Post: #8 Title: Re: هيثم صندلوبة وعلي دبشة ! كتر خيركم والله Author: خضر حسين خليل Date: 02-05-2009, 05:00 PM Parent: #7
بالله دة تنكركم مع التناكر يا موسي : أخوك تعبان شديد يشهد الله
ــــــــــــ
كدي بالله عاين للشبابيك الصغار ديل ياخ دي شهدت فيها ليالي عجيبة برد زي البرد ! أنا لي هسي ماعارف أنا فارقت الاجواء النضيفة والهواء المفلتر دة كيف ولي شنو؟ لكن راجعين يا حبيب !
Post: #9 Title: ! Author: محمد عبد الماجد الصايم Date: 02-05-2009, 05:09 PM Parent: #1
قبل يومين لاول مرة اقرا لي قصيدة لحميد مع انو انا كنت مفتكر انو انا مريت علي قصايده كلها اسمها- وريني شن طعم الدروس - وبغنيها فنان مخضرم برضو ما كنت عارف
Quote: وريني شن طعم الدروس ما دام بكانا مشي قطر وكيف ذاتا ترتاح النفوس تقبل قرايتاً في سفر يا يمة حان الامتحان من وقتو بس فاضل شهر ما اظنِي من جور الزمان انجح واجيب ليكم نمر وريني شن طعم الدروس ما دام بكانا مشي قطر وكيف ذاتا ترتاح النفوس تقبل قرايتاً في سفر كيف زاتي يا نبع الحنان انجح من الام السهر عمرك سمعتيلك جبان خاض المعارك وانتصر زينوبة كل ما افتح كتاب القاك في اول سطر القى الجداول والصحاب القى الجناين والتمر في الحصة عقلى انا قام سدر يمه المدرس لو فكر كان يلقى قاعد فوق ككر في الدونكا لسع ما فطر يسمع كليمة يا عشاى واغلى الحكم عند الضجر انا قلبي كلو على جناي وقلب جنايا على حجر والله مش لو كان نهر لو كالني بسيطان بقر ما دام عقيل الجن سدر ما اظنو من عندك حضر بذاتو ابوى تلقاهو قا فاتح كتابو مع الفجر يقرأ ويرتل في كل ما بفهمو الناس الكفر زينوبة كر من حالى كر قاعد لى فوق كيمان جمر غربة وكمان حالاً فقر عذبني قبل اصل القبر الشوق متل شوك الكتر طعن الجسم لمن خدر والله لو ما بنقبل ما كان بفارقك بي شبر زينوبة دنيا الاغتراب خلتني زي ورق الشدر انحت من عدم الشراب عم الاراضى وانتشر الغربة اصلوا طعيمة مر لكني بعقد بالجبر لمن سنين الهم تمر يا ربي الهمني الصبر ياااااااااااااااااااااارب
اهايا وغد انت الليلة براك جيت تهابش..وانا ليلي ده كنت مقاطع الشمال فيه طمبوره ورماله ومجتمعه المدني البقي يظهر ملامحه بقراية شوشتا.. ورايح منه وعن قصد شن طعم الغربة يا خضر ما دام اي غنية بتبكيك واي صورة تجهجك لو كنا زي شعوب الدنيا التانية العندها Vision & Mission كان اغترابنا الليلة اثمر لو كنا بنحبها صحيح الارض ماكنا فارقناها...كان حبتنا ما كان ضاقت علينا...ما كان اتسلطوا علينا تجار الارض وسماسرة السدود يغرقوها سقينا شتولها بـ(الجوز) عشان تثمر....واثمرت قنديلاتنا ربينا بمالها وبالجابتها قرينا..لكن رفسنا نعمتها وهاجرنا ..كنا جاحدين وقليلين صبر ..تعجبنا الحاجة السمحة والبت السمحة ومعلبات كرافت فودز وماكنتوش كواليتي استريت والتوتال الياباني ومسجل خمسة نجوم فيه شريط لمكي علي ادريس وله صديق احمد وكان يقيني وحتي الآن انو مكي في الحفلة ما بغني زي مسجل كبير سوني. ماركات يا خضر...ماركات معمولة باختصاصيين بفهموا في الـ Branding همها انت تشتري وما كانوا قايلنها بتهجر الناس تعيش حياة قاسية؟ انت ضحية ماركات ليس الا حتي وانت تعتنق الاشتراكية كنت سايق ماركة بتمشي بيها اهليتك الجامعة الجنها فليق ومظاهرات حتي الطيب صالح ما غفر لمجتمع الشمال لما رجع ليه مصطفي سعيد بحالته ديك
بس
ومع حميد بقفل معاك هسة ونتلاقي بكرة بعد الغدا في هذا المكان لو ربك مد في الأجال ونبت البينا كان لابد يضبلن ما يضبلن كيف..وانت تركته عز الصيف عذابي معاك اني غمامة وانتي كركي لا محدود
