Post: #1
Title: زمنا وزمن بوخارين
Author: د.نجاة محمود
Date: 02-17-2009, 04:38 PM
زمنا كان زمن السرور لما الزول يتم سنة رابعة ابتدائي بيكون اتجاوز
المكتبة الخضراء والالغاز وبقى يقرا للبير كامبو
واندريه ميلار وايرس ماردوخ ووسومرست موم جرهام جرين
الخ الخ...
لما يصل العالي بكون كمل كل الروايات المشهورة
ويبدا في قراية الادب الروسي قبل الثورة ثم يقرا كتب فانون
وروجيه جارودي ويقرا لبرخت وليونسكو وسارتر ويبدا يردد الاخر هو الجحيم
لحبوبته ومن لف ملفها ويقرا لبكيت..
يدخل تعليمه العالي جامعةاو معهد يبدا يهاجر للندوات الشعرية
ويمشي يشوف ناس عالم عباس وحافظ عباس والقدال وحميد
ومرات مرات بيجيبو عفيفي مطر ولا درويش ولا نزار قباني
ونتابع ناس ابراهيم زين و عبداللطيف في ندوات فلسفية عن البنيوية
ونظرية المعرفة ونمشي نشوف معارض الفنون ناس يوسف الخليفة
وسيف اللعوتة وا العوام وشبرين ومعارض الفنون
ثم دبلومات معهد الموسيقى ونحضر مسرحيات
ومهرجانات الثقافة
ونمشي اركان الجمهورين نشوف دالي ببستف السلفين والصوفية
والقراي واقف جتب المصنوعات المصرية في شجرة كبيرة
لامة جد.. ونمشي نسمع ناس الجميعابي..
ونمشي الكونسرتات البعملها معهد جوتة والفرق الموسيقية كاملة
ونحضر افلام نادي السينما ونتغشى المركز الامريكي
ونسمع مصطفى سيد احمد دفعتنا ومحمود تاور
برضو دفعتنا ونحضر الاوركسترا بتاعة المعهد
في زمنا داك دائما الاختلاف مهما بلغ حدته
بيكون فيه طرافة اذكر الجميعابي في مناظرة مع ممثل جبهة كفاح
الطلبة قاليه انتو جبهة كفاح الامتحانات لا تظهرو الا ايام الامتحانات
وضحك الناس صلاه ذلك بكل تهذيب
ومرح
دا جيلنا نحنا جيل الثمانيات.. جيل الانتفاضة
كان بيموت في الاغنية دي
<object width="425" height="344"><param name="movie" value="http://www.youtube.com/v/-1i3vyIos8w&hl=en&fs=1"&g...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/-1i3vyIos8w&hl=en&fs=1"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
حياة ثقافية زاخرة,,
|
Post: #2
Title: Re: زمنا وزمن بوخارين
Author: د.نجاة محمود
Date: 02-17-2009, 04:55 PM
Parent: #1
زمان ناس بوخارين
زمن مافي زول عندقروش يشتري كتب مافي مكتبات
عامة مدرسة الكادر ناسها فكو البيرق مشو لجوء
يقضوا جل وقتهم في تظبيط البوش والذي منه
ما فضل ولا استاذ من حملة الدكتوراه
الداخليات بتدي الضل بس...
اركان النقاش باهتة وناسها باهتين
وظهر دخول الجامعات وشراء الدرجات بالقروش وحق الشهيد حق الجهاد
انتهت الاكاديميات...بقى الخريج لا يستطيع يعمل دراسات عليا
لو عمل بريركوزت ممكن تصل 30 كرتد اورس
بعداك يرفدوه
بعداك تتخرج يحولوك لدباب ولا شهادة مافي
لا يوجد سينما لا يوجد مسرح لا توجد ندوات
بس حوامة بالضللة جكسي وجكسيك
بيسمعو للفنان دا
<object width="425" height="344"><param name="movie" value="http://www.youtube.com/v/ebAIjhRqdyc&hl=en&fs=1"&g...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/ebAIjhRqdyc&hl=en&fs=1"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
|
Post: #3
Title: Re: زمنا وزمن بوخارين
Author: Abureesh
Date: 02-17-2009, 05:03 PM
Parent: #1
The old good days
إنتو قريتو الإبتدائيـة، ونحن قرينـا الأولية زى النصـرى أمين
وكنا إذا جاء المطـر، نجرى ونلعب بالزهـر.
والواحـد يزحف عشـان يمسك جرادة واللا بت المطـر (إسمها شنو بالإنجليزى)؟
بت المطر الحمـراء ذات الجلد الحريرى..
لا عندنا إيميل لا شـات.. ومنيرنـا كان الصقيعـة تحت الشمس!
عشت سنى طفولتى الأولى فى قريـة، وأول مـرة أشوف فيها اللمبة الكهربائيـة كان عمرى 10 سنوات
لما دخلت الوسطى.. جبت مفك، وأفك وأركب فى لمبات المدرسـة، وأفك واركب، ومرات أدخل سلك نحاس فى البلك، وطاخ!!
أجر يدى، وأستمرئ اللعبـة، ولحسن الحظ دائما كنت لابس سفنجـة، بدون أن أعرف أهميتها فى هـذه
الحالات. والكهرباء وتركيب اللمبات وفكها علق معاى ليوم الليلـة، وتحول لأكل عيش.
والله ذكريات لكن.. دايرة مجلـدات وجلدات.
|
|