تنفيذية الاتحاد النسائي ... بنات خرطوم ساااااكت

شكلت اللجنة التنفيذية للاتحاد النسائي من :
1- عديلة الزيبق : رئيسة الاتحاد
2- فاطمة سالم : نائبة الرئيسة
3- إحسان فقيري : السكرتير العام
4- عواطف عباس حمد : مسؤلة المالية
5- عزة التيجاني الطيب : مسؤلة الأعلام
6- سمية علي اسحق : المكتب القانوني
7- رندا عبيد : المكتب الثقافي
8- نجلاء سيد احمد : مكتب الولايات

أقدم لهن التحية والتهنئة لنيلهن ثقة زميلاتهن

ثم ملاحظات :
الملاحظة الأولى
-----------------
- كل المذكورات اعلاه بنات خرطوم ، الخرطوم الكبرى بمدنها الثلاث ف
عديلة الزيبق من بنات نمرة تلاتة
عواطف عباس وسمية اسحق المعروفة بسمية نوبة من بنات الديم
فاطمة سالم وعزة التيجاني من بنات ام در امان
رندا عبيد ، أظنها من بحري
نجلاء سيداحمد من كوستي ولكنها تخرطمت
حينما تديمت ( الديم نسبة لزواجها من الديامي بخاري الأمين )
وقبلها تبحرت ( عندما سكنت مع اسرتها بحري

الملاحظة الثانية:
-------------------
جميعهن بنات اسر لها علاقة بالحزب الشيوعي السوداني
مثلآ
- فاطمة سالم: أم عزة خالد الكد
- عواطف عباس : كل اولاد اسرتها زملاء
- سمية نوبة : كل اشقائها وعدد من اخوالها واولاد خالاتهامن الزملاء
- عزة التيجاني : بنت التيجاني الطيب ، وبنت الفار حفارة فبرضها طلعت اعلامية
- نجلاء سيداحمد : ابوها الزميل الراحل سيداحمد الشيخ وكل اشقاتها وشقيقاتها زملاء
وكذلك زوجها الديامي

يا مناضلات
وسعن الماعون
وافتحن الاتحاد للديمقراطيات والوطنيات ذوات المواقف الناصعة
كما كان الحال عند التأسيس
وكذلك انفتحن على الأقاليم والأرياف
واتمنى ان تبذل نجلاء جهدها بإعتبارها مسئؤلة عن الولايات
ان تعمل على تمدد الإتحاد في الأرياف والقطاع التقليدي

ابو ساندرا...

التحية لتنفيذية الاتحاد النسائى

ونتمنى لهن التوفيق..

Quote: بنات خرطوم ساااااكت

نخش الغابة يعنى ولا كيف....؟

حليلك يا الهامش ..

كنت اتمنى ان تضم اللجنة التنفيذية
عضوات نوعيات ، مثلآ فنانات ورياضيات
وعضوات عاملات و من الحقول
عضوات من الأقاليم ، من الشرق ومن الغرب ومن الجزيرة
عضوات جنوبيات

كتبت اميرة الشيخ :

Quote: نخش الغابة يعنى ولا كيف....؟ حليلك يا الهامش ..

غابة بتاعت شنو

ما انت برضك ( بنات خرطوم ساااااكت )

غايتو ، إلا هامش بتاع قلبك

Quote: ما انت برضك ( بنات خرطوم ساااااكت )

والله غلتان ياقول حبوبة

والله اقاليم وفى الاقاليم من النيل الابيض(اكتر اقليم مهمش)

الخرطوم جيتها بعد ما دخلت الجامعة....

رايك شنو؟







_____________________________
شايفاك عامل ساتر فى بوست هجو

Quote: والله اقاليم وفى الاقاليم من النيل الابيض(اكتر اقليم مهمش) الخرطوم جيتها بعد ما دخلت الجامعة....

أتاريييك !
وانا أقول البت دي جايبة الغبشة دي من وين
اتاريك
نيلك الهيلك
العجنو منو طينتك
أبيض ونقي
زي قلبك الوفي

لأطفال المايقوما
وأطفال عمال ومزارعية

Quote: شايفاك عامل ساتر فى بوست هجو [/QUOTE لا ما عامل ساتر لكن لكون البوست لغم تفاديت ان اعفصه ونصحت بعض الأصدقاء بذلك لكن هارون أخي كرهني الرفع ذاتو فعفصته وماهماني كان إنفجر وشتتني

---

Post: #7 Title: Re: تنفيذية الاتحاد النسائي ... بنات خرطوم ساااااكت Author: طه كروم Date: 02-13-2009, 05:00 PM Parent: #6 أبوســـاندرا سلامات أنت من زمن ناس الخرطوم ناعمبن والله الهامش الحقيقى عند ناس الخرطوم ، البيت ثلاثة غرف ونص الأسرة خارج الحوش ووجبتين سندوتشات فى السوق .. المهم اللجنة التنفيذية تواكب المرحلة ببرنامج عملى يستوعب الطاقات التى ظهرت ، ومسألة الأقاليم ممكن تتربط عبر اللجان الفعالة ألف مبروك ,, وعـــزة مشوارها طويل

---

Post: #8 Title: Re: تنفيذية الاتحاد النسائي ... بنات خرطوم ساااااكت Author: ihsan fagiri Date: 02-13-2009, 07:34 PM Parent: #7 ابو ساندره كيفنك اولا كل الاقاليم ممثلة يعني في عضو من بورتسودان ومدني وسنار والابيض ونؤكد حقيقة انو الناس دي جات بالديمقراطيه

---

Post: #9 Title: Re: تنفيذية الاتحاد النسائي ... بنات خرطوم ساااااكت Author: saif massad ali Date: 02-13-2009, 07:38 PM Parent: #8 والله جنس خم اسع نسوان وادي شعير وام سنيطة الاتحاد ده شاملهم ولا نسوان جعيبة بعرفن عنو حاجة

---

Post: #15 Title: Re: تنفيذية الاتحاد النسائي ... بنات خرطوم ساااااكت Author: نجلاء سيد أحمد Date: 02-14-2009, 03:10 PM Parent: #3 ابو ساندرا تحية لان حضور المؤتمر كان معظمه من الخرطوم لذا وجب علينا ايجاد صيغة تفضيلية لتمثيل الاقاليم لان حضورهن كان ضعيفاً والنساء اللاي حضرن مندوبات من ستة أقاليمومنحن فرصة مقعد لكل اقليم باللجنة التفيذية بعد الرجوع لقواعدهن وقد كان. والاقاليم الان ممثلة بستة عضوات وهي : بورتسودان ، ود مدني ، سنار ، نيالا شمال كردفان ودارفور

---

Post: #21 Title: Re: تنفيذية الاتحاد النسائي ... بنات خرطوم ساااااكت Author: شادية عبد المنعم Date: 02-24-2009, 08:15 PM Parent: #3 أتمنى بعيد من الإتحاد النسائي خليهم يتمنوا لي روحهم بعدين الحركات شنو عديلة الزيبق سكنت الخرتوم ثلاثة متين؟؟ عديلة يا خوي من جبال النوبة عديل ما تعمل شاطر مع تحياتي بعدين إنتخابات نزيهة إن شاء الله تجيب المركزية من الإنقسنا عديل إنت مالك زعلان كمان عينهم تعيين؟؟ على زاوية سلم لي هلى ماهي

---

Post: #10 Title: Re: تنفيذية الاتحاد النسائي ... بنات خرطوم ساااااكت Author: عاطف عمر Date: 02-13-2009, 07:55 PM Parent: #1 Quote: جميعهن بنات اسر لها علاقة بالحزب الشيوعي السوداني مثلآ - فاطمة سالم: أم عزة خالد الكد - عواطف عباس : كل اولاد اسرتها زملاء - سمية نوبة : كل اشقائها وعدد من اخوالها واولاد خالاتهامن الزملاء - عزة التيجاني : بنت التيجاني الطيب ، وبنت الفار حفارة فبرضها طلعت اعلامية - نجلاء سيداحمد : ابوها الزميل الراحل سيداحمد الشيخ وكل اشقاتها وشقيقاتها زملاء وكذلك زوجها الديامي آخخخخخخ وطال التوريث أحزاب الإستنارة ساكت أخونا ملاسي ( شايل حس ) د. مريم الصادق المهدي _____________________________ بعد أن تفرقت البلابل في بلاد الله الواسعة أعلن الموسيقار بشير عباس في منتصف الثمانينات عن تبنيه لفنانة قادمة من بورتسودان إسمهما إلهام ولقبوها بـ ( إلهام الشرق ) . إستضاف المرحوم الفكي عبدالرحمن الموسيقار بشير عباس والبلابل والمرحوم عوض دكام والفناس أنس العاقب في ذلك اللقاء من عام 1987 والذي إشتهر بلقاء عودة البلابل . سأل المرحوم الفكي بأسلوبه المتفرد الموسيقار بشير سؤالاً طريفاً " بشير ..... إيه حكايتك مع النسوان من حلفا لى بورتسودان ؟؟ " بركوتة والله مشتاقين

---

Post: #11 Title: Re: تنفيذية الاتحاد النسائي ... بنات خرطوم ساااااكت Author: ihsan fagiri Date: 02-13-2009, 08:10 PM Parent: #10 سلام جاكم اولا دكتوره مريم الصادق امراة عندها مقدرات وكذلك عزه التيجاني وفوق هذا وذاك عزه جات بالانتخاب الحر المباشر لكم جميعا مودتي

---

Post: #12 Title: Re: تنفيذية الاتحاد النسائي ... بنات خرطوم ساااااكت Author: مدثر محمد ادم Date: 02-13-2009, 08:17 PM Parent: #11 الرائع الخال ابوساندرا سلامات مبروك لجنة الاتحاد الانسائي وعقبال اتحاد السباب السوداني وقالوا شهر اربعة وتسلم يارائع تيف تيف

---

Post: #13 Title: Re: تنفيذية الاتحاد النسائي ... بنات خرطوم ساااااكت Author: مدثر محمد ادم Date: 02-13-2009, 08:32 PM Parent: #12 سمية نوبة بت اختها اقبال ساكنة جنب بيت جدي عبدالسلام خير الله ال تمساح نجلاء سيد احمد زوجة بخاري الامين حلة الشعراب جنب حلتنا القديمة اسعي عاعد فيها جنب تسير النوراني تخريمة من الزميل عبد الرحمن علي عبد الرحمن الي الزميلة الرائعة نجلاء سيد احمد لك مني كل مسيرة النضال التوفيق في قيادة مركزية الاتحاد الانسائي السوداني سعيدين جدا بختيارك ضمن هزه الكوكبة الفريدة و العظيمة من لك كل الود والاحترام عاش نضال الشعب السوداني عاش نضال الاتحاد النسائي عشش نضال الطبقة العاملة بلسان الرائع محجوب شريف احناقدرنا برقم جرحنا اتجزنا المحنة عبد الرحمن علي عبد الرحمن الحاج سليمان اتحاد الشباب السوداني ويظل الاتحاد النسائي السوداني منارة المراة السودانية دوما تغير واقع المراة الي الاحسن والجندر الديمقراطي الحر نحو تحرر المراه السودانية وتسلم يارائع مدثر تيف تيف ودمتم

---

Post: #14 Title: Re: تنفيذية الاتحاد النسائي ... بنات خرطوم ساااااكت Author: عبدالغني كرم الله Date: 02-13-2009, 08:58 PM Parent: #13 هو السودان ما صار الخرطوم... الخرطوم القديمة هي هي... وناس الازهري والاندلس وام القرى، ماهي إلا رحيل كسلا والقضارف ومدني وبورسودان للخرطوم والاطراف المنسية، التي تحوش الخرطوم هي قرى السودان وقد رحلت كلها... للخرطوم... لك ان تتصور نسيان للريف استمر عشرين سنة بالكمال والتمام.. تاني في ريف؟... تصور "برلين"، عاصمة المانيا، عدد سكانها 3 مليون ونصف، وعدد سكان المانيا فوق الثمانين، يعني ثلاث اضعاف "السودان/الخرطوم)... دي حالة مرضية، وقهر لأناس كرام هاجروا، من قبورهم، وحقولهم، وذكرياتهم، وكبريائهم، لتخوم الخرطوم خوفا من الانقراض،.. كل الريف هامش.. كل الريف جائع... لم يبقى سوى اشجار ذابلة، تحرص القرى الخاوية... رندة عبيد دي قاصة وكاتبة، ومن بحري صاح..... ....

---

Post: #16 Title: تنفيذية النسائي Author: أبو ساندرا Date: 02-14-2009, 07:43 PM Parent: #1 برجع لمداخلاتكم لاحقآ مع الشكر الجزيل على المتابعة

---

Post: #17 Title: Re: تنفيذية النسائي Author: محاسن أحمد محمد Date: 02-15-2009, 04:16 PM Parent: #16 مرة تانية أحيكم وبصراحة هذةألمجموعة قادرة علي قيادة ألعمل ألنسوى فى ألسودان ألف مبروك تكوين ألجنة ألتنفيزية وألأخت عدبلة إمرأة جادة متعلمة ومثقفة فهي جديرة بهاذا ألمنصب 1- عديلة الزيبق : رئيسة الاتحاد 2- فاطمة سالم : نائبة الرئيسة 3- إحسان فقيري : السكرتير العام 4- عواطف عباس حمد : مسؤلة المالية 5- عزة التيجاني الطيب : مسؤلة الأعلام 6- سمية علي اسحق : المكتب القانوني 7- رندا عبيد : المكتب الثقافي 8- نجلاء سيد احمد : مكتب الولايات وبغض ألنظر عن خرطوميتم هذة ألمجوعة قادرة من خلال ألمكاتب ألخارجية أن تعمل على مستوى كل ألولايات وتقطيتها وذالك بتكوين مكاتب فرعبة بألتنسيق مع ألمكتب ألتنفيزى ودائما مكاتب ألأقاليم من أقوى فروع ألأتحاد ألنسائى وكم هم حريصين للعمل من أجل قضاياألمجتمع وألأسرة فألى ألأمام

---

Post: #18 Title: Re: تنفيذية النسائي Author: Amira Osman Date: 02-20-2009, 05:03 PM Parent: #17 ابو البنات، سلام، و البركه في الشوفه، علي قصرها و عشمانين نتلاقي اكثر في الجايات، “- كل المذكورات اعلاه بنات خرطوم” و لكن المهم هو دفاعهن عن حقوق النساء في الجنوب و الشمال و الغرب و الشرق، و لا ما كدي.... لهن التحيه و لام البنات الف سلام،

---

Post: #19 Title: Re: تنفيذية النسائي Author: أبو ساندرا Date: 02-23-2009, 09:40 PM Parent: #18 كتب طه كروم : Quote: المهم اللجنة التنفيذية تواكب المرحلة ببرنامج عملى يستوعب الطاقات التى ظهرت ، ومسألة الأقاليم ممكن تتربط عبر اللجان الفعالة ألف مبروك ,, وعـــزة مشوارها طويل ايوة ده المهم ان لا تهدر اللجنة التنفيذية الطاقات التي ظهرت وتجلت بمناسبة المؤتمر وعندي ثقة غير محدودة في القيادة الجديدة ومطمئن بشأن الأقاليم حيث تقود مكتب الولايات المناضلة نجلاء سيدأحمد وهذه ثقتي في امكانياتها العالية وفي إخلاصها وقدرتها على الحركة وعلى الإبداع ثقة مطلقة وفعلآ عزة مازال مشوارها طويلآ وعلينا مساعدتهن في طيء المسافات على الأقل بنخفيف الأعباء المنزلية عنهن تخفيف لايقل عن 50%

---

Post: #20 Title: Re: تنفيذية النسائي Author: أبو ساندرا Date: 02-24-2009, 07:07 PM Parent: #19 كتب العزيز عاطف عمر: Quote: بركوتة والله مشتاقين انا بالأكتر وياريت نشوفك قريب الحكاية مافيها توريث انها مجرد مصادفة ان يطلع ولد الفار حفار وحكاية الأسر في ألأحزاب السودانية موجودة او بعبارة أدق ، موجودة في كل الأحزاب السودانية ان تجد اسرة كاملة في حزب معين ودي ماعندها علاقة بالوراثة بقدر ماعندها علاقة بالمثال وقد يكون بالولاء زي ما ممكن تجد اسرة كاملة انصار او ختمية ح تجد اسركاملة شيوعية مش ؟

---

Post: #22 Title: Re: تنفيذية النسائي Author: أبو ساندرا Date: 03-25-2009, 06:34 AM Parent: #20 كتبت القائدة إحسان فقيري : Quote: ابو ساندره كيفنك اولا كل الاقاليم ممثلة يعني في عضو من بورتسودان ومدني وسنار والابيض ونؤكد حقيقة انو الناس دي جات بالديمقراطيه أهلآ بالزعيمة ، السكرتير العام للإتحاد النسائي السوداني انا ماعندي أي شك في كون اللجنة التنفيذية أنتخبت بديمقراطية حقيقية ياريت تكون كل القاليم ممثلة ، وهذا مفيد كما تعلمي فقط أنا لاحظت ان تشكيل اللجنة التنفيذية قد خلا من ممثلات للاقاليم وماعارف اللاتي ذكرتيهن من بورتسودان ومدني وسنار والأبيض ممثلات وين بالضبط ؟ ثم ، لاحظت عدم وجود أي ممثلة ل دارفور والجنوب هذا التمثيل حتى ولو على مستوى رمزي كان ح تكون عنده دلالاته المعبرة وكمان عضوة من كجبار

---

Post: #23 Title: Re: تنفيذية النسائي Author: بهاء بكري Date: 03-25-2009, 07:40 AM Parent: #22 ابوساندرا ............ سلام ذكرتني بلجنة المراة في رابطة الشباب بالدوحة

---

Post: #24 Title: Re: تنفيذية النسائي Author: أبو ساندرا Date: 03-25-2009, 10:02 AM Parent: #23 كتب الزعيم بهاء بكري: Quote: ابوساندرا ............ سلام ذكرتني بلجنة المراة في رابطة الشباب بالدوحة أي والله يا أبو الملاحظات الثاقبة انا امس طالعت الموضوع في صفحة السودان في الراية القطرية فإندهشت وعجبت لذلك العقل التآمري الكامن خلف الرابطة مررت دهشتي ل علا عابدين و ماهيتاب بركات فإنتشرت ده وضع يجب تصحيحه و وضع رابطة الشباب في علبها أو بالأحرى المتخفيين من خلفها المكتب النسائي في رابطة الشباب إلتفاف على رابطة المرأة

---

Post: #25 Title: Re: تنفيذية النسائي Author: أبو ساندرا Date: 03-26-2009, 06:58 AM Parent: #24 كتبت محاسن احمد محمد : Quote: وبغض ألنظر عن خرطوميتم هذة ألمجوعة قادرة من خلال ألمكاتب ألخارجية أن تعمل على مستوى كل ألولايات وتغطيتها وذلك بتكوين مكاتب فرعبة بألتنسيق مع ألمكتب ألتنفيذى ودائما مكاتب ألأقاليم من أقوى فروع ألأتحاد ألنسائى وكم هم حريصين للعمل من أجل قضاياألمجتمع وألأسرة فألى ألأمام أهلآ بالفنانة المجيدة محاسن أحمد أتمنى فعلآ ان يعالج نقص تمثيل نساء الولايات بتكريب العمل في مكتب الولايات وإنفتاحه الحقيقي على كل الولايات وبخاصة في الجنوب وفي دارفور ومغتبط انا بالحرص على قضايا المجتمع والأسرة وفي الحقيقة هذا هو المفتاح لدخول الاتحاد النسائي مرة اخرى ، أي عودته ، لتلمس القضايا النوعية حتى يستطيع ان يلف جماهير النساء حوله وان تخف الجرعة السياسية المباشرة في برامج الاتحاد النسائي وان تحتل قضايا النوع والاسرة والمجتمع مكان الصدارة اكرر هي قضايا يمكن ان يلتف حولها قطاع واسع من النساء بعكس العمل السياسي المباشر مثلآ ، حركة واسعة حول قانون الخفاض وندوات حوله أفضل وأهم من مناقشة تداعيات الجنائية إلا إذا تم تناولها من زواية أثرها على حليب الاطفال ، مثلآ

---

Post: #26 Title: Re: تنفيذية النسائي Author: أبو ساندرا Date: 03-26-2009, 11:29 AM Parent: #25 كتبت المناضلة الصديقة أميرة عثمان : Quote: ابو البنات، سلام، و البركه في الشوفه، علي قصرها و عشمانين نتلاقي اكثر في الجايات، “- كل المذكورات اعلاه بنات خرطوم” و لكن المهم هو دفاعهن عن حقوق النساء في الجنوب و الشمال و الغرب و الشرق، و لا ما كدي.... لهن التحيه و لام البنات الف سلام، أيوة يا أميرة ، والله كتر خير { الخامس } الذي اتاح الشوفة بعد نيف وكم سنة غياب وياريت نتلاقى قبل السادس والدعوة لك ولعزيزنا محمد سليمان لزيارة الدوحة مع العيال صحيح المهم دفاع الإتحاد عن حقوق النساء في كل البلاد وأقترح ، عمل تعبئة عاجلة يبتدرها الإتحاد النسائي بالتنسيق مع اتحاد الشباب السوداني وكل المهتمين لتسيير قوافل إلى دارفور تعمل على سد الفجوة الناتجة عن طرد النظام لعدد 13 منظمة انسانية كانت تعمل على دعم الأهالي هناك زي ما انت متابعة

---

Post: #27 Title: Re: تنفيذية النسائي Author: أبو ساندرا Date: 03-29-2009, 04:50 PM Parent: #26 كتب الأديب القاص الفنان عبدالغني كرم الله : Quote: هو السودان ما صار الخرطوم... دي المصيبة يا عبدالغني عجز الحكومات المتعاقبة من وضع خطط للتنمية لنهضة الأقاليم من ناحية ومركزة السلطة والثروة في الخرطوم ، من ناحية أخرى علاوة على التوزيع الجزافي لقطع الأراضي فيما يسمى الخطط السكنية أو الاسكانية ، والذي ادى إلى توطين ابناء الأقاليم التي أفقرت وأجدبت في الخرطوم فكانت النتيجة فقر وجفاف وتجفيف للأقاليم / الهامش وأنهيار خدمات في الخرطوم شكرآ على الملاحظة ياعبدالغني