رسالة للشعب السوداني .. مايجب ان نفعله عند صدور قرار إعتقال البشير

Quote: عند موت النبي صلي الله عليه وسلم حصلة دربكة وهياج او ممكن ضياع وسط موت القائد للدولة حينها ... وكانت كلمات ابوبكر الصديق هي بمثابة السكينة حينها ... من كان يعبد محمداً فمحمداً قد مات ومن كان يعبد الله فإن الله حي لا يموت ... (علي سبيل التشبية وليس القياس فشتان ..) عليه من كان يري ان السودان هو في القيادة السياسية فقط وان السودان كان يكتب مصيره فقط ويرتبط بمقعد الرئيس فهذا المقعد قد ذهب ومن كان يعتقد ان السودان هو دولة لديها مايجمعها اكثر بكثير مما يفرقها فقد ضاعة من قبل دويلات وحكم ... ولا زلنا هنا .... عليه ... احذر المواطنيين وعام الشعب من .. 1- الانخراط في اي اعمال عنف ضد بعضهم البعض وعدم الانسياق وراء الاحاديث الدنيئة والتسربات العنصرية 2- مهما حدث فلن يكون نهاية السودان او زواله فلنتحلى برباطة الجأش والمشاركة في النظره المستقبلية والحلول الممكنة 3- اتفاقية السلام وضعت حداً مأساوي للحرب بين الشمال والجنوب فلن يأثر عليها القرار ومن قبل قد رحل القائد جون قرنق ... فمابين الشماليين والجنوبيين لن يتغيير 4- كذلك كل الاتفاقيات الاخري 5- عدم الانقياد واعيد عدم الانقياد وراء اي فكرة او عمل يستهدف الاجانب بالسودان من منظمات وسفارات وغيرهم ... فليس لديهم ذنب في هذا وليس لديهم القدرة علي تغيير الوضع وانما هم اداة سياسية الغرض الاول منها عكس مطالبنا هنالك ... فليس هنالك حق يقرر العنف ضددهم 6- تذكروا ان هذا السودان ملك لكم وللجميع فاي عمل تخريبي او غير مدروس يضراً اولاً واخيراً بابناء جلدتنا ونحن فقط حفظكم الله .. ونحن امام منحرف خطيراً إن لم نجعل للعنصرية وللافكار الخبيثة الدسيسة مجالاً لن يأثر وسيستمر السودان دائماً وابداً

http://www.newsudan.org/vb3/showthread.php?t=16281
نقلا عن موقع www.newsudan.org

Quote: عليه ... احذر المواطنيين وعام الشعب من .. 1- الانخراط في اي اعمال عنف ضد بعضهم البعض وعدم الانسياق وراء الاحاديث الدنيئة والتسربات العنصرية 2- مهما حدث فلن يكون نهاية السودان او زواله فلنتحلى برباطة الجأش والمشاركة في النظره المستقبلية والحلول الممكنة 3- اتفاقية السلام وضعت حداً مأساوي للحرب بين الشمال والجنوب فلن يأثر عليها القرار ومن قبل قد رحل القائد جون قرنق ... فمابين الشماليين والجنوبيين لن يتغيير 4- كذلك كل الاتفاقيات الاخري 5- عدم الانقياد واعيد عدم الانقياد وراء اي فكرة او عمل يستهدف الاجانب بالسودان من منظمات وسفارات وغيرهم ... فليس لديهم ذنب في هذا وليس لديهم القدرة علي تغيير الوضع وانما هم اداة سياسية الغرض الاول منها عكس مطالبنا هنالك ... فليس هنالك حق يقرر العنف ضددهم 6- تذكروا ان هذا السودان ملك لكم وللجميع فاي عمل تخريبي او غير مدروس يضراً اولاً واخيراً بابناء جلدتنا ونحن فقط حفظكم الله .. ونحن امام منحرف خطيراً إن لم نجعل للعنصرية وللافكار الخبيثة الدسيسة مجالاً لن يأثر وسيستمر السودان دائماً وابداً

كلام عقل والله

ده كلام ناس عاقلين

الأخ محمد فرح
الوطن فوق الجميع والمسؤلية
يجب أن يتحملها الجميع حتى
نعبر بهذا الوطن .

الأخ بشير
ربنا يلطف بالبلاد والعباد.

الأخ نزار يوسف
التوعية المطلوبة في مثل هذه المواقف كبيرة جدا ولا يمكن قصرها فقط على مواقع الإنترنت وأنا أرى أن يكون هناك تحالفاً كبيرا في السودان لكل القوى المحبة للديمقراطية لتقوم بواجبها تجاه الشعب السوداني وذلك بتوعيته عبر كل الوسائل المتاحة من صحف وقنوات فضائية وإذاعات ومنابر عامة وندوات وأركان نقاش وملصقات ومنشورات.
أما محتوى هذه الرسائل أظن أنه يجب أن يتمحور حول التالي :
1. هناك انتهاكات حدثت في دارفور منها ما اعترفت به الحكومة ومنها ما تم كشفه بواسطة الشهود.
2. أن هذا الاتهام مسنود قانونيا ومبني على أدلة دامغة .
3. سيادة السودان تتمثل في استتباب الأمن وإقامة العدل وهذا ما لم تستطع الحكومة الحالية توفيره.
4. القانون الجنائي السوداني لا يشتمل على بعض القضايا وخصوصا قضايا جرائم الحرب وانتهاكات حقوق الإنسان.
وغير ذلك من التوضيحات لتنوير الشعب السوداني عن مجريات القضية

الأخ جعفر
أوافك الرأى فيما ذهبت اليه .

فوق

100%

>>>>>

علينا اللجوء الى القضاء لمحاسبة دعاة الفوضى والفساد أمثال هذا الشخص الغير متزن..
بلاغ جنائي بالتهديد بالقتل ضد حاج ماجد سوار

3. سيادة السودان تتمثل في استتباب الأمن وإقامة العدل وهذا ما لم تستطع الحكومة الحالية توفيره.


الاخ نزار لك التحية


نعم سيادة السودان تتمثل في استتباب الامن واقامة العدل


ولي قدام

الأخ كمبورة
الانفعال والتشنج سيدا الموقف
فى هذه الأيام ولكن هذا لا يمنع
من محاصرة المنفلتين قانونيا.

.

الأخ نزار
بين مؤيد و معارض للقرار يعتبر هذا البوست الاكثر تعقلا ولا يصدر الإ عن شخص مهموم بأمن وسلامة الوطن
ارجو من الأخ بكرى رفع هذا البوست عاليا

كثير من الجهلا يدعون ان مذكرة التوقيف استهداف لسيادة السودان العظيم هل هذا الاستهداف جاء
من دون ابادة جماعية من الذي ينكر هذا الابادة الجماعية حتي المتهم نفسة اعترف بعدد القتلي
عشرة الف الهل يعترف الرئيس علي الرغم الصحيح هذا عتراف ضمني من المتهم عمر البشير من الان
وصاعدا ان عمر البشير لم يكن رئيسا شرعيا لسودان مادام هو نفسة اعترف بقتل عشرة الف من الابرياء
الاحرار من شعبة ان استغرب من هذا الشعب الذي يدعي الوعي كيف يعترف الرئيس بقتل عشرة الف ومازل يههل
لة من الغريب عمر يعترف بقتل واخير ينقد نفسة بان استهداف
منذ الاستقلال مر علي السودان اكثر من ستة رؤوسا لماذا لم يتم استهدافهم

الأخ ناصر الاحمير
يلزمنا الكثير لرتق
ثقوب الذاكرة .
تسلم على المرور.

حبيب الكل
دوما فى السودان نتقهقر الى مستوى التجسيد
فى القضايا الوطنية بدلا من الارتقاء الى المبدأ.
أمر المحكمة الجنائية معروف للسودان حكومة ومعارضة
ولكن دوما نترك كل شئ لآخر لحظة.

اهــا
عاينو زي النوعية دي بلاي ..
إن شاء الله يا كومندر يكون الشعب السوداني دا سمع كلامك ..

بلاي لقيتم كيف؟؟

يا تمبس
أبو النيز دة براحة عليهو
وقعت ليهو فوق راسو شديد لمن ما فاهِم حاجة


آخر الزمن زي أبو النيز دة عايز يوري الشعب السوداني يعمل شنو

حِكم والله

Quote: عليه ... احذر المواطنيين وعام الشعب من .. 1- الانخراط في اي اعمال عنف ضد بعضهم البعض وعدم الانسياق وراء الاحاديث الدنيئة والتسربات العنصرية 2- مهما حدث فلن يكون نهاية السودان او زواله فلنتحلى برباطة الجأش والمشاركة في النظره المستقبلية والحلول الممكنة 3- اتفاقية السلام وضعت حداً مأساوي للحرب بين الشمال والجنوب فلن يأثر عليها القرار ومن قبل قد رحل القائد جون قرنق ... فمابين الشماليين والجنوبيين لن يتغيير

يا كمندان عــلاء ..
عليك الله عاين من البداية .. احذر المواطنين وعام الشعب ..
تخيل عليك الله ..؟
طبعا دي السيناريوهات المعششة ليهم في راسهم .. جوطة كدا وكيته لي رب السمــاء يللا بعداك كل زول يسل سكينو ويقطع اضان الجمبو .. واقرب واحد قاعد يتغدى في مطعم القراصة بتاع (عز خزانات) فور سماع القرار يجي جاري على القصر الجمهوري .. ويستلم سيادة الرئيس .. ويعمل ليهو فرش متاع في العمارة الكويتية
تخيل النوع دا بيحلم بي سيناريوهات زي دي .. علشان يجيك هشام هباني ظاطوووو خاشي بي طكسيهو القصر الجمهوري ..

والله ما فضل إلا يقول للشعب السوداني دا كل واحد فيكم يعمل ليهو برواز ويخت فوقو صورة اوكامبووو ويحوم بيها .. زي نظرية حيدر يوم الاتنين اياهـ

طبعا امنقه حاجة يا علاء .. لي كم يوم قاعد اقرا لي في نظرية بتاعت ناس حيدر ومن لف لفهم ..
قالو في نبؤة إنو الشعب ح يقطلع ليك الرئيس والكيزان قلعـا ويصبهم صبا في شنو كدا ما عارف

غايتو ما عارف لكن عندي احساس كدا انو الناس دي جايه من مجرة تانية ..
بيدوني احساس انهم من اورانوس عديل كدا ..

Quote: طبعا دي السيناريوهات المعششة ليهم في راسهم .. جوطة كدا وكيته لي رب السمــاء يللا بعداك كل زول يسل سكينو ويقطع اضان الجمبو .. واقرب واحد قاعد يتغدى في مطعم القراصة بتاع (عز خزانات) فور سماع القرار يجي جاري على القصر الجمهوري .. ويستلم سيادة الرئيس .. ويعمل ليهو فرش متاع في العمارة الكويتية تخيل النوع دا بيحلم بي سيناريوهات زي دي .. علشان يجيك هشام هباني ظاطوووو خاشي بي طكسيهو القصر الجمهوري ..

الله يجازي محنك يا تمبس

تمبس ياخ إنضبط و خلِّي عندك ظبط و ربط و أسمع التعليمات
أبو النيز دة برّاحة عليهو
ديل مناضلين زي الكستر ياخ
الواحد كان سلّمت عليهو ممكن ينجرح

يا تمبس:

هل تريد الكرت الأخضر مدي الحياة؟

Quote: تمبس ياخ إنضبط و خلِّي عندك ظبط و ربط و أسمع التعليمات

..
لكن عاين زي الكلام دا ..؟
والله يا كمندان كلما حاولت اباصرو بي حته غلبني ..
الناس دي بتتكلم بي ياتو احداثيات ؟؟
تسكت .. تصاب بي تبلد في الغدد البليدية .. تتكلم معاهم يقولو ليك إنت بتعرف حاجة ..
يجو يرشوك بي كلام زي دا ..

يعني عليك الله نعمل شنو بس .. نخلي البورد دا

شكرا علاء .. شكرا تمبس
ومن يضحك أخيرا يضحك كثير ا
ولو بعد حين
( هذا الحين قد يكون 20 عاما )
ومن لم يسرق أو يفسد فليس لديه
مخاوف من التغيير داخلى أم خارجى.
وشكرا مرة أخرى على المثابرة .

Quote: يا تمبس: هل تريد الكرت الأخضر مدي الحياة؟

دا عرض مغري يا نزار حسين عندك اي خيارات .. علي الاقل الواحد يبقى مفتح شوية من التغميضة الفوقا دي ..

Quote: شكرا علاء .. شكرا تمبس ومن يضحك أخيرا يضحك كثير ا ولو بعد حين ( هذا الحين قد يكون 20 عاما ) ومن لم يسرق أو يفسد فليس لديه مخاوف من التغيير داخلى أم خارجى. وشكرا مرة أخرى على المثابرة .

عشرينك دي انا تحديدا ما شايله .. لوز بحسب بي حسابات عشرين وتلتين كان قبال ما يعرف غيرك أو إنت درب الحتات القاعدين فوقا دي كان برضو الفرصة متاحه لينا .. لكن الواحد ما عارف يومو دا يتمو واللا ما يتمو .. علشان كدا افتراضك دا انا تحديدا ما شايلو
بس مالك مادي المسالة لي عشرين وافتراضات زي دي .. ما وضعتو السيناريوهات علشان كمان تجيهو بيها الناس وبقيتو تحذرو فيهم .. وانت اطلع وانت ما تطلع ..
حسع مالكم بقيتوها افتراضات يمكن آهـ ويمكن لا .. وعشرين وتلتين وسبعين ..
اصحو ياخ .. اصحو وبطلو البتعملو فوقو دا .. دا ما بيحلكم عشرينكم دي تجي مارة مرور الكرام وتجي فوق ليها عشرينات .. زي العشرين الفاتت دي وكلها قضيتوها نواح وتقارير وكضب ..

Quote: ومن لم يسرق أو يفسد فليس لديه مخاوف من التغيير داخلى أم خارجى.

غنتو خلاص غلبكم وبقيتو تتكلمو بي لسان الناس البغيرو ليكم ..؟ يعني بي نظام غيرو لينا وشيلو نصكم وادونـا نصنـا ؟؟
دي ما اظنها تبقى .. بعد اتضحت الحاجات .. كنكشو قوي في ناسكم الخارجيين ديل خلوهم يغيرو ليكم .. وتعالو داخلين بي بدلكم دي بعد التغيير ..
الناس اللابسه العراريق المغبشة .. والجلوده منطبقة مع عضامه .. من المعاناة قاعدهـ .. واول ناس بيلاقوكم وبيلاقو الخارجيين بتاعنكم ديل .. لكن الويل ليكم .. من غضبم لما يلاقوكم ..

الأخ تمبس
لكل معركته ويعلم كيف يديرها.
" والمعارك تكسب قبل خوضها"
Every battle is won, before it is even fought
بالمناسبة المقولة لواحد صينى قبل حوالى 2500 سنة.

Quote: الأخ تمبس لكل معركته ويعلم كيف يديرها. " والمعارك تكسب قبل خوضها" Every battle is won, before it is even fought بالمناسبة المقولة لواحد صينى قبل حوالى 2500 سنة.

..
عاين ما تشبكني أمثال صينية وأمثال سرية ..
والله مش من حوالي اتنين الف وخمسمية سنة .. لو نزل بعد عام الفيل مباشرة .. ما شايلو ..
إنت دير معركتك بي طريقتك الفوق دي .. وبالكلام الخارم بارم دا .. ونحن بنجيب ليك امثالنا من العامية السودانية ـ علشان تلبس ليك نضارة وتشوف كويس ..
محتاج لي انك تستعمل ليك قطرة قبال النضارة ..
الواحد لو عارفك بتاع مقولات وحكم صينية .. كان عرفك بتفكر بالطريقة الصينية من الأول وكان قعد يضحك بس على حالك ..
الأخ مش حركة شعبية .. ؟
مش تنظيمك جزء اصيل من الحكم ؟؟
طيب دا شنو الكلام الخارم بارم البتقول فوقو دا وتاميهو امثال صينية ..

نزار

تحياتي

العقول الكبيرة ترى المعاني

والمتوسطة ترى الأحداث

والصغيرة ترى الأشخاص


الباقر موسى

Quote: نزار تحياتي العقول الكبيرة ترى المعاني والمتوسطة ترى الأحداث والصغيرة ترى الأشخاص الباقر موسى

. يا سلالالالالام ياخ .. دائما يمتعني حديثك وما فيه من حكم .. اعتقد سيستفيد منها السودان كثيرا .. وتقلب الحكومة .. برافووووو

الأستاذ الباقر موسى
حق لنا أن نحتفل لعدم حدوث فوضى
عقب صدور القرار رغم توعد صلاح قوش
الناس بقطع الأوصال. وها هو السيد عمرو
موسى يدعوا الى عمل قانونى وسياسى
بدلا من المظاهرات .

Quote: نزار تحياتي العقول الكبيرة ترى المعاني والمتوسطة ترى الأحداث والصغيرة ترى الأشخاص الباقر موسى

حديثك هذا يدعم ما ذهب اليه الدكتور
محمد جلال أحمد هاشم فى تحليله لقضايا
الثورة والديمقراطية والمتمثل فى مراحل
التجسيد.
الرمز.
والمبدأ.
فالأول يجسد القضية فى شخص .
والثانى يبحث عن قتيل( أو شهيد) ليجعله رمزا.
والأخير يدعوا الى المبدأ فى حد ذاته .

الحركة الشعبية لتحرير السودان
مكتب الأمين العام
رسالة من القائد الفريق أول/ سلفا كير ميارديت رئيس الحركة الشعبية لتحرير السودان
والنائب الأول لرئيس جمهورية السودان ورئيس حكومة الجنوب

إلى الشعب السوداني بخصوص الاتهامات الموجهة من المحكمة الجنائية الدولية ضد الرئيس عمر حسن احمد البشير

أعزائي المواطنين .. الشعب السوداني:
غداً تصدر المحكمة الجنائية الدولية قرارها ضد الرئيس/ عمر حسن أحمد البشير بناءً على ما أعلنته المحكمة من قبل.
ولكن هذا ليس علامة تدل على نهاية موضوع المحكمة الجنائية الدولية فهذه القضية قد يتم تعليقها بالإجراءات لمدة ولكنها بالتأكيد لن تكون نهاية بلادنا- ويجب أن يتحرّك السودان والحكومة. إلى ما بعد اليوم، وسوف نعمل لما بعد غد، هذه الظاهرة يجب ألا ننظر اليها كأزمة حرجة بل كفرصة لتوطيد وبسط السلام والعدالة والاستقرار في بلادنا.
ومن أجل أن نفكر ونعمل لما بعد غد يجب أن نواصل عمل الأشياء التي تضمن وتحافظ على السلام والاستقرار في بلادنا، كما يجب أن نواصل تعزيز الأمن والحماية لكل المواطنين السودانيين وكل الأجانب المقيمين بالسودان. أنا أثق أن قواتنا العسكرية ومؤسسات إنفاذ القانون سوف تحترم الحقوق الأساسية للشعب، وتحافظ على القانون والنظام، وسوف تلتزم وتطيع الدستور الانتقالي لحكومة السودان. ويجب أن نواصل توفير الأمن والحماية لكل الأجانب الذين يعيشون بالبلاد أو القادمين للزيارة والسياحة، كما يجب أن نواصل تسهيل مهام قوات حفظ السلام التابعة للأمم المتحدة والاتحاد الإفريقي، وكل المنظمات الإنسانية. يجب أن نواصل عملنا اليومي بشكل اعتيادي ونواصل معاملة أنفسنا والأجانب بتلك الضيافة العظيمة والحضارية، التي عُرف به شعب السودان، كما يجب أن نواصل في فعل كل ما يجب أداؤه للخروج من الأزمة المالية الاقتصادية الحالية، وأن نواصل في لعب دورنا كأشخاص مسؤولين وجزء من مجتمع هذه الأمة.
http://splm-ns.org/news.php?action=show&id=4

لا يعقل أن نختزل الوطن فى شخص أو تنظيم .