الحــــذر: انهــا ستكــون فتنـــــــــه .....

رسول الله صلى الله عليه وسلم قال: " إنها ستكون فتنة ; القاعد فيها خير من القائم، والقائم خير من الماشي، والماشي خير من الساعي ".

قال: أفرأيت إن دخل على بيتى فبسط يده إلى ليقتلني.

قال: كن كخير ابني آدم.

قال رسول الله صلى الله عليه وسلم: " لا تقتل نفس ظلما إلا كان على ابن آدم الاول كفل من دمها ; لانه كان أول من سن القتل ".

صـــــــــــدقت اختي اماني ..

علينا تجاوزها بالحكمة

والله يا امانى،

ايدنا على قلبنا،،،،











غايتو بس،
الله يسلم

الساده والسيدات أعضاء المنبر:

الكل هنا مسئول عما يكتب أمام الله..

الدعوه الي الفتنه والقتل والتشريد,
سلوك جنح اليه البعض,
في حال صدور القرار المزعوم,

وهذا أمر في غاية الخطوره..

"من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا"

الخطاب موجه الي الكل للتهدئه,
وضبط النفس,
وعدم الدخول في مهاترات من شأنها نزع فتيل أزمه وفتنه,
أهلنا وأحبابنا هم أول المتضررين منها,,

والأفضل علي الاطلاق هو عدم السعي في هذه الفتنه ولا حتي بكلمه,

غايتو أنتوا مهما حاولتو ان تتخفوا ما بتقدرو، ويتم أكتشافكم في أول تجربة. وأنا هنا اتحدثعن الكيزان.

دينق

فليستعد الجميع لأثنين جديد ...

مؤسف .. مؤسف .. مؤسف..

الاخت/اماني

تحياتي؛؛؛

لو كان قريتي للعنصري الغرابي محمد سليمان ؛الذي يعتبر نفسه مهندسا

للمحكمة وما سيؤول اليه الوضع في السودان ؛

كان عرفتي مايخطط له الزغاوي محمد سليمان

لماذا نهاية البشير هي .. نهاية دولة أبارتيد الجلابة ... العربية ..

لا تحتاج البلاد لمثل هذه الولولة .. بل تحتاج فكر جاد و رباطة جاش .. كلنا نأسى لما سيؤل اليه حال الوطن وضد انتهاك السيادة وضد الهيمنة والاستعلاء .. لكن من أوصلنا لذلك .. ؟ أتركوا المساكين فلهم رب .

الأخ سمير شيخ ادريس:

زعلتني والله..
كتبت: وأحبطك بسبقى فى الكشف من مدة لذا آثرت الابتعاد عن بوستات المتسترين ..
وفى أول بوست قال كولومبس ما قلته وأقوله الآن فكذبناه .. فهل كان بعيد نظر أكثر ..

أمال اعتذرت وقلت أنا ما قاصد علي شنو؟
وقلت الزوله الأنا قاصده ما كوزه ليه؟
ونكرت أي صله ليك بالأخ الهادي بشير ليه؟
مش كان تثبت علي موقفك أحسن عشان أحسم معاك الموضوع ده في وقته..

لا تحتاج البلاد لمثل هذه الولولة .. بل تحتاج فكر جاد وباطة جاش .. كلنا نأسى لما سيؤل اليه حال الوطن وضد انتهاك السيادة وضد الهيمنة والاستعلاء .. لكن من أوصلنا لذلك .. ؟ أتركوا المساكين فلهم رب .

بالله ده الفهمتو من البوست ده ومن البوستات السابقه..
شئ عجيب!!!!
أنا ما متهمه عشان أدافع عن نفسي.
ولما كتبت البوست ده,
كتبته عشان غضبت من بوست يدعو الي الفتنه والرابط موجود أعلاه..
وبدل ما أمشي أتداخل مع صاحب البوست ويحصل أي حساسيه..
اثرت انه اكتب الكلام العايزه أقوله في مساحه منفصله بتاعتي..
ولو أي زول حيكتب حديث وللا ايه حيتصنف كوز دي تكون أغرب حاجه أسمعها في حياتي..
لأنه القران حسب ما أنا عارفه نزل علي سيدنا محمد بن عبدالله, ما عارفه علاقة الكيزان بالموضوع ده شنو؟
المهم, أمشي شوف مداخلاتي في البوستات بصوره عامه وحاول تفهم مره تاني,

ياأخ سمير أراك تترصدني وتتهمني أتهامات الله يعلم اني بريئه منها,

فصبر جميل والله المستعان علي ماتصفون...

الساده والسيدات:

القلم أمانه,,

وكل ما نكتب نحن عليه محاسبون,

لو كلمه صدرت منك كانت سبب في نقطة دم واحده سودانيه,
أصبحت مسئول عنها.
ولو تسببت في اهدار دماء الكل..
أصبحت مسئول عن الكل..

يسلم قلمك ويسلم عقلك أختي أماني

ما يهمنا هو شعبنا..

الباقي والأساسي هنا هو الشعب,
شعبنا يعني أهلي وأهلك..
بيتنا وبيتكم..
جيرانا وجيرانكم
حينا وحيكم..
مدينتنا ومدينتكم..
الســــــــــودان

مامهم انه رايك وللا رايي الصاح
المهم انه القلتهم فوق ديل مايتضرروا من راينا ده..

يعني نكون واعيين..
وأيا كان لو حاول يقودنا لفوضي وقتل,,
ماحنطاوعوا..
عشان نحافظ علي الفضل,,

كفايـــــــــه الراح..

الأخ دينق:

دي المره التانيه تقراني غلط..

حاول ترجع تقرأ الكلام الفوق ده تاني,

احتمال تفهمني قلت شنو,,

القلب النابض
هاله حبيبتي
حسن مضوي

كتبت تحت تأثير غضب شديد..
أثار حنقي للغايه بوست قرأته
يتحدث عن فوضي وتهديد بالفوضي..

اذا لم نستطع المساعده في حل مشاكل البلاد
فمن الأفضل أن نصمت..

نحن شعب واعي,
الاستجابه لأي دعوي تخريبيه,
فتنه
والتصدي لها بالمثل
أيضا فتنه

من ذاق مرارة يوم الاثنين الأسود,
من عاش أحداث مايو 2008
من فقد عزيز في الجنوب
أو في دارفور
من عاش الخوف والقلق والحزن,
لا يمكن أن يتمني تكرار أي ألم علي الاطلاق..


لطفك يارب,,,
بالجميـــــــع,,,

الاخت اماني سلام

الحذر والانتباه هو من يفوت الفرصه علي من يريدون ضياع الوطن من اجل لاشئ ,,,

الأخ العوض:

كلامك 100%
ده روايه أخري لنفس الحديث "انها ستكون فتنه":

قال النبي صلى الله عليه وسلم:ستكون من بعدي فتنة القاعد فيها خير من القائم ،والقائم خير من الماشي،والماشي خير من الساعي.
قال الصحابة: فبما تأمرونا يا رسول الله صلى الله عليه وسلم؟
فقال : من كان له ابل ،فليسعى على إبله.
ومن كان له غنم فليسعى على غنمه.
قالوا:أرأيت ان دخل عليّ بيتي؟
فقال رسول الله صلى الله عليه وسلم : كن كخير بابن ادم(هابيل)ثم قرأ :
((لئن بسطت الي يدك لتقتلني ما أنا بباسط الي يدك لأقتلك))

يعني المقصود لتجنب الفتنه,
يجب علي الكل السعي في رزقه ومصالحه,
والابتعاد عن الفتنه ومسبباتها..
وحتي عدم الخوض في أي كلام,
من شأنه أن يؤجج أي صراع,


ألا هل بلغت.. اللهم فاشهد..

الأخت امانى الأمين

الف تحية وتقدير
تحية للأقلام الواعية

أهلا الأخ العزيز شول::

مهم جدا انه المنبر يكون عنده دور ايجابي,
وليس سلبي,

الكثير يقرأ الأخبار هنا ويتابع الأحداث,
الدعوه الي الفتنه والتناحر,
حتما تؤثر سلبا علي الشارع واستقراره..

الظروف حرجه ودقيقه,
التشاغل عنها هو الأفضل من الخوض فيها بما يضر,,

أي دعوه الي فتنه يجب أن تقابل بالوعي التام,

وبالتجاهل وليس التصدي,,

مشكور,,

الأخ سمير شيخ ادريس:

شكرا لأنك انت بالذات للمره الثانيه من تسجيلي في المنبر بتفسد لي يومي,
وبتخليني أغضب وأحزن في نفس الوقت,
يعني أديتني احساس انه الكلام الفوق ده ما عربي,,

معقوله بس,
يعني أنا غضبت من بوست للأخ بشير,
بيهدد فيه الجميع بالفوضي والفتنه والقتل,
في حال صدور قرار المحكمه الجنائيه,
وشعرت انه الكتابه في البورد بدل ما توعي الناس بتدعو للفتنه,
قمت نزلت بوست استدليت فيه بحديث للرسول (ص) اسمه "انها ستكون فتنه"..
بدعو الناس انها تراعي ضمائرهافي كتاباتها, وتخاف علي المواطن قبل ما تدخل في مناكفات,
وتهديدات وتحديات بترجع بالضرر علي السودانيين ككل,

ويكون ردك جارح وظالم بالصوره دي !!!!
والله ماقدرت أفهم كيف الانسان بيكون علي يقين عن انسان اخر مابعرفه,
وانت اصلا قريت كلامي بتمعن وللا بس شفت مداخلة الأخ دينق وانفعلت علي أساسها,,

للمره التانيه ياأخ سمير بتتسرع معاي,
وبتتهمني بدون بينه,

حسبي الله ونعم الوكيل,,

اماني

صباح الخير

الناس كلها هنا تحركها ترسبات ومرارات من الجبهة الاسلامية ولكن علينا التبصر بالعواقب

الوخيمة في حالة صدور القرار

دعونا نعطي الانتخابات والديموقراطية القادمة ونحاكم من اجرم في حق هذا الشعب

ولكن بيدي لا بيد عمرو

شكرا اماني

اماني.

أنتي مصرة تقولي أنا بفهمك غلط؟

صدقيني فاهمك وفاهم منطلقاتك من أول كلمة خطاها قلمك في هذا البورد، وأنتي لن تكوني حالة خاصة أو إستثنائية. كلهم عندما دخلوا هذا البورد أدعوا الحياد وأدعوا الموعظة الحسنة ولكنهم أكتشفوا في أقرب حدث. نفس الاسلوب ونفس طريقة الكتابة، لا يوجد شئ جديد ابدا.

دينق

الأخ دينق:

صدقيني فاهمك وفاهم منطلقاتك من أول كلمة خطاها قلمك في هذا البورد، وأنتي لن تكوني حالة خاصة أو إستثنائية. كلهم عندما دخلوا هذا البورد أدعوا الحياد وأدعوا الموعظة الحسنة ولكنهم أكتشفوا في أقرب حدث. نفس الاسلوب ونفس طريقة الكتابة، لا يوجد شئ جديد ابدا.

عايزه أسألك سؤال..
حصل قبل كده اعترفت انك غلط في حاجه؟
ولو حصل, بتعرف تعتذر؟

صدقني انت غلطان..
ومصر علي غلطك..
مع انه الاعتراف بالذنب فضيله,
بعدين عندك ثقه في نفسك وانت غلطان.. تحير..
انت ما بتعرفني,
ولو عرفتني حتفهم انك غلطان,
أنا ما مسئوله اني ابرئ نفسي قدامك علي فكره,
لكن لما الأيام تدور وتعرف انك غلطان,
عليك الله اتذكر انك تعتذر لي..

صباح الخير يا خليل:

Absolutly

أوافقك الرأي تماما..


شكرا,,

سلام يا اماني وتحياتي...
والتهديد الذي طل في بوست الاخ بشير بالتلويح باحداث الاثنين الاسود فعلا يرسل الاسي والحسرة لما يتوقع
ان تاتي به السلطة الانقاذية وتفتح شلالات الدماء ليفقد الوطن مزيدا من الدماء....
ونتمني ان يقي الله البلاد والعباد من شرور الفتن والنظرات ذات المكابرة العالية...


الاخوان دينق وسمير
اتمني ان لا نظلم ونسي فهم الاخت اماني الامين فيما ارودته في هذه المساحة وصوفها بالكوزة
وخيطها هذا وحواراتها العديدة التي تابعت الكثير منها وحاورتها انا ايضا بطورة مستفيضة في تداعيات هذا القرار هنا
عشة صابونة...البشير حنني ياخي....!!!
الوان الطيف السوداني في تناولها لهذا الامر البشير تموجت في زوايا عديدة وبالتاكيد ليس كل من كانت له محاذير في هذا الامر كوز.
.دينق
اتمني ان نصبر علي الاخت اماني فهي جديدة علي مدارات المنبر
وحتما ستظهر ملامح رايها المتكامل في كل القضايا السودانية

الأخ كيكي:

ونتمني ان يقي الله البلاد والعباد من شرور الفتن والنظرات ذات المكابرة العالية...


شكرا علي المرور,

الاخ عبد الكريم
كل التقدير والاحترام لكلماتك .. ولتكن كلماتنا أحكام مسبقة .. ولنرى ما سيكون فى مقبل الأيام .. ولأمانى تحياتى
ودمتم

بوست الدكتور بشير خطير جدا واحب اضافه مداخله الشاعره روزمين

Quote: معليش يا أخ بشير ..فهمى على قدرى بالواضح كدة احداث الأثنين وزى ما كلنا عارفين كانت تعبير عن غضب الجنوبيين لوفاة جون ..ضد الشماليين وتوالت الأحداث ليتم الأنتقام من الجنوبيين فى الأطراف الآن اذا حدث قرار اعتقال البشير ...االناس مفروض تعبر عن غضبها ضد منو يعنى الجنوبيين ولا أهل دارفور ؟ ولا جيرانا ولا أهلنا ؟وذنبهم شنو فى قرار المحكمة الجنائية السؤال لأنك ذكرت أن الوجهة معروفة وبصراحة قدر ما فكرت ما قدرت أعرفها ...ممكن تنورنا وشكرا....

لو في نية الكيزان التحليل اعلاه اذن السودان في خطر
من هؤلاء الكيزان فهم مسلحين
و علي عمر البشير الانصياع لحكم المحكمه بعد الصدور
.......
الشعب السوداني واعي جدا .....

الأخ بشير أحمد:

شكرا لزيارتك للبوست,
نأمل في حوارك بهدوء اذا سمحت..

تابعت الخيط الذي أشرت اليه..

وكأني أراك تلمح الي أنك تخشي الفتنه,
بتسليم البشير, وتخشي من أحداث عنصريه ضد المواطنين كما حدث,
من قبل..


ولكن ياأخي ما كتبته لا يعني ذلك:

للأسف ما كتبته لا يقل سوءا..

كتبت:
البشير بالنسبة لنا زيو وزي جون قرنق ؛
والوجهه المرة دي معروفه .

أنت هنا تهدد بالمبادره وليس الدفاع..

يا سيدي العزيز الترسبات التي أدت الي أحداث الأثنين الأسود,
مختلفه,
الأخوه في جنوب السودان كانوا يرون في الراحل رمزا,
وكانوا يضعون العديد من الامال علي شخصه,
كانت وفاته بعد مرور وقت قليل جدا من عودته,
ومع اعتقادهم ان الحادث مدبر كان لابد من الانفجار,
كان لابد من الغضب علي الأمل الأخير الذي سرق في اعتقادهم..
الأمل بوضع صحي وتعليمي وعمراني لايقل عن الوسط,
للأسف الشرطه لم تتدخل في الوقت المناسب لفض الاشتباك,
ثم أن أغلب الأحداث المأساويه كانت من المتشردين,
وهم قنبله موقوته في شوارع الخرطوم,
لايشعر بها أحد للأسف,
وهي حصيلة الحروب الطاحنه سواء في الجنوب أو في الغرب, والنزوح الغير ممنهج,
الغضب كان شرارة من الجنوبيين وتبعتها الفوضي والنهب من المتشردين,
وكل ذلك بسبب الغياب التام للسلطات,
أنا كنت في مقر عملي في ذلك اليوم,
صدقني منذ الساعه الثامنه صباحا, وحتي عودتي بصعوبه الي المنزل الساعه الرابعه عصرا لم أشهد شرطي واحد !!!!!

سأواصل,,

الأخ بشير:
دعني أواصل معك بهدوء..

الان الوضع مختلف بشهادة الجميع,
الشعب السوداني ليس طرفا فيما يحدث,
أعني بالشعب المواطنين باختلاف اثنياتهم,
ومواقعهم الجغرافيه,
مشكلة البشير قانونيه مع أطراف دوليه,
ليس لأحد البت فيها سواهم,

وأراك أخي الكريم أخطأت حين عقدت هذه المقارنه,
"اذا كنت تعني بها غضبا وسط المواطنين",
ولاأري أي وجه شبه..

ومن الغريب أن بعض المسئولين صرحوا بأقوال مشابهه لما ذهبت اليه,,
من أنفلات للأمن وانعدام للاستقرار وماالي ذلك..
ولازلت لاأفهم مالذي يؤدي الي ذلك..
هل سيقتل المواطنين بعضهم لمجرد صدور القرار..

مازلت أتحدث عن المواطنين وليس الدوله,

وفي كل الأحوال فان دعواك هذه جانبت فيها الصواب,
لأنك وان رأيت بعض الدعاوي العنصريه مثلا,
فعليك أخي بالتهدئه والدعوه الي نبذ العنف,
وليس اشعال النيران كما جنحت..
الشعب السوداني المكون من حوالي 40 مليون مواطن,,
لاتهمهم السلطه ولا الثروه ولا المتناحرين عليها,
بقدر مايهمهم الأمان في جميع الأطراف,


أرجو أن تقوم بتصويبي ان أخطأت فهمك,
وكلي اذان صاغيه..

تحياتي,,
,,

صديقي محب:

ليس لأحد أن يجعل الشعب أداة ضغط علي أي طرف,
أو ورقة رهان,

وشعبنا واعي كما ذكرت أخي محب..

مرورك دائما يسعدني..

الأخ سمير:

أخطأت مره اخري بحذف مداخلتك..
وأخطأت أيضا حين كان دافعك لحذفها هو مداخلة الأخ العزيز كيكي..
وليس ردي المطول عليك..
خاطبتك بمنتهي الوضوح فلم تتكرم بالرد حتي..
لست في موقف الدفاع عن نفسي, و لاأنتظر منك حكما..

ولست بصدد قبول أي اعتذار منك, متي ما تبينت الحقيقه,

اتفقنا!!

أعتزر عندما أخطئ وما عندي مشكلة في ذلك.

لا أعتقد بأنك تستحقي اي اعتزار لأنك بكل بساطة كوزة متخفية في ثياب الواعظين.

كما قلت لك من قبل,أسلوبكم مكشوف ومعروف بالنسبة لي, حاولوا أن تبتكروا أسلوب جديد.

السودانين يموتون بالعشرات يوميا منذ مجئ ألأنقاذ وأنتم صامتون ولكن عندما تطال العدالة رئيسكم جاية تدينا

محاضرة عن الفتنة؟ لقد دارت الحروب غربا,جنوبا ,شمالا وشرقا وأنتي تحزرينا من الفتنة؟ أكيد أنتي الفتنة

بالنسبة لك انتقال الحرب الى الخرطوم وتهديد مكتسبات دولة الظلم في الخرطوم.


دينق

عنصري بغيض

يا اختنا ما تشتغلي بالعنصري المعقد ده

ده مرتزق قتل اهل العراق
مرتزق جند في الجيش الامريكي وقاتل في العراق من لم يقاتلوه
تاني راجيه منو شنو

الأخ دينق:

حاخد الجزء ده وأرد عليه,
لأنه الباقي لايعنيني, "حأحاول أتجاهل انك بتكذبني":

لقد دارت الحروب غربا,جنوبا ,شمالا وشرقا وأنتي تحزرينا من الفتنة؟ أكيد أنتي الفتنة

بالنسبة لك انتقال الحرب الى الخرطوم وتهديد مكتسبات دولة الظلم في الخرطوم.

لاتجدني ذكرت أي جهويه في حديثي أعلاه..
والسودان عندي هو السودان الفي الخريطه..
ومن السذاجه اعتقاد أن حرب تدور في بقعه من الوطن لايتأثر بها البقيه..
الاثنين مليون الماتوا في الجنوب سودانيين..
والالاف الماتو في دارفور برضو سودانيين..
والدفع ثمن الحرب هو الشعب السوداني,
وديل مسئولية الطرفين علي فكره..
الحرب في الجنوب ما كان كفايه انها تتوقف علي فكره,
من وجهة نظري, ويجلس الفرقاء معا لننسي سنين التفرقه والظلم,
كان لابد من محاسبة الجميع,
مشكلتنا اننا بلد لايحاسب فيها المسئولون,


سأعود..

أواصل مع الأخ دينق:

ثم هل تعتقد أني حين أري وطني علي شفا الهاويه.
ألا يحق لي أن انادي بالتهدئه,
علي الأقل علي مستوي الشعب, فهو من يسمع ويقرأ,
الهاويه في نظري هي التهديدات التي نسمعها تطال الشعب..
كنا في انتظار الانتخابات, كأمل للوطن للخروج من المحنه..
لنقرر أخيرا مانريد..
والان سنعود الي زمان التعبئه ومحاربة طواحين الهواء..
لاأحد يري نفسه مخطئ, الكل يري نفسه محق,,
والتعصب أعمي الكل ونحن من ندفع ثمن تعصب أولي الأمر في بلادي,,

سأعود,,

الأخ دينق:

دولتنا استقلت عام 1956
أكثر من خمسون عاما..
ماذا جنينا من الحروب والفتن..
تراجعنا والأمم في تقدم..
وبعدين بنتحارب علي شنو ؟
دوله تحت الصفر نبنيها وللا نتشاكل عليها..
أنا بلوم فينا, لأنه عقلنا ضيق كلنا..
وماعارفين نعيش مع بعض. ونبني بدل نكسر..
بالحرب حنصل لشنو غير قتلي وارامل ويتامي.
والمستفيد منو من التهدئه غيرنا,,
والخسران منو من الفتنه غيرنا برضو..


كلامي ده علي فكره لو ما عاجبك ممكن ماتقراه عادي..
لكن برضو حأقولو..
ما من حق انسان انه يخرس انسان تاني أبدا..
ومامنطق لما تقول الحرب في كل مكان الجديد شنو!!!
اطلاقا..
وماتخاطبني مخاطبتك لانسان تاني ..
اتكلم معاي أنا أماني..
حاسبني عن كلامي بس لو سمحت.. يعني ماتقول لي جمل زي انتو, وعملتو, وحاجات زي دي..

تاني حأرجع ليك..

الأخ وليد:

أهلا بيك,

الأخ دينق في نظري واحد من حاجتين:

يااما كرهه للانقاذ خلاه شايف الدنيا كله انقاذ,
وفي الحاله دي ماحألومو بس ربنا يعين..

أو

بيمارس علي نوع من المضايقات عشان أتوقف عن الكتابه,
وفي الحاله دي يبقي بشجع الفتنه,
وما عايز زول يتكلم عن تهدئه..

في الحالتين ماحأشتغل بيه..
وأي كلام عايز يقولو مرحب بيه حأرد عليه للنهايه..
هو بس ماعارفني بالي طويل كيف؟


ألف شكر علي مرورك,,