Post: #1
Title: الطيب إدريس والذين معه ...
Author: سمية الحسن طلحة
Date: 03-05-2009, 00:37 AM
Parent: #0
قال شاعرهم :
هايجات البحور الفيضا لفض السمكة
ساهل عندهم في ساعتو فقيش تمكة
فِقيه الغرابية الغليدة أم دمكة
ولِيَّتم بتكرم ضيفا سالطة وكمكة
...
الزول دا سماحتو مواترة
وكمان ختري ...
ضبح ""مطعم الأوتوماتيك"" لي عشا ضيفانه
وتأتي بقية العقد الفريد
وبقية الحديث
...
وهاك دي من صديق سرحان ياالطيب :
ودإدريس اللزم
سوّاي إن نضم
سابق عملو قولو
الجبل الأصم
...
وكمان ملحنة
من عادل :
في الجود والكرم ميزانو ديمة تقيل
التمساح العشاري الحجّر مشارع النيل
ما شفنا الجبل بموِعو البلبيل
...
|
Post: #2
Title: Re: الطيب إدريس والذين معه ...
Author: سمية الحسن طلحة
Date: 03-05-2009, 10:56 AM
محمد عثمان محمود
وما أدراك ما أبو محمود
!!!
الزول دا أخو أخوان
وبيته مسيد ضيفان
وغنّايتهم قالت :
ياخريف الرتوع
فوح بيته بسند الجوع
...
سرحان وأب علامة قالوا ليك يامحمد عثمان:
""نحنا ماشين منك أنت بتكتلنا سااااكت بفعايلك دي""
...
هدية من سرحان لأبي محمود :
ماعونك خريف يابيت الكرم
مطبوعة في لسانه حبابكم جزم
أب صدرًا وسيع حلاّل البرم
معروف بالسماحة والراي والفهم
...
...
|
Post: #3
Title: Re: الطيب إدريس والذين معه ...
Author: سمية الحسن طلحة
Date: 03-05-2009, 11:15 AM
|
Post: #4
Title: Re: الطيب إدريس والذين معه ...
Author: محمد عثمان محمود
Date: 03-06-2009, 11:01 AM
Parent: #3
سمية الحسن طلحة ومن هم بروعتها ورقة إحساسها، ومن هم بأصالتها ونبل مشاعرها.
صديق سرحان، وفضلاً عن إبداعه الفني، هو ذلك الرجل الجميل الذي أسر الناس بطيبته وجلاء معدنه وتلك الابتسامة التي تجتاز الحواجز وتستقر في أعماق القلوب.
عادل أبو علامة، بصمته الناطق بالألحان والأنغام الشجية، وأدبه الجم الغزير، يجعلك تحس وأنك تعرفه منذ أمدِ بعيد.
أنت الثريا يا سمية . . وسحائب الجود والندى
وما نحن سوي ثرىً أحياه وابل الغيث والمطر.
شكري وتقديري لك يا سمية ولضيوفك الكرام، والتحايا عبرك إلى الرائع الزبير والابنة وفاء والابن عبد العزيز.
|
Post: #6
Title: Re: الطيب إدريس والذين معه ...
Author: الطيب شيقوق
Date: 03-06-2009, 08:25 PM
Parent: #5
الاخت سمية الحسن طلحة
التحية عبرك للاخوين الطيب ادريس و الاخ محمد عثمان محمود .
ربنا يحفظهما من كل شر
|
Post: #7
Title: Re: الطيب إدريس والذين معه ...
Author: حيدر امين
Date: 03-06-2009, 09:47 PM
Parent: #6
الطيب ادريس و محمد عثمان محمود
يستاهلوا كل الكلام الفوق واكثر
و كمان ابو عمر وام عمر
والله يحفظهم , امين يارب العالمين
|
Post: #15
Title: Re: الطيب إدريس والذين معه ...
Author: سمية الحسن طلحة
Date: 03-08-2009, 10:10 PM
Parent: #7
حيدر أمين
دي حكاية زول تشوفه لأول مرة
وتحس إنك بتعرفه من سنين !
هاشًا باشًا استقبل الضيوف
وقام بواجب إكرامهم
وإكرام من أكرموهم
نحمد لزماننا أن منحنا فرصة لقاء شخصك الكريم
وكلنا نقول في حقك وبلسان واحد :
"أكتب حرف
وأشطب حرف
كل الحروف
ماقادرة تدبني الوصف""
وحتى صورتك أبت
وأستعصمت كما أستعصى وصفك
شكرًا يجازي لطفك وكرمك الذي ما بارح لحظة
وانت الجندي المجهول الذي يعمل من خلف الكواليس
...
...
|
Post: #9
Title: Re: الطيب إدريس والذين معه ...
Author: سمية الحسن طلحة
Date: 03-07-2009, 03:04 PM
Parent: #6
الطيب شيقوق
تسلم ياأبوعبدالله
وأنت من هؤلاء القوم وفيهم
قمت بكل المبادرات الخيِّرة
وسنأتي لكل ذلك
ربنا يحفظكم
...
|
Post: #8
Title: Re: الطيب إدريس والذين معه ...
Author: سمية الحسن طلحة
Date: 03-07-2009, 02:56 PM
Parent: #4
محمد عثمان محمود
يعتري الإنسان شعور لاتحيطه الأوصاف
حين يذكر أنه تعرف إلى أناس بروعتكم
وبكم يصبح الكون جمال لامتناهي
وأنتم تحفونه وتتحفونه
ستنا وست البنات لحدهن
سيدة الملمات بلامنازع
لها منا أطيب التحايا
وتقبلوا والأسرة
تحايا وتقدير الجميع هنا
...
|
Post: #10
Title: Re: الطيب إدريس والذين معه ...
Author: saif addawla
Date: 03-07-2009, 03:25 PM
Parent: #8
الاخت سمية
اما عن محمد عثمان محمود فرغم كلماتك الرائعة في حقه ، ارى انه يستحق اكثر منها ، فالرجل رائع بحق ، كلما ازددت اقترابا منه ادرك ان فيه كنوز لم اكتشفها
مودتي لك وله ولضيوفك
سيف الدوله
|
Post: #11
Title: Re: الطيب إدريس والذين معه ...
Author: محمد أحمد الخضر
Date: 03-08-2009, 09:37 AM
Parent: #10
بت البادية سمية
يا سلام على هذا النبل والوفاء.
وشكرا للرائعين صديق وعلاء
اللذين أمتعاناأيما امتاع
وكشفا لنا الغطاء عن جواهرنا
النفيسة: محمد عثمان والطيب
وبقية العقد النضيد.
يديكم العافية جميعا.
قولوا آمين.
|
Post: #12
Title: Re: الطيب إدريس والذين معه ...
Author: محمد عثمان محمود
Date: 03-08-2009, 09:34 PM
Parent: #11
Quote: ستنا وست البنات لحدهن
سيدة الملمات بلامنازع
لها منا أطيب التحايا
|
شكراً يا سمية بت القبائل . . أعجز عن شكرك
تحياتي لضيوفك الكرام
ستنا
|
Post: #13
Title: Re: الطيب إدريس والذين معه ...
Author: حيدر امين
Date: 03-08-2009, 09:48 PM
Parent: #12
Quote: بت البادية سمية
يا سلام على هذا النبل والوفاء.
وشكرا للرائعين صديق وعلاء |
ود الخضر قصدو يقول عادل ابوعلامه والعتب على الكى بورد
|
Post: #14
Title: Re: الطيب إدريس والذين معه ...
Author: حيدر امين
Date: 03-08-2009, 09:53 PM
Parent: #13
قال الطيب ادريس فى موقع سنار
البطحانية بدوية البطانة
ابتداع الفكرة والصوت الأدبي القوي ،الطراز الخاص واحد ابرز رواد الشعر الجديد في وطن الجدود ، المقال والأقصوصة وتوزيع المحبة والإلفة بين الناس بطرائف البطانة ، لا أدري من ساقها من الآخر ؟ الزبير البطحاني أم أم عمر البطحانية حفيدة الشيخ فرح ود تكتوك !
لكي سيدتي انحناءة الجبال الساكنة ، ومجاديف النم وبوصلة الجدود التي تهز الليل بنياخ ( الإبل ) ومرحاكة حبوباتك تصول ودم الذبيح بين الأيادي المخضبة بالكرم ، تبتلعوا الظلام في حركة الفريق في هزع الليل والنمة العتيقة المدي في همم بيوتكم المضاءة ليلا طريق أرصفة الكرم والجود ..
شكرا لك أم عمر وللصديق الزبير والأعزاء صديق سرحان وعماد ابو علامة .. ولا يكرم اهل البيت داخل البيت لقد غطيتم باليد الكريمة جالية بأكملها مسكوبة كالسحاب تجيء وتذهب وأنتم تتبارون ليكون منزلكم العامر هلال ثم بدرا واصبح ساطعا مبتسما في الصباح والمساء لتنطلق كل الأفراح لتعطر ليالي مسقط في زيارة ومهرجان والشيخ سيروا ..
وهج النجوم أخي الزبير وهذا يكفي وقد لا استطيع ان افيك حقك كاملا .
وانت تبتسم أخي صديق سرحان وابتسمت معك كل الجالية وعدت بنا الي الزمن الجميل ..
وذلك الشجن وصوت الناي والعود والكمنجة وموسيقي سمت بنا الي السحاب
شكرا عادل ابو علامة
أم عمر :
شكرا لك :
تدرج فيك الحضور كنهر كرمك وشعرك ومقالك :
من القرب حاضرة مثل قبة جدك ود تكتوك ..
وعند الضحي
وفي العصر
حتي أوائل ليل
واقفة مرحبة هاشة باشة والصالون مليء بالزوار
شعلة باقية من زمن جميل اصيل بالكرم الفريد ..
وأبت نفسي الا أن يسمع كلماتك أهلي وعشيرتي ( اعضاء منتديات سنار ) فأنا منهم واليهم .. السلطنة الزرقاء بكل تاريخها والرواق السناري وسيرة المنجلك و العبدلاب بكل سحره والي اخي وصديقي حيدر أمين في سودانيز أونلاين قوافي المحبة والود والشكر المتدفق لما يقوم به تجاه ابراز الوجه المشرق للجالية السودانية في سلطنة عمان .. ولسودانيز أون لاين الاعتذار ان اقتحم اسمي الثريا فهي السودان بأكمله وسنار كانت له مملكة وحكما وتاريخا لأكثر من 360 سنة ..
اذن تعادلت الحكاية وللحروف مفترق طرق ... والشاهد قبة أبوي فرح ود تكتوك وخزان سنار !!
|
Post: #16
Title: Re: الطيب إدريس والذين معه ...
Author: محمد عثمان محمود
Date: 03-09-2009, 10:17 AM
Parent: #14
Quote: لكي سيدتي انحناءة الجبال الساكنة ، ومجاديف النم وبوصلة الجدود التي تهز الليل بنياخ ( الإبل ) ومرحاكة حبوباتك تصول ودم الذبيح بين الأيادي المخضبة بالكرم ، تبتلعوا الظلام في حركة الفريق في هزع الليل والنمة العتيقة المدي في همم بيوتكم المضاءة ليلا طريق أرصفة الكرم والجود ..
|
كلام جميل بلحيل
|
Post: #17
Title: Re: الطيب إدريس والذين معه ...
Author: محمد أحمد الخضر
Date: 03-09-2009, 10:43 AM
Parent: #16
| Quote: ود الخضر قصدو يقول عادل ابوعلامه والعتب على الكى بورد |
شكرا يا حيدر على التصحيح.
مع اعتذاري للأخ عادل أبو علامة
عن الخطأ غير المقصود طبعا.
أيوا دائما خليك يقظ كدا.
|
Post: #18
Title: Re: الطيب إدريس والذين معه ...
Author: حيدر امين
Date: 03-09-2009, 07:56 PM
Parent: #17
Quote: حيدر أمين
دي حكاية زول تشوفه لأول مرة
وتحس إنك بتعرفه من سنين !
هاشًا باشًا استقبل الضيوف
وقام بواجب إكرامهم
وإكرام من أكرموهم
نحمد لزماننا أن منحنا فرصة لقاء شخصك الكريم
وكلنا نقول في حقك وبلسان واحد :
"أكتب حرف
وأشطب حرف
كل الحروف
ماقادرة تدبني الوصف""
وحتى صورتك أبت
وأستعصمت كما أستعصى وصفك
شكرًا يجازي لطفك وكرمك الذي ما بارح لحظة
وانت الجندي المجهول الذي يعمل من خلف الكواليس |
والله يا ام عمر كلامك ده ما بقدر اجاريهو
بكل ما املك من قواعد وبلاغه
ودى من ايام المدرسه رايحه منى
الا كان افتش فى الكتب امكن ..
الكرم انتو اهلو ودى شهادة الجميع ومش انا
صحيح الفتره بسيطه بس بقت كأنها من سنين
ابوعمر عرفتو اخو اخوان وقلبو ابيض
والزيكم الواحد يعتز بصداقتهم وليهم مكان خاص
الله يجعل ايامكم كلها فرح وبهجه
ويقدرنا على الرد الجميل
|
Post: #22
Title: Re: الطيب إدريس والذين معه ...
Author: سمية الحسن طلحة
Date: 03-11-2009, 05:18 PM
Parent: #12
Quote: تحياتي لضيوفك الكرام
ستنا |
ياستنا
أنتو شاركتونا فيهم
ديل بقوا ضيوفكم أكتر مننا
بدليل انهم الآن في طريقهم لمنزلكم العامر
أدام الله عزكم وخيركم ما يتبالى بيهو غيركم
كنا نتمناك اليوم في النادي ركن إبداعات المرأة
...
تحياتي ياأصيلة .
|
Post: #21
Title: Re: الطيب إدريس والذين معه ...
Author: سمية الحسن طلحة
Date: 03-10-2009, 10:46 AM
Parent: #11
Quote: وشكرا للرائعين صديق وعلاء
اللذين أمتعاناأيما امتاع
وكشفا لنا الغطاء عن جواهرنا
النفيسة: محمد عثمان والطيب
وبقية العقد النضيد. |
أستاذنا / محمد أحمد الخضر
للضيفان ديمة بيفِر
وشًا مو منغبر
...
أنت واسطة هذا العقد النضيد
وقد قمت بواجب إكرام الضيوف من قبل ومن بعد
وإن أنسى لا أنسى إستقبالكم وحفاوتكمفي ذلك اليوم
أنت والسيدة الفضلى نفيسة المربية العظيمة للأجيال
والخمسة الأعوام قد مرت ولازال الكرم يعيد نفسهاليوم
وأنتم من الأوائل في السبق للفضائل
لكم التقدير والإجلال والتحايا من الجميع هناضيوف وأهل بيت .
|
Post: #19
Title: Re: الطيب إدريس والذين معه ...
Author: سمية الحسن طلحة
Date: 03-10-2009, 09:31 AM
Parent: #10
سيف الدولة
لا عجب أن يحق الحق أمثالك
وينزل الناس منازلهم
وأنت من أنت
ربيب بيت تعود العطاء بلامقابل
وابن أستاذنا الكبير
حمدنا الله عبدالقادر
الذي بذل عمره يعطي لوجه الله
لايريد جزاءً ولاشكورا
وغادرنا وهو لايرجو ثناءًا
ديدنه الثناء على الغير
وهو أحق به
فياسيدي
هذا طيب من طيب أصلك
وكل إناء بمافيه ينضح
ومحمد عثمان يستحق ذلك
خصوصًا أن سيرته بعثت إلينا طيب يراعك
...
تقبل تقديري ومودتي.
|
Post: #20
Title: Re: الطيب إدريس والذين معه ...
Author: الطيب شيقوق
Date: 03-10-2009, 09:36 AM
Parent: #19
بت الشيخ
على النبي تدى لي ود الخضر ده كلمة كلمتين حلوات خليهو يصرهن في طرفه و يتكامل بيها استاذة نفيسة ويشربوا القهوة زييين ويطروك بالخير.
|
Post: #23
Title: Re: الطيب إدريس والذين معه ...
Author: محمد أحمد الخضر
Date: 03-11-2009, 10:59 PM
Parent: #20
شيقوق
| Quote: على النبي تدى لي ود الخضر ده كلمة كلمتين حلوات خليهو يصرهن في طرفه و يتكامل بيها استاذة نفيسة ويشربوا القهوة زييين ويطروك بالخير. |
حاشاها بت البادية مابتقصر ست الكرم والشهامة.
ياما أدتنا من كلاما الحلو وأطربتنا بشعرها العذب.
أنا وحاجة نفيسة مابيوصونا علي سمية.
وانت يا شيخ العرب إن شاء الله يوم شكرك ما يجي.
|
Post: #24
Title: Re: الطيب إدريس والذين معه ...
Author: محمد عثمان محمود
Date: 03-12-2009, 09:07 AM
Parent: #23
أستاذنا محمد أحمد الخضر، إنسان جميل بحق وفي قمة الروعة والصفاء.
نحبه حباأ شديداً. . ونتمنى له وللأستاذة نفيسة دوام الصحة والهناء.
|
Post: #27
Title: Re: الطيب إدريس والذين معه ...
Author: سمية الحسن طلحة
Date: 03-16-2009, 06:56 AM
Parent: #24
يديك العافية ياأبومحمود
Quote: أستاذنا محمد أحمد الخضر، إنسان جميل بحق وفي قمة الروعة والصفاء.
نحبه حباأ شديداً. . ونتمنى له وللأستاذة نفيسة دوام الصحة والهناء |
وبوصلتك دائمًا تشير للروعة والجمال
شكرًا أخي العزيز محمد عثمان محمود.
|
Post: #25
Title: Re: الطيب إدريس والذين معه ...
Author: سمية الحسن طلحة
Date: 03-12-2009, 12:16 PM
Parent: #23
Quote: Quote: على النبي تدى لي ود الخضر ده كلمة كلمتين حلوات خليهو يصرهن في طرفه و يتكامل بيها استاذة نفيسة ويشربوا القهوة زييين ويطروك بالخير.
...
حاشاها بت البادية مابتقصر ست الكرم والشهامة.
ياما أدتنا من كلاما الحلو وأطربتنا بشعرها العذب.
أنا وحاجة نفيسة مابيوصونا علي سمية.
وانت يا شيخ العرب إن شاء الله يوم شكرك ما يجي. |
الطيب شيقوق
حيدر قال لود الخضر
العتب على الكي بورد
ولأنا بقول لك
العتب على النظارة
ما شفت كلامي لود الخضر
وهو أول من أكرم سرحان قبل خمسة سنوات في زيارته الأولى للسلطنة :
أستاذنا / محمد أحمد الخضر
للضيفان ديمة ِبِفِر
وشًا مو منغبر
...
أنت واسطة هذا العقد النضيد
وقد قمت بواجب إكرام الضيوف من قبل ومن بعد
وإن أنسى لا أنسى إستقبالكم وحفاوتكم في ذلك اليوم
أنت والسيدة الفضلى نفيسة المربية العظيمة للأجيال
والخمسة الأعوام قد مرت ولازال الكرم يعيد نفسهاليوم
وأنتم من الأوائل في السبق للفضائل
لكم التقدير والإجلال والتحايا من الجميع هنا ضيوف وأهل بيت .
|
Post: #26
Title: Re: الطيب إدريس والذين معه ...
Author: محمد ابراهيم قرض
Date: 03-12-2009, 01:37 PM
Parent: #25
سمية ..
الطيب ادريس على العين و الراس ..
لكن وريني عيب واحد في طارق قرض ..
ليه ما فتحتي كمان بوست عنه ؟؟..
ما برضه ساكن الوادي الكبير ..
وكمان عربيته كامري مش كرولا تعبانة زي حقت الطيب ..
وكمان فنجري وناس التمرين كل يوم ضاربين القراصة في بيته ..
والقروش تب ما بتقعد في إيده .. الناس كلها بيستلفوا منو وما بيرجعوا !!!
زعلتيني يا سمية ..
يعني القصة خيار وفقوس ؟؟؟؟!!!!
|
Post: #28
Title: Re: الطيب إدريس والذين معه ...
Author: سمية الحسن طلحة
Date: 03-16-2009, 08:34 AM
Parent: #26
د. محمد إبراهيم قرض
كيف الحال يادكتور لعلك بخير
معذرة عن تأخير الرد نسبة للمشغوليات
كدي شوف رابط ناس سنار في البوست دا
جايز يكون الطيب سبقني بالرد عليك
...
| Quote: لكن وريني عيب واحد في طارق قرض .. |
الأستاذ الكيميائي طارق قرض حاشاه العيب
| Quote: ليه ما فتحتي كمان بوست عنه ؟؟.. |
أسأل صاحبك الطيب إدريس ليه أنا فتحت البوست ؟
| Quote: ما برضه ساكن الوادي الكبير .. |
كُتار الساكنين الوادي الكبير
لكن ود الأرباب دا ( نامونة غير )
زي ماقال ود الشلهمة لجدنا أبشام
ـ جدنا أنا والطيب ـ
قال فوقه :
كتاااار الأولياء النُدَّر وبِلفوا الصايح
لكن إت خبير خبرة بتجيب الرايح
...
| Quote: وكمان عربيته كامري مش كرولا تعبانة زي حقت الطيب .. |
والله الطيب دا كان عنده عربية ولا ماشي كداري أنا ماعارفاه
نعمن خالنا الشيخ عبد العزيز قال :
نحنا بنركب التيس الِبُسولو صريمة
نحنا السُلَّط الهيبة هيلنا قديمة
نحنا أخوان البرمولا بريمة
نحنا دربنا زلقيبة ومقابل الشيمة
Quote: وكمان فنجري وناس التمرين كل يوم ضاربين القراصة في بيته ..
والقروش تب ما بتقعد في إيده .. الناس كلها بيستلفوا منو وما بيرجعوا !!! |
على العين والراس
لكن ياخوي المثل بقول :
( كل ديك في بلده عوعاي )
كل كريم كريم في محله...
ونحنا ما بنلعب كورة
| Quote: زعلتيني يا سمية .. |
غايتو ماكنت قايلة الكبار بغيرو منك ياالطيب إدريس !!!
| Quote: يعني القصة خيار وفقوس ؟؟؟؟!!!! |
بلحيييييييل
والحاضر يحدث الغايب :
أنا بتكلم عن الناس الأكرموا ضيوفي النازلين معاي في بطن بيتي
...
وحيدر أمين ماقصّر
وثّق قولًا وفعلًا
الصور تحكي :
احتفال السودانين فى سلطنة عمان - مسقط - بعيد الاستقلال...لخميس 1-1-09-( صور )]
|
Post: #29
Title: Re: الطيب إدريس والذين معه ...
Author: سمية الحسن طلحة
Date: 03-16-2009, 09:26 AM
Parent: #28
كتب الطيب إدريس في منتديات سنار :
Quote: شكرا للأخت الرائعة البدوية ( سمية ) الذي يتدفق شعرها نحونا هدير خزان سنار وضفاف ( البحر ) وطلة قبة جدها الشيخ فرح ولا يفوتني أن أذكر أميز الشباب بالجالية السودانية عملا دؤوب واخلاص وتفاني وكرم دفاق وخلق رفيع يخجل الجميع هؤلاء الشباب حسرت عليهم الجالية السودانية بعدم دخولهم لادارة النادي السوداني في مسقط والكل كان يتمني ذلك ولكنهم رفضوا الترشيح وآثروا العمل خارجا لخدمة الجالية :
شكرا للأخ : أشرف الصادق
شكرا للأخ : احمد عوض الكريم
لقد اعطونا فوق ما كنا نتصور من انجازات وتنسيق وعمل منظم في حفلات الأخ : الفنان صديق سرحان |
والله سبقتني ياالطيب أنت دايمًا سبّاق للخير ..
أرجو من الأخ حيدر أمين
أن يبعث بصور الشابين
أشرف وأحمد
ليشرف بهما هذا البوست
لو السودان مافيه غير الشابين ديل لكفياه """
|
Post: #30
Title: Re: الطيب إدريس والذين معه ...
Author: الطيب شيقوق
Date: 03-16-2009, 09:27 AM
Parent: #28
بت الشيخ سمية
Quote: أنت واسطة هذا العقد النضيد
وقد قمت بواجب إكرام الضيوف من قبل ومن بعد
وإن أنسى لا أنسى إستقبالكم وحفاوتكم في ذلك اليوم
أنت والسيدة الفضلى نفيسة المربية العظيمة للأجيال
والخمسة الأعوام قد مرت ولازال الكرم يعيد نفسهاليوم
وأنتم من الأوائل في السبق للفضائل |
غايتو الله يخليك عندك جنس دبلوماسية اى واحد تلمي فيهو تمليهو شكر ويروح مشنق طاقيتو ويرخي عنقرتو قادل قائل هو براهو سيد الشكرة
|
Post: #31
Title: Re: الطيب إدريس والذين معه ...
Author: حيدر امين
Date: 03-16-2009, 10:43 AM
Parent: #30
ديل اخوانا اشرف الصادق و احمد عوض الكريم
وشهادتى فيهم مجروحه
|
Post: #32
Title: Re: الطيب إدريس والذين معه ...
Author: سمية الحسن طلحة
Date: 03-16-2009, 09:53 PM
Parent: #30
شيقوق كيف الحال ياأبوعبدالله
إن فقدنا الدبلوماسية
شن الفائدة من النظارة والإدارة
وبعدين
رب العالمين دار الحمد والشكر
والليهو شكرة يدوها إياه
والما بشكر الناس مابشكر ربه
وظنيت قولي حقيقة ما شكر
...
حيدر
لك الشكر الجزيل
>>>>
|
Post: #33
Title: Re: الطيب إدريس والذين معه ...
Author: محمد المرتضى حامد
Date: 03-16-2009, 10:44 PM
Parent: #32
حسين محمود وأحمد عوض الكريم ،
يا سلام على الشباب المهذب الفنان.
أشرف الصادق وجمال عمر عبدالرحمن ، العريس المرتقب ، حركة كفايه،
شهادتنا فيهم مش مجروحه بس يا حيدر ، دي ما بتجوز اصلا.
|
Post: #34
Title: Re: الطيب إدريس والذين معه ...
Author: محمد أحمد الخضر
Date: 03-17-2009, 11:34 AM
Parent: #33
محمد عثمان:
Quote: أستاذنا محمد أحمد الخضر، إنسان جميل بحق وفي قمة الروعة والصفاء.
نحبه حباأ شديداً. . ونتمنى له وللأستاذة نفيسة دوام الصحة والهناء. |
الله يخليك يا محمد عثمان.
شهد الله إني أحبك من جوا قلبي أو بعبارة أخرى لله في الله.
|
Post: #35
Title: Re: الطيب إدريس والذين معه ...
Author: محمد أحمد الخضر
Date: 03-17-2009, 11:39 AM
Parent: #33
شيقوق:
Quote: غايتو الله يخليك عندك جنس دبلوماسية اى واحد تلمي فيهو تمليهو شكر
ويروح مشنق طاقيتو ويرخي عنقرتو قادل قائل هو براهو سيد الشكرة |
كيتا تكويك يا مسنوح. انت ما سمعت قالوا عين الحسود فيه عووووود!!
|
Post: #36
Title: Re: الطيب إدريس والذين معه ...
Author: سمية الحسن طلحة
Date: 03-17-2009, 08:58 PM
Parent: #35
| Quote: شهادتنا فيهم مش مجروحه بس يا حيدر ، دي ما بتجوز اصلا. |
كلام فوق القانون ...
|
Post: #37
Title: Re: الطيب إدريس والذين معه ...
Author: سمية الحسن طلحة
Date: 03-21-2009, 06:11 PM
Parent: #36
السني أبو العزايم
الشاب الشامل
تجده في كل المهمات
وهو يتشح بملفحته
صورة لم أفلح في اقتناصها
ويرتجف من شدة فورة الكرم في عروقه
ويسرع وكأنه يطير ويسابق للمكارم
له التحية والإجلال وكامل التقدير
...
وياريت ياحيدر تسغفني بصورته بالشال
ويستاهل قولة :
" شوف الجنا وشوف فعالوا
في اليوان لافي شالو ""
لك التحايا ياالستي وللأسرة الكريمة
من صديق وأبوعلامة والجميع هنا .
|
Post: #38
Title: Re: الطيب إدريس والذين معه ...
Author: محمد المرتضى حامد
Date: 03-21-2009, 08:54 PM
Parent: #37
سميه ،
الزول عازف الساكسفون دا شهادتي فيهو مقطعه حته حته،
زي برمجة الكومبيوتر بتاعتو،
بيعرف شغلو كويس ،
يكيف الزول لما يغيز ، مش كدا،
تحيه كبر البحر يا السني كما غنت فيروز،
ويا السني طمني ، كما غنى رمضان زايد.
|
Post: #39
Title: Re: الطيب إدريس والذين معه ...
Author: سمية الحسن طلحة
Date: 03-21-2009, 09:03 PM
Parent: #38
مرتضى
ويستاهل قولة :
" شوف الجنا وشوف فعالوا
في اليوان لافي شالو ""
|
Post: #40
Title: Re: الطيب إدريس والذين معه ...
Author: سمية الحسن طلحة
Date: 03-31-2009, 06:23 PM
Parent: #39
عبدالرحمن الشيخ علي الشيخ القرشي ودالزين
أخي عبدالرحمن
والله شهادتي فيك مجروحة ولا ينبغي لي
وكمان الصورة خايفين نورا يحرق علينا البوست
جزاك الله عن الجميع خير الجزاء ياأبوعلي
|
Post: #41
Title: Re: الطيب إدريس والذين معه ...
Author: الفاتح الجنيد
Date: 03-31-2009, 07:59 PM
Parent: #40
السيدة الفضلى ام عمر
ما قام به الفحل الطيب ادريس
والكلس ابو محمود
والمتفانى حيدر
وغيرهم ممن تسابقوا لإكرام الشفيف صديق سرحان
فهو من صميم اصالتهم والتدليل على ان إبن البلد كريم يعرف الواجب اولا
وثانيا لأن المكرًم يستاهل ، لأنه شخص نادر
نادر فى كل شى ...
فى سلامو
فى كلامو
فى نظرتو
فى بسمتو
فى طيبتو
ثم فى غُناهو
أشاع الفرحة والبهجة بطبعوا الخفيف
قبل غناهو الذى سبح بنا بين طيات السحاب
فهو شخص يجذبك ويشدك شدا
ويجبرك على احترامه والتعلق به
الرضاعه سهلة ،،، صعبه الفطامه يا صديق
التحية ليهم كلهم
ولى سيد البيت ابو عمر
والعزيز جدا ابو علامة
فهو علامة فارقة فى تطويع الآله ...
|
Post: #42
Title: Re: الطيب إدريس والذين معه ...
Author: سمية الحسن طلحة
Date: 03-31-2009, 08:06 PM
Parent: #40
نسبة لظروف الأرشفة
أود أن أشكر أناسأ لو كتبت عن كل واحد بإنفراد لما أوفيت
سعادة السفير / جمال الشيخ
سفير السودان بسلطنة عمان
*
العم بابكر النور
عميد الجالية السودانية بمسقط
*
الأستاذ / عبدالباقي دفع الله
المسنشار القانوني لشركة جلفار الهندسية
*
د. عماد أبوريد
*
د. نزار محمد صالح أبوعيسى
*
الأستاذ/ نزار جعفر
*
الأستاذ / أسامة حسين عبدالرحمن
*
الأستاذ / محمد بيضاب
*
المهندس / محمد أبكر
*
الأستاذ / ياسر البدري
*
الأستاذ /الفحل علي
*
الأستاذ / الفاتح الجنيد
*
الأستاذ عوض الله
*
المهندس / عثمان شريف
*
الأستاذ / محمد أحمد سر الختم
*
الأستاذ / عصام نوح
*
الأستاذ / أحمد صلاح
*
الأستاذ / عبدالله بركات
*
السيدة / عفاف عكاشة
*
شكر خاص للأكارم :
الطيب شيقوق
د. أحمد القرشي
الأستاذ / سيد عيسى
الأستاذ / محمد الطيب عبدالنور
*
ولأولئك النفر الكريم الذين وقفوا وساندوا نشكر المواقف المشرفة
للأستاذ / الزين أبو نايب
والشكر لكل من شرفنا بالحضور ومؤازرة ومؤانسة الضيوف خصمًا على حساب وقته وعمله
الأستاذ / عمر فضل المولى
الأستاذ/ عادل العمدة
الأستاذ / محمد المرتضى حامد
الأستاذ / عبدالوهاب أبوحراز
*
الشباب الذين فاضوا نشاط وحيوية
محمد الجمري
أشرف دهب
مصطفى عبد الرحمن
د . عمر
د . مهند
*
والشكر أجزله لسيدات مسقط مفخرة الوطن اللائي وقفن جنبًا إلى جنب الرجال لإنجاح المقاصد
شكرا شكرا شكرا جزيلا لكم على كرمكم أكارم من كرام.
|
|