Post: #1
Title: mamkouna قالت ....
Author: smart_ana2001
Date: 02-07-2009, 04:17 PM
Parent: #0
قبل حوالى سنتين كتبت العزيزه mamkouna بوست بعنوان {فخامة الرئيس...معاليٌ الوزير...زوجيٌ العزيز..!! }
فخامة الرئيس...معاليٌ الوزير...زوجيٌ العزيز..!!
البوست كان لذيذ جدا..جدا...كالعاده فى بوستات اختناmamkouna
لكن فى احدى المداخلات قالت mamkouna :
Quote: ففي مقابلة تلفزيونية..حاولت أوبرا وينفري خلالها تلميع السيناتور الأسود باراك أوباما الذي يستعد لخوض الإنتخابات الأمريكية ليصبح- إذا حالفه الحظ - أول رئيس أمريكي أسود.
صبٌ باراك إوباما جلٌ إهتمامه – أثناء المقابلة التلفزيونية- على طفلتيه و زوجته ميشيل أوباما التى كان جلياً أنها ستكون السبب الأساسي في عدم دخوله البيت الأبيض ..(( و تعالوا قولوا ممكونة قالت ))!! .فقد شكت طوال الحلقة من عدم تفرغه لبناته..و نسيانه للكثير من طلباتهن..و نسيانه لأعياد ميلادهن و إهماله ل عيد زواجهما...و من سفره و ترحاله..و...و حاول هو جاهداً أن يحثها على ذكر أي صفة عائلية جيدة عنه..ففشل..و كان واضحاً و جلياً عدم إنسجامهم.و بدا جلياً أن أوباما قد يحتاج ل كسب ثقة زوجته أولاً قبل أن يكسب ثقة منتخبيه. |
باين يا mamkouna ان اوباما حس بالموضوع.....طوال عام الانتخابات و حتى الان ...لازم بمناسبة و بدون مناسبة يتكلم عن زوجته و بناته ...و الكلب بتاعهم كمان.
|
Post: #2
Title: Re: mamkouna قالت ....
Author: jini
Date: 02-07-2009, 06:40 PM
Parent: #1
Quote:
باين يا mamkouna ان اوباما حس بالموضوع.....طوال عام الانتخابات و حتى الان ...لازم بمناسبة و بدون مناسبة يتكلم عن زوجته و بناته ...و الكلب بتاعهم كمان.
|
لوووووووووووول
ذاكرتك خطيرة لكن!
كان ممكن تبيعى المعلومة دى لى مكين وتذكريها ليهو عشان يثبت كذب اوباما وميشيل فى الانتخابات وتاخدى ليكسيكوياوفيلا ومزرعة!
جنى
|
Post: #3
Title: Re: mamkouna قالت ....
Author: smart_ana2001
Date: 02-07-2009, 06:50 PM
Parent: #2
سلامات يا جنى....
سكويا بس كفايه....ابيع اوباما والشعب الكينى كله!!!!
|
Post: #4
Title: Re: mamkouna قالت ....
Author: Hussein Mallasi
Date: 02-07-2009, 08:23 PM
Quote: طوال عام الانتخابات و حتى الان ...لازم بمناسبة و بدون
مناسبة يتكلم عن زوجته و بناته ...و الكلب بتاعهم كمان. |
دا – بالضبط - الكرهنا مسلسل نور 
|
Post: #5
Title: Re: mamkouna قالت ....
Author: smart_ana2001
Date: 02-07-2009, 09:14 PM
Parent: #4
سلامات ملاسى
| Quote: دا – بالضبط - الكرهنا مسلسل نور |
مالك قارش ملحة الراجل؟؟؟
اديه فرص شوووووية
______________________________________________
سلامى برضو لصحبتى ....ان شاء الله تكون بالف خير
|
Post: #7
Title: Re: mamkouna قالت ....
Author: mamkouna
Date: 02-08-2009, 10:14 AM
Parent: #6
تعرفي يا سمارت إنتي..
كلنا عارفين إنو politics is a dirty game
و كلنا عارفين إنو في الإنتخابات - بصفة عامة- بتلعب التمثيليات دور كبير في زيادة فرص الفوز...
و كلنا عارفين إنو مقابلة أوبرا مع أوباما و زوجته كانت صادمة للكثير من أنصار و مؤيدي الرئيس to-be آنذاك...و أولهم أوبرا وينفري ذات نفسها..التي يعرف الكل ماذا يعني لها فوز رئيس أسود..
و زي ما أنا قلتَ...
| Quote: ((....فقد شكت ميشيل طوال الحلقة من عدم تفرغه لبناته..و نسيانه للكثير من طلباتهن..و نسيانه لأعياد ميلادهن و إهماله ل عيد زواجهما...و من سفره و ترحاله..و...و حاول هو جاهداً أن يحثها على ذكر أي صفة عائلية جيدة عنه..ففشل..و كان واضحاً و جلياً عدم إنسجامهم.و بدا جلياً أن أوباما قد يحتاج ل كسب ثقة زوجته أولاً قبل أن يكسب ثقة منتخبيه....))! |
و برضو كمان قلتَ...
Quote: لكل ما تقدم ذكره.. يهتم المرشحون ..بعكس صورة عائلية تكاد تكون مثالية..لكي يحظوا بأكبر قدر من الناخبين.
فيتعمدوا الظهور عبر وسائل الإعلام المختلفة..و هم يقٌبلون جبين زوجاتهم...و ينظروا إليهن بمنتهى الوله و الشغف...و يبالغوا في وصف حياتهم الأسرية الهادئة....و كيفية اهتمامهم بأطفالهم و زوجاتهم. |
لكل ما تقدٌم ذكره...عندي إحساس دائم إنو أوباما يمثل و ينافق و يبالغ في إظهار حبه لميشيل which is not the case
و يتخيل لي ميشيل زااااااتا عارفة كدا...
و لو ما مصدقاني قارني بين نظراتا و بُعدها المساحي عنه في الصور القديمة دي...
و...
و نظراتا في الصور الحديثة دي...
..و..
و ما ح تلقي أي فرق..
نفس الحيرة و التوجس....و الحذر!
|
Post: #8
Title: Re: mamkouna قالت ....
Author: mamkouna
Date: 02-08-2009, 10:23 AM
Parent: #7
دي الصورة التمثيلية..
و دي كانت الصورة الحقيقية!
|
Post: #9
Title: Re: mamkouna قالت ....
Author: محمد عكاشة
Date: 02-08-2009, 10:43 AM
Parent: #8
شكرا اسمارت
ممكونه
محبتى
زوجــة الـرئـيس !!!]
|
Post: #10
Title: Re: mamkouna قالت ....
Author: خدر
Date: 02-08-2009, 11:02 AM
Parent: #9
ممكونه مركبه مكنة زرقاء اليمامة الليلة 
عارفيين , بعجبني جدا ذكاء النساء
و بعجيني جدا انهن بشوفن المابشوفوهو الرجال
دي فعلا موهبه
انا والله مستمتع جدا و اصلي ممكونة بلييز
__
سلام لي اسمارت و ضيوفها
|
Post: #11
Title: Re: mamkouna قالت ....
Author: محمد المرتضى حامد
Date: 02-08-2009, 11:11 AM
Parent: #8
| Quote: نفس الحيرة و التوجس....و الحذر! |
الفراسة الديجيتال.
يا ممكونه أسباب الفوز متعددة وأشبعــها الناس تحليلا وقد صادفـــت
أشرعة أوباما رياحا مواتية أرست قاربه على موانئ البيت الأبيض ولا أظن
أن لمــا بينه وبين زوجته دور في حياته السياسيــة ولا أظن أيضا أن
الناخب الأمريكي يهمه الكثير مما يجري بين الساسة وزوجاتــــهم
بمفهومنا نحن بل ربما على العكس من ذلك فقد ارتفعت شعبية كلنتون
بعد سالفة البت مونيكا ورغم أن تلك (الحادثة) أنهت عمليا مابين
هيلاري وزوجها تقريبا إلا أن ذلك لم يمنعها من منافسة ودحسين بقوة
للفوز بترشيح الحزب لإنتخابات الرئاسة مدفعة بدعم شعبي غير قليل.
ربنا يسهِّلا عليهم.
سلامي يا سمارت .
|
Post: #12
Title: Re: mamkouna قالت ....
Author: smart_ana2001
Date: 02-08-2009, 01:34 PM
Parent: #11
سلامات يا mamkouna و يديك طولة العمر .....
كلامك صحيح ميه فى الميه....
المواطن الامريكى _ذى اى مواطن تانى_ عاوز يعرف عن مرشحه اكتر.
المرشح بيتكلم عن سياسته الاقتصاديه و كل الحجات اللى ح ينظر فيها للبلد...و للمواطن ان يرضى و يرشح او يرفض و يرشح المنافس...ده عن السياسات.
المواطن ده عاوز يعرف برضوا عن اخلاق المرشح....او ببساطه جدا جدا " هل هو زول كويس؟؟"...الحاجه دى صعب قياسها. و لان الشعب الامريكى اغلبه متدين (ما قلت متعصب ..لكن متدين ..رٍغم ان الدوله رسميا علمانيه) فالناس عشان تعرف المرشح كويس او لا... بيسالوا "بيمشى الكنيسه؟؟؟" و ده لاغلب الامركان اسهل طريقة لقياس الاخلاق....و العامل التانى اللى بياثر على الاخلاق هو "هل هو رجل يهتم باسرته؟؟""...و عشان كده كان لازم لميشيل و اوباما يعملوا حسابهم...حتى لوكانوا زوجيين عاديين جدا او اقل من عاديين فى حبهم لبعض.....كان لازم يختوا الحب ده تحت العدسات المكبره عشان كل الشعب الامريكى يشوفوا بحجم اكبر من حجمه....و ده اللى حصل....
و فى احتمال تانى برضوا...ان كل الضغط بتاع الانتخابات و مشاكلها تكون عملت منهم زوجين افضل..و ذادت حبهم لبعض.....احتمال.
محمد عكاشة,
خدر
سلامات و شكرا جزيلا
محمد المرتضى حامد سلامات
Quote: ولا أظن
أن لمــا بينه وبين زوجته دور في حياته السياسيــة ولا أظن أيضا أن
الناخب الأمريكي يهمه الكثير مما يجري بين الساسة وزوجاتــــهم
بمفهومنا نحن بل ربما على العكس من ذلك فقد ارتفعت شعبية كلنتون
بعد سالفة البت مونيكا ورغم أن تلك (الحادثة) أنهت عمليا مابين
هيلاري وزوجها تقريبا إلا أن ذلك لم يمنعها من منافسة ودحسين بقوة
للفوز بترشيح الحزب لإنتخابات الرئاسة مدفعة بدعم شعبي غير قليل.
ربنا يسهِّلا عليهم |
.
حتى لو ارتفعت شعبيه كلينتون بعد قصة مونيكا....اظن ان قصة مونيكا كانت السبب الرئيسى فى فور زول ذى بوش بعد كلنتون.
البلد كانت فى احسن حالاتها (الاقتصاد قصدى)...و ناس عايشه فى رفاهيه....مشاكلها فى الزمن داك زواج المثليين و الاجهاض.....يجى بوش..يعلن انه ح يحكم باسم الرب و انه زول تائب و راجل دين محترم على عكس كلنتون....و يفوز....فى راى انو قصة مونيكا هى اللى خلت زول ذى بوش يفوز رغم انه ما ناقش حاجه لكن رافع شعار الاخلاق و الدين.
اما عن هليرى....فهى الان جنت ثمار صبرها على سخافات كلنتون....ما تقنعونى انو فى زوجه بتكون OK لو زوجها بعمل فى عمايل ذى دى....لكن هيلرى "رمت لقدام"...و عرفت ان بل زول خطر جدا و واصل...فقررت انها تتطنش مقابل مستقبلها السياسى....و برضوا حصل اللى اتوقعته.
المختصر ..انا شايفه انو طناش هليرى كان فى صالحها طوال ال9 او 10 سنيين الفاتت
|
Post: #13
Title: Re: mamkouna قالت ....
Author: mamkouna
Date: 02-08-2009, 09:06 PM
Parent: #12
Quote: عارفيين , بعجبني جدا ذكاء النساء
و بعجيني جدا انهن بشوفن المابشوفوهو الرجال
دي فعلا موهبه |
دي موهبة فطرية يا خدر..أكدها علماء لغة الجسد او ال Body Language ...
موهبة وهبها الله للمرأة-الأم حتى تستطيع قراءة لغة جسد طفلها دون الحوجة للكلام..
و بعد داك تتحرى بيها الصدق من الكذب حولها حتى تحمي ذات الطفل...
و later on تقرا بيها صور ميشيل و باراك ( الوش الغامز وينو ) !
|
Post: #14
Title: Re: mamkouna قالت ....
Author: mamkouna
Date: 02-09-2009, 06:48 AM
Parent: #13
Quote: ولا أظن أن لمــا بينه وبين زوجته دور في حياته السياسيــة ولا أظن أيضا أن
الناخب الأمريكي يهمه الكثير مما يجري بين الساسة وزوجاتــــهم
بمفهومنا نحن بل ربما على العكس من ذلك |
دا كلام غريب جداً يا مولانا و أسمح لي أختلف معاهو 100%...
الكلام دا قد يكون valid في عالمنا العربي و الأفريقي و الإسلامي و في معظم دول العالم الثالث..
حيث لا تهم الحياة الخاصة للمرشح أو الرئيس أو ولي الأمر أحد و لا يهم إذا كان متزوج أم لا..
و إذا كان متزوج ..سعيد أم تعيس...و مسيار أم إيثار!
لكن في اوروبا و امريكا و الدول المتقدمة يحدث العكس تماما..
كلينتون ما كان لينفي خبر خيانته أولاً....و يعتذر على الهواء مباشرتم بعد ثبوت التهمة..
إلا إذا كان حريص على صورتو الراسما و خايف من فقدان منصبو الرسمي قبل الزوجي.....
... ارجووووك ارجع اقرا البوست القديم تاني...
شوف رئيس فرنسا عمل شنو عشان يترشح و ما يتشرشح..
و شوف بتاع ايطاليا عمل شنو عشان ما تهتز صورتو الراسما...
و شوف بتاع بريطانيا و مخدة حق اللبن..
و شوف اوباما كان وين...و بقى وين...
و تعال قول...ممكونة قالت!
|
|