Post: #1
Title: تحذير - هذاالبوست عوير جدا
Author: nasmah1981
Date: 02-10-2009, 10:12 PM
أكررهذاالبوست عوير جدا...
اللهم إني قد بلغت اللهم فاشهد...
*****************
الفصل الأول
معقولة الذبابة تبقى ضبانة؟ والبطيخة تبقى بتيخة؟!!..شكلوا عندنا عمى أحجام أو سوء تقدير...!!!!
******************
سؤال يطرح نفسه:
تصغير الكبير وتكبير الصغير...يا ربي ده طبع سائد عندنا!!!
|
Post: #2
Title: Re: تحذير - هذاالبوست عوير جدا
Author: Sobajo
Date: 02-10-2009, 11:01 PM
Parent: #1
والأسود بقا ازرق (ياخ لونو ازرق زي الليل) ....
والأخضر اخدر (من تخدير ياربي ) وكمان بقى لون بشرة ... (فلان اخدراني)...
خربشة:
اخير القلت انو البوست عوير، احسن من البوستات العويرة من غير توضيح ...
بيلو
|
Post: #3
Title: Re: تحذير - هذاالبوست عوير جدا
Author: حمور زيادة
Date: 02-10-2009, 11:07 PM
Parent: #2
عليك الله يا وديان بعيدا من العوارة حقك دي ..
اخر مره استعملتي الباسويرد متين ؟
علي الطلاق المنبر كلو اتملى تراب بدخولك
و اتملى ورود برضو
نورتي المنبر ياخ
|
Post: #4
Title: Re: تحذير - هذاالبوست عوير جدا
Author: nasmah1981
Date: 02-11-2009, 02:16 AM
Parent: #3
حمور أنا اقتنعت إنك مطرطش
وبالتالي لايق إنت جدا مع البوست ده
حسة إنت شايف وديان دي وين؟؟
لووووووول
|
Post: #40
Title: Re: تحذير - هذاالبوست عوير جدا
Author: فتحي البحيري
Date: 02-24-2009, 09:49 PM
Parent: #4
ومن هذا الباب أيضا
تلاتة أنصاص !!
وربما أعود
دا أظرف بوست عوير
أعور بوست ظريف
في هذا القرن
|
Post: #5
Title: Re: تحذير - هذاالبوست عوير جدا
Author: nasmah1981
Date: 02-11-2009, 02:20 AM
Parent: #2
يا مرحبا يا sobajo
قلت لي كمان عندنا عمى ألوان
صحيح علاقة الأخضر والأزرق بالأسود شنو ؟
وبعدين علاقة الأحمر والأصفر بالأبيض شنو؟
|
Post: #6
Title: Re: تحذير - هذاالبوست عوير جدا
Author: nasmah1981
Date: 02-11-2009, 02:27 AM
Parent: #5
الفصل الثاني
أسماء مبتكرة..إبدااااع..بس غريب حبتين!!!
كديسة!!! الخلى القطة كديسة فجعة شنو؟؟
الخلانا نقول للقصير بعيو شنو؟؟
قعونجة!!!!لووووول دي جد قلبنا فيها هوبة.
****************
سؤال يطرح نفسه:
اختر الاجابة الصحيحة البتريحك:
نحن شعب: 1- مبتكر وفنان.
2- مسطول.
3- ما عنده شغلة.
|
Post: #7
Title: Re: تحذير - هذاالبوست عوير جدا
Author: toona
Date: 02-11-2009, 05:56 AM
Parent: #6
أكييييييييييد ما عندو شغلة ...
عوير جد جد ..
وشوفي عليك الله كان ما شينين احنا ذاتنا ...
أنف نقول ليها "نخرة" ؟
رجل ... نناغما "كراع" ؟
فم ......خشم سيدو قال !!
شفاه .... عاملة شلاليفك الكبار ديل !!
ليهم حق يكونوا قايلننا بناكل الناس !
|
Post: #8
Title: Re: تحذير - هذاالبوست عوير جدا
Author: عبدالله كع
Date: 02-11-2009, 06:10 AM
Parent: #7
سلام نسمه والبقيه
Quote: 1- مبتكر وفنان.
2- مسطول.
3- ما عنده شغلة. |
ولاااااا واحد من (التلاته) الفوق ديل
(((( قومته قعدته!!!)))) .(القاف مضمومه) . لزوم القرايه بالاضنين
،،،،،،،،،،،،،،،
مواطن من شعب الله العوير !!!
|
Post: #12
Title: Re: تحذير - هذاالبوست عوير جدا
Author: nasmah1981
Date: 02-11-2009, 04:05 PM
Parent: #8
يا هلا بالمواطن عبد الله كع
لووووول قام شنو!!! قعد
يعني في النهاية هو قام ولا قعد؟؟
|
Post: #9
Title: Re: تحذير - هذاالبوست عوير جدا
Author: ALazhary2
Date: 02-11-2009, 06:21 AM
Parent: #7
.
.
تحية لكل الإخوة الأفاضل والأخوات الكريمات
أود التعليق على بعض الجُمل والكلمات:
(فلان لونه أخدر)
في لغة العرب يطلق على شدة الإخضرار وصف (سواد) ومن ذلك قول العرب عن جنوب العراق (بلاد سواد العراق) أو (أرض السواد) وذلك لشدة خضرتها وخصوبتها.
ووصف الله تعالى الجنة في القرآن الكريم بقوله (مدهامتان) سوداوان خضروان من حسن تمام الخضرة.
ومما يضحك في هذه المسألة أن (الحبوبات) في السودان بعضهن يزعمن رؤية نبي الله (الخضر) عليه السلام في المنام فتقول إحداهن (جاني نبي الله "الخدر" في النوم لون أخدررررررر ولابس جلابية بيضة).
ويقيناً فإن الخضر عليه السلام ليس أسود اللون أو "أخدر" كما نقول في السودان وإنما إطلق عليه إسم الخضر لأنه صلى على أرض يابسة فاخضرت .
أما الملاحظة الثانية فهي حول إسم (قعونجة) (ضفدع) والصحيح في نطق أهلنا في السودان هو (قعوية) ثم حرفت إلى (قعونجة) وأصل التسمية أتى من شكل إستقرار الضفدع على الأرض (إقعاء) .
بالمناسبة إسم (خدر) تحريف (خضر) يعني المكان الذي تخبأ فيه العذراء لزوجها ومن ذلك قولهم (فلان أشد حياءً من العذراء في خدرها) .
.
.
|
Post: #13
Title: Re: تحذير - هذاالبوست عوير جدا
Author: nasmah1981
Date: 02-11-2009, 04:08 PM
Parent: #9
الأزهري really just wow
يعني في أمل !!
بس تحريفاتنا مالا دشنة كده؟؟
وبعدين ياتو أغمق الأخضر ولا الأزرق؟؟
وياتو أفتح الأحمر ولا الأصفر؟؟
|
Post: #11
Title: Re: تحذير - هذاالبوست عوير جدا
Author: nasmah1981
Date: 02-11-2009, 04:02 PM
Parent: #7
لوووووول تونا
جد لكن الأسامي دي شينة ودشنة
بس خشم دي بيقولوها الاماراتيين على المنخير
|
Post: #38
Title: Re: تحذير - هذاالبوست عوير جدا
Author: حسين محي الدين
Date: 02-17-2009, 07:34 AM
Parent: #7
Quote: أنف نقول ليها "نخرة" ؟
رجل ... نناغما "كراع" ؟
فم ......خشم سيدو قال !!
شفاه .... عاملة شلاليفك الكبار ديل !!
ليهم حق يكونوا قايلننا بناكل الناس ! |
اذن نحن شعب منظراتي بين غوسين ما ناقش حاجة
*** بوست ظريف جدا
|
Post: #42
Title: Re: تحذير - هذاالبوست عوير جدا
Author: nasmah1981
Date: 02-24-2009, 09:59 PM
Parent: #38
العزيز حسي محي الدين....إنت الأظرف والله...تسلم وما تحرمنا من إضافاتك
|
Post: #10
Title: Re: تحذير - هذاالبوست عوير جدا
Author: mutasim Hameed
Date: 02-11-2009, 07:01 AM
Parent: #1
نان ده ما الخالي أخوانا .. أولاد بمبه يضحكوا علينا ..
عبارة زي حقت : يا خي إنت بتتكلم ساكت حقتنا ..
واحد منهم قال ليا : إزاي يتكلم وهو ساكت ..
ياخي ده انتو عليكو كلام ..
وصحي .. في الماهية نحن بنقول : ماشين نصرف الماهية ..
لأ هم بقولوا : ماشين نقبض الماهية ..
الفرق واضح : الصرف أن تخرج من يدك الشيء ..
والقبض أن تقبض بيدك الشيء ..
انحنا لما يجي حد يسأل عن حد بنقول : طلع من مسافة كده ..
والصحيح هو : طلع من فترة كده ..
بوستك ولا عوير ولا حاجه ..
بس انحنا كلامنا الما ياهو ..
وما راكب عدلو ..
|
Post: #14
Title: Re: تحذير - هذاالبوست عوير جدا
Author: nasmah1981
Date: 02-11-2009, 04:13 PM
Parent: #10
معتصم يا هلا نورت
مزيد من الغرائب
تسلم على الاضافات اللزيزة
وما حصل سألت نفسك ليه بنقول نصرف ما نقبض؟؟
هل ممكن ده يعبر عن شخصيتنا كشعب؟؟
ما حصل ربطتها بإنه الشعب المصري ممسك وبيحوش وبيلم القرش على القرش وابتدع المقولة المشهورة: القرش الأبيض ينفع في اليوم الاسود؟؟ والشعب السوداني شعب مظاهر وفشخرة حبتين وصريف جدا..
|
Post: #49
Title: Re: تحذير - هذاالبوست عوير جدا
Author: عثمان فضل الله
Date: 03-02-2009, 07:57 PM
Parent: #14
وكمان فى المسائل ديك .... الواحد يجيك من الاخر ويقوليك ماشى (اسكر) يعنى مقرر من قبل انو ح يشرب حتى حد السكر......
بوست يستحق بس عايز تعديل فى العنوان
|
Post: #15
Title: Re: تحذير - هذاالبوست عوير جدا
Author: بشير أحمد
Date: 02-11-2009, 04:15 PM
Parent: #10
سلام للناس الهنا
زول ساكت ما ادانا موية زرقاء.
|
Post: #16
Title: Re: تحذير - هذاالبوست عوير جدا
Author: وليد محمد المبارك
Date: 02-11-2009, 04:17 PM
Parent: #15
1981 : كورلا ولا كرونا ؟
|
Post: #17
Title: Re: تحذير - هذاالبوست عوير جدا
Author: nasmah1981
Date: 02-11-2009, 04:21 PM
Parent: #15
الغريبة مويتنا نهائي ما زرقاء..
ولا يا ربي موية زرقاء هنا يعني سوداء؟؟ على وزن زول أزرق!!!
تحياتي بشير
|
Post: #18
Title: Re: تحذير - هذاالبوست عوير جدا
Author: nasmah1981
Date: 02-11-2009, 04:25 PM
Parent: #17
الفصل الثالث:
المتضادات:
قام قعد ، أقعد ساكت ، ما تتكلم ساكت ، الكلام ده قلته ساكت كده؟؟
*********************************
سؤال يطرح نفسه:
هل تعتقد إننا شعب ملخبط؟؟ ما عارف يعمل شنو؟؟ حائر ومتخبط؟؟
ولا شعب لخباط؟؟ بيخلط الحابل بالنابل...
|
Post: #19
Title: Re: تحذير - هذاالبوست عوير جدا
Author: waleed500
Date: 02-11-2009, 07:32 PM
Parent: #18
تحياتى
عندنا اسئلة عويره اظنها تتفوق على البوست
مثلا
رقد نام ياتى سوال كا الاتى انت نمت
بيتكلم بالتلفون انت قاعد تتكلم بالتلفون
قاعد بياكل انت بتاكل ..........
|
Post: #20
Title: Re: تحذير - هذاالبوست عوير جدا
Author: nasmah1981
Date: 02-12-2009, 03:36 PM
Parent: #19
لوووول وليد
ومن هنا بدأت الردود المسيخة
وضيق الخلق
تحياتي وشكرا على الاضافة الجميلة
|
Post: #21
Title: Re: تحذير - هذاالبوست عوير جدا
Author: nasmah1981
Date: 02-12-2009, 03:56 PM
Parent: #20
الفصل الرابع:
الكنى والألقاب والأسماء الفنية:
من الملاحظ جدا أننا شعب مبدع...ففي الوقت الذي غير فيه عبد الحليم حافظ إسم أبيه من "شبانة" إلى "حافظ" ليصبح إسما فنيا...لقبنا نحن فنانينا بلألقاب لا تقل جمالا وتناغما عن "شبانة"...
حواء "بنزين"...حواء "الطقطاقة"...عبدالله "البعيو"...ياسر "تمتام"..حمادة "بت"...حنان "بولوبولو"...محمد علي "أبو قطاطي"..و ما عارفة منو كده "علب"!!! ومنو كده "بُنَيْ"!! أيوة بني بضم الباء وفتح النون.
وما معروف يمكن يكون في مغني إسمه حاجة شلوت بعد ده.
************
سؤال يطرح نفسه:
هل ألقابنا وكنانا تدل على قسوة الزمن علينا؟؟
أم أننا شعب يجيد الحزن والقسوة حتى على أنفسنا؟؟
|
Post: #22
Title: Re: تحذير - هذاالبوست عوير جدا
Author: toona
Date: 02-12-2009, 09:12 PM
Parent: #21
من ألذ الحاجات البنقولا ، قمت أديتو " ليك" كدة ، قمت مشيت" ليك" الحتة دي ، أكلت " ليك " الليلة سمك عجيب ...
والحفلة دورت ليك بي صابر ترتة ، وبكري كورنر ، بس قبليهم جات نجاة غرزة الضهر ، بهدلت الناس بهدلة ...
| Quote: انجليزي ده يا مرسي ؟ |
|
Post: #23
Title: Re: تحذير - هذاالبوست عوير جدا
Author: تبارك شيخ الدين جبريل
Date: 02-12-2009, 09:45 PM
Parent: #22
آآ اا؟ قُتّى شنو؟
(اتخيّل لى آآ اا دى بكتبوها كدا، يمكن اكون غلتان!)
.. المهم ....
|
Post: #25
Title: Re: تحذير - هذاالبوست عوير جدا
Author: nasmah1981
Date: 02-13-2009, 04:20 PM
Parent: #23
تبارك أيوة بيكتبوها كده يتخيل لي
لوووول
شرفت البوست بوجودك
|
Post: #24
Title: Re: تحذير - هذاالبوست عوير جدا
Author: nasmah1981
Date: 02-13-2009, 04:18 PM
Parent: #22
لووووول يا تونة
بالمناسبة؟؟ نجاة غرزة دي منو؟
|
Post: #26
Title: Re: تحذير - هذاالبوست عوير جدا
Author: ماضي ابو العزائم
Date: 02-13-2009, 10:38 PM
Parent: #24
أها قمتى قسمتى البوست لى فصول ولا ما بعرف اقسام
بس ورينى
صنقع.. و..دنقر
نختها تحت ياتو بند؟؟؟
عوارة العدو
|
Post: #27
Title: Re: تحذير - هذاالبوست عوير جدا
Author: صلاح ليون
Date: 02-15-2009, 05:47 PM
Parent: #26
صاحبة البوست العوير ، جريت لقيتو في الصفحة الرابعة
وانا من زمان كل ما اعاين ليهو اقول لازم اتعاور هنا شوية
Quote: عبارة زي حقت : يا خي إنت بتتكلم ساكت حقتنا ..
واحد منهم قال ليا : إزاي يتكلم وهو ساكت .. |
ههههههه والله حلوة شديد وانا اول مرة الاحظ لمعنى الجملة
إكمالا للمداخلة اعلاه وللفصل الرابع بتاع الكلمتين
عندنا كمان حكاية تأكيد الصفة بنفس الصفة والأمثلة:
* ياخي البوست ده عوير عوارة
* الزول ده ظريف ظرافة
* البت دي جميلة جمال
* الشافع ده شفت شفتنة
وما عارف يكون من التردد ولا زيادة الخير خيرين
منتظرين تحليل منك بس يكون سمح سماحة........
|
Post: #28
Title: Re: تحذير - هذاالبوست عوير جدا
Author: ALazhary2
Date: 02-15-2009, 05:50 PM
Parent: #27
.
.
من العبارات العجيبة:
الليلة الصباح
مابتجي كلو كلو .
.
.
|
Post: #29
Title: Re: تحذير - هذاالبوست عوير جدا
Author: صلاح ليون
Date: 02-15-2009, 07:44 PM
Parent: #28
والله يا ازهري صحي عجيبة
تعرف والاعجب لو كان في الليلة بالليل..
غايتو كدي نستمر في المصطلحات
دقيقة كلمة غايتو دي زاتا.. جاية من وين
هل هي اسم ام فعل ام استدراك
حاجة تحير ..
كتير من الجمل بتاعتنا بتبدأ بي ((غايتو))..
تكون جاية من (الغاية تبرر الوسيلة)
يمكن ..
لكن غايتو ست البوست ده كان ما جات
وفسرت لينا تكون قصرت تقصير ..
|
Post: #30
Title: Re: تحذير - هذاالبوست عوير جدا
Author: سلمى الشيخ سلامة
Date: 02-16-2009, 00:28 AM
Parent: #29
Quote: الغريبة مويتنا نهائي ما زرقاء..
ولا يا ربي موية زرقاء هنا يعني سوداء؟؟ على وزن زول أزرق!!! |
البنية السكرية
ازيك
لو لاحظتى النيل الازرق تلاقى الموية زرقاء تماما
زرقة حقيقية
شهدتها بعيونى ديل
وازعم انه الزرقة جات من هناك
من النيل الازرق
فى واحد فنان تشكيلى اسمه عادل كبيدة
عمل دراسة فوجد انه اللون الازرق فعلا هو لون الانسان السودانى
وكذا الاخضر
لكن المدهش انه البنات بقن يتلونن حتى درجة تغيير البشرة
عشان يبقى لونهن احمر
مع ان الشائع هو رفض الحمرة
والمقولة حاضرة
الحمرة الاباها المهدى والمعنيين بيها الاتراك والانجليز
شفتى كيف؟
شفتى كيف؟مش
|
Post: #31
Title: Re: تحذير - هذاالبوست عوير جدا
Author: تبارك شيخ الدين جبريل
Date: 02-16-2009, 02:30 AM
Parent: #30
آآااى موية زرقا ....
ولاّ شنو كدا ما تعرف ....
... المهم .....
|
Post: #32
Title: Re: تحذير - هذاالبوست عوير جدا
Author: قيقراوي
Date: 02-16-2009, 03:04 AM
Parent: #31
Quote: عبارة زي حقت : يا خي إنت بتتكلم ساكت حقتنا ..
واحد منهم قال ليا : إزاي يتكلم وهو ساكت .. |
سلام
ود بمبا دا تقولوا ليهو يراجع محمد حسنين هيكل طوالي . . . و قبل ما يتكلم يفكر شوية عشان كلامو ما يطلع كلام ساكت ( كلام ما بقول اي شئ ) . . . و كان مصرّ و ما شايفها راكبة عدلها يمشي يدي هيكل كف لانو في يوم كتب مقال بحالو في بلاغة السودانيين و تحديداً في " كلام ساكت " دي
اسي كلام ساكت ما احسن من " مأتم جنائزي " ؟
|
Post: #35
Title: Re: تحذير - هذاالبوست عوير جدا
Author: nasmah1981
Date: 02-16-2009, 05:00 AM
Parent: #28
أزهري جميل جدا أشوفك تاني معانا
إنت الليلة الصباح فطرت بشنو؟
|
Post: #34
Title: Re: تحذير - هذاالبوست عوير جدا
Author: nasmah1981
Date: 02-16-2009, 04:55 AM
Parent: #27
مرحب مرحب بأخونا صلاح
لووووول أخد راحتك البوست تحت أمرك
حكاية التأكيد دي لزيزة
نجيها في الفصل الخامس
|
Post: #33
Title: Re: تحذير - هذاالبوست عوير جدا
Author: nasmah1981
Date: 02-16-2009, 04:48 AM
Parent: #26
هلا هلا ماضي
والله أتفق معاك في الحاجات دي
بس عوارة العدو دي شنو؟؟
العدو ده عوير؟؟
وعوارته بتفرق عن عوارة الصديق؟؟
|
Post: #36
Title: بوست عوير جدا
Author: toona
Date: 02-16-2009, 10:10 AM
Parent: #1
في زول ما بعرف نجاة غرزة يا نسمة ؟؟
أقوم "أفلقك " بالبتاعة دي ؟
(دي برضو من جدعاتنا، لغتنا كلها جديع وفليق ، اللهم سترك)
ياخي نجاة غرزة البيعزف ليها أيمن الربع "ربع آي ما نص"
هي هي
|
Post: #37
Title: Re: بوست عوير جدا
Author: nasmah1981
Date: 02-17-2009, 03:35 AM
Parent: #36
ربع؟؟
لووووول
تونا إحنا شكلنا حيشيلونا كده كلنا بالبوست ده
ويجدعونا بره
يجدعونا...جدع يجدع فهو مجدوع
بالمناسبة برضو ما اتشرفت بالفنانة غرزة هانم
|
Post: #39
Title: Re: بوست عوير جدا
Author: nasmah1981
Date: 02-24-2009, 09:38 PM
Parent: #37
الفصل الخامس:
التوكيد: لغة: تكرير اللفظ لتثبيته في النفس، إسما كان أو فعلا أو حرفا أو ضميرا. ويتبع في إعرابه إعراب المؤكد قبله، رفعا ونصبا وجرا.[المصدر جوجل].
أمثلة:
عوير عوارة!! بليد بلادة!! كريه كراهة!!رهيبة رهابة!!سمح سماحة!! وجيه وجاهة!! كذاب كذب !!! إلخ إلخ إلخ.
**********************
سؤال يطرح نفسه:
إختر الإجابة الصحيحة:
1- نحن شعب غير متأكد من نفسه .
2- نحن شعب ما عنده كلمة.
3- جميع ما سبق.
|
Post: #41
Title: Re: بوست عوير جدا
Author: nasmah1981
Date: 02-24-2009, 09:56 PM
Parent: #39
العزيز فتحي
وأنت والله أظرف قارئ ومشارك
أنا ما عندي مشاركات كتيرة
لأنه كتاباتي ما بتجي حاجة جنب البقراهو هنا
بس ردودكم وتفاعلكم شجعني
شكرا للجميع
|
Post: #43
Title: Re: بوست عوير جدا
Author: Egbal Elmardi
Date: 02-25-2009, 00:56 AM
Parent: #41
إزيكم يا جماعه
بوست ظريف جدا...
الحاجه المحيرانى المتحدث البفتح حديثه بى...(والله أنا ما عارف)...لاكين...كده ..وكده ..وكده...
وحكاية كده وكده دى برضها حكايه
الولد أب داقوشه
البت أم فاخوره
والشافع أب تلاليش
عنقرة مانعين
ليه عنقره
برجع ليكم يا ظراف...بضم الظاء
|
Post: #44
Title: Re: بوست عوير جدا
Author: Egbal Elmardi
Date: 02-25-2009, 01:09 AM
Parent: #43
سلام تانى
لما الام تكون زعلانه أو زهجانه اسماء الابناء والبنات بتتحول لى...قشره.... وقشيره.... وقاشر.... وقشار
فاجع ...وفاجعه...فجاع...
يتم التصريف حسب موسيقى الإسم
|
Post: #45
Title: Re: بوست عوير جدا
Author: nasmah1981
Date: 02-27-2009, 09:04 PM
Parent: #44
العزيزة إقبال...إنت الأحلى والله...إضافاتك جميلة جدا...ما تحرمينا من طلتك
|
Post: #46
Title: Re: بوست عوير جدا
Author: عبدالعزيز الفاضلابى
Date: 02-27-2009, 11:29 PM
Parent: #45
Quote: نحن شعب: 1- مبتكر وفنان.
2- مسطول.
3- ما عنده شغلة. |
نسمة ,,
اولا:
انت نسمة من 1981 ,, دى بتكون اتشمت من زمان ,, وتحولت لثانى اكسيد كربون,,ياخ ماتكربنا ,, نسمة 2009 بتكون Fresh .
تانيا:
نحن شعب سلحفائي ,,
بمناسبة سلحفائي:
الناس بسمو السلحفاة (ام دريقة) ليه ماسموها ام درقة?
|
Post: #47
Title: Re: بوست عوير جدا
Author: nasmah1981
Date: 03-02-2009, 07:46 PM
Parent: #46
ما هو أصل تعبير: ركبناهو التونسية؟؟
******************
سؤال يطرح نفسه:.
هل نستطيع أن نستبدل التونسية بالسودانية؟؟ بما إنه الفكرة إنها ذهاب بلا عودة!!!
|
Post: #48
Title: Re: بوست عوير جدا
Author: nasmah1981
Date: 03-02-2009, 07:52 PM
Parent: #46
هي أصلا أم درقة دي شنو؟؟
شرفتنا عزيزي عبد العزيز
|
Post: #50
Title: Re: بوست عوير جدا
Author: حبيب نورة
Date: 03-02-2009, 08:03 PM
Parent: #48
عارفة
قبل يجي ساعتين مشينا حتة أسمها ارض اللواء عشان نشتري كسرة سودانية
وبأعتباري اول زول صحا من النوم قلت اعمل الفطور
لاحظي الفطور بعد المغرب بي توقيت العطالة
لقيت لحمة مفرومة و عملت منها مكرونة بي الأرانب
عايز أزيد نسبة الكوليسترول في الدماغ
وظبطت لي جنس كسرة بي طماطم ودكوة وشطة قبانيت وارد الدمازين
الجماعة صحو وفرشنا الصفرة عشان نتعشي!
قلت ليهم رايكم شنو نشيل الملاعق دي بعيد
اسمعي هي ملاعق واللا معالق؟؟؟
المهم يا منقة قلبت ليك المكرونة في الكسرة والبلد جاطت
تتخيلي أكلنا جنس اكل
قلت ليهم خلاس كل يوم نتعاور
طالما العوارة بتفتح النفس كدة
اسمعي انا شكلي بريتك؟؟
جيم سؤال
بديك جايزة لو عرفتي انا بريتك بي موس واللا براية؟؟؟
كااااااااااااااااك
|
Post: #51
Title: Re: بوست عوير جدا
Author: ست البنات
Date: 03-02-2009, 08:28 PM
Parent: #48
سلام يا ناس ,
البوست دا كشف حساب ومراجعة لغة امة قبل ما النشئ يتعود عليها !
لاحظت فى الفضائية السودانية حين اجراء حوار مع ضيفة , تبدأ الحديث : يالله أو يلا .
و يقولوا : زى جيعانين , والحاجة دى , وجانى مادى وشو , ومشرف اضنيهو , ومقلع عيونو , ناس الجيران ,ايواتلك .
ومطلوب تفسير 1الآتى :
1- شلاضيم ,
2-كازوم ,
3 - كدارين ,
4- نخاشيم ,
5- مسردب ,
6- مقهيى ,
7- موتب ,
8- مطلش ,
9- شحتفة ,
10- مكوفر ,
11- معولق ,
12- مجندر ,
13- مشوطن ,
14- مزهلل .
ست البنات .
|
Post: #52
Title: Re: بوست عوير جدا
Author: Egbal Elmardi
Date: 03-02-2009, 11:40 PM
Parent: #51
أضيفى ليهم بتباتة قلب
وشحتافة روح
صنقر دى كومها براهو...
|
Post: #53
Title: Re: بوست عوير جدا
Author: nasmah1981
Date: 03-06-2009, 04:32 PM
Parent: #52
الفصل السادس:
أخطاء إملائية:
لا لا دقيقة...الكتابة زي النطق...
***************************
أمثلة:
هل هي جزمة أم جذمة؟؟ زلك أم ذلك؟؟ إستقلال أم إستغلال؟؟ تسعة أو تزعة؟؟ سغيل أم سقيل؟؟
**************************
أسئلة مشروعة:
لماذا تتم بشتنة اللغة العربية هكذا؟؟
الغريبة إنه من ناس المفترض إنهم كتاب وشعراء وصحفيين لووول.
|
Post: #54
Title: Re: بوست عوير جدا
Author: nasmah1981
Date: 03-06-2009, 04:44 PM
Parent: #53
لوووول حبيب نورة غلبني أرد سلامي لنورة
هلا وغلا ست البنات طبعا المذيعات ديل كمان كوم تاني..مع إحترامي للمذيعات البروفيشنالز لكن أي برنامج مقابلة أنا بضحك فيه من أسلوب المذيعة وحتى بعض الضيوف. أما الكلمات الطالبة تفسيرها ما عرفت فيهم غير مزهلل لأنو كان لينا صديق بنطلق عليه لقب زهلول أما البقية فلا أعلم لوووول
العزيزة إقبال منورة... صنقر دي كلمة مبالغة لوووول شكرا للاضافة
|
Post: #56
Title: Re: بوست عوير جدا
Author: Gaafar Ismail
Date: 03-31-2009, 03:02 AM
Parent: #54
العزيزة نسمة
نسمي الأسد ، ملك الغابة (دود)
موش الفنان قاعد يغني ويقول الدود قرقر حبس الدرب؟
تحياتي .
|
Post: #55
Title: *
Author: عمر الفاروق
Date: 03-30-2009, 08:50 PM
Parent: #1
والعجب لمن تقول ليك يخخخخخخخخخخخخخخسي عليك..
والاجمل منها الإزبتالية ..
وما ادراك ما مستيفى الديش..
دنقر كلمة لها مكانة خاصة في قلبي ..
وخشم الباب من اجمل الخشوم ..
والبرندة الورانية لحدي اسة انا ما عارفا وين لانو دايما بكون قاعد في الاوضة القدامية ..
ما لاقي معنى واااضح لي كلمة مضمحل مع اني بقول لي صاحبي طوااالي ياخ انت زول مضمحل ..
بحب جداً اخلي باقي شاي في قعر الكباية ..
واستمتع خاااالص وانا اردد الحاناً من بي حركة الفرشة وانا بتسوك ..
وجننننننننننني وجن الكديسة ..انتو الكديسة دي معناها شنو ؟؟؟ القطة ؟
كلمتين ارددهم باستمرار عشان اعرف القام بي تأليفهم منو :
عنقريب ..و بمبر..
تخريمة :
قرطعوت قرطعوت قرطعوت ..
|
Post: #57
Title: ما تنسوا
Author: صلاح ليون
Date: 03-31-2009, 06:11 AM
Parent: #55
ما تنسوا تشيلوا معاكم العوارة دي
للربع الثاني محتاجين ليها .....
|
|