الهكر ماغلطان عليكم...رهط وعوام بالجد..."بدون اي ابتسامات"
اها يا مجدي قلت لي الزول يقبل وين......
Post: #7 Title: Re: الزول لو قفلت معاه.....يسوي شنو؟ Author: osman righeem Date: 02-06-2009, 10:24 PM Parent: #5
Quote: الزول لو قفلت معاه.....يسوي شنو؟
يقلب الصفحه ولو كانت الصفحه الاخيره يبدأ من الاول
Post: #10 Title: Re: الزول لو قفلت معاه.....يسوي شنو؟ Author: عبد الغفار عبد الله المهدى Date: 02-06-2009, 10:28 PM Parent: #7
حنين
سلامات
تنتظر (البايظ) وتجر خمسييييييييييييييييييين
Post: #16 Title: Re: الزول لو قفلت معاه.....يسوي شنو؟ Author: عبدالله الامين صالح Date: 02-06-2009, 10:35 PM Parent: #10
ولو القفلة ميتة
Post: #11 Title: Re: الزول لو قفلت معاه.....يسوي شنو؟ Author: Balla Musa Date: 02-06-2009, 10:28 PM Parent: #7
Quote: الزول لو قفلت معاه.....يسوي شنو؟
ينتظر الخمسين.
Post: #23 Title: Re: الزول لو قفلت معاه.....يسوي شنو؟ Author: محمد البشرى الخضر Date: 02-06-2009, 10:44 PM Parent: #11
فاهم امي ... فاهم لكن سؤالي مافي الغلطة نفسها لأنو واحد اخونا غلط نسى ليه حرف قبل كدة قرب يبكي بدموعو لمن حذفوهو ليه
بالنسبة لسؤالك عن تسوي شنو لو قفلت معاك تسوي شنو دي ما عارف حاجة محددة لكن ممكن اقوليك ما تسوي شنو ما تفتحي بوست في سودانيزاونلاين يلم فيك واحد قافلة معاه من الصباح يبرمج بيك زيي كدة او يجيك واحد خراش يملاك فقر يزيد عليك القفلة زيادة وكدا
دكتور مجدي إزيك ياخ و حمدالله على السلامة وعمرة مقبولة إن شاء الله ياخي ما ترشوووووووو كرهونا الأيام دي
Quote: ما تفتحي بوست في سودانيزاونلاين يلم فيك واحد قافلة معاه من الصباح يبرمج بيك زيي كدة او يجيك واحد خراش يملاك فقر يزيد عليك القفلة زيادة وكدا
اسه دي برضه مش حاجة تزهج
ليه الناس بتصر تتعامل معاك كمثالية غير واردة في واقع الحياة، يااخي مانحنا بني ادمين من لحم ودم، بنمر بلحظات انكسار اسه اناليك انت مش عشان سودانيزاونلاين الزول يتجمل للخلق، انا قافلة معاي وزهجانة ودايرة اغمض عين واحدة مش عينين والقى روحي مع ناس امي...الزول ده لي الاخرون بفترضوا في انهملاك لازم يكون كامل.. انا ماكاملة بني ادم بحس وبتعب وروحه بتوهن وبحس بالارهاق . اما بخصوص البجوا داخلين عشان يتهكموا او يبرمجوا بي كلام خارم بارم ماشغالة بيهم...انا بهموني الناس النضيفة الزيكم ..انا بهموني اخواني البحسوا بي حسسي فهمتني....ليه مانصل لي درجة نقبل بعضنا بكل نواقصنا وادميتنا التي تميل احيانا الى الرهق والتعب والقنوط.. اسه انا في اللحطة دي حسيت فجاة اني مرهقة ومتعبة وضغوط العمل والدراسة والحياة والغربة كترن علي...فتحت بوست لي ناس هم اكتر من اتواصل معهم، انا ما اجتماعية خالص يا ود البشرى ماتشوف فصاحتي الهنا دي...غير اختي وولدي ماعندي اجتماعيات مع اي زول، عشان كدة بفتقد البعرفوني وبعرفهم ..اهلي وبحس اني مخلوق لم يخلق للغربة.....
Post: #27 Title: Re: الزول لو قفلت معاه.....يسوي شنو؟ Author: osman righeem Date: 02-06-2009, 11:17 PM Parent: #25
Quote: اسه اناليك انت مش عشان سودانيزاونلاين الزول يتجمل للخلق، انا قافلة معاي وزهجانة ودايرة اغمض عين واحدة مش عينين والقى روحي مع ناس امي...الزول ده لي الاخرون بفترضوا في انهملاك لازم يكون كامل..
الله يا مثبت القلوب نسألك وانت القائل انه بذكرك تطمإن القلوب فحنين اختنا قد لجأت اليك وانت خير المستعان يا معين يا حنان يا منان في كل لمحة ونفس عدد ما وسع علم الله وبجاه المصطفي و آل بيته عليه افضل الصلاة والسلام
Post: #28 Title: Re: الزول لو قفلت معاه.....يسوي شنو؟ Author: سناء عبد السيد Date: 02-06-2009, 11:52 PM Parent: #27
اسمعي شريط لنور الجيلاني بالليل شديد
و الجابري في الصباح بعد الشاي و قبل الفطور
و فرفور في اي وكت عدا الاوقات الفوق دي
لمدة 3 ايام
و ان شاء الله ما بتجيك قفلة قريب
Post: #32 Title: Re: الزول لو قفلت معاه.....يسوي شنو؟ Author: نادية عثمان Date: 02-07-2009, 00:21 AM Parent: #28
حنون الحنينة
تبكي بس !!
Post: #29 Title: Re: الزول لو قفلت معاه.....يسوي شنو؟ Author: Magdi Ahmed Elsheikh Date: 02-06-2009, 11:53 PM Parent: #27
Quote: والله الهووم سيك الا ركعتين
الله يا مثبت القلوب نسألك وانت القائل انه بذكرك تطمإن القلوب فحنين اختنا قد لجأت اليك وانت خير المستعان يا معين يا حنان يا منان في كل لمحة ونفس عدد ما وسع علم الله وبجاه المصطفي و آل بيته عليه افضل الصلاة والسلام
وانا اقول ليك امسكى فى الصلاه على الرسول باستمرار بأذن الواحد الاحد
تفتح معاك
اللهم صلى على سيدنا محمد وعلى اله وصحبه وسلم بقدر عظمة ذاتك يا احد
ام الاء
Post: #42 Title: Re: ححححححححححححح Author: عزام حسن فرح Date: 02-07-2009, 09:41 AM Parent: #41
حنين للبلد ...
قال (سيدي) إبن عطاءُ الله السَكندري [ لا يكُن تأخُر أمد العطاء مع الإلحاح في الدُعاء موجِباً لِيأسُك ، فهو الذي ضمِن لك الإجابة فيما يختارهُ لك ، لا فيما تختارهُ لِنفسُك ، وفي الوقت الذي يُريد لا في الوقت الذي تُريد ] إنتهى
وشرح هذِهِ الدُرة الفريدة (سيدي) إبن عُباد في كِتابِهِ (غَيثُ المواهِب العَلِية في شرح الحِكَمِ العَطائِية) ص18
وقال : < فعلى العبد أن يُسْلِم نفسهُ إلى مَولاهُ ، ويعتقِد أن الخَيَرة لهُ في جميع ما بِهِ يتَولاهُ ، وإن خالف ذلِك مُرادِهِ وهَواهُ ، فإذا دعا وطلب مِن مَولاهُ شيئاً يرى أن لهُ فيهِ مصلحة أيقن بِالإجابة لا مُحالة ، قال الله عز وجل [ وقال رَبُّكُمُ أدْعوني أَسْتَجِب لَكُمْ ] ، إذن الإجابة المُطلقة حاصِلة لِكُل داعٍ بِحق حسبما ورد الوعد الصادِق ، إلا أن الإجابة أمْرُها إلى الله تعالى يُعجِلُها متى يشاء ، وقد يكون المنع وتأخير العطاء إجابةً وعطاءً لِمن فهِم عن الله تعالى في ذلِك ، فلم يَيأس العبد مِن فضل الله تعالى إذا رأى منعاً أو تأخيراً ، وإن ألحَّ في دُعائِهِ وسؤالِهِ ، وقد يكون تأخير ذلِك إلى الآخِرة خَيراً لهُ > .
Post: #43 Title: Re: دعــاء .. اللهم أقبل دعائنا وأحسن وقوفنا بين يديكـ يا رب العالمين Author: محمد عبد الماجد الصايم Date: 02-07-2009, 10:29 AM Parent: #42
اللهم يا مؤنس كلّ غريب، ويا صاحب كلّ وحيد، ويا ملجأ كل خائف، ويا كاشف كلّ كربة، أسألك لأن تقذف رجاءك في قلبي حتى لا يكون لي همُ ولا شغلُ غيرك، وأسألك أن تجعل لي من أمري فرجاً ومخرجاً إنك على كل شيء قدير. اللهم هبني الصبر والقدرة لأرضى بما ليس منه بد، وهبني اللّهم الشجاعة والقوة لأغير ما تقوى على تغييره يد، وهبني اللهم السداد والحكمة لأميز بين هذا وذاك. اللهم آت نفسي تقواها, وزكّها, أنت خير من زكّاها, أنت وليّهاومولاها، اللهم إني أعوذ بك من علم لا ينفع, وقلب لا يخشع, ونفس لا تشبع, ودعوة لا يستجاب لها. اللهم إني أعوذ بك من شر ما عملت, ومن شر ما لم أعمل, وأعوذ بك من شر ما علمت, ومن شر ما لم أعلم. اللهم إني أعوذ بك من زوال نعمتك, وتحول عافيتك, وفجاءة نقمتك, وجميع سخطك. اللهم من اعتزّ بك فلن يُذل، ومن اهتدى بك فلن يضِلّ، ومن استكثر بك فلن يقلّ، ومن استقوى بك فلن يضعف، ومن استغنى بك فلن يفتقر، ومن استنصر بك فلن يُخذل، ومن استعان بك فلن يُغلب، ومن توكل عليك فلن يخيب، ومن جعلك ملاذه فلن يضيع، ومن اعتصم بك فقد هُدي إلى صراط مستقيم، اللهم فكن لنا وليّاً ونصيرا، وكن لنا معيناً ومجيرا، إنك كنت بنا بصيرا.
اللهم أقبل دعائنا وأحسن وقوفنا بين يديكـ يا رب العالمين
Post: #44 Title: Re: دعــاء .. اللهم أقبل دعائنا وأحسن وقوفنا بين يديكـ يا رب العالمين Author: محمد البشرى الخضر Date: 02-07-2009, 11:21 AM Parent: #43
أصبحتي كيف يا بلد عسى القافلة فتحت
شروق والله بالأكتر كيفك و الأولاد إن شا الله بخير
Quote: ناس فوق كلكم سلام
عن الناس الفوق كلهم - عدا حموودي - و عليكم السلام يا دكتورة
Post: #45 Title: Re: دعــاء .. اللهم أقبل دعائنا وأحسن وقوفنا بين يديكـ يا رب العالمين Author: GamarBoBa Date: 02-07-2009, 11:32 AM Parent: #43
اها ياحنين... فكت ولا لسة... فكيها ياخ...
برة الموضوع: في حاجة كدة محيراني في البوست ده...امس عايز اعلق ما لقيته ...هسة قمت لقيته..يكون رجع بدعوات ودالصايم؟
في حالة زي دي تقومي تجي اجازة إمكن القفلة دي عشان طولتي من البلد
تسمعي لعقد الجلاد حفل مباشر على الهواء الطلق والطبيعة الخضراء (كورنيش النيل) الرفيرا مثلا
ولو في طريقة تجي راجعة لنفس المكان الصباح وتفطري عند (عوضية سمك) وجبة ولا أروع
و أسأليني اذا قفلت تاني ،،،حا أغير ليك الروشتة
Post: #48 Title: Re: دعــاء .. اللهم أقبل دعائنا وأحسن وقوفنا بين يديكـ يا رب العالمين Author: Emad Abdulla Date: 02-07-2009, 01:46 PM Parent: #47
حاولنا قبالك .. و سيك سيك معلق فيك .. سردبي بس و أرجي الراجيك .
.... بلاش دلع بتاع بنات معاك .
Post: #50 Title: Re: دعــاء .. اللهم أقبل دعائنا وأحسن وقوفنا بين يديكـ يا رب العالمين Author: محاسن أحمد محمد Date: 02-07-2009, 03:37 PM Parent: #48
يا عماد كيفنك شكرا لترحبك بي وكنتة جاياك بي رواقةوفي ألحظة العاوزة أرد على حنين وأقول ليها ياحنين لودايراها تفك أمشى للأرشيف وأقرى حاجة لي عمادعبداللة ألتشكيل كتاب جد لقيتك فى ألبوست أجمل صدفة ياعمدة
فيا حنين أقري لية يا فكت ولاسرحتى بألخلا أوكان سرحتى بألخلا فتشى على جزلوت حتلقية سارح بي هناك
سلام يا حنين انا قافله معاى من شهر 11 الفات يعنى هسه لى 5 شهور و القصه شكلها مقفلة ل 11 الجاى دبريشن باد كونديشن ذى ما قال الشاعر والله و ماطالبانى حليفة اناجادة تحياتى لولدك و اختك واقول ليك قولة اقفلى عليهم
Post: #59 Title: Re: الزول لو قفلت معاه.....يسوي شنو؟ Author: ibrahim kojan Date: 03-27-2009, 00:40 AM Parent: #1
Quote: الزول لو قفلت معاه.....يسوي شنو؟
قولي يا لطيف وتوكلي !
Post: #60 Title: Re: الزول لو قفلت معاه.....يسوي شنو؟ Author: Deng Date: 03-27-2009, 12:06 PM Parent: #59