .. |
عجبتني مداخلتك في ختان المرأة واثره على مرضى السكري يا ارنوب ..
بس انت مالك مع سائق تاكسي؟
ارنووووووووووووب راجع المسنجر ..:D
|
Post: #12
Title: Re: بورداب سودانيز ونسايم ساهور نفس البيضنة !!
Author: tmbis
Date: 03-07-2009, 10:59 AM
| Quote: بس انت مالك مع سائق تاكسي؟ |
قاعد اعمل ليهو في يوميــات سائق تاكسي ..
يا كنترول مالك قاعد تحزفر سائلي ..
بلاي يا عمر عاين (تحزفر سائلي) دي .. والله مرات بجيني احساس انو الكنترول دا .. محمد عادل
|
Post: #6
Title: Re: بورداب سودانيز ونسايم ساهور نفس البيضنة !!
Author: عمر الفاروق
Date: 03-07-2009, 10:16 AM
Parent: #2
عزاز ال شامي :
| Quote: البت تكون لابسة ليها بلوزة بمبية واسكيرت موورد تقول ليك رشحت خالد الصحافة ملكا للمديح .. |
الظاهر كده حا اغيير الوصفة واقول بتاعت البلوزة البمبية تبع بورداب سودانيز ما تبع النسايم :D
غيري الصوة دي عشان ما يتلخبت علينا الاختساس ياخ ..مالم تكوني ما لابسة اسكيرت مورد :D
بعدين ياخ انا فقدت الامل تماااما لا في باك لميت فيك لا في كوزينوس يبقا سبب وااااااااحد يخليني القاك في مخرج 18 ولا تحت كبير الفحص الدوري ماف ..غايتو اخر امل استراحات الشفا :D
إزييك يا بت شامي ياخ ..
|
Post: #3
Title: Re: بورداب سودانيز ونسايم ساهور نفس البيضنة !!
Author: عزاز شامي
Date: 03-07-2009, 10:08 AM
Parent: #1
انا زاتي اتفاجئت بالتصحر الحاصل عليك لما ما لاقيتك لغاية حسي في حفلات البورداب الما بمشيها طوالي
|
Post: #5
Title: Re: بورداب سودانيز ونسايم ساهور نفس البيضنة !!
Author: أبوذر بابكر
Date: 03-07-2009, 10:15 AM
Parent: #1
ضحكتنى ال "بيضنة" والله يا عمر
طعمها كده زى
اللبننة والصوملة
كلمة مبتكرة والله
إنت خليت الكورة ليه ياخ؟
قاعد أعتمد على تحليلاتك والله يا فاروق فى الكورة الجد جد
بتاعة بلاد بره يعنى
الأيام دى أنا كايس لى طريقة ارسل بيها رسالة ل "غوارديولا"
بس عايز اقول ليهو حاجتين
أول شى "فالديز" ده من يومه ما مستوى برشلونة، مفروض تيم زى ده الحارس بتاعه يكون زى بوفون وكازياس، وبالميت كده زى فان در سار
تانى حاجة المخلوق الإسمه قوديونسون العامل زى العيش الريف النى ده، يشوف ليهو بصارة، يمشى يلعب فى اوزبكستان ولا فى قطر
معليش لفيت ليك "البيضنة" يا حاج
|
Post: #7
Title: Re: بورداب سودانيز ونسايم ساهور نفس البيضنة !!
Author: محمد عبد الماجد الصايم
Date: 03-07-2009, 10:19 AM
Parent: #5
| Quote: كل ما اشوف ليكم الشريط البيمر بي تحت في قناة ساهور |
هسي عليكـ الله في بيضنة أكتر من كــدا؟
|
Post: #8
Title: Re: بورداب سودانيز ونسايم ساهور نفس البيضنة !!
Author: علاء الدين يوسف علي محمد
Date: 03-07-2009, 10:22 AM
Parent: #7
لكن لا تُنكِر يا عُمر إنو في ناس محترمين ما بتاعين حركات زي دي
الواحد بكل إحترام بجي معلِّق يافطة في رقبتو مدلدلة في سدرو و يكون كاتب فيها (المهاجر) 
|
Post: #10
Title: Re: بورداب سودانيز ونسايم ساهور نفس البيضنة !!
Author: عمر الفاروق
Date: 03-07-2009, 10:42 AM
Parent: #8
الغفاري ابوذر:
الوحشة ليك ولي عناوينك ..بالله شوفت الإسفاف ده ؟(ياخ عاجباني إسفاف دي) اسة عليك الله عناوينك دي عناوين وعناوينا السافة دي عناوين ؟؟
اخ تاني بكتب الموضوع وبرسل ليك تختار لي عنوان ..
بعدين يا الحبوب بخصوص البرشا المنبرش الايام دي فاقول ليك حاجة غريبة شوية ..الناس دي كلها بتقوم وبتقعد في ميسي وإيتو وانا دستوري نازل في لاعب واااحد بس في البرشا إسمو إنييستا !!!
ده لاعب عندو خيال ما شوفتو قبل كجه إلا عند دينيس بيركامب الهولندي !!!
ده لاعب خرافي وهو الممكن يغير ليك نتيجة فريق ويرجح ليك كفة البرشا ..
البرشا طالما بيجامل بيوول بإفتراض إنو ود الحلة فصدقني طوااالي حا ينضرب..
قودينسن ده لعاب جدا بس صدقني دي ما حتتو ولا دي بيئتو البتنفع معاهو ..
الزول ده ماكنو الدوري الانجليزي ..
السير اليسك فيرجسون ساكيهو بي يدينةو وكرعينو ابيتو تفكهو لينا !! والسير ان قال فتأكد إنو اللاعب ما ساهل ..بس هو فعلا ما بيخارج معاكم فريقكم بتاع حريفة وهو لاعب مساحات بيلعب في الواسع وانتو بتلعبو في الضييق ون تو يخلع الما بيتخلع ..
فالديس يكفي انو حارس الفريق الاول في السبانيا وبعد كده ما بيتم اختيارو لتمثيل اسبانيا ..اسة لو ده في السودان من قولة تيت من يسجلوهو في هلال مريخ بكرة تلقاهو في الفريق القومي!!!
|
Post: #11
Title: Re: بورداب سودانيز ونسايم ساهور نفس البيضنة !!
Author: أبوذر بابكر
Date: 03-07-2009, 10:56 AM
Parent: #10
بيضنة كاتالونية
والله يا عمر حقو الزول يكتب فيهو معلقة، مش قصيدة
عشان كده أنا قلت ليك بعتمد عليك والله
عارفك فارز الشغلانة بامتياز
كان مفروض انيستا هو اليفوز بجائزة احسن لاعب فى نهائيات اوروبا
مش ادوهو ولدنا تشافى هيرنانديز
لكين برضه يستحقها الود ده
بويول والله يا عمر كلنا مجاملنه ساى ، وهو الحقيقة يستاهل، لكين كمان ما على حساب الفريق كله
شفت آخر مره عمل شنو فى الهدف بتاع اتليتيكو مدريد الأخير
غايتو الله يصبرنا ساى عليهو
حأرسل ليك عدد قفتين مليانه عناوين
ممكن تسلما من عمك معتصم دفع الله
|
Post: #9
Title: Re: بورداب سودانيز ونسايم ساهور نفس البيضنة !!
Author: عزاز شامي
Date: 03-07-2009, 10:23 AM
Parent: #1
حسيت بيك قاصدني بحكاية البلوزة البنمي بس انا رشحت معتز الصباحي علشان كده باصيتها
| Quote: لا باك لميت فيك لا في كوزينوس |
ويحك!
صبئت عن توتي بيروتي وبخاري المائدة؟
انا مداومة في فطائر نوفا ... واحد جبنة واحد زعتر .. عندك أحلى صباح
|
|