Post: #1
Title: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-22-2009, 08:41 AM
السعودية وقطر تعرضان استضافة البشير في حالة ملاحقته
القاهرة ـ العرب اونلاين ـ وكالات: اشارت تقارير صحافية إلى عرض دول عربية من بينها السعودية وقطر استضافة البشير في حالة صدور قرار بملاحقته قضائيا.
كما ذكرت التقارير أن الملك عبدالله بن عبدالعزيز ملك المملكة العربية السعودية قد عرض استضافة البشير، وذلك لتلافي تعقيدات في حالة صدور أمر ملاحقة من المحكمة الجنائية.
في الأثناء يبدأ الرئيس السوداني عمر البشير الأحد زيارة رسمية الى مصر سيلتقى خلالها مع الرئيس المصرى حسنى مبارك.
وذكرت وكالة الانباء السودانية أن القمة السودانية المصرية ستتناول التطورات فى السودان وجهود تحقيق السلام فى دارفور وقضية المحكمة الجنائية الدولية.
وقالت مصادر دبلوماسية مصرية إن البشير سوف يناقش مع مبارك مسألة مذكرة التحقيق التي يعتزم قضاة المحكمة الجنائية الدولية توجيهها للبشير بتهم ارتكاب جرائم حرب وجرائم ضد الانسانية في دارفور.
ويستعد قضاة المحكمة الجنائية الدولية لاصدار مذكرة توقيف بحق البشير بتهمة ارتكاب جرائم حرب وجرائم ضد الانسانية في دارفور.
وكان المدعى العام للمحكمة الجنائية الدولية لويس مورينو أوكامبو تقدم في يوليو/ تموز الماضي بطلب لتوقيف واعتقال البشير بتهمة الإبادة باقليم بدارفور.
وقال أوكامبو أن حملة الابادة الجماعية في دارفور أسفرت عن مقتل 35 ألف شخص وتعرض 100 ألف آخرين "للموت البطيء" وتشرد 2.5 مليون شخص لتردي الاوضاع في الاقليم الواقع في غرب السودان.
ووقعت السلطات السودانية وحركة العدل والمساواة الحركة المتمردة، الأبرز في اقليم دارفور، الثلاثاء في الدوحة اتفاق اعلان نوايا يفتح المجال امام مفاوضات سلام بهدف وضع حد لنزاع مستمر منذ ست سنوات.
وأكد وزير الخارجية المصري أحمد أبوالغيط السبت ان زيارة الرئيس السوداني عمر البشير الى القاهرة تأتي في إطار جهود التوصل الى تسوية سياسية شاملة ودائمة لأزمة إقليم دارفور.
وأوضح أبو الغيط، في تصريح للصحافيين، إن البشير سيلتقي غداً الرئيس المصري حسني مبارك للتشاور بشأن جهود التسوية السياسية لأزمة دارفور، والموقف من تنفيذ اتفاق السلام الشامل.
وطالب أبو الغيط المجتمع الدولي بمساعدة الحكومة السودانية على تنفيذ التزاماتها تجاه مواطنيها، وتجنب ممارسة الضغوط غير المتوازنة.
|
Post: #2
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: أحمد الشايقي
Date: 02-22-2009, 11:05 AM
Parent: #1
والله تب ما قصــروا
أحمد الشايقي
|
Post: #3
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: الشامي الحبر عبدالوهاب
Date: 02-22-2009, 11:34 AM
Parent: #2
اذا صدر الامر فالسعودية لن تستطيع تقديم مثل هذا العرض
لانها مثلها مثل الدول الاخري ستكون ملزمة بتسلبمه
ولكن يمكن ان يكون ذلك مقبولا اذا صح ما يتم تداوله حول اقناع البشير
بالتخلي عن السلطة مقابل التخلي عن ملاحقته عند ذلك يكون العرض السعودي
ضمن صفقة شاملة بحيث يكون موجودا علي اراضيها وهو غير ملاحق
وهذا ليس بمستبعد لان السعودية سبق وان قامت بمثل ذلك( نواز شريف نموذجا)
|
Post: #11
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-22-2009, 10:46 AM
Parent: #3
Quote: اذا صدر الامر فالسعودية لن تستطيع تقديم مثل هذا العرض
لانها مثلها مثل الدول الاخري ستكون ملزمة بتسلبمه
ولكن يمكن ان يكون ذلك مقبولا اذا صح ما يتم تداوله حول اقناع البشير
بالتخلي عن السلطة مقابل التخلي عن ملاحقته عند ذلك يكون العرض السعودي
ضمن صفقة شاملة بحيث يكون موجودا علي اراضيها وهو غير ملاحق
وهذا ليس بمستبعد لان السعودية سبق وان قامت بمثل ذلك( نواز شريف نموذجا) |
تشكر يا شامي يا صديق
وكتر خيرك كتير على التوضيحات
نظرنا للخبر من الناحية الانسانية أيضا
اضافة للنواحي العدلية والخلاصية طبعا
ونسأل الله "الأيسر" لنا وللـ "جميع"
أيا كان ما يجري وراء الكواليس العربية والعجمية والـ بين بين
مالم يكن هذا الأيسر ظلماأو "فوضى" أو احتقان
ولك مني دائم كل المحبة والامتنان
|
Post: #7
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-22-2009, 12:12 PM
Parent: #2
Quote: والله تب ما قصــروا
أحمد الشايقي |
تشكر أحمد للمرور
والتداخل
ويديك العافية
بلحيل ما قصروا مع أخونا
وبيني وبينك
انا لو محلو
بحمد الله مليون مرة
على التشكيلة الرائعة من هذه الخيارات
السجن في لا هاي ما بطال
والتقاعد في بلد الرسول (صلى الله عليه سلم) فرصة ذهبية للاستغفار والتوبة وما إلى ذلك
دا غير (ما خفي ) من عروض ، الله أعلم بها
لك كل المنى ، وعظيم الامتنان
|
Post: #20
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: Elsiddig A. Ahmed
Date: 02-22-2009, 02:56 PM
Parent: #7
الاخ البحيري سلامات
القصة ما القبض ولا الايداع فى سجن لاهاي انما التحقيق من الاتهامات ومن ثم الكشف عن المتورطين الحقيقين فى الجرائم لان البشير كرئيس مسئول بشكل اخلاقى عن سلامة مواطنيه ومسئول ايضا بشكل قانوني عن الوزراء والذين يعملون بصورة مباشرة تحت امرته واي مسئول فى حالة الرئيس من المفترض يكشف هؤلاء ويقدمهم للعدالة وهذا لم يحدث
اشرف له مليون مرة ان يواجه المحكمة ويفند الادعاءات ان كان فعلا غير متورط فى الحاصل ويكشف المستور زى ما عمل مع الترابي وكشفه بانه وراء الانقلاب و وراء مقتل بولاد وكل عمايل الانقاذ فى العشرة سنوات الاولى
واذا قبل ان يمشي يحتمى باى دولة ما الفرق ما بين لاهاي ومحل اقامته الجديدة حيكون محدد الاقامة وممنوع من التحرك الا بقرار من ناس دولة المقر يعنى سجن عديل كدا وعشان كده احسن وافضل ليه يمشي يصارع الاسد يمكن يطلع بضنبو ويمعط شنبو وياخذ براءة وساعتهايكون وضع سابقة استداعائية فى تحقيق العدالة ويدخل موسوعة جينز
والله ما عنده حل غير يسرعوا فى تحقيق سلام دارفور والتحول الديمقراطي وتغير القوانين المتعارضة مع الدستور وبعد داك تعال شوف لو فى زول تانى جاب سيرة الجنائية
بس خليهم يترحمنوا بالواحد الصمد ويقول بسم الله ابتدينا
الله ما شافوا بالعين لكن عرفوا بالعقل
بالله كده كويس يفرجوا فينا العالم
لك الشكر والتقدير
الصديق
|
Post: #26
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-25-2009, 05:56 PM
Parent: #20
Quote: الاخ البحيري سلامات
القصة ما القبض ولا الايداع فى سجن لاهاي انما التحقيق من الاتهامات ومن ثم الكشف عن المتورطين الحقيقين فى الجرائم لان البشير كرئيس مسئول بشكل اخلاقى عن سلامة مواطنيه ومسئول ايضا بشكل قانوني عن الوزراء والذين يعملون بصورة مباشرة تحت امرته واي مسئول فى حالة الرئيس من المفترض يكشف هؤلاء ويقدمهم للعدالة وهذا لم يحدث
اشرف له مليون مرة ان يواجه المحكمة ويفند الادعاءات ان كان فعلا غير متورط فى الحاصل ويكشف المستور زى ما عمل مع الترابي وكشفه بانه وراء الانقلاب و وراء مقتل بولاد وكل عمايل الانقاذ فى العشرة سنوات الاولى
واذا قبل ان يمشي يحتمى باى دولة ما الفرق ما بين لاهاي ومحل اقامته الجديدة حيكون محدد الاقامة وممنوع من التحرك الا بقرار من ناس دولة المقر يعنى سجن عديل كدا وعشان كده احسن وافضل ليه يمشي يصارع الاسد يمكن يطلع بضنبو ويمعط شنبو وياخذ براءة وساعتهايكون وضع سابقة استداعائية فى تحقيق العدالة ويدخل موسوعة جينز
والله ما عنده حل غير يسرعوا فى تحقيق سلام دارفور والتحول الديمقراطي وتغير القوانين المتعارضة مع الدستور وبعد داك تعال شوف لو فى زول تانى جاب سيرة الجنائية
بس خليهم يترحمنوا بالواحد الصمد ويقول بسم الله ابتدينا
الله ما شافوا بالعين لكن عرفوا بالعقل
بالله كده كويس يفرجوا فينا العالم
لك الشكر والتقدير
الصديق |
كلامك عين العقل يا سيدي
بس "الفهم" قسم
وكذلك "الضمير" و"النخوة" و"الاخلاق"
ووالله العظيم نحن حكايات سجنهم وبهدلتهم دي ما دايرنا ليهم
إلا إنهم كعادتهم دائما يجبروك على إنك تدور ليهم الأسوأ
اسي عليك الله كان حاولوا "رشوة" الشعب السوداني رشوة حقيقية بجزء يسير من "أمواله" التي لا يزالون يبعزقونها في الداخل والخارج على اللي يسوا واللي ما يسوا موش كان احسن ليهم واكرم واقرب "للنجاة"
ولا أقل مما قلته يا صديقي الصديق
لك كل الحب ووافر الامتنان والتقدير
|
Post: #4
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: شكرى سليمان ماطوس
Date: 02-22-2009, 11:34 AM
Parent: #1
http://www.alarabonline.org/index.asp?fname=\2009\02\02.../2009%2007:20:01%20ص
الأخ الكريم / فتحى،، لك التحية
و شكراً لنقل الخبر
أعلاه الرابط للدورية الإلكترونية
إجتهدت لأعرف القائمين على أمرها، ففشلت
تقيم/تحليل الخبر يحتاج معرفة أرضية و لونية صاحب المصدر
عشمى أن نسمع من له معرفة عن alarabonline أن ينورنـــا
ش
|
Post: #5
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: khaleel
Date: 02-22-2009, 11:49 AM
Parent: #4
عدلنا يا بشير احمد
لكن مافيش قرار وان صدر لن ينفذ
|
Post: #6
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: بشير أحمد
Date: 02-22-2009, 12:10 PM
Parent: #5
المهندس خليل
الله يستر عليك من حماة الفضيلة في المنبر ؛
امسح سريع.
_____________
فتحي البحيري
تحياتي ؛؛؛
شفت ليك جعلي ود عرب هرب ؟
|
Post: #8
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: ود الباوقة
Date: 02-22-2009, 12:14 PM
Parent: #6
شفت ليك جعلي ود عرب هرب ؟
دكتورنا بشير ...
اخونا البحيري يمني نفسه باماني تندرج ضمن احلام اليقظة ..
|
Post: #19
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-22-2009, 02:37 PM
Parent: #8
| Quote: اخونا البحيري يمني نفسه باماني تندرج ضمن احلام اليقظة .. |
ود الباوقة تحياتي
...الفيك بدر بو
أحلام اليقظة هي عدم صدور القرار
و"كان حيين بنتلاقى"
جهز ليك زول لي حليفة الطلاق ساكت !!!!
وبعدين
صدقني
نحن الاحلام زاتا ما عندنا ليها "فاقة"
نحن بنتاتي "القدر"
قدر ما نقدر
.... تسلم للمرور على كل حال
|
Post: #10
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: ادريس خليفة علم الهدي
Date: 02-22-2009, 12:22 PM
Parent: #6
| Quote: شفت ليك جعلي ود عرب هرب ؟ |
بالحييييييييييل
|
Post: #16
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-22-2009, 12:32 PM
Parent: #10
ادريس
انت معانا ولا معانا؟؟؟
وفي الحالين لك الشكر على المرور والتداخل
والاهتمام
|
Post: #15
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-22-2009, 12:03 PM
Parent: #6
Quote: فتحي البحيري
تحياتي ؛؛؛
شفت ليك جعلي ود عرب هرب ؟ |
بشير احمد تحياتي
ودون غوص في تحليل تناقضات الجملة الأخيرة
ومع كامل احترامنا لأهلنا المفترى عليهم
بلحيل
تحب اديك التفاصيل هنا
ولا
أحسن
|
Post: #9
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: abdulhalim altilib
Date: 02-22-2009, 12:17 PM
Parent: #5
أخي / فتحي
تحياتي ،
| Quote: السعودية وقطر تعرضان استضافة البشير في حالة ملاحقته |
ولكن بدلاً من هذا الكرم الحاتمي في الضيافة ، أما
كان الأجدى والأنفع والأصلح لنا ولرئيسنا أن تتحرك الدولتان
و بما لهما من نفوذ وكلمة مسموعة لدى أصحاب القرار
الحقيقيين ، في تجميد أو تعليق أو الغاء ما هو بصدده مدعي
المحكمة الجنائية الدولية ، التي ترفض أمريكا حتى مجرد
تقديم أحد جنودها للمحاكمة أمامها ، دع عنك كبار المسؤولين فيها ؟!
أخي / ود الشايقي ،
تحياتي
| Quote: والله تب ما قصــروا |
فعلا ، وياها المحرية فيهم .. ولكن ؟؟؟!!!!
مودتي ،
( ليمو )
|
Post: #25
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-24-2009, 08:36 PM
Parent: #9
Quote: ولكن بدلاً من هذا الكرم الحاتمي في الضيافة ، أما
كان الأجدى والأنفع والأصلح لنا ولرئيسنا أن تتحرك الدولتان
و بما لهما من نفوذ وكلمة مسموعة لدى أصحاب القرار
الحقيقيين ، في تجميد أو تعليق أو الغاء ما هو بصدده مدعي
المحكمة الجنائية الدولية ، التي ترفض أمريكا حتى مجرد
تقديم أحد جنودها للمحاكمة أمامها ، دع عنك كبار المسؤولين فيها ؟!
|
العزيز ليمو
تحياتي وشكري
أغلب ظني أن الجماعة بيحاولوا لكن يبدو أن الانقاذيين صععععععبوها عليهم
وهم طبعا بيحاولوا ليس محبة في البشير ومن معه
ولكن لاعتبارات يعرفونها هم
وما علينا
علينا أن نشكرهم على محاولاتهم وعروضهم جميعا
ما لم ينجح منها
وما قد لا يجدي
خالص الامنيات
عميق الامتنان
|
Post: #13
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-22-2009, 11:11 AM
Parent: #5
Quote: عدلنا يا بشير احمد
لكن مافيش قرار وان صدر لن ينفذ |
على الرغم من أنني قرأت مداخلتك هذه قبل التعديل يا .... يا ... بشمهندس
إلا إنني حاعمل روحي ما قريتا!!
قصرت معاك ؟؟؟
وفي اعتقادي أن سوءة المداخلة بعد التعديل أكبر من سوءتها قبل التعديل
عمليا المحكمة الجنائية حاتخد قرار بخصوص البشير .. حاتخد قرار ... ما في ذلك شك
أي نعم أن هناك احتمال ضعيف جدا جدا بانوا يكون القرار دا رفض طلب المدعي العام بالأمر باعتقال البشير
لكن في النهاية قرار
أما عن التنفيذ.... فحدث ولا حرج !!
لكن ، بغض النظر عن العنصرية ودفن الرءووس في الرمال ، النكتة كانت "لزيزة"
|
Post: #18
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: بشير أحمد
Date: 02-22-2009, 12:55 PM
Parent: #5
المهندس /خليل
تحياتي؛؛؛
Quote: عدلنا يا بشير احمد
لكن مافيش قرار وان صدر لن ينفذ |
والله راجل
دي المحرية فيك
تشكر ياهندسة ؛اكيد مافي قرار ولاغيرو
لكن البقنع فتحي البحيري وبقية الرهط منو ؟
|
Post: #12
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-22-2009, 11:01 AM
Parent: #4
Quote: الأخ الكريم / فتحى،، لك التحية
و شكراً لنقل الخبر
أعلاه الرابط للدورية الإلكترونية
إجتهدت لأعرف القائمين على أمرها، ففشلت
تقيم/تحليل الخبر يحتاج معرفة أرضية و لونية صاحب المصدر
عشمى أن نسمع من له معرفة عن alarabonline أن ينورنـــا
|
شكرا شكري
قمت بنقل الخبر كما هو من موقع العرب أونلاين
ويظل على مسئوليتهم
وهو لا يخرج مما ظل متداولا "عربيا" الأيام السابقة من أن الأخ "الرئيس" عمر البشير أضحى ورقة محروقة
هكذا تقول الوقائع والنظرة الموضوعية للتداعيات
بعيدا عن الرغائب والرغائب المضادة
المشكلة الآن يا صديقي ليس فيما إذا كان هناك عرضا سعوديا او قطريا أو خلافه باستضافة البشير
المشكلة على يستطيع "أهلنا" في السلطة الخرطومية والنخب السياسية المجاورة لها التفكير بقليل جدا مما يشبه العقل والعدل
بغية تجنيب أهلهم ووطنهم أسوأ المصائر
|
Post: #14
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: عبدالله
Date: 02-22-2009, 11:32 AM
Parent: #12
فتحي سلام
عدالة محكمة الجنايات الدولية يافتحي كسراب بقيعة
يحسبها الظمآن ماء
|
Post: #33
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-28-2009, 03:35 PM
Parent: #14
Quote: عدالة محكمة الجنايات الدولية يافتحي كسراب بقيعة
يحسبها الظمآن ماء |
شكرا عبد الله
حتى الآن لا حق لي في تكذيبك
ولا حق لي في تصديقك أيضا
ولكني اثق ثقة مطلقة في عدالة السماء ، وفي العدالة المطلقة ، والتي لن يعجزها أن تتقرب للضحايا بما يحدث الآن من إجراءات في الآي سي سي
لك كل الود
|
Post: #17
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: Mohamed Yassin Khalifa
Date: 02-22-2009, 12:34 PM
Parent: #4
الشقيق الأستاذ شكري
تحية طيبة...
صحيفة العرب الدولية صحيفة ليبية (ممولة ليبيا) تصدر من لندن
وهي من أقدم الصحف العربية الصادرة في بريطانيا...
وكانت الصحيفة الوحيدة التي يسمح لها بالتوزيع في داخل ليبيا
|
Post: #21
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: شكرى سليمان ماطوس
Date: 02-22-2009, 03:07 PM
Parent: #17
الشقيق الكريم /محمد يس خليفة،،، بعد التحية و الإحترام
أقدر و أشكر توضيحكم،، نعم، أعرف صحيفة العرب اللندنية تماماً
على خلفية تلك الصحيفة و إرتباطاتها..
أقــــــــــول و بملىء فـــمى بأن :
الكلام دخـل الحـــــــــــوش...
و [ان هنالك شـــىء من حــــتى
قالوااا أهلنا ، زمان:
"الصقر لمأ يقع كترت البتابت عـــيـب"
-------
مرة أخرى
لك التحية صاحب البوست
ش
|
Post: #22
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: ABU QUSAI
Date: 02-22-2009, 03:20 PM
Parent: #17
Quote: شفت ليك جعلي ود عرب هرب ؟
|
هههههههههههههههههه بقت مضرب مثل يا ود الباوقة . (قام قومة فلان من شندي)
القصة خلوها تتشايل في إطار السودان كله حكاية جعلي وغيره دي خلوها هسع .
أبو قصي
|
Post: #23
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: Wasil Ali
Date: 02-22-2009, 04:03 PM
Parent: #22
Quote: اذا صدر الامر فالسعودية لن تستطيع تقديم مثل هذا العرض
لانها مثلها مثل الدول الاخري ستكون ملزمة بتسلبمه |
قرار مجلس الأمن الزم الأطراف المتحاربة في دارفور التعاون مع المحكمة. بالنسبة للدول الأخرى مجلس الأمن دعاها للتعاون وليس هناك الزام باستثناء اعضاء ميثاق روما طبعا. السعودية ليست من دول ميثاق روما فليست ملزمة بتسليم البشير
|
Post: #34
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 03-01-2009, 04:56 PM
Parent: #23
| Quote: قرار مجلس الأمن الزم الأطراف المتحاربة في دارفور التعاون مع المحكمة. بالنسبة للدول الأخرى مجلس الأمن دعاها للتعاون وليس هناك الزام باستثناء اعضاء ميثاق روما طبعا. السعودية ليست من دول ميثاق روما فليست ملزمة بتسليم البشير |
شكرا جزيلا واصل للتوضيح
وتسلم للمرور
ولا عدمناك أبدا
|
Post: #24
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: ود الباوقة
Date: 02-22-2009, 04:13 PM
Parent: #22
هههههههههههههههههه بقت مضرب مثل يا ود الباوقة . (قام قومة فلان من شندي)
من يضحك اولا يبكي اخيرا ....
|
Post: #27
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: Al-Sadig Yahya Abdall
Date: 02-25-2009, 06:29 PM
Parent: #24
فدى لكما رجلاي أمي و خالـــتي *** غداة الكلاب اذ تحز الدوابر
نجوت نجاءا لم يرى الناس مثله *** كأني غراب عند تيمن كاســر
قصص العرب فيها الهروب و الثبات و عرب السودان ليسوا استثناءا في الحالتين و نكتة شارع المك نمر السودانية تؤكد على ذلك
|
Post: #36
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 03-02-2009, 12:14 PM
Parent: #27
فدى لكما رجلاي أمي و خالـــتي *** غداة الكلاب اذ تحز الدوابر
نجوت نجاءا لم يرى الناس مثله *** كأني غراب عند تيمن كاســر
ـــــــــــــــ
هيع !!
خالص الود الاخ الصادق
على التثقيف .. والتحليل "الفاعلي" الجاهلي
وكلي ثناء وتقدير
|
Post: #28
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: Abd Alla Elhabib
Date: 02-25-2009, 06:36 PM
Parent: #24
| Quote: من يضحك اولا يبكي اخيرا |
بإذن الواحد الأحد تبكي جنس بكا ياباوقة
أنت وأمثالك مناصرى القتلة والسارقين
--------------------
بيني بينك يا بحيري : الجقلبة دي ما أخير
منها البكاء بحرقة في صحراء مترامية !!
|
Post: #29
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: فتحي البحيري
Date: 02-27-2009, 07:09 PM
Parent: #28
شكرا لكل المتداخلين
نرفع البوست
لكي نتذكر العودة إليه لاحقا
للتعقيب ومزيد من النقاش
|
Post: #31
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: Elsiddig A. Ahmed
Date: 02-27-2009, 08:19 PM
Parent: #30
الاخ فتحى سلامات
ذى ما كتبت سابقا الكرة فى ملعب ناس الانقاذ عليهم تسريع الحل بما يحفظ ماء وجهم وقضية الولوله والمراوغة الكثيرة الكرة بتروح منهم وبعدين يقعدوا يتحسروا ويولوموا فى بعض دا لو ما جابت ليها طبنجات ومدافع جيم 3 ورشوا بعض انت عارف يا فتحى بقوا ذي الفريق الماعندوا مدرب لا بتعرف الاداري من اللاعب من المشجع كل مدرب وبتنظيرات خطيرة تلقى البيقول نلعب ب4-3-4 والبيقول لا لا لا نلعب ب5-4-2 والبقول لا لا لا نلعب ب 11 دفاع وهم مدورين فى القصة دى يقوم الحكم يعلن نهايةالمباراة قبل دخولهم الملعب وصدقنى ده الحيحصل وبعد دا تلاقهم كل واحد عايز يتخارج مع كثرة اللوم والشكاوي والشكية لغير الله مذله وداك يا معلومات انداحى البيقول والله كلمناهم من الاول الطريق ده ما صاح والبيقول ليك قلنا ليهم ناس دارفور ديل ناس فقرا ومطالبهم بسيطة ممكن نتفاهم معاهم ونديهم الفيه نصيب منهمالبديك اسماءالمتورطين ويقول ليك ده كل من راس فلان وفلتكان وتلقى فيهم من مستعد يكون شاهد ملك عشان يخلص نفسوا مع كوم البلايين النهبو يتخارج من القصة تعرف الناس ديل لما جوا فى الاول ماخدين القصة دين وشريعة جد جد ومقتنعين بانوا سوف يعيدوا مجد الخلافة وعهد عمربن عبد العزيز لما ركبوا السلطة وذاقوا حلاوة الكراسي باعوا مدربهم وقال الرجل كبر فى السن وضربات هاشم بدرالدين اثرت فى دماغوا و وعيه بداء يخرف وما عارفين انفسهم البدت تخرف الخرف الجد جد
والمثل بيقول التسوي بايدك يغلب اجاويدك يلا يخليهم يخموا ويصروا
|
Post: #32
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: Elawad Eltayeb
Date: 02-27-2009, 10:50 PM
Parent: #31
المعنى يعني ممكن قريب يكون من بورداب الرياض أو الدوحة؟
|
Post: #35
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: عبدالغفار محمد سعيد
Date: 03-01-2009, 05:50 PM
Parent: #32
الكلام ده ماكتبناه ليكم بدرى ياخ
| Quote: الجدير بالذكر انه الآن تتباحث بعض الدول العربية حول منح لجوء للسيد البشير فى اراضى احداها وربما يناقش أمير قطر ذلك مع البشير فى زيارته للخرطوم اليوم ، ولااستبعد ان تلك الدول العربية قد اتفقت مع الاتحاد الاوروبى وأمريكا حول هذا الامر. |
راحع الخيط التالى:
Re: الإختــــــــشوا ماتوا
|
Post: #37
Title: Re: مبروك : السعودية تعرض "إقامة" للبشير حال صدور مذكرة الاعتقال
Author: الحارث سرالختم عبد الله
Date: 03-02-2009, 01:27 PM
Parent: #35
الأخ صاحب البوست والأخوه المتداخلون السلام عليكم والله ياجماعه نحن مافى القرار نفسه نحن فى تداعيات القرار
لنجلس فى هدؤ وبدون تشنج وكلنا سودانيون وتهمنا مصلحة البلد كلهافهل القرار يصب فى مصلحة البلد وماهى
تداعيات هذا القراروالبلد اصلا ماناقصه ارجو ان ينحى النقاش الى هذا المنحى ثم بعد ذلك يتم التقييم مع
شكرى وتقديرى للجميع
ابو ختم
|
|