Post: #1
Title: ما هى تكهنات رد الفعل داخليا حال صدور القرار بشأن البشير ؟؟؟
Author: ست البنات
Date: 03-02-2009, 06:27 PM
Parent: #0
؟؟؟؟؟؟؟؟؟؟؟؟؟؟؟؟؟
ست البنات .
|
Post: #2
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: Zoal Wahid
Date: 03-02-2009, 06:51 PM
Parent: #1
حمدلا على السلامة. وين الزمن بيكي؟| Quote: ما هى تكهنات رد الفعل داخليا حال صدور القرار بشأن البشير ؟؟؟ |
قالوا الجواب يكفيك عنوانو
ديل قالوا اي بت لقوها لابسه اوكامبو، يحلقوا ليها صلعة ويمرمطوها في الوطا
و الراجل، وابوه راجل، وامو مرا، يقول كلمة كويسة عن اوكامبو او المحكمة، طوالي قطع و بتر و جز (جزارة عديل كدا)
بالنسبة لناسهم حيقوموا بمظاهرات و جوطة و هياج في الشوارع.
الاحزاب مسكينة دايرة تاكل عيش و الخباز هو الانقاذ.
على عثمان خطير وممكن يعملها في البشير .. لكن في حالة الغليان هذه، سيؤخر الانقلاب حتى تهدأ الامور شوية
دي توقعاتي.
|
Post: #3
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: ست البنات
Date: 03-02-2009, 07:18 PM
Parent: #2
سلام يا زول واحد , والله المنبر وناسو وحشونى , الآ مشاغل الدنيا .
وتسلم ومشكور على السؤال .
أنت عارف الغبش لو فالحين يقعدوا فى بيوتهم لحدى ما الزعلة تروح من الجماعة عشان ما يتفشوا فيهم .
لكن باقى ليك حلايب بعد ما خلوها رشوة للمصريين بيقلعوها منهم ؟؟
ست البنات .
|
Post: #4
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-02-2009, 07:32 PM
Parent: #2
- قانون طوارئ
-وئد اتفاق نيفاشا
- تشديد القبضه الامنيه
- التحرر من استحقاقات التحول الديمقراطى
- سيطرة الجناح المتشدد للاسلاميين على مقاليد الحكم والنفوذ
- تقلص مساحات الحريه النسبيه
- التفاف شعبى عفوى حول النظام فى غياب الوعى الغائب اصلا بسبب غياب مصادر الوعى لحقبه امتدت سنوات
- انفلاتات امنيه سيتم حسمها بشراسه
- انعكاسات اقتصاديه سالبه
- تصالح اسلاموى اسلاموى
-انغلاق نحو الداخل والقيام بتكريس وتركيز الخطاب المرتكز على العاطفه الوطنيه والدينيه
وترويجه بآليات اعلاميه ضخمه
-خساره كل ايجابيات ومكتسبات العمل المعارض على تواضعها
- اعلاه غيض من فيض
تحياتى
|
Post: #5
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: ست البنات
Date: 03-02-2009, 07:58 PM
أخى المشرف ,
وكمان الجماعة يكونوا محضرين السيخ , دا لو ما جابوا الطبنجات !
غايتوا السنة دى السودان يا غرق يا جاء حازمها !
ويحسبوا لعب !
ست البنات .
|
Post: #6
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: السر عبدالله
Date: 03-02-2009, 08:07 PM
Parent: #5
التفاف شعبى عفوى حول النظام))
انا اقتبست الجزء ده من رد محمد حيدر لانه ده الجزء الحيحصل
في حالة صدور اى قرار ولكن اطمئن لان القرار حيكون مفاجأة للجميع.. صدقني!!!
)
|
Post: #7
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-02-2009, 08:21 PM
Parent: #6
ست البنات والسر
سلامات
مآلات الجنائيه شديده الخطوره ويجب التعامل معها بحسابات براغماتيه لا تعرف العواطف
نعم .. سيبتهج غفلة الكثيرين ممن يحملون الوطن السودان فى حدقات عيونهم .
وسيفيقون بعد نشوة على حطام وطن .. ومعبد تهالك .. وموات آمال يا دوب فرهدت بامكانيات حدوث تحول ديمقراطى
..
صدور القرار سيعنى لى تماما ما عناه موت قرنق
..
وكأن هذا الشعب مقدورا بموات الاحلام
وبمزيد من المعاناة
..
|
Post: #8
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: ست البنات
Date: 03-02-2009, 08:41 PM
Parent: #7
حقيقة أخى المشرف ,
الناس ديل دخلوا علينا بالماحق !
قعادهم وجعة وقلعهم وجعة !
وفعلا تغيير خريطة الوطن حيكون على اياديهم , للأسوأ ثم الأكثر سوءا !
واتنبأ بان نكون لبنان وحماس اخريين فى التشتت والخصومة !
ويبدو ان ذلك لا يهم القائمين على امر البلاد فى شيء ! فكل الدلائل تشير الى تغلل مقولة ( انا ومن بعدى الطوفان ) فى عقولهم !
والواحد قلبه تعتصره الحسرة والقلق فى انتظار المجهول ! لأن الغد سيختلف تماما عن اليوم بسرعة مذهلة وصورة قد تقوم بوأد امال امة باكملها ,
وتغيير خارطتها السياسية ونصير عراقا أخرى نعض أصابع الندم حينها !
ست البنات .
|
Post: #9
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-02-2009, 09:54 PM
Parent: #8
ست البنات خيتى
كلامك صاح .. وغلطو صاح
سخيف انو الواحد يكون برغماتى !..
الناس السمحين القاعدين يراهنو على الاتقلاب الداخلى وعلى ( على عثمان )
بقول ليهم - وان حدث مع استحالته الموضوعيه- ( الجيش وما ادراك ما المؤسسه العسكريه )
بقول ليهم ( تشيتوا البحر فى صرتو )
وللحالمين بالثوره التى ستنطلق شرارتها مساء الرابع من آذار
اقول لهم مقالة بشري الفاضل فى حكايات البنت التى طارت عصافيرها
( اطردوا الوهم )
وللوطن .. السودان .. الناس
حبله السري
وعواميد الرحمه التى تمتد من تراب الخلاوى لتمسك بالسماء
سلام وفى العالمين عليه وعليك
..
لم نفعل شيئا لنستحق وطنا كالسودان
|
Post: #10
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-02-2009, 10:05 PM
Parent: #9
وللذين يطلبون العدل .. خذوه بقوه تقيمه ولا هدام ولى قدام
و
(شن فايدة مديدة الحلبه ؟ ..
والويقود .. بشيلو اليانكى )
..
فى جلدى الورم ؟.. قولنلى
ولا صحى الورم عضانى
..
وليكن دمنا هو المقياس
|
Post: #11
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: Elsanosi Badr
Date: 03-02-2009, 10:07 PM
Parent: #9
سئل ناجي العلي عن حنظله فقال:
| Quote: ولد حنظلة في العاشرة من عمره، و سيظل دائماً في العاشرة ، ففي تلك السن غادرتُ الوطن، وحين يعود، حنظلة سيكون بعد في العاشرة، ثم سيأخذ في الكبر بعد ذلك ... قوانين الطبيعة المعروفة لا تنطبق عليه، إنه استثناء لأن فقدان الوطن استثناء ،.. وستصبح الأمور طبيعيةً حين يعود للوطن |
واخشي ان يكون كل اطفال الوطن حنظله...
| Quote: لم نفعل شيئا لنستحق وطنا كالسودان |
ياخي دي اعمق مقوله سمعتها في القريب...
شكرا لك دكتور المشرف علي عمق المعني....
____________________________
تحياتي ست البنات
|
Post: #12
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-02-2009, 10:15 PM
Parent: #11
السنوسي .. وناجى العلى ( من اطلق النار عليه ؟.. ) وحنظله
وقواسم الوجع المشترك
والشرك ..
..
وجع الغضاريف بالكى .. اوجع
|
Post: #13
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: ست البنات
Date: 03-03-2009, 00:03 AM
Parent: #12
أرى أن البشير لا يعتبر رمزا للسودان بالمعنى الحقيقى ,لأن دى كذبة صنعها هو بالأنقلاب !
يعنى لو تم تقديمه للمحاكمة فهذا لا يعنى ان السودان أهين , لأن البشير هذا جانا كسر رقبة والشعب السودانى لم يرشحه أو ينصبه رئسا !
كما أن السلوك الذى انتهجه وادى الى محاكمته هذه لم يكن الشعب شريكا فيه أو تمت مشورته حين قرر التنفيذ ,
وعلينا أن نعتبره فردا عاديا اخطا فى حق امة فى دارفور , وندع العدالة الدولية تأخذ مجراها ,
لو أن شخصا من عامة الشعب اقترف جريمة وقام قضاء البشير بتقديم ذلكم الشخص للمحاكمة , هل يحق لجوع الشعب السودانى معارضة تقديمه للمحكمة أو اصدار الحكم ؟؟؟
اذا من حق اهلنا فى دارفور وحدهم العفو عن البشير أو التمسك بحقهم فى القصاص والعدالة !!!
اى ان المسالة مسالة ظلم وحق , وربنا قال فى كتابه ( ردوا الحقوق الى اهلها )
والآ كيف ؟؟؟
ست البنات .
|
Post: #14
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-05-2009, 08:39 AM
Parent: #13
.
|
Post: #15
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-05-2009, 09:30 AM
Parent: #14
لا شئ يقال ..
فلنلزم الصمت الكسير ..
ونزمله بالقلق .. ندثره بالسماوات السبع البعيده
ليتعري .. ونتعري نحن من الفضيلة فى هواه
نخلع نعالنا المعفره بغباره الحميم
نتوضأ بالصمت
ومناسيب الدم الكبرى ..
وشهوات ابليس فينا تدوي بالزغاريد
وتعلن بدء المهزله ..
كلا انها لصحف منزله ..
طاهرة بالعدل بيضاء من غير ما سوء وسواد
نتلوها تلاوة مرتله
من لدنهم .. اصحاب الفيل والدبابات المجلجله
وتوم كروز .. وألاخري الاباتشى المجلوة المزلزله
وكروز وتماهوووووووك .. واخوك ما بين جلاد ومقصله
ثم انت جااانجويييييد .. او خائن ذات مقتله
من سلالة العبيد ..
ورجالا كالنساء قليلا او يزيد
ونساء من حديد
يحمل ما بين صدورهن الكريمة ..
وطنا جديد
يرضعنه اطفالا سيولدون ..
يدركون طعم حليب الوطن ..
كلا انه لشجن ..
ثم كلا انه لشجن ..
مسافات تطول لتطال حزنا يطول ومحن
مسغبة ثم احن
عجفاء ومنذ زمن ..
تشتهى الرواء
قليلا وننتهى للسكوت الطويل بطول خيبه الرجاء
وفى استحياء ..
وبعد طقوس الانتهاء .. من نهش عظامنا
ولعق ما تبقى من خواء الجوف
.. وبشئ من خوف
ونقص فى الآمال والانفاس الكسيره
الانفاس اللاهثة المتقطعه
نتسلل عبر مسام الوطن المشرعه
لشمس الاستواء .. لعمق المسأله
كى نرامق
ما كان من حريق ..
كى نرامق
ما ستلقى الينا به الرياح العظيمه
ويأتى به .. ونحن ميتون ..
هذا الطريق
|
Post: #16
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: شول اشوانق دينق
Date: 03-05-2009, 09:47 AM
Parent: #15
| Quote: لم نفعل شيئا لنستحق وطنا كالسودان |
صدقت يا محمد حيدر المشرف
|
Post: #17
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-05-2009, 10:14 AM
Parent: #16
شول سلامات ..
نعم .. لم نفعل شيئا , لنستحق وطنا كالسودان
جرونا جميعا لحافة الهاويه ..
كان الله بعيدا منهم ..
والوطن بعيدا منهم ..
والشعب بعيدا منهم ..
وكلهم سواء
حكومه على معارضه على حركات مسلحه
كلهم سماسره ومقامرون ..
..
ووقفنا نرقب - فى صمت -
هذا الهراء
..
لم نمتلك حتى وعيا نضاليا ينبنى على استراتيجيات وطنيه ..
..
رحم الله جون قرنق .. فقد كان يري ما لا يرون
|
Post: #18
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-05-2009, 10:55 AM
Parent: #17
- التفاف شعبى عفوى حول النظام فى غياب الوعى الغائب اصلا بسبب غياب مصادر الوعى لحقبه امتدت سنوات
وسيتبعه بقية السيناريو
|
Post: #19
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: شول اشوانق دينق
Date: 03-05-2009, 11:03 AM
Parent: #18
(*)
النهر يضيق حد الفيضان
لكن ... هل ضاق بنا الأوطان
صراع يدار فى السودان
بحرص ومكر وإتقان
حكومة تأصل البهتان
معارضة لا شكر لها ولا عرفان
شعب فى الضياع غرقان
أناس هتكت على صبرهم الأبدان
الأمل راسخ فى الوجدان
العمل يجب ان يبان
هل هذه الأرض فى الأذهان؟
ام الكل حاقد وطمعان
(*)
دولتان متحاربتان
فى أغلب الاحيان
شمال مشترك
شبه متفقتان
جنوب منفصل
عليها مختلفتان
إحداهما إسلامية
او كما يبان
والأخرى شعبية
كما طلع البيان
فقه مشترك
مع إنهما إتجاهان
أيدلوجية منبثقة
لإهانة الإنسان
شمال ينمى
بإغراق الجنان
جنوب لا تدرى
ماذا فى الأذهان
شعب عظيم
ليس بجبان
حكومة غريبة
تأصل البهتان
مشاكسة عجيبة
واضحة للأعيان
تفاسير مضحكة
يشار لها دون خجلان
حكومة مترفة
وشعب يهان
هل من فرج قريب؟
لك الله يا سودان
|
Post: #20
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: ست البنات
Date: 03-05-2009, 02:37 PM
Parent: #19
غايتو فترنا من الجبهة وبشيرها !
يقوموا بالأنقلاب ووأد الديمقراطية والشعب يتحمل النتيجة , سجن , صالح عام , اعتقالات و تشريد وتهجير !
يظلموا اهلنا فى دارفور قتلا , سحلا , اقتصابا , وتهجيرا من ديارهم !
ولما العدالة تأخذ مجراها من قبل المجتمع الدولى , لأن قضاء الجانى أخرس ولا يعقل أن يحاكم الظالمون أنفسهم !
برضو الشعب مطالب بتحمل الدفاع عنهم بل وبالفداء وبالتحرش بعضهم ببعض .!
يعنى هم كانوا شاوروا الشعب ساعة سووا الأنقلاب ولا ساعة قتلوا اهلنا فى دارفور ؟
وبعدين أصلا هو البشير دا جاء بأنقلاب ولم يتم انتخابه من قبل الشعب , عشان الشعب يتسدر ويتصدر للقضية ! يعنى الشعب ما اختاره رئيس انما جاء للحكم بوضع اليد !
يا سبحان الله ,
حسبنا الله ونعم الوكيل .
ست البنات .
|
Post: #21
Title: Re: ما هى تكهنات رد الفعل داخليا حال صدور القرار بشأن البشير ؟؟؟
Author: محمد حيدر المشرف
Date: 03-05-2009, 06:32 PM
Parent: #20
لنمضى قليلا فى سيناريو ما قد يجى ..
من متابعتى المؤتمر الصحفى لعلى عثمان .. اوليت اهتماما شديدا عندما عرف احد الصحفيين
بانه فلان عن جريدة الانتباهه .. وكان ما توقعته اذ تساءل عن وضعية نيفاشا فى ظل ضبابيه موقف
الحركه الشعبيه حسب تعبيره ..
وتابعت باهتمام ايضا تصريحات ياسر عرمان لتلفزيون السودان بعد لقاء وفد من الحركه مع البشير
لتأكيد رفض الحركه للقرار .. تحدث ياسر بدبلوماسيه عاليه وركز كثيرا على ما انجز فى نيفاشا
والتزام الشريكين ( الحركه والمؤتمر ) فى المضى قدما نحو انفاذ استحقاقات التحول الديمقراطى
السؤال المهم حقا هنا ..
هل يكتنف موقف الحركه نوعا من الضبابيه ..
اجابتى المباشره هى نعم ..
نضع فى الاعتبار هنا مواقف التيارات المتشدده داخل تركيبة الحليفين ..
تيار اسلاموى متشدد يضع نصب عينيه فداحة التنازلات التى قدمتها الحركه الاسلاميه فى نيفاشا
وفى الطرف الاخر من المعادله التيار الانفصالى داخل الحركه ( اموم ) باجنداته الخاصه
نواصل
|
|