Post: #1
Title: بسم الله يا جماعه العندو بت رايحه يدخل البوست ده
Author: willeim andrea
Date: 02-18-2009, 08:27 PM
بسم الله الرحمن الرحيم ... ياجماعه جد ما عرفته نفسي ... افتش وافتش .... ولما قريت الاسم عرفته نفسي بس الصوره الفي البروفايل بتاعي دي جات من وين وبت منو ..... قصه واخره لسعه...... بس جد عاجباني وسكره واموره وتتربي في عز اهله..... واريته بتي بعد الحاله دي..... وليها مني سلسل وغويشات وجد تساهل كل الخير والحب ......عم وليم يا ستي
|
Post: #2
Title: Re: بسم الله يا جماعه العندو بت رايحه يدخل البوست ده
Author: محمد عبد الماجد الصايم
Date: 02-18-2009, 08:32 PM
Parent: #1
دبي بنية علي بشير زميلنا في المنبر يا عمكـ
ساكن في أبها يا حبيب .. أخد ليكـ مشوار وديها وتعال
|
Post: #3
Title: Re: بسم الله يا جماعه العندو بت رايحه يدخل البوست ده
Author: Amira Elsheikh
Date: 02-18-2009, 08:40 PM
Parent: #2
Quote: دبي بنية علي بشير زميلنا في المنبر يا عمكـ
ساكن في أبها يا حبيب .. أخد ليكـ مشوار وديها وتعال |
الله.. يدينا خيرك ياقول حبوبة....
جايب خبر كل شئ....
بس ياعمك ماوريت السبب الجابها فى بروفايل عمك وليم شنو??
فيك الخير
|
Post: #4
Title: Re: بسم الله يا جماعه العندو بت رايحه يدخل البوست ده
Author: najma
Date: 02-18-2009, 09:27 PM
Parent: #3
بس البنوووتة حلووووه شديد ربنا يخليها لوالديها
وليم ود الصايم واميره مساكم الله بالخير
|
Post: #5
Title: Re: بسم الله يا جماعه العندو بت رايحه يدخل البوست ده
Author: willeim andrea
Date: 02-18-2009, 09:28 PM
Parent: #2
Quote: بنية علي بشير زميلنا في المنبر يا عمكـ
ساكن في أبها يا حبيب .. أخد ليكـ مشوار وديها وتعال |
ود الصايم الظريف .... قلته كده طيب اقول ليك كدي تعال بالبرادو ونعمل تستا لجبال الجنوب ونزور ناس الديره بس بعد ما نغشي سوق الدهب سلسله وغوايش وحلق للاموره ..... بت اخونا علي بشير .... بس ما قلته لي اها ابها دي مش بعيده....
|
Post: #6
Title: Re: بسم الله يا جماعه العندو بت رايحه يدخل البوست ده
Author: willeim andrea
Date: 02-20-2009, 10:25 AM
Parent: #5
وبعدين .... !
|
Post: #7
Title: Re: بسم الله يا جماعه العندو بت رايحه يدخل البوست ده
Author: willeim andrea
Date: 03-21-2009, 03:30 PM
Parent: #6
وبعدين تاني.... والتالته وبعده المصادره عديل .... :)
|
Post: #8
Title: emkin biti
Author: Nun Osman Yousif
Date: 03-21-2009, 06:07 PM
Parent: #1
سلام وليم
عاد لكن هي جميله جمال غايتو كان ما ظهر ليها زول انا حاتصلبت فيها...
تحياتي
نون بت سارة
|
Post: #9
Title: Re: emkin biti
Author: على محمد على بشير
Date: 03-21-2009, 06:15 PM
Parent: #8
وليم يا لزيز
كيفك وكيف احوالك
انا دخلت البوست طوالى لانى كنت واثق انك بتقصدنى انا
لانو قبل كم يوم كدا انا عملت مداخله فى بوست لا ازكره وكنت انت مشارك فيهو
ولا حظت انو صورة بروفايلك هى امورتنا الحلوه ( زوبه )
وطبعا عرفت انو دا الهكر العمل كدا .. ولم اقلق لانو البت مع عمها
بس البنيه ما حقتى براى .. هى بنتكم جميعا
وشكرا جميلا لكل المتداخلين .. وربنا يخلى ليكم العندكم .. ويدى الما عندو
ويجعله عامر
|
Post: #10
Title: Re: emkin biti
Author: willeim andrea
Date: 03-22-2009, 05:56 PM
Parent: #9
الحبيب علي ....ياخي ربنا يحفظ لينا زوبه واخوانه وكل الحولينه .... وتتربي في عزكم انشاءالله ...... وصدقته لما قلته الاموره بتنا والله .... تعرف اجمال حاجه عمله الهكر انو نزل لي صورة الاموره زوبه في البروفايل بتاعي وعز علي اغير الصور .... اما موضوع البوست طبعا كنته عايز اعرف واستاذن واعتذر بالنيابه عن الاخ الحكر ...... واهو ود الصايم والله ما قصر وانشاء الله تعارف وتواصل بينا في العالم الاسفيري الممتد والشكر موصول للجميع وانشاء الله نتلاقه في ساعة خير .... معزتي واحترامي للجميع
|
|