Post: #1
Title: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-05-2009, 10:31 AM
Parent: #0
أعتقد أن الكثيرين قد شهدوا توقف البث المنبري مساء أمس...
و أعتقد أن كثيرين قد فقدوا مداخلات و بوستات بحالها..
و لكن هل لاحظتم انتقائية في الحذف..؟؟
|
Post: #2
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-05-2009, 10:37 AM
Parent: #1
مثلا..بوستات الخلايا التي كانت نائمة..و خرجت فجأة لتكشف عن نفسها..في خطوة ربما لم تعجب من يديرون اللعبة من وراء الكواليس!!
|
Post: #4
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: محمد حيدر المشرف
Date: 03-05-2009, 10:45 AM
Parent: #3
سناء ..
سلام وفى العالمين عليك ..
وعلى زوجك وبنيك ..
ومشتاقين وكيفك وكيف كيفك
حذفت لى عدة مداخلات مهمه كنت اخالها صوتا برغماتيا وسط مظاهره ..
ولا اعلم الكيفيه التى تم بها الحذف ..
تحياتى ..
|
Post: #5
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: lana mahdi
Date: 03-05-2009, 10:47 AM
Parent: #4
وحذف بوست استقالتي من مناصبي بحزب الأمة القومي احتجاجاً على انقاذي صار أميننا العام يا سنوية
|
Post: #9
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-05-2009, 11:18 AM
Parent: #5
تعرفي يا لنا بمجرد ما ضغطت زر ارسال رد في بوستك (العظيم)...
ظهرت لي صفحة المنبر خالية سوى من علامات الاستفهام...!
أسمحي لي أقول ليك الكلام تاني هنا..
يا لنا يا ستهم...
طمنتينا انو الدنيا بيخشها ضوء
لك كل الحب..و كل الاحترام..و ثقة لا شك تستحقينها...
يا عظيمة
|
Post: #6
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-05-2009, 11:10 AM
Parent: #4
محمد الحسن..
كيفك يا أخي العزيز..
و كيف أهلي الجنبك..؟!
هل شككت .. مثلي.. أنها لم تحذف مصادفة؟
__________________________________________________________________________
لكن (الشال) دا مااا بيشبهك... لما ما قدرت أتعرف عليك.... يا لبيب!
|
Post: #7
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Nader Abu Kadouk
Date: 03-05-2009, 11:15 AM
Parent: #6
الاجابه واضحه
الغريبه الخلايا النايمه إختفت
|
Post: #11
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-05-2009, 11:26 AM
Parent: #7
| Quote: الغريبه الخلايا النايمه إختفت |
Went to sleep again
!!they are more useful that way
|
Post: #8
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Gafar Bashir
Date: 03-05-2009, 11:16 AM
Parent: #6
تحياتي
الهاكنج لا يمكن أن يكون مصادفة .. هو عمل موجه علي الدوام ...
لكن أن نستمر في ما كنا نفعله ونعيد ما ضاع من مواضيع ومداخلات هو أكبر هزيمة نلحقها به ...
والهكر باين من توقيته ...
تحياتي
|
Post: #12
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-05-2009, 11:32 AM
Parent: #8
Quote: والهكر باين من توقيته ...
|
للحظة اليوم اعتقدت أن بكري قام بعملية انقاذ سريعة..و لكني توصلت لهذه الحقيقة لاحقا!
تحياتي جعفر
|
Post: #10
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Frankly
Date: 03-05-2009, 11:22 AM
Parent: #1
اقدّر الشعور عندما يفقد أحد عصارة جهده ووقته
ولكن ومع ذلك التقدير, تفسير الأمر جد يسير
المنبر تعرّض لحذف محتويات حاوية المعلومات "DataBase" وعليه قام مدير الموقع بكري أبو بكر بإعادة المنبر من نسخة احتياطية "Backup"
وهذه النسخة للأسف كانت ليوم 2 مارس وبعض من يوم 3 مارس وفقدت كل معلومات 4 مارس لأنّها لم تكن في النسخة الاحتياطية.
كلّ من كتب بوست أو مداخلة في فترة ما بعد النسخة الإحتياطية "Backup" ضاعت مساهمته بدون أي انتقائية بل الجميع في ذلك سواسية
شخصي الفقير إلى الله فقد أيضاً بوستات ومداخلات فيما بين 3 مارس إلى 5 مارس
كمال
|
Post: #13
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-05-2009, 11:36 AM
Parent: #10
ربما يا كمال و لكن لي مداخلات (غير ذات أهمية) في ذات التوقيت..لا زالت موجودة..
فلماذا اختفت.. فقط..التي أعتبرها(مهمة)؟!
|
Post: #14
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: محمد أبوالعزائم أبوالريش
Date: 03-05-2009, 12:18 PM
Parent: #13
سناء ... تحياتي ..
والله عندي مداخلات سلمية شديد .. يعني مفروض ما تغلت على زول ولا تزعّل زول ..
برضو لحقت الرقدو
غايتو ... الله في
|
Post: #15
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: حيدر حسن ميرغني
Date: 03-05-2009, 02:19 PM
Parent: #14
سلامات ياسناء
بالفعل ... كل مداخلاتي في بوستات بعينها اتحذفت برضو
المنطق يسند قولك
دي يلطجة عديل كده
|
Post: #16
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: هيثم بابكر
Date: 03-05-2009, 02:31 PM
Parent: #15
بالامس فقط علمت ان الدمار الشامل مسطلح يمكن ان يحدث لك وانت تجتهد فى رفع الصور بعيون الحاضرين ثم ياتى من لا يقدر ان اكثر من الف زائر وحاضر يشاهدون الموقع ثم لا يحترم وجودهم ...
رغم اختلافى مع كثير مما يطرح الا اننى احترم جهد الذين يعبرون بصدق و" بنفس " كما يقول " الحاج ود محمد حاج ابراهيم " ...
الاخت سناء ..
ما زلت احتفظ فى الذاكرة بشئ من حتى ... ولعمرى ان الذى حبسك عن المنبر حبسنى ايضا ، وان الذى اعاد لنا الحضور ، هو التحدى وليس النوم ، فكلنا اليوم نتخلى عن عباءة الانتماء ونأتزر بعلم السودان ... وهو يوم لاختبار الوطنية ....
الاخ جعفر بشير ... ما تسرح بعيد ... اخوك واااااااضح ، وما بيجى باللفة ...
الله يدينا الوقت عشان نبرك ليك على الكى بورد ... ونخرج سويا دررا من مكنون " مخك العامر بالدرر " واشراقات علها تكون شموعا فى نفق الحياة السياسية والاجتماعية والفكر الراقى ... فانى اعرف قاعدتك " الاستفزاز سيد الاعمال " ...
دعنا نعبر دون مهاترات ... فقد كبرت وكبرنا ...
ولكم الود كله
|
Post: #17
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Elbagir Osman
Date: 03-05-2009, 02:53 PM
من المهم أن نسمع من بكري
من الواضح أن التخريب يتم لمصلحة الحكومة
(مسح ملف التعذيب مثلا)
لنا مهدي
أحيي موقفك الشريف
كنت أتساءل هل تم تأجير حزب الأمة مفروشا للإنقاذ؟
إقرأي معي نداء بشير خير بهذا المنبر
الباقر موسى
|
Post: #18
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Omer Sakin
Date: 03-05-2009, 03:18 PM
الأخت سناء
تحية واحتراما
لو ألقيت نظرة على الملفات المخزنة أو المكتبات كما يسميها الأخ بكري لعرفتِ حجم الدمار وتأكدتِ من هوية معول التخريب ويبدو أن الأخ بكري يخوض في صمت معركة شرسة مع المخربين.
أسوق هذا الحديث، بعد أن راجعت ملف أو مكتبة دار فور بقصد إنزال بوست (فلاش باك) قبيل يوم 4 مارس. للأسف وجدت خرابا لكل الصور المحفوظة.
الأخ بكري لم يكشف حتى الآن أسرار معركته مع الهكر. . . وأجد له العذر في ظل التهديد والوعيد الطائش، ولكن حتما سيأتي اليوم الذي سيكشف فيه ذلك ولكن أخشى - في ذلك الحين- أن يفقد السر رونقه وسحره (كمؤامرة) أخرى لتكميم الأفواه.
مهما يكن ندعو الله أن يثبت الأخ بكري في معركته مع المخربين وسيشهد له التاريخ ذلك.
|
Post: #19
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: سفيان بشير نابرى
Date: 03-05-2009, 03:51 PM
Parent: #18
سناء يا قريبتي كيفك ؟
تعرفي الفترة الاخيرة دي كلنها غالبية مشاركتي وكتاباتي
عن ما يحدث في المنبر وكتير من البوستات الشاركته بيها
دى محل فاتت ما عارف وانا بصورة دغرية ولا بمشي افتشه في
الخور لاني ما مشيت الخور ده ولا مرة ولا ح امشي .
المهم يا ستي أنا اعتقادي بسيط جداً وهو انو الهكر ده مجموعة
منظمة جداً وبتشتغل بغرض امني واستخباراتي وقبل فترة نبهته انو
سيتم تهكير واحتلال المنبر ده في فترة اعلان القرار والهكر زى
ما ناس كتار جداً تابعوهو وقع واتورط بي بلادة شديدة خالص لما
بكري ابو بكر استخدم وحجب بعض الخواص الأخ (علاء الدين يوسف)
عندو بوست وضح فيهو المسألة دي ، لما الهكر وضح ليهو تمام انو
انكشف ولانو هو ما نفر واحد بقي البيقدر عليهو هو انو يستولي علي
بعض كلمات المرور بتاعت الناس هنا ويكتب بيها مثلاً ( لنا مهدي - يعقوب
بشير - مجدي احمد الشيخ ) ومجموعة من الناس وكلها كان بيكتب بيها في
زمن واحد مما يدلل ان الهكر مجموعة من الناس .
والان يا عزيزتى سناء بخصوص سحب بعض المداخلات من بعض البوستات ووجود
البوست اصل الموضوع أنا اعتقد انو الايام دي البدير المنبر لساعات طوال
وطوال جداً هو الهكر وليس بكري ابوبكر لكن عشان اثبت ليكم الكلام ده ما عارف
اعمل شنو بس تابعي وح تصلي .
كوني بخير
وسلامي للعيال ووالدهم .
|
Post: #20
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Elbagir Osman
Date: 03-05-2009, 04:02 PM
Parent: #19
سيطرة المخربين تهدد المنتدى
الناس يزورونه ليقرأوا الآراء المختلفة
وبالذات آراء المعارضة
(لأن رأي الحكومة يحاصرهم من كل مسرب)
إذا لم يجد الزوار ما يريدون
سيتجهون إلى منابر أخرى توفره
وفي هذه الحالة سيلحق المنتدي بمنتديات أخر
كانت واسعة الأنتشار
وأنتهت أبواقا أخرى للنظام
هجرها الزوار
على بكري أن ينتبه
الباقر موسى
|
Post: #21
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: مهدى الصادق السيد
Date: 03-05-2009, 04:42 PM
Parent: #20
فعلا شي محير ان يضيع كل شي وفي دقائق .... نحمد الله علي العودة وعدم ضياع كلمة المرور ككثير من كلمات المرور الضائعة وسط هذا الضباب ....
سناء تحية وتقدير وكذلك الغالي جعفر بشير نشتاق ليك وانت معانا ..(انت رحلت من الرياض )..
هيثم بابكر لك التحية وافتقدناك كثيرا .... اامل واتمني عودة الطيورة المهاجرة وعودة قوية الي هنا فداسي
وما جاورها لان الاهل في اشد الحوجة لنا ولما نقدمه لهم ..... اكرر تحياتي
|
Post: #23
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Gafar Bashir
Date: 03-05-2009, 05:29 PM
Parent: #21
تحياتي هيثم بابكر
تحياتي مهدي السيد الصادق
وان اشتاقك اليكم ولا تستطيع المساافات ان تفصلنا ... دائما معاً.
عزيوي هيثم :
المقصود من توقيت الهكر ليس أشخاص ولكنه (مقاصد) فمن الواضح أن توقيت الهكر له معني في أول يوم لصدور قرار المحكمة الجنائية ... أما من هو فلا اظن أن له هذه الأهمية بالنسبة لي كعضو طالما تواصل البورد ولكن أهميته تبقي لصاحب البورد الله يعينه ... ولا سباب تقنية لا أظن انه يستخدم اسمه في المنبر اذا كان عضواً نشط للتهكير.
.
|
Post: #22
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: محمد حيدر المشرف
Date: 03-05-2009, 05:20 PM
Parent: #20
اختى سناء ..
| Quote: لكن (الشال) دا مااا بيشبهك... لما ما قدرت أتعرف عليك.... يا لبيب! |
الشال شالى يا سناء .. سودان واحد ديمقراطى علمانى تعددى متعدد داخل نسيج وحدوى
بديع وسودانويه جامعه ..تنتظمه مؤسسات المجتمع المدنى واحزاب متعافيه من اورامها التاريخيه
ونقابات فاعله وشعب واعى بقضاياه الحقيقيه نحو وطن بنحلم بيهو يوماتى
يبقى كيفيه تقييم قرار الجنائيه وفق ما نريده لهذا الوطن ..
هنا قد نختلف باختلاف مقارباتنا ..
كنت قد طرحت تكهناتى حول ما قد يتداعى لهذا القرار فى بوست آخر لاحدى الاخوات ( ست البنات )
وسأستمر فى تناول الموضوع بذات البوست بدلا من افتراع البوستات بالشكل الهمجى الحاصل ..
اتمنى عليك المرور والمناقشه .. بذاك الصخب والعناد والموضوعيه المعروف عنكم ( كعرب جزيره
واولاد / بنات الريف ) يا اصيله
انت اليابان دى ما هدت حيل غباشك ؟..
|
Post: #24
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: وليد محمد المبارك
Date: 03-05-2009, 05:35 PM
Parent: #22
| Quote: و لكن هل لاحظتم انتقائية في الحذف..؟؟ |
بكري مسئول نوعا ما
لو فعلا الحذف بانتقائية ده الهكر !؟
تبقى مشكلة كبيره
وده معناتا انو السيرفر مكشوف عديل كده
لدرجة انه الهكر بتحكم فيه ويحدد عاوز يعمل شنو
يعني السيرفر قاعد في السهلة
ده بعني الحاصل ما مجرد تخريب لانه التخريب يشمل الجمع ولا يحدد منه
مسئولية بكري تأمين السيرفر ده
ما قادر يأمنه
ينقل المنبر لي وب سيرفر معروف ومعلوم يحجز فيه مساحة تخزينية
وتتولى الجهة الفيها المنبر بعد داك
مسئولية تأمينه
|
Post: #25
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: سفيان بشير نابرى
Date: 03-05-2009, 05:52 PM
Parent: #24
Quote: بكري مسئول نوعا ما
لو فعلا الحذف بانتقائية ده الهكر !؟
تبقى مشكلة كبيره
وده معناتا انو السيرفر مكشوف عديل كده
لدرجة انه الهكر بتحكم فيه ويحدد عاوز يعمل شنو
يعني السيرفر قاعد في السهلة
ده بعني الحاصل ما مجرد تخريب لانه التخريب يشمل الجمع ولا يحدد منه
|
انت بتقول فيها يا شفت !!!
يا زول راقب وبتعرف انو الهكر ديل بيحتلو المنبر ده بالساعات
ده لو ما كان بالايام !
بالمناسبة ايوة نعم في ناس هنا قالو كده لما الناس زهجت منهم
وقالو انو ديل كلامهم فارغ ساي وايوة نعم مرات كتيرة
الكلام بيكون فارغ لكن جد جد ده ما بعني انو كلامهم في موضوع الهكر
ده كلام ساي.
راقب واحكم
|
Post: #26
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: عبد الناصر الخطيب
Date: 03-05-2009, 06:11 PM
Parent: #25
الدكتورة / سناء خالد
--------------------------------------------------------------
مشكورة على ( البوست ) المفيد
من متابعاتي امبارح :
في أعضاء ( فرحوا) بالحصل لحظته...
وكان في مداخلة منهم مؤيدة للحصل _ بدون ذكر أسماء_
وأندهشته لتعلقاتهم دي
و في الحاصل في رسالة خفية لانو بعد ما رجع المنبر نزل بوست بلغة أقل ما توصف بإنها ( ساقطة )
بأسم زميل المنبر / كوستاوي ......... المهما ناكف سياسيا بظل انسان غاية في الاحترام النفس والاخرين
ودي حقيقة بعرفه كل البقراء لكوستاوي
فما عارف ( بوست ) ذي ده عوز يوصل رسالة مفادة شنو عن عضوية المنبر ومحاولة النيل من ( أخلاقياتهم )
مع العلم انو في حملات من جهات معلومة بتحاول توصل رسالة مفادة أنو عضوية سودانيز اون لاين
مجموعة من (الصعاليك ).....وبالتالى كلامهم ما عندو أى قيمة
وماظن الجهات دي تبذل الجهد ده كلوا عشان كلام ما عندو قيمة !!!!!!!!!!!
بالتاكيد في حاجة خافية وحتظهر عاجل ام أجل
ولحظته ممكن الناس تعرف لصالح منو بحصل البحصل ده
على فكرة ( ميكافيلي ) برضو كان حضور ونزل بوست لبكري أبو بكر .....
بتكلم انو بكري ما ساهل ( في المقاومة ) زي ما هو ما ساهل في ( الغزو )
كنت المتداخل الوحيد معه قبل حذف البوست ورحبت بي وقلت لى
أتفاوض مع بكري اليديك باسورد وتعال بالباب
_ يبقي المعارك الخفية دائرة ومستمرة _
ما عارف تحسي انو الموضوع كدة ( طالع ) من السيطرة
تقديري
|
Post: #27
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: محمد مكى محمد
Date: 03-05-2009, 06:30 PM
Parent: #26
Quote: اقدّر الشعور عندما يفقد أحد عصارة جهده ووقته
ولكن ومع ذلك التقدير, تفسير الأمر جد يسير
المنبر تعرّض لحذف محتويات حاوية المعلومات "DataBase" وعليه قام مدير الموقع بكري أبو بكر بإعادة المنبر من نسخة احتياطية "Backup"
وهذه النسخة للأسف كانت ليوم 2 مارس وبعض من يوم 3 مارس وفقدت كل معلومات 4 مارس لأنّها لم تكن في النسخة الاحتياطية.
كلّ من كتب بوست أو مداخلة في فترة ما بعد النسخة الإحتياطية "Backup" ضاعت مساهمته بدون أي انتقائية بل الجميع في ذلك سواسية
شخصي الفقير إلى الله فقد أيضاً بوستات ومداخلات فيما بين 3 مارس إلى 5 مارس
كمال |
الأخت سناء
سلامات
أتفق مع الأخ كمال ويبدو أن هذا ماحدث فعلا.وأضف أن عملية أل back up تتم يدويا وليس آليا,وتسبب هذا فى ضياع البوستات والمداخلات الحديثه.لايوجد حل كامل ضد التهكير..وكان الله فى عون بكرى..
|
Post: #31
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-06-2009, 05:11 AM
هيثم سلام..
بالرغم من أنني أعلم أنك من الكوادر غير النشطة سياسيا في المنبر... و بالرغم من أن نشاطك كان محموما قبل التهكير ..الا أنني لم أعتقد أنك الهكر.. لأنك كنت تبذل مجهودا مخلصا في الكتابة.. و تنزيل الصور أولا...و ثانياً لأنني لا أعتقد أن الهكر يمكن أن يظهر بهذه الكثافة باسمه الحقيقي ثم يقوم بالتهكير..لا يتفق هذا مع المنطق..!
و لكنني أرغب في الحوار معك مطولا.. حوارا قد يسخن و يصبح صداما... و قد نمضي و في نفسي كلينا شيء من حتى لا يشبه تلك الحتى..و نحن نحبو على عتبات الوعي المبكر ...و لكن عله يصب في مصلحة وطن نحبه!
|
Post: #29
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-06-2009, 04:43 AM
Parent: #15
حيدر ..سلامات
| Quote: بالفعل ... كل مداخلاتي في بوستات بعينها اتحذفت برضو |
عشان كدا بيقوى احساس انو الهاكر كان انتقائي جدا
ياخ نحن بخير... الأسوأ تهكير الأدمغة!!
|
Post: #30
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Yassir Tayfour
Date: 03-06-2009, 04:59 AM
Parent: #29
سناء
زي ما البشير مسؤول عن كل ما يحصل بالوطن، بكري مسؤول عن كل ما يحدث بالمنبر..
__
أطالب اوكابو بضم بكري إلى اللستة القادمة..
|
Post: #28
Title: Re: لأن بكري لا يحذف بمثل هذه الانتقائية..لمصلحة من تهكر الموقع أمس؟!
Author: Sana Khalid
Date: 03-06-2009, 04:36 AM
Parent: #14
تحياتي يا أبو العزائم...
مداخلاتك دي يكونوا حذفوها للتمويه 
|
|