Post: #1
Title: أقوله بي صراحة ولي أول مرة .. وبيكل حيادية
Author: tmbis
Date: 03-05-2009, 06:52 PM
عفيت منك يا أوكامبووو ..
|
Post: #2
Title: Re: أقوله بي صراحة ولي أول مرة .. وبيكل حيادية
Author: bob
Date: 03-05-2009, 06:55 PM
Parent: #1
!!slamt ya timba
|
Post: #3
Title: Re: أقوله بي صراحة ولي أول مرة .. وبيكل حيادية
Author: احمد العمار
Date: 03-05-2009, 07:02 PM
Parent: #1
| Quote: عفيت منك يا أوكامبووو .. |
جعلك الله سببا فى ان يكون الشعب السودانى جميعا على قلب رجل واحد
أحمد العمار
|
Post: #4
Title: Re: أقوله بي صراحة ولي أول مرة .. وبيكل حيادية
Author: عمر صديق
Date: 03-05-2009, 07:14 PM
Parent: #3
تمبس الخطييييييييييييير
تحياتي
وانا عفيت منك يا تامبا
حد الكلام (مسادير لاوكامبو)
|
Post: #9
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-05-2009, 09:20 PM
Parent: #4
خطييير بي (لبن) يا عمر صديق ... 
الخطير يا عمر شعب المليون ميل صمود وبطولات .. وعين حمراء ..
الشعب القال كلمتو متسامي فوق كل المعاناة .. والحسابات التانية بصفيها بي طريقتو ..
لكن
لا .. لكل خونـة بيعملوا وفق حسابات مدروسة من جهات بي عينة .. ساعدتم فيها جهات بي عينة كشفه اوكامبووو العفيت منو انا دا .. عفوا بيعرفو هو براهــوو ..
مساديرك .. وقف فيها حد الكلام واظنو اوكامبووو فهم الرسالة كويس .. وشافه في الشاشة .. ولسه في باقي كلام.
..
.
أحمد العمار تاااني ..
ابشر بالخير .. شفت الحيادية بتعمل شنـو .. ؟ اظنك الآن عرفت حياديتي ماشة لا وين ..؟
|
Post: #5
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-05-2009, 07:16 PM
Parent: #3
ويينك يا راستــا .. الشوقمطر والله .. مطــر شديد
..
.
العزيز أحمد العمـار..اشكر مشاركتك .. ياصديقي لكن دعنـا نرى الجانب الآخــر من الصراحة والحيادية.. بعدأن هدأت العواطف الجياشة والانفعال اللحظي..
|
Post: #7
Title: Re: أقوله بي صراحة ولي أول مرة .. وبيكل حيادية
Author: Magdi Ahmed Elsheikh
Date: 03-05-2009, 08:52 PM
Parent: #6
Quote: بوست محذوف بتاع الكـــلاب لكن قاعد بي الصور بتاعتو
|
ياعمك ملون والا سادة...!!!
انت طلعت اول الدفعة..
وانا الطيش...!!!
اوكما قالوا الطيور علي اشكالها تقع...
__________________________________
غايتو الخور البيعندنا اتملاْ..
الا تشوف ليك خور تاني...
|
Post: #8
Title: Re: أقوله بي صراحة ولي أول مرة .. وبيكل حيادية
Author: سارة علي
Date: 03-05-2009, 09:05 PM
Parent: #7
البوست محروس..
وسيدو يكوس..
طبعا يكوس في اللنكات..
عليك الله يا تمبس مخمخ لينا موضوع بتاع بوست كدة يطلعنا من الجو دة..
مش انا طالباك(باقة العوض)؟؟
|
Post: #16
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-05-2009, 10:28 PM
Parent: #8
| Quote: مش انا طالباك(باقة العوض)؟؟ |
.. والله ياسارة الواحد كان اتدين منك (أبو الجورج ) بتكوني صعبة خلاص .. كل دقيقة والتانية تشبكيهو عملت لينا شنو في عداداتناآخرالشهرما جــا؟؟
عارفة ..
الاتصال عندي بطئ جدا .. وانا بكتب ضهري مكشوف .. يعني حسع دي ممكن يدخلو نموذجين من الفوق ديل يعملو الحركات القرعة بتاعتم دي .. ولما اجي ارد .. البوست يروح في خبر كان ..
بالمناسبة .. لو دخلتي السستم بتلقي انو الكيته المدورة دي حاجة ممتعة جدا ، بالجد والله ـ على الاقل يا سارة بترجعك لي زمن الحلة داك والجماعة البشيلو كورتم ويمشو .. وخرخرة الحجلة .. والحركات دي .. اصلو منبر سودانيزاونلاين دا وطن من لا وطن له علشان كدا يا سارة كدي بلاي اتغمصي الدور دا شوفي بترطبي كيف ..
باقة اهل العوض دي عايزاها بالعامية .. والا بالقشتالية ؟ الايامات دي أخوك متخصص لغات لغير الناطقين بها عايز لما ارجع السودان ابقى مترجم من الارجنتينية لي البنغالية وتكس يرجع
حددي وتحت امرك الباقة .. وكل العصير الفوقه ..
|
Post: #10
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-05-2009, 09:53 PM
Parent: #7
طبعا ملون يا دوك .. سادة مافيش ملون وللصندوق الأسود مباشرة .. اكلو أخوان واتحاسبو بورداب
..
طبعا لو ما ختاني وش نضالو ما بيكمل ..
لكن انت شن نفرك جايبك معانــا ؟؟
في كشف نزل جديد واللا شنــو..؟
..
.
خورنا يا دكتور هارديسك ..ون تيرا .اللي هي .. الف قيقــراوي .. شخصيــا.. يعني زي جماعتك ديل .. يتردموا ردم جد .. لكن قبل الرد الواحد نضغطو في .. Winzip ونوديهو الفرم .. البقول كاني ماني .. نرشو من دقنو وافتلو ..
|
Post: #11
Title: Re: أقوله بي صراحة ولي أول مرة .. وبيكل حيادية
Author: عبدالوهاب علي الحاج
Date: 03-05-2009, 10:07 PM
Parent: #10
| Quote: نرشو من دقنو وافتلو .. |
تامبا
عندك جمكسين مركز
الليلة الرش جمكسين بس
التوقيع
ابو الدرداق
|
Post: #12
Title: Re: أقوله بي صراحة ولي أول مرة .. وبيكل حيادية
Author: علاء الدين يوسف علي محمد
Date: 03-05-2009, 10:13 PM
Parent: #11
عليك الله يا تمبس شوف لينا طريقة للوضيع دة يجينا هنا (الوضيع على عهدة آخر لحظةالصحيفة طبعاص)
عشان نخلِّيهو يطلع من هنا وهو بهوهو و رافع ضنبو فووووووووووووووق
|
Post: #15
Title: Re: أقوله بي صراحة ولي أول مرة .. وبيكل حيادية
Author: عبدالوهاب علي الحاج
Date: 03-05-2009, 10:21 PM
Parent: #12
اها ياشباب
خالكم نعس وبدور انوم
اخليكم تقزقزوا بعمكم دا
وللصباح كان ربنا حيانا لو خليتو لي فيهو عقاب كتر خيركم
وكان قضيتو وما لقيت شي ياها قسمتي اسوي شنو عاد
اها تصبحوا على خير
|
Post: #37
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 08:23 AM
Parent: #12
Quote: يجينا هنا (الوضيع على عهدة آخر لحظةالصحيفة طبعاص)
عشان نخلِّيهو يطلع من هنا وهو بهوهو و رافع ضنبو فووووووووووووووق |
..الوضيع دا يا علاء .. قال ما بقدر يدخل بوستات الناس لكن بيفتح بوستاتو ... براهو ويجي يقول ليك ان ما عندي قروش وانا مشرد .. والناس معادياني .. علشان مناضل ..
ياخ رد لي في مكان كدا .. وحيات ابتسامتك يا علاء لحدت الان انا ببكي .. كملت لي كرتونة مناديل من البكا حنني الود المناضل دا ..
|
Post: #13
Title: Re: أقوله بي صراحة ولي أول مرة .. وبيكل حيادية
Author: Magdi Ahmed Elsheikh
Date: 03-05-2009, 10:15 PM
Parent: #10
Quote: طبعا ملون يا دوك ..
سادة مافيش ملون وللصندوق الأسود مباشرة ..
لكن انت شن نفرك جايبك معانــا ؟؟
في كشف نزل جديد واللا شنــو..؟
.. |
اسالني دبل ياتامبا..
يمكن في كشف جديد بايقاع السامبا..
والله يشرفني انو يجيبوني معاكم..
حتي لو ما معاكم...
معاكم..
|
Post: #14
Title: Re: أقوله بي صراحة ولي أول مرة .. وبيكل حيادية
Author: Magdi Ahmed Elsheikh
Date: 03-05-2009, 10:19 PM
Parent: #13
Done
|
Post: #17
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-05-2009, 11:54 PM
Parent: #14
الشباب الفوق المرشوشين ديل ..
إنتو مالكم مدروخين كدا ..؟
الجمكسين دا (كسرو) ليكم بي حاجة.. ؟ واللا (اسكيتو) .. ؟ والله بقيتو خفاف خلاص .. ..
أما بخصوص الكابتن* (أرديليس)
اووووبز سوري كابتن اوكامبووو اللي انا عافي منو شخصيا .. عفوا ح يوريهو الحقارة كيفنها ..
يبدو ان الكابتن في خطة اللعب بتاعتو قام وزع اللعيبة بتاعنو بي طريقة مدهشة شوية .. لدرجة انها ادهشتم هم زاتم ..
بالمناسبة دي:
زمان سالت واحد فردتنا من لعيبة الفريق القومي حقنا .. قلت ليهو ياخ انتو قاعدين تلعبو مرات مع اتيام كدا وبتتغلبو حببببه .. يا كمان طلعتو درون تلاتة اتنين .. يا طلعتو غالبين .. وريني الحاصل شنو مع انو الاتيام البتلعبو معاها دي ليها وزنها وسمعته واي حاجة .. تعرف قال لي شنو يا لويس :؟
قال لي والله نحن بندخل بي خطة لعب حسب وضع المدرب ليها .. وبندخل الميدان .. كل زول بياكل نارو .. مهاجم يشوت الكورة يوديها عش ودابرق .. مدافع يعنقد ليهو في راس حربة .. قون يجليها ثابتة .. برشم يشوت في الكشافات .. تلقى رجل الخط مطرف توديهو الجير .. إلخ
يللا بعداك الله بكرمنــا .. وبنطلع بي القسمو لينا الله .. والفريق الخصم لحدت ما الكورة تنتهي بيكون ما فاهم حاجة ولحدت ما يمشو بيوتم ويجو التمرين بتاع فكفكة الكورة .. حتين يكتشفو انو الناس دي لاعبة بي خطة قاطعاها من راسه فشلت ليهم الخطة المعروفة اساسا في كورة القدم .. يعني بكونو لاعبين بي خطة اساسا اكزست ومعروفة عالميا .. لكن خرمجتنا بتبطل مفعول السحــر بتاع الخطة دي لانو اساسا الخطة اللاعبين بيها زي الخطة بتاعت كابتن لويس المدهشة دي ..
المهم
كابتن لويس الظاهر لي وزع اللعيبة بتاعنو بي خطتو دي وقال ليهم ساعدونا بي ضرب الزوي ..
يللا الجماعة هنا طال عمرهم .. اتقسمو لي مجموعات ..
في واحدين شايلين خشومم وحايمين شتيمة وقلة ادب ..
في واحدين مندهشين لحدت الآن .. من حركات الكابتن دا وكيف عمل فيهم الحركة البيض دي .. وطلعم اوانطجية زي الجماعة الاتزردو قبل يومين في قناة من القنوات .. وطلعو اي كلام ... اي كلام
في واحدين جو داخلين البورد وكل واحد خاتي ليهو قلم في جيبو القدامي ونفضو لقاهو ما فوقو حبر قال اخير بس اعمل تسجيل دخول لانو كان كتبت كلمة منظري ببقى بايخ زي اخواني ديل ..
في واحدين بقو شغالين ليك .. ليبيا فتحت وقطر فلوس مطر ..
في واحدين عاملين فيها باحثين اجتماعيين وبتاعين احصاء وعلم نفس وهاك يا داتا بيز وتحليل نظم ..
في واحدين جارين واطي ومنظرم بقى بايخ خالص .. غلبم البكتبوهو
في واحدين قاعدين يبكو ..
في واحدين بقو شغالين ليك حسب المود النفسي الهم فوقو وكمية الزهول .. الواحد بقى يكتب في كلام خارم باااارم ما جايب تمنو ..
ــــــــ
* قلنا كابتن .. علشان ما نهضم حقو .. احتمال كبير جدا يكون زمان كان بيلعب مع ناس ارديليس ديل وناس كمبس على حسب رواية كارلوس بتاع مرت الرئيس حامل .. وسيناريو عنبر القايني ..أو منبر المجنوناااات.
من هنا ولي قدام ح نشير لي اوكامبووو الرضيان عنو شخصي الضعيف بي الكابتن .. علشان الناس ما تندهش .. كان لقو ليهم دافوري مدور هنا دا ..
اي سؤال ؟؟
|
Post: #18
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-06-2009, 00:46 AM
Parent: #17
أنا ح اعد لحدت تلاتة .. وامشي أعمل تمارين استطالة وامشي انوم .. لانو تمارين الاستطالة قبل النوم كويسة .. بتخلي الواحد يطول
المهم في الأمر:
ما اجي اللقى اي واحد \ واحدهـ  من ناس الساحل الشرقي يا دول الكاريبي يا الباسفيك .. يا حوض البحــر المتوسط .. يا مؤشر داو جونز يا مقياس ريختر .. يكون ماسك نار ويجي يعمل تلوث بيئي هنـا دا .. البيعمل أي تلوث بيئي وأنا مافي .. ما عافي ليوو ..
العايز يعمل اي جلكسات .. ينتظر لحدت ما اعد لحدت أربعة نانو ما ممكن الواحد يكون نايم ويرد . إنتو فاكرين ما عندنـا شغله غيركم ؟
..
.
بكرة كان الله حيانـا .. ح نجيب (صفارة) ونحكم ليكم الدافوري دا .. ساعدونا بالفير بلي .. أو الفير اند لوفلي ما تكترو فوقو ..
.
.
يللا يا كابتن لقط لعيبتك ديل واشتري ليهم باسطة .. لياقتم تعبانة جدا ..
|
Post: #19
Title: Re: أقوله بي صراحة ولي أول مرة .. وبيكل حيادية
Author: saadeldin abdelrahman
Date: 03-06-2009, 01:15 AM
Parent: #18
بتعفص مالك يا تامبا؟
|
Post: #20
Title: Re: أقوله بي صراحة ولي أول مرة .. وبيكل حيادية
Author: عبدالوهاب علي الحاج
Date: 03-06-2009, 07:47 AM
Parent: #19
.
|
Post: #21
Title: Re: أقوله بي صراحة ولي أول مرة .. وبيكل حيادية
Author: haroon diyab
Date: 03-06-2009, 07:57 AM
Parent: #20
تامبا يالذ حاجة هنا
انت وصحبك ده قلبتوا الهوبة
وجبتوها من اخرته
Quote: بالمناسبة دي:
زمان سالت واحد فردتنا من لعيبة الفريق القومي حقنا .. قلت ليهو ياخ انتو قاعدين تلعبو مرات مع اتيام كدا وبتتغلبو حببببه .. يا كمان طلعتو درون تلاتة اتنين .. يا طلعتو غالبين .. وريني الحاصل شنو مع انو الاتيام البتلعبو معاها دي ليها وزنها وسمعته واي حاجة .. تعرف قال لي شنو يا لويس :؟
قال لي والله نحن بندخل بي خطة لعب حسب وضع المدرب ليها .. وبندخل الميدان .. كل زول بياكل نارو .. مهاجم يشوت الكورة يوديها عش ودابرق .. مدافع يعنقد ليهو في راس حربة .. قون يجليها ثابتة .. برشم يشوت في الكشافات .. تلقى رجل الخط مطرف توديهو الجير .. إلخ
يللا بعداك الله بكرمنــا .. وبنطلع بي القسمو لينا الله .. والفريق الخصم لحدت ما الكورة تنتهي بيكون ما فاهم حاجة ولحدت ما يمشو بيوتم ويجو التمرين بتاع فكفكة الكورة .. حتين يكتشفو انو الناس دي لاعبة بي خطة قاطعاها من راسه فشلت ليهم الخطة المعروفة اساسا في كورة القدم .. يعني بكونو لاعبين بي خطة اساسا اكزست ومعروفة عالميا .. لكن خرمجتنا بتبطل مفعول السحــر بتاع الخطة دي لانو اساسا الخطة اللاعبين بيها زي الخطة بتاعت كابتن لويس المدهشة دي .. |
ريحتوني في حناني زاتو من الصباح
عفيت منك انت وصاحبك
|
Post: #22
Title: Re: أقوله بي صراحة ولي أول مرة .. وبيكل حيادية
Author: عبدالوهاب علي الحاج
Date: 03-06-2009, 02:53 PM
Parent: #21
|
Post: #23
Title: Re: أقوله بي صراحة ولي أول مرة .. وبيكل حيادية
Author: بشير أحمد
Date: 03-06-2009, 03:34 PM
Parent: #22
عفيت منك ياتمبس انت كمان
لانو ولا مناتل واحد جا بي جاي
الهرش سمح .
|
Post: #24
Title: Re: أقوله بي صراحة ولي أول مرة .. وبيكل حيادية
Author: adil amin
Date: 03-06-2009, 03:51 PM
Parent: #23
منتظرين البنج يفك
اصلو قرب
يا شلة المبنجين
والله عفيت منكم يا الكيزان مبنجين شعب كامل عشرين سنة
الله يرحمك يا والي الدين..رحمة واسعة كتلك البنج الزايد..
شعبي مجهول معلوم
ليس له معنى او مفهوم
يتبنى اغنية البلبل
لكني اراه..يتغني بالبوم
يصرخ من الآم الحمى
ويلوم صراخ المعدوم
يشحذ سيف الظالم صبحا
ويولول ليلا مظلوم
يعدو من قدر محتمل
يدعو لقضاء محتوم
ينطق صمتا
كي لا يقفل
يحيا موتا
كي لا يقتل
يتحاشى ان يدعس لغما
وهو من الداخل ملغوم
****
قيل اهتف للشعب الغالي
فهتفت:يعيش المرحوم!!!
احمد مطر
سهر الجداد ولا نومو يا تمبس والدنان
انا بجهز في دموع التماسيخ
وخوفي من بكره واللي حيجرا...وانتظر الفصل السابع وشوف
كان واحد هتف ولى كف مشت بتلاقي كف
قلت ارفع البوست ينقطة بس للمبنجين
لكن الاحترام واجب
|
Post: #25
Title: Re: أقوله بي صراحة ولي أول مرة .. وبيكل حيادية
Author: الزنجي
Date: 03-06-2009, 04:04 PM
Parent: #24
بوستك دا بيذكرني بي حلة الكمونية
|
Post: #26
Title: Re: أقوله بي صراحة ولي أول مرة .. وبيكل حيادية
Author: سارة علي
Date: 03-06-2009, 04:43 PM
Parent: #25
| Quote: .. اصلو منبر سودانيزاونلاين دا وطن من لا وطن له علشان كدا يا سارة كدي بلاي اتغمصي الدور دا شوفي بترطبي كيف .. |
..
عارف يا تمبس من اقتباسك الفوق دة حاقول ليك كلام اول مرة اقولو هنا...
عارف انا بدخل سودانيز اون لاين ليه؟؟
عشان بكون زهجانة وبجي بفرغ زهجي هنا..
ما تتوقع مني نهائي اني اتكلم بي صورة جادة او ادي رائي في قضية او طرح الا فيما ندر..عشان الكلام هنا زي الاذين في مالطا..ارائي بحتفظ بيها لي نفسي وبناقشا مع الناس البيفهموها في مسارا الصحيح..علي الاقل
سودانيز اون لاين ماشة علي زوال..وانا من الناس البيشاركو في الزوال دة..
لو كنت جيت ولقيتا سودانيز اون لاين زي ما كانت زماااااااان وقت كنا متصفحين..كان جيت فرغت فهمي هنا بدل زهجي..
لكن ما بفوت نصيحتك دي ساي..حاحاول اتغمص الدور..بس ساعدنا في التغمص
|
Post: #27
Title: Re: أقوله بي صراحة ولي أول مرة .. وبيكل حيادية
Author: حسين عوضاى
Date: 03-06-2009, 05:30 PM
Parent: #26
Quote: .. يكون ماسك نار ويجي يعمل تلوث بيئي هنـا دا .. البيعمل أي تلوث بيئي وأنا مافي .. ما عافي ليوو ..
|
تمبس بطريقتك دى بتودر ليك واحد ياااااااخ
|
Post: #28
Title: Re: أقوله بي صراحة ولي أول مرة .. وبيكل حيادية
Author: haroon diyab
Date: 03-06-2009, 05:39 PM
Parent: #27
عوضاي
| Quote: تمبس بطريقتك دى بتودر ليك واحد ياااااااخ |
واحد بس....؟
قول !!!!!!!!!! كاااااااااااامل
|
Post: #29
Title: Re: أقوله بي صراحة ولي أول مرة .. وبيكل حيادية
Author: Nagi Ahmed
Date: 03-06-2009, 05:42 PM
Parent: #28
|
Post: #30
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 06:34 AM
Parent: #29
زي النوعية دي بجيبوهــا من وين ؟؟
ناس واي واي ديل ..
ياهو دا حسع نضالك العايز ترقص بيهو في وسط الخرطوم ؟؟
وواي واي ؟
|
Post: #54
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 01:56 PM
Parent: #27
| Quote: تمبس بطريقتك دى بتودر ليك واحد ياااااااخ |
عوضاي يا لذيذ كيفنك ؟؟
أنا كنت عايز اكتب فوق (توجد صورة) لكن الجماعة ديل ما مهلوني ..
حقارين جدا
يعني عليك الله الواحد يبلع كلامو .. ويموت بيهو ..؟
اخيرالموت مع الجماعة عرس
|
Post: #46
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 12:49 PM
Parent: #26
Quote: عارف يا تمبس من اقتباسك الفوق دة حاقول ليك كلام اول مرة اقولو هنا...
عارف انا بدخل سودانيز اون لاين ليه؟؟
عشان بكون زهجانة وبجي بفرغ زهجي هنا.. |
.. تعرفي يا سارة انا عكسك تمام اتعلمت من خلال المكان دا .. إنو لما تكون عندي دبرسة يا مشكلة مستعصية اطلاقا ما اجي داخل المكان دا .. وافتش عن مكان تاني اقدر امشي فوقو حالي ، كتاب اقراهو ـ اقعد براي وغالبا دي البركز عليها شديد .. لكن اطلاقا ما احاول افرق علشان اللقى لي حاجة صغيرة ممكن تجوط كل الحسابات الاصلها جايطة .. يعني لما اجي داخل هنا بكون في كامل المود الموزون .. لانو للاسف المكان دا بي نفسيات بعض الفيهو اصبح لا يطاق ... يعني عندك خيارات محددة يا اما تركبي الموجـة .. يا تتجاوزي بع الاسماء بي عينه علشان ما تجيك اي مصيبة زمان علي القرفه العندك ..
| Quote: ما تتوقع مني نهائي اني اتكلم بي صورة جادة او ادي رائي في قضية او طرح الا فيما ندر..عشان الكلام هنا زي الاذين في مالطا..ارائي بحتفظ بيها لي نفسي وبناقشا مع الناس البيفهموها في مسارا الصحيح..علي الاقل |
فيما ندر دي كويسة جدا وهو المطلوب .. يعني فيما ندر دي مرات كتيرة جدا بتكون صايبة .. انا لاحظت لي ناس هنا دا .. موضوعيين خالص .. بيختو كلام في الصميم وبي ميزان الموية .. وفي نفس الوقت بتلقيهم ما جادين .. وفي كل الحالتين بيجملو المكان دا .. بي جديتم وبي مشاركاتم الهزلية .. انا مرات بحتفظ بي رائي زيك كدا .. لكن في نوعية ناس مالطـا ديل مرات بيحملو المسالة فوق لي طاقته وبي شكل مستفز جدا .. ما ليهو اي علاقة بي اي واقع .. يللا زي ديل .. بتقول ليهو الراي وبتجيب ليهو المكرفون بتقول ليهو هاك مالطـا دي ..
Quote: سودانيز اون لاين ماشة علي زوال..وانا من الناس البيشاركو في الزوال دة..
لو كنت جيت ولقيتا سودانيز اون لاين زي ما كانت زماااااااان وقت كنا متصفحين..كان جيت فرغت فهمي هنا بدل زهجي..
|
.. والله يا سارة وللحقيقة المخجلة جدا .. سودانيز انتهت من قبل فترة طويلة جدا .. بعدما انتهجت جماعات مبدأ عدم احترام الراي .. واستعمال الاسلوب البربري .. ساعدم بكري ابوبكر .. وقال ليهم سيرو ونحن من خلفكم .. ودا طبعا قدر كل الحاجات الكويسة عندنـا .. ما بنقدر نثبت في اي حتة ممكن تضيف لينا نجاح .. لكن احسن ناس ممكن نتزحلق بسرعة جدا للاسواء ..
اقلبي الصورة يا سارة .. وحاولي اعملي الما كنتي بتعمليو حتى ولو لي فترة محددة .. واعملي مقارنة ما بين اللوك القديم واللوك الجديد .. الخلاصة .. ممكن تمشي بيها .. أو اكيد بتلقي ليك حاجة بترضيك .. حسب قناعاتك ..
شفتي قناعاتك دي شوتي بيها بس .. اصلو ما تشتغلي بي اي زول هنـا دا بتاع وصايا يا النوعيات البتجي شايله دفاتره للمحاضرات ..
يعني بي صراحة رشي من اي باقة تعجبك ..
|
Post: #42
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 11:59 AM
Parent: #25
| Quote: بوستك دا بيذكرني بي حلة الكمونية |
كويس جدا لانو على حسب خبرتي في الغربة بي بعض الزكريات الحميمة انو .. حلة الكمونية ما بيدوهــا مويــة ..
نكب موية في البتاع دا يعني يا زنجي واللا نجيب زيــادة ؟؟
|
Post: #41
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 10:34 AM
Parent: #24
Quote: منتظرين البنج يفك
اصلو قرب
يا شلة المبنجين |
.. كويس .. في نشاط .. من شلة المونساتية وشلة الامنجية بقت شلة المبنجين ..
اقوليك حاجة:
نحن البنج زاتووو ما بيمسك فينـا عشان يلقى ليهو طريقة يفك .. الخوف على الجماعة البتاخد بنك وتجي داخله باله راسه .. وبنجه برضو ما يخليها تستحمل الرش دا ..
شايف جماعتك وعرابك .. بقو يقرو الكف اليومين دي .. واحد فيهم قارئ فنجـان عديل كدا .. سامعو المرة الفاتت بيغني في رسالة من تحت المــاء ..
إني اغرررق .. اغرررررق ..
يللا الغرقانين ديل قالو الشعب السوداني دا على حسب رواية الاستاذ ح يقلع ليهم الكيزان .. إلخ
وسموهو بي حديث الزبابة واللا بي بي شنو كدا ما عارف المهم حاجة كدا رنانة جدا ..
يللا يوم الخميس كنت بشرب في قهوة في كافية بتاع اخوانـا (حفتي) كدا وجابو الريس في الميدان والشعب ملتفي حولو ..
تخيل .. في واحد اثيوبي قام حيلو اتشنج وقعد يكورك .. لحدت ما غنيت ليهو مقطعين لي تلهون قساسي حتين استغفر وقعد في كرسيهو ..
تخيل جماعتك يجو يشبكونـا الشعب قال كلمتو وحديث الزبابة .. وغزوة خيبر .. ونبؤة عام الفيل
ياخ ما ترحمو نفسكم وارحمونـا معاكم .. إنتو بره الفلم دا يا سيدي العزيز .. ما تحاولو تدخلو نفسكم بالبنج ..
اقول ليك حاجة .. خلينا نشتغله بيان بالعمل وعسكرية .. اصلو تاني ما عندنا ليكم غير عسكرية وبيادة ومشمعات فرش .. نحن ناس جيش ساكت بنجكم دا ما بيمشي فينـا:
نفترض يعني حسع دي واحد من اعضاء الحركة التنويرية بتاعتكم دي .. المولعين السنة كلها .. وشايلين رتاينكم وتبقبو لا خليتو مركز الخاتم ولا خليتو مركز الدايرة وباااي نق تربيع
نفترض واحد فيكم مشى جاب ليهو برواز بتاع خشب .. وعلف فوقو صورة اوكامبووو .. وبقى حايم في شوارع الخرطوم علشان يمتص غضب الجماعة ديل .. ويخدرم ويبنجم .. علشان شوية كدا الناس دي توعا .. علشان يقومو يقطلعو ليك الريس .. حسب النظرية والنبووووة بتاعت زولكم دا ..
تفتكر صاحبك دا .. البيحصل ليهو شنـو..؟
خليك منو الزول دا .. رايك شنو إنت تمشي .. والبرواز مني .. قبيل قلنا لي نديمك هشام هباني (.........)اكر السفر مني امشي اخد ليك قدله في الخرتوم .. شايفو عمل ميت ..
كحلكم عملتو ميتين فالحين تنظير هنا دا .. وقت التنظير انتهى .. الشغل بقى بيان بالعمل ..
Quote: وانتظر الفصل السابع وشوف
كان واحد هتف ولى كف مشت بتلاقي كف |
ما بتملو انتظار؟ خلاص ولا يهمك خليكم منتظرين علشان الشعب يقتلع ليكم الكيزان .. وبعداك تعالو اشبكوهم فكرة وتنظير .. وانا بفتكر ، واعتقد انو .. إلخ
وينك ما ظاهر هنـا نقط لينا بي هناك برضو ـ والاحترام متوفر اصلو ما تشيل هم من الحتة دي .. حيدر بدوي في قناة الحرة (برنامج عين على الديمقراطية): ... زالت حية في السودان
بقيت تخلي بوستاتك ..؟
|
Post: #36
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 08:11 AM
Parent: #23
| Quote: لانو ولا مناتل واحد جا بي جاي |
يا دكتور بشير .. لحدت الآن جماعتك فاتحين خشومم وقاعدين طبعا ..
عاين زي ناس واااي ديل ..
شوف ليك بلاي واحد زي دا قال عايز يسقط ليهو حكومة زي دي .. ويقيف ليهو قدام شعب مرق الشارع من اي ملف في السودان ..
جاي خاتي ليهو صورة .. واي واي واي
ديل رجــال وين ديل ..؟
حسع النوعية دي محتاجة هرشة ..؟
دي مهروشة من يومـه
|
Post: #34
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 07:33 AM
Parent: #21
عبد الوهــاب الكوز .. أبو جمكسين .. كبر نقطتك دي شوية رش االلا بتوب الجديد دا عمل ليك انتهـاب واللا شنـو؟؟
Quote: تامبا يالذ حاجة هنا
انت وصحبك ده قلبتوا الهوبة
وجبتوها من اخرته |
.. هارون وكدا ..
يا عمك صاحبي دا زول طريفي ساكت زول نصيحة .. والله يا هارون لحدت الآن كلما اشوف لي مباراة بتذكر كلامو دا
كدي عليك الله يا هارون اقرب كورة حاول اتفرج فيها بالنظرية بتاعت الزول دا .. مع العلم أنو نفس الصاحب دا حسع دي في جهاز اداري وشغال تش تتخيل ..؟ ولا عمل التكتح لسه العك في عكانو ..
Quote: ريحتوني في حناني زاتو من الصباح
عفيت منك انت وصاحبك |
.. إن شاء الله مرطب دائما يا عمك ..
|
Post: #31
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 06:41 AM
Parent: #19
| Quote: بتعفص مالك يا تامبا؟ |
.. يا ابو السعود كيفنك ؟
بلاي إنت باسفيك ؟؟
اكيد الجــو عندكم أوروبي زي ما قال زيكو
|
Post: #32
Title: Re: أقوله بي صراحة ولي أول مرة .. وبيكل حيادية
Author: nazar hussien
Date: 03-07-2009, 07:15 AM
Parent: #31
يا تمبس اخونا سعدالدين دا زاتو اعفصوا
مش الخير بخص والشر بيعم...
عمم ليه الشر...وخليه يعوم
(وبعدين حا نقول ليه معليش ياخي)
او حا نقول ليه دي عفصات صديقة
|
Post: #33
Title: Re: أقوله بي صراحة ولي أول مرة .. وبيكل حيادية
Author: محمد فرح
Date: 03-07-2009, 07:26 AM
Parent: #32
تعرف ياتمبس
شعبنا ده عظيم لي درجه أصلو ماتتخيلها
أنا أكتر زول متعايش مع نبض الشارع
بتشعبط في الحافلات والرقشات والأمجادات وبجي بي جاكسون ويومياً بكون بمر بأمدرمان وبحري والخرطوم
الإجماع البتحسو في الشارع هنا ماحصل قبل كده
عندي أصدقاء ماعندهم علاقه بالسياسه نهائي
ناس كوره ساااكت
لقيتهم معلقين علم السودان وصورة البشير في عرباتهم
ولو عرجت على الفيس بوك حتلقى نص السودانيين هناك إستبدلوا صور بروفايلاتهم بي صورة البشير
لأجل أنه جمعنا هكذا
ووحد صفوفنا
الرجل يستحق الشكر وكل التقدير
ومعاك بقول
عفيييييييييت منك يااوكامبو
مؤونة عام من الود
|
Post: #56
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 02:46 PM
Parent: #33
Quote: بتشعبط في الحافلات والرقشات والأمجادات وبجي بي جاكسون ويومياً بكون بمر بأمدرمان وبحري والخرطوم
الإجماع البتحسو في الشارع هنا ماحصل قبل كده
عندي أصدقاء ماعندهم علاقه بالسياسه نهائي
ناس كوره ساااكت
لقيتهم معلقين علم السودان وصورة البشير في عرباتهم
ولو عرجت على الفيس بوك حتلقى نص السودانيين هناك إستبدلوا صور بروفايلاتهم بي صورة البشير |
والله يا فرح شهيتني الحوامة بتاعت زمان .. وتحنيك الكمساري ... تعرف تعليق الصور في العربات .. وتغيير البروفايلات .. دي الحاجات الكان الجماعة ديل ما عاملين ليها حساب .. يعني المساكين حسبوهـا غلط .. ودا بيوضح من خلال زوغان بعضهم وممارسة الارهـاب والشتايم وعدم الموضوعية من خلال الردود ..
في بوست مفتوح ليهو فترة وسيدو قال الشعب السوداني .. أول ما يصدرو القرار في هجرات جماعية .. يعني بالوضاح كدا يخلو البلد صقيعة ..
في بوست تاني نفس الشخص بيدي في تعليمات من مكانو السامي والمرموق في أحدى الدول الأوروبية .. وعايز الناس تسمع كلامو لانو الود فاهم جدا وناقش .. حاجاات كتيرة جدا ..
الحسابات الغلط بالنسبة لي زول ما عارف وما شايف ومغشوش دائما بتدخلو في حتات غلط ..
زي الحتات دي ..
شوف ليك اي كمية مؤنة وتعال نتحاسب
|
Post: #35
Title: Re: أقوله بي صراحة ولي أول مرة .. وبيكل حيادية
Author: العوض المسلمي
Date: 03-07-2009, 07:37 AM
Parent: #32
تمبس اخوي ما تقوم نفسك ساااااااااهي ,,,
ديل عند الجلد بقوليك : ده حار ,, وده والله ما بنجلد بيه ,,
|
Post: #38
Title: Re: أقوله بي صراحة ولي أول مرة .. وبيكل حيادية
Author: عبدالله ادريس محمد
Date: 03-07-2009, 09:11 AM
Parent: #35
Quote: ياهو دا حسع نضالك العايز ترقص بيهو في وسط الخرطوم ؟؟
وواي واي ؟ |
وانت حس نضالك يوم 28 رمضان كان وين بس ما تقول لى كنت صايم
|
Post: #39
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 09:21 AM
Parent: #38
| Quote: وانت حس نضالك يوم 28 رمضان كان وين بس ما تقول لى كنت صايم |
. لا تمنية وعشرين رمضان ما كنت صايم اليوم داك بالذات كنت جالدو .. لسه مــا بلغته ..
إنت مالك ومال ضباط تمنية وعشرين .. بتعرف ليهم شنــو..؟
يعني حسع افهم انك من بتاعين واااي ... واي ديل وعاجباك الولوله دي ..؟
قاعد في ياتو حفرة إنت يا مناضل ..؟
|
Post: #40
Title: Re: أقوله بي صراحة ولي أول مرة .. وبيكل حيادية
Author: عبد الله عقيد
Date: 03-07-2009, 09:50 AM
Parent: #39
يا تمبس ياخي حرام عليك
الناس ديل كمان مفروض تخف عليهم شوية
هسي انا متأكد انهم ما حايكونو عافين منك
انا غايتو عافي منك لي يوم الدين
|
Post: #43
Title: Re: أقوله بي صراحة ولي أول مرة .. وبيكل حيادية
Author: adil amin
Date: 03-07-2009, 12:07 PM
Parent: #40
يا تمبس المبدع
نحن قلنا والله الكيزان ديل اتعلمو لمن طال بيهم الامد في الحكم وتطورت وسائل التخدير عندهم و بقو يستعملو الابر الصينية في تخدير المواطنين..سد مروي كبري نيالا الفاشر طريق حوش بانقا القضارف دوكة القلابات(طريق الهروب الكبير) لمن يجو التتار..لكن للاسف صعقة اوكامبو عملت ليهم حالة نكوص مخزي ورجعو تاني لمورفين الحقبة الترابية..ونفس البروفسر بتاع خاسيء خاسيء يا عنان ونفس الجعير والتهليل والتكبير ويا امريكا لمي جدادك...ونفس ردود الافعال المتهورة وطرد المنظمات العاملة في دارفوروالتي ادرجت من ضمن الجرائم ضد الانسانية كمان...والانحدار نحو الفصل السابع بسرعة العربة التي تجرها الخيول..
اها ذى ما قال جني ((انقاذكم دي يبخرو فيها وتضرط..))
وبعدين
انا ليس من مناضلين الكي بورد واصعد على جثث الاخرين وبدعو لاسقاط الكيزان بالمحكمة الجنائية الدولية او وسائل عنيفة.. وانت اصلا ما بتقرا بوستاتي واذا قريت ما بتفهم وكل مرة دارعني في زول..ذى فلان وذى علان ولى(( ده كلام الحب كلو قلتوه بس كلامي انا الما عرفتوه.)).امشي ذاكر في من اول بوست لي اخر بوست...من 2002 لحدت 2009 قلنا تجاوز الكيزان بالانتخابات فقط ولا زلنا معاكم في سباق المسافات الطويلة.. وبعدين مشيت السودان قبل شهور واتيحت لي الكتابة في اجراس الحرية مافي داعي امرق في الشارع واهنق...لي البشير او اوكامبو..عروضك المخزية دي قدما لمن تراه موتور وعنده مشكلة شخصية مع البشير او الجلابة او العرب او المسلمين او سكان هذا الكوكب
وكلامي هو نفس كلام الحركة الشعبية..على حزب المؤتمر الوطني الالتزام بمقررات الشرعية الدولية(مجلس الامن)
و الحركة الشعبية هي البديل الاخلاقي الوحيد لكل خزعبلات السودان القديم واخر وجوهه القبيحة حزب المؤتمر الوطني
ادعم مشروع السودان الجديد بتجرد...ما عايز منهم جزاءا ولا شكورا
هذا الكلام تقريري لا اعنيك بيه...اعني به شعبي الملغوم
والوعي هو راسمال ابن ادم...اذا احتقر احد وعيك وخاطب اي حاجة في جسمك غير عقلك هذا يعني انه حيونك وهكذا يفعل البشير ورهطه بشعبي الملغوم(اقرا قصيدة احمد مطر واعتبر)
قالو الحلي زينة النسوان والعقول زينة الرجال...ولى مش كده
خلي البنج يفك
بتفهم كلامي ده كويس
....
عفيت منك يا اوكامبو الحلجت الكيزان حتى على مستوى هذا البورد
بعدين البوست داك اضحى في الغابرين بعد ان اعتذر ليكم حيدر بدوي فيه لا يجوز استعمال اسلحة الشمار الشامل فيه...
|
Post: #44
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 12:27 PM
Parent: #43
| Quote: اذا احتقر احد وعيك وخاطب اي حاجة في جسمك غير عقلك هذا يعني انه حيونك وهكذا يفعل البشير |
يعني حسع دي ممكن اقول ليك سير .. سير يا عادل ..؟
.. ما دخلنـا مرحلة الحيونة دي لسـه لحدت الآن بنخاطبك بي الفعـل الأدمي ..
إنت عايزني ما احترمك يعني ..؟
حسع فرقك شنو من مناضلي الكيبورد . وعامل لي فيها بتاع عقل وعاطفة وحنان يا ناس وانا قلبي بدق وبتاع ..
تعرف اكتر حاجة مخلياني ما ارفع يدي من منضلين الكيبورد زي ما قالت اختنا داليا ..؟
اهـا زي الحركات بتاعت عتوت وغنماية وكلب وابو الحصين دي ..
ح تشيل دي يا خالووو .. واللا نبرمج ليك كيبورد ليزر ..؟ لانو لو ملاحظ ما قاعد استعمل معاك اللغة الجعانة دي ..
بعدين مسحت شنو بي وراي ..؟
| Quote: (عدل بواسطة adil amin on 07-03-2009, 11:09 ص) |
امسح يا خالوو علشان ما ازعل منك .. إنت زول كبير (وكشاف) اعظــم .. وكان مته عديل كدا بوستاتك بالنسبة لي ما فيها نكهة ولا فيها ثــمرة .. ولا بقدر اقراهـا .. قلت ليك انا زول عندي (مصــران) .. ليش مصر انك ما تصدقني؟
|
Post: #47
Title: Re: أقوله بي صراحة ولي أول مرة .. وبيكل حيادية
Author: adil amin
Date: 03-07-2009, 01:08 PM
Parent: #44
Quote: ح تشيل العتود دي يا خالووو .. واللا نبرمج ليك كيبورد ليزر ..؟ لانو لو ملاحظ ما قاعد استعمل معاك اللغة الجعانة دي ..
بعدين مسحت شنو بي وراي ..؟
Quote: (عدل بواسطة adil amin on 07-03-2009, 11:09 ص)
عتود تاني .. واللا تامبيرا ؟؟
امسح يا خالوو علشان ما ازعل منك .. إنت زول كبير (وكشاف) اعظــم .. وكان مته عديل كدا بوستاتك بالنسبة لي ما فيها نكهة ولا فيها ثــمرة .. ولا بقدر اقراهـا .. قلت ليك انا زول عندي (مصــران) .. ليش مصر انك ما تصدقني؟ |
عتود ومسحناها...اصلو القصة تدليل بس العتب على النظر والعيال كبرت
اما بوستاتي البتعمل ليك مصران دي
زورا بنقطة بس ذى ما بتزور هشام هباني
....
بعدين الليزر ده ما بنفع معاي احسن الابر الصينية
((الرد....الرد...السد السد))
وليه ما وصلو الابراج الكهربائية لحلفا
زعلانين من ناس كجبار ولى شنو؟؟!!!
طيب من دنقلا لي حلفا ديل ما ناس؟؟!!
| Quote: زول كبير (وكشاف) اعظــم |
لمبة بيان بس...وسلكين
الكشاف الاعظم ده شوفو وين..
|
Post: #49
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 01:14 PM
Parent: #44
Quote: (عدل بواسطة adil amin on 07-03-2009, 11:09 ص)
(عدل بواسطة adil amin on 07-03-2009, 11:59 ص) |
إنت عملت شنو يا عادل امين ..؟
مش تخليك شجاع وتتكلم ..؟؟
انا ممكن كان اعفص على التعديل العملتو دا .. واقول عفا الله عما سلف ..
لكن
إنت مش مفترض تكون اشجع من كدا وكان تقول لي معليش يا تمبس يا ود اختي الكلمة الكتبتها ليك دي ما كويسة في حقك ..
يعني بي نفس الشجاعة الكتبت بيها الكلمة ـ تخليك اشجع من كدا وتتم الباقي
قبل يومين في واحد بي نفس حركتك دي جاب سيرة الحاجة بتاعتي الله يطول عمره ..
قلت ليهو عاين نحن بنتعامل هنا راس .. امي ما عندها حساب هنا دا .. تقوم تمسح الكلام دا ..
تخيل فقط طلبت منو يمسح الكلام ..
تخيل جا مديني محاضرة عن كيفية المسح .. ولازم تمسح بي يدك اليمين علشان الشيطان بياكل بي يدو الشمال .. وشبكنا اقعد هناك يا ولد وامشي جيب لي سجاير وتعال ..
المهم في النهاية لما لقيتو عامل زيك كدا .. دعيت انو الله يكملو بي عقلو .. لكن طبعا إنت عارف ود اختك ما قاعد يخلي حاجاتو .. وحيات ابتسامتك مسحتو الكلام زي الترتيب ..
امركم عجيب يا مناضلين السايبر .. ويا علماء السايبر .. ويا فلاسفة السايبر ..
الواحد يشتم ويمسح ويعمل فيها رايح ..
معليش ما يقوله ..
طيب اقول ليك حاجة ..؟
ما تقول لي معليش انا دا .. تعال قول معليش لي معجبيك القاعدين يقرو ليك ديل ..
أنا دا اطير فررررر كدا دا ويضربني جناح الطيارة ..
|
Post: #45
Title: Re: أقوله بي صراحة ولي أول مرة .. وبيكل حيادية
Author: abuguta
Date: 03-07-2009, 12:31 PM
Parent: #43
تميس
من منظورى انا السياسة زى الرياضة
عشان كدا لما القى لى زول ما بعرف اشجع ولا ساس يسوس
دا حقو يفارق الحياة,,,
ياخى مافى زول خوة كانت قوية مع البشير اكثر من الترابى
كل المطبلين حاليا نفعية ,,اى زول حارس ليه وزارة وقاعد يحلب
والوطن مغترب زى وزيك,,,
ايش حيحصل لو مشت الانقاذ,,شيوعين مو ماسكين معارضة المنافى مو راجعين
غرابة مو ماسكين جنوبين برضو مو ماسكين
ياهم شمالين الوسط,,ما تخاف تانى بتلقى ليك زولا تريدو
|
Post: #48
Title: Re: أقوله بي صراحة ولي أول مرة .. وبيكل حيادية
Author: saif massad ali
Date: 03-07-2009, 01:10 PM
Parent: #45
دكتور خليل جاكم عووووووك
|
Post: #50
Title: Re: أقوله بي صراحة ولي أول مرة .. وبيكل حيادية
Author: adil amin
Date: 03-07-2009, 01:25 PM
Parent: #48
Quote: والوعي هو راسمال ابن ادم...اذا احتقر احد وعيك وخاطب اي حاجة في جسمك غير عقلك هذا يعني انه حيونك وهكذا يفعل البشير ورهطه بشعبي الملغوم(اقرا قصيدة احمد مطر واعتبر)
|
تمبس
شفت انت كيف ما بتقرا ولمن تقرا ما بتفهم
وحسبت الكلام ده موجه ليك وانا ضربت بيه مثل
بان خطاب الانقاذ المازوم والمستمر وهو الذى اوصل الشعب هذه المرحلة راكبين تاتينيك في العنابر ويرقصوا ويهللوا لناس الدرجة الاولى
اها بقول ليك مع سلامة...وتاني مافي اشتباك معاك على مستوى هذاالبورد
وكل يعمل على شاكلته
وبجي يوم
نفتح ارشفينا وتارخيهم في هذا االبورد ان طال العمر
...
نشوف منو الكان بنظر
ومنو الكان بحذر ويبخر في الانقاذ التي نقضت غزلها
بعدين الحذف الاول
كتبت ابر صنينة هكذا وصلحتها ابر صينية وقد يكون في شخص قرا ما كتبت وصلحت
لا تامبيرا ولا هم يحزنون
وبوستك ده تاني عودنا فيه عود مرة...
|
Post: #51
Title: Re: أقوله بي صراحة ولي أول مرة .. وبيكل حيادية
Author: esam gabralla
Date: 03-07-2009, 01:34 PM
Parent: #50
يا قرموط ....
حاجزك راس ..... بجهز ليك في مفاهمة طويلة عريضة
اقضي شئون دنيا و اسر واجيك
لحدى الوقت داك
قوم لف
|
Post: #53
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 01:44 PM
Parent: #51
Quote: يا قرموط ....
حاجزك راس ..... بجهز ليك في مفاهمة طويلة عريضة
اقضي شئون دنيا و اسر واجيك
لحدى الوقت داك
قوم لف |
.. اووووم دور يا قدع ..
|
Post: #67
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-18-2009, 11:26 AM
Parent: #51
Quote: يا قرموط ....
حاجزك راس ..... بجهز ليك في مفاهمة طويلة عريضة
اقضي شئون دنيا و اسر واجيك
لحدى الوقت داك
قوم لف |
قووم لف عليك الله .. سكرتير فاشـل لاتجيد سوى الشعارات الماركسية .. زيك وزي عبد الرحمن في بوست النبل
شوف يا اقليمي بطل الحركات دي وتعال قول كلامك .. الايامات دي ما فاضيين ليك شغالين تعبية ..
قاعدين نعبي هوا في قزاز المتر بي خمسة يورو ..
والله نوعيتك دي شرايه خلاص ..
قوم لف عليك الله ..
|
Post: #52
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 01:40 PM
Parent: #50
| Quote: وبوستك ده تاني عودنا فيه عود مرة... |
(دسيس) جدا يا خالوووو ..
حسع الواحد كان اللمبات بتاعتك نفعت فوقو وولعت بيهو كان يقول ليك:
دا وعي ذكـوري .. وإنت سودان قديم ومعتت ..
يا كان جابه من الآخــر وقال ليك:
عـود المرا حلووو حلا .. وكسر في اضانو قشـــة..
اشوفك بكره في الموعد يا خالووو .. اصلو قلنا البجي داخل البوست دا .. لازم يكون مبنج ولو ما بقى مبنج اهووو
عــودو بيكون معاهو كماااان ودربوكـة ..
|
Post: #64
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-18-2009, 10:47 AM
Parent: #48
| Quote: دكتور خليل جاكم عووووووك |
والله الواحد في كلام مفترض يقولو من زمان ..
زي سيف مساوي دا .. والاسمو عبد الماجد تربيع داك .. وكم واحد كدا قاعدين تمومة عدد في البورد دا ..
يا سيف مساعد ..
والله الواحد ما كان عايز يرد ليك .. لكن اهو طالما حشرت نفسك مع الناس الواحد يعاملك معاملة ناس .. نكسب فيك اجر بس ..
زكرتني خـدر الطيب الله يطراهو بالخير ..
|
Post: #63
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-18-2009, 10:33 AM
Parent: #45
Quote: ياخى مافى زول خوة كانت قوية مع البشير اكثر من الترابى
كل المطبلين حاليا نفعية ,,اى زول حارس ليه وزارة وقاعد يحلب
والوطن مغترب زى وزيك,,,
ايش حيحصل لو مشت الانقاذ,,شيوعين مو ماسكين معارضة المنافى مو راجعين
غرابة مو ماسكين جنوبين برضو مو ماسكين
ياهم شمالين الوسط,,ما تخاف تانى بتلقى ليك زولا تريدو |
والله يا هندسة كلامك كلو في محلوو .. كلو زي الزفت .. لكن الازفت من كدا كمان جابت ليها تبجح في الفين وتسعة ..
بعض المتأمركين كمان عايزين يفرضو علينا ادبيات نمشي عليها حسب فهمهم المتواضع جدا وعقليتهم المتحجرة .. ديل من زمن طلعوا وكل زول انشغل بي اكل عيشو وبي الفكه الفاكيها في روحو بقو ما عارفين الساعة كم .. الله يجزي بل قيتس خير .. الواحد لقى ليهو وسيلة تواصل .. بقى ينظر في شئون بلاد وشعب وامة ..
دا طبعا كوم .. والجماعة الزعلانين من جماعتم كوم تاني .. عايزين يلفو ويجو راجعين تاااني من اول وجديد .. يحكمو ويلغفو .. زي التقول البلد دي حقتم ..
علشان كدا ..
اهو زي ما شايف .. طلعو في الصقيعة وبقو لافين حوالين نفسهم وتامنها شتيمة وحاجات غير موضوعية ..
ولسه هم ما شافو شغل .. الشغل راجيهم قدام هناك ..
|
Post: #62
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-18-2009, 07:47 AM
Parent: #40
Quote: تمبس ياخي حرام عليك
الناس ديل كمان مفروض تخف عليهم شوية
هسي انا متأكد انهم ما حايكونو عافين منك
|
.. ود عقيد .. والله ليك وحشـة شديدة .. قاتل الله المشغوليات ..
بالجد فقدنـا يدك الطاعمـة .. في ترويض بعض المواهيم هنـا .. لكن اهو زي ما شايف .. تلميذك انا .. اصلو ما تشيل هم بجيهم ليك جيهة جد ..
لو تصدق يا ود عقيد من ما مشيت إنت لحدت الان انا قاعد اكتب ليهم بي الاصبعين الصغار في يدي الشمال وبعد دا كلو عاين ليهم متجرسين كيف .. كان اديتنا الفاتحـة .. بندخل ليهم الاصبع الوسطاني اللعب .. لكن الواحد بعدما يقرا ليهو حرفين .. والله إلا يعملو ليهو كشف طبي يتأكدو من خلايـا المخ ومن الضغط والسكر .. وربما القاااود..
تحياتي للجنيات الصغار وامهم .. والحي بلاقي ..
|
Post: #61
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-18-2009, 07:30 AM
Parent: #35
تمبس اخوي ما تقوم نفسك ساااااااااهي ,,,
ديل عند الجلد بقوليك : ده حار ,, وده والله ما بنجلد بيه ,,
العزيز المسلمي ..
كيفنك ؟؟
طيب عاملين فيه الاولاد فرسان مالم ..؟
غايتو إلا يواصلو كواريك كدا دا بس في منبر بكري البلاش دا .. لكن كان واحد فيهم فكر مجرد تفكير يعمل حركاتو دي ... زي ما بيعمل المعارضين الجد جد .. من جوووهـ..
وحات خوتك بي الحاصل اليومين دي .. الظاهر لي الواحد ممكن يتحول في لحظة ما إلى علبة ( تونــا) طبعا الكلام دا ما لي الحكومة علاقة بيهو .. دي ثورة شعب بس ..
ما لم يكون الواحد فيهم شفت جدا .. ويعمل زي الأمير الكوشي بشاشا .. دخل قش الخرطوم .. وما قال كش .. مساكين والله الراجين ناس لاهاي وناس اوكامبووو وسلفستراستالوني يدخلوهم الخرطوم ..
|
Post: #55
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-07-2009, 02:33 PM
Parent: #32
Quote: يا تمبس اخونا سعدالدين دا زاتو اعفصوا
مش الخير بخص والشر بيعم...
عمم ليه الشر...وخليه يعوم |
سعد الدين دا يا نزار بتاع كورة شراب ودافوري .. العفص ما بيعمل ليهو حاجة .. دا غلا نطلع ليهو (جـوز) راسو عديل بعداك فوقه كلام ..
|
Post: #57
Title: Re: أقوله بي صراحة ولي أول مرة .. وبيكل حيادية
Author: عبدالله ادريس محمد
Date: 03-07-2009, 03:50 PM
Parent: #55
| Quote: أقوله بي صراحة ولي أول مرة .. وبيكل حيادية?? |
هسى
اقولها بكل صراحة ولاول مرة .. وبكل حيادية؟؟
ولا الهاء هيرت المدير
شوف ود العقيد كتب ليك كيف اتعلم ولانت ..........؟؟؟
|
Post: #58
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-08-2009, 06:53 AM
Parent: #57
Quote: هسى
اقولها بكل صراحة ولاول مرة .. وبكل حيادية؟؟
ولا الهاء هيرت المدير
شوف ود العقيد كتب ليك كيف اتعلم ولانت ..........؟؟؟ |
.. يعني من الصياح قلت تقلبه إمــلاء وقراءة صامتة ؟
والله بي صراحة ..؟
أخير منك مناضل الــواي واي الفوق داك ..
ود عقيد دا كوز مالك ومالووو .. كوز زي واحد ..
إنت من يا بوي من مصححاتية وين ..؟
كنت بتقري ياتو مادة .؟
|
Post: #59
Title: Re: أقوله بي صراحة ولي أول مرة .. وبيكل حيادية
Author: معروف حمدين
Date: 03-08-2009, 07:03 AM
Parent: #58
تمبس يا حبيب
لو سمحت طلب بسيط .. وعارف الظروف صعبة شوية
عاوز اسمع أغنية ( الأماني العذبة )
وأهديها لكل المستمعين ..
وأنت برضو ممكن تعمل أهداء وعلي كيفكـ ..
لك الشكر مقدماً ...
|
Post: #60
Title: Re: أقوله بي صراحة ولي أول مرة .. وبيكل حيادية
Author: عمر صديق
Date: 03-08-2009, 01:16 PM
Parent: #59
Quote: خطييير بي (لبن) يا عمر صديق ...
الخطير يا عمر شعب المليون ميل صمود وبطولات .. وعين حمراء ..
الشعب القال كلمتو متسامي فوق كل المعاناة .. والحسابات التانية بصفيها بي طريقتو ..
لكن
لا .. لكل خونـة بيعملوا وفق حسابات مدروسة من جهات بي عينة .. ساعدتم فيها جهات بي عينة كشفه اوكامبووو العفيت منو انا دا .. عفوا بيعرفو هو براهــوو ..
مساديرك .. وقف فيها حد الكلام واظنو اوكامبووو فهم الرسالة كويس .. وشافه في الشاشة .. ولسه في باقي كلام. |
الاخ تمبس
تحياتي
فعلا الشعب السوداني قال كلمته وليت الاخرين يفهمون الرسالة
|
Post: #65
Title: Re: أقوله بي صراحة ولي أول مرة .. وبيكل حيادية
Author: Faisal Elrasheed
Date: 03-18-2009, 10:59 AM
Parent: #60
Quote: هسى
اقولها بكل صراحة ولاول مرة .. وبكل حيادية؟؟
ولا الهاء هيرت المدير
شوف ود العقيد كتب ليك كيف اتعلم ولانت ..........؟؟؟ |
يا السموك منو انته
الكاتبه تمبس فوق ده مكتوب ياللغة الدارجيه حقت السودانيين
يعني ما بالفصحي حقت عبد الله الطيب الله يرحمه
والناس كلها فاهمه الكلام وقرته ... ما تجي تفكها فينا نحن ما ناقصنك
فهمته يا سيبويه
والا اجيب الفهامه
ــــــــــــــــــــــــــــــــ
تمبس: رشهم رشاهم البلا
|
Post: #66
Title: Re: أقوله بي صراحة ولي أول مرة .. وبيكل حيادية
Author: المسافر
Date: 03-18-2009, 11:17 AM
Parent: #65
Quote:
تمبس: رشهم رشاهم البلا |
تيمبوسي
الدبلماسي
بتكون وصلت إسكيل اتش
|
Post: #68
Title: Re: أقوله بي صراحة ولي أول مرة .. وبيكل حيادية
Author: tmbis
Date: 03-25-2009, 07:28 AM
Parent: #59
Quote: لو سمحت طلب بسيط .. وعارف الظروف صعبة شوية
عاوز اسمع أغنية ( الأماني العذبة )
وأهديها لكل المستمعين ..
وأنت برضو ممكن تعمل أهداء وعلي كيفكـ ..
لك الشكر مقدماً ... |
.. والله يا معرروف غالي والطلب رخيص .. لكن الظروف صعبة زي ما شايف
الأماني العذبة يا معروف في السخانة دي سمعانه حار .. أنا بقترح سفرك بكره قالو يا ناس مالكم ومالو
بي صوت البعيو
البعيو النسخة الاصلية .. واهديها لي كل الكاوبويات .. والمقاتلين .. والمليشيا .. والقضاة ورجال الأعمال وحملة اللافتات .. إلخ
ملحوظة:
الاغنية تسمع كاتم صوت ..
بمعنى آخر
يوضع مفتاح الصوت على وضعية الميوووت .. دا بالنسبة لي العايز يستمتع بي صوت نقي وكدا ..
|
Post: #69
Title: Re: أقوله بي صراحة ولي أول مرة .. وبيكل حيادية
Author: محمد عبد الماجد الصايم
Date: 03-25-2009, 03:36 PM
Parent: #68
.
|
Post: #70
Title: Re: أقوله بي صراحة ولي أول مرة .. وبيكل حيادية
Author: عمران حسن صالح
Date: 03-25-2009, 04:12 PM
Parent: #69
|
Post: #71
Title: Re: أقوله بي صراحة ولي أول مرة .. وبيكل حيادية
Author: عمر صديق
Date: 03-25-2009, 05:35 PM
Parent: #70
بي صراحة
ياتمبس نحن معاك
|
Post: #72
Title: Re: أقوله بي صراحة ولي أول مرة .. وبيكل حيادية
Author: محمد عبد الماجد الصايم
Date: 03-25-2009, 05:55 PM
Parent: #71
.
|
|