هل يتطور الفن خصوصا الشعر الغنائي بتطور التكنلوجيا ؟

البوست واضح من عنوانو عندنا في اغانينا السودانية كتير من الكلمات اندثرت حاليا الامثلة كتيرة

مثلا في اغنيةبلالي متين يجينالي صديق احمد بتقول رسل لي راس سكر وتمنة شاي طبعا راس السكر ده الجيل الجديد كلو مابيعرفو وكذلك تمنة الشاي اذا حاول شاعر في زمننا هذا صياغة الاغنية اعلاه هل ح يتاثر بالتطور الحاصل .

بعدين اغنية سافر زمان قبال سنين لا جاب جواب لا جاب خبر اها اسع الجوابات انعدمت يعني ممكن يقول لاجاب بريد اللكتروني مابتجي مع الاغنية .

قبل فترة سمعت اغنية خليجية بتقول مسكلي يعني اعمل لي مس كول واغنية قبل فترة اسمها تبيجرني يا البيجر والبيجر هو جهاز قبل الموبايل يتصل عليك اي شخص وتسمع رنة مع ظهور رقم المتصل وتمشي تضرب ليهو .

اها الاغنية السودانية ح تتاثر بالتطور التكنلوجي ولا ح يتم تحديثها بالفيديو كليب بس واظهار الكمبيوتر واللاب توب والجوال والاغنية تكون بتتكلم عن ياطابق البوخة

البوست ممكن يشارك فيهو المبدعين وعامة الشعب

تحياتي

زاتوووو

في واحدين يا زاتووو زمان كانو بيدو الجوابات لي بت الجيران .. اللي هي صاحبة الجكساية المرتقبة .. وبت الجيران دي بي دوره بتكون ( وسيط روحي ) .. مرسال الشوق وكدا ..
في واحدين انتهازيين جدا .. الواحد فيهم بيكون بيحب أخت صاحبة الواحد بيقوم يستغل الحاجة دي ويرسل معاها الجوابات ويطلب مواعيد وعادة بتكون بعد المسلسل اليومي ..
أهــا نحن هنا في معرب تكنلجة وتطوير المسالة دي تماشيا مع روح العصر .. نستخدم مثلا مقطع من أغنية يا مدلل على شرط تكون بي صوت الراحل بادي محمد الطيب .. ونعمل ليها ريمكس مع صوت عافية حسن ..
المقطع:
يا مدلل سيب دلالك دا .. وهاك قلبي هديتو ليك وردة ..
هنا يمكن استخدام مرسال الشوق أو أخت صاحبة الواحد link .. بين السيرفرين
.. وبي كدا الـ connected Status.. وبدل ما يكتب ليها جواب ويتلتلة تبقى المعادلة عاملة كدا: ....
ويعمل ليها save في .. ويدخله في URL .. ويقول ليها نتلاقى في الشـات بتاع www.sudaneseonline.com
طبعا لو اتحرفن المعادلة الفوق دي يضغطه في winrar.exe أو في PDF وقطعا للطريق أمام العزال (والنحل) يستخدم symantec endpoint protection


ملحوظة:
ممكن نجرب الاغنية دي بي صوت (طارق ابوعبيدة) khdir سابقا.. في MP3 file لا تقل مساحتو عن 1.5 MB
طبعا في أولاد عم الجكساية ديل بيكون فيهم واحد نحل قافل على الزولة دي يكون بتاع IT ما تستبعد يقوم يعمل بحث في www.google.com .. يا يطلع (جوكر) ويهكر الـ email بتاعه ويجي يزرزر خدر .. ويزرزرك إنت زاتك ويزرزرنـا معاك

ياتامبا

ياخي اول مرة اعرف انو معلوماتك كويسة في العالم الاسفيري

بعدين دي مش نفس بت الجيران القالوا فيها ناس محطة التلفزيون الاهلية

وحبيتك وجيت البيت مالقيتك لقيت اختك في الحيطة وحالا حالا حبيتا ، تكت تكتم تكت تكتم ( دي دخلة بتاع البنقز)

خدها احمر زي الطوبة وحالا حالا مخطوبة تكت تكتم تكت تكتم كلو بالضمة برو دخلة بنقز

اسال السني ممكن يفيدك في الموضوع ده

لكن طالما انت من قبيلة الفنانين هل عقم شعراء الاغنية السودانية من الانتاج بسبب تطور التكنلوجيا واستخدام مصطلحات اجنبية لا تتناسب والشعر الغنائي المكتوب باللغة العربية. ام انا هنالك خلط في كل الامور حتى في المجتمع من ناحية الانفتاح يعني زمان الشاعر يشوف واحده بتكشح في جردل موية يقوم يكتب قصيدة طوالي اها اسع البنات بتشوفهم في اي حته
يعني المنظر بقى عادي زي ماقال ود الصائم ومافي داعي يكتبوا شعر ام ان البنات تغير شكلهم واصبح مائل للبياض بالمساحيق التجميلية واصبحت اغنية يا الخدرتك ( الخضرتك ) ليمون كل العيون حاباك بس انت حبيتني ماشغالة الزمن ده لان الطلب اصبح لذوي البشرة الصفراء زي ماقالت هناية عن صاحبتها التي تبحث زوجة لابنها ومن شروطها تكون ذات بشرة صفراء.
مع انو كل الفنانين بيغنوا للون الاسمر وماشفت لي فنان غنى للون الابيض لكن البنات السمر عايزين يكون بيض .


خد المايك انا تعبته

زاتوووو