Post: #1
Title: صباحات روعة؟
Author: rani
Date: 03-05-2009, 11:03 AM
Parent: #0
.
.
.
|
Post: #2
Title: Re: صباحات روعة؟
Author: rani
Date: 03-11-2009, 00:16 AM
|
Post: #3
Title: Re: صباحات روعة؟
Author: rani
Date: 03-12-2009, 02:05 AM
Parent: #2
سلام د. معز
عارف؟
حقيقة نحن جيل فقد المصداقية في كل اللوان الطيف. كلهم واعني كلهم، كلهم انتهازيين ومنافقين وهمهم الاول والاخير
مصالحهم الشخصية
وكل الحركات الموجودة دي بدت بنفس الاسلوب اعلاه وعود وووو دراب كتير. ولمن يجي وقت الجد يقول ليك دي السياسة.
.
.
فيا سيدي عليك الله ارحمونا نحن مرارتنا اتفقشت والسودان دا بقي جايط وما ناقس جوطة اكتر.
.
.
ربما تكون صادق الان ولكن بعد يومين الحال بيتغير وتجي تقول لينا دي لي مصالح الحزب ودي لي مصالح الحركة.
غيرك حيجي يقول جربو حاجة جديدة.
هو نحن لسة حنفضل نجرب؟
اهو جربنا اكتر من اربعين سنة الحصل شنو؟
نص الشعب ضيع عمرو شقي ونضال في الفارغ لمن راسو شيب والحال ياهو نفس الحال، لانو اصلا مافي مصداقية
يجي نقد في ندوة سازجة بجريدة اجراس الحرية الشهر الماضي يطالب لينا باخلا سبيل الترابي
وكل معتقلين المؤتمر الشعبي، وفي النهاية المبرر انو دي السياسة
نسى انو دا نفس الترابي الخلاهو مكمود في جحر لمدة عشرين سنة زي الفار الليلة جاء يدافع لينا عنو، كانو مشاكل الحزب والشعب دي انتهت
وبقي مافي الا زمن يمشي يضيعو في ندوات فارغة باسم الحزب.
.
.
ام الصادق اليوم متحالف مع الحكومة القلعتو من كرسي الديموقراطية وخلتو يهرب بتوب زيو وزي اختو. اليوم هو المناصر، والحليف الاول. قام وقعد عشان ضربو قبة المهدي. وعاهد البشير وعادى خليل ونسي انو في مثل بيقول ليك ما تدخل بين الراجل ومرتو لمن يتشاكلو، لانو مجرد ما انو اتصالحو انت حتكون عدوهم الاول حتي ولو كنت بتحاول تصلح بيناتهم.
.
.
ام الحركة الشعبية والاتحادي اخير منهم الكيزان.
.
.
فباختصار بقي مافي اي ثقة في واحد ولا انت حتي، البقنعنا شنو انو انت ما لازينك ناس المؤتمر الوطني لتضيع الاصوات في الانتخابات القادمة زي ما عملو مع السباح كيجاب.
.
.
حريقة في الوطني، الشيوعي، الشعبي، الاتحادي، الامه، الحركة وكل الحركات والاحزاب الاخري، والقادمة ايضا
كل نفاق في نفاق في نفاق.
.
.
.
راني السماني
|
Post: #4
Title: Re: صباحات روعة؟
Author: rani
Date: 03-12-2009, 02:08 AM
Parent: #2
مكرر
|
Post: #5
Title: Re: صباحات روعة؟
Author: rani
Date: 03-12-2009, 11:52 AM
Parent: #4
هو تعالو عليكم الله في كم وطن جديد؟
اهو الناس انتظرت الحركة الشعبية ووطنها الجديد، ولمن شاركت في الحكم صار وطنهم الجديد عبا رة عن شعارات مهببة لست الا.
|
Post: #6
Title: Re: صباحات روعة؟
Author: tarig almakki
Date: 03-12-2009, 12:13 PM
Parent: #5
أصبحنا نعيش خذلان مزمن
صحّ أن نفقد الثقة في الجميع
فقد تشابه علينا البقر
وكل الساسة أضحوا سواء
رحمة بنا وبعقولنا
يا راني
هارون خير لنا من الحجاج
ولكن..
كيف تكون الغلبة لهارون على الحجاج ؟
|
Post: #7
Title: Re: صباحات روعة؟
Author: rani
Date: 03-12-2009, 07:38 PM
Parent: #6
Quote: أصبحنا نعيش خذلان مزمن
صحّ أن نفقد الثقة في الجميع
فقد تشابه علينا البقر
وكل الساسة أضحوا سواء
رحمة بنا وبعقولنا
يا راني
هارون خير لنا من الحجاج
ولكن..
كيف تكون الغلبة لهارون على الحجاج ؟ |
والله في الزمن دا بقي لا في خير في هارون ولا في الحجاج، يظهر لك هارون خيرا من الحجاج وبعد يومين تكتشف انو الحجاج افضل "شوية " من هارون.
شكرا للمرور
|
Post: #8
Title: Re: صباحات روعة؟
Author: Dr. Moiz Bakhiet
Date: 03-13-2009, 02:39 AM
Parent: #7
سنحلم بالممكن لنحقق المستحيل
مقولة رائعة لعضو بالحركة السودانية للتغيير
بدانا من حيث انطلق تشاؤمك
فارتفع سقف التفاؤل
دعنا نحاول جميعنا
لنصنع التغيير الذي تريده انت ويريده الوطن المغلوب على امره
لست وحدي
بك وبمن سكنه هم الوطن نستطيع
كل الود والتقدير لك
|
Post: #9
Title: Re: صباحات روعة؟
Author: Dr. Moiz Bakhiet
Date: 03-13-2009, 02:41 AM
Parent: #8
فاتني أن أبدأ بالتحية والسلام
فألف معذرة لك
وتقبل تحياتي الحارة يا راني
|
Post: #10
Title: Re: صباحات روعة؟
Author: rani
Date: 03-16-2009, 10:30 PM
Parent: #8
Quote:
سنحلم بالممكن لنحقق المستحيل
مقولة رائعة لعضو بالحركة السودانية للتغيير
بدانا من حيث انطلق تشاؤمك
فارتفع سقف التفاؤل
دعنا نحاول جميعنا
لنصنع التغيير الذي تريده انت ويريده الوطن المغلوب على امره
لست وحدي
بك وبمن سكنه هم الوطن نستطيع
كل الود والتقدير لك
|
مللنا تلك اللغة.. لغة الاناشيد المجانية والحلم. كلهم قالو مثل كلامك الفوق دا . الا ان تاتي لحظة اكتشاف ان كل الذي قيل كان مجرد احلام يقظة.
عارف نحن الآخرنا " كشعب" شنو؟ احزابنا الكتيرة والانشقاقات الداخلية لكل الاحزاب وكل ذلك ناتج عن الافراض في الحلم. حلم انسان اتلما ليه مع نفرين في قعدة سكر اتفقو فيها ان ينشقو ويعملو حركة او حزب منفصل.. وهاااااكذا.
.
.
نحن كشعب عندنا مشكلة عدم الاتفاق، و الاحتراف عند ارتكاب الاخطاء. . وهذا ما يجعل ازمتنا مستعصية..
سؤال:
في خلال العشرين سنة الماضية دي في كم حركة او حزب قام "انكلود" الانشقاقات؟ ماهي السلبيات والايجابيات في نظرك ؟ لو ما عندك مانع تشاركنا الرأي..
.
.
مع فائق الشكر
وسلام مربع
.
.
راني السماني
|
Post: #11
Title: Re: صباحات روعة؟
Author: حبيب نورة
Date: 03-16-2009, 11:08 PM
Parent: #10
سلامو عليكو
|
Post: #12
Title: Re: صباحات روعة؟
Author: rani
Date: 03-17-2009, 05:37 PM
Parent: #11
والسلام عليكم حبيب نورة
|
|