ايثار مسيار زواج عادي !!!

الفرق بيناتهم شنو ؟


زاتوووو

اي حاجة ممكن تفرق ما مشكلة ،،،
بس نلم في واحدة منهم...


نمرة تلاتة نهئ ...


سلامات يا زعيم..
مصعد ساكت ما يجيبك

العزيز حيدر

يازول مابتلم في واحده مالك زول وجيه ومغترب ومثقف انت ركز على نمرة تلاته دي الاوئل ديل يمكن تجي فتوى تانية تحرمهم ويجلدوك اضرب كل نومة في مية يعني غيامتك قامت

قالوا الطلوع للقمة سهل لكن الاستمرار فيها صعب لووول يكه لا بنمرك في البيت مش في الشغل

نرجع للموضوع

بالامس فتحت التلفزيون على قناة هارموني بالصدفة كان هنالك برنامج يتكلم عن الزواج والفتوى بس للاسف كان الزمن قد شارف على انتهاء الحلقة عشان كده مافهمت الحاصل فيها شنو

لكن من كلام الشيخ فهمت انو مافي فرق بين الايثار والمسيار والزواج العادي الا في النفقة والمبيت وكده

تسهيلا لامر الزواج وضرب مثل بي واحده امها عيانة مابتقدر تفارقها ، كانت الاستطلاعات في معظمها غير مؤيده لهذا النوع من الزواج .

الشئ المعروف انو الزواج مربوط بالاستطاعة ( من استطاع منكم ) فعليه بالزواج ( ومن لم يستطع فعليه بالصوم)

يعني من معنى الحديث انو الزول المستطيع للزواج يتزوج غير كده يصوم لحدي ماربنا يفرجها

يعني لا اظن ان الافتاء ارحم من نبيناء على افضل الصلاة والتسليم يعني رسولنا الكريم ماقال من لم يستطيع زواج عادي عليه بي نوع تاني من الزواج .
حسب علمي ان الزواج هو عقد بين الزوج والزوجة يضع كل واحد منهم شروطه كاملة غير منقوصة يعني اذا كانت الزوجة تعمل يحق لها ان تضع شرطا ان راتبها يخصها وحدها ولا يحق لزوجها اخذه او حرمانها من العمل
والعقد شريعة المتعاقدين .
اما بخصوص المبيت مع الزوجة وغيره فهذه يمكن الاتفاق حولها بين الزوج والزوجة في نفس شروط عقد الزواج العادي

تحياتي

زاتوووو

هذا ا لزواج وانعكاسه على المجتمع السوداني

لا اعتقد ان المجتمع السوداني مجتمع اناني اي اذا كان هنالك شخص اراد الزواج بواحدة وهذا الشخص غير قادر على اكمال مراسم الزواج او ان دخله لا يمكنه من استئجار بيت والصرف على البيت نجد ان كل الاسرة تحاول مساعدة هذه البنت من جميع النواحي ابتداء من مراسم الزواج الى ترتيب مكان لسكنها مع زوجها سواء داخل البيت او خارجه .

اما بخصوص هذا النوع من الزواج وتاثيره على المجتمع لا اعتقد ان المجتمع مرحب بهذه النوع من الزواج وان الفتوى تنظر الى الانثى من ناحية المتعة وهضم حقوق المراة المادية والمعنوية ، ولا اعتقد ان افراد الاسرة يوافقون على دخول وخروج زوج بنتهم بغرض التمتع بزوجته والعودة مرة اخرى من حيث اتى . ( لا شوفتن تبل الشوق )

في اعتقادي ان هذا النوع من الزواج ربما يكون ذو اثر ايجابي لعدد محدود من الناس ولفترة محددة فقط اما سلبياته يمكن ان تكون اكثر بكثير من الايجابيات

لي عودة

زاتوووو

رجعنا

هنالك اسئلة اخرى هل يمكن تعديل عقد زواج المسيار الى زواج عادي فالنفترض ان هنالك شخص مغلوب على امره ووجد من تتزوجه مسيار او ايثار وبعد فترة من الزمن تعدل حاله واصبح من الوجهاء هل يستمر نفس المسمى
ام يذهب الى الماذون او القاضي لتغيير بعض شروط الزواج وانه اصبح مسئول مسئولية تامة وكاملة عن زوجته
ولا ننسى المجتمع وتسمياته في هذه الاحوال واحدين ح يقولوا الزول خطوا بقى 220 بدل 110 وواحدين يقولوا قلب الماكينة بنزين . ده غير اغاني البنات التي تصاحب مايدور في المجتمع من سخرية وتهكم ناهيك عن تقسيم الطبقة الدنيا الى طبقة مسيار وايثار وطبقة زواج عادي وفشخرت النسوان من جاراتهم المتزوجات مسيار واثار
ده غير يمكن كمان الاولاد برضو ياخدو اسم ود المسيار وود الايثار .

يتبع

زاتوووو

ياهو ظاتوو_
مشتاقين عديل كدا ولله يومى.... على ود جيرانكم المجنون دا كرهنى المكتب كل ما اجى خاشى اتزكرك
وبالنسبة للموضوع دا المغتربين ديل كلهم شقالين بى زواج المسيار الواحد اجى ازوج اقعد ليه شهرين واشتت دا ما المسيار زاته
قالوا فى واحد اتقدم لبت اخطبها وقال ليهم انا جاهز ممكن نعمل عقد ودخلة طوالى قام ابو البت بسأل فيه البيت جاهز ؟العريس قال ليه :لا لكن انا جاهز
قال ايوا يعنى داير تأجر شقة مفروشة؟العريس قال ليه لا لكن مافى مشكلة انا جاهز
قال ليه اها الشيلة جاهزة ؟قال ليه لا ولله يا عمى
قال ايوا يعنى حا تجيب المال مستكفى؟العريس قال ليه لا والله المال زاتو هسع مافى لكن يا عمى انا جاهز
ابو العريس عاين ليه كدا وقال ليه جاهز دى يعنى مطهر ولا شنو؟
هاهاهاها يكة اها شفتة دا كان حاضر زمن المسيار دا كان بقى سيدو

حبيبنا كلنا

عشان كلامكم ده وماتطلعنونا مسيار اتزوجنا وشلنا المدام معانا يعني زواجنا عادي زي الزبادي

لكن انتو مافيكم الخير والبركة برضو

اها شفته عشان نكاتكم دي المسيار والايثار ما ح تقوم ليهو قايمة

ياخي ادينا رنة مش قالوا زين عالم جميل

مشتاقين شديد والزولة عرسوها تااااني

تحياتي

زاتوووو

اسمع اوع يكون عرسوها مسيار هاهاها
لكن اخوها رخص ج ن رسمى بجينى بقدم طلبات كدا والله فى تجيب كتب القانون كلها ما تعرف ترد ليه كيف
اجدع لى نمرة التلفون وكدا

الزعيم زاتو ،،،

يومكم ما خميس وكدة يا ناس نمرة ( 1،2،3) ضاربين الراحات سااااكت ..
ايوة حاسد ..

شايف جنس كلام حبيب الكل دا هو البخلينا ذاتو نفتش لنمرة واحد واتنين
وبرضو تلاتة نهئ ونحن في ( 6) وانتو ستة بتسقطكم.. ليه اصلك مسمي تمانية هههه

اسمع الليلة في مناقشة حلوة حاتكون في متحف الاسرار جوار الحديقة
مر بهناك وحقك خالص ...


تحياتي

حبيبنا حيدر ،،

ياخي في واحد عوائل بيزور عذابة يوم الخميس لووول

على العموم تعذر اللقاء لاسباب خارجة عن الارادة

لكن بيناتنا سلالم وكده

حبيب الكل ،،

خلاص ح نضرب ليك تلفون عديل كده وح نضعك في الخطه الخمسية

سؤال فني ياحبيب الكل واحد متزوج مسيار بعدين ساكنه في بيت اهلها والبيت ورثة وكده اها راجلها بيورثها ولا الزوج ماقدم السبت عشان يلاقي الاحد .

تحياتي

زاتوووو

يا حبيبنا

Quote: سؤال فني ياحبيب الكل واحد متزوج مسيار بعدين ساكنه في بيت اهلها والبيت ورثة وكده اها راجلها بيورثها ولا الزوج ماقدم السبت عشان

يا بوكو والله دا برث حنك ساي كدا
الزوج صاحب فرض يرث النصف في حالة عدم وجود فرع وارث
ويرث الربع في حالة وجود الفرع الوارث